Category: Uncategorized

Uyu muyobozi yafashwe ku wa Gatandatu, tariki ya 5 Werurwe 2022. Yafatiwe mu cyuho amaze kwakira ibihumbi 100 Frw bikurikira ibindi 100 Frw yari yarakiriye mbere, yayatse ayita agashimwe.

Amakuru yizewe IGIHE yakuye mu bantu bakurikiranira hafi RCA avuga ko uwafashwe yari avuye mu gihano cyamezi abiri kubera imyitwarire ye irimo gusuzugura abayobozi, gusinda no kutita ku kazi ke nkuko bikwiye.

Umuvugizi wa RIB, Dr Murangira B. Thierry, yemeje amakuru y'ifatwa ry'uwo muyobozi, anashima abaturage bakomeje gutanga amakuru kugira ngo ruswa ihashywe.

Yibukije abishora muri ruswa ko ari icyaha kidasaza kandi ugifatiwemo igihe icyo aricyo cyose abihanirwa nkuko amategeko abiteganya.

Icyaha cyo gusaba, kwakira cyangwa gutanga indonke ugihamijwe ahanishwa igifungo kiri hejuru y'imyaka itanu ariko kitarenze irindwi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'indonke yatse cyangwa yakiriye.

Umuyobozi watawe muri yombi afungiye kuri Sitasiyo ya RIB ya Rwezamenyo mu gihe iperereza rikomeje hanatunganywa dosiye kugira ngo ishyikirizwe Ubushinjacyaha.

Ku isaha ya 22:12 ubwo basabaga umuhanzi Theo Bose babireba kuza ku rubyiniro ntibyabashije gukunda, kuko abacuranzi banze kuza ku rubyiniro.

Bakomeza gutsimbara bavuga ko batari bwongere gucuranga batarishyurwa, kugera ubwo bishyuwe hashize iminota 50 yose, ndetse abantu benshi bari bamaze kugenda, hasigaye mbarwa.

Ku isaha ya saa 23:02 ariko, Aline Gahongayire wari umaze kurira [wagaragaye yarize nyuma y'ibiganiro yagiranye n'abateguye iki gitaramo], yazamutse ku rubyiniro aririmbira abantu bacye bari basigaye. 

Yaririmbye indirimbo ze zirimo 'Ndanyuzwe' n'izindi zinyuranye, harimo n'izo yafashijwemo n'umucuranzi Nzungu ndetse n'umuririmbyi Gaby Kamanzi.

Aline Gahongayire yagiye ku rubyiniro hafi nyuma y'isaha igitaramo gihagaze

Israel Mbonyi ubwo yarimo aganiriza abafana bacye bari basigaye mbere y'uko igitaramo cyongera gusubukurwa abahanzi bakiririmbana

Aha hari hahoze hicaye bamwe muri mbarwa bari bitabiye nyamara ifaranga nabo ribabuza ibyishimo barikura

Ku isaha ya saa 21:30, nibwo Rose Muhando wari utegerejwe na benshi yageze ku rubyiniro abanza kuririmba n'ijwi rye ryiza abantu bose bahise bahaguruka, aho yari agaragiwe n'ababyinnyi be babiri b'abasore, maze aryohereza abakunzi b'umuziki wo kuramya no guhimbaza Imana mu ndirimbo zirimo 'Utamu wa Yesu', 'Ni bebe', zose yaririmbye mu buryo bwa 'Semi Live' maze afata umwanya atanga ubutumwa.

Yagize ati: 'Ejo hazaza hose hakwiye gushingira ku Mana, hadakwiye gushingira ku bantu kuko ibyo bifuza atari ko bidahura n'imigirire y'abantu.' Yongera gushimangira ko yishimira kuba se yaravukiye mu Rwanda.

Rose Muhando yagaragaje imbaraga zikomeye ku rubyiniro, ku isaha ya saa 22:12 nibwo yavuye ku rubyiniro.

RoseRose Muhando yagaragaje umuhate n’ubushobozi bwo hejuru
 

Mu gihe abantu mbarwa bitabiye igitaramo amaso yari yaheze mu kirere, kugera ku isaha ya saa 19:51 bategereje ko hagira umuhanzi ugera ku rubyiniro, dore ko abashyushyarugamba batari banakigaragaje.

Ku isaha ya 19:59 nibwo bari bageze ku rubyiniro aribo Eddy Kamoso na Edithe batangira basaba imbabazi bacye bitabiriye, bahamya ko batari bazi ko kwipimisha COVID-19 ari ingenzi, ari kimwe mu byabatindije.

Ku isaha ya saa 20:05, bahamagaye Kingdom God Ministries batangiriye ku ndirimbo yabo yitwa 'Iyerekane', byabanje kugorana kubera ibyuma bitari biri ku murongo neza.

Bakomereje ku ndirimbo yitwa 'uri mwiza', basoreza ku ndirimbo yitwa 'nzamuhimbaza' yahagurukije bacye babashije kwitabira.

Ku isaha ya 20:34, nibwo MD yahamagawe ku rubyiniro, umuhanzi ukora injyana ya Rap gusa byaje kudakunda hahita hahamagarwa ku isaha saa 20:40 Gisubizo Ministries yinjirira mu ndirimbo yayo 'Ushimwe Mana Yanjye' , bageze ku ndirimbo baba bagira bati:”Nguhetse ku mugongo wanjye'  abantu bakaraga umubyimba karahava ari nayo basorejeho saa 21:02.

Kingdom God Ministries niyo yafunguye igitaramo 

N'ubwo ibyuma byabanje kuba ikibazo ariko basoje neza
  

Rwanda Gospel Star Live ni igitaramo cyari gitegerejwe na benshi ndetse cyanahagurukije umunyabigwi mu muziki wo kuramya no guhimbaza Imana Rose Muhando. Nyamara ibyo benshi bari biteze byabaye agatereranzamba kugera n’ubwo abagize Akanama Nkemuramaka kagomba kwemeza abahanzi bahize abandi, bikuye mu nshingano ku munota wa nyuma.

Batanu bari bagize Akanama Nkemurampaka ari bo Aimée Uwimana, Simon Kabera, Josue Shimwa, Mupende Gedeon Ndayishimiye na Pamela Mudakikwa, basezeye nyuma yo gusanga imitegurirwe y'igitaramo idahwitse ndetse bakavuga ko abateguye iki gikorwa badatanga amakuru.

Ibaruwa InyaRwanda.com ifitiye kopi y’umwe mu bari bagize Akanama Nkemurampaka, Pamela Mudakikwa, iragira iti “…Nshingiye kandi ku nama yaduhuje namwe ndetse n'abahanzi barebwa n'iki gikorwa ku wa 05/03/2022, nasanze hari byinshi cyane ntasobanukiwe bihagije ku buryo nabasha gukora umurimo mwari mwansabye gukora.

Mbiseguyeho kuba mbamenyesheje icyemezo cyanjye ku munsi nyirizina w'igikorwa, byatewe n'ubundi n'ikibazo cya miscommunication kiri muri organisation cyatumye amakuru menshi n'ubundi amenyekana amasaha 24h gusa mbere y'igikorwa!

Ku bw'icyubahiro ngomba Imana, umurimo wayo ndetse n'abakozi bayo, nsezeye muri iri tsinda, mbashimira icyizere mwangiriye, mbizeza ubufatanye mu bikorwa biri imbere igihe cyose bizaba birimo umucyo uhagije n'imikorere itunganye”.

Ibi aba Judges bavuga ntabwo binyuranye n’ukuri kuko ibidahwitse byo ari byinshi guhera ku isaha igitaramo cyagombaga gutangiriraho kuko iyo saha yageze abari mu b’imbere mu bateguye ibi bikorwa barimo abacuranzi bataranipimisha icyorezo cya COVID19.

Ku isaha ya saa kumi n'ebyiri ishyira saa moya z’ijoro ni bwo hari hatangiye gushyirwa ku murongo ibyuma, ibintu bidanzwe ubundi kuko akenshi usanga abandi barara babikoze cyangwa bigakorwa mu gitondo.

Ubwitabire bwo bwagiye bukomwa mu nkokora no kuba benshi bari bitabiriye ariko batipimishije kandi ahabereye igikorwa hakaba nta buryo bwari bwateganijwe bwo gufasha abahageze, ibintu byasabaga bamwe gusubirayo abandi bagahitamo gutaha.

Ugereranije abantu bari muri iki gitaramo ntibarenga 80. Ni mu gihe cyahurije hamwe abahanzi 14 bakunzwe mu muziki wa Gospel mu Rwanda ukongeraho na Rose Muhando waturutse muri Tanzania. Saa mbiri hafi saa tatu abantu mbarwa bahari bari bagitegereje ko hagira umuhanzi ugera ku rubyiniro dore ko n’umushyushya rugamba yari atarigaragaza. Kingdom of God Ministry niyo yabimburiye abandi kuri stage hafi saa yine z’ijoro.

Amajwi yasojwe gutunganywa saa 19:51. Biteganijwe ko umuhanzi uba uwa mbere ahabwa Miliyoni 7 Frw, uwa kabiri ahabwe Miliyoni 2 Frw naho uwa gatatu ahabwe Miliyoni 1 Frw.

Ibijyanye no kwipimisha icyorezo byabaye ingume

Isaha yari yatangajwe bwa mbere igitaramo cyagombaga gutangiriraho ni saa15:00 nyamara isaha yageze nta bantu baripimisha

Isaha yari yabaye nk’iyigizwa inyuma ishyirwa saa kumi nyamara iyo saha yageze ubona icyizere cyo kuba kw’igitaramo ari hafi ya ntacyo

Mu ma saa kumi n’imwe ni uku byari bimeze

Yafashwe nyuma y'igihe RIB iburira ababyeyi kudahanisha abana ibihano biremereye, bishobora no kugira ingaruka ku buzima bwabo.

Uyu mugabo w'imyaka 38 y'amavuko wo mu Kagari ka Nemba, akurikiranyweho icyaha cyo guha umwana ibihano biremereye no kumukorera iyicarubozo. Yatwitse ku buryo bubabaje umwana we w'umukobwa w'imyaka 10, amuziza kumwiba 400 Frw.

Iperereza ry'ibanze ryagaragaje ko uwo mugabo yafashe umwana akaboko, akagashyira mu ziko abonye bitihuta atwika igikoba amubabura ibiganza.

Ikusanyamakuru rivuga kandi ko uyu mugabo ashobora kuba yari yanyoye inzoga, zikaba ziri mu byatije umurindi guha uyu mwana ibihano bidasanzwe.

Uwo mugabo akimara gukora ayo mahano yahise atoroka, inzego zibishinzwe zikomeza kumushakisha aza gufatirwa mu Murenge wa Nyarugenge hafi y'aho Akarere ka Nyanza kagabana na Bugesera.

Uyu mugabo akimara gufatwa yahise yemera icyaha ndetse avugako ko yabitewe n'uburakari bukabije yatewe n'uko uwo mwana we yari yamwibye amafaranga 400 Frw.

Umuvugizi wa RIB, Dr. Murangira B. Thierry, yibukije ko umwana agira uburyo akosorwa n'iyo yaba yakoze amakosa.

Ati 'Kirazira kumuha ibihano nka biriya by'indengakamere. Ibikorwa nk'ibi ntibikwiriye gukorerwa umwana nubwo yaba yakoze amakosa angana ate. Ibi bikorwa nk'ibi ntibikwiriye umuntu witwa ko ari umubyeyi. Bigomba guhagarara. Umwana agomba kubahwa, ibihano nk'ibi bigizwe n'ibikorwa by'iyicarubozo ntibikwiriye gukorerwa ikiremwamuntu.''

RIB irihanangiriza ababyeyi n'abandi bantu bafite inshingano zo kurera umwana, ko uwo ari we wese uzatanga ibihano ku mwana bimubuza uburenganzira bwe cyangwa bimwangiza atazinganirwa, azakurikiranwa agashyikirizwa ubutabera.

Uyu mugabo aramutse ahamwe n'icyaha cy'iyicarubozo, yahanishwa igifungo kitari munsi y'imyaka 20 ariko kitarenze imyaka 25. Nahamwa n'icyaha cyo guhoza umwana ku nkeke cyangwa kumuha ibihano biremereye azahanishwa igifungo kitari munsi y'imyaka ibiri ariko kitarenze imyaka itatu n'ihazabu y'amafaranga y'u Rwanda atari munsi ya 200.000 Frw ariko atarenze 300.000 Frw.

Uwafashwe kuri ubu afungiye kuri Sitasiyo ya RIB ya Nyamata mu gihe agikorerwa dosiye ngo ishyikirizwe Ubushinjacyaha.

RIB yataye muri yombi umugabo wo mu Karere ka Bugesera watwitse umwana we

Ni imashini bashyikirijwe nyuma yo kumara umwaka bahabwa amasomo ajyanye no kuzikoresha, mu kigo cya Muhisimbi Voice of Conservation cyiyemeje kubitaho n'abana babo, kugira ngo babavane mu bwigunge n'agahinda batewe no kuba ababyeyi imburagihe.

Bamwe muri aba bakobwa bavuga ko izi mashini bahawe bazifashe nk'umurage ugomba kubatunga bo n'abana babo.

Mukeshimana Jaqueline wabyaye afite imyaka 16 yagize ati” Nabyaye ndi muto n'umukecuru twabanaga arapfa nsigara nirera, mbihirwa n'ubuzima kugeza ubwo nabonye ko ntacyo mariye isi. Uyu ni umurage wacu, ni isuka n'umurima bizadutunga twe n'abana bacu tukiteza imbere.'

Dusabimana Immaculée na we avuga ko guhabwa izi mashini bizabahindurira ubuzima n'amazina babitaga abapfobya akabavaho bakaba ba rwiyemezamirimo.

Yagize ati 'Twize imashini turazizi neza ku buryo ntawatinya kudoda umwenda uwo ariwo wose. Imashini turazibonye, ubumenyi burahari, igisigaye ni uguseruka ku isoko ry'umurimo tukagaragaza ko dushoboye turi ab'umumaro tukitwa ba rwiyemezamirimo aho kuba indaya nk'uko badusebya.'

Umuyobozi wa Muhisimbi Voice of Conservation, Harelimana Emmanuel, yavuze ko bahisemo gufasha abo bana kugira ngo babakure mu bukene n'agahinda bari bafite nyuma yo guhura n'ibibazo byo kubyara imburagihe.

Yagize ati 'Aba bana usanga bahura n'ibibazo bikomeye mu buzima byaduteye kubona ko hari icyo dukwiye gukora. Twabafashije kwiga kudoda none tubaboneye n'imashini bazakoresha, kugira ubumenyi ni kimwe ariko kugira icyo ubukoresha nicyo cy'ingenzi.

Umuyobozi w'Akarere ka Musanze wungirije ushinzwe imibereho myiza y'abaturage, Kamanzi Axelle yashimiye abafatanyabikorwa bakomeje kubafasha mu guharanira ko abana batewe inda imburagihe babaho neza.

Ati 'Abatewe inda turabasaba kudaheranwa n'agahinda ahubwo bagakomera kuko ubuzima burakomeza. Abashobora kwiga bagasubira mu mashuri bakiga bakazibeshaho neza n'abana babo, abo bidakunze bakiga imyuga kandi natwe tuzakomeza kubaba hafi mu iterambere n'imibereho myiza yabo.”

Kuva muri Nyakanga 2021 kugeza muri Mutarama 2022, muri Musanze hamaze kubarurwa abana bagera ku 104 batewe inda batarageza ku myaka 18.

Byitezwe ko ibikoresho aba bakobwa bahawe bizabafasha kwiteza imbere

Abahawe izi mashini bazifata nk’igishoro cy’ubuzima