Webrwanda Backend

Category: Uncategorized

  • Nyagatare: Umugabo yishwe bikekwa ko yishwe na bagenzi be yasambanyirizaga abagore #rwanda #RwOT

    Urupfu rw'uyu mugabo w'imyaka 21 rwamenyekanye ku mugoroba wo kuwa 5 Kamena 2022.

    Amakuru dukesha Radiotv10 avuga ko bamwe mubakekwaho kugira uruhare murupfu rw'uyu mugabo batangiye gukurikiranwa ndetse kugeza ubu yatawe muri yombi.

    Umunyamuryango nshingwabikorwa w'umurenge wa Gatunda Rusakaza Alphonse Yavuze ko amakuru y'ibanze avuga ko nyakwigendera yaba yishwe akaswe ijosi n'abantu bari bafitanye amakimbirane ashingiye ku busambanyi.

    Akomeza avuga bikekwa ko Nyakwigendera y'ishwe n'abagabo bivugwa ko yasambanyirizaga abagore ubwo bahuriraga mu kabari.

    Ati 'Birangira bamwishe. Baramufatanyije ari babiri, umwe yarafashwe ejo, uwa Kabiri ntabwo araboneka.'

    Ukekwaho kugira uruhare mu rupfu rwa nyakwigendera, ubu afungiye kuri station y'Urwego rw'Igihugu rw'Ubugenzacyaha RIB ya Gatunda mu gihe umwe akiri gushakishwa.

    Andi makuru aturuka muri aka gace, avuga ko nyakwigendera yari amaze igihe afitanye umubano wihariye n'umugore w'umugabo ukekwaho kumwivugana kuko umugore we yari yaramwibwiriye ko yari asigaye abana na nyakwigendera.

    Amakuru avuga ko Nyakwigendera yishwe mu gihe yari yaritabaje inzego z'ibanze kugirango abashe kugaragaza ko arengana.

    Source : https://umuryango.rw/amakuru/article/nyagatare-uumugabo-yishwe-bikekwa-ko-yishwe-na-bagenzi-be-yasambanyirizaga

  • Ibyo wa menya ku buzima bwa teta Sandra witegura kurushinga na Weasel #rwanda #RwOT

    Teta yabaye igisonga cya kabiri cya Miss SFB umwaka wa 2011, n'umwe mu bakobwa bazwi cyane mu myidagaduro y'u Rwanda, Teta Sandra. Amaze imyaka itanu yerekeje i Kampala, agiye gutegura ibitaramo mu kabari gakomeye kitwa Hideout.

    Muri aka kabari ni naho yaje guhurira na Weasel bari basanzwe baziranye mu myidagaduro mu Rwanda, babyutsa umubano, ubu bamaze kubyarana kabiri.

    Mu minsi ishize ubwo nerekezaga i Kampala muri Uganda, nifuje guhura n'uyu mugore – inshuti yanjye y'igihe kirekire. Azwi na benshi i Kampala ariko aratinyitse kubera umugabo we uzwiho kugira amahane menshi.

    Kumubona byabanje kungora kuko aba ari mu rugo yita ku bana be cyangwa yaherekeje umugabo we mu bikorwa bya muzika mu bice bitandukanye bya Uganda.

    Yaje kumbwira ko abonye iminota mike dushobora guhura, twemeranya guhurira mu kabari kitwa Pyramid gasohokeramo Abanyarwanda benshi.

    Abazi Teta Sandra aracyari wa wundi. Ni umugore utarigeze abyibuha ndetse umugereranyije n'uko yavuye mu Rwanda, yagabanyijeho ibiro bike. Avuga ko yabikoze kuko yifuzaga kugumana umubiri we na nyuma yo kubyara.

    Ni Teta Sandra ugikunda kuganira n'inshuti ze, waba utamuzi cyangwa mutaziranye ukabona ari umugore ucecetse cyane.

    Mu kiganiro cyiganjemo kwisekera, Teta Sandra yahishuye byinshi ku buzima abayemo i Kampala, akomoza ku bukwe bwe ndetse n'umubano hagati ye na Weasel bitegura kurushinga.

    Byitezwe ko mu minsi iri imbere, umuryango wa Mayanja uvukamo abahanzi nka Pallaso, Chameleone na Weasel uzagera i Kigali, mu muhango wo gusaba no gukwa Sandra Teta.

    Teta ari mu myiteguro ya nyuma yo gutaha, aho ateganya kwerekana abana iwabo, umuhango uzabanziriza ibyo gusaba no gukwa.

    Kuva yakwerekeza muri Uganda mu 2018, ntabwo arabasha gutaha ngo yongere kubonana n'abo mu muryango we imbonankubone.

    Ati “Ntakubeshye nkumbuye umuryango wanjye, imyaka igiye kuba itanu tutabonana uretse kuvugana kuri telefoni. Mu minsi iri imbere ndateganya gutaha nkereka abana abo mu rugo.”

    Nubwo amatariki y'ubukwe bwe ataremezwa neza, Teta Sandra yavuze ko imyiteguro ku mpande zombi yarangiye, igisigaye ari uguhuza gahunda z'imiryango yombi ubundi ubukwe bugataha.

    Yavuze ko akurikije gahunda zihari, uyu mwaka utazarangira ubukwe bwe na Weasel budatashye.

    Umubano wa Teta Sandra na Weasel

    Kuva Teta Sandra yatangira gukundana na Weasel mu 2018, hakunze kuvugwa amakuru atandukanye y'uko hagati yabo hatajya haburamo intonganya ndetse rimwe na rimwe bakanakozanyaho.

    Uretse kuba bivugwa ko Weasel atari yoroheye Teta, na mukeba we ngo bari bameranye nabi.

    Ibi byatumye ubwo twahuraga, kimwe mu bibazo by'amatsiko twifuje kumubaza ari uko abanye n'aba bombi.

    Ati “Erega nta bidasanzwe byabaye. Yego kenshi usanga hari ibintu abantu badahurizaho ariko hamwe n'Imana birarangira. Abubatse barabizi mu rugo ntabwo bihora ari byiza gusa, icyiza ni uko byarangiye kandi neza. Kuri ubu tubanye neza cyane.”

    Uretse umugabo we, Teta Sandra ntahakana ko yabanje kugorwa n'uwari umukunzi wa Weasel, icyakora na byo ngo byararangiye.

    Ati “Ntabwo yorohewe no kubyumva, wasangaga buri gihe dufitanye ibibazo ariko kugeza ubu byararangiye.”

    Amakuru avuga ko hari igihe Teta yakunze kujya ashyamirana bikomeye na mukeba we, rimwe na rimwe bakarwana, bagakizwa n'uko Weasel ari we wari ufite ijambo rya nyuma ku guhitamo kwe.

    Intambara hagati y'aba bombi yaje kurangira mu minsi ishize ubwo Weasel yeruraga ko yitegura kurushinga na Teta Sandra.

    Kuva icyo gihe uwari umukunzi w'uyu muhanzi yahise ajya kure ye ndetse ntibarongera kuvugana.

    Ubwo Teta yabyaraga ubuheta bwe muri Nyakanga 2021 yahise ajya kubana na nyirabukwe kuko Weasel yari akibana n'uwari umukunzi we. Nyuma yaje gutaha asubira iwabo.

    Byatumye uyu muhanzi avana Teta Sandra aho yabaga, batangira kubana mu nzu imwe. Kuva ubwo hatangiye kuvugwa amakuru y'ubukwe bwabo.

    Iyo uganira na Teta Sandra, mu bintu bya mbere akubwira ko akumbuye harimo no gutegura ibitaramo.

    Yashimangiye ko ateganya gusubira mu byo gutegura ibitaramo, ku ikubitiro byabera mu Rwanda n'i Kampala.

    Source : https://umuryango.rw/imyidagaduro/article/ibyo-wa-menya-ku-buzima-bwa-teta-sandra-witegura-kurushinga-na-weasel

  • Menya amateka ya Birara, Intwari y’Abasesero #Rwanda #RwOT via @kigalitoday #rwanda #RwOT

    Aminadabu Birara, Intwari y’Abasesero yapfuye muri Jenoside yakorewe Abatutsi mu 1994, akaba yarabaga mu Bisesero mu Karere ka Karongi, bivugwa ko yishwe (…)

    Source : https://www.kigalitoday.com/kwibuka/article/menya-amateka-ya-birara-intwari-y-abasesero

  • 11 Amavubi ashobora kubanzamo imbere ya Senegal #rwanda #RwOT

    Harabura amasaha make Amavubi agacakirana na Senegal mu mukino w’umunsi wa kabiri mu itsinda L mu gushaka itike y’igikombe cy’Afurika cya 2023.

    Muri iyi nkuru tukaba tugiye kugaruka ku bakinnyi umutoza w’Amavubi Carlos Alós Ferrer ashobora kubanzamo aho ashobora gukora impinduka ugereranyije n’ababanjemo ku mukino wa Mozambique aho Hakizimana Muhadjiri ashobora kuvamo hakajyamo Ruboneka Bosco.

    Ni umukino wo mu itsinda L uri bube saa 21:00′ zo kuri uyu wa Kabiri mu Mujyi wa Dakar muri Senegal ku kibuga cya Abdoulaye Wade.

    Abakinnyi bose umutoza yahagurukanye bameze neza nta kibazo na kimwe bafite yaba imvune cyangwa ubundi burwayi.

    Biteganyijwe ko yuma y’uyu mukino Amavubi azagaruka mu Rwanda ku munsi w’ejo ku wa Gatatu ni mu gihe bamwe mu bakinnyi bakina ku mugabane w’u Burayi nka York bo indege bazayifatira muri Senegal.

    11 bari bubanze mu kibuga

    Kwizera Olivier , Serumogo Ali, Imanishimwe Emmanuel Mangwende, Nirisarike Salomon, Manzi Thierry, Mutsinzi Ange Jimmy Bizimana Djihad, Rafael York Nishimwe Blaise, Ruboneka Jean Bosco na Meddie Kagere

    Amavubi mu masaha make arakina na Senegal

    Source : http://isimbi.rw/siporo/article/11-amavubi-ashobora-kubanzamo-imbere-ya-senegal

  • M23 yahishuye ibyabaye ku rugamba inaburira Leta ya Congo ku basirikare igiye kohereza kuyirwanya #rwanda #RwOT

    FARDC yiyambaje indi mitwe ifite ibirindiro muri Repubulika Iharanira Demokarasi ya Congo irimo na FDLR kugira ngo barwanye umutwe wa M23.

    Kuri uyu wa Mbere tariki 06 Kamena 2022, imirwano yongeye kubyuka mu duce twa Runyoni na Chanzu muri Teritwari ya Rutshuru mu Ntara ya Kivu ya Ruguru.

    FARDC na M23 bongeye kwitana bamwana aho buri ruhande rushinja urundi kurugabaho ibitero mu birindiro bya buri ruhande.

    Ni imirwano byatangajwe ko yahitanye abasirikare babiri b’uruhande rwa Leta inakomerekeramo abandi batanu.

    Umuvugizi wa M23, Maj Willy Ngoma yageneye ubutumwa Guverinoma ya DRC kuri uyu wa Kabiri tariki 07 Kamena 2022.

    Muri ubu butumwa bivugwa ko Maj Willy Ngoma yageneye umuvugizi w’Igisirikare muri Kivu ya Ruguru, Brig Gen Sylvain Ekenge, yavuze ko imirwanire ya FARDC itabakanga.

    Yagize ati 'Muta intwaro n’amasasu nk’abasivili. Mwaje kutugabaho igitero, twabasubije inyuma kugeza Rumangabo.'

    Maj Willy Ngoma yatangaje kandi ko bafashe n’intwaro nyinshi za FARDC ndetse ko n’abasirikare babiri batangajwe ko baguye muri iyi mirwano ari ibinyoma kuko bivuganye benshi kurenza aba.

    Yagize ati 'General wanjye, nk’umusirikare mwiza ngira ngo mwabonye ibyo twakoze kandi ni isomo, ndatekereza ko ari umuburo wa nyuma.'

    Uyu muvugizi w M23 yavuze ko abasirikare ba FARDC badafite ubushobozi bwo guhangana na M23 kuko haba mu mirwanire ndetse no mu macenga y’urugamba, babarusha kure.

    Source : http://www.ukwezi.rw/Mu-mahanga/Amakuru-anyuranye/article/M23-yahishuye-ibyabaye-ku-rugamba-inaburira-Leta-ya-Congo-ku-basirikare-igiye-kohereza-kuyirwanya

  • Nyagatare : Umugabo yishwe akaswe ijosi n’abo bikekwa ko yasambanyirizaga abagore #rwanda #RwOT

    Urupfu rwa nyakwigendera witwa Valens, wari utuye mu Mudugudu wa Kabera mu Kagari ka Nyarurema muri uyu Murenge wa Gatunda, rwamenyekanye mu mugoroba wo ku ya 05 Kamena 2022

    Rusakaza Alphonse uyobora Umurenge wa Gatunda, avuga ko inzego zishinzwe iperereza zahise zitangira akazi kazi, gusa hakaba hari umwe umaze gutabwa muri yombi akekwaho kugira uruhare mu rupfu rwa nyakwigendera.

    Yavuze ko amakuru y’ibanze avuga ko nyakwigendera yaba yishwe akaswe ijosi n’abantu bari bafitanye amakimbirane ashingiye ku busambanyi.

    Yagize ati 'Uwo nyakwigendera yasambanyaga umugore w’abo bamwishe, bakomeza bagirana amakimbirane.'

    Rusakaza avuga ko bikekwa ko nyakwigendera yishwe n’abo bantu ubwo bahuriraga mu kabari.

    Ati 'Birangira bamwishe. Baramufatanyije ari babiri, umwe yarafashwe ejo, uwa Kabiri ntabwo araboneka.'

    Ukekwaho kugira uruhare mu rupfu rwa nyakwigendera, ubu afungiye kuri station y’Urwego rw’Igihugu rw’Ubugenzacyaha RIB ya Gatunda mu gihe umwe akiri gushakishwa.

    Andi makuru aturuka muri aka gace, avuga ko nyakwigendera yari amaze igihe afitanye umubano wihariye n’umugore w’umugabo ukekwaho kumwivugana kuko umugore we yari yaramwibwiriye ko yari asigaye abana na nyakwigendera.

    Uyu nyakwigendera wari waramaze kwiyambaza inzego ngo azigaragarize ko arengana, yishwe mbere yuko aburana kuri ibi birego.

    Source : http://www.ukwezi.rw/1-1/Amakuru-anyuranye/article/Nyagatare-Umugabo-yishwe-akaswe-ijosi-n-abo-bikekwa-ko-yasambanyirizaga-abagore

  • Amfoto: Undi munyamakuru wa RBA nawe yambitswe impeta y’urukundo – YEGOB #rwanda #RwOT

    Muri iyi minsi abanyamakuru ba RBA barimo bagenda bambwikwa iyurudashira n'abakunzi babo.

    Christelle Kabagire wamenyekanye mu biganiro by'imyidagaduro kuri televiziyo y'u Rwanda yatangaje ko yambitswe impeta n'umukunzi wamusabye kumubera umugore.

    Kuri uyu wa mbere tariki 6 Kamena 2022, nibwo Christelle Kabagire yashyize hanze amafoto agaragaza uko byari bimeze ubwo yambikwaga impeta n'umukunzi we.

    Byari nko korosora uwabyukaga kuko Christelle yivugira ko ari ye YEGO yavuze byoroshye mu buzima bwe. Ati ' Yego navuze byoroshye mu buzima bwanjye.'

    Source : https://yegob.rw/amfoto-undi-munyamakuru-wa-rba-nawe-yambitswe-impeta-yurukundo/

  • Dore urutonde rw'ibihugu 15 bizwiho kugira abakobwa bafite amabere manini #rwanda #RwOT

    Mu bihugu bizwiho kugira abakobwa bafite amabere manini hagaragaramo Canada ,US (Non-Caucasian) ,Ireland ,Poland ndetse n'ibindi .

    Ikigo kizwiho gukurikirana imibereho y'abagore ku isi cyasohoye urutonde rw'ibihugu bizwiho kugira abakobwa bafite amabere manini hamwe n'ibindi bihugu bizwiho kugira abakobwa bafite amabere mato.

    Mu bushakashatsi bwakorewe ku bagore bagera ibihumbi Magana ane (400,000) baturutse mu bihugu bigera ku ijana n'umunani (108) bwagaragaje ko Leta Zunze Ubumwe z'Amerika ariyo ifite abagore bagira amabere manini mu gihe igihugu cya Philippines aricyo cyiyoboye ibindi byose mu kugira abagore bafite amabere mato.

    Urutonde rw'ibihugu bitunze abakobwa bafite amabere manini:

    1.US (Caucasian)

    2.Canada

    3.US (Non-Caucasian)

    4.Ireland

    5.Poland

    6.UK

    7.The Netherlands

    8.Colombia

    9.Iceland

    10.Venezuela

    11.Turkey

    12.Australia

    13.New Zealand

    14.Norway

    15.Germany

    Urutonde rw'ibihugu bitunze abakobwa bafite amabere mato:

    1.The Philippines

    2.Malaysia

    3.Bangladesh

    4.Samoa

    5.Solomon Islands

    6.Taiwan

    7.Vietnam

    8.Thailand

    9.Laos

    10.Mozambique

    11.Singapore

    12.Sri Lanka

    13.Indonesia

    14.Papua New Guinea

    15.Zimbabwe

    Source : https://umuryango.rw/ubuzima-115/udushya/article/dore-urutonde-rw-ibihugu-15-bizwiho-kugira-abakobwa-bafite-amabere-manini-63739

  • Rubavu: Batatu bafatanywe imodoka itwaye amacupa 7200 ya mukorogo #Rwanda #RwOT via @kigalitoday #rwanda #RwOT

    Ku wa Mbere tariki ya 06 Kamena 2022, Polisi y’u Rwanda, ishami rishinzwe kurwanya magendu n’ibindi byaha mu Karere ka Rubavu, ryafashe abantu batatu (…)

    Source : https://www.kigalitoday.com/amakuru/amakuru-mu-rwanda/article/rubavu-batatu-bafatanywe-imodoka-itwaye-amacupa-7200-ya-mukorogo

  • Umukinnyi mushya wa Rayon Sports yavuze imwe mu ngingo ikomeye iri mu masezerano ye #rwanda #RwOT

    Umunya-Nigeria ukina mu kibuga hagati, Olise Osalue Raphael yahamije ko yamaze gusinyira Rayon Sports ndetse avuga ko yasabye nimero imwibutsa mama we.

    Mu cyumweru gishize nibwo inkuru yamenyekanye ko uyu mukinnyi usoje amasezerano ye muri Bugesera FC yamaze gusinyira Rayon Sports amasezerano y’imyaka 2.

    Olise Osalue Raphael akaba na we yabyemereye Radio10 ko ubu ari umukinnyi wa Rayon Sports.

    Ati “100% nzakinira Rayon Sports, nayihisemo kubera ko n’ubundi nyikunda kandi akaba ari ahantu heza ho gukinira, niyo mpamvu nayihisemo.”

    Avuga ko imwe mu ngingo igize amasezerano ye ari uko yabwiye iyi kipe ko azambara nimero 7 kuko imwibutsa mama we.

    Ati “Mu biganiro twagiranye nasabye nimero 7 kubera ko nyikoresha nibuka mama wanjye.”

    Yerekeje muri Rayon Sports nyuma y’imyaka 2 myiza muri Bugesera FC yanatumye Rayon Sports imurambagiza akaba yajya kuyikinira.

    Osalue yemeje ko yamaze gusinyira Rayon Sports

    Source : http://isimbi.rw/siporo/article/umukinnyi-mushya-wa-rayon-sports-yavuze-imwe-mu-ngingo-ikomeye-iri-mu-masezerano-ye