Category: Uncategorized

Rutahizamu wa APR FC akaba na kapiteni wayo, Jacques Tuyisenge yahumurije abakunzi b’iyi kipe ababwira ko nyuma y’imvune yagize ubu yizeye ko shampiyona nisubukurwa azatangira gukina kuko yumva ameze neza.

Jacques Tuyisenge yagize imvune tariki 16 Ukwakira 2021 ubwo ikipe ya APR FC yakinaga umukino ubanza wa CAF Champions League na Etoile du Sahel umukino wabereye i Kigali.

Kuva icyo gihe ntaragaruka mu kibuga ngo akinire APR FC umukino uwo ari wo wose cyane ko n’aho shampiyona ya 2021-22 igeze ku munsi wa 11 atarayikinira umukino n’umwe.

Aganira n’urubuga rw’iyi kipe, yavuze ko ubu ameze neza ku buryo shampiyona nigaruka yiteguye kuzayikina.

Ati' Nibyo koko maze igihe kinini ntagaragara mu kibuga kubera imvune, ariko ubu ndakeka ko nidutangira gukina nzatangira gukina kuko ubu nka 95% meze neza'

Jacques Tuyisenge kandi yakomeje avuga ko akumbuye gukina cyane kuko umupira w’amaguru ari bwo buzima bwe, gusa ngo imvune yari yagize ntacyo yamwemereraga gukora.

Ati' Umupira w’amaguru ni ubuzima bwanjye, rero niyo maze umunsi umwe ntakoze ku mupira mba numva ntameze neza, ni uko imvune nari nagize itanyemereraga kugira icyo nkora na kimwe ariko iyo mba mbasha kugira icyo nkora byari kugorana ko mara iki gihe cyose nta kina'

Yavuze ko shampiyona y’uyu mwaka ari shampiyona ikomeye kandi irimo ihanga kuko buri kipe yiyubatse kandi neza.

Jacques Tuyisenge amaze amezi hafi 3 mu mvune

Ahamya ko shampiyona nisubukurwa na we azaba ari mu kibuga ameze neza

Munezero Aline uzwi nka Bijoux muri filime y’uruhererekane ya Bamenya, yasabwe ndetse anakobwa n’umukunzi we Lionel Sentore.

Ni umuhango wabaye mu gitondo cyo kuri uyu wa Gatandatu tariki ya 8 Mutarama 2022 ukaba wabereye Golden Garden ku i Rebero.

Nyuma y’umuhango wo gusaba no gukwa, byitezwe ko ku gisamunsi cy’uyu wa Gatandatu basezerana imbere y’Imana mu rusengero rwa EAR i Remera, nyuma abatumiwe bakaza kwakirirwa muri Golden Garden, Rebero.

Bakoze ubukwe nyuma y’uko ku mugoroba wo ku wa ya 16 Ukuboza 2021, muri Kigali Serena Hotel, Lionel Sentore yari yamwambitse impeta y’urukundo, ni mu muhango warahuriranye n’isabukuru y’amavuko y’uyu mukobwa.

Bijoux tariki ya 28 Kanama 2020, ni bwo yambitswe impeta ya fiançailles na Benjamin. Mu mpera za Mutarama 2021 yabwiye ISIMBI ko yatandukanye n’umukunzi we nyuma y’uko yasanze hari ibyo badahuza, gusa yahise anemeza ko afite umukunzi mushya.

Lionel Sentore usanzwe uririmba injyana gakondo, akoze ubukwe na Bijoux nyuma y’uko muri 2020 na we yari yambitse impeta Mahoro Anesie umwe mu bakobwa bitabiriye Miss Rwanda 2020.

Bijoux asohowe na basaza be baje kumutanga

Bijoux ashyikirijwe umusaza mukuru ngo na we amutange mu muryango wo kwa Sentore Lionel kuko inkwano bazishimye

Emmanuel Mayaka witabye Imana

Mayaka yamenyekanye cyane i Nyamirambo ubwo yahashingaga inzu yamamaye mu kwerekana Filme n’imipira ya Cine ElMay (Cinema Emmanuel Mayaka), ndetse kugeza ubu yari yarashinze na Ekipe yo gusiganwa ku magare ya Cine ElMay.

Uyu Mayaka yitabye Imana azize uburwayi nk’uko bitangazwa na bamwe mu bo mu muryango we.

Amakuru avuga ko Mayaka yari amaze iminsi avuye kwivuriza muri Repubulika Iharanira Demokarasi ya Congo.

Inkuru y’urupfu rwe, yashenguye benshi mu basanzwe bakunda sinema ndetse n’umupira w’amagueu, kuko uyu mugabo ari mu batangije ibyo kwerekana filime n’imipira yo ku mugabane w’i Burayi.

Aho i Nyamirambo aho yakoreraga ibyo bikorwa bye byatumye yamamara, hahise hafata izina rye, ubu hakaba hitwa kwa Mayaka, ku buryo abahatuye bemeza ko iryo zina ritazavaho n’ubwo yigendeye.

Ibyagaragajwe n’impugucye z’Ikigo OVG gikurikirana iby’ibirunga gikorera mu mujyi wa Goma muri Repubulika Iharanira Demokarasi ya Congo, byerekana ko icyo kirunga kirimo kohereza imyotsi ya SO2 mu kirere, imyuka ibarirwa hagati ya toni ibihumbi 5 na toni ibihumbi 50 ku munsi.

Iyo myotsi icunshumuka mu kirunga ishyushye, iyo igeze mu kirere ihura n’ubukonje igahinduka ivu ikagaruka ku isi yabaye uduce dutoya tugwa ku bimera, mu mazi, ku bikoresho bitandukanye ndetse kubera ubuto bwato tumwe abantu baraduhumeka.

Ubusanzwe imyuka y’ubutabire bwa SO2 iranuka, ikunze kuboneka ahacukurwa peteroli, ahatwikirwa amakara, mu birombe bya Fer, ahashongesherezwa ibyuma no mu myotsi iva muri moteri z’imodoka.

SO2 igira ingaruka mu myanya y’ubuhumekero kandi abahanga bavuga ko atari ibintu biba ako kanya ahubwo igenda yangiza imyanya y’ubuhumekero buhohoro buhoro, kimwe n’imyotsi ikomoka ku bicanwa mu ngo.

Icyo kinyabutabire cyangiza ibihaha bikagira ibibazo byo guhumeka, uko umuntu abana nabyo akagenda agira inkorora, ndetse bikaba byaviramo umuntu kugira indwara ya 'bronchite’ ihoraho.

SO2 igira ingaruka zizahaza abafite indwara ya Asima ndetse uko SO2 iba nyinshi mu bihaha by’umuntu ni ko ituma bidakora neza.

SO2 uko ihura n’amazi ni ko ishobora gukora uburozi buzwi nka H2SO4, igira ingaruka ku binyabuzma.

Abahanga mu buzima bagira inama abatuye ahantu haboneka iyo myotsi kwambara udupfukamunwa n’amazu birinda guhumeka iyo myuka, basaba abantu kwirinda gukoresha amazi y’imvura n’ibiyaga kubera aba yaguyemo iryo vu, bagasaba abantu kugirira isuku ibikoresho byose bakoresha, byaba ibyo mu rugo, ibyo bambaye bigubwaho n’iryo vu, bagasaba abatuye aho rigwa kwirinda kurya imboga n’imbuto zitogeje neza.

Imyuka iva muri Nyiragongo ihagaze ite?

Dr Dushime Derricks, ni impugucye ikurikirana ikirunga cya Nyiragongo, aganira na Kigali Today yatangaje ko n’ubwo abaturiye Nyiragongo babona imyotsi icunshumuka mu kirunga ngo ikomeza ijya mu kirere, ariko kubera imiyaga ihuha akenshi iva mu burasirazuba yerekeza mu burengerazuba ngo bituma imyotsi y’icyo kirunga iterekeza mu Rwanda ahubwo yerekeza mu burengerazuba bwacyo.

Itangazo ryashyizwe hanze n’Ikigo gishinzwe ibidukikije mu Rwanda (REMA), tariki ya 5 Mutarama 2022, cyavuze ko cyafashe ibipimo by’ubuziranenge bw’amazi y’ikiyaga cya Kivu gisanga afite ubuziranenge, na ho umwuka mu Karere ka Rubavu atari mwiza ariko cyongeraho ko 'ntibifitanye isano na Nyiragongo.'

REMA yasabye abatuye mu Karere ka Rubavu kwambara neza agapfukamunwa birinda iyi myuka no kugabanya ibikorwa bakorera hanze, birinda kuba aho ivu rya SO2 ryabageraho.

Umuyobozi mukuru w’ibitaro bya Gisenyi, CSP Dr Tuganeyezu Oreste, avuga ko n’ubwo imyotsi yuzuyemo ubutabire bwa SO2 isohoka mu kirunga cya Nyiragongo, ibitaro bya Gisenyi bitakira abarwayi benshi bafite indwara z’ubuhumekero zikomoka ku myotsi y’ibirunga.

Agira ati 'Indwara turimo tubona ni Covid-19, kandi no mu gihe cy’iruka ry’ikirunga cya Nyiragongo ntazo twabonye cyane, izo turimo tubona ni ibicurane bisanzwe, na ho indwara zijyanye n’umwihariko w’ikirunga ntazo tubona.”

Umuyobozi w’ibitaro bya Gisenyi avuga ko indwara ziboneka cyane ari iz’amaso, izo mu nda, iz’amatwi, indwara zo mu kanwa, hépatite B n’igifu.

Dr Tuganeyezu avuga ko iriya myuka yongera indwara z’ubuhumekero kandi ko iziyikomokaho ntazo babona.

Uwo muyobozi akomeza asaba abaturage kwambara udupfukamunwa no gutwikira ibiribwa n’ibinyobwa.

Ati “Biramutse bibonetse ko iyo myuka iri mu kirere, tugira inama abaturage gutwikira ibiribwa n’ibinyobwa, koza neza imboga n’imbuto no kwirinda kunywa amazi y’imvura kuko iyo imyuka iri mu kirere ihuye n’imvura bikora uburozi bwa H2SO4, kandi iyo acide yakwangiza umubiri vuba vuba. Birinde gutega amazi y’imvura, ariko bagire isuku ku buryo budasanzwe n’ubwo tutaragera kuri icyo kigero cyo gutangaza.”

Dr Tuganeyezu avuga ko imyuka ya SO2 idakangwa no guteka amazi nkuko binshi babikeka, kuko atari microbe ahubwo iyo ihuye n’amazi ikora ubundi burozi.

Igishushanyombonera cy’imitunganyirize y’ibi bishanga kigaragaza ko Umujyi wa Kigali ufite ubuso bungana na kilometero kare 15.76 (20%) bugizwe n’ibishanga hamwe n’imibande.

Muri Kamena 2021, MININFRA yatangaje ko Banki y’Isi n’Ikigega cy’Isi gitera inkunga ibidukikije (GEF), ndetse n’ikigega cyitwa Nordic Development Fund (NDF), byatanze inguzanyo y’Amadolari ya Amerika ya miliyoni 170 (ahwanye n’Amafaranga y’u Rwanda miliyari 170).

Muri ayo mafaranga hakaba haragombaga kuvamo amadolari ya Amerika miliyoni 50 (ni miliyari 50 z’Amanyarwanda) yagenewe kubaka ibikorwaremezo, gutera ibimera bibungabunga ibishanga by’i Kigali no kuzanamo ibisimba bimwe byahacitse kugeza ubu bikiboneka muri Pariki ya Nyungwe.

Umuyobozi muri MININFRA ushinzwe Imiturire n’Imitunganyirize y’Imijyi, Edward Kyazze, yavugaga ko ibishanga byo hepfo y’i Gikondo nka Rwandex na Rwampara kugera i Nyabugogo, ndetse na Gacuriro, Mulindi na Masaka, bigomba gutunganywa mu gihe cy’imyaka itanu uhereye muri Nyakanga 2021.

Kyazze yakomeje agira ati 'Ibishanga byitaweho cyane ubu ni icya Rwandex, Rwampara (munsi ya Cercle Sportif), icya Masaka hafi yo kuri 15, ibizahakorerwa birenze kuhatera ibiti kuko hazashyiirwa ibiyaga, hazashyirwa serivisi zifasha abantu gukora siporo, abakoze ubukwe baze kuhifotoreza. Hazaterwa indabo hazanwe ibinyabuzima birimo inyoni zari zaracitse i Kigali, ibinyugugu,…mbese nk’uko ubibona i Nyandungu'.

Kyazze avuga ko uko amafaranga azajya aboneka ibishanga nk’icya UTEXRWA na Nyabugogo na byo bizatunganywa, ariko icy’ingenzi ari ukubanza gukuramo ibikorwa byose birimo, kugira ngo ibyo bishanga bibashe kwakira no kubika amazi yose ava muri Kigali.

Ikigo REMA ni cyo kiyoboye ibikorwa byo gutunganya ibishanga by’i Kigali, ariko kugeza ubwo twandikaga iyi nkuru nta mukozi waho turabona wo kuduha ibisobanuro birenze ibya MININFRA.

Ubwo uyu mushinga watangiraga mu mwaka ushize muri Nyakanga, MININFRA yavugaga ko miliyoni zigera ku 120 z’Amadolari ya Amerika yasigaye nyuma yo gukuramo 50 yo gutunganya ibishanga by’i Kigali, azakoreshwa mu guteza imbere imijyi ya Huye, Muhanga, Rusizi, Rubavu, Nyagatare na Musanze.

Inkunga yatanzwe na Banki y’Isi kugira ngo ivugurure Kigali n’imijyi itandatu iwunganira, yaje ari icyiciro cya kabiri cy’umushinga wiswe 'Rwanda Urban Development (RUDP)’ uzamara imyaka itanu kuva muri 2021-2025.

Icyiciro cya mbere cya RUDP, Banki y’Isi yari yagihaye amadolari ya Amerika agera kuri miliyoni 100, aho kuva muri 2016 kugera muri 2021 Kigali yubatswemo imihanda yo mu makaritiye ireshya na kilomero 54.

Mu itangazo rigenewe abanyamakuru, ryashyizwe ahagaragara ku wa Gatanu taliki 7 Mutarama 2022, Umunyamabanga mukuru wa EAC, Hon. Dr Peter Mathuki, yavuze ko mu gihe akarere gakomeje guhangana n’icyorezo cya Covid-19, ari ngombwa gukuraho inzitizi ku bucuruzi bwambukiranya imipaka ya EAC, kuko bihungabanya inyungu zihuriweho mu karere, yongeraho ko ibihugu binyamuryango bigomba gushyira imbere uburyo bwashyizweho bwo guhuza ibikorwa mu gukemura iki cyorezo.

Dr Mathuki yagize ati “Guhuza ikiguzi cy’amafaranga yo gupima Covid-19 hamwe n’igihe cyo gutegereza ibisubizo bya Covid-19, ni ngombwa kugira ngo byoroshye ubucuruzi no kugabanya ibiciro mu gukora ubucuruzi.”

Ibi bije nyuma yuko ibikorwa by’ubucuruzi bwambukiranya umupaka wa Busia na Malaba ku ruhande rwa Kenya na Uganda, byahungabanyijwe n’izo nzitizi.

Uyu mupaka uri ku ruhande rw’umuhora wa ruguru ukaba ugaburira u Burundi, Repubulika Iharanira Demokarasi ya Kongo, u Rwanda na Sudani y’Amajyepfo.

Dr. Mathuki yashimangiye ko hakenewe ko ibihugu binyamuryango bikwiye kwemeza ikoreshwa rya EACPass, bikagabanya igihe gitakarira ku mipaka.

Ati 'EACPass yinjijwe mu buryo butaziguye mu bubiko rusange bw’ibihugu bitandatu (6) ndetse kandi Laboratoire z’ibihugu zemewe gusa, ni zo zikora ibizamini bya PCR ku bagenzi. Ibi ni ibyerekana icyizere mu bihugu byose binyamuryango'.

Mathuki yakomeje avuga ko Kugeza ubu, hari ibihugu binyamuryango bya EAC byarangije guhuza uburyo bwa tekiniki za Laboratoire zemewe mu Muryango kuri EACPass, kandi ibyemezo by’ikoranabuhanga byemewe ku mipaka mu karere kose mu koroshya urujya n’uruza rw’abaturage ba EAC.

Kugeza ubu, ikoranabuganga rya EACPass ryatangiye gukoreshwa n’ibihugu by’u Rwanda, Uganda n’u Burundi mu gihe ibindi bihugu bigize Umuryango nabyo biyigeze kure kugira ngo bigendane n’ibindi.

Inama ya 21 y’Abaminisitiri ishinzwe ubuzima yateranye ku ya 10 Ukuboza 2021, yemeje ko ishyirwaho rya EACPass ari urubuga ruzafasha mu koroshya urujya n’uruza rw’abagenzi bose mu karere no hanze yako, ndetse inategeka ibihugu binyamuryango bya EAC koroshya ishyirwa mu bikorwa no kuyikoresha.

EACPass ni uburyo bw’ikoranabuhanga bufasha abagenzi bambukiranya imipaka, cyane cyane abatwara imodoka zikoreye ibicuruzwa kutongera kwipimisha Covid-19 ishuro zirenze imwe, cg kugaragaza ko bikingije, ikaba ihuza ibihugu byose bya EAC bikagabanya igihe cyo gutinda kugenzura ibyemezo bya Covid-19 hamwe no gukingira abagenzi.

Mayaka Emmanuel washinze ikipe y’amagare ya Cine Elmay ndetse n’inzu yerekana sinema n’imipira yitabye Imana.

Ku munsi w’ejo hashize ku wa Gatanu nibwo uyu mugabo wari ikimenyabose muri Kigali cyane mu Biryogo aho yakoreraga yitabye Imana azize uburwayi.

Ushobora kuba utazi Mayaka ariko 'Kwa Mayaka' mu Biryogo abantu benshi barahazi, aho niho uyu mugabo yakoreraga yekerekana filime n’imipira y’i Burayi.

Uyu mugabo ni we washinze ikipe ya mbere y’amagare mu Rwanda ari yo Cine Elmay yashinze mu myaka ya 1980 ndetse n’ishyirahamwe ry’umukino w’amagare mu Rwanda ryigeze gukorera mu nyubako ye.

Mayaka yitabye Imana

Inyubako yo kwa Mayaka