Category: Uncategorized

Ku wa Gatandatu tariki ya 26 Gashyantare 2022, kuri Stade ya Kigali i Nyamirambo hazabera umukino uruta indi yose mu Rwanda, uzahuza Rayon Sports na APR FC ku munsi wa 19 wa shampiyona.

Mbere y'amasaha 48 kugira ngo uyu mukino ukinwe, abasifuzi bazayobora uyu mukino bamaze kumenyekana, bakazaba bayobowe na Ishimwe Jean Claude uzasifura mu kibuga hagati.

Ishimwe Claude yaherukaga gusifura uyu mukino w'abakeba bo mu rw'imisozi 1000 mu 2019 ubwo Rayon Sports yatsindaga APR FC 1-0.

Ni umusifuzi udakunda kuvugwaho kubogamira ikipe imwe cyangwa iyindi nk'uko bikunze kugenda ku bandi baba bahawe gusifura uyu mukino mu bihe bitandukanye.

Mugabo Eric azaba afite igitambaro ku ruhande rumwe, mu gihe Ishimwe Didier nawe azaba afite igitambaro ku rundi ruhande.

Umusifuzi wa kane muri uyu mukino ni Rulisa Patience nawe ufite ubunararibonye muri uyu mwuga.

Uretse Ishimwe Claude, abandi basifuzi batatu ni ubwa mbere bazaba basifuye umukino uhuza Rayon Sports na APR FC.

Rayon Sports igiye kwakira umukino wo kwishyura nyuma yo gutsindwa na mukeba mu mukino ubanza ibitego 2-1, umukino nabwo wari wabereye kuri Stade ya Kigali mu mwaka ushize wa 2021.

Gusa aya makipe yombi agiye gukina ahagaze neza, nyuma yuko buri imwe yatsinze umukino iheruka gukina mbere yo guhura hagati yayo.

Aya makipe agiye guhura APR FC yaratsinze Rayon Sports mu mukino ubanza ibitego 2-1, magingo aya APR FC irusha amanota 8 Rayon Sports mu mikino 18 imaze gukinwa muri shampiyona.

Ishimwe Claude niwe uzasifura mu kibuga hagati ku mukino wa Rayon Sports na APR FC

Ibi byabaye mu gitondo cy’uyu wa 24 Gashyantare, ubwo Geospatial World, Ikigo mpuzamahanga gifite icyicaro mu Buhinde, cyashyiraga hanze urutonde rw’abantu 50 bari kuzamuka cyane muri iri koranabuhanga ku Isi, mu nkuru yasohotse kuri LinkedIn.
Nk’uko bigaragara ku rupapuro rwa 11 mu gitabo kiri ku mugereka w’iyo nkuru.

Geospatial World yavuze ko Jean Claude Ntirenganya iki gihembo agikesha ahanini uruhare yagize mu kuyobora ishyirwaho ry’urubuga rusaranganya amakuru ndangahantu mu Rwanda, n’ikoranabuhanga ryo gukora amakarita yifashiswa n’ inzego zitandukanye mu gihugu mu gufata ibyemezo.

Uru rubuga ashimirwa kugiraho uruhare rwakozwe n’Ikigo cy’Igihugu gishinzwe Imicungire n’Imikoreshereze y’Ubutaka mu Rwanda, rufungurwa ku mugaragara na Minisitiri w’Ikoranabuhanga no Guhanga Ibishya kuwa 17 Ugushyingo 2021, bihurirana n’umunsi ngarukamwaka wo kwizihiza ikoranabuhanga ry’ubumenyi bw’Isi n’amakuru ndangahantu (GIS Day).

Ntirenganya Jean Claude asanzwe ari umukozi ushinzwe ikusanya n’isaranganyamakuru ndangahantu mu Kigo cy’Igihugu gishinzwe Imicungire n’Imikoreshereze y’Ubutaka mu Rwanda.

Imwe mu makarita yakozwe na Jean Claude Ntirenganya. Iyi karita irerekana ibirunga biri mu karere u Rwanda ruherereyemo

Ursula Von Der Leyen-EU

Perezida wa Komisiyo y’Ubumwe bw’u Burayi, Ursula Von Der Leyen, yatangaje ko mu bihano biza guhabwa u Burusiya harimo gufungirwa ikoranabuhanga n’amasoko henshi ku isi, guca intege ibirindiro by’ubukungu bw’icyo gihugu, hamwe n’ubushobozi bwacyo bwifashishwaga mu kugiteza imbere.

Ursula yakomeje agira ati “Tuzafatiira imitungo yose y’u Burusiya iri mu muryango w’Ubumwe bw’u Burayi (EU), ndetse tubuze amabanki yabwo kugera ku isoko ry’imari”.

Ursula avuga ko ibyo byemezo byo gukomanyiriza u Burusiya bitazashyirwa mu bikorwa mu bihugu by’i Burayi na Amerika ya ruguru gusa, ahubwo ngo bizanakurikizwa mu bihugu bya kure nka Australia n’u Buyapani.

Ursula avuga ko ibi byemezo bigamije guca intege u Burusiya, kugira ngo butongera kugira ubushobozi bwo gutera inkunga ibikorwa by’intambara.

Yemeza ko miliyoni nyinshi z’Abarusiya nta ntambara bashaka uretse Perezida Putin wenyine, ngo wifuza gusubiza ibihe inyuma, nk’uko byahoze kera hakiri Leta zunze Ubumwe z’Abasoviyeti.

Icyakora ngo abo baturage bose n’ubwo nta ntambara bashaka, Perezida Putin ngo arimo kubategurira ahazaza habi, Ursula akaba amusaba guhagarika vuba na bwangu iyo ntambara, no kuvana muri Ukraine Ingabo z’u Burusiya.

Ursula avuga ko batazemera ko Putin asenya umutekano w’u Burayi wari umaze kubaka iterambere rikomeye mu myaka myinshi ishize, nyuma y’Intambara ya kabiri y’Isi.

Avuga ko umuryango wa EU ukomeje gushyigikira Ukraine n’abaturage bayo, kandi akizera ko bazatsinda urugamba.

Nyuma y’ijambo rya Ursula, Perezida w’Inama y’Ubuyobozi y’Umuryango w’Ubumwe bw’u Burayi, Charles Michel, na we yashimangiye ko hagiye kubaho gukangurira isi yose gushyira u Burusiya mu kato gakomeye.

Charles Michel ati “Ibi ntabwo ari imikino ya dipolomasi na politiki, ahubwo ni ikibazo cyo kubaho no gupfa, ni ibijyanye n’ahazaza h’abatuye isi”.

Charles Michel yavuze ko agiye gukorana n’abafatanyabikorwa ba EU bari hirya no hino ku isi, mu rwego rwo kwamagana u Burusiya no gushyira abayobozi babwo mu kato gakomeye.

Umuryango OTAN wishyizemo Perezida Putin ko ari we uzabazwa abapfiriye mu bitero byagabwe kuri Ukraine, abahakomerekeye n’ibyangiritse byose, kuko ngo yashoje intambara itari ngombwa.

Amb Valentine Rugwabiza ari kumwe António Guterres

Itangazo ryashyizwe ahagaragara ku mugoroba wo ku wa Gatatu tariki 23 Gashyantare 2022, ryemeje ko Rugwabiza azaba Umuyobozi w’Ubutumwa bw’uwo muryango bugamije kugarura amahoro muri icyo gihugu (MINUSCA), asimbuye Umunya Senegal, Mankeur Ndiaye.

Itangazo rigira riti 'Uyu munsi, Umunyamabanga Mukuru w’Umuryango w’Abibumbye, António Guterres, yatangaje ko hashyizweho Valentine Rugwabiza, nk’umuhagarariye mushya wihariye muri Repubulika ya Santrafurika akaba n’Umuyobozi w’Ubutumwa bw’uyu muryango, bugamije kugarura amahoro muri iki gihugu (MINUSCA)'.

Rikomeza rigira riti 'Madamu Rugwabiza asimbuye Mankeur Ndiaye wo muri Senegal, wayoboye ubwo butumwa kuva mu 2019. Umunyamabanga mukuru yishimiye akazi Ndiaye yakoreye abaturage ba Repubulika ya Santrafurika mu bihe by’imidugarararo. Ubuyobozi bwe bwagize uruhare runini mu gushyigikira byimazeyo amatora rusange yabaye muri 2020-2021'.

Iryo tangazo kandi rigaragaza ko hari byinshi byitezwe kuri Ambasaderi Rugwabiza, aho amaze imyaka irenga 30 akora mu myanya ifite aho ihuriye n’iterambere ndetse n’ibibazo by’umutekano muri Afurika, haba muri Guverinoma y’u Rwanda ndetse anaruhagararira mu bihugu n’imiryango itandukanye.

Ku ya 23 Gashyantare 2022, Amb Rugwabiza nibwo yahuye na Guterres amusezeraho ubwo yiteguraga kwerekeza i Bangui gutangira imirimo ye mishya.

Mu butumwa yashyize kuri Twitter yagize ati 'Nasezeye ku Munyamabanga Mukuru wa Loni. Ndangije urugendo rwanjye rw’akazi nk’uhagarariye u Rwanda muri Loni. Nashimye ubufatanye buhebuje hagati y’u Rwanda na Loni kandi ndashimangira ko u Rwanda ruzakomeza gushyigikira ibikorwa byo kubungabunga amahoro, kubaka amahoro ndetse n’iterambere.'

Rugwabiza mu mirimo yagiye akora, yabaye Umuyobozi wungirije w’Umuryango Mpuzamahanga w’Ubukungu, WTO. Ni we mugore wa mbere wafashe izo nshingano.

Yabaye kandi Umuyobozi w’Urwego rw’Igihugu rushinzwe Iterambere, hagati ya 2013 na 2014, ava kuri izo nshingano agirwa Minisitiri ushinzwe ibikorwa by’Umuryango wa Afurika y’Iburasirazuba.

Santrafurika Ambasaderi Rugwabiza ahawemo inshingano, ni igihugu gisanzwe gifitanye umubano n’u Rwanda. Rufite Ingabo 1660 n’abapolisi 459 mu butumwa bwa Loni kuva rwabujyamo bwa mbere mu 2014. Ingabo zarwo ni zo zirinda Perezida wa Santarafurika kuva mu 2015.

Muri iyi minsi Gen Muhoozi Kainerugaba bamwe bamuhimbye akazina ka 'General twitter' bashaka kuvuga ko akoresha cyane uru rubuga nkoranyambaga.

Kuva umubano w’u Rwanda na Uganda wafata isura nshya mu ntangiriro z’uku kwezi, akenshi Gen Muhoozi akunze kwandika kuri Twitter avuga iby’uwo mubano, cyangwa asubiramo amateka umuryango we n’igihugu cya Uganda bafitanye n’u Rwanda.

Kuri uyu wa Gatatu, yanditse aburira inyeshyamba za ADF zivuga ko zirwanya ubutegetsi bwa Uganda mu izina ry’idini ya Islam.

Yagize ati 'ADF ikosa yakoze rikomeye mu buzima bwabo ni ugutera ku Ngoro ishinga Amategeko yacu ! Ntituzahagarika Kubica kugeza ubwo Perezida Kaguta Museveni abidusabye !!!'

Mu butumwa buherekeje ubwo Lt. General Muhoozi Kainerugaba, usanzwe ari Umugaba mukuru w’ingabo za Uganda zirwanira ku butaka, akaba n’umujyanama wa Perezida Museveni, yavuze ko igisirikare ayoboye kimaze kwica abarwanyi ba ADF 1000 kuva mu Ugushyingo 2021 ubwo UPDF yatangiraga intambara kuri bo ifatanyije n’ingabo za Congo, UPDF.

Ati 'Abatuye muri Kivu ya Ruguru na Ituri, ibikorwa byacu bigeye gutera ubwoba ibyihebe. Ntangaje ko Kivu ya Ruguru, Kivu y’Amajyepfo, na Ituri ari ubutaka bw’Abakiristu !

Yesu/Yezu Christu ategetse ADF kuva mu butaka bwe vuba na bwangu, bitabaye ibyo bazabyishyura ikuzimu !!!'

Gen Muhoozi Kainerugaba ni umwe mu bahabwa amahirwe yo kuba azasimbura Se ku butegetsi, bisa naho ku mbuga nkoranyambaga cyane Twitter hari abantu bavuga ibigwi bye mu rwego rwo gutangira kumukundisha rubanda.

Ingabo za Uganda zinjiye muri Congo ku wa 30 Ugushyingo, 2021 mu bikorwa bya gisirikare zifatanyamo n’iza kiriya gihugu byitwa 'Operation Shujaa', inyeshyamba za ADF zagiye zitakaza ibirindiro ndetse bamwe bafatirwa ku rugamba ari bazima.

Vladimir Putin

Mu ijambo aheruka kugeza ku Barusiya ku wa Gatatu 23 Gashyantare 2022, binyuze kuri televiziyo y’igihugu, Putin yavuze ko atazahwema kugira uruhare mu biganiro bigamije gushakira ibisubizo ibibazo byugarije isi, ariko ku birebana n’umutekano w’u Burusiya, ngo nta n’umwe akeneye kugisha inama, n’ubwo amahanga akomeje gukomanyiriza igihugu cye mu rwego rw’ubukungu.

Ibi Putin abivuze nyuma y’uko Perezida wa Leta zunze Ubumwe za Amerika (USA), Joe Biden, aburiye amahanga avuga ko u Burusiya burimo kwitegura kugaba ibitero kuri Ukraine, nyuma y’uko Inteko Ishinga Amategeko y’u Burusiya, yemereye Putin kohereza abasirikare mu bice by’u Burasirazuba bwa Ukraine, bigenzurwa n’abatavuga rumwe n’ubuyobozi bashyigikiwe n’u Burusiya

Vladimir Putin ni muntu ki?

Amazina ye yose ni Vladimir Vladimirovich Putin. Yavukiye mu mujyi wa Saint Petersburg mu Burusiya ku itariki 07 Ukwakira 1952; yiga amashuri makuru kuri Saint Petersburg High School mu Burusiya.

Usibye Ikirusiya nk’urumi kavukire, Putin azi Ikidage n’Icyongereza neza cyane, ariko mu bikorwa byinshi bijyanye n’ubuyobozi akoresha Ikirusiya.

Mbere yo kuba umukuru w'igihugu, Putin usanzwe ari n’umusirikare yabaye mu nzego zishinzwe ubutasi hanze y’u Burusiya (KGB), aza gutorerwa kuyobora igihugu mu 1999 kugeza muri 2008, yongera kwiyamamaza muri 2012 aratorwa kugeza magingo aya, ariko yigeze no kuba minisitiri w’Intebe.

Putin yize amategeko kuri kaminuza ya Leningrad State University, ubu isigaye yitwa Saint Petersburg State University, aho yize guhera mu 1970 – 1975.

Vladimir Vladimirovich Putin, ni umwe mu bakuru b’ibihugu badakunda gushyira ahagaragara ibirebana n’ubuzima bwite nk’umukuru w’igihugu, ariko ibirebana n’ubuto bwe, kubivuga byo arisanzura.

Mu biganiro n’itangazamakuru, iyo bamubajije ibirebana n’ubuto bwe, Putin asubiza ko mu bwana bwe yakuriye mu rugo rukennye, rwari rusangiye inzu n’undi muryango batagiraga icyo bapfana mu nzu yabagamo imbeba nyinshi, Putin ngo akaba ari we watinyukaga kuzirukana.

Abakurikiranira hafi ubuzima bwe n’ubwo bitoroshye, bavuga ko Putin atishimira igihagararo cye, areshya na metero 1.42, ndetse ngo n’iyo hagize umubaza icyo avuga ku ndeshyo ye, ngo arakureba gusa akakwihorera.

Ubugabo si igihagararo

N’ubwo Putin ari mugufi, ntibimubuza kuba ari indwanyi kabuhariwe. Urubuga top10 media rucukumbura amakuru ku bantu b’ibyamamare, ruvuga ko hari igihe Putin yari ari kumwe n’abanyamakuru bari mu kazi mu ishyamba, maze bacakirana n’urusamagwe rushaka kubarya, Putin akoresha inkoni yari yitwaje ararukubita biza kuruviramo gupfa nyuma yaho.

Ku myaka 18, Putin yari afite umukandara w’umukara mu mukino wo gukirana uzwi nka Judo, ariko ajya ananyuzamo agakina indi mikino njyarugamba nka karate, kung-Fu n’indi.

Putin akiri muto

Mbere y’uko atangira kujya mu buyobozi, yabanje kuba mu rwego rushinzwe ubutasi hanze y’u Burisiya (KGB), atangira akorera mu Burasirazuba bw’u Budage kuva mu 1975 – 1991.

Umutungo wa Putin

Abakurikiranira hafi ubuzima bw’uyu mugabo, bavuga ko yatandukanye n’umugore we muri 2014 bamaranye imyaka 31. Bafitanye abana babiri b’abakobwa Maria na Katarina.

Umutungo we mu mafaranga ubarirwa muri miliyari 70 z’Amadolari ya Amerika, akaba afite inzu zisaga 20 zo mu rwego rwa villa, harimo imwe ifite agaciro ka miliyari imwe y’Amadolari yitegeye inyanja y’umukara iri hagati ya Asia n’U Burayi.