Category: Uncategorized

Kuri uyu munsi, ibyamamare bitandukanye birimo Ariana Grande, Kendall, Kylie n'abandi bifatanyije n'isi yose mu kwizihiza uyu munsi bambaye bikini z'icyatsi.

 

Kuri uyu wa Gatandatu tariki ya 23 Mata, ku kibuga Emirates Arsenal yahatsindiye Manchester United ibitego 3-1 mu mukino w'umunsi wa 34 wa shampiyona y'u Bwongereza, wasize Cristiano yanditse amateka mashya mu mupira w'amaguru nyuma y'igitego cy'impozamarira yatsindiye Manchester United.

Muri uyu mukino wagoye cyane Manchester, Cristiano yatsindiye iyi kipe igitego ku munota wa 33 cyabaye igitego cy'ijana atsinze muri Premier League mu myaka 7 yakiniye iyi kipe.

Cristiano yageze muri Manchester United mu mwaka w'imikino wa 2003-04 ayikinira imyaka 6 ayisohokamo mu mwaka w'imikino wa 2008-09, ayikiniye imikino 196 ya shampiyona, aho yayitsindiye ibitego 84 anegukanye Ballon d'Or, aza kuyigarukamo mu mwaka w'imikino wa 2021-22, aho amaze kuyikinira imikino 27 ayitsindira ibitego 16. Uyu mukinnyi yujuje ibitego 100 yatsinze muri Premier League mu mikino 223 yakinnye.

Nubwo Manchester United yatakaje amanota atatu, ku rundi ruhande Cristiano yubatse amateka mu mupira w'amaguru kuko yabaye umukinnyi wa mbere utsinzi ibitego 100 mu marushanwa 4 atandukanye.

Cristiano Ronaldo yatsinze ibitego 100 muri Premier League, atsinda ibitego 311 muri shampiyona ya Espagne La Liga, atsinda ibitego 140 muri Champions League, anatsinda ibitego 115 mu ikipe y'igihugu ya Portugal.

Cristiano niwe mukinnyi wa mbere ubikoze ku Isi, kakaba ari agahigo yongeye ku tundi asanzwe yihariye.

Cristiano niwe mukinnyi wa mbere ku Isi watsinze ibitego 100 mu marushanwa 4 atandukanye

Cristiano yatsinze igitego cya 100 muri Premier League

Binca ari mu ndege imwe na Muyoboke Alex berekanye bari mu rugendo rwerekeza mu gihugu cya Uganda, maze Muyoboke anyuza ubutumwa kuri WhatsApp ye ati: ''Muratekereza iki..nyuma y'isabukuru ya mubyara wanjye Gen.Muhoozi, Kigali mwitegure tariki 23 Nyakanga.''

Nyuma y'ubwo butumwa Muyoboke yongeye gusangiza abantu amashusho mato yageze kuri Lugogo Cricket Oval, ahagiye kubera ibirori by'isabukuru ya Lt Gen. Muhoozi biri buririmbemo abahanzi nka Jose Chameleone, Bebe Cool n'abandi batandukanye.

Kuva kuwa Gatanu tariki 22 Mata 2022, mu bice bitandukanye bya Uganda, hatangiye ibirori bibanziriza isabukuru ya Lt Gen Muhoozi, umugaba w'ingabo zirwanira ku butaka mu gihugu cya Uganda akaba n'umwana wa Perezida Museveni.

Ni ibirori byahereye ahitwa Bushenyi mu gihugu cya Uganda, aho imbaga y'abantu benshi bari buzuye mu gitaramo cyari cyiganjemo urubyiruko. Bivugwa ko inshuti za Lt Gen. Muhoozi ari zo zagize uruhare mu itegurwa ry’ibyo birori.

Muyoboke Alex yahagurukanye na Bianca

Lt Gen. Muhoozi Kainerugaba wavutse tariki 24 Mata 1974, mbere yo kwizihiza isabukuru y’imyaka 48 yabanje gutangiza isiganwa ku maguru ahitwa Kololo mu gitondo cyo kuri uyu wa Gatandatu tariki 23 Mata nka kimwe mu bikorwa by'imyidagaduro bijyanye n'isabukuru ye. Iri siganwa ringana na kilometero 10, ryitabiriwe n'amagana y'abantu. 

Lt Gen. Muhoozi yavuze ko yishimiye kuba ibirori by'isabukuru ye biri mu gihugu hose. Yakomeje agira ati 'Ndashaka kubashimira mwese n'abaturage ba Uganda ku bufasha bwanyu. Ibi byose ni ku bwanyu. Nimutita ku gihugu cyanyu, nta muntu uzabibakorera.'

Ibihugu birimo n’u Rwanda byari bihagarariwe

Ibi birori bibaye mu gihe Lt Gen. Muhoozi ari no kwishimira uruhare rwe mu kuzahura umubano w'u Rwanda na Uganda binyuze mu biganiro byabaye mu ngendo ze ebyiri aho amaze guhura na Perezida Paul Kagame, bakagirana ibiganiro biri no gutanga umusaruro dore ko magingo aya imipaka ihuza ibi bihugu byombi yamaze gufungurwa. Mu ngoro y'Umukuru w'Igihugu cya Uganda, kuri iki Cyumweru tariki 24 Mata 2022, hateganyijwe isangira ryo kwishimira isabukuru ya Muhoozi.

Muyoboke Alex yamaze kugera ahagiye kubera ibirori by’isabukuru ya Muhoozi

Umujyanama Muyoboke ubwo yahagurukaga i Kigali

Ubwo Lt.Gen Muhoozi yatangizaga iri siganwa

Kuri uyu wa Gatandatu tariki ya 23 Mata, shampiyona y'u Rwanda yari yakomeje hakinwa imikino y'umunsi wa 24, aho Rayon Sports yari yakiriye AS Kigali kuri Stade ya Kigali i Nyamirambo iyizimanira igitego 1-0.

Ni igitego cyatsinzwe na rutahizamu w'umunya-Cameroun Mael Dindjeke ku munota wa 34, ku mupira yahawe na mwenewabo bakomoka hamwe, Leandre Willy Onana witwaye neza muri uyu mukino.

Dindjeke yatsinze igitego cye cya mbere muri shampiyona y’u Rwanda

Nicyo gitego cya mbere Dindjeke atsinze muri shampiyona y'u Rwanda, kuva yagurwa n'iyi kipe mu ntangiriro z'uyu mwaka aho yaje benshi bakamuha urwamenyo baseka cyane Rayon Sports ko yibeshye ku mukinnyi iguze kuko Atari ku rwego rwo kuyikinira.

Ni umukinnyi wakunze guhabwa amahirwe yo gukina n'umutoza Jorge, ariko amahirwe yahawe ntayabyaze umusaruro byanatumye abafana ba Rayon Sports bamutakariza icyizere, gusa uyu munsi yakosoye amakosa amaze igihe akora aratsinda kandi atsinda igitego gikenewe.

Gutsinda uyu mukino byafashije Rayon Sports kwicara ku mwanya wa gatatu ku rutonde rw'agateganyo rwa shampiyona, aho yagize amanita 41 ikaba irushwa 9 na APR FC ya mbere ariko ikaba ifite umukino itarakina.

Indi mikino yakinwe kuri uyu wa Gatandatu:

Rayon Sports 1-0 AS Kigali

Etincelles 1-0 Police FC

Musanze FC 1-0 Gicumbi FC

Etoile De L'Est 0-1 Bugesera FC

Ku Cyumweru tariki ya 24 Amata 2022:

APR FC vs Marines FC

Kiyovu Sport vs Mukura

Dindjeke yatsinze igitego cyahesheje Rayon Sports amanota atatu

Dindjeke yaje muri Rayon Sports benshi bamupinga

Abakinnyi ba Rayon Sports bishimira intsinzi

Nyuma yo gursinda AS Kigali, Rayon Sports yahise yicara ku mwanya wa gatatu

Ni ingenzi ndetse bikaba n'ingirakamaro kwita ku isi bitari gusa mu cyumweru cyahariwe umubumbe w’Isi ufite ubuzima ahubwo bigakorwa iteka. Buri mwaka hizihizwa umunsi wahariwe isi wizihizwa hagamijwe gukomeza kurushaho kubungabunga ibidukikije. Uyu munsi watangiye kwizihizwa kuwa 22 Mata 1970. Muri uyu mwaka nabwo ukaba warizihijwe kuwa 22 Mata 2022.

Hari ibyamamare hirya no hino byifatanije n'isi yose mu kwizihiza uyu munsi mu myambaro yo kogana izwi nka Bikini ariko zo mu ibara ry'icyatsi. Ibyo byamamare harimo Kylie, Kendall Jenner, Hailey Bieber Ariana Grande n'abandi banyuranye. 

INYARWANDA ikaba yabegeranirije amafoto agaragaza uko bamwe mu byamamare bawizihije.

Hailey Bieber

Jordyn Woods

Ayesha Curry

Rebel Wilson

Kylie Jenner

Bella na Dani Thorne

Simone Biles

Bella Thorne

Ariana Grande

Kerry Washington

Kendall Jenner

Hailey Bieber

Danielle Lombard

Genie Bouchard

Ireland Baldwin

January Jones

Jasmine Sanders

Maitland Ward Baxter

Jordyn Woods

Juliana Hough

Kaia Gerber

Kendall Jenner

Corryn Olympions

Kourtney Kardashian

Simone Biles

Kylie Jenner

Lais Ribeiro

Lais Ribeiro

Larsa Pippen

Nicole William English

Paige De Cinque

Rachel Slawson 

Sarah Synder

Uyu muhango wabaye kuri uyu wa Gatanu tariki ya 22 Mata 2022, ubwo abakozi n'ubuyobozi bwa BK bashyiraga indabo ku rwibutso ruriho amazina y'abayikoreraga bishwe muri Jenoside yakorewe Abatutsi ruri ku cyicaro gikuru cyayo.

Uyu muhango wakomereje ku Rwibutso rwa Jenoside rwa Kigali aho bashyize indabo ku mva iruhukiyemo imibiri isaga ibihumbi 250 y'Abatutsi biciwe hirya no hino mu Mujyi wa Kigali.

Umuyobozi wa BK Group Plc, Dr. Diane Karusisi, yavuze ko kwibuka ari inshingano za buri wese, cyane ko abakozi ba BK bakwiye kujya bazirikana bagenzi babo bishwe.

Ati 'Kwibuka ni inshingano ntabwo ari umuhango uba umunsi umwe cyangwa mu kwezi kwa kane, twebwe nk'abakozi ba BK ni inshingano zacu kwibuka abantu batanze umusanzu wabo mu kubaka ikigo dukoramo bishwe urw'agashinyaguro.'

Umuyobozi w'Umuryango Aegis Trust, Mutanguha Freddy, yashimye BK Group Plc kuba ifata umwanya ikibuka abazize Jenoside n'uburyo idahwema kwita ku barokotse.

Ati 'Turabashimira cyane kuba mwateguye iki gikorwa cyo kwibuka kuko ni indangagaciro nziza, turabashimira kandi ko muhora mutegura iki gikorwa kandi mukita ku bacitse ku icumu.'

Ku ruhande rw'uhagarariye imiryango y'abazize Jenoside bakoraga muri BK, Murengerantwali Athanase, yashimye iyi banki kuba izirikana ababo bishwe avuga ko bibaha icyizere cy'ejo hazaza.

BK Group Plc yibutse ku nshuro ya 28 Jenoside yakorewe Abatutsi mu 1994 mu gihe u Rwanda n'Isi yose biri mu gihe cy'iminsi ijana yo kwibuka inzirakarengane zishwe.

Abakozi ba BK ubwo bashyiraga indabo ku rwibutso rwa Jenoside rwa Kigali ku Gisozi

Bafashe umunota wo kuzirikana inzirakarengane za Jenoside yakorewe Abatutsi

Abari abakozi ba BK bazize Jenoside yakorewe Abatutsi bibutswe

Hashyizwe indabo ku rwibutso rw’amazina y’abari abakozi ba BK bishwe muri Jenoside yakorewe Abatutsi

Bahawe ikiganiro kigaruka ku mateka yagejeje u Rwanda kuri Jenoside yakorewe Abatutsi

Abakoreraga BK bibutswe, abayikorera ubu basabwa kusa ikivi cyabo

Hacanywe urumuri rw’icyizere rushushanya icyizere cy’ejo hazaza h’abanyarwanda

Uhagarariye imiryango y'abazize Jenoside yakorewe Abatutsi bakoraga muri BK, Murengerantwali Athanase, yashimye iyi banki kuba izirikana ababo bishwe avuga ko bibaha icyizere cy'ejo hazaza

Umugabo w’uyu mugore yahoze akorera BK yishwe muri Jenoside yakorewe Abatutsi mu 1994

Umuyobozi w'Umuryango Aegis Trust, Mutanguha Freddy, yashimye BK Group Plc kuba ifata umwanya ikibuka abatutsi bishwe muri Jenoside n'uburyo idahwema kwita ku barokotse

Umuyobozi wa BK Group Plc, Dr. Diane Karusisi, yavuze ko kwibuka ari inshingano za buri wese cyane ko abakozi ba BK bakwiye kujya bazirikana bagenzi babo bishwe

Dr. Diane Karusisi yunamiye inzirakarengane zishyinguye mu Rwibutso rwa Jenoside rwa Kigali

Ku gicamunsi cyo kuri uyu wa Gatandatu tariki 23 Mata 2022 nibwo hongeye kuvugwa ko imirwano yadutse.

Ni imirwano ije mu gihe harimo kuvugwa ibiganiro hagati ya Perezida Félix Tshisekedi n’abahagarariye imitwe yitwaje intwaro igera ku icumi ikorera mu Burasirazuba bwa RDC.

Major Willy Ngoma, Umuvugizi wa Armée Révolutionnaire du Congo, Ishami rya Gisirikare rya M23, yatangaje ko bagabweho ibitero n’ingabo za leta mu gihe bari mu biganiro.

Ngo bigaragaza ko leta idashaka inzira y’amahoro mu kurangiza ikibazo.

Ati 'Uyu munsi guhera saa cyenda n’iminota 50, Ingabo za Leta, FARDC zatugabyeho igitero i Bugusa muri Jomba muri teritwari ya Rutshuru.'

'N’ubu imirwano irakomeje turimo gushaka uko twabasubiza inyuma, biragaragara ko leta idashaka inzira y’amahoro mu kurangiza intambara”.

Iyi mirwano ije mu gihe hari hatangiye ibiganiro bihuza Perezida Tshisekedi n’imitwe yitwaje intwaro igera ku 10 ikorera mu Ntara za Kivu y’Amajyaruguru, iy’Amajyepfo na Ituri nk’uko byemejwe n’inama y’abakuru b’ibihugu byo mu karere iheruka yabereye muri Kenya kuwa 21 Mata 2022.

M23 ikaba iherutse kubura imirwano mu Ntara ya Kivu y’Amajyaruguru ishinja leta kutubahiriza amasezerano yashyiriweho umukono i Nairobi muri Kenya mu 2013 aho uyu mutwe wemezaga ko uhagariritse imirwano.

Taliki ya 10 Mata 2022 nibwo M23 yatangaje ko yongeye guhagarika imirwano ku nshuro ya kabiri. Yahise inarekura abasirikare ba RDC yari yafatiye mu mirwano.

Lt Colonel Guillaume Njike Kaiko, Umuvugizi w’ibikorwa bya gisirikare bya FARDC mu Ntara ya Kivu y’Amajyaruguru, yashinje abarwanyi ba M23 kubura imirwano nyuma y’agahenge kari amaze iminsi, yemeza ko ingabo za FARDC zikomeje kwihagararaho.

Ati 'Nyuma y’agahenge kari gahari, nyuma y’amabwiriza twari twahawe n’ubuyobozi bukuru, abarwanyi ba M23 bagabye ibitero ku birindiro byacu biri i Bugusa.'

'Byabaye kuri uyu wa Gatandatu mu masaha ya saa Cyenda z’amanywa. Ibi ni ukwangiza agahenge kari kamaze iminsi natwe nka FARDC twafashe icyemezo cyo kwihagararaho tugahangana nabo.”