Category: Uncategorized

Leta ifite intumbero y'uko mu 2024 abagana TVET bazaba bageze kuri 60%. Kuri ubu ibipimo bigaragaza ko abamaze kuyoboka aya masomo bageze kuri 31,9%.

RTB ivuga ko yasanze mu mbogamizi zituma aya mashuri atitabirwa cyane ari uko ikiguzi cy'uburezi muri TVET kikiri hejuru bitewe n'uko abanyeshuri biga bakora kandi ibikoresho bakenera bikaba bihenze.

Ibyo bikoresho ni byo bituma amafaranga y'ishuri ababyeyi basabwa agenda yiyongera nk'uko byatangajwe n'Umuyobozi Mukuru wa RTB, Eng. Paul Umukunzi.

Ati 'Kugira ngo tworohereze ababyeyi tunafungure amarembo ku muntu wese ushaka kwiga muri TVET habayeho gushaka ingamba zirimo ko ibyo bikoresho bitangwa na leta.'

Eng. Umukunzi yavuze ko muri uyu mwaka w'ingengo y'imari leta yashoye miliyari eshanu z'amafaranga y'u Rwanda mu kugura ibikoresho bikenerwa mu mashuri ya TVET, yasaranganyijwe amashuri yose ya leta n'ayigenga afitanye amasezerano na leta.

Yakomeje agira ati 'Niba ibigo bibasha kwigurira ibyo bikoresho bivuze ko n'amafaranga ababyeyi batangaga agomba kugira icyo agabanukaho. Byarakozwe, ikaba ari yo mpamvu 30% ikwiye kugabanukaho kandi akaba ari urugendo turi gutangira ruzanakomeza kuko amasomo y'ibanze ya TVET ni amwe mu abarizwa mu cyiciro cy'uburezi bw'ibanze kandi uburezi bw'ibanze muri rusange bwakabaye ari ubuntu.'

Leta ngo izakomeza kongera ingengo y'imari igenewe amashuri ya TVET kugira ngo amahirwe agere ku Banyarwanda bose.

Iyi gahunda ariko ngo ntireba abanyeshuri biga bataha kuko ikiguzi cy'uburezi cyamaze kugabanywa kuri ubu bakaba bishyuzwa gusa amafaranga y'ifunguro rya saa sita n'ubwishingizi.

Nibura amashuri 87 yubatswe umwaka ushize ni ayo muri uru rwego, gahunda yo kugabanya iki kiguzi ikaba ari ho yatangiriye.

Intambwe izakurikiraho ni ukuringaniza amafaranga y'ishuri mu bigo bicumbikira abanyeshuri kubera ko kugeza ubu atangana bitewe n'ibyo ikigo gikenera, porogaramu y'amasomo yacyo n'ibindi ari na byo bigenderwaho mu gutanga amafaranga yo kugura ibikoresho.

Impuzandengo y'amafaranga y'ishuri ku biga muri TVET ni ibihumbi 99 Frw ku gihembwe kuri buri munyeshuri. Hari abatanga ari hejuru ku buryo bageza ku bihumbi 170 Frw ariko ku biga bataha usanga batanga nk'ibihumbi 30 Frw.

Uko imbogamizi zagiye zigaragazwa zikurwaho ni ko abagana aya mashuri baziyongera nk'uko Eng. Umukunzi yakomeje abisobanura.

Ati 'Imbogamizi twagiye tugaragarizwa mu bukangurmbaga turimo ni uko abenshi babura uko bagana ayo mashuri kubera ko ikiguzi cyasaga n'aho kiri hejuru kikabagora, ubwo iyo mbogamizi yo ivuyeho kandi tuzagenda twongeramo uburyo bwo korohereza ababyeyi cyane. Hamwe n'ubu bushake n'ubukangurambaga tumazemo iminsi twizeye ko urubyiruko rugana aya mashuri ruziyongera cyane.'

Guteza imbere imyigishirize y'amasomo ya tekiniki, imyuga n'ubumenyingiro ni imwe mu ntego za guverinoma y'u Rwanda zigamije kwihutisha iterambere (NST1).

Umuyobozi Mukuru wa RTB, Eng. Paul Umukunzi, yavuze ko Leta izakomeza kongera ingengo y'imari igenewe amashuri ya TVET kugira ngo amahirwe agree ku Banyarwanda bose

Ntabwo higeze hatangazwa ibyo aba bayobozi bombi baganiriye.

Sandra Mason ni we Perezida wa Mbere wa Barbados kuva iki gihugu cyaba Repubulika. Yatangiye inshingano ku wa 30 Ugushyingo 2021, ubwo igihugu cye cyatangaza ko cyiyomoye k'u Bwongereza.

Mu 2020, Barbados yakuriyeho Visa Abanyarwanda bashaka kuyigenderera. Iri kandi mu Muryango wa Commonwealth aho byitezwe ko abayobozi bayo bazaba bari i Kigali muri Nyakanga mu nama ya CHOGM.

Perezida Kagame yahuye na Sandra Mason uyobora Barbados

Uyu muburo uje nyuma y'aho hamaze igihe humvikana abantu bamamaza imiti irimo n'ivugwa ko itera imbaraga mu gihe cyo gutera akabariro n'ivura ubugumba n'uburemba n'indi.

Ubwo hamurikwagwa ibyavuye mu bugenzuzi bw'iminsi ibiri bwari bugamije kureba ibicuruzwa biri ku isoko bitujuje ubuziranenge, bwakozwe na RIB na Polisi ndetse na FDA, byagaragaye ko hari abacuruza imiti itujuje ubuziranenge babeshya ko ivura indwara runaka.

Ushinzwe Ishami rishinzwe gukurikirana ingaruka z'imiti n'ibiribwa muri FDA, Lasare Ntirenganya, yavuze ko ubu bugenzuzi bwakorewe mu turere twose uko ari 30 anashimangira ko muri iki gihe hari abamamaza imiti n'inyongeramirire kandi bitemewe.

Yagize ati 'Navuga ko mu miti hari iyo duherutse gufata; igitangaje hari uwo twafashe witwa umuti ariko dusanga ufite 'alcool' yo ku kigero cya cyenda ariko ugasanga bavuga ko ari umuti uvura umunaniro cyangwa kanseri ya prostate.'

Yakomeje avuga ko kwamamaza imiti n'inyunganiramirire n'ibiribwa byanyuze mu ruganda bitemewe.

Uduce tugera kuri 430 ni two twagenzuwe harimo inganda n'ahacururizwa imiti n'ibindi biribwa. Hagaragaye inganda 99 zidafite ibyangombwa bizemerera gukora n'ibiribwa bigera ku 196 bitarandikwa muri iki kigo n'amoko 172 y'ibicuruzwa byarengeje igihe.

Ku gicamunsi cyo kuri uyu wa Gatandatu tariki 16 Mata 2022, Lt. Gen Muhoozi yatangaje ko yagarutse ku rubuga rwa Twitter akurikirwaho n'abantu barenga ibihumbi 500 nyuma y'igihe cyari gishize 'kubera bimwe mu byemezo nagombaga gufata'.

Kuva mu ijoro ryo ku wa mbere w'iki cyumweru, konti ya Twitter ya Muhoozi ntiyari iriho. Ubusanzwe, iyo Twitter ifunze konti y'umuntu runaka kubera kurenga ku mabwiriza yayo, bagaragaza ubutumwa buvuga ngo 'Account Suspended' (Iyi konti yahagaritswe).

Iyo umuntu ari we ufashe icyemezo cyo gukuraho konti ye, hagaragara ubutumwa buvuga ngo 'This account doesn't exist' (Iyi konti ntibaho). Ibi nibyo byabonekaga ubwo wabaga usuye konti ya Lt. Gen Muhoozi uherutse i Kigali.

Umuvugizi wa Muhoozi ari we Lt. Col Chris Magezi mu minsi ishize yari yabwiye BBC ko Muhoozi ari we wafashe icyemezo cyo guhagarika konti ye 'ku mpamvu bwite'.

Nyuma yo kugaruka kuri Twitter, Lt. Gen Muhoozi yatangaje ko ku wa kane w’iki cyumweru yakiriye inka yagabiwe na Perezida Paul Kagame.

Anavuga ko ari n'ibyishimo byinshi byo gutangaza ko 'Uncle' we [Perezida Kagame] akaba n'umukuru w'igihugu cy'u Rwanda “azitabira ibirori by'isabukuru yanjye.'

Ibirori byo kwizihiza isabukuru ye bizaba ku wa 23 Mata 2022, ndetse yatangiye gutumira bamwe mu bahanzi bakomeye muri Uganda. Bizabera ahitwa Cricket Oval Lugogo guhera saa sita z’amanywa.

Ku wa 15 Werurwe 2022, nibwo Perezida Kagame yagabiye inka z'inyambo Lt. Gen Muhoozi.

Icyo gihe Muhoozi yanditse kuri Twitter ye, avuga ko Perezida Kagame yamugabiye inka 10. Yagize ati 'Mu muco wacu duhuriyeho cyane mu bashumba nk’Abanyankore, Abanyarwanda, Abakarimojong, Abadinka, Abamasai, nta kigaragaza ubucuti kirenze kuba umuntu yaguha inka.”

Lt. Gen Muhoozi yatangaje ko Perezida Paul Kagame azitabira ibirori by'isabukuru ye

Muhoozi yagaragaje ko yakiriye inka z'inyambo Perezida Kagame yamugabiye

Muhoozi yavuze ko Perezida Kagame yamugabiye inka 10 z'inyambo 

Tariki 15 Werurwe 2022, Perezida Paul Kagame yajyanye Gen Muhoozi Kainerugaba mu rwuri rwe agamubira inka z'inyambo 

Muri Mutarama na Werurwe 2022, Muhoozi yasuye u Rwanda

Ni ubwa mbere iki gikorwa kigiye kubaho, kuko hasanzwe haba irushanwa rya Miss Africa rihuza abakobwa bo ku mugabane wa Afurika ndetse na Miss East Africa ihuza abakobwa bo mu Karere k'Afurika y'Iburasirazuba.

Miss East Africa USA izajya iba mu Ukuboza buri mwaka muri Amerika. Rizajya rihuza abakobwa bo muri EAC babarizwa muri Leta Zunze Ubumwe za Amerika.

Umuyobozi wa Sunday Entertainment, Nzitatira Sunday Justin yabwiye INYARWANDA ko batekereje gutegura iri rushanwa mu rwego rwo guhuza urubyiruko ruvuka muri EAC ariko rubarizwa muri iki gihe muri Amerika.

Ati 'Igitekerezo cyaryo [Irushanwa] ni mu rwego rwo guhuriza hamwe urubyiruko rutuye muri Amerika ariko rukomoka muri East Africa.'

Nzitatira yavuze ko iri rushanwa ryo guhitamo umukobwa uhiga abandi ryitezweho kugaragaza EAC 'mu ruhando rw'amahanga'. Ati 'Nk'uko EAC iri kwaguka numva ko ari umwanya mwiza ko abari mu mahanga twisanga mu biri kuba iwacu.'

Umukobwa ushaka kwitabira Miss East Africa USA agomba kuba atuye muri Amerika akomoka muri EAC; afite imyaka iri hagati ya 18 na 35 y'amavuko, ari inyangamugayo, ari ingaragu, yarasoje amashuri yisumbuye, kwemera ko umushinga we azawushyira mu bikorwa mu gihugu akomokamo n'ibindi.

Ibihembo bizatangwa ku mukobwa uzegukana ikamba ni ukwishyurirwa Kaminuza [Scholarship] yo kwiga muri Kaminuza muri Amerika, kumufasha gushyira mu bikorwa umushinga we aho akomoka n'ibindi bitandukanye.

Ibihugu by'Umuryango wa Afurika y'Iburasirazuba ni u Rwanda, Repubulika Iharanira Demokarasi ya Congo (RDC), Burundi, Sudani y’Epfo, Uganda, Kenya ndetse na Tanzania.

Ku wa 29 Werurwe 2022, nibwo Repubulika ya Demokarasi ya Congo yemejwe nk'umunyamuryango mushya wa EAC mu nama y’uyu muryango yari ikuriwe na Perezida Uhuru Kenyatta wa Kenya yateraniye i Arusha muri Tanzania. 

Umuyobozi wa Sunday Entertainment, Nzitatira Sunday Justin yatangaje ko Miss East Africa USA bayitezeho guhuza urubyiruko rwo muri EAC 

Ni ku nshuro ya mbere hagiye kuba Miss East Africa USA. Iri rushanwa ryubakiye ku bwiza, ubwenge, kuyobora n’umuco 

Umuyobozi Mukuru wa NESA, Bernard Bahati, yatangarije The New Times ko ubu ari itegeko ko abakandida bakoresha indangamuntu muri gahunda yo kwiyandikisha nyamara bamwe bagaragaza ko ntazo bazifite.

Ati 'Indangamuntu ubu ni itegeko kuko ni yo izadufasha kwirinda amakosa ku mpamyabumenyi, umwaka ushize byadutwaye amezi arenga abiri kugira ngo dukosore amakosa ari ku mpamyabumenyi zatanzwe rero turashaka kwirinda ibibazo nk'ibyo.'

Bahati yatangaje ko abakandida barenga 700 nta ndangamuntu bafite ariko ko kugeza ubu 65% muri bo bari mu nzira yo kuzibona.

Ati 'Kwiyandikisha byatangiye amezi make ashize. Ariko, twahaye umwanya abakandida muri iki gihe cy'ibiruhuko kugira ngo bifotoze ku mirenge yabo hanyuma babone indangamuntu. Turi gukorana bya hafi n'Ikigo cy'Igihugu Gishinzwe Indangamuntu (NIDA) ku buryo bakurikirana iki kibazo.'

Yongeyeho ko mu gihe abanyeshuri bagiye gutangira igihembwe cya gatatu kuri 18 Mata, abakandida bashobora kwerekeza ku mirenge yegereye amashuri yabo kugira ngo bafotorwe.

Ati “Turamenyesha abayobozi bose b'amashuri yisumbuye, amashuri ya TVET na TTC n'abakandida bigenga gukorana n'abakandida n'ababyeyi babo kugira ngo kwiyandikisha bigende neza, hirindwe amakosa mu ndangamuntu.'

Bahati yijeje abakandida bamwe na bamwe ko bakomeza guhura n'ibibazo byo kubona indangamuntu, ko nta mukandida uzabuzwa kwiyandikisha mu bizamini bya Leta, asobanura ko bazakomeza gukemura ibi bibazo mbere yo gutanga impamyabumenyi.

Ati 'Abakandida bamwe ntibiyandikishije muri système y'imbonezamubano, abandi bafite indangamuntu ariko harimo amakosa mu mazina yabo n'amazina y'ababyeyi babo kandi kugira ngo bikosorwe ni ngombwa guca muri MINALOC ni yo mpamvu bizafata igihe kirekire.'

Yavuze ko hashyizweho uburyo bushya kugira ngo abakandida bose bari mu nzego zitandukanye biyandikishe mu kizamini cy'igihugu.

Mu gihe biyandikishije, bazahita babona ubutumwa kuri telefone igendanwa kugira ngo barebe niba nta makosa yabayemo.

Abanyeshuri bazakora ibizamini bya leta bongerewe igihe cyo kwiyandikisha