Category: Uncategorized

Erling Halland

Nk’uko bitangazwa n’ikinyamakuru cyo mu Budage, Sport Bild, kivuga ko iyo nama izaba mu cyumweru gitaha izahuza ikipe ya Borussia Dortumund, umubyeyi wa Halland (Se) ndetse n’umuhagarariye mu mupira (agent), kugira ngo barebe niba uyu musore azaguma muri iyo kipe cyangwa se akayivamo mu kwezi kwa gatandatu 2022, nk’uko birimo kuvugwa muri iyi minsi.

Ikipe ya Borussia Dortumund bivugwa ko ariyo yasabye ko habaho iyo nama, irifuza ko mu ntangiriro za Gashyantare 2022 yaba yamenye niba uyu musore azashyirwa ku ikosoko kugira ngo itangire gutegura umwaka w’imikino utaha wa 2022-2023, izi ko izaba imufite cyangwa se izaba itamufite.

Mu mpeshyi ya 2021 ubwo hatangiraga kuvugwa igenda ry’uyu musore ariko we ubwe akabihakana, Erling Halland yari afite agaciro ka miliyoni 150 z’Amayero k’uwari bushake kumugura, ariko nyuma y’uko agumye muri iyo kipe, kuri ubu ku myaka ibiri asigaje ku masezerano ye azarangira mu mpeshyi ya 2024, uyu musore afite agaciro kari hagati ya Miliyoni 75 na 90 z’Amayero mu gihe hagize umwifuza.

Ibizava muri ibyo biganiro bishobora gushimisha cyangwa bikababaza amakipe arimo Real Madrid, FC Barcelone, Manchester United, Manchester City, Chelsea na PSG yose avugwa ko yifuza kuba yasinyisha uwo musore umaze imyaka ibiri (2) muri Borussia Dortmund yagezemo muri Mutarama 2020.

Miss Kalimpinya Queen wabaye igisonga cya 3 cya Nyampinga w’u rwanda 2017 yitabaje RIB ngo ikurikirane uyu muntu wamwiyitiriye kuri Twitter agashyiraho ubutumwa yavuze ko buhabanye n’indangagaciro ze.

Mu butumwa yashyize kuri Twitter ku uyu wa Mbere tariki 10 Mutarama 2022, Miss Kalimpinya Queen yavuze ko amaze iminsi adakoresha urubuga nkoranyambaga ariko ko yaje kubona ko hari uwarumwiyitiriyeho.

Ubu butumwa bugira buti 'Maze igihe ntakoresha Twitter sinari narabonye ko hari uwanyiyitiriye akaba asakaza imvugo n’amashusho ahabanye n’Indangagaciro zanjye. Natanze ikirego RIB kandi nizeye ubufasha. Mbaye niseguye ku waba yarababajwe na byo.'

Umuvugizi w’Urwego rw’Igihugu rw’Ubugenzacyaha RIB, Dr Murangira B. Thierry yatangaje ko bamaze kubona ikirego cya Kalimpinya ndetse batangiye kugikurikirana.

Ati 'Ni byo koko yatanze ikirego cyakiriwe, kigiye gukurikiranwa. RIB irasaba abantu gusobanukirwa no kwirinda kwiyitirira umwirondoro w’undi kuko ari icyaha gihanwa n’igifungo kuva ku myaka itatu n’itanu n’ihazabu kuva kuri miliyoni 1Frw na miliyoni 3Frw.'

Ingingo ya 40 mu gitabo cy’amategeko ahana y’u Rwanda, bavuga ko umuntu wese ubigambiriye ukoresha umwirondoro w’undi muntu kuri murandasi mu buriganya, agamije kubona inyungu,kuyobya cyangwa kwangiza ubwamamare bw’umuntu n’ibindi, mu gihe imyirondoro yabo isa, iteza urujijo cyangwa yenda gusa n’izina cyangwa ibiranga undi muntu cyangwa ikigo aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu ariko kitarenze imyaka itanu n’ihazabu itari munsi ya miliyoni 1Frw ariko atarenze miliyoni 3Frw.

Abakurikiranywe barimo babiri bafashwe mu gitondo cyo kuri uyu wa Kabiri tariki 11 Mutarama 2020, bafatirwa mu Murenge wa Ngoma mu Karere ka Huye kuri Stade Huye, aho bari bagiye gukora ikizami cy’uruhushya rwo gutwara ibinyabiziga, mu gihe umukinnyi wa Mukura VS Aphrodice Biraboneye w’imyaka 26, na we yafatiwe kuri Stade Huye ku mugoroba wo ku wa Mbere tariki 10 Mutarama 2020, agiye gukora ikizami cy’uruhushya rw’agateganyo rwo gutwara ibinyabiziga.

Uretse Aphrodice Biraboneye wafashwe bikagaragara ko afite Covid-19, uwitwa Cedric Ntakirutimana w’imyaka 22 na we yasanganywe Covid-19, mu gihe Elias Sibomana w’imyaka 26 we nta bwandu bamusanganye n’ubwo na we yafatanywe ibisubizo by’ibihimbano.

Umuvugizi wa Polisi mu Ntara y’Amajepho, SP Theobald Kanamugire, yabwiye Kigali Today ko abafashwe bagasanga barwaye bahise bashyirwa mu kato ariko ngo ntibikuraho ko bagomba kuzakurikiranywa n’amategeko.

Ati 'Bajyanywe mu kato bari, kuri sitasiyo ya polisi ya Huye, uyu wundi na we afungiye kuri sitasiyo ya polisi ya Ngoma. Nibakira bazakurikiranwa n’amategeko ku cyaha cyo gukora inyandiko mpimbano'.

Polisi irasaba abantu kwirinda kwishora mu byaha kuko amategeko abihana aremereye, kandi ntawe uri hejuru yayo kuko ukoze icyaha wese agomba kukiryozwa nk’uko amategeko abiteganya.

Minisiteri y’Ubuzima isaba abantu bose barwariye Covid-19 mu rugo kwirinda kujya ahantu hahuriye abantu benshi igihe giteganyirizwa akato kitararangira ngo bapimwe bahabwe ibisubizo by’uko ari bazima, kuko ari uburyo bwo gukwirakwiza icyorezo.

Mu gushaka kumenya icyo ikipe ya Mukura VS igiye gukora nyuma yo kumenya amakuru y’uko umukinnyi wayo afunzwe, Kigali Today yagerageje guhamara umuyobozi ushinzwe gukurikirana ubuzima n’imibereho by’ikipe, Jerome Gasana, avuga ko bagiye kugikurikirana.

Ati 'Nanjye mbibonye nonaha, nta makuru yabyo rwose mfite na macye, tugiye gukurikirana ngo tumenye uko byagenze n’aho aherereye, bityo turebe icyo twamufasha'.

Aphrodice ngo ikipe ya Mukura akira igiye gukurikirana ibye

Uretse abo batatu bafatiwe mu Karere ka Huye, ku mugoroba wa tariki 10 Mutarama 2020 mu Karere ka Nyamagabe, hafatiwe abandi bantu bane bahimbye indangamuntu bagiye gukorera abandi bantu ikizami cy’uruhushya rw’agateganyo rwo gutwara ibinyabiziga, aho bagombaga guhembwa Amafaranga y’u Rwanda ibihumbi 100, bakaba bafungiye kuri sitasiyo ya Polisi ya Gasaka.

Ingingo ya 276 mu gitabo cy’amategeko ahana ivuga ko uhamwe n’icyaha cyo gukoresha inyandiko mpimbano ahanishwa igifungo kitari munsi y’imyaka itanu (5) ariko kitarengeje imyaka irindwi (7), n’ihazabu itari munsi ya miliyoni eshatu (3.000.000) ariko itarengeje miliyoni eshanu (5.000.000).

Myugariro wa Mukura VS, Biraboneye Aphrodis bakunda kwita 'Bingwa’ yatawe muri yombi azira guhimba ubutumwa bw’uko nta cyorezo cya Coronavirus afite kandi nyamara yaracyanduye.

Uyu mukinnyi ukina ku ruhande rw’iburyo yugarira, yatawe muri yombi ku munsi w’ejo hashize ku wa Mbere tariki ya 10 Mutarama 2022 i Huye ubwo yari agiye gukorera uruhushya rw’agateganyo rwo gutwara ibinyabiziga.

Umuvugizi wa polisi y’u Rwanda mu Ntara y’Amagepfo, SP Théobald Kanamugire yavuze ko aya makuru ari yo uyu mukinnyi yafashwe yahimbye icyangombwa cya RBC cy’uko nta bwandu bwa COVID-19 afite kandi abufite, akaba yarafatanywe n’abandi 2.

Ati 'Yahimbye icyemezo cya RBC cy’uko yipimishije ari muzima, nyamara ni ubutumwa umuntu yamwoherereje arabuhindura ahaba handitse sender (uwohereje) we ahashyira RBC kandi bafite indi ko arwaye, ahita ahimba indi ko ari muzima.'

'Hari n’undi witwa Ntakirutimana hari n’undi witwa Sibomana Elias, ubwo Huye ni 3 bahimbye icyemezo cya RBC bagaragaza ko bipimishije kandi batipimishije ahubwo bafite ubutumwa bw’uko barwaye.'

Uretse aba bantu batatu bahimbye ibyemezo by’uko ari bazima kandi barwaye COVID-19 muri Huye, muri Nyamagabe bane bafashwe bahimbye indangamuntu z’abandi bantu baje kubakorera uruhushya rw’agateganyo rwo gutwara ibinyabiziga.

Aba bose uko ari 7, icya mbere baregwa ni ugukoresha inyandiko mpimbano, abafatiwe Huye bo hiyongeraho no gukwirikwiza ubwandu bwa COVID-19.

Bahamwe n’icyaha bahanishwa ingingo ya 276 yo mu gitabo cy’amategeko ahana ibyaha mu Rwanda aho bahanishwa igifungo kitari munsi y’imyaka 5 ariko kitarenze imyaka 7 n’ihazabu itari munsi ya miliyoni 3 ariko itarengeje miliyoni 5.

Bingwa yatawe muri yombi

Aka gakuriro gakorerwamo n'abarenga 270 buri munsi. Nta bwiherero na bumwe buzima gafite kuko n'ubugezweho buri mu nyubako zako nabwo bumaze imyaka ibiri bukinze kubera ko amazi atakibasha kugera mu nzu buteretsemo.

Ubwiherero bwo hanze bwo bufite ibibazo birenze kimwe kuko uretse kuba bwaruzuye, isakaro ryabwo ryaratobotse kubera gaz.

Niyitegeka Innocent ukora umwuga w'ububaji, yavuze ko bagira ipfunwe iyo hari umukiliya ubasabye kubereka ubwiherero.

Ati “Nta bwiherero dufite. Burashaje ku buryo bukabije ndetse ubona ko bushobora no kudutera indwara”

Kamugisha Léonidas yavuze ko ikibazo cyo kutagira ubwiherero bwujuje ibisabwa bakimaranye imyaka itatu.

Ati “Twe ntabwo tubuze ubushobozi, batwemereye twakwitanga tugasana ariko tukajya tubona aho twiherera hazima”.

Abubatse ubu bwiherero bwo hanze, ntibabushyizemo itiyo izamura gaz ari nabyo byatumye ihita itobora amabati abusakaye.

Abahakorera bavuga ko bakubise inzu ibipfunsi ngo bisanire ubwiherero, babwirwa ko nta burenganzira bafite bwo kugira icyo bahindura ku nzu zo muri ako gakiriro kuko ari iza Leta.

Umuyobozi w'Akarere ka Karongi wungirije ushinzwe imibereho myiza y'abaturage, Mukase Valentine yijeje abakorera muri aka gakiriro ko ikibazo cy'ubwiherero kiri gushakirwa umuti, akabasaba kuba bihanganye.

Ati “Ikibazo twarakimenye, batugaragarije ko hari ikibazo cy'amaninda n'ubwiherero bushaje. Birumvikana ko twagombaga gushaka ahandi twimurira ubwo bwiherero no gushaka ingengo y'imari kugira ngo ubwo bwiherero tubwubake. Nababwira rero ko bakwihangana kuko mu gihe cya vuba akarere kaza kubaka ubundi bwiherero”.

Visi Meya Mukase avuga ko mu kubaka ubundi bwiherero bazareba ikibanza kitarimo amaninda [ubutaka burimo amazi menshi] , kandi bakubaka ubwiherero bujyanye n'umubare w'abagana agakiriro.

Buri munsi mu gakiriro ka Karongi hinjira abantu barenga 300 barimo abakozi 270 bakoreramo, abashyitsi n'abakiliya.

Abakorera muri aka gakiriro bavuga ko bamaze imyaka itatu bafite ikibazo cy’ubwiherero

Abagana n’abakorera mu gakiriro ka Karongi babangamiwe n’ubwiherero bwako butujuje ubuziranenge