Category: Uncategorized

Iki kibazo kiri mu bibazo bihangayikishije abagabo benshi mu mpande z’isi yose. Niba uri umugabo ukaba ufite iki kibazo ntiwihebe ngo ukeke ko ari wowe wenyine. Muri iyi nkuru turarebera hamwe ibibazo byose wibaza ku kurangiza vuba (Ejaculation Précose) ndetse n’ubufasha ku bafite iki kibazo.

Ese kurangiza vuba babivuga ryari ?

Umugabo urangiza atabishaka mbere y’uko yinjiza igitsina cye mu cy’umugore cyangwa se akarangiza mu gihe kitarenze iminota 2 igikorwa cy’imibonano mpuzabitsina kigitangira, bavuga ko yarangije vuba. Ibi bikaba bimubaho buri gihe uko agiye gukora imibonano mpuzabitsina.

Ni izihe mpamvu zitera kurangiza vuba ?

Kurangiza vuba biterwa n’ibintu byinshi bitandukanye.Bishobora guterwa n’imikorere y’ubwonko (psychological functions), cyangwa kumikorere yumubiri (physiological fucntions) biba bitameze neza.

Dore bimwe mu bishobora gutera umugabo kurangiza vuba :

• Kwitinya mu gihe cy’igikorwa
• Kuba umugabo mbere yo gushaka yarahoranye ingeso yo kwikinisha
• Guhangayikishwa no kuba atabasha gushimisha umugore we ntamenye ibiri kubera mu mubiri we.
• Kumva ko imibonano mpuzabitsina ari ikintu kibi ko ari icyaha umugabo akumva adatekanye muri we.
• Kutagira ubumenyi n’uburambe bwo gukora imibonano mpuzabitsina
• Ibibazo hagati y’abashakanye bitakemutse
• Ububwayi bw’umuyoboro wa urètre cyangwa se prostate
• Uburwayi butandukanye nka Diyabeti,Cancer,n’izindi
• Kunywa ibiyobyabwenge
• Umugabo ukuze ubonana n’umugore ukiri muto (arusha imyaka myinshi).

Dore inama zigirwa abafite iki kibazo :

• Itonde, imibonano mpuzabitsina si irushanwa. Wihubagurika ahubwo bigenze gahoro.
• Mbere yo gitangira igikorwa banza utegure umugore wawe bihagije, bityo amarangamutima n’ibyuyumvo byawe bigende ku murongo.
• Jya ugira igihe gisa n’akaruhuko mu gihe uri mu gikorwa kuko uko utwarwa n’amarangamutima yawe, niko urangiza vuba ugasigira umugore wawe ibibazo. Kera bikazavamo ubwumvikane buke no guca inyuma.
• Ugomba kwinjira mu gikorwa wabanje gukiranuka n’umugore wawe aho mutumvikana, kwikuramo ibibazo by’akazi, kuruhuka bihagije.
• Kujya kwa muganga wabyigiye(Sexologue). Nkuko iki kibazo kiba gituruka mu mutwe ,ntiwakwifasha kugikemura. Gukemura iki kibazo bisaba umuntu w’inzobere mu mibonano mpuzabitsina.

Ese wari uziko hari imiti myimerere yagufasha ugatandukana n’iki kibazo ?

Ushobora kuba waragerageje inama zose wagiriwe kimwe n’izo tumaze kuvuga haruguru, bikanga kandi ukabona bigiye kugusenyera urugo. Ubu rero habonetse imiti ikoze mu bimera kandi ikaba itunganyije neza. Iyi miti rero ikaba ifasha imisemburo y’abagabo kujya kuri gahunda, ituma amaraso atembera neza mu gitsina ndetse igatuma umuntu agira n’ubushake bityo gutera akabariro bikagenda neza.

Nshimiyimana Serge, ni umuganga ukorera i Nyabugogo mu mujyi wa Kigali, mu ivuriro ryitwa “Ever Life”. avuga ko abamugana bose babona ibisubizo byongera kuzana umunezero mu ngo zabo, bityo agasaba abafite ibyo bibazo kugana ivuriro rye no kumugisha inama nk’abashakanye, cyane ko abagabo barangiza vuba cyangwa bacika intege mu gutera akabariro amaze igihe kirekire abafasha cyane. Bashobora kumusanga mu nyubako nshya y’amashyirahamwe cyangwa bakamuhamagara kuri telefone igendanwa 0789947752.

REBA VIDEO USOBANUKIRWE KURUTAHO HANO :

Igitego kimwe rukumbi cya Police FC cyatsinzwe na Twizerimana Onesme cyahesheje iyi kipe amanota 3 imbere ya Musanze FC.

Police FC yari yakiriye Musanze FC mu mukino w’umunsi wa 23 wa shampiyona y’icyiciro cya mbere mu Rwanda umwaka w’imikino 2022-23.

Umukino ubanza wabereye i Musanze, Police FC yari yayitsinze 2-1.

Igice cya mbere cy’umukino, nta mahirwe afatika yigeze aboneka ku mpande zombi kimwe no mu minota ya mbere y’igice cya kabiri.

Umutoza wa Police FC, Frank Nuttall yakoze impinduka za mbere ku munota wa 60, Pacifique, Dominique na Danny Usengimana bavamo hinjiramo Twizeyimana Martin Fabrice, Sibomana Patrick Papy na Twizerimana Onesme.

Izi mpinduka zafashije Police FC cyane kuko bahise bashyira igitutu kuri Musanze, ku munota wa 62 Papy yagerageje ishoti rikomeye ariko ugarurwa n’ubwugarizi bwa Musanze FC.

Ku munota wa 64, Onesme yatsindiye Police FC igitego cya mbere n’umutwe ku mupira wari uvuye muri koruneri yatewe na Hakizimana Muhadjiri.

Amahirwe Musanze yabone akomeye ni ayo ku munota wa 72, ni ku ishoti rikomeye rya Eric Kanze ryakubise umutambiko w’izamu. Umukino warangiye ari 1-0.

Indi mikino y’umunsi wa 23 iteganyijwe

Ku wa Gatanu tariki ya 15 Mata 2022

Police FC 1-0 Musanze FC
Gasogi United vs Kiyovu Sports
Rutsiro FC vs Etoile del’Est

Ku wa Gatandatu tariki ya 16 Mata 2022

Gorilla FC vs Rayon Sports
Marines FC vs Gicumbi FC
Mukura VS vs Espoir FC

Ku Cyumweru tariki ya 17 Mata 2022

AS Kigali vs Etincelles
Bugesera FC vs Rayon Sports

Police FC yatsinze Musanze FC

Major General Abdulaziz Abdullah Al nasi yatangaje ko abakundana bahuje ibitsina bahawe ikaze mu mikino y’igikombe cy’Isi, kandi bazaba bemerewe kwinjira ku kibuga nk’abandi bose.

Kuva tariki 21 Ugushyingo kugera tariki 18 Ukuboza, muri Qatar hateganyijwe imikino y’igikombe cy’Isi, aho imyiteguro irimbanyije ndetse amakipe 29 muri 32 azitabira iyi mikino akaba yaramaze kumenyekana.

N’ubwo Al Ansari ukuriye itsinda rizaba rishinzwe umutekano muri iyi mikino yahaye ikaze abakundana bahuje igitsina, yavuze ko bitazaba byemewe kuzamura amabendera yabo ndetse no kwamamaza ibikorwa byabo mu ruhame. Yagize ati ” umufana nazamura ibendera rishyigikiye gukundana kw'abahuje igitsina tuzarimanura. Ntabwo tuzaba tubikoze ari ukumwanga cyangwa kumubuza amahitamo ye, ahubwo tuzaba tubikoze kugira ngo tumurinde abashobora kumuhohotera.”

Mu mikino y’igikombe cy’Isi uzajya umanika ibendera ry’abakundana bahuje igitsina rihite rimanurwa

Muri iyi mikino bivugwa ko hazaba hari umubare mwinshi nawo udashyigikiye ibikorwa byo gukundana kw'abahuje igitsina, kandi hazaba harimo bamwe bashobora no guteza imvururu.” Niba umuntu amanitse ibendera bakamwataka urumva ko natwe byaba ngombwa ko tubyinjira kandi twaba twatinze, ibyiza rero ni uko twakumira icyaha kitaraba.” Al Ansari aracyakomeza.

Umuyobozi mukuru wa FIFA Gianni Infantino, mu cyumweru gishize yavuze ko buri muntu wese ahawe ikaze mu mikino y’igikombe cy’Isi n'iyo yaba akundana n'uwo bahuje igitsina.

Al Ansari niwe ushinzwe umutekano w’igikombe cy’Isi kizabera muri Qatar mu 2022

Al Ansari yakomeje avuga ko batakivanga mu buzima bwa muntu, ariko bazakora igishoboka cyose igikombe cy’Isi kikagenda neza. Ati” abantu hano bazarara mu byumba bimwe, basangirire hamwe kandi ibyo bizaba ari ubuzima bwabo, ariko twe ntitwatandukira ngo tujye kumenya ibyo barimo bidafite aho bihuriye n’irushanwa, icyo tureba ni uko irushanwa rizagenda neza.”

Mu mikino y’igikombe cy’Uburayi cya 2020, bamwe mu bafana b’abahorandi bagaragaye kuri sitade bafite amadarapo yamamaza ibikorwa by’abakundana bahuje igitsina.

Bamwe mu bafana b’Ubuhorandi mu mikino y’igikombe cy’Uburayi bagaragaye bafite amabendera y'aba LGBTIQ+

Ni uruzinduko Perezida Kagame amaze gukoramo ibintu bitandukanye, birimo ko yagejeje ijambo ku nteko ishinga amategeko ya Jamaica.

Muri iryo jambo yavuze ko atari kubw’impanuka kuba igitekerezo cy’ukwishyura hamwe kwa Afurika gikomoka kuri iki kirwa, gituyeho abantu benshi baturuka muri Afurika ariko batandukanyiwe n’imiryango yabo.

Yakomeje ati: “Kwishimira ibyo dusangiye nk’Abanyafurika ndetse n’Abanyafurika baba mu mahanga, bidufasha guhangana n’ibintu bikomeye bibera muri iyi si. Kugeza n’ubu duhora twibutswa ko dukwiye gukorana ndetse tukashyigikirana.”

Yavuze ko umuntu umwe adakwiye kuba umunyamahanga ku wundi, cyane ko nubwo abantu bagira ibibatandukanya, bagira n’ibindi byinshi bahuriyeho.

Perezida Kgame yavuze ko igihe kigeze ngo Afurika n’ibice bya Caraïbes birusheho gukorana kandi mu buryo burambye, binyuze mu miryango bihuriramo ya CARICOM n’Ubumwe bwa Afurika, ndetse n’ibihugu bigakorana hagati yabyo.

Yakomeje agira ati :”Nk’u Rwanda, turifuza kurushaho gukorana bya hafi na Jamaica no gusangira ubunararibonye mu bucuruzi n’ishoramari, kimwe no mu bijyanye n’ubumwe no guteza imbere abaturage.”

Muri uru ruzinduko kandi Perezida Kagame yasuye ahashyinguwe intwari za Jamaica, National Heroes Park mu murwa mukuru Kingston.

Yanahuye n’Umuyobozi w’abatavuga rumwe n’ubutegetsi bwa Jamaica akaba n’umuyobozi w’ishyaka People’s National Party, Mark J. Golding, hamwe na depite Lisa Hanna. Bagiranye ibiganiro ku ngingo zitandukanye zirimo kongera ubucuruzi n’ubutwererane.

Uwo muyobozi (Leader of the Opposition / Leader of Her Majesty’s Opposition) aba ari umuntu uyobora ishyaka rinini kuruta ayandi mu bwiganze mu nteko ishinga amategeko, ariko ritari muri guverinoma

Ubusanzwe nta mpamvu yakabaye ituma abantu bavuga ko umukino wa Gasogi United na Kiyovu Sports ari ihangana kuko ubu uyu ni umwaka wa 3 Gasogi United iri gukina icyiciro cya mbere mu gihe Kiyovu iheruka igikombe cya shampiyona mu myaka 29 ishize bisobanuye by’umwirahariko igihe imaze muri shampiyona.

KNC yari yazanye n’umuyobozi w’abafana ba Gasogi United, ari we Bwana Mutabaruka

Ikiganiro umuyobozi wa Gasogi United Kakooza Nkuliza Charles yagiranye n’itangazamakuru cyari kiganjemo uburakari ndetse n’agahinda kabumbatiye umujinya wo kwihorera kuri Kiyovu Sport nk’uko abivuga ko niba hari igihe kiza cyo gutsinda Kiyovu Sports ari ubu ngubu.

Ubusanzwe ntabwo Kiyovu Sports ikunze kugora Gasogi United kuko mu mikino 6 bamaze guhura Gasogi United yatsinze itatu banganya umwe. Gasogi United vs Kiyovu SC in last 6 matches:

31/10/2019: Gasogi 1-1 Kiyovu 

3/3/2020: Kiyovu 0-1 Gasogi 

8/5/2021: Gasogi 2-1 Kiyovu 

11/5/2021: Kiyovu 4-1 Gasogi 

28/6/2021: Gasogi 1-0 Kiyovu 

12/12/2021: Kiyovu 1-1 Gasogi

KNC yavuze ko nyuma y’umukino ibyo yavuze yiteguye kubisubiramo

KNC yasabye ko ishyirahamwe ry’umupira w’amaguru mu Rwanda FERWAFA ryaha agaciro uyu mukino. Yagize ati: “Sinzi niba uyu mukino FERWAFA iwufata nk’uko natwe tuwufata. Sinizere ko nzabona Umusifuzi aza gutoba umukino wacu, kuko azaba ababaje.”

KNC kandi yavuze ko niba hari igihe yumva ashaka gutsinda Kiyovu Sport ari iki gihe, ati: 'Niba hari igihe gikomeye mu buzima bwacu, noneho bwanjye nka Perezida wa Gasogi, bwo kubabaza Kiyovu Sports na Perezida wayo ni iki gihe. Twakoze ubushakashatsi dusanga ikipe tutabanye neza ari Kiyovu kuko muri uyu mwaka w'imikino imaze kuturega inshuro enye, inadusabira ibihano bitari iby'aba-sportifs.'

KNC yarahiye imbere y’abanyamakuru avuga ko ikipe bafitanye umubano wa hafi ya ntawo ari Kiyovu Sports

Umukino wa Gasogi United na Kiyovu Sport uzaba kuri uyu wa Gatanu kuva ku isaha ya saa 15:00 ubere kuri sitade ya Kigali i Nyamirambo.

Ishyirahamwe ry’umupira w’amaguru mu Rwanda ‘FERWAFA’ ryamaze kwandikira amakipe ya Rayon Sports, Police FC na AS Kigali n’ayo bizahura mu mikino yo kwishyura ya 1/8 mu gikombe cy’Amahoro iyamenyesha ko hari impinduka zabaye kuri iyi mikino bitewe n’ikibuga kizakira iyi mikino.}}

Mu ibaruwa yasinyweho n’Umunyamabanga wa FERWAFA, Muhire Henry yamenyesheje aya makipe ko bitewe n’uko ikibuga kizakira iyi mikino kizakoreshwa n’abanyeshuri bahategera imodoka basubira ku ishuri, yimuriwe amasaha.

Ati “tubandikiye tugira ngo tubamenyeshe ko hari igikorwa cyo gutwara abanyeshuri basubira ku mashuri ku matariki ya 18,19,20 na 21 Mata 2022 cyateguwe na NESA kandi bakaba bazakoresha Stade ya Kigali. Ni muri urwo rwego twagira ngo tubamenyeshe impinduka ku masaha y’imikino yari iteganyijwe kuri ayo matariki twavuze haruguru kugira ngo icyo gikorwa kizagende neza.”

Tariki ya 19 Mata umukino wa Police FC na La Jeunesse wagombaga kuzaba saa 15h, wimuriwe saa 18h.

Tariki ya 20 Mata umukino wa AS Kigali na Etincelles wagombaga kuzaba saa 12h30′, washyizwe saa 15h00′ ni mu gihe uwa Rayon Sports na Musanze FC wagombaga kuzaba saa 15h30′ kuri uwo munsi washyizwe saa 18h00′.

Imikino irimo uwa Rayon Sports na Musanze FC yimuriwe amasaha

Umunyamakuru Celestin Ntawuyirushamaboko wari ukunzwe na benshi yitabye Imana azize uburwayi.

Urupfuye rw’uyu munyamakuru wa BTN TV rwamenyekanye mu ijoro ryakeye ryo ku wa 14 Mata 2022.

Umwe mu banyamakuru bakoranaga kuri BTN TV yabwiye ISIMBI ko ayo makuru ari impano, yari amaze iminsi mike afashwe n’uburwayi.

Uyu mugabo wari urwariye mu bitaro bya Kibagabaga, ntabwo benshi biyumvishaga ko yahita yitaba Imana cyane ko tariki ya 13 Mata 2022 ari bwo inkuru ye yaherukaga gutambuka kuri televiziyo.

Ni umunyamakuru wari uzwi cyane mu gukora inkuru z’umwihariko zivugira abaturage.

Celestin Ntawuyirushamaboko yakoreye ibitangazamakuru bitandukanye birimo Radio & TV1, City Radio na BTN TV.

Celestin Ntawuyirushamaboko yitabye Imana