Category: Uncategorized

Mu ijoro ry'uyu wa Gatandatu tariki 23 Mata 2022, nibwo Seleman yasohoye iyi ndirimbo ifite iminota 2 n'amasegonda 42'.

Yabwiye INYARWANDA ko iyi ndirimbo yabaye iya kabiri kuri album ye ya mbere ari gutegura, ashaka gushyira hanze muri uyu mwaka cyangwa se utaha.

Uyu muhanzi asobanura ko mu ndirimbo 'Ikimata' yaririmbyemo urukundo, ikaba igizwe n'amagambo y'urukundo umuntu yabwira uwo yihebeye.

Ati 'Nkaba nsaba buri wese ufite uwo yihebeye kuyigira iye.'

Seleman yavuze ko muri uyu mwaka ari gutegurira abafana be n'abakunzi b'umuziki indirimbo nshya ndetse n'ibitaramo, cyane ko yari amaze igihe adataramira abakunzi be.

Uyu muhanzi asobanura ko ubuhanzi bwe bwubakiye ku butumwa bw'urukundo, no kwimakaza ibyiza byarwo cyane 'mu bashakanye'.

Yavuze ko album ye izaba iriho indrimbo 10 harimo izo yakoranye n'abandi bahanzi, ariko ko atahita abitangaza ubu.

Ati 'Ni album irimo ubutumwa bugaruka ku rukundo n'ibyiza byo kubana neza mu muryango.'

Yaherukaga gusohora indirimbo ihimbaza Imana yise 'Intama' yakoranye na Pasiteri Barihuta Jean De Dieu, umuvugabutumwa mu Itorero Communauté Pierre Vivante ryo mu Bubiligi.

Iyi ndirimbo irimo ubutumwa bukebura abashumba b'amatorero, aho bamwe bayoboye intama z’Imana nabi. Irimo kandi ubutumwa bureba abemera Imana muri rusange.

Seleman yatangiye umuziki mu 2007 amenyekana mu ndirimbo nka 'Kiberinka', 'Pommes', 'Mille' yakoranye na Lolilo, 'Kamwe' yakoranye na Washington, 'Nikupende' n'izindi nyinshi.

Uyu muhanzi yavuye mu Rwanda mu 2012 ajya gutura mu Bubiligi ari naho yamenyaniye n'umukunzi we Umutesi Charlotte Putzeys barushinze tariki 13 Nyakanga 2019. 

Seleman Dicoz yasohoye amashusho y'indirimbo y'urukundo yise 'Ikimata' 

Seleman yavuze ko ari gutegura indirimbo zigize album ye nshya 

Seleman avuga ko muri uyu mwaka afite gahunda yo gusohora indirimbo nyinshi no gukora ibitaramo 

KANDA HANO UREBE AMASHUSHO Y'INDIRIMBO 'IKIMATA' YA SELEMAN

“>

Ibi byagarutsweho ku wa Gatandatu, tariki ya 23 Mata 2022, ubwo muri Gisagara bashyinguraga imibiri 38 y'abazize Jenoside mu Rwibutso rwa Kabuye.

Tariki ya 23 Mata ifatwa nk'iy'amateka akomeye ku mbaga y'Abatutsi bari bahungiye ku Musozi wa Kabuye mu yahoze ari Komine Ndora. Ni bwo bishwe n'interahamwe zaturutse muri Komine Buganza ziyobowe na Burugumesitiri wayo Elia Ndayambaje afatanyije n'impunzi z'Abarundi.

Ubwo bibukaga ku nshuro ya 28 Jenoside yakorewe Abatutsi, banashyingura mu cyubahiro imibiri y'abantu 38 bishwe, abarokotse bagaragaje ko hari abafungurwa barakoze Jenoside barangije ibihano byabo ariko ugasanga ntacyo bahindutseho.

Umwe mu barokotse, Me Buhuru Jean Pierre, yavuze ko abakoze Jenoside barangije ibihano byabo baba bagomba gutaha ariko hakiri impungenge ku batarahindutse bashobora kwangiza sosiyete.

Ati 'Bariya rero bahanwe ku byaha bya Jenoside bagafungwa bagafungurwa ntabwo ariko bose bahindutse, hari abagiye kurangiza ibihano ariko si ukuvuga ngo imitima yabo yarahindutse ngo baricujije.'

Yakomeye ati 'Ni yo mpamvu rero nibagaruka muri sosiyete batarakize iyo ndwara y'ingengabitekerezo n'amacakubiri ni nk'uburozi buba bugarutse kumenywa muri sosiyete. Biteye impungenge ariko nta kundi byagenda barangije ibihano byabo bagomba kugaruka muri sosiyete ariko hari ibindi bibazo bishobora kuvuka byiyongera ku byari bihari.'

Umuyobozi w'Akarere ka Gisagara, Rutaburingoga Jérôme, yavuze ko kuba abakoze Jenoside bababarirwa bagasubizwa muri sosiyete ari igihango gikomeye bakabaye baha agaciro bakirinda amacakaburi.

Yagize ati 'Ni igikomeye cyane ubundi ntibari bakwiye kubabarirwa ariko kugira ngo Leta ifashe u Rwanda n'Abanyarwanda yahisemo gutanga izo mbabazi, abacitse ku icumu bahisemo gutanga imbabazi twabonye ko twahindura ku byatubayeho ahubwo twiyemeza guhindura ibyo dushoboye.'

Ku ruhande rwa Guverineri w'Intara y'Amajyepfo, Kayitesi Alice, yavuze ko abafungurwa bazakomeza guhabwa amasomo y'ubumwe n'ubwiyunge azabafasha kwisanga muri sosiyete.

Ati 'By'umwihariko hano mu Karere ka Gisagara dufite abantu benshi bamaze kunyura muri izo nyigisho kandi zihuza ababa barakoze ibyaha bya Jenoside bakanabifungirwa no mu buhamya bajya batanga. Harimo uvuga ngo nafunzwe imyaka 18 byibuze sinabohotse ngo nemere icyaha nsabe imbabazi ariko tubona izo nyigisho zidufasha.'

'Ikindi ni ibiganiro bya Ndi Umunyarwanda bihera ku mudugudu n'amahuriro y'ubumwe n'ubwuyunge akora guturuka ku mudugudu ibyo birikongera kubanisha Abanyarwanda.'

Imibiri 38 yashyinguwe mu Rwibutso rwa Kabuye rusanzwe ruruhukiyemo imibiri isaga 38.000 by'Abatutsi biciwe hirya no hino muri Gisagara.

---

Ku kiciro cya kabiri, Macron yatsinze n’amajwi 58% by’amajwi naho mucyeba we Marine Le Pen yagize amajwi 42%.

Abatora mu Bufaransa kuri iki kiciro cya kabiri bitabiriye itora ku gipimo cya 28%, igipimo kiyongereye ugereranyije na 25% mu matora aheruka mu 2017.

Abashyigikiye Macron bari bakoraniye mu busitani buri hafi ya Tour d’Eiffel i Paris bahise batera hejuru mu byishimo.

Baririmbaga mu bagira bati : “Macron, President” mbere gato na nyuma y’uko atangajwe nk’ugiye gutegeka Ubufaransa indi myaka itanu.

Bimwe mu byo wamenya kuri Perezida Macron wongeye gutorerwa gutegeka Ubufaransa, soma hano : Macron : Kuva k’uwutazwi muri poritike gushika kuba umukuru w’igihugu

Le Pen yemeye ko yatsinzwe

Marine Le Pen, utsinzwe ku nshuro ya gatatu amatora ya perezida, yabwiye abamushyigikiye ko nubwo atsinzwe urugamba rutarangiye kandi ko bageze ku musaruro w’amateka.

Ku majwi ya Le Pen hiyongereyeho amanota 8 ugereranyije n’amatora ya 2017 ubwo nabwo yari ahanganye na Macron.

Yanenze Macron gukoresha inzira z’amanyanga mu kwiyamamaza, ashimira abantu – by’umwihariko bo mu byaro no hanze y’Ubufaransa – bakomeje kumunambaho.

Le Pen yavuze ko azakomeza kuba inkingi ikomeye itavugarumwe na Macron.

Iyi mpanuka yabaye ahagana saa Mbili yabereye mu Karere ka Rulindo mu Murenge wa Base mu Kagari ka Cyohoha mu Mudugudu wa Nyangoyi ku muhanda wa kaburimbo Rulindo-Gicumbi hafi y’Ikigo cy’Amashuri cya Rwili.

Umwe mu bakora mu Rwego rwunganira Akarere mu gucunga Umutekano (DASSO) w’imyaka 42 ukorera mu Murenge wa Cyungo ni we wari utwaye Dusabimana Niceratha w’imyaka 33.

Dusabimana Niceratha yitabye Imana azize impanuka

Impanuka yabaye ubwo bari bageze mu ikorosi, utwaye moto gukata biramunanira arenga umuhanda, yitura mu muferege, uwo yari ahetse akubita umutwe hasi.

Nyuma yo gukomereka bikomeye, Dusabimana Niceratha, yajyanywe kwa muganga agejejwe mu Bitaro bya Kinihira ahita yitaba Imana.

Umunyamabanga Nshingwabikorwa w’Umurenge wa Base, Niyonshuti Aime, yemeje aya makuru, yihanganisha umuryango wa nyakwigendera.

Uwari utwaye moto ari gukurikiranwa kuko bikekwa ko yari atwaye yasinze ndetse nta byangombwa bimwemerera gutwara ibinyabiziga yari afite.

Ivomo:Igihe

Imodoka ya V8 ni yo Perezida Paul Kagame yarimo ubwo yageraga ku Biro bya Perezida Museveni. Ntibahanye umukono, indamukanyo ya Perezida Kagame asa n’uwunamye areba Museveni na Mme Janet Museveni, na bo bakabigenza uko bamureba ubundi akazamuka amadarajya yinjira mu nzu aho baganiriye.

Perezida Paul Kagame na Perezida Museveni ubwo bahuraga kuri iki Cyumweru

Perezida Paul Kagame kujya i Kampala kwe byari byavuzwe n’Umuhungu wa Perezida Museveni, Gen Muhoozi Kainerugaba, avuga ko ari mu batumiwe kwizihiza isabukuru ye y’amavuko, kandi ko yabyemeye.

Uretse kuba yahuye na Museveni, Perezida Kagame bitegekanijwe ko yitabira ibirori by’isabukuru y’amavuko ya Gen Muhoozi Kainerugaba benshi babona ko azasimbura se ku butegetsi.

Inkuru yo kujya i Kampala kwa Perezida Kagame ni ikindi kimenyetso ko igihu kimaze imyaka mu mubano w’u Rwanda na Uganda kirimo kweyuka.

Perezida Paul Kagame aganira na Perezida Museveni

Radio Ijwi rya America ivuga ko hari hashize imyaka ine Perezida Kagame atajya muri Uganda, igihugu yakoreye, ndetse ubwe yigeze kuvuga ko kirimo inshuti n’abavandimwe.

Gen Muhoozi Kainerugaba arizihiza isabukuru y’amavuko y’imyaka 48, ibirori birabera ku Biro bya Perezida.

Mu ntangiriro z’uyu mwaka nibwo umuhungu wa Museveni yatangije gahunda ndende yo kongera kunga ibihugu byombi, aza i Kigali bwa mbere abonana na Perezida Paul Kagame, ndetse yongera kuza ku nshuro ya kabiri ahamara iminsi irenze umwe, anagabirwa inka.

Kuva ubwo yakunze kuvuga ku mbuga nkoranyambaga ko umwanzi w’u Rwanda ntaho azamenera anyuze muri Uganda.

Nk’uko byashyizwe kuri Twitter, ngo Leta yatangajwe no kubona M23 yubuye imirwano ku ngabo za Congo mu gihe hari hatangiye inzira yo gukemura ibibazo mu mushyikirano ibera i Nairobi.

Ku rundi ruhande M23 yasohoye itangazo nayo ivuga ko ingabo za Congo zayigabyeho igitero zimaze iminsi zitegura, bityo ko atari yo yasoje imirwano uretse kuba yirwanyeho.

Radio RFI ivuga ko imirwano yo ku wa Gatandatu mu gace ka Rutshuru yatangiye ahagana saa cyenda z’amanywa muri teritwari ya Jomba, muri Kivu ya Ruguru.

Yabereye ku misozi ya Bugusa, ndetse no ku wa Chengerero. Mu gihe gishize ni uduce twari twafashwe na M23 ariko nyuma ingabo za Leta zirahasubirana.

Imirwano mishya ngo yatumye abaturage bongera guhunga ndetse bamwe bambuka umupaka bajya Uganda.

Leta ya Congo ivuga ko yakuye M23 igice cya Makenga mu mitwe izashyikirana na yo. Iyi M23 yari ihagarariwe mu mishyikirano n’abantu babiri, Umunyamabanga Nshingwabikorwa wayo, Benjamin Mbonimpa, na Lawrence Kaniyuka, ushinzwe Ububanyi n’Amahanga.

M23 yo ivuga ko Leta ya Congo idashaka amahoro, ndetse ikavuga ko kuba yagabweho igitero n’ingabo za Leta bisubiza ibintu irudubi bikanagira ingaruka ku mishyikirano yari yemejwe n’inama y’Abakuru b’ibihugu by’Umuryango wa Africa y’Iburasirazuba (EAC).

Ku wa Gatanu nibwo imishyikirano yari gutangira ntibyakunda kuko hari indi mitwe irwanya Leta ya Congo itarahagera nubwo hataratangazwa urutonde rw’izo nyeshyamba zose.

Mu gitondo cyo ku wa Gatandatu habashije kuba inama yahuje intumwa za Leta n’imitwe iyirwanya yabashije kohereza intumwa i Nairobi.

Ibiganiro byabaye byitabiriwe na Jean-Marie Runiga, we uhagarariye igice cya M23 yikuye ku ruhande rwa Makenga, kikaba kigizwe n’abahungiye mu Rwanda muri 2013, hari kandi n’abahagarariye M23 igice cya Makenga, bo bubuye imirwano mu Burasirazuba bwa Congo, ndetse Leta yatangaje k obo ibakuye mu bo izashyikirana na bo.

Leta ivuga ko igice cya M23 cyegamiye kuri Gen Makenga yagikuye mu bo bazashyikirana

Minisiteri y’Ubuzima (MINISANTE) yatangaje ko ku Cyumweru tariki 24 Mata 2022 mu Rwanda habonetse abantu batatu banduye Covid-19 bose bakaba babonetse i (…)