Category: Uncategorized

Ibi byatangarijwe mu gikorwa cyabereye mu nama ya mbere ya komisiyo ihuriweho ishinzwe gukurikirana ishyirwa mu bikorwa ry'ubufatanye impande zombi zemeranyijweho, yabereye i Kigali kuri uyu wa 15 Mata 2022.

Itsinda ry'u Rwanda ryari riyobowe na Minisitiri w'Ububanyi n'Amahanga n'Ubutwererane, Dr Vincent Biruta na mugenzi we Amb. Tete Antonio, ku ruhande rwa Angola.

Impande zombi zaganiriye ku ntambwe yatewe mu butwererane busanzwe mu nzego zirimo ubutabera, ubuhinzi n'ubworozi, ubuzima hanasuzumwa inzego nshya zakwagurirwamo ubwo bufatanye.

Zaboneyeho gushyira umukono ku masezerano mashya ku guhererekanya abakekwaho ibyaha, kudasoresha ibicuruzwa kabiri, ubufatanye mu gutanga ubufasha mu by'amategeko no guhererekanya abanyabyaha.

Hari kandi amasezerano y'imikoranire mu by'ubutwererane no guteza imbere urwego rw'ubuhinzi n'ubworozi, guteza imbere imiyoborere mu nzego z'ibanze, uburezi, ubucukuzi bw'amabuye y'agaciro n'amahugurwa y'abakozi ba leta.

Minisitiri w'Ububanyi n'Amahanga n'Ubutwererane, Dr Vincent Biruta, yavuze ko impande zombi zizakorana harebwa uko abaturage bakungukira mu masezerano yashyizweho umukono.

Yagize ati 'Ntabwo ari ibijyanye na dipolomasi gusa ahubwo ni ibizana inyungu ku baturage b'ibihugu byombi. Dufite inararibonye mu nzego zitandukanye twemeranyijweho imikoranire, tugiye gukorera hamwe harebwa uko abaturage babyungukiramo. Urugero rumwe ni uko twemeranyijwe ko visa ku banyarwanda basura Angola zikurwaho.'

'Abanyarwanda bashobora gusura Angola bagakorerayo ubucuruzi bakungukira ku masezerano twashyizeho umukono yo kwirinda gusoresha kabiri. Hari uburyo bwinshi Abanyarwanda n'Abanyangola bazungukira mu masezerano twashyizeho umukono uyu munsi.'

Minisitiri w'Ubutwererane Mpuzamahanga muri Angola, Amb. Tete Antonio, yavuze ko ibyakozwe uyu munsi ari uguha umurongo ibikorwa byari bisanzwe hagati y'ibihugu byombi.

Ati 'Ni intambwe ikomeye mu bufatanye bwacu. Turashishikariza abatekinisiye bacu gukora cyane no kugira icyerekezo kimwe mu guhanga udushya, gukurikirana gahunda zemeranyijweho no kuzishyira mu bikorwa. U Rwanda ni umufatanyabikorwa w'ingenzi kuri Angola.'

Dr Biruta yongeyeho ko impande zombi zizakomeza kuganira no kwemeranywa ku zindi nzego z'imikoranire yubakiye ku bushake bwa politiki ku rwego rwo hejuru.

Ati “Guverinoma y'u Rwanda ifite ubushake bwo gukorana na Guverinoma ya Angola mu gushakira umuti ibibazo byo mu karere no ku mugabane bigira ingaruka ku bihugu byombi.”

Yavuze ko ibihugu byombi byafatanyije binyuze muri 'ICGRL' mu gushakira umuti ibibazo byo mu Karere kandi ko u Rwanda rushima uruhare rwa Angola mu kugarura amahoro muri Centrafrique.

Minisitiri w’Ububanyi n’Amahanga n’Ubutwererane, Dr Vincent Biruta ashyira umukono ku masezerano

Minisitiri w'Ubutwererane Mpuzamahanga muri Angola, Amb. Tete Antonio

Minisitiri w'Ububanyi n'Amahanga n'Ubutwererane, Dr Vincent Biruta na mugenzi we wa Angola, Amb. Tete Antonio

Minisitiri w’Ubutegetsi bw’Igihugu, Gatabazi Jean Marie Vianney yasinyanye amasezerano na Minisitiri w’Ububanyi n’Amahanga wa Angola, Amb. Tete Antonio agenga ubufatanye mu by’inzego z’ibanze

Minisitiri w’Ubutabera w’u Rwanda, Dr Ugirashebuja Emmanuel ni we wari uhagarariye u Rwanda mu gushyira umukono ku masezerano y’ubufatanye mu by’ubutabera; yari kumwe na Minisitiri w’Ubutabera n’Uburenganzira bwa Muntu wa Angola,Francisco Manuel Monteiro de Queiroz (iburyo)

Minisitiri w’Umutekano Alfred Gasana ahererekanya amasezerano na Minisitiri w’Ubutabera n’Uburenganzira bwa Muntu muri Angola, Francisco Manuel Monteiro de Queiroz, yerekeye ibyo guhererekanya imfungwa hagati y’u Rwanda na Angola

Mu rwego rw’ubuhinzi, u Rwanda rwari ruhagarariwe n’Umunyamabanga wa Leta muri Minagri, Dr Ngabitsinze Jean Chrysostome; yari kumwe Minisitiri w'Ubuhinzi n'Uburobyi, Antonio Francisco de Assismuri Angola

Minisitiri w’Ubuzima, Dr Ngamije Daniel na mugenzi we wa Angola, Silvia Lutucuta, bamaze gushyira umukono ku masezerano y’ubufatanye mu by’ubuzima

Umuyobozi w’Ikigo cy’Igihugu gishinzwe Mine,Peteroli na Gaz (RMB) Amb. Yamina Karitanyi hamwe n’ushinzwe urwego nk’uru muri Angola bahererekanya amasezerano y’imikoranire mu rwego rwa mine

Umuyobozi wa RMI, Dr. Mulindahabi Charline (ibumoso) hamwe n’Umuyobozi w’ishuri ry’imiyoborere (ENAPP) muri Angola

Amafoto: Yuhi Augustin

Iyi ndirimbo yitwa 'Hold me Lord' mu magambo y’ikinyarwanda bisobanura “Nkomeza Mana”, yanditse muri 2005 ariko iguma mu bubiko.

Uyu muhanzi, avuga ko ubu hari hageze ho kuyigeza ku bakunzi b’indirimbo zo kuramya no guhimbaza.

'Hold me Lord' ni indirimbo yo gutabaza Imana mu gihe cy'ibibazo, ndetse no kuyishimira ko ibidukemurira.

Uyu muhanzi yagaragaje ko Imana idahari 'umuntu yaba ari ubusa'. Yumvikanisha ko 'iyo tubuze amahoro tukiyambaza Imana, iradutabara tugatekana'.

Ni indirimbo kandi isaba Imana gukomeza buri umwe. Ati 'Aha ni cya gihe uba wumva umeze neza mu mutima, utuje mbese wumva neza ko uri kumwe n’Imana. Icyo gihe rero usaba Imana kugukomeza no kugukomereza ibyo byiza.'

Mu nyikirizo y'iyi ndirimbo, uyu muhanzi avugamo ko Imana ari nziza. Aririmba agira ati 'Mana uri nziza, Mana shimwe, Mfata ukuboko, nkomeza.'

Iyi ndirimbo yari imaze imyaka 17 Eliazar ayibitse mu kabati. Yabwiye INYARWANDA ko iyi myaka ishize kubera ko yashakaga kubanza kuyinononsora.

Ati 'Iyi ndirimbo imaze imyaka ingana itya kuko numvaga nkeneye kuzuza neza ubutumwa buyikubiyemo. Rimwe na rimwe nagiye nshaka kuyijyana muri studio ariko umutima ukambwira uti ba uretse.”

Akomeza ati 'Byatumye nandika igitero cyayo cya nyuma kigira kiti “Uri ubwugamo bwanjye iteka Mana, uri amahoro yanjye, Mana wee, iyo undi hafi mba mfite byose, Mana yanjye shimwa.'

Eliazar yaherukaga gusohora indirimbo yise 'Dutabare Nyagasani'. Ni indirimbo yanditse azirikana intambara ziri hirya no hino ku Isi. Ati 'Nta wundi twagira uretse Nyagasani wenyine.'

Avuga ko iyi ndirimbo 'Dutabare Nyagasani' ndetse na 'Hold me Lord' zafasha buri umwe mu buzima bwabo bwa buri munsi, kuko 'ari iz’ibihe byose'.

Eliazar yavuze ko akomeje kwandika izindi ndirimbo zo kuramya no guhimbaza zafasha abakunzi ba Gospel. 

Umuhanzi Eliazar Ndayisabye yasohoye amashusho y'indirimbo ye yise 'Hold me Lord' 

Eliazar yavuze ko iyi ndirimbo yari imaze imyaka 17, kubera ko yashakaga kubanza kuyinononsora

KANDA HANO UREBE AMASHUSHO Y'INDIRIMBO 'HOLD ME LORD' YA ELIAZAR NDAYISABYE

“>

KANDA HANO WUMVE INDIRIMBO ‘DUTABARE NYAGASANI’ YA ELIAZAR NDAYISABYE

“>

Ni nyuma y’amasezerano atavugwaho rumwe hagati y’ibi bihugu yo kujya bohereza mu Rwanda abasaba ubuhungiro mu Bwongereza.

Ishami rya ONU ryita ku mpunzi UNHCR ryatangaje ko ryamaganye kohereza impunzi mu bindi bihugu “bidafite ibihagije mu kurengera abantu”.

Abazoherezwa mbere na mbere ni abagabo b’ingaragu bambuka umuhora wo mu nyanja uzwi nka Channel/la Manche mu mato cyangwa mu makamyo bava mu Bufaransa.

Minisitiri w’intebe w’Ubwongereza Boris Johnson yatangaje ko ashaka guca business y’abambutsa abantu, ariko uyu mugambi we wamaganwe cyane mu Bwongereza, no mu Rwanda.

Andrew Griffith umukuru w’igenamigambi mu biro bya Johnson yabwiye BBC ko iyo gahunda ishobora gutangira gukorwa “mu byumweru cyangwa mu mezi macye” ari imbere.

‘Kugurisha abimukira’
Imiryango n’amatsinda ategamiye kuri leta birenga 160 mu Bwongereza yasabye leta guhagarika uyu mugambi mu ibaruwa banditse bawita “ubugome buteye isoni”.

Uyu mwanzuro mu Rwanda nta kuwamagana cyangwa kuwushimagiza byigaragaje cyane, nta mpaka uteje muri rubanda cyangwa mu ntumwa zibahagarariye mu nteko.

Gusa ishyaka Democratic Green Party rya depite Frank Habineza na DALFA-Umurinzi rya Victoire Ingabire yasohoye amatangazo yamagana kohereza abimukira mu Rwanda.

Gillian Triggs komiseri mukuru wungirije wa UNHCR yavuze ko ku Bwongereza ibi ari “ukwihunza inshingano kandi binyuranyije n’amahame mpuzamahanga agenga impunzi”.

Mu itangazo rya UNHCR, Madamu Triggs ati : “Abantu bahunga intambara, amakimbirane no kwibasirwa bakwiye impuhwe no gufashwa. Ntibakwiye kugurishwa nk’ibicuruzwa bakoherezwa ahandi”.

UNHCR ivuga ko nubwo u Rwanda rwagize neza mu kwakira impunzi mu myaka za mirongo ishize, benshi ubu baba mu nkambi aho bafite amahirwe macye yo kwiteza imbere.

Ikavuga ko ahubwo “ibihugu bikize bikwiye gufasha u Rwanda n’impunzi rusanganywe” aho kurwongerera abandi.

Aya masezerano akubiyemo miliyoni 120 z’amapound y’ibanze Ubwongereza buha u Rwanda mu gufasha gutuza aba bimukira.

Leta y’u Rwanda yo ivuga ko kuza kwabo bizafasha kuzamura ubukungu, ndetse ko ayo masezerano ubwayo azongera ishoramari.

Bamwe bibaza niba abimukira bavuye muri Syria cyangwa Iraq bashaka imibereho mu Bwongereza bazashima koherezwa no gutura mu Rwanda – igihugu gishimwa mu mutekano n’isuku ariko kikanengwa mu by’uburenganzira bwa muntu.

Umuvugizi wa leta y’u Rwanda Yolande Makolo yabwiye BBC ko ari “igihugu gitekanye, kiri kwihuta mu iterambere, cyubahiriza uburenganzira bwa muntu kimwe
n’ibindi bihugu”.