Category: Uncategorized

Source : https://www.kigalitoday.com/ubuzima/indwara/article/covid19-abantu-9-bitabye-imana-abanduye-bashya-babonetse-ni-758

BakersNation yakoze iki gikorwa mu minsi mikuru ya Noheli n’Ubunani na nyuma yaho gato mu guhesha ishema abakiriya bayo no kwifatanya nabo mu minsi mikuru. Iyi kompanyi, yasuye abahagarariye abakiriya bayo b’imena, ibagezaho impano ya Cake yiswe iy’iminsi mikuru (Season Greatings Cake). Ni igikorwa ubona cyishimiwe na benshi nk’uko bigaragara mu mafoto turi bubagezeho munsi y’iyi nkuru.

INKURU WASOMA: Petersbakers yahinduye izina yitwa BAKERSNATION inadabagiza abashaka Cake z’ubukwe no kwiga kuzikora

BakersNation iributsa abantu bose ko burya Cake (umutsima wa kizungu) idakoreshwa gusa mu birori, ahubwo kuri ubu abasirimu bayikoresha mu ngo zabo mu buzima bwa buri munsi bakaba bayikoresha nk’ifunguro rya mu gitondo ndetse banakayikoresha nka Deseri ku yandi mafunguro. By’umwihariko muri iyi minsi mikuru yo gutangira umwaka mushya, benshi bari gukoresha Cake nk’impano ku nshuti zabo n’imiryango yabo. Burya nugenera Cake inshuti cyangwa umuryango wawe uzaba ubatangije umwaka neza.

BakersNation mu gikorwa cyo gushimira abakiriya bayo b’imena

BakersNation yahoze yitwa Petersbakers, imaze kuba ubukombe mu gukora cake no mu gutanga amahugurwa yo kuzikora. Iyi kompanyi irashimira buri umwe wese wayibereye umukiriya mu bihe bishize ndetse n’ubu, ikamwifuriza guhirwa cyane muri uyu umwaka mushya wa 2022, ariko by’umwihariko abayigannye cyane inshuro nyinshi, bo yabageneye impano ya Cake yiswe iyi minsi mikuru (Season Greatings Cake).

Ku bijyanye n’abantu bashaka kurahura ubumenyi bwo gukora cake, BakersNation yatangaje ko yatangiye kwakira Abanyeshuri bashya mu mahugurwa y’ukwezi kwa Mutarama (January intake). Aya mahugurwa amara amezi atatu ari kwirahirwa bikomeye dore ko benshi mu bayasoje bamaze gushinga kompanyi zabo bwite, abandi bakaba barabonye akazi mu bigo bikomeye mu gihugu bitanga zerivisi zirimo no gukora cake.

BakersNation yatangiye kwakira abashaka kwitabira amahugurwa yo gukora cake

Akandi gashya BakersNation yinjiranye mu mwaka wa 2022, ni akitwa ‘Promo code’ aho umuntu wese ubishaka azajya ahabwa iyi Code nawe akayibwira inshuti ze maze yazana abakiriya 10 bakoresha cake, BakersNation ikamugenera igihembo cya Cade nziza cyane ifite agaciro kanini. Umuntu wahawe iyi code, asaba abakunzi be yabwiye code ye (iba igizwe n’imibare) kujya muri BakersNation bakabwira umukozi wayo ubakiriye iyi Code ye kugira ngo nabo (abakiriya) babigiriremo inyungu yo kugabanyirizwa igiciro.

Kubona iyi ‘Promo Code’ ni ubuntu ku muntu wese ubyifuza, gusa banafite indi Code yitwa ‘BakersNation Code’ bagurisha amafaranga ibihumbi icumi (10,000 Frw) aho umuntu uyiguze aba yemerewe Cake ebyiri z’ubuntu mu mwaka – ku munsi w’isabukuru ye y’amavuko no ku isabukuru y’umukunzi we. Icyakora BakersNation code bayitanga ku buntu ku muntu wese ukoresheje cake y’ubukwe.

BakersNation yatangije uburyo bushya bwa Promo Code

BakersNation ugenekereje mu Kinyarwanda bishatse kuvuga ‘igihugu cy’abakora cakes. Yahoze yitwa PetersBakers iza guhindura izina. Bakorera i Remera mu mujyi wa Kigali hafi na Zigama CSS, ndetse n’i Rubavu aho bita mu Kizungu ahateganye na Army Shop bamwe biza Zigama CSS ya Rubavu. Ukeneye serivisi muri BakersNation wabahamagara kuri telefone ikurikira: +250786048392 (Kigali) na +250789944444 (Rubavu).

Umwe mu bakiriya b’imena ba BakersNation yishimiye cyane impano yahawe

Muri BakersNation umukiriya ni Umwami

BakersNation yagejeje impano ku bakiriya bayo ibifuriza umwaka mushya wa 2022

BakersNation yazirikanye abakiriya bayo b’imena mu ntangirizo za 2022

Bishimiye cyane impano bahawe na BakersNation mu kubifuriza umwaka mushya

Umubyeyi w’umuhanzi Mr. Kagame ubwo yashyikirizwaga impano na Yves Shema Umuyobozi Mukuru wa BakersNation

BakersNation ni yo yakoze umutsima (Cake) wakoreshejwe ubwo MTN Rwanda yamurikaga ku mugaragaro imodoka zikoresha amashanyaraza

Cake y’agatangaza yakorewe muri BakersNation ni yo yakoreshwejwe mu gikorwa cya MTN Rwanda

BakersNation ikorera muri iyi nyubako iherereye i Remera hafi na Zigama CSS

BakersNation iri kwandika abashaka kwiga gukora Cake mu kwezi kwa Mutarama

Cake z’agatangaza zijyanye n’igihe nta handi zibarizwa uretse muri BakersNation

Source : https://inyarwanda.com/inkuru/113363/bakersnation-yagejeje-impano-ku-bakiriya-bayo-bimena-inatangaza-gahunda-nshya-izanye-ya-pr-113363.html

Madamu wa Perezida w'u Burundi,Angeline Ndayishimiye yashyize hanze amafoto ari kokereza ibigori umushyitsi wamugendereye aho yemeje ko yarimo kwiyibutsa ibyahise.

Abinyujije ku mbuga nkoranyambaga,Madamu Ndayishimiye yashyize hanze amafoto n'ubutumwa ari kokereza ibigori umushyitsi w'umuzungu wari wamusuye.

Abinyujije kuri Facebook yagize ati “Ubuzima,cyane cyane ibikorwa byacu byinshi, bidutera kwibagirwa ibinezeza by'ingenzi kandi byoroshye mu buzima bwa buri munsi. Nishimiye gusangira akanya k'ubushuti n'umushyitsi wanjye washimye cyane uko Abarundi bakira abashyitsi.”

Madamu Ndayishimiye akunze kugaragara mu bikorwa byo gusabana n'abaturage yaba gusangira nabo,kubahahira n'ibindi.

Muri Gashyantare2020, Madame Ndayishimiye yashinze umuryango ufasha mu iterambere ry'abagore, uburezi, n'ubuzima, witwa Bonne Action B.A Umugiraneza Foundation.

Madamu Ndayishimiye yagiye afasha ababaye yaba mu bitaro n'abakeneye ubufasha butandukanye.

Source : https://umuryango.rw/amakuru/mu-mahanga/ubuzima/article/umufasha-wa-perezida-w-u-burundi-yagaragaye-ari-kokereza-ibigori-umushyitsi

Perezida Kagame yakiriye mu biro bye Minisitiri ushinzwe Umuryango wa Afurika y'Iburasirazuba, Urubyiruko, Umuco, na Siporo mu Burundi, Amb. Ezéchiel Nibigira, bagirana ibiganiro byihariye mu kunoza umubano w'ibihugu byombi.

Umukuru w'Igihugu yakiriye muri Village Urugwiro Minisitiri Amb. Ezéchiel Nibigira n'itsinda ayoboye kuri uyu wa Mbere, tariki ya 10 Mutarama 2022.

Perezidansi y'u Rwanda ibinyujije ku rukuta rwa Twitter yanditse ko iri tsinda ryagejeje kuri Perezida Kagame ubutumwa bwa Perezida Évariste Ndayishimiye.

Bagize bati ” Kuri iki gicamunsi muri Village Urugwiro, Perezida Kagame yakiriye intumwa ziyobowe na Minisitiri w'Uburundi ushinzwe ibikorwa bya EAC, Urubyiruko, Umuco na Siporo, Amb. Ezéchiel Nibigira,n'ubutumwa bwa Perezida Evariste Ndayishimiye. Ibiganiro byibanze ku gushimangira umubano w'ibihugu byombi.”

Ibi biganiro byitabiriwe n'abarimo Minisitiri w'Ububanyi n'Amahanga n'Ubutwererane, Dr Biruta Vincent n'Umuyobozi ushinzwe Ubutasi bwa Gisirikare mu Ngabo z'u Rwanda (RDF), Brig Gen Vincent Nyakarundi.

Ubu butumwa bwa Perezida Ndayishimiye buje nyuma y'aho kuwa 27 Ukuboza 2021, Perezida Ndayishimye yasengeye u Rwanda n'ibihugu byo mu Karere asaba ko byagira amahoro.

Mu isengesho rye yakoze apfukamye, we n'umugore we bazamuye ibendera ry'u Burundi agira ati 'Dusabiye umugisha igihugu cy'u Rwanda n'abayobozi bacyo, Mana ubahe kugendera mu nzira zawe, mwuka wera agumane nabo kugira ngo tugira abaturanyi beza.'

Kuva Perezida Ndayishimiye yajya ku butegetsi mu 2020 hagiye hagaragara impinduka nziza ku kuzahuka k'umubano w'u Rwanda n'u Burundi ndetse hakaba hari icyizere ko mu myaka ya vuba ibihugu byombi bizongera bikagirana imigenderanire n'ubuhahirane.

Umubano w'u Rwanda n'u Burundi wajemo agatotsi kuva mu 2015, ubwo nyakwigendera Nkurunziza Pierre yari ku butegetsi.

Kuva icyo gihe inzego zose zagiye zikora ibishoboka byose ngo ibi bibazo bikemurwe ariko bikagenda biguru ntege.

Source : https://umuryango.rw/amakuru/mu-rwanda/politiki/article/perezida-kagame-yakiriye-intumwa-ya-perezida-ndayishimiye-w-u-burundi

Ikipe ya Senegal yuzuyemo abakinnyi bakina mu makipe akomeye i Burayi yatsinze Zimbabwe bigoranye igitego 1-0 kuri peneliti yinjijwe ku munota wa nyuma w'inyongera[uwa 6] na rutahizamu Sadio Mane.

Muri uyu mukino wo mu itsinda B wari utegerejwe na benshi kubera amatsiko bari bafitiye Senegal irimo ibyamamare birimo Sadio Mane,Gana Gueye n'abandi.

Kwihagararaho gukomeye kwa Zimbabwe amaherezo ntacyo kwatanze kuko Sadio Mane yabatsinze penaliti ku munota wa wa nyuma amanota yose uko ari atatu ajya kuri Senegal muri iyi mikino itangira AFCON 2021.

Myugariro Kelvin Madzongwe niwe wakoze n'ukuboko umupira hatangwa penaliti yavuyemo igitego.

Senegal yatangiye umukino neza, ariko yari ikipe nziza itazi kubyaza umusaruro amahirwe ibonye byatumye igorwa cyane.

Warriors yarinze neza izamu igice cya kabiri, kugeza kuri iriya penaliti yabimye amanota.Senegal yakinnye uyu mukino ibura abakinnyi benshi, barimo kapiteni Kalidou Koulibaly na Edouard Mendy bose kubera Covid.

Mu wundi mukino wabaye mu itsinda C ikipe ya Maroc yatsinze Ghana igitego 1-0 cyatsinzwe na Soufiane Boufal ku munota wa 83.

Iyi Ghana yari mu makipe akomeye mu myaka ishize,yagaragaje urwego rwo hasi muri uyu mukino wa mbere.

Guinea yo mu itsinda B yatsinze Malawi igitego 1-0 cyatsinzwe na Issiaga Sylla ku munota wa 35 w'umukino.

Source : https://umuryango.rw/imyidagaduro/imikino/article/afcon2021-senegal-iri-mu-zihabwa-amahirwe-yo-gutwara-igikombe-yikuye-mu-menyo

Ishyirahamwe ry'Umupira w'Amaguru mu Rwanda (FERWAFA) ryemeje ko Shampiyona y'Icyiciro cya Mbere izasubukurwa ku wa 15 Mutarama 2022 hakinwa umunsi wa 12 nyuma y'iminsi isubitswe.

FERWAFA yemeje kandi ko amakipe azajya apimwa ku buntu n'Ikigo cy'Igihugu cy'Ubuzima (RBC) ku munsi w'umukino ariko mu myitozo amakipe azirwanaho

Umunyamabanga Mukuru w'Umusigire w'Ishyirahamwe Nyarwanda ry'Umupira w'Amaguru, Iraguha David, yabwiye IGIHE dukesha iyi nkuru ko bitarenze kuri uyu wa Mbere, amabwiriza avuguruye ashyikirizwa amakipe mu gihe Shampiyona izasubukurwa tariki ya 15 Mutarama 2022.

Ati 'Ikigezweho ni ugufata amabwiriza mashya tukayahuza n'ayari asanzwe kandi uyu munsi arara ahawe amakipe. Imyitozo uyu munsi irasubukurwa, ariko Shampiyona izagaruka tariki ya 15 Mutarama. Bazakomereza aho bari bageze, ni ku munsi wa 12.'

Ku wa Gatandatu, tariki ya 8 Mutarama, ni bwo Minisiteri ya Siporo yatangaje amabwiriza mashya akomorera imyitozo n'amarushanwa bigengwa n'ingaga za siporo, isaba ko ahuzwa n'ay'izo ngaga ajyanye no kwirinda COVID-19.

Ubwo Shampiyona yasubikwaga mu mpera za 2021, Kiyovu Sports yari ku mwanya wa mbere n'amanota 24 mu mikino 11 yari imaze gukinwa, irusha inota rimwe APR FC ya kabiri ariko ifite ibirarane bibiri.

Uko amakipe azahura ku munsi wa 12 wa Shampiyona:

Etincelles FC vs Marines
Rayon Sports vs Musanze FC
AS Kigali vs Rutsiro FC
Espoir FC vs Etoile de l'Est
Kiyovu Sports vs APR FC
Gorilla FC vs Bugesera FC
Gasogi United vs Gicumbi FC
Mukura VS vs Police FC

Source : https://umuryango.rw/imyidagaduro/imikino/article/ferwafa-yatangaje-igihe-shampiyona-izagarukira

Umuhanzi Fireman uherutse gusezerana imbere y'amategeko n'umukunzi we, abinyujije ku rukuta rwe rwa instagram yabwiye umukunzi we akamuri ku mutima. Ni nyuma yuko Fireman yari amaze gushyira hanze imwe mu mafoto ye n'umukunzi we.

Akimara gushyira hanze iyi foto, Fireman yayiherekesheje amagambo agira ati 'A Gift from Almighty A Blessing from Heaven A Love of my Life A Wife of Mine… I love you so much my Charly Cc @kaberacharlotte'.

Source : https://yegob.rw/ibyo-fireman-vayo-yabwiye-umugore-we-nyuma-yo-gusezerana-kubana-nawe-akaramata/

Iribagiza Joy, Umufasha wa Yannick Mukunzi, abinyujije ku rukuta rwe rwa instagram yabwiye umugabo we amagambo akomeye amushimira ko yamukunze ndetse nuko akomeje kumwitaho. Ni nyuma yuko Joy yaramaze gushyira hanze ifoto ye ikurikira ari kumwe na Yannick Mukunzi.

Nyuma yuko Joy ashyize hanze iyi foto yayiherekesheje amagambo agira ati 'To the most important person in my life 'My Husband' thanks for loving me this much, caring so much and thanks for making sure that i am okay and i am happy am really so thankful to have you.❤️❤️❤️❤️ @mukunziyannick #mrs_mr_mukunzi'.

 

Source : https://yegob.rw/amagambo-umugore-wa-yannick-mukunzi-yamubwiriye-kuri-instagram-niyo-agiye-gutuma-abasore-benshi-bashaka-abagore/

Kugona ni ikibazo gikomeye gikunze kwibasira cyane abakuze, bivugwa ko abagera kuri 45% bakunze kugira iki kibazo. Bibangamira cyane abo muryamanye, bikaba bishobora no gutuma uhera umwuka mu gihe usinziriye (ibi aribyo bitera kuryama nabi, ukabyuka umutwe ukurya) bikaba byakurura indwara zikomeye z'umutima.

Nubwo hari imiti itandukanye, yamamazwa ko ivura kugona, si byiza kuyikoresha utaragana kwa muganga ngo usuzumwe neza.

Niba nawe uri mu bagira ikibazo cyo kugona cg uzi uwawe ukigira. Tangira ukoreshe ubu buryo busanzwe bworoshye .

Hindura uburyo uryamamo

Niba uryama ugaramye (ni ukuvuga ureba hejuru), bituma ururimi rwawe no mu nkanka byegerana cyane bigasa n'ibifunze umuhogo, akaba aribyo bitera kugona cyane. Ushobora kuryamira uruhande rumwe mu rwego rwo kwirinda iki kibazo.

Irinde kunywa inzoga

Kunywa inzoga kimwe n'ibindi bituma usinzira cyane, bituma imikaya yo mu muhogo yirekura cyane, bikaba byatuma ugona cyane.

Kuzinywa amasaha 4 cg 5 mbere yo kuryama byongera kugona cyane. Niba usanzwe ufite iki kibazo ni ngombwa kwirinda inzoga mbere yo kuryama.

Gira imigenzo myiza mbere yo kuryama

Imigenzo mibi mbere yo kuryama ishobora kugira ingaruka nk'izi nzoga, nkuko abahanga babyerekana. Kumara amasaha menshi utararyama, bivuze ko ujya kiuryama urushye cyane.Iyo uryamye urushye cyane, bitera imikaya kwirekura cyane, bityo ukagona.

Niba urushye cyane cg umaze igihe kirekire utararyama, mbere yo kuryama ushobora kubanza koga, bizakurinda kugona cyane.

Ugomba kugabanya ibiro

Niba wariyongereye ibiro ugatangira kugona birumvikana ko ariyo mpamvu yabiguteye, icyagufasha ni ukubigabanya.

Gusa nubwo abantu babyibushye aribo bagona cyane, nyamara hari n'abato bagona. Bivuze ko kugabanya ibiro bifasha bamwe, atari bose.

Mu gihe ubyibushye cyane, imikaya yo mu ijosi nayo yiyongera ubunini bigatuma umwenge w'umuhogo uba muto, bishobora gutera kugona mu gihe usinziriye.

Kunywa amazi cg ibindi binyobwa bihagije mbere yo kuryama

Kunywa ibyo kunywa birimo n'amazi bishobora kugufasha guhagarika kugona.Amatembabuzi aba mu myanya y'ubuhumekero no mu mazuru, arakomera cyane iyo umaze igihe utanywa amazi, ibi bishobora kongera ikibazo cyo kugona.

Muri rusange igitsina gore, bagomba kunywa amazi litiro 2.5 ku munsi (aha habariwemo n'ibindi binyobwa), abagabo bakanywa litiro 3.5

Sukura mu mazuru, aho umwuka uca.

Niba ugira ikibazo cyo kugona gitewe no gufungana mu mazuru, kuhasukura neza bishobora kugufasha kwirinda kugona.

Iyo mu mazuru hafunguye neza, bifasha umwuka gutambuka neza bikakurinda iki kibazo.

Mu gihe ufite ikibazo cyo gufungana mu mazuru, mbere yo kuryama, ushobora koga amazi ashyushye mbere yo kuryama, bizagufasha gufunguka ndetse bikurinde kugona uryamye.

Hindura imisego uryamaho

Ibitumuka mu cyumba ndetse no ku musego, bishobora kugutera kugona.

Ni ngombwa guhindura amashuka, ugasukura mu cyumba, ndetse ugahindura n'imisego kenshi gashoboka mu rwego rwo kwirinda kugona.

Iyo umukungugu cg utundi dutumuka turi mu musego tubaye twinshi, bishobora kugutera allergies no gufungana, ibi kandi bishobora guterwa n'inyamaswa ziba mu nzu nk'ipusi cg imbwa byose bishobora kugutera allergies no gufungana cyane.

Source : https://yegob.rw/hita-ukora-ibi-bintu-bwangu-niba-ukunda-kugona-mu-gihe-usinziriye/

Umuhanzi The Ben umaze kubaka izina murubando rwa muzika hano mu Rwanda yumvikanye kuri Radio mu kiganiro Sunday Night asubiza abibaza ikibazo cyuko Indirimbo ye yagiye kuri Channel ya Diamond Platinumz wo muri Tanzania.

Ni ikiganiro byumvikanako yakoze ahamagawe kuri Telefone. Umunyamakuru Abanza kuramutsanya na The Ben hanyuma agahita kwikubitiro amubaza ikibazo kiri kwibazwa nabantu benshi cyuko Indirimbo ye 'Why' yakoranye na Diamond yagiye ku mbuga za Diamond. The Ben nawe amusubiza mwijwi rituje wumvako ririmo uburakari avugako atabona uko agisuboza adashyizemo uburakari ati ndetse nundi wese ukibaza Hari ibindi agamije.

The Ben niwe muhanzi was kabiri wumunyarwanda ukoranye Indirimbo na Diamond nyuma yiyo Mico The Best yakoranye nawe nubwo atageze ku rwego ruhambaye.

Source : https://yegob.rw/the-ben-mu-burakari-bwinshi-yasubije-abibaza-impamvu-indirimbo-ye-yagiye-kuri-channel-ya-diamond/