Webrwanda Backend

Category: Uncategorized

  • Frank Lampard yagaragaje umukinnyi wa mbere yifuza kugura muri Everton #rwanda #RwOT

    Umutoza Frank Lampard uri hafi guhabwa akazi ko kuba umutoza mushya wa Everton arifuza gusinyisha Umwongereza mugenzi we Dele Alli muri iyi kipe

    Lampard yageze mu cyiciro cya kabiri mu ibazwa ry'akazi kugira ngo atsinde Vitor Pereira na Duncan Ferguson bari bahataniye gusimbura Rafa Benitez wirukanwe.

    Nubwo atarashyira wino ku mpapuro ngo asinye amasezerano, vuba aha uyu wahoze ari umutoza wa Chelsea na Derby County azahabwa akazi ndetse yamaze kubwira abayobozi b'I Goodison Park ko ashaka Alli.

    Ku wa gatanu, Lampard w'imyaka 43, afite umukinnyi umwe yifuza mu mutwe we nyuma yo guhura n'umunyamigabanemukuru mu ikipe Farhad Moshiri hamwe n'umuyobozi wayo Bill Kenwright i London.

    Yahawe akazi ko gutoza kuri Goodison nyuma yuko Wayne Rooney agaragaje ko – aashaka aka kazi.

    Rooney yahisemo gukomezanya na Derby County ikipe ya mbere Lampard yatoje.

    Pereira na Ferguson nabo babajijwe inshuro ebyiri kuri aka kazi

    Ariko imigambi ikomeye ya Lampard yo kwigaragaza ku isoko ntizamworohera kuko rizarangira mu ijoro ryo ku wa mbere rikazagaruka muri Kamena uyu mwaka.


    Dele Alli arifuzwa na Lampard ugiye gutoza Everton

    Source : https://umuryango.rw/imyidagaduro/imikino/article/frank-lampard-yagaragaje-umukinnyi-wa-mbere-yifuza-kugura-muri-everton

  • Byinshi ku mushyushyarugamba w’umunyarwenya MC Gatete #Rwanda #RwOT via @kigalitoday #rwanda #RwOT

    MC Gatete

    MC Gatete

    MC Gatete wivugira ko ari 'Gatete kadaterwa ubugabo n’urwagwa’ yavukiye mu Karere ka Nyamagabe aho bita i Nzega mu 1990. Mu 1994 yaburanye n’ababyeyi ye bituma arererwa mu kigo cy’imfubyi mu Mujyi wa Kigali. Arubatse afite abana 2, umuhungu n’umukobwa.

    Mu bitangaje kuri MC Gatete ni uko mama umubyara akiriho akaba yaramumenye akuze kuko baburanye mu gihe cya Jenoside yakorewe Abatutsi, mu gihe se yari amaze gutabaruka.

    MC Gatete avuga ko uretse kuba Imana yaramuhaye impano yo gusetsa, ashaka umwanya akanasoma ibitabo bya ba Rugamba Sipiriyani na Alexis Kagame mu rwego kwihugura no kurushaho kunoza imvugo iboneye y’Ikinyarwanda.

    MC Gatete avuga ko nyuma yo kuvuga umuvugo ugakundwa i Nyamagabe yatangiye kujya atumirwa ahantu hatandukanye. Hamwe mu ho yatumiwe ngo ni muri Village Urugwiro, ubwo Umukuru w’Igihugu yakiraga abana abifuriza umwaka mushya na Noheli.

    MC Gatete avuga ko umwuga wo kuyobora ibirori ari umwuga umutunze kandi ko abayeho mu buzima bwiza buri wese yakwifuza kubamo kandi akaba abikesha abamukunda bakanamushima.

    Yagize ati 'Ubu ntunzwe no kuvuga amazina y’inka ndetse no kuyobora ibirori ni ko kazi nkora buri munsi, ni ibintu byanzaniye inshuti nyinshi ndetse bimpuza n’abakomeye'.

    Ikintu atazibagirwa mu buzima bwe ni uburyo abantu bamwitayeho mu gihe akazi ke kari kahagaze kubera icyorezo cya Covid-19 cyadutse mu isi.

    Yagize ati 'nibwo nabonye ko nkora akazi abantu bakunda, kubona umuntu aguhamagara akakubaza ati sha ko akazi kahagaze ubayeho ute, wajya kubona ukabona akoherereje ibihumbi 100'.

    MC Gatete avuga ko akazi akora katagira amafaranga azwi ahubwo buri wese atanga akurikije uko yishimye cyangwa amukunda hakaba n’abantu bamugenera bitewe n’ubushobozi bwabo.

    Avuga ko ababazwa no gukora akazi mu birori, uwo yakoreye akamubwira ngo yihangane amafaranga ntiyabonetse kandi yaje yayapangiye.

    MC Gatete ntajya yibagirwa uburyo yagiye atumirwa mu birori birimo Umukuru w’Igihugu akabona yanyuzwe n’imivugo ye, ndetse kenshi agatumirwa n’abakomeye mu birori byabo bitandukanye birimo ubukwe bw’abana babo.

    MC Gatete asaba urubyiruko gukunda igihugu cyabo no guharanira iterambere ryacyo akabasaba kumenya gushishoza mu gihe basoma ibiri ku mbuga nkoranyambaga.

    Source : https://www.kigalitoday.com/imyidagaduro/ibirori/article/byinshi-ku-mushyushyarugamba-w-umunyarwenya-mc-gatete

  • Abakinnyi ba Cameroon bakomeze benshi ku mutima kubera igikorwa cy'urukundo bakoze #rwanda #RwOT

    Abakinnyi b'ikipe y'igihugu ya Cameroon bageneye impozamarira ya miliyoni 530Frw, ku miryango yaburiye ababo mu mubyigano wabereye kuri stade Olembé, ku mukino Cameroon yatsinzemo ibirwa bya Comores ibitego 2-1.

    Abantu umunani bivugwa ko bapfuye naho ababarirwa muri mirongo barakomereka mu mubyigano wabereye hanze ya stade kuwa 24 Mutarama 2022.

    Amashusho yerekanye abafana babyigana cyane mu kwinjira kuri Paul Biya stadium iri mu murwa mukuru Yaoundé ahari hagiye kubera umukino wa 1/8 wa Cameroon na Comoros.

    Umwana umwe ari mu bapfuye, nk'uko byatangajwe na raporo ya minisiteri y'ubuzima yabonywe n'ibiro ntaramakuru AFP.

    Itangazo ryasohowe na Guverinoma rivuga ko abantu 8 aribo bapfuye abandi 38 barakomereka barimo 7 bakomeretse bikomeye.

    Abapfuye bose bajyanwe mu bitaro by'I Yaounde cyo kimwe n'abakomeretse kandi baritabirwa na Guverinoma.

    Iyi stade ifite ubushobozi bwo kwakira abantu 60,000 ariko kubera amabwiriza yo kwirinda Covid bitegetswe ko itagomba kurenza 80% by'ubushobozi bwayo.

    Abayobora umukino basubiwemo bavuga ko abantu bagera ku 50,000 barimo bagerageza kwinjira muri stade.

    Source : https://umuryango.rw/imyidagaduro/imikino/article/abakinnyi-ba-cameroon-bakomeze-benshi-ku-mutima-kubera-igikorwa-cy-urukundo

  • Abanyarwanda bifuza kujya muri Uganda barasabwa gushishoza #Rwanda #RwOT via @kigalitoday #rwanda #RwOT

    Abitangaje mu gihe umupaka wa Gatuna uhuza u Rwanda na Uganda wari ufunze guhera 2019 wongeye gufungurwa guhera tariki 31 Mutarama 2022.

    Mu kiganiro yagiranye na RBA ku Cyumweru tariki ya 30 Mutarama 2022, Alain Mukuralinda yatangaje ko gufungura umupaka ari intambwe itewe ariko ko ibibazo u Rwanda rwagaragaje bitazaba bikemutse kubera ko umupaka wafunguwe, ahubwo abazagenda ngo bakwiye gushishoza.

    Yagize ati 'Iriya rero ni intambwe itewe ni ukuvuga ngo ntabwo ibibazo u Rwanda rwagaragaje bizaba bikemutse kubera ko umupaka wafunguwe, bivuze ngo abantu bazagenda kuko umupaka urafunguye ariko bagomba gukomeza gushishoza.'

    Ati 'Ni no kuvuga tuti ese ko u Rwanda rugaragaje ugushaka mu kujya muri ya nzira yo gukemura ibibazo, ese koko niko bihise bigenda? Ejo ntabazakubitwa? Ntabazahohoterwa? Ntabazamburwa ibintu? Ese hari umuntu wo mu mutwe runaka mu bashaka guhungabanya umutekano w’u Rwanda wirukanywe cyangwa wafashwe? Ntekereza ko ibyo ari byo dukomeza kureba ko bitungana.'

    Source : https://www.kigalitoday.com/umutekano/hanze-y-igihugu/article/abanyarwanda-bifuza-kujya-muri-uganda-barasabwa-gushishoza

  • Juno Kizigenza yafotowe yabaye umusobanuzi w'indirimbo(Video) – YEGOB #rwanda #RwOT

    Source : https://yegob.rw/juno-kizigenza-yafotowe-yabaye-umusobanuzi-windirimbovideo/

  • Mu marira menshi, umusore yambuye umukunzi we iPhone ihenze ayiha umuvandimwe ubwo yamenyega uburyarya bwe (video) – YEGOB #rwanda #RwOT

    Source : https://yegob.rw/mu-marira-menshi-umusore-yambuye-umukunzi-we-iphone-ihenze-ayiha-umuvandimwe-ubwo-yamenyega-uburyarya-bwe-video/

  • Mukansanga Salima wakoze amateka muri AFCON2021 yagarutse mu Rwanda #rwanda #RwOT

    Mukansanga Salima wakoze amateka yo kuba umugore wa mbere, usifuye imikino ya nyuma y'igikombe cy'Afurika mu bagabo,yageze mu Rwanda aho yakiriwe ku kibuga cy'indege n'umunyamabanga w'ishyirahamwe ry'umupira w'amaguru mu Rwanda.

    Mukansanga yagarutse i Kigali nyuma y'iminsi 11 akoze amateka yo kuba umugore wa mbere usifuye umukino w'Igikombe cya Afurika cy'Abagabo mu irushanwa riri kubera muri Cameroun, aho yayoboye uwo Zimbabwe yatsinzemo Guinée ibitego 2-1 ku wa 18 Mutarama 2022.

    Akigera i Kanombe, yavuze ko ari iby'agaciro kuba yarahagarariye abandi bagore, amahirwe yahawe akayabyaza umusaruro.

    Ati 'Ni ishema, ni iby'agaciro, ntewe ishema no kuba ndi njyewe Salma kandi ndi Umunyarwanda, kandi ndi umugore. Kuba narahagarariye abandi bagore ni ikintu cy'agaciro, ni amahirwe nahawe kandi nyabyaza umusaruro. Ni amateka, ni ikintu ntazibagirwa mu buzima bwanjye, ndakeka buri Munyarwanda wese azakibuka mu buzima bwe.'

    Ubwo Mukansanga yasifuraga umukino wa Guinée na Zimbabwe, yagiye agarukwaho cyane n'Abanyarwanda n'abanyamahanga batandukanye. Yavuze ko byose yabibonye ndetse ashimira abantu bose bamubaye hafi bakamutera ingabo mu bitugu.

    Abajijwe intego afite imbere, Mukansanga Salima yavuze ko icyo ahanze amaso ari Igikombe cya Afurika cy'Abagore kizaba mu 2023, yongeraho ko na we afite inzozi zo gusifura Igikombe cy'Isi cy'Abagabo kuko nta kidashoboka.

    Ati 'Ntabwo nabigezeho kubera njye, ni Imana yamfashije kubigeraho, nanjye nabigezemo uruhare kuko narakoze cyane. Ntabwo nari nzi ko ibi byose byaba, ariko narabitekereje ko nshobora kuzagera kure hashoboka kuko narabikoreye. Imana yaramfashije ibyo nifuzaga mbigeraho, ndakeka urugendo ruracyari rurerure, iyi ni intangiriro.'

    'Hari benshi bagiye bambwira ngo tangira utekereza Igikombe cy'Isi cy'Abagabo, kubera iki se? Ngomba kugitekerezaho, buri musifuzi wese w'umugabo aba afite indoto zo kukigeraho, izo ndoto nanjye ndazifite ariko ikiri imbere yanjye ntezeho amaso ni Igikombe cy'Isi cy'Abagore kizaba mu mwaka utaha muri Nouvelle Zélande. N'ibindi byose bizaza nzabyakira, ngomba kubikorera kandi nditeguye, Imana nibishaka bizangeraho.'

    Yasoje ashimira Abanyarwanda bose bamuhaye hafi by'umwihariko abasifuzi babanye kugeza ageze kuri iyi ntambwe yo kuba umugore wa mbere usifuye muri CAN y'Abagabo.





    Source : https://umuryango.rw/imyidagaduro/imikino/article/mukansanga-salima-wakoze-amateka-muri-afcon2021-yagarutse-mu-rwanda

  • Huye: Umugore ushinjwa gutwika umwana yibyariye yasabiwe igifungo cy'imyaka 6 #rwanda #RwOT

    Ku wa 27 Mutaraja 2022, Ubushinjacyaha ku rwego Rwisumbuye rwa Huye bwaburanye urubanza buregamo umugore w'imyaka 32 watwitse umwana we w'imyaka umunani ibiceri 300 Frw.

    Ukekwa akaba yaramutwitse mu ijoro ryo ku wa 01 Mutarama 2022 mu mudugudu wa Rugarama, Akagari ka Mutunda, Umurenge wa Mbazi ho mu karere ka Huye, aho yafashe akaboko k'umwana we akagashyira mu ziko akeka ko ari we wamutwariye ibiceri 300.

    Mu iburanisha, uregwa yaburanye yemera icyaha, asobanura ko yabitewe n'umujinya w'uko yamwibye amafaranga 300 kandi ko yari asanzwe amwiba, abisabira imbabazi.

    Ubushinjacyaha bwamusabiye igifungo cy'imyaka itandatu hashingiwe ku ngingo y'121 y' Itegeko nº 68/2018 ryo ku wa 30/08/2018 riteganya ibyaha n'ibihano muri rusange.

    Urubanza rwapfundikiwe ruzasomwa tariki ya 03 Gashyantare 2022 i saa cyenda n'igice z'amanywa.

    IGIHE

    Source : https://umuryango.rw/amakuru/mu-rwanda/ubutabera/article/huye-umugore-ushinjwa-gutwika-umwana-yibyariye-yasabiwe-igifungo-cy-imyaka-6

  • Umugore w'Umunyamerika ushinjwa kuyobora abarwanyi ba Islamic State yatawe muri yombi #rwanda #RwOT

    Umugore w'Umunyamerika yatawe muri yombi ashinjwa gutegura, kwigisha no kuyobora umutwe w'abarwanyi ba ki-Islam (Islamic State, IS) ishami ry'ab'igitsina gore.

    Allison Fluke-Ekren w'imyaka 42 y'amavuko, ni umugore w'umunyamerika  ukomoka i Kansas, bivugwa ko yinjiye muri ISIS akanayobora batayo y'abagore bose muri Siriya yatawe muri yombi akurikiranyweho n'ubushinjacyaha bwa leta gutanga no gucura umugambi wo gutera inkunga umuryango w'iterabwoba.

    CNN dukesha iyi nkuru yatangaje ko mubyo uyu mugore ashinjwa harimo kwigisha abagore n'abana gukoresha imbunda yo mu bwoko bwa Kalashnikov (AK-47) n'uburyo bambara imikandara y'ubwiyahuzi guhera mu 2016.

    Ku wa gatanu, Allison Fluke-Ekren yafatiwe muri Siriya hanyuma yimurirwa mu maboko ya FBI, nk'uko bivugwa mu kirego cy'inshinjabyaha ndetse n'amakuru yo ku wa gatandatu yatangajwe na Minisiteri y'ubutabera.

    Ishami ry'ubutabera rivuga yatawe muri yombi ubwo yari mu myiteguro yo gutera ikigo cya kaminuza yo muri Amerika.

    Fluke-Ekren yasobanuye ko afite ubumenyi bwo guturitsa ibisasu bitezwe ahantu runaka yifashishije igikoresho cya terefone igendanwa gikurura ibyo bisasu. Yavuze kandi ko yahaye umutwe w'iterabwoba n'abayoboke bawo 'gucumbika, guhindura 'translation' disikuru zavuzwe n'abayobozi ba ISIS … no kwigisha inyigisho z'intagondwa ISIS'.

    Ishami ry'ubutabera ryatangaje ko azitaba bwa mbere ku wa mbere mu rukiko rw'ikirenga rwa Alegizandiriya, muri Virijiniya. Aramutse ahamwe n'icyaha, Fluke-Ekren, ashobora guhanishwa igifungo cy'imyaka 20.

    Ubushinjacyaha bwatangaje ko azitaba urukiko bwa mbere ku wa mbere mu rukiko rw'ikirenga rwa Alegizandiriya, muri Virijiniya. Aramutse ahamwe n'icyaha, Fluke-Ekren, ashobora guhanishwa igifungo cy'imyaka 20.

    [email protected]

     

    The post Umugore w'Umunyamerika ushinjwa kuyobora abarwanyi ba Islamic State yatawe muri yombi appeared first on IRIBA NEWS.

    Source : https://iribanews.rw/2022/01/30/umugore-wumunyamerika-ushinjwa-kuyobora-abarwanyi-ba-islamic-state-yatawe-muri-yombi/

  • Byinshi wamenya kuri Nzambazamariya Veneranda umaze imyaka 22 yishwe n’impanuka y’indege #rwanda #RwOT

    Uyu muryango ufite intego yo kwimakaza umuco w’Amahoro, Ubutabera kuri buri wese n’Iterambere rirambye bishingiye ku myumvire y’UBUNTU. Washinzwe mu mwaka wa 2000. Ibyo uyu muryango wagezeho bikubiye mu ngingo zirimo guharanira iterambere ry’Umugore, gusakaza umuco w’Ubuntu no guharanira ko ihohoterwa ryacika burundu.

    Kuva Nzambazamariya Veneranda yitaba Imana, buri mwaka hazirikanwa ineza n’umurage uyu mubyeyi yasize. Mu gusigasira ibyo yasize kandi hashyizweho Centre Itetero yari afite mu ndoto iri ku Gasharu, mu kagari ka Remera, umurenge wa Nyamabuye mu karere ka Muhanga, akaba ari naho hari icyicaro cy’Umuryango Nzambazamariiya Veneranda

    Hari imishinga myinshi Umuryango washyize mu bikorwa utewe inkunga n’imiryango inyuranye, iyo mishinga yagiriye akamaro abagenerwabikorwa bawo aho hibandwaga mu kongera ubushobozi bw’Umugore wo mu cyaro ngo yiteze imbere, kurwanya amakimbirane mu miryango, kubaka ubushobozi mu bari n’abategarugori kugirango bivane mubukene kandi bashobore gusobanukirwa bumwe muburenganzira bwabo bahabwa n’amategeko, ndetse uyu muryango ukaba warazirikanye abakoze ibikorwa by’indashyikirwa byagiriye akamaro abandi, ukabagenera ibihembo.

    Abanyamuryango bagiye bazirikana buri mwaka ku bibazo byugarije igihugu cyacu bakagira uruhare mu gushaka ibisubizo bashingiye mu gushyira mu bikorwa gahunda za Guverinoma, ariko cyane cyane hazirikanwa uruhare umuco w’ubuntu ufite mu kubungabunga amahoro, guteza imbere ubutabera harwanywa ihohoterwa hanimakazwa uburinganire, hanatezwa imbere ibikorwa bigamije iterambere rirambye. Aha hakaba harashyigikiwe cyane cyane ibikorwa by’umwimerere bigaragaza umuco w’ubuntu.

    Kugirango kandi Umuryango wimakaze umuco w’ubuntu wakomeje muri iyi myaka kwita ku rubyiruko uruhugura kumuco w’Ubuntu, ngo rushobore guhangana na bimwe mu bibazo bibugarije (Ibiyobyabwenye, kutubaha ababyeyi, kwigana imico y’ahandi itanogeye abanyarwanda, ….)

    Umuco w’Ubuntu uyu muryango ugenderaho ntabwo ari uwo mu Rwanda gusa ahubwo no mu bindi bihugu haba imiryango ishingiye kuri uyu murongo. Urugero ni nko muri Afurika y’Epfo no muri Amerika.

    Nzambazamariya Veneranda azwi cyane kubera uruhare yagize mu gukwiza hose mu Rwanda umuco w’UBUNTU no kwimakaza umuco w’amahoro. Nzambazamariya Veneranda yari umuntu usabana, ukunda gukorana n’abandi, akarwanya akarengane n’ivangura aho byaturuka hose.Y emezaga ko kwimakaza umuco w’UBUNTU ari umusingi w’amahoro arambye., bityo agahora ashakisha uko yarimbura imizi y’urwango rutuma abantu bahohotera abandi.

    Uyu mugore yagize uruhare mu iterambere ry’umugore cyane cyane wo mu cyaro. Yagize uruhare mu ishingwa ry’imiryango myinshi y’abategarugori hano mu Rwanda nka Réseau des Femmes, Duterimbere, Haguruka, SWA RWANDA , agira uruhare rukomeye mu gushinga Impuzamiryango Profemmes ndetse ayibera umuyobozi. Ibyo bikorwa byamuhesheje ibihembo byinshi .

    Muri ibyo twavuga Igihembo cy’ubworoherane no gukemura amakimbirane nta nabi, yahawe n’Ishami ry’Umuryango w’Abibumbye rishinzwe umuco (UNESCO) ; mu 2001 yahawe n’Ishami ry’Umuryango w’Abibumbye ryita ku mugore (UNIFEM ) igihembo cy’umugore waharaniye amahoro ; muri 2006 umuryango nyafurika wita ku bumwe bw’abagore wamuhaye igihembo cyitiriwe Toumbouctou.

    Kuri iki Cyumweru tariki ya 30/01/2022, bamwe mu banyamuryango basuye imva ya nyakwigendera bashyiraho indabyo mu rwego rwo kumwibuka, hanyuma banasura umugabo yasize utuye i Remera mu mujyi wa Kigali, cyane ko iyi tariki yageze afite ikibazo cy’uburwayi, bifatanya na we mu kwibuka nyakwigendera

    Uyu uri imbere ni we mwana rukumbi Nzambazamariya yasize abyaye

    REBA VIDEO YAKOZWE ISOBANURA BYINSHI KU BUZIMA BWA NZAMBAZAMARIYA HANO :

    Source : http://www.ukwezi.rw/1-1/17/article/Byinshi-wamenya-kuri-Nzambazamariya-Veneranda-umaze-imyaka-22-yishwe-n-impanuka-y-indege