Category: Uncategorized

Source : https://yegob.rw/menya-byinshi-ku-mugi-uvukamo-impanga-nyinshi-kurusha-ahandi-kwisi-ndetse-umenye-nikibitera-byibuze-buri-rugo-unyuzeho-uhabona-impanga/

Source : https://yegob.rw/uri-amaraso-yanjye-ibyo-tom-close-yabwiye-umwana-we-wumuhunguifoto/

Nubwo yavuye mu matsinda idahabwa amahirwe na benshi,ikipe ya Misiri yatunguye Marocco yari ikanganye iyitsinda ibitego 2-1 muri 1/4 cy'Irangiza cy'igikombe cya Afurika mu mupira w'amaguru mu gihe Senegal nayo yashimishije abafana itsinda Equatorial Guinea ibitego 3-1.

Kuri iki cyumweru, Misiri yarwanye cyane itsinda Maroc ibitego 2-1 mu mukino ukomeye wajemo inyongera y'iminota 30 kubera ko amakipe yombi yari yaguye miswi.

Uyu mukino wa kimwe cya kane kirangiza w'igikombe cya Afurika 2021 (AFCON) wabereye kuri Stade Omnisport Ahmadou Ahidjo muri Kameruni.

Mohamed Salah yatsinze igitego anatanga umupira mwiza wavuyemo icya kabiri ubwo Misiri yavaga inyuma igatsinda Maroc bikayihesha umwanya wo kwerekeza muri kimwe cya kabiri kirangiza aho bazahura n'abakiriye amarushanwa, Kameruni ku wa kane.

Maroc yatangiranye umwete isatira izamu rya Misiri kuva ifirimbi ya mbere ivuze,byatumye ku munota wa 4 ibona penaliti,nyuma y'uko Ayman Ashraf ategeye Achraf Hakimi mu rubuga rw'amahina.

Sofiane Boufal niwe wahawe iyi penaliti ayishyira mu rushundura ku munota wa karindwi gusa.

Igihugu cya Misiri cyagarutse mu mukino kibifashijwemo na kapiteni Salah, wagize igice cya mbere gituje, ariko nk'umukinnyi w'umupira wamaguru uhagaze neza kurusha abandi muri Afurika yishyuriye igihugu cye ku munota wa 53.

Nubwo ikipe ya Maroc yagiye ibona uburyo bwiza,ntiyabashije kububyaza umusaruro byatumye amakipe yombi arangiza iminota 90 ari 1-1.

Ku munota wa 100,Mohamed Salah yikunkanye umupira acenga ba myugariro 2 ba Maroc ahita ahereza umupira mwiza cyane mugenzi we Trezeguet ,maze uyu mukinnyi wa Aston Villa atsinda igitego cyagejeje Misiri muri 1/2 cy'irangiza.

Mu wundi mukino wabaye kuri iki cyumweru, Senegal ya Sadio Mane yerekeje muri kimwe cya kabiri cy'irangiza mu gikombe cya Afurika nyuma yo gusezerera ikipe ya Equatorial Guinea iyitsinze ibitego 3-1.

Mane yahaye umu[ira mwiza Famara Diedhiou,afungura amazamu mu gice cya mbere cy'umukino.

Icyakora Equatorial Guinea yari yabanje guhisha ubuhanga bwayo bakayisatira bikomeye mu gice cya mbere,yagarutse mu cya kabiri imeze neza yishyura iki gitego ibifashijwemo na Jannick Buyla ku munota wa 57.

Ibyishimo bya Equatorial Guinea ntibyatinze kuko umutoza wa Senegal yakoze impinduka zikomeye zagize akamaro ubwo yinjizaga mu kibuga Cheikhou Kouyate wahise atsinda igitego cya kabiri nyuma yo kutumvikana kwa ba myugariro Saul Coco na Carlos Akapo bihera umupira uyu munya Senegal aratsinda.

Nanone Ismaila Sarr wavuye ku ntebe,yshimangiye intsinzi nyuma yo gutsinda igitego cya 3 cyiza cyane ku mupira yahawe na Saliou Ciss.

Muri 1/2,Senegal izesurana na Burkina Faso kuwa Gatatu ku kibuga Ahmadou Ahidjo Stadium mu mujyi wa Yaounde.

Source : https://umuryango.rw/imyidagaduro/imikino/article/afcon2021-mohamed-salah-na-sadio-mane-bagejeje-amakipe-yabo-muri-1-2-cy

Ingabo z'u Rwanda zishe ibyihebe bibiri ku Birindiro bya Sheik Hassan ahitwa Nankidunga mu bilometero 6 uvuye i Mocimboa da Praia muri Mozambike.

Amakuru IMVAHO NSHYA dukesha iyi nkuru yabonye, avuga ko umwe mu byihebe byishwe ari Twahili Mwidini ukomoka muri Tanzania, akaba ari umwe mu byihebe byabaga ku Birindiro byitiriwe Sheik Hassan.

Mu mafoto yashyizwe hanze,hagaragaye intwaro n'ibindi bikoresho birimo na mudasobwa, byasanzwe mu birindiro by'ibyo byihebe.

Kuva Ingabo z'u Rwanda zagera i Cabo Delgado, Palma yatangiye kugarukamo amahoro ku buryo n'abaturage basubiye mu byabo buhoro buhoro. Umuntu ugeze Palma muri iki gihe, asanga ibintu byinshi byarahindutse, kuko ubu abakora ibikorwa by'ubucuruzi bw'ibintu bya ngombwa mu buzima.

Intara ya Cabo Delgado ifite ubuso bungana na 82.625, ukoze imibare wasanga iruta u Rwanda inshuro 3,1. Mu 2017 byabarwaga ko ituwe n'abaturage barenga miliyoni 2,3.

Ni yo yakabaye ikize mu ntara 11 zigize Mozambique kuko ifite umutungo kamere mwinshi wa gaz.

Bibarwa ko abaturage barenga 3000 ari bo bamaze kwicwa n'ibyihebe muri iyi ntara, mu gihe abavuye mu byabo bo barenga ibihumbi 700.

Source : https://umuryango.rw/amakuru/mu-mahanga/umutekano/article/rdf-yivuganye-ibyihebe-2-muri-mozambike-ibyambura-intwaro-nyinshi-amafoto

Iyi ndirimbo yasohotse ku gicamunsi cyo kuri iki Cyumweru tariki 30 Mutarama 2022, igaragaramo amashusho y'ubukwe bwabo bombi yabereye muri Tanzania, ikagaragaramo n'igice kinini cy'ibihe bagiriye muri Tanzania nyuma y'ubukwe.

Joyce Umuhoza agaragara ari kumwe na Emmy mu bwato babyina, bari ku nyanja, kuri moto n'ibindi bigaragaza umunezero wakurikiye ubukwe bwabo.

Asohora iyi ndirimbo, uyu muhanzi yabwiye buri wese wizerera mu rukundo kunyurwa nayo.

Emmy aherutse kubwira Kiss FM ko iyi ari 'indirimbo y'amateka' itazibagirana mu buzima bwe'. Ati 'Iyi rero ni indirimbo y'amateka! Indirimbo itazibagirana mu buzima bwanjye. Ni indirimbo nahimbiye umufasha wanjye, nshyiramo imbaraga mu kuyandika, bigera n'aho niyambaza abasizi kugira ngo nizere neza ko tuyanditse neza.”

'Ni indirimbo ntashobora kuzibagirwa. Izahora ifite icyo ivuze mu buzima bwanjye. Izajya inyibutsa umunsi nafashe icyemezo cyo gusezera ubuseribateri nkavuga nti yego! Mfashe icyemezo. Rero urumva ko ni indirimbo ifite icyo ivuze.'

Uyu muhanzi yavuze ko iyi ndirimbo yayanditse afatanyije na Rumaga, uri mu basizi bari kwigaragaza cyane muri iki gihe, aho azwi mu bisigo birimo ubuhanga bw'ubusizi n'umuziki nka ‘Umunsi Ameze Imiryango Yose’, 'Umugore si umuntu', 'Tugane iwacu' n'ibindi.

Emmy asohoye iyi ndirimbo nyuma y'uko mu ntangiriro z'iki Cyumweru asezeranye imbere y'amategeko n'umukunzi we Joyce Umuhoza.

Aba bombi basezeranye imbere y'Imana nyuma y'uko tariki ya 19 Ukuboza 2021, bakoze ubukwe bwabereye mu gihugu cya Tanzaniya.

Mu isezerano rye, Umuhoza yashimiye Emmy ku bwo gukundana mu gihe kigoye, amurinda kudatenguhwa kandi ibyo yamusezeranyije arabimwereka.

Ashimira Emmy ku bwo kumukunda urutagabanyije, akamushimira kumukundira umuryango. Ati “Imana iguhe umugisha”.

Mu ntangiriro za 2021, nibwo Emmy yambitse umukunzi we impeta amusaba ko bazabana.

Joyce Umuhoza agaragara mu mashusho y'indirimbo y'umugabo we Emmy Emmy avuga ko indirimbo 'Idantite' izahora ari urwibutso rw'umunsi yatereyeho intambwe yo kurushinga 

Emmy na Joyce baherutse gusezerana imbere y’amategeko

KANDA HANO UREBE AMASHUSHO Y'INDIRIMBO 'IDANTITE' YA EMMY

“>

Source : https://inyarwanda.com/inkuru/114003/emmy-yifashishije-umugore-we-mu-mashusho-yindirimbo-yamateka-yamuhimbiye-video-114003.html

Ibi byabaye nyuma y'uko amafoto y'abakobwa bari guhatanira guhagararira Intara y'Uburengerazuba banyura imbere y'Akanama Nkemurampaka, yashyirwaga hanze.

Benshi batangajwe n'ubwiza budasanzwe bw'uyu mukobwa, ndetse ntibatinya no kumuha ikamba nyamara irushanwa aribwo rigitangira.

Ukoresha izina 'Presiyo OG' ku rubuga rwa twitter, nyuma yo kubona amafoto ye, mu kugaragaza ko yashimye ubwiza bwe yahise avuga ati: 'Uyu anciye inyuma ninjye wamusaba imbabazi kabisa'.

Nyuma yo kuvuga ibi, mugenzi we ukoresha izina rya 'Sindaza' yahise amusubiza amuseka cyane ati: 'Ayo mahirwe wayakura he?'

Uwitwa 'Damour barista Rw' we yahise yemeza ko Muheto afite ubwiza bufite intego.

 Uwiyise 'Harris Kamala' we yahise avuga ati: 'Uyu mukobwa ni mwiza pe! Arabe afite ubwenge!'

Hari uwahise abishyiramo urwenya avuga ko Imana yamuremye yamaze kuruhuka. Ati: 'Imana yamuremye mugitondo kuwa mbere, muve mu macupa ya Gaz'

Uwitwa 'Peckinho Patrick' yahise amusubiza ati: 'Umuntu yakwisiga n'amarange. 'Dusabinema Gustave' nawe yongeraho ati: 'Muheto ko mbona ari isi!' 

Aba ni bamwe mu bamurase ubwiza kuko abavuze ku bwiza bwe ni benshi cyane.

Mutesi Jolly nawe yemeye

Muheto akimara kugera imbere y'Akanama Nkemurampaka, Mutesi Jolly yahise avuga ati: 'Muheto uri mwiza pe'. 

Uyu mukobwa Nshuti Divine Muheto ukomeje kuvugisha benshi kubera ubwiza bwe, afite umushinga yise 'Igiceri program' mu rwego rwo kwizigama cyane cyane ku rubyiruko n'abagore muri rusange.

Yasobanuriye Akanama Nkemurampaka ko azakora ubukangurambaga hose ndetse no mu mashuri, abana bato bagatangira kwigishwa kwizigamira bakiri bato.

 Nyuma yo kuvuga umushinga we, Akanama Nkemurampaka kamuhaye 'Yes' eshatu, bamusaba kureka ubwoba ndetse banamubwira kunonosora no kwiga neza umushinga we.

Nyuma y'uko abakobwa bose banyuze imbere y'Akanama Nkemurampaka, hakurikiyeho gutangaza abakobwa babashije gutorerwa guhagararira Intara y'Uburengerazuba, Nshuti Divine Muheto nawe aba umwe mu bakobwa bahawe amahirwe yo gukomeza.

 

Source : https://inyarwanda.com/inkuru/114000/mutesi-jolly-nawe-yemeye-ubwiza-bwa-muheto-bwatigishije-imbuga-nkoranyambaga-114000.html

Abakobwa bagiye guhararira iyi Ntara y'Uburengerazuba muri 34 babashije kugera ahabereye amajonjora, nyuma y'uko muri 54 bari bateganijwe abagera kuri 20 batabashije kwitabira.

Ababashije kugira amahirwe akaba ari:

-Nimero (33) Sandrine Umubyeyi

-Nimero (4) Isaro Nadia

-Nimero(15) Stella Matutina Murekatete

-Nimero(17)  Marie Mercie Kazeneza

-Nimero (32) Amelia Umwiza 

-Nimero(21) Jessica Muringa

-Nimero (02) Maolithia Keza

-Nimero (03) Peggy Uwajeneza

-Nimero(06) Divine Muheto Nshuti

Source : https://inyarwanda.com/inkuru/113998/miss-rwanda-abakobwa-bakomeje-mu-ntara-yuburengerazuba-amafoto-113998.html

Kuri iki cyumweru, nibwo Mukura Victory Sports yatangaje ko Tony Hernandez wigeze kubana n’iyi kipe yongeye kuragizwa inshingano zo kuba umutoza mukuru mu gihe cy’imyaka ibiri iri imbere.

Tony Hernandez yizaniye umutoza we wungirije

Mu Ukwakira 2019, nibwo Tony Hernandez yagizwe umutoza mukuru wa Mukura asimbuye Ovambe wari wamuzanye nk’umwungiriza. Icyo gihe ntabwo shampiyona yabashije kurangira kubera Covid-19, gusa imikino 23 yari imaze gukina Mukura yari ku mwanya wa 4 inyuma ya APR FC, Rayon Sports na Police FC.

Tony Hernandez yatoje Mukura mu gihe itahembaga

Muri Nzeri 2020, nibwo Tony yandikiye Mukura ayibwira ko batazakomezanya kubera impamvu ze bwite. Nyuma y’igihe gito atandukanye na Mukura, Tony yerekeje muri Honduras mu ikipe ya Real de Minas none birangiye agarutse mu Karere ka Huye.

Umwanya mwiza Mukura Victory Sports iheruka kugira muri shampiyona, yatozwaga na Tony Hernandez ukomoka muri Espagne.

Mukura iherutse gutandukana na Ruremesha Emmanuel wari wahawe akazi nk’umutoza w’umunyarwanda ugomba kugarurira indangagaciro iyi kipe.

Source : https://inyarwanda.com/inkuru/114001/tony-hernandez-watoje-mukura-yagarutse-murugo-114001.html

Umukinnyi w'umupira w'amaguru wa Manchester United, Mason Greenwood, yatawe muri yombi akekwaho gufata ku ngufu no gukubita umukobwa bari inshuti, nyuma y'ibirego byo ku mbuga nkoranyambaga.

Police ya Greater Manchester yemeje ko yafashe umugabo w'imyaka 20 ukekwaho icyaha cyo gukora ihohoterwa rishingiye ku gitsina.

Yavuze ko yamenyeshejwe “amashusho yashyizwe ku mbuga nkoranyambaga n'umugore atangaza amakuru y'ihohoterwa rishingiye ku mubiri” yakorewe n'uyu mukinnyi

Yongeyeho “dushobora kwemeza ko umugabo uri mu kigero cy'imyaka 20 yatawe muri yombi akekwaho gufata ku ngufu no gukubita”.

Arakomeza gufungwa kugira ngo abazwe kandi iperereza rirakomeje.

Manchester United yavuze ko uyu mukinnyi atazasubira mu myitozo cyangwa ku mikino kugeza igihe kitazwi

Iyi kipe yavuze ko “idashyigikiye ihohoterwa iryo ari ryo ryose” kandi ko yamenyeye ibi birego ku mbuga nkoranyambaga ariko ko nta kindi izatangaza kugeza igihe “ibimenyetso bizamenyekanira”.

Mason Greenwood ntabwo yasubije ku mbuga nkoranyambaga.

Uyu mukinnyi w'umupira w'amaguru wimyaka 20, watangiye gukinira iyi kipe muri Werurwe 2019, yasinye amasezerano y'imyaka ine muri Gashyantare 2021 nyuma yo kuzamurwa mu ikipe ya mbere avuye mu ishuri rya United yagezemo afite imyaka 6

Source : https://umuryango.rw/imyidagaduro/imikino/article/rutahizamu-mason-greenwood-yatawe-muri-yombi

Kizigenza mu mukino wa Tennis,Rafael Nadal yavuye inyuma akimara gutsindwa amaseti 2-0 atsinda umukino w'amateka yahuragamo na Daniil Medvedev mu irushanwa rikomeye muri Tennis rya Australian Open ryasojwe kuri iki cyumweru.

Kuri iki cyumweru, Rafael Nadal yongeye kwandikaamateka nyuma yo gutsinda Daniil Medvedev ku mukino wa nyuma wa Australian Open 2022, aba umuntu wa mbere wegukanye ibikombe 21 by'amarushanwa akomeye akinwa muri Tennis azwi nka Grand Slams.

Uyu munya Espagne yatsinze umukino nyuma yo gutsindwa amaseti abiri ku busa ku nshuro ya mbere muri Grand Slam mu myaka 15 ishize, kugira ngo agere ku gahigo kadasanzwe mu mwuga we, bituma arenga kuri Roger Federer na Novak Djokovic mu kugira ibi bikombe bikomeye muri Tennis dore ko bose uko ari 3 banganyaga 20.

Intsinzi ye idasanzwe yayigezeho nyuma yo gutsinda amaseti 3-2 [2-6 6-7 (5-7) 6-4 6-3 7-5] mu mukino wamaze amasaha atanu n'iminota 24. Iki ni igikombe cye yari cya kabiri muri Melbourne Park kuko yaherukaga muri 2009.

Nadal yabaye umukinnyi wa kabiri nyuma ya Djokovic wegukanye buri gikombe cya Grand Slam byibuze inshuro 2 kuva iyi siporo yahinduka umwuga muri 1968.

Uyu mugabo w'imyaka 35 yari afite ubwoba ko ashobora gusezera kuri uyu mukino mu mezi abiri ashize, kubera ikibazo cy'imvune ikomeye y'ikirenge yagize ndetse akagera muri Australia akererewe kubera kurwara Covid-19.

Ku nshuro yakoze agashya ko kuva inyuma yatsinzwe amaseti 2-0 agatsinda umukino muri Grand slam, nyuma yo kubikora atsinze Mikhail Youzhny muri ​​Wimbledon muri 2007 kandi niwe wa mbere wabikoze ku mukino wa nyuma wa Australian Open nyuma ya Roy Emerson wabikoze mu mwaka wa 1965.

Nyuma yo guhabwa igikombe, Nadal yarebye uwo bari bahanganye, agira ati: “Nzi ko ari igihe kitoroshye. Daniil, uri umutsinzi utangaje.

“Nageze muri uyu mwanya inshuro ebyiri muri iri rushanwa. Sinshidikanya ko uzatwara iki gikombe inshuro nyinshi mu mwuga wawe. Uyu n'umwe mu mikino yanteye amarangamutima menshi kurusha iyindi mu mwuga wanjye wa Tennis no guhangana nawe mu kibuga ni icyubahiro gusa.

“Sinzi icyo navuga. Kuri njye, biratangaje gusa. Mvugishije ukuri, ukwezi kumwe n'igice ntabwo nari nzi niba nzashobora gusubira mu kibuga none ndi hano gusangira igikombe namwe.Ntabwo muzi uko narwaniye kugera hano. Murakoze cyane ku bw'inkunga yose.

“Nta gushidikanya, iki ni kimwe mu bihe by'amarangamutima mu mwuga wanjye wwo gukina Tennis. Inkunga nahawe mu byumweru bitatu bishize, igiye kuguma mu mutima wanjye ubuzima bwanjye bwose.

“Mu byukuri sinshobora gusobanura ibyiyumvo mfite muri iki gihe ariko ngiye gukomeza gukora uko nshoboye kose nzagaruke hano umwaka utaha.”

Nadal wakinaga umukino wa nyuma wa Grand Slam ku nshuro ya 29, yashyizwemo igitutu gikomeye na Medvedev ukoresha ingufu cyane ndetse ufite ubuhanga muri service,we yari ageze ku mukino wa nyuma wa Grand slam ku nshuro ya 4 ndetse yatwaye imwe gusa.

Muri izi nshuro enye, Uyu murusiya yahuye na Djokovic cyangwa Nadal wanaherukaga gutsinda uyu musore w'imyaka 25 ku mukino wa nyuma wa US Open muri 2019.

Source : https://umuryango.rw/imyidagaduro/imikino/article/umunyabigwi-rafael-nadal-yanditse-amateka-mashya-muri-tennis