Category: Uncategorized

Umukinnyi wa filime nyarwanda Nana nk'izina akoresha muri film yamenyekenyemo cyane ya City Maid kuri ubu uherereye ku mugabane w'iburayi aho ari kumwe n'umukunzi we.

Mu minsi myinshi ishize aba bombi bamaze kwemeza ib'urukundo rwabo bakomeje gushyira hanze amafoto yabo bombi bigaragarira buri wese ko bari mu rukundo.

Kuri post yashyize hanze uyu munsi, Nana yashyizeho udutima tubiri ku ifoto y'aba bombi maze abafana babasha ubutumwa bwiza bwinshi,

Ifoto

Ubutumwa bw'abafana ba Nana bamuhaye ubutumwa bwiza !

Source : https://yegob.rw/nana-wo-muri-city-maid-yashyize-hanze-ifoto-abafana-bacika-ururondogoro-amafoto/

Umuryango w'abantu batandatu baguye mu mpanuka ikomeye yo mu muhanda wa Kumasi-Bibiani muri Ghana nyuma yuko imodoka yabo ya Honda Civic yaturitse ipine ya offside hanyuma igwa mu ruzi ku ya 8 Mutarama 2021.

Umuyobozi wa Polisi mu karere ka Ashanti, umuyobozi mukuru wa MTTD, Adu-Boahen yemeje ibyabaye ku munyamakuru wa EIB News 'umunyamakuru w'akarere ka Ashanti, Isaac Justice Bediako.

Ikinyamakuru Starrfm.com.gh cyatangaje ko inshuti magara yumuryango warimbutse yagize iti 'bitabiriye ubukwe bwa muramu wa Eunice (uwo ni mushiki wumugabo we) maze bagwa mu manuka'.

Uwatanze amakuru yongeyeho ati: 'Bari batandatu (6) mu modoka kandi bose ntibashoboye kuyirokoka. Eunice, umugabo, nyina wa Eunice, umwana wabo nabandi bana babiri. Bari bagiye mu bukwe bitabye Imana, mu rupfu rutunguranye. Umugabo yagerageje kurenga abona indi modoka ije. Bagerageza kunyeganyega, bageze ku ruzi rwegereye umuhanda bararohama. '

Source : https://yegob.rw/biteye-agahinda-impanuka-yimodoka-yarimbuye-umuryango-wabantu-batandatu/

Hari ibintu binyuranye wakora kugirango urwanye impumuro mbi ishobora kuza mu gitsina. Muri byo harimo kunywa amazi, gukoresha bicarbonate, apple cider vinegar n'ubundi buryo bunyuranye.

Nyamara kandi nanone nkuko bihora bivugwa 'kwirinda biruta kwivuza'. Nubwo hari uburyo bunyuranye wakoresha mu kwivura iyo mpumuro mbi mu gihe uyifite, ariko nanone hari byinshi binyuranye wakora kugirango wirinde iyo mpumuro mbi itaraza.

Ibyo wakora ukirinda impumuro mbi mu gitsina

1.Ambara imyenda ikurekuye n'amakariso akoze muri cotton

Iyi ngingo usanga abantu benshi b'igitsinagore batayubahiriza kuko aho kwambara imyenda itabegereye ahubwo usanga biyambarira imyenda ya kabana ku buryo wagirango ibadodeyeho. Iyi myenda nubwo waba uyikunda nyamara umenye ko idatuma uruhu rubasha kuruhuka no guhumeka neza ndetse no mu myanya yawe ndangangitsina hagahora icyunzwe umwuka mwiza ntuhagere. Ikariso nazo zidakoze muri cotton zibuza umwuka kuba wagera aho uyambaye bityo umwuka uhari ukahaguma ari nako uzamura impumuro mbi.

Gerageza rero kwambara imyenda itagufashe cyane kandi ujye wibuka guhindura ikariso yawe byibuze buri masaha 12, kuko bibuza ko hari bagiteri zindi zaza zikurikiye icyuya nuko bigakora impumuro mbi.

2.Niba uvuye muri siporo hita uhindura imyenda

Uko ukora siporo niko ubira icyuya by'umwihariko kiza mu kwaha, no mu myanya ndangagitsina. Iyo ukomeje kwambara ya myenda rero bituma cyacyuya kidakama nuko impumuro mbi igakomeza kwiyongera.

Kandi mbere yo guhindura imyenda ibuka kubanza koga wihanagure neza wumuke. Ibi bizakurinda gutuya

3.Irinde umubyibuho udasanzwe

Nubwo wenda utakumva aho bihuriye nyamara biragoye kubona umuntu ubyibushye cyane ngo areke kubira ibyuya. Uko rero abira ibyuya niko za bagiteri zikomeza gukora, nuko bikabyara impumuro mbi.

Rero kugabanya ibiro bizatuma utabira ibyuya cyane bityo bikurinde kuba wazana impumuro mbi mu gitsina.

4.Irinde imiti isukura mu gitsina

Nubwo byitwa ubusirimu, nyamara gukoresha imiti inyuranye yakorewe gusukura mu gitsina nta kintu kinini bicyemura ahubwo byongera ibyago byo kuzana impumuro mbi mu gitsina. Ubusanzwe uko igitsina cy'umugore giteye cyo ubwacyo cyikorera isuku. Iyo ukoresheje ya miti yoza mu gitsina burya wangiza bagiteri nziza nka lactobacilli zigenewe kukurinda indwara zinyuranye

Si ibyo gusa kuko bishobora no gutera kumagara mu gitsina. Rero iyi miti yigendere kure.

5.Gira ibyo kurya ugabanya cyangwa wirinda

Hari ibyo kurya binyuranye bituma pH yo mu mubiri ihinduka kandi iyo ibi bibayeho bituma bagiteri ziyongera ku buryo budasanzwe

Indwara ya Candida ni imwe mu ndwara zikunze guterwa nibyo umuntu aba yariye nuko imiyege iyitera ikiyongera (kuko nubundi uba uyifite ariko iyo yiyongereye nibyo bitera indwara). Akenshi ibinyasukari binyuranye niyo soko yo kororoka kwa zo.

Niba usanzwe ujya ugira ikibazo cyo kuba wagira impumuro mbi mu gitsina cyangwa zimwe mu ndwara zifata mu gitsina irinde isukari yo mu ruganda n'ibyo irimo byose, inzoga n'ibikomoka ku ngano byose ahubwo urye imboga n'imbuto nyinshi bizakurinda.

Src: umutihealth

Source : https://yegob.rw/mukobwa-mugore-sobanukirwa-uko-wakwirinda-kuzana-impumuro-mbi-mu-myanya-yibanga-yawe/

Ikipe ya APR FC nyumayaho hasohokeye itangazo ryuko shampiyona iaragaruka muri weekend yasubukuye imyitozo kuri stade Ikirenga iherereye i Shyorongi.Muri camp akanyamuneza ni kose kuko abakinnyi bayo barimo Jacques Tuyisenge aragaruka muri iyi weekend ubwo baraba abhura n'ikipe ya Kiyovu Sport.

Mu mashusho yashyizwe hanze ku rubuga rwa Instagram rw'iyo kipe. aabsore b'iyo kipe ya Apr Fc bagaragaye babyina indirimbo yaBruce Melody  'Sawa Sawa'

Irebere amashusho:

Source : https://yegob.rw/abakinnyi-ba-apr-fc-babyinnye-mu-buryo-busekeje-ubwo-basubukuraga-imyitozo-i-shyorongi-video/

Umunyamakurukazi Cyuzuzo Jeanne d'Arc ukora kuri Kiss Fm wambitswe impeta tariki ya 5 Ukwakira 2021 yahishuye amayeri umukunzi we yakoresheje ku munsi wo kumwambika impeta, n'ukuntu yatunguwe n'umutoma yamuteye mu Kinyarwanda.

Ibi Cyuzuzo yabigarutseho mu kiganiro Ishya uyu munyamakuru akora kuri Televiziyo y'u Rwanda.

Agaruka ku mayeri umukunzi we yakoresheje ngo amutungure ku munsi wo kumwambika impeta, Cyuzuzo yagize ati 'Yansabye ko dusohokana, ategura gahunda arambwira ngo twambare neza dusohoke, tuhageze nsanga ngo yafashe icyumba cyacu gusa.'

Uyu mukobwa akihagera yatunguwe no kubona indabyo n'urumuri rudasanzwe, atahura ko agiye kwambikwa impeta.

Uyu mukobwa yahishuye ko yatunguwe n'ukuntu umukunzi we yamuteye umutoma w'Ikinyarwanda ku nshuro ya mbere.

Ikindi Cyuzuzo yahishuye ni uko nyuma yo kwambikwa impeta, umuntu wa mbere yabibwiye ari umubyeyi we, ubundi akurikizaho inshuti ze za hafi.

Source : https://yegob.rw/umunyamakurukazi-cyuzuzo-uherutse-kwambikwa-impeta-yavuze-ibanga-rikomeye-umukunzi-we-yakoresheje/

Abahanga mu bijyanye n'imibanire bavuga ko hari imyitwarire abakobwa bakiri ingaragu bagira ishobora kwerekana ibyiyumviro byabo birimo no kwifuza kugira umukunzi. Aha rero hari ibintu bitanu umukobwa ukiri ingaragu ndetse wifuza umukunzi akora:

1.Bishimira ibirori: Nta kibi kiri mu gukunda ibirori, ariko ntibikwiye kuba ikintu cyonyine wumva wakora gusa. Benshi mu bakobwa b'abaseribateri bakunda ibirori kuko baba batekereza ko bishoboka cyane ko bahura n'umuntu ushobora gutangira umubano na bo, abakobwa badafite ibyiringiro byo kubona abakunzi ntibasiba ikirori uko cyaba kimeze kose.

2.Bakunda kwigaragaza bambaye imyenda ikurura abasore: Ikizakwereka umukobwa warambiwe ubusiribateri usanga yiyambika imyenda ikurura abasore ubundi amafoto ye akayakwiza ku mbuga nkoranyambaga ngo arebe ko ahari hari uwamubaza izina.

3.Bambika ubusa ibice by'umubiri wabo: Umukobwa ushaka umukunzi agenda mu muhanda asa n'uwambaye ubusa buri buri ahanini aba agira ngo arebe ko nta muntu wamuha urukundo, ariko ukuri ni uko gushaka umukunzi bitavuze kwiyambika ubusa.

4.Bihata mu myenda itabakwira: Ibiranga umukobwa ushaka umukunzi cyane ahanini yihata mu twenda tutamukwira ugasanga utwo twenda ntitumwemerera kurya byinshi ntidutuma abasha kwicara neza cyangwa se kugenda neza, nubona bene uyu mukobwa uzamenye neza ko icyo yifuza ari uwamukunda akamukura mu bwigunge.

5.Bigana imico y'abanyamahanga nko gutobora ahantu henshi ku mubiri: Nubona umukobwa yarakoze uko ashoboye kose akishyiraho 'tatouage' agatobora ugutwi kose akakuzengurutsa amaherena, aba agerageza kureba ko hari uwamubaza izina kuko yarambiwe gutegereza ariko buriya icyo batazi ni uko iyo mico ari yo ituma abahungu benshi babagendera kure.

Source : https://yegob.rw/ibiranga-umukobwa-ukiri-ingaragu-ushaka-uwamutereta/

Ikigo gishinzwe Amashuli Makuru na Kaminuza mu Rwanda [HEC] ari na cyo gishinzwe kureba umwimerere wa dipolome za Kaminuza ziva hanze cyemeje ko impamyabumenyi zitangwa na Atlantic International University nta gaciro zifite kuko iyi kaminuza itemewe n'ikigo cyo muri USA gishinzwe kwemeza kaminuza zitanga amasomo yo ku rwego rwo hejuru.

Ibi HEC yabitangaje nyuma y'itabwa muri yombi ry'uwitwa Dr Egide Igabe ushinjwa inyandiko mpimbano ya PhD.

HEC yavuze ko nubwo hari abo yahaye icyangombwa gihesha agaciro impamyabumenyi cyangwa impamyabushobozi yo hanze (equivalence) bize muri AIU,yataye agaciro kubera aya makuru yavumbuwe bityo abize muri iyo kaminuza batemerewe gukoresha izo mpamyabumenyi.

Ibi bivuze ko Dipolome za Atlantic International University zidafite agaciro.

Tariki ya 6 Mutarama 2022,nibwo RIB yatangaje ko Igabe afungiwe kuri Sitasiyo yayo ya Kicukiro kubera kwiyitirira ko yabonye PhD muri kaminuza ya Atlantic International University (AIU) yo muri Leta Zunze Ubumwe za Amerika kugira ngo abone akazi.

Nyuma yo kubona itangazo rya RIB,iyi kaminuza ya Atlantic International University (AIU) ibinyujije kuri Twitter,yemeje ko uyu mugabo witwa Egide Igabe yahasoreje amasomo yamuhesheje impamyabumenyi y'Ikirenga.

Iti'Atlantic International Universiry iremeza ko Dr. Egide Igabe yasoje muri gahunda yacu y'amasomo y'ikirenga (PhD). Aya makuru ashimangirwa n'inyandiko zo mu biro bishinzwe inyandiko za AIU'.

Ubu butumwa bwa AIU bwatumye bamwe mu banyarwanda batangiye kwijundika RIB ko yafashe umuntu kandi afite ibyangombwa ndetse batanga ibitekerezo byinshi.

Icyakora,Umuvugizi wa RIB, Dr Murangira B. Thierry, asobanura ku magambo yatangajwe na AIU yabwiye IGIHE dukesha iyi nkuru ko urwego avugira rufite impamvu zituma rukurikirana Igabe.

Ati 'RIB ifite impamvu zifatika zituma Igabe Egide akekwaho icyaha cyo gukoresha inyandiko mpimbano. Dutegereze icyemezo cy'Urukiko.''

Yongeyeho ko uwafashwe na we yiyemereza ko yakoresheje inyandiko mpimbano mu gusaba akazi.

Yakomeje ati 'Igabe na we yiyemerera ko yakoresheje icyangombwa gihesha agaciro impamyabumenyi cyangwa impamyabushobozi yavanywe hanze (equivalence) cy'igihimbano ubwo yasabaga akazi.''

Source : https://umuryango.rw/amakuru/mu-rwanda/uburezi/article/hec-yatesheje-agaciro-impamyabumenyi-za-aiu-yahaye-phd-dr-igabe-wafunzwe-na-rib

Uyu muhanzi mu kiganiro yagiranye na Televiziyo yo mu Bufaransa ya TF1 , umunyamakuru Anne-Claire Coudray wari ukiyoboye yamubajije niba umuziki we warigeze umufasha kuva mu bihe by'ubwigunge yabayemo.

Uyu munyamakuru yagize ati 'Wabayeho imyaka irindwi uhanganye no kubura ibyishimo bya hato na hato, ndetse no mu ndirimbo zawe akenshi ukunda kumvikana uririmba ku bwigunge, zaba hari icyo zagufashije mu kuva muri ibyo bihe?'

Uyu muhanzi yahise amusubiza yifashishije indirimbo ye nshya yise 'Enfer' cyangwa se 'Ukuzimu' mu Kinyarwanda. Muri iyi ndirimbo agaragaza ko yashatse kenshi kwiyahura ariko ntabikore.

Ati 'Natekereje kwiyahura rimwe na rimwe ndetse ntabwo ntewe ishema nabyo. Rimwe na rimwe utekereza ko bizaba inzira imwe yonyine yo kubicecekesha, ibyo bitekerezo byose byo kunshyira mu kuzimu.'

Stromae si ubwa mbere yaba aririmbye ku buzima bwe bwite cyane ko indirimbo yitwa 'Papaoutai'' akomoza kuri se kubera ubuzima yakuriyemo atamubona se.

Album nshya y'uyu muhanzi yise 'Multitude' iriho indirimbo 12. Izi ndirimbo zose zikoze mu buryo butandukanye kuko uyu muhanzi avuga ko yakoreshejeho ibicurangisho byinshi birimo ibyo muri Aziya, Amerika y'Epfo na Afurika.

Ati 'Nibyo nkunda gukora, kuvanga ibintu. Igitekerezo cyari ugukura inganzo ahantu hatandukanye ariko ntafashe igihugu kimwe. Ntabwo nashakaga kugira indirimbo yo muri Bolivia gusa ahubwo nashakaga gufata akantu ko muri RDC nako mu Rwanda n'ahandi henshi. Mbese nashakaga guhuza ibintu byinshi.'

Uyu mugabo atanga n'urugero rw'igikoresho cyitwa 'Erhu' cyo mu bwoko cya Violin ariko kikaba igicurangisho gakondo cyo mu Bushinwa nacyo yifashishije kuri iyi album ye. Anavuga ko kandi yifashishijeho igicurangisho cya Harpsichord ndetse akakivanga n'injyana ya Funk yo muri Brésil n'ibindi byinshi.

Ngo impamvu album ye yayise 'Multitude' ni uko iriho uruvange rw'ibintu bitandukanye.

Stromae yavuze ko abantu babona indirimbo ze mu buryo butandukanye bitewe na buri wese n'ibihe arimo kuko hari abazifata nk'iz'ibyishimo abandi bakazifashisha bari mu bihe bikomeye.

Ati 'Abantu basobanura umuziki wanjye nk'uw'ibyishimo ariko na none urimo n'umwijima gake cyangwa se ubabajemo gake. Ni ko mbona ubuzima. Ntabwo ari uw'abazungu byuzuye cyangwa se abirabura byuzuye. Harimo ibihe bikomeye n'ibindi by'ibyishimo.'

Uyu muhanzi avuga ko iyi album kuyikora mu buryo ikozemo byanaturutse kuri mama we kuko yakundaga kubatembereza bakabona ibintu bishya.

Album nshya ya Stromae izajya hanze ku wa 4 Werurwe 2022.

Iyi album izaherekezwa n'ibitaramo bitandukanye azakora byo kuyimenyekanisha. Bizatangira muri Werurwe 2022 kugera mu 2023 hagati. Stromae azakorera ibitaramo mu Bubiligi, u Bufaransa, Espagne, u Butaliyani, Portugal, u Buholandi, u Busuwisi n'u Budage.

Mu Ukwakira Stromae yashyize hanze indirimbo yise ''Santé'' iri mu ziri kuri iyi album ye nshya.

Stromae agiye gushyira hanze album nshya nyuma y'uko yaherukaga gushyira hanze album mu 2013 yitwaga 'Racine carrée' yaje ikurikira iyo yashyize hanze mu 2010 yitwaga 'Cheese'.

Ushaka kumva iyi ndirimbo Wakanda hano:

Source : https://umuryango.rw/imyidagaduro/article/stromae-ufite-inkomoko-mu-rwanda-yasobanuye-album-ye-nshya-ivuga-ku-bihe

Source : https://inyarwanda.com/inkuru/113349/nyuma-yinkundura-zuko-atamufashije-kwamamaza-indirimbo-ye-meddy-yafashije-the-ben-kwizihiz-113349.html

Uyu munsi Perezida Kagame yakiriye intumwa zidasanzwe za Perezida w'u Burundi Evariste Ndayishimye zari ziyobowe na Misitiri Ezechiel Nibigira ushinzwe Afurika y'iburasirazuba, urubyiruko, umuco na siporo.

Minisitiri Niyibigira yari azanye ubutumwa budasanzwe bwakurikiwe n'ibiganiro byo kuzamura umubano hagati y'ibihugu byombi.

Ibi ni ugutsindwa gukomeye kwa Perezida Museveni wibeshyaga ko yashyira u Rwanda mu kato maze agashaka kubikora yiyegereza n'u Burundi. Aha yabeshye icyo gihugu ko agiye kubaka umuhanda ubahuza ariko utanyuze mu Rwanda ukaruzenguruka unyuze muri Kongo mu gihe n'imihanda yo muri Kampala yabaye igisoro imvura yagwa igahinduka ibiyaga.

Tubibutse ko Perezida Museveni atifuza na rimwe icyateza imbere u Rwanda imbere, dore ko yimanye inzira y'amashanyarazi yagombaga kuva muri Etiyopiya, akima Rwandair inzira yo kujya London mu Bwongereza inyuze Entebbe nyuma yo kwanga inzira ya gari ya moshi ituruka muri Kenya mu gihe igihugu cya Kenya cyari cyarangije kubaka ku ruhande rwacyo.

Perezida Ndayishimiye amaze kubona ko Perezida Museveni na murumuna we Salim Saleh babanyunyuza imitsi mu butubwa bw'AMISOM muri Somaliya.

Umubano w'u Rwanda n'u Burundi umaze kuzahuka dore ko Minisitiri w'Intebe w'u Rwanda Dr Edouard Ngirente yitabiriye umuhango w'irahira rya Perezida Ndayishimiye nyuma yaho, Minisitiri w'ububanyi n'amahanga w'u Burundi agahura na Mugenzi we Dr Vincent Biruta ku mupaka wa Nemba bari hamwe n'inzego zishinzwe iperereza z'ibihugu byombi.

U Burundi kandi bwashyikirije u Rwanda abarwanyi bahoze ari aba MRCD/FLN ya Paul Rusesabagina ndetse n'u Rwanda rushyikiriza u Burundi abarwanyi ba RED Tabara bari bahungiye mu Rwanda banyuze muri Nyungwe.

Ibi byose ni ibigaragaza ko umubano uri kuzamuka. U Burundi kandi bwasanze mu kuzamura ubukungu butakumira u Rwanda dore ko Abanyarwanda binjirizaga amafaranga menshi icyo gihugu igihe umubano wari umeze neza.

Mu mwaka wa 2013 ubwo isoko rya Bujumbura ryafatwaga n'inkongi, indege ya RDF yaratabaye bwangu ijya kuzimya uwo muriro iramira byinshi.

Abanyarwanda kandi ntibakwibagirwa muri 2006 ubwo ikipe y'abayobozi b'u Burundi yari iyobowe na Perezida Pierre Nkurunziza yakinaga niya Vision2020 igizwe n'abayobozi b'u Rwanda umutoza mukuru ari Perezida Paul Kagame.

Mu mwaka wa 2008-2009,u Burundi ntabwo bwashoboye kwishyura ibirarane bwari bufitiye umuryango w'Afurika y'iburasirazuba nuko u Rwanda rurayatanga.

Ni byinshi u Rwanda rwakoze; kuba umubano w'ibihugu byombi wazahuka abaturage b'ibihugu byombi basa n'abahujwe n'ururimi rumwe bose babyungukiramo.

The post Imitego ya Perezida Museveni yo gushyira u Rwanda mu kato iri kumushibukana, u Burundi bwamenye ukuri appeared first on RUSHYASHYA.

Source : https://rushyashya.net/imitego-ya-perezida-museveni-yo-gushyira-u-rwanda-mu-kato-iri-kumushibukana-u-burundi-bwamenye-ukuri/?utm_source=rss&utm_medium=rss&utm_campaign=imitego-ya-perezida-museveni-yo-gushyira-u-rwanda-mu-kato-iri-kumushibukana-u-burundi-bwamenye-ukuri