Category: Uncategorized

Twagirimana Jean Pierre w’imyaka 27 wari usanzwe uzwho kwinjiza ibiyobyabwenge mu gihugu, yari asanganywe amakimbirane na se, avuga ko azamwica agasigarana imitungo ye.

Ku wa 10 Gashyantare 2022, nibwo umugambi we yawushyize mu bikorwa, aho yatonganye na se maze amukubita inyundo mu mutwe, nyina umubyara na we ntiyatabaza abaturanyi, umurwayi bamurekera mu nzu.

Ku wa 14 Gashyantare 2022, babonye umusaza akomeje kuremba, uyu musore na nyina witwa Murekatete Olive w’imyaka 52, bamujyanye kwa muganga mu bitaro bya Nyagatare, babeshya abaganga ko yakoze impanuka.

Umuvugizi wa Polisi mu Ntara y’Iburasirazuba, SSP Hamdoun Twizeyimana, avuga ko uyu musore abonye ko ise arembye cyane yahise atoroka.

Avuga ko Nzeyimana yitabye Imana ku wa 16 Gashyantare 2022, aguye iwe mu rugo kuko ngo umugore yakomeje kubona arushaho kuremba, amukura kwa muganga amwibye kugira ngo apfire iwe.

Avuga ko inzego z’ibanze na Polisi zamenye icyo kibazo ari uko abaturage benda kwica Murekatete Olive, zirahamukura ubu akaba afungiye kuri sitsiyo ya RIB ya Matimba.

Umurambo wa nyakwigendera ukaba wajyanwe ku bitaro bya Nyagatare kugira ngo ukorerwe isuma ry’icyamwishe, mbere y’uko ashyingurwa.

SSP Twizeyimana asaba abaturage kwirinda amakimbirane, ibibazo bafitanye bakabigaragariza ubuyobozi bigakemurwa.

Ati “Niba umuntu yumva ko hari uburenganzira bwe butubahirizwa, cyane ku mitungo, ntakwiye gufata umwanzuro wo kwica ahubwo aba akwiye kubigaragariza ubuyobozi bukabafasha, cyangwa akagana inkiko akarenganurwa.”

Apôtre Paul Gitwaza

Abashinze Zion Temple barashinja Apôtre Gitwaza gufata ibyemezo bihonyora amategeko y’uwo muryango, agamije kuwugira uwe, kunyereza imitungo, kuyigurisha no kuyimurira mu mahanga kandi byose akabikora atabagishije inama.

Gitwaza kandi arashinjwa ubwibone, amacakubiri, urwango, n’itonesha mu bayoboke ba Zion Temple, ngo bikaba byaratumye uwo muryango ushingiye ku myemerere ucikamo ibice ndetse bituma bamwe bawuvamo.

Ibaruwa Inama y’abashinze Zion Temple bandikiye Apôtre Gitwaza, bamumenyesha ko akuwe ku buyobozi bwayo ku itariki 14/2/2022, kuko ngo yanze kugirwa inama kenshi no gushyira ibintu ku murongo nk’uko Imana ibiteganya, nyamara 'Itorero rikomeje kurimbuka’.

Iyo baruwa yandikiwe Apôtre Gitwaza igira iti 'Inama y’abashinze Authentic World Ministries, Zion Temple Celebration Center (Pionniers), mu rwego rwo gusubiza ibintu mu buryo ndetse no kuramira umuryango ugeze aharindimuka, ikwandikiye ikumenyesha ko uhereye none tariki 14/2/2022 ukuwe ku buyobozi bw’umuryango twagushinze n’inshingano zose zijyanye n’umwanya wari ufite mu muryango…'

Inama y’abashinze Zion Temple yanamenyesheje Apotre Gitwaza ko azirengera ibintu byose yakoze binyuranyije n’amategeko y’uwo muryango.

Iyi baruwa yashyizweho umukono n’abitwa 'les pionniers’ ba Zion Temple ari bo Bishop Claude Djessa, Bishop Dieudonné Vuningoma, Bishop Pierre Kaberuka, Bishop Richard Muya, Bishop Charles Mudakikwa ndetse na Bishop Paul-Daniel Kukimunu, yohererejwe Urwego RGB ndetse kopi yayo ikaba yarahawe abayobozi b’Igihugu barimo Perezida wa Repubulika Paul Kagame.

Abashinze Zion Temple ariko ntabwo bagize amahirwe yo gukuraho Gitwaza, kuko Umuyobozi wa RGB Dr Usta Kaitesi, mu ibaruwa No 368/RGB/CEO/2022 yanditswe ku itariki 18/2/2022, yabandikiye abamenyesha ko icyemezo bafashe nta shingiro gifite, kuko ngo batari mu nteko rusange kandi ari rwo rwego rw’umuryango rufite ububasha bwo gufata icyo cyemezo.

Iyi baruwa ikomeza ibabwira iti 'Mugomba guhagarika ibikorwa byo kwihesha ububasha mudafite n’ibindi byose bishobora guteza umutekano muke mu banyamuryango n’abakristo ba Authetic Word Ministries- Zion Temple Celebration Centre'.

'Turasaba inzego zishinzwe iyubahirizwa ry’amategeko zigenewe kopi y’iyi baruwa, gukurikirana no kugenzura ko nta bikorwa bihungabanya ituze mu muryango wa Authetic Word Ministries Zion Temple Celebration Centre'.

Mu byo RGB yashingiyeho harimo n’ibaruwa Authetic Word Ministries- Zion Temple Celebration Centre yandikiye Polisi y’Igihugu ishami rya Kicukiro tariki 15/02/2022, igaragaza ikibazo cy’uko abashinze Zion Temple bashaka guteza umutekano muke mu itorero.

Mu rwego rw’ubufatanye busanzwe hagati y’ikipe y’umukino w’amagare ya 'Israel Premier Tech'na Bugesera Women Cycling Team, iyi kipe yo muri Israel mu gihe yitegura gutangira Tour du Rwanda yasuye ikipe ya Bugesera.

Igikorwa cyabanjirijwe no gukorana imyitozo hagati y’amakipe yombi ku ntera ya Kilomtero 70 mu karere ka Bugesera, nyuma ikipe ya Israel Premier Tech iha ikipe ya Bugesera impano zirimo igare ryo mu bwoko bwa Factor n’ibikoresho byaryo (pièces de rechange), Computer z’abakinnyi b’amagare zipima umuvuduko, imyenda, Ingofero (casques) n’ibindi.

Iyi kipe ifite umushinga wo kubaka ibibuga bibiri i Bugesera.

Ikibuga cy’umukino w’amagare kizwi nka “Pump Track”

Abagize iyi kipe batangaje ko kandi bagiye kubaka ikibuga cyinyogerwamo igare kizwi nka Pump Track kizaba kiri ku ntera ya kilometero imwena ndetse n’inzira y’amagare izwi nka Bike track.

Uwamahoro Innocente uyobora ikipe ya Bugesera Cycling Team, yavuze ko bashimishijwe no kwakira iyi kipe ku nshuro ya kabiri, aho by’umwihariko

Yagize ati 'Umushinga uhari ni uko bifuza kutwubakira ikibuga 'Pump Track' kizajya gifasha abana gukorera imyitozo hafi batajya kure, bizagabanya ibyo twatangaga kuko kujya mu muhanda amagare arangirika, bizatuma tuzigama amafaranga twatakazaga mu gukoresha amagare'

'Iki kibuga kizaba gifasha abantu benshi kikaba n’ikibuga gishobora kwakira amarushanwa ku rwego rw’igihugu, kikaba ari n’umutungo ukomeye no ku gihugu muri rusange, ni umushinga mwiza twizeye ko tuzawugeraho'

Amb Valentine Rugwabiza

Kuva muri 2019, MINUSCA yari isanzwe iyobowe n’umunya Senegal Mankeur Ndiaye, ugomba kurangiza manda ye tariki ya 28 Gashyantare 2022, vuba aha Akanama ka UN gashinzwe amahoro, karemeza umusimbura we.

Valentine Rugwabiza uherutse gusimburwa ku mwanya wa Ambasaderi w’u Rwanda muri UN, umwanya wo guhagararira Umunyamabanga Mukuru wa UN mu butumwa bwa MINUSCA, abishyigikiwemo na Jean Pierre-Lacroix ukuriye ishami ry’ibikorwa by’amahoro mu Bunyamabanga Bukuru bw’uwo Muryango.

Kugeza ubu bivugwa ko u Bushinwa ari bwo butaremeza kandidatire ya Amb. Rugwabiza, mu bihugu bitanu bivuga rikijyana muri Loni, nk’uko ikinyamakuru cya Africa Intelligence kibitangaza.

Ambasaderi Rugwabiza naramuka yemejwe burundu, u Rwanda ruzarushaho kuyobora Ubutumwa bwa MINUSCA, cyane ko guhera muri kamena umwaka ushize, Polisi iri muri ubwo butumwa iyoborwa na CP Christophe Bizimungu, na we wahawe izo nshingano asimbuye Umufaransa Pascal Champion.

Ni mu gihe kandi guhuza ibikorwa by’ubutabazi biyoborwa n’Umunyarwanda Vedaste Kalima guhera muri Mutarama 2021.

Kuva mu 2014, u Rwanda rwohereza abasirikare, abapolisi n’abasivili muri MINUSCA, aho kuri ubu ari na cyo gihugu kigira uruhare runini muri ubwo butumwa, kigakurikirwa na Pakistan na Bangladesh.

Abasirikare n’Abapolisi baturuka mu Rwanda ni na bo barinda Umukuru w’igihugu, Abagize Guverinoma n’abandi banyacyubahiro muri Santarafurika.

Dr Valentine Rugwabiza, yagiye guhagararira u Rwanda muri UN kuva muri 2016 avuye ku mwanya wa Minisitiri ushinzwe Umuryango wa Africa y’Iburasirazuba (MINEAC), akaba yari asimbuye Ambasaderi Eugène-Richard Gasana.

Uyu mugabo umaze iminsi mu Rwanda, kuri uyu wa Gatanu yasuye Ikigo cy'Ubushakashatsi n'Iterambere ry'Inganda (NIRDA), baganira ku bufatanye buzazamura urwego rw'ubuvuzi bukoresha imiti ikomoka ku bimera mu Rwanda.

Bimwe mu bikubiye mu masezerano NIRDA izagirana n' Ikigo cya Life Care Phyto Labs-India cyashinzwe n'uyu mugabo harimo gutanga amahugurwa ku bahinzi y'uburyo bwo guhinga neza no gutunganya ibimera bikorwamo imiti.

Harimo kandi no kuba NIRDA izorohereza uruganda rw'iki kigo rugiye gushingwa mu Rwanda ku bufatanye na Bold Regain International isanzwe icuruza imiti ikorwa n'iki kigo cyo mu Buhinde.

Ibi bisobanuye ko NIRDA izabafasha ku buryo uyu mwaka uzarangira rwaratangiye gukora, aho bazaruha bimwe mu bikoresho byakoreshwaga muri Laboratoire yari mu Karere ka Huye itunganya ibi bimera.

Ibimera bikorwamo imiti bisabwa kwitabwaho bikiri mu murima kugira ngo bitazagira ingaruka ku buzima bw'abantu aricyo gituma no guhitamo imirima bisaba kwitonda. Iyi mirima nayo bazayitizwa na NIRDA.

Umuyobozi wa NIRDA, Dr. Christian Sekome Birame, yavuze ko bagiye kugirana imikoranire na Prof Dr Rajendran Aanaimuthu, izatuma imiti ikomoka ku bimera itera imbere kuko ifitiye ubuzima bw'abantu akamaro.

Ati 'Imiti ituruka ku bimera ni yo myiza cyane kurusha iva mu binyabutabire kuko usanga igira ingaruka ku mubiri w'umuntu ikaba yagira izindi ndwara itera, ariko iyi ufata ituruka ku bimera byahinzwe neza bifite inyungu nyinshi ku mubiri.'

Prof Dr Rajendran Aanaimuthu yavuze ko anejejwe n'amasezerano agiye kugirana na NIRDA kuko azafasha Abanyarwanda kunguka ubumenyi buzatuma bagera ku buzima bwiza n'uruganda rugakora.

Ati 'Ibimera bikorwamo imiti ni ikintu cyo kwitondera si ugupfa guhinga no gukora ahubwo hari ubumenyi runaka bisaba. Nishimiye ko nzatanga umusanzu mu gutanga ubwo bumenyi buzazamura ibi bikorwa mu Rwanda kandi n'uruganda tugiye gushinga ruzabyungukiramo.'

Umuyobozi wa Bold Regain International, Dr Francis Habumugisha, usanzwe ukura iyi miti mu Buhinde akayicuruza mu bihugu bisaga bitanu bya Afurika, yavuze kuba Abanyarwanda bagiye guhabwa amasomo ku gutunganya iyi miti bizatuma hatongera kubaho ikibazo cy'abantu bayitunganya nabi.

Ati 'Imiti gakondo abantu mu Rwanda bakora ntabwo ari mibi ariko ntiri kuri rwa rwego nyarwo, usanga wa mukecuru akoze umuti akawusekura yabikoze n'isuku nke, ntiyagiye kuwupimisha ngo bamenye ibiwugize, ntiharimo n'uburyo bwo kureba uwo umuntu akwiye gufata n'ibindi.

'Icyo tuzabafasha rero dushobora kuzajya tubagurira ibihingwa bizajya biba byarahinzwe neza, dushobora no kuzajya tubapimira ibyo bakoze mu ruganda rwacu.'

Prof Dr Rajendran ni muntu ki?

Prof Dr. Rajendran ni umugabo w'umuhanga mu bijyanye n'ubuvuzi bukoreshejwe imiti ikomoka ku bimera kuko amaze imyaka isanga 30 abikoraho ubushakashatsi.

Yize muri Kaminuza ya Anna iherereye i Chennai mu Buhinde aho yakuye impamyabumenyi y'ikirenga muri Siyanse n'ubumuntu (Science and Humanities).

Kugeza ubu afite imigabane mu kigo gikomeye cy'ikoranabuhanga cyo mu Buhinde muri New delhi cyitwa Aloe Vera Cold Processing Technology.

Akunze kuba ari gukora ubushakashatsi ku iterambere ry'ibikorwa byo gutunganya ibikomoka ku bimera uburyo byavamo imiti ivura.

Mu 2015 nibwo yatangije ikigo gitunganya imiti ikomoka mu bimera cya Life Care Phyto Labs gikorera mu Buhinde kandi kugeza ubu imiti yacyo ikoreshwa mu bihugu bitandukanye.

Prof Dr Rajendran Aanaimuthu yanejejwe n'amasezerano agiye kugirana na NIRDA kuko azafasha Abanyarwanda kunguka ubumenyi buzatuma bagera ku buzima bwiza n'uruganda rugakora

Umuyibozi wa NIRDA, Dr. Christian Sekome Birame, yatangaje ko ubu bufatanye buzazamura urwego rwo gutunganya imiti mu bimera

Abazagira uruhare muri uru ruganda, bemeza ko iyi mikoranire izatanga umusaruro

Prof Dr Rajendran nyuma y’ibiganiro yagiranye na NIRDA byemerejwemo ishingwa ry’uruganda rukora imiti y’ibimera

Amafoto: Shumbusho Djasiri

Babitangaje ubwo batahaga ku mugaragaro ibiraro bibiri byo muri ubu bwoko. Icya Kagarama gihuza Akagari ka Kigabiro n'Akagari ka Ryaruhanga mu Murenge wa Mubuga n'icya Munini gihuza Akagari ka Bigugu n'aka Munini mu Murenge wa Rwankuba.

Mutoniwase Vestine yavuze ko azi abantu batanu bamaze gutwarwa n'umugezi wa Kiraro bagerageza kuwambuka wuzuye.

Ati “Kino kiraro kizatugirira umumaro. Imvura yagwaga umugezi wa Kiraro ugatwara abantu, abana bakabura uko bambuka bajya ku mashuri, abantu bakabura uko bambuka bajya ku isoko. Iki kiraro kizadufasha cyane mu buhahirane”.

Nzarora Alphonse yavuze ko azi abantu 10 batwawe n'uyu mugezi, ashima ubuyobozi bwabatekerejeho bukabagenera iki kiraro.

Ati “Abanyarubazo bajyaga ku isoko ryo ku Mubuga imvura yaba yaguye umugezi ukabatwara. Twishimiye ko tubonye ikiraro tuzajya twambukiraho, ntuzongera kudutwara abantu”.

Ukwitegetse Abel w'imyaka 37 ni umwe mu bantu babonye akazi mu bikorwa byo kubaka ibi kiraro. Avuga ko yahembwe amafaranga agera ku bihumbi 250Frw.

Ati “Iki kiraro tuzagifata neza, tuzakirinda isuri kugira ngo itazacyangiza”.

Umunyamabanga Nshingwabikorwa w'Akarere ka Karongi, James Karangwa yavuze ko bafite gahunda yo kubaka ibiraro 37 by'abanyamaguru ku migezi yuzura igatwata ubuzima bw'abaturage.

Ati “Dufatanyije na Bridges to Prosperity, tumaze kubaka ibiraro bitandatu bifite agaciro ka miliyoni hafi 900 Frw. Akarere ka Karongi katanze 30%, umufatanyabikorwa atanga 70%”.

Avuga ko ibi biraro babyitezeho korohereza abaturage kugera ku masoko, ku mashuri no kutarara nzira igihe imvura yaguye imigezi ikuzura.

Ati “Icyo dusaba abaturage ni ukubyitaho bakabisana igihe byangiritse. Mwabonye ko hari abasore n'inkumi babihuguriwe kugira ngo bage babikurikiranira hafi babisane.'

Ibyo biraro byatangiye kubakwa mu mpera z'umwaka ushize. Byubatswe n'inzobere zaturutse mu bihugu birimo Leta Zunze Ubumwe za Amerika zifatanyije n'Abanyarwanda biga muri IPRC Karongi.

Kimwe mu biraro byubatswe mu Karere ka Karongi byitezweho kunoza ubuhahirane bw’abaturage

Uyu mugezi ni umwe mu yatwaraga abantu mu gihe wuzuye kuko nta kiraro cyabagaho

Urubyiryuko rwiga muri za kaminuza rwasobanuriwe amahirwe ari mu kwiga amasomo yongera ubunyamwuga mu ibaruramari

Ibi ni ibyagarutsweho na bamwe mu bakozi b’iki kigo, mu gikorwa cy’ubukangurambaga bwabereye mu Karere ka Musanze, kuwa Kane tariki 17 Gashyantare 2022, bwitabiriwe n’abanyeshuri biga muri Kaminuza ya Kigali (University of Kigali), n’abiga mu Ishuri rikuru ry’Ubumenyingiro rya INES-Ruhengeri, hagamijwe kubagaragariza amahirwe ari mu kwiga amasomo y’ibaruramari.

Straton Nyirindekwe, ushinzwe uburezi muri ICPAR, agira ati 'Ni amasomo bashobora kwiga akiyongera ku yo basanzwe biga muri Kaminuza. Tuvuge niba abanyeshuri biga nko kugeza saa sita cyangwa saa saba, Kaminuza runaka ishyiraho uburyo bwo kwigisha ayo masomo y’inyongera, akigishwa nko ku mugoroba cyangwa muri week-end, kugira ngo umunyeshuri wiga amasomo asanzwe ya kaminuza, wabihisemo, abone n’uwo mwanya wo kwiga ayo masomo yandi y’inyongera, atuma agira ubumenyi bwimbitse bumwubakira ubunyamwuga mu by’ibarururamari'.

Ati 'Ni porogaramu zizwi nka CPA (Certified Public Accountants), hakaba n’ayo navuga ashingiye kuri tekiniki azwi nka CAT (Certified Accountant Technicians), umuntu arangiza ari ku rwego mpuzamahanga mu ibaruramari ry’umwuga'.

Asanga gushyira imbaraga mu kwitabira bene izi porogaramu, bizakuraho imbogamizi zikigaragara zishingiye kuri za raporo n’amakosa bigaragaza ubunyamwuga bucye mu bijyanye n’ibaruramari, bityo n’igihugu kibyungukiremo.

Straton Nyirindekwe ushinzwe uburezi muri ICPAR, ahamya ko hari amahirwe menshi urubyiruko rwabonera mu kuba abanyamwuga mu ibaruramari

Kugaragariza urubyiruko uko na bo bagira uruhare muri izo mpinduka, binyuze muri ibi biganiro bagejejweho, Nyirindekwe asanga bizatanga umusaruro.

Ati 'Ikigamijwe ni ukwereka urubyiruko cyane cyane abakiri bato, amahirwe abakikije bashobora kubyazwa umusaruro, bakagira uruhare mu isoko ry’umurimo rinoze, haba mu gihugu no ku rwego mpuzamahanga, bitewe n’ubumenyi busabwa ku mubaruramari w’umwuga butuma akora adahuzagurika. Iterambere ry’igihugu cyacu n’isi muri rusange, rikeneye abakora ibintu bigaragaza ubunyamwuga bufatika, bafite ubushobozi bwo kucyerekeza mu bukungu buhamye. Nta handi bizashingira atari ugutegura abanyamwuga mu ibaruramari'.

Bamwe mu banyeshuri nyuma yo gusobanurira imiterere y’izi porogaramu, biyemeje ko bagiye kubigira ibyabo, nk’uko Ntakirutimana Protogène yabisobanuye.

Ati 'Mbashije gusobanukirwa ko amasomo dusanzwe twiga muri Kaminuza arebana n’ibaruramari, afite icyo atandukaniyeho na CPA, kuko yo ifite umwihariko wo kuba yigishwa mu buryo bucukumbuye, ufite ubushobozi bwo gusohoka ku ntebe y’ishuri yitwara kinyamwuga no gutanga umusaruro mu kazi ke'.

Dr Léopord Hakizimana, Umuyobozi wa University of Kigali ishami rya Musanze, ahamya ko ababaruramari b’umwuga, bafite uruhare rukomeye mu iterambere ry’ubukungu bw’ibigo, byaba ibya Leta n’iby’abikorera. Akabiheraho asaba urubyiruko gutinyuka bakitabira kwiga ayo masomo.

Yagize ati 'Igihe kirageze ngo urubyiruko rurusheho kumva ko tubahanze amaso mu guteza imbere ubukungu bw’igihugu. Birasaba ko umubare munini w’abiga muri za Kaminuza cyangwa amashuri makuru, bitabira kwiga izo porogaramu, zibubakira ubushobozi bwo kuba abanyamwuga mu ibaruramari. Tukaba tubyitezeho kugabanya icyuho mu buryo bufatika, cyaturukaga ku bihombo bigaragara mu bigo bitandukanye, kubera ko ababikoramo bazaba ari abanyamwuga'.

Abanyeshuri bahawe umwanya wo kubaza

Kugeza ubu mu Ntara y’Amajyaruguru hari santere imwe, iri muri Kaminuza ya Kigali Ishami rya Musanze, yakira abiga amasomo y’ubunyamwuga mu by’ibaruramari; kugeza ubu ikaba ifite abanyeshuri bagera kuri 230 biga muri iyi porogaramu.

Ikigo ICPAR kivuga ko kugira ngo igihugu kigire abanyamwuga mu by’ibaruramari, bisaba kubitegura hakiri kare, binyuze mu kubishishikariza urubyiruko, dore ko mu myaka isaga 10 iri imbere, u Rwanda ruzaba rukeneye nibura abanyamwuga mu by’ibaruramari batari munsi y’ibihumbi 7 mu bigo bya Leta, hatabariwemo iby’abikorera.