Category: Uncategorized

Barahamywa ko ubumenyi ngiro ari bwo bugiye guheka iterambere ry’Igihugu

Ibyo bitangajwe n’ubundi mu gihe gahunda ya Leta y’u Rwanda, ari uko mu mwaka wa 2024 nibura 60% by’abarangiza amashuri baba barize ubumenyi ngiro, mu rwego rwo kuvugurura iterambere ry’ubukungu ruiyanye n’icyerecyezo rusange ku Isi.

Umuyobozi w’ishami ryo gutegura integanyanyigisho z’abiga imyuga, mu kigo cy’Igihugugu gishinzwe ubumenyi ngiro (RTB), Aimable Rwamasirabo, avuga ko Leta y’u Rwanda ijya gushyiraho amashuri y’imyuga n’ubumenyi ngiro, yarebeye ku bindi bihugu kuko n’ubundi ariho urubyiruko rwinshi rubasha kugira ibyo rukora rurangije kwiga.

Avuga kandi ko isoko ry’umurimo mu minsi iri imbere rizajya ribona gusa umuntu ufite ibyo azi gukora, kuko amashuri y’ubumenyi rusange atakijyanye n’igihe ku isoko ry’umurimo, kubera ko Isi irimo kwinjira cyane mu bwenge butari karemano.

Yabitangarije mu kiganiro EdTech Monday cya Master Card Foundation, kigamije kugaragaza ibyiza byo kwiga imyuga n’ubumenyi ngiro, aho bamwe mu babikora bagaragaje ko bamaze kwiteza imbere.

Agira ati 'Ubu ikoranabuhanga ry’aho inzugi zifungura, imodoka zitwara riragaragaza ko mu minsi mike ubumenyi rusange buzaba butakijyanye n’igihe ku isoko ry’umurimo, niyo mpamvu Leta ishyize imbere kwigisha ubumenyi ngiro'.

Aimable Rwamasirabo

Kwigira ku murimo ni bumwe mu buryo butuma abiga ubumenye ngiro bimeneyereza ibikoresho by’ikoranabuhanga

Imwe muri gahunda Leta n’abafatanyabikorwa barimo gukoresha ngo abarangiza mu bigo by’imyuga n’ubumenyi ngiro, bagere ku isoko ry’umurimo bafite ibyo bazi gukora, harimo kwigira ku murimo.

Umuyobozi wungirije mu kigo cy’iterambere ry’uburezi (EDC), Adia Aimée Senzeyi, avuga ko bamaze igihe bakorana na (TVET), aho bakorana n’urubyiruko kwigira ku murimo, abanyeshuri bajya mu bigo byigisha imyuga bakigana ibihakorerwa.

Avuga kandi ko hanabayeho uburyo bwo kwigira ku ikoranabuhanga, aho bakoresha video zafashwe kuva ku ntangiro y’igikorwa kugera gisoje, n’ubwo habaho icyuho cy’umuyoboro wa Internet.

Senzeyi avuga ko hariho n’uburyo bw’ikoranabuhanga bukwiye gukoreshwa busimbura impapuro mu kwigisha, hakoreshejwe amajwi n’amashusho y’abarimu, akurikiranyije mu buryo buteganywa n’integanyanyigisho za (TVET), ibyo byose bikaba bigamije gufasha abiga ubumenyi ngiro.

Icyakora ngo ibyo ntibihagije buri gihe, kuko no kwicarana abanyeshuri n’abarimu bigikenewe ariko hakaniyongeraho iryo koranabuhanga, rishobora kwifashishwa igihe byaba bibaye ngombwa ko umwarimu muba mutari kumwe nk’uko byagenze muri Covid-19.

Adia Aimée Senzeyi

Mukakarisa Régine, umuyobozi wungirije w’ikigo gikora ibijyanye no gutunganya imisatsi n’ubwiza (Isimbi Hair Saloon), avuga ko abanyeshuri bakiraga mbere bazaga mu kazi bimeze nko gutangira kwiga.

Avuga ko abiga uyu munsi basohoka bakaza ku murimo baje banoza akazi, cyangwa n’abatari bafite ibikoresho bigezweho ku mashuri, ibyo basanze bakarushaho kubinoza, ibyo bigatuma abakozi akoresha benshi baba baturutse mu bigo by’amashuri y’ubumenyi ngiro.

Agira ati 'Uyu munsi wa none abana barangiza nibo dukoresha, bisaba gusa kubaha akanya ko kunoza ibyo bize kuko ubumenyi n’ikinyabupfura byo baba babifite'.

Ubushobozi bwo kwiga imyuga buhagaze bute?

Rwamasirabo avuga ko abantu benshi bakomeje gusuzugura (TVET) bakeka ko abigayo ari abadafite ubwenge, nyamara ngo ibikoresho byinshi byifashishwa mu buzima bwa buri munsi bigizwe n’ubumenyi ngiro, ari naho ahera avuga ko (TVET) ari ubuzima.

Avuga ko ibikoresho bya (TVET) bihenze ku buryo harimo kurebwa uko hakwifashishwa ikoranabuhanga, hifashishwa amashusho aho ibifatika n’amaso bitaraboneka.

Agira ati 'Buri mwaka hari ingengo y’imari igenda ku bikoresho bishira byifashishwa muri (TVET), ari nako hagurwa ibikoresho bishya bisimbura ibishaje. Harimo gutekerezwa kandi uko twagira imikoranire n’inganda, kugira ngo aho ibikoresho bitari abantu bajya bigira igice kimwe mu ishuri, icya kabiri bakakigira muri izo nganda kugira ngo bimenyereze ibyo batabonaga'.

Mukakarisa Régine

Fabrice Munyabarezi, umwe mu barangije (TVET) agashinga ikigo cyitwa (Kigali Wood Connection), gikora ibijyanye n’ububaji, avuga ko kwiga muri za (TVET) bitavuze kuba warabuze icyo ukora cyangwa ari ubuswa ku yandi masomo, kuko yagiye kwiga ububaji nyuma yo kubona ko ubumenyi rusange butangiye gusubira inyuma ku isoko ry’umurimo.

Avuga ko kugeza ubu inzozi ze yazigezeho kuko nyuma yo kurangiza amasomo yakoreye abandi bantu bafite ibigo, ari naho yahereye afungura ikigo cye abikesha ubumenyi yakuye muri (TVET).

Munyabarezi avuga ko urangije imyuga bisaba kuba azi gukora ikintu kizima gusa, kuko iyo ukoze ikintu neza uba wishakiye isoko, kubera ko icyo gihe abakiriya barizana, kandi igishoro ntikiba gihambaye kuko usanga kiva ku mafaranga ya avansi y’abakiriya.

Kwigira ku murimo byatanze uwuhe musaruro?

Ku kijyanye no kwigira ku murimo haracyari ikindi kibazo cyo kwanga guha abashaka kwiga, ibikoresho ngo bitangirika, cyangwa se no gutinya gukoresha ibyo bikoresho ngo bitangirika kugira ngo utabyishyuzwa.

Hari kandi kuba hari abana biga ibintu badakunda bagera ku murimo ugasanga ntabwo bisanisha n’ibikorwa, bigatuma bamwe bacika intege kuko baba bizeye ko nibagera ku murimo bazajya bahita babona amafaranga, bakaba basabwa kwihangana.

Rwamasirabo avuga ko gahunda yo kwigira ku murimo yagize akamaro, kuko yatumye abantu bize umurimo bagaragaza babona akazi, ku buryo ngo iyo itangira kare nta bashomeri benshi baba bagihari.

Avuga ko hari amashuri ya tekiniki yisumbuye arimo ibyiciro bitandukanye, aho abanyeshuri basohokana impamyabumenyi y’amashuri yisumbuye, hakaba n’amashuri ya (VTC) yigwamo n’abantu barangije munsi y’icyiciro cya mbere cy’amashuri yisumbuye.

Hari kandi na (VTS), ayo yo akaba ari amashuri aba mu bigo aho babyigiramo kandi barangiza bakabona akazi, aho hose abantu bakaba bakirwa ku buryo nta gushidikanya ko 2024 izasoza intego yo kwigisha imyuga kuri 60% igezweho.

Fabrice Munyabarezi

Ku kijyanye n’abifuza ko ubumenyi ngiro bwatangirira mu mashuri abanza, Rwamasirabo avuga ko byaba byiza koko hakurikijwe gahunda zisanzwe z’uburezi, ariko bikwiye no gushyirwa muri gahunda z’amashuri abanza, ahanatangiye gukoreshwa uburyo bwo gusuzuma abana ibyo baziga bakiri mu mashuri abanza.

Abize n’abakora ibijyanye n’ubumenyi ngiro bagira inama urubyiruko n’ababyeyi, yo kudatinya imyuga kuko bimaze kugenda bigaragara ko abikorera imyuga, ari bo batangiye kugira iterambere rirenze iry’abarangiza amashuri y’ubumenyi rusange.

Senzeyi avuga ko mu myaka itanu iri imbere abafiote ubumenyi ngiro mu biganza bazaba bari ku rwego rwo gutuma igihugu gitera imbere, hakaba hakenewe ko amashuri n’ibigo by’abikorera mu myuga barushaho gukorana kugira ngo abanyeshuri babashe kwigira ku bikoresho bigezweho ku isoko.

Mu mwaka wa 2024 intego Leta yihaye yari uko nibura 60% by’abanyeshuri bazaba barize imyuga n’ubumenyi ngiro, kandi ngo hari icyizere cy’uko bizagerwaho, cyane ko muri TVET nta myaka iteganyijwe, kuko ntawe ucikanwa.

Gen. Muhoozi ari mu ruzinduko rw’iminsi itatu, rukaba ari urwa kabiri agiriye mu Rwanda, aho yageze i Kigali ku wa Mbere tariki 14 Werurwe 2022, mu masaha ya mu gitondo akakirwa n’abayobozi batandukanye barimo abo muri Ambasade ya Uganda mu Rwanda hamwe n’abo mu nzego z’umutekano z’u Rwanda.

Mu bikorwa by’ingenzi akomeje kugirira mu ruzinduko rwe, kuri uyu wa Kabiri yasuye urwibutso rwa Jenoside yakorewe Abatutsi rwa Kigali aho yunamiye ndetse ashyira indabo ku mva aharuhukiye imibiri y’abasaga ibihumbi 250.

Gen Muhoozi yasuye kandi Ingoro y’amateka yo guhagarika Jenoside, iherereye ku Kimihurura ku Ngoro y’Inteko Ishinga Amategeko aho yavuze ko ubutwari bwaranze Ingabo za RPA ari ikintu ingabo zose za Afurika zifuza.

Gen Muhoozi yagize ati: 'Ubutwari n’imikorere byaranze Intwari za RPA mu 1990-1994 ni ikintu ingabo zose zo muri Afurika zifuza. Ndashimira abantu bose bagize uruhare mu ntsinzi y’urwo rugamba.'

Nyuma ya saa sita yaboneyeho gusura inyubako y’imikino y’intoki ariko ishobora no kwakira ibitaramo, Kigali Arena. Ndetse mu mafoto yashyizwe ahagaragara yerekana uyu mugabo w’imyaka 47 anaga umupira wa Basketball aho batsinda ibitego.

Earlier today, President Kagame received General Muhoozi Kainerugaba at his farm where he gifted him with Inyambo cows. pic.twitter.com/BmXHadPZap

— Presidency | Rwanda (@UrugwiroVillage) March 15, 2022

Abo bantu umunani bose babonetse i Kigali. Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19, ni 1,459 nk’uko imibare yatangajwe ibigaragaza.

Lt Gen Muhoozi ari mu ruzinduko rw'iminsi itatu mu Rwanda rugamije gukomeza guharura inzira zo kuzahura umubano w'ibihugu byombi wari warajemo agatotsi mu myaka itatu ishize. Yagiranye ibiganiro na Perezida Kagame ku munsi wa mbere, ku wa Kabiri asura Urwibutso rwa Jenoside rwa Kigali ruri ku Gisozi n'ibindi bice bya Kigali birimo Kigali Arena.

Ibiro by'Umukuru w'Igihugu byatangaje ko ku manywa yo kuri uyu wa Kabiri, Perezida Kagame yakiriye Muhoozi mu rwuri rwe 'amugabira inka z'inyambo'.

Mu muco Nyarwanda, kugabira umuntu inka z'inyambo ni ikimenyetso gishimangira umubano n'ubucuti biri hagati y'impande zombi.

Earlier today, President Kagame received General Muhoozi Kainerugaba at his farm where he gifted him with Inyambo cows. pic.twitter.com/BmXHadPZap

— Presidency | Rwanda (@UrugwiroVillage) March 15, 2022

Amafoto: Village Urugwiro

Ni nyuma y'uko bamwe mu banyeshuri basoje amashuri yisumbuye bagaragaje ko hari ababyeyi bababuza kwitabira ibikorwa by'Urugerero.

Ku wa Mbere tariki ya 14 Werurwe 2022 ni bwo mu gihugu hose hatangijwe ibikorwa by'Urugerero icyiciro cya cyenda ku banyeshuri basoje amashuri yisumbuye.

Abanyeshuri bagaragaje ko biteguye gukora ibikorwa bitandukanye byubaka igihugu ariko hakiri imbogamizi ya bamwe mu babyeyi bababuza kwitabira Urugerero.

Ishimwe Divine wo mu Karere ka Gisagara ati 'Ababyeyi turabasaba ikintu gikomeye cyo kutureka tukajya gutanga umusanzu wacu ku gihugu cyacu kuko hari ababyeyi bamwe na bamwe baba batumva nk'ibyo ugiyemo, ukamusobanurira ariko ntabyumve. Turasaba ababyeyi rero kutwumva no kumva ibyo tugiye gukora kuko na byo bifitiye akamaro twebwe ndetse n'abatuye igihugu muri rusange.'

Guverineri Kayitesi yavuze ko ku Rugerero hakorerwa ibikorwa bigamije kubaka igihugu, asaba ababyeyi kujya bareka abana babo bakabyitabira.

Ati 'Ndagira ngo nsabe ababyeyi kuko aba bana baturuka mu miryango, ntihazagire ubagamira umwana ngo amubuze kwitabira Urugerero.'
Yakomeje asaba abatangiye urugerero kurangwa n'ikinyabupfura mu byo bakora byose.

Ati 'Twese dufite inshingano ku gihugu, igihugu ni icyacu tugomba kucyubaka dufite ubuzima bwiza buzira umuze ni yo mpamvu ngira ngo mbasabe muzarangwe n'ikinyabupfura mu mirimo mugiye gukora kandi gikomeze no kubaranga aho muri hose. Mwirinde ibyo ari byo byose byakwanduza ubuzima bwanyu birimo ubusambanyi, inzoga, ibiyobyabwenge n'ibindi byose byatuma mutaba Intore koko zihamye.'

Basabye gushyigikirwa

Abatangiye urugerero bagaragaje ko hari ibikorwa bifuza gukora birimo kubakira abatagira aho kuba n'ababa mu nzu zishaje ndetse n'abatagura ubwiherero, basaba ubuyobozi kubafasha kubona ibikoresho bikenewe.

Yambabariye Jean Marie Vianney ati 'Twiteguye gukoresha imbaraga zacu ariko dusaba ubufasha Leta nk'ibikoresho tutaba dufite ikabitugezaho ibikorwa byacu bikagaragara. Cyane cyane tuzakenera imyiko, ibitiyo ndetse n'ingorofani ndetse n'ibindi bikoreshwa mu bwubatsi.'

Ubuyobozi bwabijejeje ko buzababa hafi kandi nta gikoresho bazakenera ngo bakibure.

Ibikorwa by'Urugerero bizibanda ku gukemura ibibazo bibangamiye imibereho myiza y'abaturage birimo umwanda, abatagira aho baba, abatagira ubwihero, kurwanya imirire mibi n'igwingira ry'abana, abakirarana n'amatungo n'ibindi.

Biteganyijwe ko Urugerero ruzasozwa tariki ya 25 Gicurasi 2022.

Gahunda y'Urugerero ishyirwaho n'Itegeko Nshinga rya Repubulika y'u Rwanda ryo mu 2003 ryavuguruwe mu 2015 mu ngingo yaryo ya 48.

Insanganyamatsiko y'uyu mwaka iragira iti 'Duhamye umuco w'ubutore ku rugerero rwo kwigira.'

Guverineri Kayitesi yavuze ko ku Rugerero hakorerwa ibikorwa bigamije kubaka igihugu, asaba ababyeyi kujya bareka abana babo bakabyitabira.

Guverineri w'Intara y'Amajyepfo, Kayitesi Alice, yakebuye ababyeyi babuza abana babo kwitabira Urugerero

Ku wa Mbere tariki ya 14 Werurwe 2022 ni bwo mu gihugu hose hatangijwe ibikorwa by'Urugerero icyiciro cya cyenda ku banyeshuri basoje amashuri yisumbuye

Mu bikorwa bazakora ku Rugerero harimo no kubakira abatagira aho kuba

[email protected]

Ahmed Sylla (iburyo ku ruhande) uyobora Africa Improved Food mu Rwanda, hamwe n’abakozi, bafashe ifoto bari mu cyumba cyafunguwe cyagenewe ababyeyi bonsa

Muri Nyakanga 2020, Ishami ry’Umuryango w’Abibumbye ryita ku Bana (UNICEF) ryasohoye inyandiko yari igamije guhishikariza abakoresha gutegura ahantu ababyeyi bonsa bajya babikorera ku kazi, kubera ko byagaragaye ko konsa ari ingenzi mu mikurire y’umwana, ku babyeyi no kuri sosiyete muri rusange.

Ishami ry’Umuryango w’Abibumbye ryita ku Bana (UNICEF) n’Ishami ry’Umuryango w’Abibumbye ryita ku Buzima (WHO) bavuga ko konsa ari ingirakamaro cyane cyane ku mwana ukiri muto kuko mu mashereka habamo intungamubiri zose akenera mu minsi ye ya mbere. Amashereka kandi ni nk’urukingo kuko arinda umwana kurwaragurika, ndetse akamurinda n’urupfu.

N’ubwo amashereka ari ingenzi ku mwana, haracyari ikibazo cy’ababyeyi batonsa uko bikwiye haba mu Rwanda, mu Karere no ku Isi, kubera ko ku kazi aho bakorera nta hantu hagenewe abo babyeyi kugira ngo bahifashishe mu gihe cyo konsa.

Gusa bamwe mu bakoresha batangiye kubyumva no kubishyira mu bikorwa. Urugero ni uruganda Africa Improved Food (AIF) rukora ibiribwa byongerewe agaciro ndetse bikungahaye ku ntungamubiri. Urwo ruganda rwafunguye ku mugaragaro ahantu hagenewe ababyeyi bonsa aho rukorera mu cyanya cyagenewe inganda, ahazwi nka Kigali Special Economic Zone.

Umuyobozi wa AIF mu Rwanda, Ahmed Sylla, na Gloria Ngabire ushinzwe abakozi bafunguye ku mugaragaro icyumba cyagenewe ababyeyi bonsa

Ni icyumba cyafunguwe ku mugaragaro tariki 11 Werurwe 2022, by’umwhariko bikaba byarahuriranye n’ukwezi kwahariwe kuzirikana abagore.

Umuyobozi wa Africa Improved Food mu Rwanda, Ahmed Sylla, yavuze ko nk’abantu bashyigikiye imirire myiza, biyemeje gushyiraho icyumba cyagenewe ababyeyi bonsa bakoresha kugira ngo abana babo batazagira ikibazo cy’imikurire mu minsi yabo ya mbere.

Yagize ati 'Nk’abantu dukora mu bijyanye n’imirire myiza, dushyigikiye ko ababyeyi bagira igihe gihagije cyo konsa abana babo nibura mu gihe cy’amezi atandatu nta kindi babagaburiye, ndetse bagakomeza kubonsa igihe kirekir gishoboka. Ibi biri mu rwego rwo kubahiriza amabwiriza ya UNICEF na WHO.'

Ahmed Sylla avuga ko igitekerezo bakigize nyuma yo kubona ingorane ababyeyi bonsa bahura na zo igihe bakeneye kujya mu rugo konsa, kandi bafite n’akazi bari bakeneye gukora.

Abagore bakora muri AIF bishimiye icyumba bagenewe cyo konkerezamo, basaba n’ibindi bigo gushyiraho ahantu nk’aho

Igitangaje ni uko icyo cyumba kidasaba ibintu byinshi bihenze kuko hakenerwamo ibintu bike, nk’ahantu ho kwicara, aho gukarabira n’ibindi bikoresho bike, ku buryo ibigo byinshi bitananirwa kugena aho hantu.

Ahmed Sylla uyobora Africa Improved Food mu Rwanda asanga n’abandi babishobora, ikibura ngo ni ubushake no kutabiha agaciro. Ni ho ahera ashishikariza abakoresha bose gutekereza ku kamaro k’icyumba cyo konkerezamo kuko cyagirira akamaro abana n’ababyeyi babo ndetse n’ababakoresha.

Gloria Ngabire ushinzwe abakozi mu ruganda Africa Improved Food, avuga ko icyumba cyo konkerezamo ari ahantu h’ingenzi habereye ababyeyi bonsa.

Ati 'Kirimo iby’ingenzi bikenewe, gifite isuku, kandi kiratekanye haba ku babyeyi no ku bana babo. Iki gitekerezo twakigize nk’abantu dusanzwe dushyigikiye guteza imbere imirire myiza mu Rwanda'

Uru ruganda kandi rusanga ibindi bigo n’imiryango itandukanye bikwiye gukurikiza uru rugero mu rwego rwo kwita ku mikurire myiza y’abana, by’umwihariko bonka igihe gihagije mu mezi atandatu ya mbere nta kindi bahawe kugira ngo bkure neza, bityo bazabe ingirakamaro muri sosiyete.

Byari ibyishimo ku munsi wo gufungura iki cyumba cyagenewe ababyeyi bonsa

Gloria Ngabire ushinzwe abakozi muri Africa Improved Food avuga ko banigisha ababyeyi bakiri bato ibyo bashobora kugaburira abana babo nyuma y’amezi atandatu bavutse, n’akamaro ko gukomeza kubagenera indyo yuzuye by’umwihariko mu minsi 1,000 ya mbere y’umwana, bimwe muri ibyo biribwa, urugero nk’ifu y’igikoma yuzuye intungamubiri, urwo ruganda rukaba rubitunganya.

Ngabire avuga ko ibiribwa batunganya bidasimbura konsa, ikaba ari yo mpamvu bashishikariza ababyeyi konsa igihe gihagije.

Na we ashimangira ko icyo cyumba kizakemura ingorane ababyeyi bonsa bahuraga na zo iyo babaga bagarutse mu kazi bavuye mu kiruhuko cy’amezi atatu bagenerwa iyo babyaye. Ngo bamwe wasangaga bibagora gusubira mu rugo konsa bakagaruka ku kazi, cyangwa bikabasaba kwishakira ahantu babikorera.

Bishimiye ko baruhutse ingorane bahuraga na zo igihe bajyaga mu rugo konsa bakagaruka ku kazi

Ni umuhango wabereye mu Nzove, iyi ikaba ari imyambaro yaguzwe ku bufatanye na Skol nk’umuterankunga mukuru wayo usanzwe unabagururira imyenda bakinisha muri shampiyona.

Ni imyambaro irimo iyiganjemo ibara ry’ubururu izajya yambrwa mu gihe ikipe yakiriye imikino, umwambaro wiganjemo umweru ku mipira izajya yambarwa ku mikino ikipe itazaba yakiriye, ndetse n’umwambaro ufite imipra y’umuhondo n’amakabutura y’umukara uzaba ari umwambaro wa gatatu.

Usibye iyi myambaro y’ikipe, hanamuritswe umwambaro w’abafana uzajya ugurishwa ibihumbi 15 Frws ku mufana wifuza kuwambara, ikazajya igurishwa ku biro by’ikipe ya Rayon Sports.

Mu kumurika uyu mwambaro hasobanuwe mu kuwukora hagendewe ku mateka y’ikipe ya Rayon Sports ikomoka mu karere ka Nyanza, akarere gafatwa nk’igicumbi cy’umuco ari nayo hashyizwemo imigongo ifatwa nk’ikirango cy’umuco nyarwanda.

Ivan umuyobozi w’uruganda rwa Skol yavuze ko iyi myambaro yakozwe hashingiwe ku bitekerezo by’abadozi (designers) aho ifite umwihariko w’imigongo ifitanye isano n’i Nyanza aho iyi kipe ikomoka.

Yagize ati: “Uburyo ikozwemo byakozwe hashingiwe ku bitekerezo by’abadozi (designers), hari inzu yabidufashijemo. Ifitanye isano no kuba Rayon Sports ikomoka i Nyanza, muri yo murabona imigongo, yakozwe hashingiwe ku bwiza nyaburanga bwaho. “

Perezida wa Rayon Sports, Uwizeye Jean Fidele yavuze ko impamvu bahisemo gushyiramo imigongo ari uko igaragaza ubwiza ndetse mu muco Nyarwanda imigongo ifite inkomoko i Nyanza aho Rayon Sports ikomoka.

Yakomeje avuga ko bifuza kubaka Rayon Sports ikomeye bazaraga n’abazukuru babo

Yagize ati: “Turifuza kubaka Rayon Sports igasubirana agaciro kayo, tukayubaka duhereye mu mizi, tukubaka Rayon Sports tuzaraga abazukuru bacu, ibyo tuzabigeraho dufatanyije na Skol.”

Yavuze ko bafite imishinga myinshi na Skol aho harimo no kuvugurura ikibuga cyo mu Nzove aho bazashyiramo n’amatara ku buryo hanakinirwa imikino ni njoro.