Category: Uncategorized

U Rwanda rwahanwe ruzira gukinisha abakinnyi bakomoka muri Brazil badafite ibyangombwa byemewe

Ishyirahamwe ry’umukino wa Volleyball ku Isi ni ryo ryatangaje ibihano byafatiwe Ishyirahamwe ry’umukino wa Volleyball mu Rwanda kubera amakosa yo gukinisha abakinnyi batabifitiye uburenganzira mu gikombe cya Afurika giheruka kubera mu Rwanda.

Muri iki gikombe cy’abagore u Rwanda rwashinjwe gukinisha abakinnyi bakomoka muri Brazil batabifitiye uburenganzira. Ibi byatumye u Rwanda ruba ruhagaritswe by’agateganyo mu gutegura no kwitabira amarushanwa y’umukino wa Volleyball.

Kuri uyu wa Gatatu tariki 16 Werurwe 2022 nibwo Federasiyo ya Volleyball mu Rwanda yamenyeshejwe ibihano, aho yahanishijwe amezi atandatu yo kudategura amarushanwa, aya mezi akaba yahise ahurirana n’igihe u Rwanda rwari rumaze rwarahanwe, bivuze ko ubu rwemerewe gutegura no kwakira amarushanwa.

U Rwanda kandi rwahanishijwe no gutanga amande angana na Miliyoni 120 Frw kubera aya makosa rwahaniwe.

Ibi kandi byaviriyemo Visi Perezida wa kabiri w’ishyirahamwe ry’umukino wa Volleyball mu Rwanda (FRVB) ushinzwe amarushanwa, Bagirishya Jado Castar, gukatirwa igifungo cy’imyaka ibiri ashinjwa gukoresha inyandiko mpimbano muri icyo gikombe cya Afurika cy’abagore.

Urukiko rwafashe umwanzuro wo gufunga imyaka ibiri Jado Castar wari wemeye ibyaha aregwa. Icyakora Urukiko rw’ubujurire ruherutse kwanzura ko azafungwa amezi umunani, akaba na yo yenda kuyarangiza, dore ko yafunzwe muri Nzeri 2021.

Abo bantu batanu barimo bane babonetse i Kigali, undi umwe aboneka i Rwamagana. Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19 ni 1,459 nk’uko imibare yatangajwe ibigaragaza.

Akarere kiyemeje kwigisha no gukurikirana abana n’ababyeyi

N’ubwo ari mu Mujyi wa Kigali aho bizwi ko abantu bafite imibereho myiza, Akarere ka Nyarugenge kavuga ko gafite abana benshi bagwingiye kubera impamvu zitandukanye, zirimo kuba ababyeyi badafite ubumenyi, ndetse no kuba batabona umwanya uhagije wo kwita ku bana.

Uwitwa Mukandayisenga Jacqueline w’imyaka 36 akaba atuye mu Kagari ka Mataba mu Murenge wa Mageragere, yarabyaye akaba yari ahetse umwana muto, ariko ngo ntazi gutandukanya ibiribwa bitera imbaraga, ibyubaka umubiri n’ibirinda indwara.

Mukandayisenga avuga ko kugaburira umwana imyumbati cyangwa ibijumba, akabirisha isombe byaba bihagije kugira ngo abe yabonye ifunguro ryujuje intungamubiri.

Yagize ati 'Icyakora wakongeraho n’amata kuko arinda indwara, ariko ubwo nkeneye kwigishwa niba hari aho nabyishe'.

Mukandayisenga yavugaga atyo atarumva inyigisho ku buzima bw’umwana mu minsi ye ya mbere yo kubaho kwe, kuva asamwe mu nda ya nyina kugera ku myaka ibiri, aho abaturage b’i Mataba bigishwaga n’Umuyobozi Mukuru w’Ibitaro by’Akarere ka Nyarugenge, Dr Deborah Abimana.

Dr Abimana avuga ko umwana atangira kugwingira agisamwa mu nda ya nyina kubera ko umubyeyi atabonye indyo yuzuye, kandi atagiye kwa muganga kwisuzumisha inda byibura inshuro enye mu gihe cyose atwite.

Dr Deborah akomeza asaba ababyeyi ko kuva umwana akivuka, akwiriye konka umuhondo w’amashereka ya nyina ako kanya, kugira ngo bizamurinde indwara cyane cyane iz’impiswi n’iz’ubuhumekero, akonka amezi atandatu yose nta kindi kintu baramuvangira.

Nyuma y’icyo gihe umwana arakomeza akitabwaho agahabwa indyo yuzuye yunganira ibere, igizwe n’ibyubaka umubiri, ibitera imbaraga ndetse n’ibirinda indwara.

Abana bari munsi y’imyaka itanu bagwingiye muri Nyarugenge ni 27%

Mu Kagari ka Mataba aho ubukangurambaga bwabereye kuri uyu wa Gatatu, abaturage bavugaga ko ibyubaka umubiri bafite ari ibikomoka ku matungo (amagi, inyama, n’amafi ava mu mugezi w’Akagera), ariko ko bahinga n’ibishyimbo ndetse na soya.

Mu birinda indwara bakunda kweza bigizwe n’imboga z’ubwoko butandukanye hamwe n’imbuto cyane cyane iza avoka, ndetse bakagira n’ibitera imbaraga birimo imyumbati, ibijumba, umuceri, amasaka n’ibigori.

Umujyanama w’Ubuzima mu mudugudu wa Mataba, Mutwarangabo Pierre Céléstin, avuga ko bigishijwe gusuzuma ikibazo cy’igwingira, aho umwana w’imyaka ine (ni urugero) utaragira uburebure bw’igihagararo bwa metero imwe aba yaragwingiye.

Umwana wagwingiye mu bunini na we bamuhambirisha akagozi gafite ibipimo by’uburebure ku kizigira cy’ukuboko bashingiye ku myaka afite, igipimo kikagera ahari ibara ry’umutuku kuri ako kagozi, cyagera mu muhondo bikaba bidakabije cyane, na ho mu cyatsi kibisi uwo mwana akaba nta kibazo afite.

Mutwarangabo avuga kandi ko ingwingira ribi ari iry’ubwonko, aho umwana agaragaza kudasabana n’abandi, kutagira ibakwe mu byo akora, kwigishwa mu ishuri ariko ntabashe gufata neza ibyo mwarimu yigisha.

Umuyobozi Nshingwabikorwa w’Akarere ka Nyarugenge, Emmy Ngabonziza, avuga ko kuba haragaragaye abana bagwingiye bangana na 27% mu mwaka wa 2019-2020, biterwa n’ubumenyi buke bw’ababyeyi, amakimbirane mu ngo no kutabona igihe gihagije cyo kwita ku mwana, bitewe n’imibereho yo muri uyu Mujyi wa Kigali.

Agira ati 'Umubyeyi arabyutse mu gitondo aho kugira ngo akurikirane umwana amuhe indyo yuzuye, ahubwo ahise ajya gushakisha imibereho ya buri munsi, muri uko kutabasha gukurikirana umwana umunsi ku wundi akiri muto, aho ni ho umwana atangira kugwa, bya bindi twita ngo umwana apfa mu iterura'.

Umuyobozi Nshingwabikorwa wa Nyarugenge, Emmy Ngabonziza

Akomeza avuga ko uretse umwana, n’umubyeyi ubwe ngo atabasha kurya indyo yuzuye ishobora kumufasha kubona amashereka y’umwana, ndetse ko atabasha kumwonsa amezi atandatu nta kindi aramuvangira kuko babasiga mu rugo bakiri bato cyane.

Ngabonziza avuga ko mu myaka ibiri iri imbere guhera kuri uyu wa 16 Werurwe 2022, Abajyanama b’ubuzima bagiye gukurikirana abana bose buri munsi muri buri rugo no mu marerero, ku buryo mu myaka ibiri iri imbere ikibazo cy’igwingira ngo cyazaba cyacitse burundu.

Umunsi wa mbere w’igikombe cy’Amahoro 2022, waranzwe no gutungurana aho ikipe ya Espoir FC yatunguwe na La Jeunesse yo mu cyiciro cya kabiri iyitsinda 3-2.

Kuri uyu wa Gatatu nibwo hakinwe imikino ibanza y’ijonjora ry’ibanze mu gikombe cy’Amahoro cya 2022.

Iri jonjora ryakinwe n’amakipe 18 aho nyuma yaryo amakipe 9 azazamuka azahita asanga andi 7 atarakinnye bagahita bakora tombola ya 1/8.

Uyu munsi habaye imikino 7 ni mu gihe 2 isigaye izakinwa ejo.

Urebye imikino yabaye, yagenze uko benshi bari bayiteze uretse Espoir FC yo mu cyiciro cya mbere yatsinzwe na La Jeunesse 3-2, ni umukino wabereye kuri Stade Mumena.

Espoir niyo yabanje gutsinda ibitego 2, La Jeunesse irabyishyura ishyiramo n’icya 3.

Dore imikino yose yabaye uyu munsi uko yagenze

Heroes FC 1-2 Gasogi United

UR FC 0-6 Bugesera FC

Rutsiro FC 1-2 Etincelles FC

La Jeunesse 3-2 Espoir FC

Impeesa FC 0-1 Amagaju FC

Nyanza FC 0-1 FC Marines

Interforce FC 0-2 Etoile de l’Est

Imikino izaba ejo tariki ya 17 Werurwe 2022

Gorilla FC vs Gicumbi FC (Kigali Stadium)

Musanze FC vs Intare FC (Ubworoherane Stadium)

Nyuma y’imikino ibanza, biteganyijwe ko imikino yo kwishyura izaba tariki ya 30 na 31 Werurwe 2022.

Gasogi United yo yatsinze Heroes FC

Minisitiri w’Intebe, Edouard Ngirente

Minisitiri w’Intebe yabitangarije abanyamakuru kuri uyu wa 16 Werurwe 2022, mu kiganiro cyari cyibanze ku bukungu bw’Igihugu n’uko buhagaze, aho Minisitiri w’Intebe yagaragaje byinshi byagiye bikorwa kugira ngo ubukungu bw’Igihugu butagwa cyane kubera icyorezo cya Covid-19.

Muri iki kiganiro Minisitiri w’Intebe yasobanuye ko inganda zitandukanye ku Isi zahagaze gukora, ubwikorezi na bwo burahenda kubera ko hakoraga ibintu bike no kuba ibyo u Rwanda rutumiza mu manga byaragiye bikerezwa n’ubwikorezi.

Minisitiri w’Intebe avuga ko u Rwanda rwashyizeho nkunganire ku bikorwa bitandukanye birimo n’iby’ubwikorezi n’iby’ubuhinzi. Icyakora ku kijyanye n’isukari izamuka cyane ngo byatewe n’uko aho u Rwanda ruyirangura inganda zaho ziri kuvugururwa, ariko ngo hari kurebwa uko u Rwanda rwanarangura isukari ahandi.

Minisitiri w’Intebe agaragaza ko nko kuri peteroli na Mazutu Leta yongeyeho ari hejuru ya 50frw kuri litiro imwe, bigatuma nibura umugenzi ujya i Rusizi, na Rubavu ahagurutse i Kigali yishyurirwa nka 1000frw ku itike ye.

Icyakora ngo Abanyarwanda na bo bakwiye kumenya ko uko ibiciro mpuzamahanga bizamutse hari n’ibyo u Rwanda rutumizayo bizamuka kandi bikwiye kuba byumvikana.

Agira ati 'Abanyarwanda bakwiye kumva ko iyo ibiciro mpuzamahanga bizamutse, bihita bigira ingaruka ku biciro byo mu Gihugu cyacu. Icyo twakoze ni ugushyiramo nkunganire kugira ngo nibura ubwikorezi no gutwara abantu bikomeze kuguma ku giciro gito ariko ubundi ibibazo biterwa n’ibiciro mpuzamahanga byazamutse'.

Covid-19 yatumye ibiciro bizamuka kubera guhagarara kw’imwe mu mirimo

Minisitiri w’Intebe avuga ko ingaruka za Covid-19 zatumye abantu batabasha kwagura imikorere kubera gahunda yo kuguma mu ngo, kubura imirimo kuri bamwe, ubwikorezi buhenze, byose byagize ingaruka ku bukungu bw’u Rwanda.

Urugero nka kontineri imwe yakodeshwaga Amadolari igihumbi na magana atanu (1.500$) yarazamutse igera ku madolari ibihumbi icumi (10.000$) byatumye ibiciro na byo bizamuka, ibikomoka kuri peteroli akagunguru kamwe muri 2022 kageze ku madolari 123 ibyo bigatuma iyo peteroli izamutse n’ubucuruzi buhazaharira.

Zimwe mu ngamba zashyizweho hariho nko kuba peteroli yarashyiriweho nkunganire ku batwara imodoka aho Leta yashyizemo amafaranga kugira ngo litiro ya lisansi na mazutu itazamuka, hagamijwe korohereza Abanyarwanda batega imodoka kudahendwa n’ingendo, cyangwa abatwara ibyo kurya badahendwa n’ibiciro byaterwa no kuzamuka kw’ibyo biciro.

Minisiteri y’Ubucuruzi n’Inganda (MINICOM) ivuga ko nko ku isukari n’amavuta, mu Rwanda hakorwa 10% by’isukari u Rwanda rukenera, kuko isukari yavaga nko mu bihugu bya Malawi na Swaziland ubu hakaba hari gukorwa isukura ry’inganda zabo, ari na yo mpamvu yatumye isukari ihenda.

MINICOM igaragaza kandi ko hari n’abacuruzi bari baranguye bashaka kuzamura ibiciro, kandi baraguze isukari kuri make abo ngo bakaba barahanwe n’Ikigo cy’Igihugu cy’Imisoro n’Amahoro (RRA) kandi hari no kurebwa uko isukari yagurwa ahandi.

Ku kijyanye n’amavuta yo guteka, Minisitiri w’Ubucuruzi n’Inganda avuga ko amavuta yarangurwaga mu Misiri no ku mugabane wa Aziya yagiye ahenda uko iminsi igenda ishira, ubu hakaba hari ingamba zo kwiyubakira inganda mu Rwanda, kimwe n’amasabune kuko akorwa mu bisigazwa by’abakora amavuta.

MINICOM itangaza ko hariho na gahunda yo gushaka icyerekezo nyafurika cyo gushaka andi masoko ahandi, kugira ngo ibiciro bitazajya bizamuka cyangwa ibicuruzwa bikabura.

Ingaruka za Covid-19 zatumye ubukungu bw’u Rwanda n’Isi muri rusange buzahara

Minisitiri w’Intebe avuga ko ingaruka za Covid-19 zishe ubukungu bw’Isi yose ku buryo izamuka ry’ubukungu ku Isi ryagumye hasi, ari nako mu Rwanda byagenze kimwe no ku Isi yose aho ubucuruzi bw’isi bwagabanutseho 8,2% muri 2020.

Minisitiri w’Intebe hamwe n’abandi bayobozi batandukanye, baganiriye n’abanyamakuru ku bibazo byerekeranye n’izamuka ry’ibiciro ku isoko

Ibyo byabaye mu gihe nyamara mbere hari hari intego ko buri mwaka ubukungu bwajya butera imbere ku 9,1%, kandi byari byatangiye kugerwaho kuva 2017 kugera 2019 aho ubukungu bwari bugeze ku 9,1%.

Avuga ko Covid-19 ije u Rwanda rwanageze munsi ya 0%, icyakora aho inzego zakomeje gukora zakomeje gutuma ubukungu butagera habi cyane nk’urwego rw’ubuhinzi aho bwageze munsi ya 0,2%, mu gihe ubucuruzi bwagiye munsi ya -0,4%.

N’ubwo urwego rw’ubuhinzi rwafashije ubukungu kutagwa cyane, uyu mwaka wa 2022 habayeho ibiza by’ibice bibiri aho mu Burasirazuba habaye amapfa amatungo abura ubwatsi, mu gihe ari Intara itunga Abanyarwanda ku binyampeke.

Icyo gihe hafashwe umwanzuro wo gushyiraho uburyo bwo kuvomera kuri hegitari zigera ku bihumbi birindwi (7000), aho umusaruro utaguye cyane, hari n’aho umusaruro wabonetse nko ku myumbati yazamutseho 23%, umuceri n’ingano na byo ngo byarazamutse ku bufatanye bwa Leta n’abahinzi.

Tariki ya 14 Werurwe 2022, nibwo Gen Muhoozi, yageze mu Rwanda mu ruzinduko rwa kabiri yari ahagiriye. Ni nyuma y'uko ku wa 22 Mutarama, nabwo yari yahuye na Perezida Paul Kagame muri Village Urugwiro bakagirana ibiganiro ku mubano w'ibihugu byombi.

Ku munsi wa mbere w'uruzinduko rwe, Gen Muhoozi yakiriwe na Perezida Kagame baganira ku gukemura ibibazo bisigaye mu mubano w'u Rwanda na Uganda. Kuri uyu wa Kabiri mu gitondo, yasuye Urwibutso rwa Jenoside yakorewe Abatutsi rwa Kigali ruri ku Gisozi.

Nyuma ya saa Sita yasuye inyubako y'imikino y'intoki ariko ishobora no kwakira ibitaramo, Kigali Arena. Amafoto yashyizwe ahagaragara yerekana uyu mugabo w'imyaka 47 anaga umupira wa Basketball mu gakangara.

Ubuyobozi bw'iyi nyubako bwatangaje ko “Mu rugendo rwe, General @mkainerugaba yabashije kwitegereza ibikorwaremezo bitandukanye biri muri Kigali Arena nk'ibibuga ndetse anaga umupira mu nkangara nk'umuco.”

Ibiro by'Umukuru w'Igihugu byatangaje ko ku manywa yo kuri uyu wa Kabiri, Perezida Kagame yakiriye Muhoozi mu rwuri rwe 'amugabira inka z'inyambo'. Mu muco Nyarwanda, kugabira umuntu inka z'inyambo ni ikimenyetso gishimangira umubano n'ubucuti biri hagati y'impande zombi.

Inyambo ni ubwoko bw'inka zabayeho kuva kera mu Rwanda rwo hambere. Uwayigabiraga undi byabaga ari ikimenyetso cy'igihango gikomeye cy'umubano utajegajega bagiranye.

Abahanga mu mateka bagaragaza ko inka y'u Rwanda ishimangira igihango cyo kutazahemukirana no kurushaho gufatanya muri byose.

Si ku nshuro ya mbere Perezida Kagame agabiranye n'abo mu muryango wa Yoweri Kaguta Museveni wa Uganda.

Nyuma y'uruzinduko rwa mbere rwa Gen Muhoozi, Guverinoma y'u Rwanda yatangaje ko “yabonye ko hari gahunda yo gukemura ibibazo byagaragajwe n'u Rwanda ndetse n'ubushake bwa Guverinoma ya Uganda mu gushaka umuti w'ibibazo bitarakemuka,” yemeza ko umupaka uzafungurwa ku wa 31 Mutarama 2022.

Kubera amabwiriza yo gukumira icyorezo cya COVID-19, umupaka wo ku butaka wari ugifunze ku bagenzi badafite impamvu zihutirwa, kugeza ku wa 7 Werurwe ubwo imipaka yose yafungurwaga.

Gen Muhoozi yari amaze iminsi itatu mu Rwanda

Ni ubwa kabiri muri uyu mwaka Gen Muhoozi agirira uruzinduko mu Rwanda rugamije kuganira ku mubano w’u Rwanda na Uganda

Uruzinduko rwe rwaranzwe n’ibikorwa byinshi

Ubwo Gen Muhoozi yari agiye guhaguruka mu Rwanda asubiye muri Uganda