Category: Uncategorized

Iri tsinda ryashinzwe ku wa 01 Kamena 2021, bashyira hanze indirimbo zirimo nka 'Ally my gyz' ndetse baritegura no gusohora Extended Play (EP) yabo ya mbere bise 'I'm'.

Ryinjiye mu muziki basangamo abakora injyana ya 'Kinyatrap' barimo Bushali n'abandi ndetse na 'Trapish Gang' ikorwa n'abarimo Ish Kevin.

Umuyobozi w'itsinda Ibikomangoma, Ishimwe Hamimu Sadi [Igikomangoma Robbot] yabwiye INYARWANDA ko biyise 'Ibikomangoma' kubera ko gakondo yabo ari i Nyanza ku gicumbi cy'i bwami.

Ati 'Twanze ko amateka azimira, igikomangoma ni izina rikomoka i bwami rikaba ryarahabwaga umwana w'umwami.'

Avuga ko bafite intego yo gukora umuziki urimo umuco nyarwanda. Ati 'Intego dufite ni ugukora umuziki urimo amagambo ya gakondo kugira ngo dusigasire amwe mu magambo y'umuco wacu atazazima tubishyize mu njyana zigezweho.'

Iri tsinda ribarizwamo ibikomangoma (abasore) nka Robbot ari nawe warishinze, Packo, Actrox Masotera, Kevin Backbone, Didrox, Xx runy, Fabbystar, Yankie boi, Desire, Wa kaze, The game p, Stone kick, Sammyloss, Adovin X na Cobra iryana.

Hari kandi ibikomangomakazi nka Gicanda, Cuta pax, Ndabaga, Nickas group, Nyirabyo n'abandi benshi.

Uyu musore avuga ko bafite intego y'uko mu myaka itanu iri imbere azaba afite inzu y'umuziki (Label) kandi 'Ibikomangoma' ari kompanyi y'umuziki ikomeye.

Ati 'Mu myaka itanu iri imbere nk'Umuyobozi Mukuru w'Ibikomangoma ngomba kuzaba mfite Label kandi 'Ibikomangoma’ ari kompanyi ikora umuziki ku rwego rwa Afurika.”

“Dufite inzu zitunganya umuziki byibuze muri buri karere, ubwo tugomba kuba dufite studio 30 n'indi izihagarariye mu Karere ka Afurika y'Iburasirazuba.'

Uyu musore avuga ko bakora nk'itsinda, hakabaho guhuza imbaraga mu muziki, kandi ko banafite n'abashushanya za 'tableau' zigurishwa n'ibindi.

Iri tsinda ribarizwamo abakora injyana zitandukanye, abaririmba, abaraperi, aba Producer b'amajwi n'amashusho n'abandi. Bakora injyana ya Afropop, Drill iharawe n’urubyiruko, Afrobeat n’izindi.

Umuyobozi w'itsinda Ibikomangoma, Igikomangoma Robbot yavuze ko mu myaka itanu bashaka ko 'Ibikomangoma' bizaba ari kompanyi y'umuziki ikomeye muri Afurika

Iri tsinda ribarizwamo abaririmbyi, abaraperi, aba Producer n'abandi bashakaga gushyira itafari ku muziki w'u Rwanda

Nana na Harris

Kammy

Packo

Dj rambo

lion

Kimenyi
 
 Aliane

Chemusah, Agripine na Hamoudu
  

KANDA HANO UREBE AMASHUSHO Y'INDIRIMBO 'ALL MY GYZ' YA ROBBOT IGIKOMANGOMA

“>KANDA HANO WUMVE INDIRIMBO 'KUSHIANA' YA IGIKOMANGOMA ROBBOT NA PACIKO

“>

Umukozi ubungabunga ubuzima bw’intare mu Pariki y’Akagera (Guide), Twizeyimana Emmanuel, asobanura uko intare zororoka.

Agira ati 'Mu gihe cy’ubukonje intare y’ingabo ifata ingore ikayimarana iminsi ibiri, icyo gihe ishobora gukora imibonano mpuzabitsina inshuro ziri hagati 100 na 120'.

Avuga kandi ko iyo ingore irimo gusenzanya n’ingabo ifite uburyo ijya ku ruhande, igahura n’izindi ngabo kugira ngo nibyara zizabashe kurinda abana bayo.

Ati 'Kubera ko ingabo iba irimo kubangurira ingore muri ya minsi ibiri zimarana, irananirwa cyane igasinzira (ingabo). Icyo gihe ingore ihita ihindukira igaha izindi ziri muri iryo tsinda kugira ngo umunsi yabyaye zizarinde abana bayo noneho imwe yasinziriye aho ikangukiye, ikongera ikaza kubangurira ariko ntibimenye ko izindi zayiciye inyuma'.

Intare ibwegeka mu gihe cy’amezi atatu n’igice hanyuma ikabyara abana bari hagati ya babiri na batanu.

Intare zari zarazimiye muri Pariki y’Akagera zongeye kugaruka mu Rwanda mu mwaka wa 2015, zazanywe mu Rwanda ari 7 none ubu zikaba zigeze kuri 45, ari na byo bigaragaza ko habaho gutera akabariro kugira ngo zororoke.

Twizeyimana avuga ko Intare ibeshwaho n’inyama ndetse n’amaraso, igahiga kabiri cyangwa gatatu mu cyumweru, ikabaho imyaka cumi n’ine mu gihe intare y’ingore ibaho imyaka cumi n’itanu cyangwa n’itandatu.

Avuga ko muri iyo myaka intare ibaho ku isi indwara irwara yitwa 'Goutte’ iterwa no kurya inyama nyinshi.

Ati 'Intare y’ingabo ikunda kurwara indwara yitwa Goutte. Icyo gihe iyo iba yonyine irapfa kuko iyo iyirwaye iraremba ntibashe kugenda, rero bisaba ko ngenzi zayo ziyihigira kugira ngo iticwa n’inzara'.

Twizeyimana avuga ko n’ubwo intare ari umwami w’ishyamba ikaba n’inkazi, igira amagufwa yoroshye ku buryo n’abazihiga bazikubitaga inkoni ikomeye mu rubavu, kwirwanaho bikayinanira bakabona kuyifata.

Yongeraho ko izo nyamaswa zibaho mu buryo bungana bityo ntago zivurwa iyo irwaye irapfa.

Ababonye iyo modoka itangira gushya bavuga ko babonye imodoka irimo kugurumana ndetse bakumva n’ibintu biturika.

Umwe muri bo yagize ati 'Njye nari ndimo kuva mu kazi numva ibintu birimo guturika ndebye ku ruhande mbona hari igipangu kirimo kuvamo umuriro mwinshi, tugiye kureba na bagenzi banjye dusanga ni imodoka irimo gushya. Bamwe basakuzaga bavuga ngo bazane ibitaka na kizimya moto byo kuzimya'.

Undi nawe yagize ati 'Twabonye umwotsi tuza twiruka dusanga abantu benshi bashungereye ni uko tuzana umucanga dutangira kunagaho hejuru kuko nta winjiragamo imbere mu gipangu umuriro wari mwinshi, biranga ni uko bahita bahamagara Polisi'.

Undi mu babonye imodoka irimo gushya avuga ko nta kindi cyahiye usibye ko bahise batangira gusohora ibintu munzu, kugira ngo umuriro udafata ibyaba byegereye icyumba kiri hafi y’aho yari iparitse.

Kugeza ubu bivugwa ko nta wakomerekeye muri iyo mpanuka y’umuriro yafashe imodoka ndetse n’icyayiteye ntikiramenyekana, cyane ko na nyirayo ntacyo yifuje gutangaza.

Wakanda Hano ukabasha gukurikira YEGOB RADIO

Tedros Adhanom Ghebreyesus, Umuyobozi mukuru wa WHO

Umuyobozi wa OMS, Tedros Adhanom Ghebreyesus yagize ati 'Mu cyumweru gishize, nibwo twagize umubare munini cyane w’abandura Covid-19 kuva icyorezo cyakwaduka. Gusa tuzi ko icyatumye uwo mubare uzamuka cyane, ari ubukererwe bwabayeho mu bijyanye no gupima mu gihe cy’ibiruhuko byo mu mpera z’umwaka'.

OMS kandi yatangaje ko kubera impamvu zitandukanye, virusi ya Omicron igaragara ko itica cyane nka 'Delta variant’ yayibanjirije, icya mbere bitewe n’ubwiyongere bw’umubare w’abikingiza hamwe na hamwe ku isi , ikindi no kuba hari ibimenyetso bigaragaza ko Omicron yibasira cyane mu mazuru no mu muhogo kurusha uko yibasira ibihaha.

N’ubwo Omicron bigaragara ko idakaze nka Delta, by’umwihariko ku bantu bakingiwe, ariko Umuyobozi wa OMS yaburiye abantu ko badakwiye kwirara.

Yagize ati 'Kimwe n’izindi virusi zabanje, Omicron na yo ituma abantu bajya mu bitaro, kandi inica abantu. Mu by’ukuri ubwinshi bw’abandura iyo virusi umuntu yagereranya na tsunami bwabangamiye cyane inzego z’ubuzima ku isi yose'.

OMS yanavuze ko ubwiyongere bw’abandura Covid-19 mu cyumweru gishize, bwari butandukanye bitewe n’agace kuko ngo imibare yari yikubye kabiri mu bice bya Amerika, mu gihe yiyongereyeho 7 % gusa muri Afurika.

Hazabaho n’izindi virusi

Umuyobozi ushinzwe gahunda yo guhangana n’indwara z’ibyorezo ndetse n’ibiza muri OMS, Dr Michael Ryan, yaburiye abantu avuga ko badakwiye kwibeshya ko Omicron yaba ari yo virusi ya corona yihinduranyije ya nyuma kuko ngo haracyaza n’izindi, 'Haracayri imbaraga nyinshi muri iyi virusi'.

Maria Van Kerkhove, ushinzwe ibya tekinike muri OMS ku bijyanye na Covid-19, yongeyeho ati 'Hari amahirwe makeya cyane ko Omicron yaba ari yo virusi yihinduranyije ya nyuma abantu bazavuga'.

Abo bayobozi bo muri OMS bibukije abaturage ko bagomba gukaza ingamba zo kwirinda no kurwanya icyorezo cya Covid-19, kwinjiza umwuka mwiza mu nzu, guhana intera hagati y’umuntu n’undi no kwambara agapfukamunwa kandi neza.

Wakanda Hano ukabasha gukurikira YEGOB RADIO

Wakanda Hano ukabasha gukurikira YEGOB RADIO

Abanyarwanda n’Abanyamahanga baza ku bwinshi gusengera kwa Yezu Nyirimpuhwe

Umuyobozi w’Akarere ka Ruhango, Habarurema Valens, avuga ko mu rwego rwo gufasha abaza gusengera kwa Yezu Nyirimpuhwe hari imishinga ibiri igiye gushyirwa mu bikorwa harimo kubaka aho abantu basengera no kubaka aho barara n’ahafatirwa amafunguro.

Habarurema avuga ko ku ikubitiro hagiye gutangira icyiciro cya mbere cyo kubaka urugo rukikije aho abantu basengera mu rwego rwo gukomeza kuhabungabungira umutekano, icyo cyiciro kikazatwara asaga miliyoni 150frw kandi ayo mafaranga yamaze kuboneka.

Agira ati, 'Icya mbere kigiye gukorwa ni ukubaka urugo rwiza ku buryo abantu baza gusenga binjira ahantu hameze neza, hazanubakwa Alitari, igice cya kabiri cyo kizajyana no gutunganya aho abantu bashobora gufatira amafunguro n’aho kurara kugira ngo abaturuka hirya no hino baje gusenga babone aho barara'.

Abaturage basanzwe bajya gusengera kwa Yezu Nyirimpuhwe bavuga ko kuba hatari hubatse byagoraga kuko byasabaga kwijyanira intebe zo kwicaraho, ndetse bakicwa n’izuba kuko ntaho kugama imvura n’izuba hahari.

Umubyeyi witwa Mukakalisa avuga ko isengesho ryo kwa Yezu Nyirimpuhwe rimufasha ariko kuba hari hadatunganyije wasangaga nta mutekano usesuye uhari, akavuga ko kuhubaka neza bizarushaho gukurura abaza kuhasengera.

Abasengera kwa Yezu Nyirimpuhwe babangamirwaga no kuba hatubatse

Agira ati, 'Izuba ryatwicaga, imvura ikatunyagira nta hantu ho kugama ariko tukaza kuko twemera ko isengesho aho rikorewe hose rigera ku Mana, kubaka hariya bizatuma twisanzura kandi dusengere ahantu hafite umutekano'.

Umuyobozi w’Akarere ka Ruhango, Habarurema Valens, avuga ko mu gice cya nyuma cyo kubaka kwa Yezu Nyirimpuhwe, hazarebwa uko hasakarwa ibice bimwe na bimwe by’aho basengera kuko ubusanzwe bigoye gusakara ahantu hateranira abantu basaga ibihumbi 60 icyarimwe.

Abizera bahamya ko kwa Yezu Nyirimpuhwe bahabonera ibitangaza birimo gukira indwara zitandukanye z’umubiri, n’iza Roho kuko usanga abantu batandukanye baza kuhasengera harimo n’abanyamahanga batanga ubuhamya bw’uko bakize indwara.