Category: Uncategorized

Iki gitabo cyamurikiwe ku mugaragaro mu Mujyi wa Kigali ku wa Kane, tariki ya 14 Mata 2022. Cyatangajwe bwa mbere kuri Amazon ku wa 25 Gashyantare 2020.

Umunyamakuru, Umwanditsi akaba n'Umushakashatsi, Linda Melvern, yacyanditse ashaka kwerekana uburyo umugambi wa Jenoside yakorewe Abatutsi mu 1994 wacuzwe n'uko hari abakomeje gutiza umurindi ibikorwa byo kuyihakana no kuyipfobya bagoreka amateka.

'Intent to Deceive: Denying the Genocide of Tutsi', bishatse kuvuga 'Umugambi wo kuyobya: Guhakana Jenoside yakorewe Abatutsi'.

Ni igitabo cyamuritswe mu gihe u Rwanda rwibuka ku nshuro ya 28 Jenoside yakorewe Abatutsi, runakomeje guhangana n'abapfobya amateka ya Jenoside yahitanye inzirakarengane zirenga miliyoni mu minsi 100.

Gikubiyemo inyandiko ziva imuzi uko ingengabitekerezo yabibwe n'abateguye Jenoside n'uko bo n'ababashyigikiye bafatana urunana mu guhakana uruhare bayigizemo.

Linda Melvern yatangiye gukora ubushakashatsi kuri Jenoside muri Mata 1994, igihe umugambi wo gutsemba Abatutsi wacuzwe by'igihe kirekire washyirwaga mu bikorwa.

Yagize ati 'Uyu munsi ndashaka kubasangiza ikiganiro gikomeye nakoze mu myaka 25 ishize. Mu kiganiro nagiranye na Perezida Kagame mu 1997, cyagarutse ku biganiro yagiranaga n'abadipolomate. Ntiyigeze ahwema gutanga amakuru abyerekeye ndetse yatungiye agatoki Lt Gen Roméo Dallaire [wayoboye Ingabo za Loni mu Rwanda mu 1994-MINUAR], amubwira aho Interahamwe zatorezwaga.''

Yavuze ko ubwo Jenoside yatangiraga ku wa 7 Mata 1994, Perezida Kagame yasabye Dallaire ko Loni na FPR bahuza ingabo bagahagarika ubwicanyi bwakorerwaga abasivili.

Ati 'Yabwiye Dallaire kurokora abantu. Yamubwiye gushaka ahantu hatekanye, ati uza mumurwanye kuko mufite intwaro, mufite uburenganzira bwo kurwana mu gihe hari ugerageje gusuzugura ibendera rya Loni.''

Uru ni rumwe mu ngero yatanze mu kwerekana ko Jenoside yateguwe ndetse amahanga akarebera ibyabaga ntatabare.

Linda Melvern w'imyaka 72 yatangaje ko uko imyaka yagiye ikura, abahakana bakomeje gukaza umurego, ingengabitekerezo iriyongera mu bitangazamakuru, abanyepolitiki n'abandi.

Yavuze kuri Filime Mbarankuru ya BBC, yiswe 'Rwanda: The Untold Story', yatangajwe ku wa 1 Ukwakira 2014. Yanenzwe ubunyamwuga buke n'abagera kuri 38 barimo abashakashatsi n'abanyamateka bagaragaza ko irimo gupfobya no guhakana Jenoside.

Ati 'Yarasakajwe cyane n'abahakana bakanapfobya Jenoside. Abahakana baba bafite ikintu kimwe bahuriyeho, kunanirwa kumva uburemere bw'icyaha. Kunanirwa kumva ko Ingabo za RPF Inkotanyi zabohoye u Rwanda.''

'Hari ibitangazamakuru mpuzamahanga n'abanyamakuru bafite umugambi uhishe bakoresha amateka ayobya, mu guhindanya isura y'u Rwanda, kugerageza guhagarika inkunga z'amahanga no gukoresha inkuru z'impimbano hagamijwe guca intege Guverinoma y'u Rwanda.''

Linda Melvern yavuze ku banyamakuru birengagiza amahame abagenga yo gushaka ukuri mbere yo gutangaza amakuru.

Ati 'Aba banyamakuru ntibagenzura gihamya ku nkuru. Gushinja Perezida uriho ko yishe uwamubanjirije arashe ibisasu ku ndege ye, bisaba ibimenyetso byinshi.''

Mu gitabo cye, Linda Melvern hari aho agaragaza inkuru zagiye zifashishwa mu kugoreka amateka ndetse zikamamara cyane.

Mu Mutwe wa Cyenda avuga kuri Paul Rusesabagina wakinweho filime yiswe 'Hotel Rwanda' imugaragaza nk'intwari yarokoye Abatutsi bahungiye muri Hôtel des Mille Collines.

Uyu musaza ufungiye uruhare mu byaha by'iterabwoba, mu minsi ishize abakinnyi ba Filime Avengers batangije inkubiri yo gusaba ko arekurwa bavuga ko afunze binyuranye n'amategeko.

Madamu Jeannette Kagame yitabiriye imurikwa ry'Igitabo cya Linda Melvern kivuga ku bahakana Jenoside

Linda mu gitabo cye yanditse ku myitwarire ye asanga yerekana uruhande ahagazeho mu kwifatanya n'abahakana Jenoside.

Ati 'Hari aho Paul Rusesabagina aganira n'abanyeshuri bo muri Amerika, imbwirwaruhame ze zirahakana mu gihe abanyeshuri badafite ubumenyi buhagije bwo kubimenya.''

Yavuze ko yagiranye ibiganiro n'Ingabo za Loni zari kuri Mille Collines, bose bahuriza ku kuba 'Rusesabagina yarareberaga inyungu za Hutu Power'.

Akomeza ati 'Mu 2008, Paul Rusesabagina yagiye mu Bwongereza atanga ikirego mu Rukiko rwa Westminster asaba ko abajenosideri batanu bari mu Bwongereza batoherezwa mu Rwanda. Mu buhamya bwe, wari kumva ko yacengewe n'imyumvire ya Hutu Power. Nabyanditse mu gitabo cyanjye.''

Linda yavuze ko yanyuzwe n'ubuhamya bw'abarokotse Jenoside bavuga ubuzima babayemo.

Ati 'Byinshi birafatwa ku buryo bibikwa. Ubuhamya bw'abarokotse buzasenya ibinyoma bitangazwa n'abahakana Jenoside. Ni ikibazo cy'igihe, ukuri kuzagaragara. Ibyo bihamya bizagumaho, ukuri kunyura mu ziko ntigushye.''

Yabwiye abitabiriye umuhango wo kumurika igitabo ku bahakana n'abapfobya ko ari ingenzi kuzirikana ko 'Jenoside ari icyaha kidasaza'.

Avuga ko atari 'igikorwa cyo kwibuka rimwe mu mwaka, ahubwo ni ikintu tubana nacyo buri munsi mu mubabaro n'agahinda.'

Umunyamabanga wa Leta muri Minisiteri y'Urubyiruko n'Umuco, Bamporiki Edouard, yasabye ko yakoresha izindi nzira ngo ubutumwa bukubiye mu gitabo cye bugere kuri benshi.

Yagize ati 'Muri iyi minsi hari gahunda yo gushyira ibitabo mu buryo bw'amajwi. Ese waba ufite iyo gahunda ko ari ingenzi kubikora? Niba byakorwa byafasha. Niba iki gitabo cyashyirwa mu Kinyarwanda cyangwa Igifaransa byaba byiza cyane.''

Linda yamusubije ko ataratekereza kubika inyandiko ze mu buryo bw'amajwi ariko yabirebaho.

Ati 'Ni igitekerezo cyiza kandi umunsi kimwe mu bitabo byanjye bizahindurwa mu Kinyarwanda nzishima. Ni ibintu maze igihe kirekire ntegereje.''

Umusesenguzi muri Politiki y'Akarere akaba n'Umunyamakuru Rudatsimburwa Albert we yagaragaje ko ibihe by'ikoranabuhanga byatumye ibikorwa byo guhakana byihuta ku buryo bikwiye guhagurukirwa.

Ati 'Biri ku muvuduko, uburemere bwabyo buri hejuru. Simbona birangira ahubwo birakomeza. Ibyo twabonye mu Bwongereza, Kaminuza ya Cambridge itanga umwanya ku bahakana [guha ijambo Judi Rever] itanyuze cyangwa ngo yubahirize ya mahame agenga abanditsi, byongera uburemere bw'abahakana Jenoside.''

Ni igitekerezo cyashyigikiwe n'Umushakashatsi kuri Jenoside, Tom Ndahiro, wavuze ko iyo usomye ibyandikwa n'abarimo Judi Rever usanga bitwara 'nk'abajenosideri b'Abanyarwanda ariko bafite uruhu rwera'.

Linda Melvern asaba ko ubutabera bwatangwa ku bateguye Jenoside n'abayikoze bidegembya. Igitabo cye kiboneka muri Librairie Ikirezi no mu Isomero ry'Urwibutso rwa Kigali ku Gisozi. Kinaboneka kuri Amazon.

Yakoreye ibinyamakuru The Evening Standard na The Sunday Times, yanditse ibitabo kuri Jenoside birimo 'A People Betrayed: The Role of the West in Rwanda's Genocide', 'Conspiracy to Murder: The Rwandan Genocide' na ''Intent to Deceive: Denying the Rwandan Genocide''.

Madamu Jeannette Kagame aramukanya n’Umwongereza Linda Melvern

Mbere yo gutangira uyu muhango, hafashwe umunota umwe wo kwibuka inzirakarengane za Jenoside yakorewe Abatutsi yahitanye ubuzima bw’abasaga miliyoni

Sandra Shenge ni we wayoboye ikiganiro cyatanzwe na Linda Melvern kigaruka ku gitabo cye

Kalinda Brendah ukora mu Rwego rushinzwe Ubuvugizi bwa Guverinoma [OGS] ni we wayoboye uyu muhango

Linda Melvern yavuze ko yatangiye gukora ubushakashatsi kuri Jenoside muri Mata 1994

Umunyamakuru Rudatsimburwa Albert yagaragaje ko ibihe by'ikoranabuhanga byatumye ibikorwa byo guhakana byihuta cyane

Umuvugizi wa Guverinoma, Yolande Makolo, yitabiriye uyu muhango

Umunyamabanga wa Leta muri Minisiteri y'Urubyiruko n'Umuco, Bamporiki Edouard, yasabye ko igitabo cya Linda cyashyirwa mu zindi ndimi zirimo Ikinyarwanda n’Igifaransa

Umushakashatsi Lonzen Rugira atanga ibitekerezo nyuma y’imurikwa ry’igitabo

Linda Melvern yavuze ko urugamba rwo guhangana n’abapfobya bakanahakana Jenoside yakorewe Abatutsi ari ugendo rudahagarara

Umukuru w’Urwego rw’Igihuru rw’Imiyoborere, RGB, Dr Usta Kaitesi

Minisitiri w’Ubumwe bw’Abanyarwanda n’Inshingano mboneragihugu Dr Bizimana Jean Damascène, asoma ibikubiye mu gitabo cya Linda Melvern kivuga ku bahakana Jenoside yakorewe Abatutsi

Ni umuhango witabiriwe n’abantu b’ingeri zitandukanye

Linda Melvern yasinyiye abahise bagura igitabo cye

Igitabo 'Intent to Deceive: Denying the Genocide of Tutsi' kivuga ku ihakana n'ipfobya rya Jenoside yakorewe Abatutsi mu 1994

Amafoto: Igirubuntu Darcy

Ni ubutumwa yatanze ku wa Gatatu, tariki ya 13 Mata 2022, mu Kiganiro 'Ku Gicaniro'' gishishikariza urubyiruko kumenya amateka n'ingaruka za Jenoside n'uruhare rufite mu gukumira no kurwanya ingengabitekerezo yayo no guharanira ko itazongera ukundi.

Cyateguwe na Peace and Love Proclaimers 'PLP', Urubyiruko rwihuje hagamijwe gutsura no kwimakaza Amahoro n'Urukundo; Umuryango Imbuto Foundation na AEGIS Trust, Umuryango Mpuzamahanga uharanira Amahoro binyuze mu gukumira no kurwanya Jenoside.

Madamu Jeannette Kagame yavuze ko iki gikorwa kigamije kwibuka Abatutsi bishwe muri Jenoside n'abarokotse bagaragaje umuhate wo kwiyubaka k'u Rwanda mu bihe bigoye.

Yagize ati 'Kuri bamwe kuvuga ukuri ku bikomeye twanyuzemo ni ukubibutsa ahahise no kubahuza n'ubuzima rimwe na rimwe badafite ubushobozi cyangwa ubushake bwo kongera kunyuramo. Ku bandi, guhakana ahahise hacu, ni ubugwari bwo kuba ntacyo bakoze cyangwa bagakomeza gukuza ihakana n'ipfobya rya Jenoside mu buryo buteye inkeke muri sosiyete. Ibi biteye isoni.''

Yavuze ko nubwo igihugu cyashegeshwe n'ivangura ariko cyongeye kunga ubumwe.
Ati 'Kongera kubaka igihugu ni umurimo ukomeza. Ukenera ko habaho ibiganiro byimbitse ndetse ukuri kukavugwa hatitawe ku kuba gusharira cyangwa kugoye kukumva.''

Yavuze ko yashimishijwe n'amatsiko y'urubyiruko rushaka kumenya amateka y'igihugu, ashimangira ko umusanzu warwo ari ingenzi mu guhangana n'abahakana.

Ati 'Simbona impamvu yatuma urubyiruko rufite gahunda nziza, nk'iyi [KuGicaniro] yaduteranyirije hano, rwatsindwa. Icya mbere, mwakoze akazi keza mu kuzuza izi nshingano kugeza ubu. Icya kabiri, ntimuri mwenyine.''

Yabwiye abarokotse ko bafite inkuru zitanga icyizere cy'ahazaza kuko bihanganiye ibikomeye.

Ati 'Muri ingero nziza zo kwihangana. Muri inkuru z'umurava tutazigera twemerera gutuza. Uwo murava ni wo watumye benshi muri mwe mukomeza guharanira kugera ku cyo mwifuza.''

Yakomeje ati 'Mwumvise ko nubwo kubabarira bishobora kugorana ariko ntibizigera na rimwe bibyara imbuto zisharira. Muri ibihamya ko iyo uharuriye abandi inzira ukayikuramo igisitaza, umunsi umwe iyo nzira izageza umwana wawe ku ntsinzi.''

Madamu Jeannette Kagame yavuze ko bidakwiye ko hari uwijundika Guverinoma yakuyeho ubutegetsi buvangura, ikimakaza ubumwe.

Ati 'Ni nde wanenga Guverinoma yashyizeho ubutabera kuri bose aho kwihorera? Iyacyuye abantu bayo bakoreshejwe n'abajenosideri nk'ingabo yo kwirinda? Imwe yakuyeho igihano cy'urupfu no guheza abenegihugu ahubwo ikimakaza uburenganzira bw'ibanze ku Banyarwanda bose?''

Yavuze ko Abanyarwanda bakwiye gukomeza kwizera, gukorera hamwe no kwagura intekerezo mu rugendo rubaganisha ku iterambere.

Madamu Jeannette Kagame yashimye umuhate w'abarokotse Jenoside yakorewe Abatutsi birengagije amateka ashaririye banyuzemo bagashobora kwiteza imbere

—  Urubyiruko mu mujishi mu guhangana n'abapfobya Jenoside

Umuyobozi wa PLP, Shema Naswiru, yasabye abitabiriye iki gikorwa kutareberera abapfobya Jenoside.

Ati 'Abahakana, bakanapfobya Jenoside ni nk'urwiri, iyo ururetse rukera, umurima urarumba. Mureke tubarwanye twivuye inyuma.'

Muri iki gikorwa kandi hatanzwe ikiganiro ku 'Uruhare rw'urubyiruko mu gukumira Jenoside no kubaka u Rwanda twifuza'. Cyayobowe n'Umuyobozi wungirije wa PLP, Mupenzi Israel Nuru.

Cyatanzwe n'Umunyamabanga wa Leta muri Minisiteri y'Urubyiruko n'Umuco, Bamporiki Edouard; Nyombayire Rugasaguhunga Yvette warokotse Jenoside yakorewe Abatutsi mu 1994; Umuyobozi w'Inama y'Urubyiruko ku Rwego rw'Igihugu, Iradukunda Alodie n'Impuguke mu bijyanye no kwita ku buzima bwo mu mutwe, Uwihoreye Chaste.

Nyombayire Rugasaguhunga Yvette Jenoside yabaye afite imyaka 14, yavuze inzira y'umusaraba yanyuzemo.

Yashimye ingabo za RPA zatumye yongera kubaho nyuma yo guhagarika Jenoside.

Ati 'Mwirengagije intimba yanyu, mwirengagije ibikomere by'umubiri n'umutima, muduha imbaraga zo guhobera ubuzima. Muri uru rugendo muri mu cyimbo cy'ababyeyi bacu. Aho imbaraga zibaye nke, turabibuka tukumva tutabagayisha. Mwaduhaye umwanya wo kwibuka, ni uw'agaciro. Kurira biratuvura.''

Umunyamabanga wa Leta muri Minisiteri y'Urubyiruko n'Umuco, Bamporiki Edouard, yasobanuye ko u Rwanda rwashaririwe ariko hakiri isoko yo kuvomaho ubumuntu bwatuma abantu babana neza.

Ati 'Imizi ntiyatemwe ngo ishire, ariko umuzi ugana ku isoko y'u Rwanda ntiwigeze utemwa. Twese abana b'Abanyarwanda tujye ku isoko, dushake intekerezo z'Ubunyarwanda.''

Rugasaguhunga yavuze ko mu gihe yabaga mu mahanga yahuye n'igikomere cy'abahakana Jenoside.

Yasabye urubyiruko gukoresha ijwi ryarwo mu gucyaha abahakana bakanapfobya Jenoside.

Ati 'Mwegere abakuru bababwire ayo mateka. Mwitinyuke muzirikana ko u Rwanda ari urw'ubu, ejo hashobora kutaza. Iyo utakaje isegonda cyangwa umunsi, ntabwo ugaruka.''

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascène, yavuze ko urubyiruko rufite amahirwe yo kuba ruzi imiyoborere y'igihugu ku buryo rudakwiye kwemera gutsindwa.

Yakomeje ati 'Urwo rubyiruko [rwakoze Jenoside] ubu bafite imyaka 40. Ni bo bakomeje ibyo bintu. Hari amahirwe ko hari abagenda bahinduka. Bibatsinda rero.''

'Ni urugamba rwa buri munsi, nitwumve ko ruzahoraho ariko dukomeze twigishe urubyiruko. Mufite amahirwe kuko mubona uko igihugu kiyobowe. Abapfobya benshi bari mu mahanga, mwe nk'urubyiruko mutange amakuru y'uburyo bikorwa.''

Umujyanama wihariye wa Perezida mu by'Umutekano, Gen. James Kabarebe, na we yakanguriye urubyiruko kugaragara ku ruhembe rw'urugamba rwo guhangana n'abapfobya kuko rufite byose rukeneye mu kubikora.

Ati 'Mugomba gusoma, gukurikira no kumenya. Buriya uburezi, budafite intego ntacyo buba bumaze. Nimugaragare ku rugamba, mujye imbere tubabone.''

Iradukunda Alodie uyobora Inama y'Urubyiruko yavuze ko ari inshingano z'abato kunononsora amakuru no kumenya amateka y'ukuri ya Jenoside.

Ati 'Muri iki gihe ikoranabuhanga ryageze kure twumva byinshi tubikuye ahantu hatandukanye. Ni inshingano zacu kunononsora ayo makuru tubona no kumenya amateka kuko ari twe tuzabwira abana bacu ibyabaye mu 1994. Tugomba kuba dufite isoko y'aho tuvoma kugira ngo ntituzongere kwibagirwa.'

Nubwo ibikorwa byo guhakana no gupfobya Jenoside bikigaragara, Urwego rw'Igihugu rw'Ubugenzacyaha rutangaza ko bigenda bigabanya ubukana ugereranyije no hambere.

Urebye mu 2017, imibare ya dosiye z'abakekwaho ingengabitekerezo zakiriwe na RIB zari 358, mu 2019 yageze kuri 404 mu gihe umwaka wa 2021 yageze kuri 389.

Umunyamabanga Mukuru wa RIB, Col Ruhunga Jeannot ati 'Uyu munsi ibyo duhura nabyo, si bya bikorwa byasabaga ko ingabo zihaguruka, zikarwana na bo baje gicengezi bafite imbunda cyangwa batera za grenade. Icyo cyiciro cyavuyeho, ubu ababikora ni ba bandi b'ibigwari. Bakoresha amagambo bagamije gutoneka.''

'Na Dasso ntikijya kubashaka. Ni ba bantu amarondo agenda atoragura, bavuze amagambo. Barakurikiranwa bagahanwa. Birerekana ko intambara igihari kandi izakomeza ngo n'ibyo bigwari bihashywe kugira ngo guhakana no gupfobya bihinduke kirazira.''

Yasabye urubyiruko kugendera ku byo igihugu cyagezeho mu kurwanya n'ababiba ingengabitekerezo.

Ati 'Hari abantu ku mbuga nkoranyambaga bagumura urubyiruko, bababwira Jenoside ebyiri. Umuntu nakubwira gutyo uzamubaze iyo yindi uwayihagaritse. Iyo habaho gahunda yo kwihorera, ibi byose ntibyari gushoboka. Nta kintu igihugu cyageraho kitanyoye umuti usharira. Nta cyemezo cyagejeje u Rwanda ku kintu kizima, hatafashwe ingamba zishaririye.''

Impuguke mu bijyanye no kwita ku buzima bwo mu mutwe, Uwihoreye Chaste, yavuze ko urubyiruko rwahagarariye imiryango yabo mu myaka 28 ishize nubwo rwari mu bigo by'imfubyi, mu buzima bugoye rwabikoze neza.

Yagize ati 'Numva rukwiye guhabwa ishimwe. Byose byangiza amarangamutima, imitekerereze, imyitwarire ndetse bikaba byaganisha no gukoresha ibiyobyabwenge mu rubyiruko. Nta joro ridacya, nta mvura idahita. Twabonye igihugu, twabonye icyizere. Bariya bana bacu, twabonye ibisubizo.''

Ku Gicaniro ni ikiganiro cyabaye ku nshuro ya gatandatu kuva gitangijwe mu 2017. Cyitabiriwe n'abarenga 300 barimo urubyiruko rwo mu Rwanda no mu mahanga, abayobozi mu nzego za Leta, abahagarariye imiryango mpuzamahanga n'abikorera.

Ibi biganiro byatangiye hafatwa umunota wo Kwibuka

Ni igikorwa cyitabiriwe n’abasaga 300 biganjemo urubyiruko ruba mu Rwanda n’urwo mu mahanga

Rusagara Maurice na Mizero Parfine ni bo basangiza b'amagambo muri iki gikorwa

Umuyobozi wa Peace and Love Proclaimers, Shema Naswiru, yasabye abitabiriye iki gikorwa kutareberera abapfobya Jenoside kuko bamaze gufata indi ntera

Urubyiruko rwakinnye Umukino rwise 'Inkuru Nzabara', ugaruka ku mateka ashaririye ya Jenoside n'umukoro warwo mu guhangana ko itazongeraho kubaho ukundi

Bawusoje berekana ko hari icyizere cyo kubaho

Umuhanzikazi Bukuru Christiane yatanze ubutumwa yanyujije mu ndirimbo ya Kayirebwa Cécile yitwa 'Ubupfubyi''

Uhereye ibumoso: Umuyobozi wungirije wa Peace and Love Proclaimers 'PLP', Mupenzi Israel Nuru wayoboye ikiganiro ku 'Uruhare rw'urubyiruko mu gukumira Jenoside no kubaka u Rwanda twifuza'. Cyatanzwe n'Umunyamabanga wa Leta muri Minisiteri y'Urubyiruko n'Umuco, Bamporiki Edouard (uwa kabiri ibumoso); Nyombayire Rugasaguhunga Yvette warokotse Jenoside yakorewe Abatutsi mu 1994; Impuguke mu bijyanye no kwita ku buzima bwo mu mutwe, Uwihoreye Chaste n’Umuyobozi w'Inama y'Urubyiruko ku Rwego rw'Igihugu, Iradukunda Alodie

Impuguke mu bijyanye no kwita ku buzima bwo mu Mutwe, Uwihoreye Chaste, yavuze ko urubyiruko rwahagarariye imiryango yabo mu myaka 28 ishize rukwiye gushimwa kuko rwitaye neza mu bigoye

Nyombayire Rugasaguhunga Yvette yasabye urubyiruko gukoresha ijwi ryarwo mu gucyaha abahakana bakanapfobya Jenoside

Iradukunda Alodie uyobora Inama y'Urubyiruko yavuze ko ari inshingano z’abato kunononsora amakuru no kumenya amateka y’ukuri ya Jenoside

Urubyiruko rwahawe umwanya wo kubaza ibibazo bitandukanye biganisha ku cyo rusabwa nk’umusanzu warwo mu gusigasira amateka y’u Rwanda

Umunyamabanga wa Leta muri Minisiteri y'Urubyiruko n'Umuco, Bamporiki Edouard, yasabye urubyiruko kubakira ubuzima ku ndangagaciro z’abakurambere zo kwimakaza Ubunyarwanda

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascène, yasabye urubyiruko kutemera gutsindwa kuko ruzi imiyoborere y'igihugu

Umujyanama wihariye wa Perezida mu by'Umutekano, Gen James Kabarebe, yasabye urubyiruko kutareberera abahakana n’abapfobya Jenoside n’abafite ingengabitekerezo yayo

Minisitiri w’Uburinganire n’Iterambere ry’Umuryango, Prof Jeannette Bayisenge, yagaragaje ko umuryango ari ishingiro mu rugamba rwo kwigisha amateka ya Jenoside yakorewe Abatutsi, asaba ababyeyi kubyitaho

Umunyamabanga Mukuru w’Urwego rw'Igihugu rw'Ubugenzacyaha, Col Ruhunga Jeannot, yasabye urubyiruko kugendera ku byo igihugu cyagezeho mu kurwanya ababiba ingengabitekerezo ya Jenoside

Umuyobozi w’Ishami ryo kwita ku Buzima bwo mu Mutwe mu Kigo cy’Igihugu cy’Ubuzima (RBC), Dr Yvonne Kayiteshonga, yavuze ko hashyizwe imbaraga mu kwita ku buzima bwo mu mutwe haherewe ku bigo by’amashuri

Meya w’Umujyi wa Kigali, Pudence Rubingisa, na we yitabiriye iki gikorwa

Minisitiri w'Uburinganire n'Iterambere ry'Umuryango, Prof Jeannette Bayisenge

N’abanyamahanga bitabiriye iki gikorwa

Umuhuzabikorwa w’Umuryango w’Abibumbye mu Rwanda, Fodé Ndiaye

Amafoto ya IGIHE: Igirubuntu Darcy

Videos: Kazungu Armand

Mukantarama yishimiye ubu bufasha yahawe nyuma yo kumara igihe kirekire ategereje uwamufasha.

Ati 'Byanejeje cyane kubona urubyiruko rw'abakiri bato bafata iya mbere bakanyemerera kumvuza kugeza uburwayi maranye igihe kirekire bukize.'

Yanishimiye inkunga y'amabati yahawe agira ati 'Imvura yagwaga inzu ikava amazi akansanga mu nzu, nkiringira Imana ngo ibimfashemo none nagize umugisha wo kubona abagira neza baza kunsakarira. Ndabashimiye cyane Imana ibahe umugisha utagabanyije.'

Yanatangaje ko bishimishije kubona urubyiruko rufata iya mbere rukamusura cyane muri ibi bihe byo kwibuka Jenoside yakorewe Abatutsi.

Umuyobozi wa Genuine, Gad Kirenga, yatangaje ko bahisemo Mukarutabana kugira ngo babashe kumugabanyiriza uburibwe bwiyongera ku bwo yatewe na Jenoside yakorewe Abatutsi.

Ati 'Umubyeyi nk'uyu uba warashegeshwe n'ibihe yanyuzemo, ahorana agahinda ku buryo iyo ibindi bibazo bituruka ku ruhande byiyongereyeho bimuteza uburwayi butandukanye.'

Yakomeje agira ati 'Igikorwa nk'iki cyo kumusakarira inzu kimufasha koroherwa mu bwonko no mu mutima, maze uburibwe bwe bukagabanuka.'

Yanahishuye ko Genuine igenda ikora ibikorwa nk'ibi byo kuvura abantu batishoboye no mu bihe bitari ibyo kwibuka.

Ati 'Tugenda tureba mu mirenge n'utugari dutandukanye, twabona umuntu ukwiye ubufasha tukabumuha.'

Yasoje agira inama Abanyarwanda yo gufatanya bakunga ubumwe bafasha abatishoboye cyane Abarokotse Jenoside yakorewe Abatutsi.

Umunyamabanga Nshingwabikorwa w'Akagari ka Niboye, Mpazimaka Gaspard, yashimye ibikorwa nk'ibi bya Genuine byunganira Leta mu gufasha abaturage, anasaba ibindi bigo bitandukanye by'abikorera kuyoboka uyu murongo.

Genuine ikora uvuzi ku ndwara zitandukanye nk'imitsi, umugongo, disc z'urutirigongo zangiritse, umutwe na pararize, ikaba ikorera mu Rwanda no muri Zimbabwe. Amashami yabo mu Rwanda aherereye mu Karere ka Gasabo mu Murenge wa Kimironko, mu gihe mu ntara ari mu turere twa Muhanga na Rubavu.

Mukarutabana yasaniwe inzu yamuviraga

Hatanzwe amabati azafasha gusana inzu ya Mukarutabana

Mukarutabana yagaragaje akanyamuneza nyuma yo kwemererwa ko azavurwa na Genuine ku ndwara yari amaranye igihe

Abakozi ba Genuine basuye Mukarutabana warokotse Jenoside yakorewe Abatutsi

Mukarutabana yashimye urubyiruko rwa Genuine rwaje kumusura muri ibi bihe byo kwibuka Jenoside yakorewe Abatutsi

Mukarutabana wacitse ku icumu rya Jenoside yakorewe Abatutsi yahawe ubufasha burimo amabati yo gusakara inzu ye

Mu makipe 16 dusanga muri Shampiyona ubu, icyenda yose atozwa n'abanyamahanga. Muri aya 16 kandi, 12 ni yo yari mu cyiciro cya mbere mu myaka itanu ishize.

Amakipe yatozwaga n'abanyamahanga arimo APR FC, Rayon Sports, Kiyovu Sports, Mukura VS, AS Kigali, Musanze, Police FC, Marines FC, Espoir FC, Etincelles FC, Bugesera FC na Gicumbi FC.

Bamwe mu batoza b'Abanyarwanda bamaze kugira uburambe muri aka kazi baganiriye na IGIHE kuri iyi ngingo.

Bizimana Abdou uzwi nka 'Bekeni' watoje amakipe atandukanye nka Gicumbi, Amagaju na Etincelles yavuze ko gutozwa n'abatoza b'abanyamahanga ariko bafite ubushobozi ari ikintu kigezweho mu mupira w'amaguru ku Isi.

Ati 'Ibi ni byo bisigaye biri mu mupira w'amaguru, ntabwo ari umwihariko w'u Rwanda gusa kubera ko no mu bihugu byateye imbere muri ruhago ni uku byifashe.'

Thierry Hitimana uri gutoza ikipe ya Kinondoni Municipal Council FC (KMC) yo muri Shampiyona y'Icyiciro cya Mbere muri Tanzania, na we yavuze ko abatoza b'abanyamahanga ari beza muri Shampiyona kuko bazana ubundi bunararibonye, ati 'Kugira abanyamahanga muri Shampiyona y'u Rwanda ntabwo ari bibi kubera ko hari icyo byongera ku bumenyi bw'umupira wacu.'

Hitimana yanongeyeho ko abatoza b'Abanyarwanda batoreza hanze bagomba kwitwara neza kugira ngo bafungurire imiryango abagikorera uyu mwuga mu Rwanda.

Icyakora Rwibutso Claver wari umutoza wungirije wa Pépinière FC yo mu Cyiciro cya Kabiri akaba ari na we ukuriye 'Agaciro Football Academy' yashinzwe mu 2015, asanga nta kinti kinini abatoza bo mu Rwanda bigira ku batoza bari muri Shampiyona y'u Rwanda.

Rwibutso ufite Licence C y'ubutoza akaba yaranakoranye amahugurwa y'abatoza b'amakipe atandukanye yo mu Budage nka Borussia Dortmund na Hertha Berlin, yongeyeho ko abatoza b'Abanyarwanda nabo bagomba kubonwa nk'abashoboye.

Shampiyona y'Icyiciro cya Mbere mu Rwanda itegerejwe gukomeza kuri uyu wa Gatanu tariki 15, Werurwe 2022 nyuma y'ibyumweru bitatu isubitswe.

Kiyovu Sports ikomeje kuyobora urutonde rwa Shampiyona n'amanota 50 mu gihe habura iminsi umunani kugira ngo isozwe.

Thierry Hitimana yavuze ko hari byinshi abatoza b’abanyamahanga bashobora kwigisha bagenzi babo b’Abanyarwanda

Bizimana Abdou ufite ubunararibonye mu mupira w’u Rwanda yavuze ko abatoza b’abanyamahanga muri shampiyona zitandukanye ari ibintu bigezweho ku Isi

Ibyo bakoze ntibyari byoroshye, bamwe bashatse bakiri bato kugira ngo basige abana kuko bumvaga ko isaha yose bakwicwa. Abandi bari bakiri bato mu myaka nabo bemera kujya ku rugamba batazi niba bazarurangiza amahoro. Icyo bari bashyize imbere ni ugushyira iherezo ku ngoma y'igitugu, guca akarengane n'ubwicanyi bwakorerwaga abana b'u Rwanda.

Nk'uko amateka abitwereka, bamwe bahasize ubuzima abandi babasha gutsinda urugamba ari na ko bakomeza urugendo bahagarika Jenoside. Urugendo rwo kubaka igihugu no kwiyubaka rwarakomeje. Bamwe mu babahoye u Rwanda barashatse ndetse barabyara bubaka imiryango yabo.

Hari bamwe mu bana bafite ababyeyi bagize uruhare mu guhagarika Jenoside yakorewe Abatutsi mu Rwanda muri 1994, bavuga ko barezwe mu buryo bugoye ariko burimo kwitanga cyane. Bavuga ko ababyeyi babo bakorera igihugu, akanya gato babonye bakagaha imiryango yabo bakaba babona ari ubwitange buhebuje ndetse n'urukundo kandi bakagira uburere buranga umunyarwanda.

Aba bana baganiriye na IGIHE bavuga ko amwe mu mateka basangizwa n'ababyeyi babo harimo ubuzima butoroshye banyuzemo mu gihe cy'urugamba rwo guhagarika Jenoside.

Bavuze ko ababyeyi babaganiriza ku byo bagiye bahura na byo bitoroshye nko gukomereka bikabije ntibabashe kuvurwa neza. Gusa ibi ntibyabaciye intege ahubwo bararwanye kugeza ku munsi wa nyuma, batsinda urugamba.

Rugamba yabwiye IGIHE ko umubyeyi we ajya amubwira ko yayobotse inzira yo kubohora igihugu akiri muto cyane kandi ko yagiye atavuze umuryango we ukamubura.

Rugamba yavuze ko usibye amateka babaganiza babigisha no gukunda igihugu ndetse no kugikorera mu buryo bwose bushoboka kandi ko hari ibyo bigira ku babyeyi babo.

Yagize ati 'Kuba Inkotanyi kwe byatumye hari ibyo nkunda cyane, bituma numva ko nanjye muri icyo gihe nari kuba naragiyemo ariko cyane cyane byampaye umwuka wo gukunda igihugu na politiki bituma hari ikintu niyumvamo n'ubu ari yo mpamvu numva ko nzamukurikiza'.

Yavuze ko ubutwari bw'inkotanyi kugeza n'ubu bukimukora ku mutima kuko babaga mu mahanga kandi bamwe muri bo babayeho neza ariko bagata ibyabo n'ababo bagatanga umusanzu wabo muri gahunda yo guhagarika jenoside no kuvana abanyarwanda mu buhunzi.

Rugamba avuga ko amahirwe yo kugira umubyeyi uri mu bahagaritse jenoside byamwigishije byinshi harimo gukunda igihugu kandi ko hari icyo byahinduye ku buzima abayeho n'imyitwarire ye.

Ati 'Bituma numva ko ntaba ikigwari, kuba ntagira uruhare mu gusubira mu mateka ndetse bintera ishyaka ryo kurwanya icyasenya u Rwanda, nkumva ko hari uburyo natandukana n'ababi”.

“Kuba umubyeyi wanjye ari mu bahagaritse Jenoside mba numva binteye ishema cyane kandi nkumva ko ibyo bakoze nzabishyigikira nkanarenzaho. Niba mufata nk'umugabo, ni gute naba ikigwari? Inzira nyuramo barayiharuye bituma numva ko nabyawe n'umugabo pe!'.

Umwe muri aba bana utashatse ko amazina ye amenyekana muri iyi nkuru, yavuze ko uburemere bw'ibyo bakoze bimutera ishema bikaba bimuha imbaraga zo gukora, gukunda igihugu, kugiteza imbere ndetse no kugikorera.

Avuga kandi ko anejejwe n'aho u Rwanda rugeze nyuma ya jenoside yakorewe Abatutsi muri 1994 ari ibyo kwishimira.

Yagize ati 'Inyigisho nakuye mu byerekeye amateka ya jenoside ni uko ibihe bibi biza ariko bitavuga ko ari iherezo ry'umuntu kubera ko ari mu bihe bigoye, iyo ugifite ubuzima haba hakiri icyizere ko ibyo ushaka bizaba cyangwa ijoro ryacya ukabona umucyo.'

Yakomeje avuga ko bajya bamuganiriza ku mbogamizi bahuye na zo zabashaga kubatwara ubuzima ndetse n'ibindi byabaranze ku rugamba.

Ibi byamukoze ku mutima kuko mu byo umubyeyi we yamubwiye harimo ko batasiganaga inyuma bahanaga ubufasha bashoboye banahuje umutima mu byo bari barimo n'ibyo bashaka kugeraho, ibi bikaba bimwereka urukundo ruhebuje rwabarangaga agomba kurusigasira.

Yasoje avuga ko atewe ishema no kuba umubyeyi we ari mu bahagaritse jenoside ndetse bituma yirata u Rwanda aho azajya hose.

Ati 'Nzirata u Rwanda aho nzajya hose kuko rudasebetse habe na gato. Ibyo twanyuzemo n'aho tugeze birivugira.'

Yashimiye n'umubyeyi we ku gikorwa cy'ubwitange nubwo ntacyo yabona yamwitura. Ashima ko yaharuye inzira amutegurira ejo hazaza ahereye ku kumuraga igihugu gifite umudendezo ndetse n'amahoro.

Inkotanyi mu gihe cy’urugamba rwo guhagarika Jenoside

RIB yagaragaje ko mu myaka 6 ishize mu cyumweru cy'icyunamo imaze kwakira dosiye z'ibirego by'ibyaha by'ingengabitekerezo ya Jenoside n'ibifitanye isano na yo 1911.

Muri 2017 muri icyo cyumweru cy'icyunamo RIB yakiriye dosiye 358 z'ibi birego, muri 2018 ziba 383, muri 2019 zirazamuka zigera kuri  dosiye 404,muri 2020 ziba dosiye 377, na ho muri 2021 ni dosiye 383.

RIB yagaragaje ko muri uyu mwaka ibi ibyaha byagabanutse ku kigero cya 53,5%.

@RBA