Category: Uncategorized

I Saa 09:30′ z’igitondo zo kuri uyu wa Gatandatu, Miss Ngirinshuti Josine wateguye iki gikorwa ngarukamwaka akacyita ‘Resilience is Forever’ yahuriye n’inshuti ze ku rwibutso rwa Jenoside rwa Kigali ruri ku Gisozi, bafatanya mu bikorwa byo gukora isuku ibice bitandukanye birugize.

Nyuma yo gukora isuku, abasuye urwibutso biganjemo urubyiruko, basuye ibice bitandukanye by’urwibutso, banasobanurirwa byinshi ku mateka y’ u Rwanda mbere ya Jenoside, mu gihe cya Jenoside ndetse na nyuma yayo.

Ngirinshuti Josine na bagenzi be babanje kwerekwa Filime ngufi igaragaza ubuhamya bwa bamwe mu barokotse Jenoside yakorewe Abatutsi, bavuga ko kuba hariho aho babasha kwibukira ababo bishwe bibaruhura imitima.

Mu nyubako y’urwibutso isobanura amateka mu mashusho n’amajwi, abasuye basobanuriwe amateka yihariye kuri Jenoside yakorewe Abatutsi mu 1994, Izindi Jenoside zabayeho ku isi ndetse no ku gice kivuga ku bana bishwe muri Jenoside biswe ‘Imbaraga z’ejo hazaza zatakaye’.

Nyuma yo gusura no gukora isuku ku rwibutso, Miss Ngirinshuti n’abo bazanye, bunamiye abazize Jenoside yakorewe Abatutsi, ndetse banashyira indabo ku mva ishyinguyemo abarenga 259,000.

Aganira na InyaRwanda, Miss Ngirinshuti Josine yavuze ko bahisemo gukora isuku nk’inshingano isanzwe ya ba nyampinga, ahamya ko we na bagenzi be bungukiye ubumenyi bw’amateka kuri uru rwibutso, anagenera ubutumwa bagenzi be b’urubyiruko.

Yagize ati “Igikorwa cyagenze neza nk’uko twari twabiteguye. Impamvu twatekereje gukora isuku, ni uko ari twe ba mutima (w’urugo), tugomba gukora isuku rero, cyane ko aha (Ku rwibutso) ari ahantu abashyitsi baza mu Rwanda basura kenshi.”

Avuga ku byo we na bagenzi be bungukiye mu gusura urwibutso, Miss Ngirinshuti yagize ati “Twigishijwe amateka, hari byinshi tutari dusobanukiwe neza, ariko twamenye amateka ya Jenoside yakorewe Abatutsi mu 1994, kuko twasobanuriwe neza.”

Miss Ngirinshuti Josine

Atanga ubutumwa ku rubyiruko, Miss Ngirinshuti yagize ati “Urubyiruko rukwiriye kwiga amateka kuko baravuga ngo ‘Utazi iyo ava ntamenya iyo ajya’. Twige amateka kandi tumenye ko ari twe mbarag z’ejo hazaza. Urubyiruko rwo mu 1994 hari uruhare rwagize muri Jenoside, twe b’ubu tugire uruhare mu kubaka u Rwanda twirinda amacakubiri.”

Umuyobozi w’ingoro ndangamateka y’urugamba rwo guhagarika Jenoside, Bashana Merard wari umushyitsi ahagarariye Umuyobozi mukuru w’inteko y’umuco, yashimiye Miss Josine na bagenzi be basuye bakanakora isuku ku rwibutso rwa Jenoside.

Bashana kandi yasobanuye birambuye amateka y’ u Rwanda mbere ya Jenoside yakorewe Abatutsi, mu gihe cyayo ndetse na nyuma yayo, anashishikariza abasuye urwibutso kuzagira igihe cyo gusura ingoro ndangamateka y’urugamba rwo guhagarika Jenoside yakorewe abatutsi mu 1994.

Berekeza aho bakoreye isuku

Miss Ngirinshuti akubura

Miss Shanitah ashyira indabo ku mva

Abasuye urwibutso bunamiye abazize Jenoside

AMAFOTO: SANGWA Julien

Yabigarutseho kuri uyu wa 11 Kamena 2022, mu muhango wo gusoza amasomo y'icyiciro cy'amashuri yisumbuye ku banyeshuri 40 b'abahungu na 52 b'abakobwa baturuka mu bihugu 16 barangije muri Green Hills Academy mu 2022 bahawe izina ry'Inkomezamihigo.

Green Hills Academy ni ishuri rimaze imyaka 24. Madamu Jeannette Kagame yibukije ko ritangira wari umushinga w'ishuri ry'incuke n'ishuri ribanza none uyu munsi ryabaye ishuri rifite icyerekezo kandi rifasha benshi gukabya inzozi ku rwego rw'uko abanyeshuri baryo bakomeje kuba indashyikirwa ku Isi yose. Yashimiye abarimu, abayobozi n'inshuti z'ishuri zatumye ibi bigerwaho.

Madamu Jeannette Kagame yabwiye abarangije amasomo muri Green Hills Academy ko afite icyizere ko umusanzu bazatanga ku gihugu n'Isi muri rusange uzazana impinduka zikemura ibibazo Isi ifite, abasaba gusigasira iki cyizere no kuba ingirakamaro kuri bose.

Aba banyeshuri abenshi bakomereza amasomo muri Kaminuza zo mu mahanga. Kuri ubu abagera kuri 35 bamaze kubona Kaminuza bazigamo muri Leta zunze Ubumwe za Amerika, u Bwongereza, Canada n'ahandi.

Ati “Isi ni iyanyu ngo muyibyaze umusaruro, ndizera ko ubwo mugiye kujya hirya no hino muzahaha ubumenyi bunyuranye, imitekerereze yo guhanga udushya ndetse n'imyitwarire bizabafasha guteza imbere aho muvuka”.

Yabibukije ko bagiye mu bundi buzima butandukanye n'ubwo barimo ndetse burimo ibyiza byinshi, abasaba kwibuka ko 'ibyiza ari mubyara w'ibibi no kubabara'.

Ati “Gufata ibyemezo byiza mwagaragaje bikaba bibagejeje ku ntambwe y'ingenzi nk'iyi, ni ingabo izabarinda ubusharire bw'ubuzima. Igihe nikigera cyo kwishimira izindi ntsinzi zanyu nko gutsinda neza muri kaminuza cyangwa kubona akazi keza, tuzaba duhari tubashyigikire tubahe ubufasha bwose dushoboye”.

Madamu Jeannette Kagame yashimiye abanyeshuri barangije mu 2022 uburyo mu bihe bigoye babaye itara ry'abaturage, aho batangiye umusanzu wa mituweli abaturage 2000 bo mu Karere ka Rubavu, bagakusanya inkunga yo guha ibikoresho by'isuku abarwayi bo mu bitaro bya CHUK, bakigisha Icyongereza abana bo mu muryango Ihumure ndetse bakanatanga impano za Noheli.

Ati “Mwibukije twese ko mu bihe bigaragara ko ari bibi, abanyarwanda twahagurutse tugafasha igihugu cyacu mu buryo bushoboka. Muri Inkomezamihigo nyazo”.

Umuyobozi wa Green Hills Academy, Daniel Hollinger, yashimiye aba banyeshuri ko nubwo habayeho inzitizi nyinshi bakoresheje imbaraga nyinshi amanywa nijoro bakarangiza porogaramu ya International Baccalaureate [porogaramu mpuzamahanga y'imyigishirize, IB].

Yavuze ko iyi izabafasha kuba ingirakamaro no gushaka ibisubizo byugarije Isi. Yabasabye gukoresha amahirwe yo kwiga neza bafite bagahesha ishema ababyeyi bigomwe byinshi kugira ngo babigereho.

Ati “Mu byo mukora byose, mu mahitamo mukora muzaharanire kugira uruhare mu gutuma Isi iba nziza kurusha uko imeze, mube inyangamugayo, muzakoreshe igihe cyanyu, ubushobozi n'impano byanyu, by'umwihariko mugire urukundo kuko rubumbatiye byose”.

Mireille Umutoni wavuze mu izina ry'abarangije amasomo mu 2022 muri Green Hills Academy, yavuze ko banyuze mu nzira igoye kubera impinduka zagiye zigaragara mu myigire zirimo integanyanyigisho nshya, amabwiriza mashya y'ishuri, ikoranabuhanga rishya n'uburyo bw'imyigishirize ariko byose bakabasha kubikora kandi neza.

Yijeje ko nta kabuza bazagaragaza impinduka nziza ku Isi, asaba na bagenzi be gukomeza kubyaza umusaruro amahirwe bafite kandi bakigirira icyizere kuko ari bo bazagena abo bashaka kuba bo.

Ati “Urugendo rwacu rwari rurerure ariko rwatumye tumenya gufata inshingano, kugira amatsiko, ubumenyi, amahame, gufunguka mu mutwe kandi tubasha kwita kuri buri kimwe. Ubwo dutangiye uru rugendo rushya, ndizera ko tutazateshuka”.

Umuyobozi Mukuru wa Irembo, Faith Keza, wahaye impanuro aba banyeshuri, yabagiriye inama yo kumenya abo baribo n'icyo bashaka, kwiga bagamije guhatana ku Isi yose no kwibuka sosiyete bakomokamo.

Ati “Ndabashishikariza gukomerezaho, mwerekane abo muri bo, mumenye indangagaciro zanyu kandi mugene abo mwifuza kuba bo kandi mufate ibyemezo bizatuma muba abantu b'ingenzi. Mube abantu bahangana kandi bigirira icyizere yaba ku ruhando rwa Afurika n'isi muri rusange. Ikindi mube abantu b'ingenzi muri sosiyete. Muzakore ibizatuma sosiyete ibagirira icyizere kandi muyigirire akamaro”.

Green Hills Academy ni ishuri ry'ababyeyi barimo na Madamu Jeannette Kagame, ryatangiye mu 1997 ritangirana abanyeshuri 130, ubu nyuma y'imyaka 24 rishinzwe rimaze kwigamo abarenga 1500 baturuka mu bihugu birenga 60 byo hirya no hino ku Isi.

Uyu mwaka abarangije amasomo ni 92 barimo abakobwa 52 n’abahungu 40

Bamwe mu bakobwa barangije muri Green Hills Academy uyu mwaka

Bari bishimiye gusoza amasomo no gukomereza andi muri kaminuza

Abakobwa 52 ni bo barangije amasomo muri Green Hills Academy uyu mwaka

Yishimiye gufata ifoto y’urwibutso na mwarimu we

Ababyeyi bari baturutse imihanda yose baje gushyigikira abana babo

Akanyamuneza kari kose ku babyeyi

Yaje gushyigikira abana barangije muri Green Hills Academy

Byari ibyishimo…

Byari ibyishimo ubwo abana bari bamaze guhabwa impamyabushobozi

Ababyeyi bari baturutse imihanda yose baje gushyigikira abana babo

Umuyobozi wa Irembo Faith Keza yagiriye inama abarangije amasomo zirimo kumenya abo bashaka kuba bo

Madamu Jeannette Kagame afatanya n’abana gukata umutsima

Umuyobozi w’icyiciro cy’amashuri yisumbuye muri Green Hills Academy Anna Bagabe yashimiye cyane ababyeyi bashyigikira abana babo

Mireille Umutoni wavuze mu izina ry’abandi yijeje ko bazakomeza umuhate basanganywe

Madamu Jeannette Kagame ashyikiriza impamyabumenyi umwe mu banyeshuri basoje amasomo

Umunyeshuri wahize abandi Sneha Negi yashimiye bagenzi uko bafatanyije mu bihe bikomeye

Umuyobozi wa Green Hills Academy Daniel Hollinger yashimiye abanyeshuri basoje amasomo ku muhate bagaragaje mu bihe bikomeye

Ubwo haririmbwaga indirimbo yubahiriza igihugu ‘Rwanda Nziza’

Abanyeshuri ba Green Hills Academy berekanye ubuhanga mu kuvuza ingoma

Band ya Green Hills Academy yacuranze neza cyane bose bayikurira ingofero

Ni abana bato ariko bafite ubuhanga mu gucuranga ibicurangisho bigezweho

Yacurangaga areba n’amanota y’ibyo acuranga

Bizihiye abitabiriye gusoma amasomo muri Green Hills Academy

Mu mbyino Nyarwanda na ho abiga Green Hills Academy ntibatanzwe

Intore ni gutya zaserutse

Abakobwa babyinnye bya kinyarwanda karahava

Intore zahamirije biratinda…

Madamu Jeannette Kagame yafashe ifoto y’urwibutso n’abarangije muri Green Hills Academy

Andi mafoto wakanda hano

Amafoto: Igirubuntu Darcy

Niwifuza kuruhukira hanze ya Kigali ariko ugasanga bitari bworohe kujya i Rubavu ku mazi cyangwa iyo za Karongi, ushobora guhinira bugufi aho ushobora kubona icyo kurya no kunywa bigezweho wiyicariye mu mwimerere w'ibidukikije, witegeye neza ibiyaga n'imirambi ifite ibirometero agahumbi.

Ku basanzwe batembera bamaze kubyumva ko turi kuganisha kuri Kayonza, Akarere gafatwa nk'umutima w'Intara y'Iburasirazuba, kakiharira 70% bya Pariki y'Akagera na 70% by'ibiyaga biyirimo.

Mu rugendo rw'ibirometero 65 uvuye i Kigali, Kayonza, kimwe n'igice kinini cy'Iburasirazuba, uzayimenyera ku mirambi idasanzwe mu bindi bice byinshi by'igihugu, ku buryo ushobora gukeka ko warenze imbibi z'Urw'imisozi igihumbi, bikaba igihamya cy'uko kwanda k'u Rwanda kutarobanuraga ku butoni.

Iyi mirambi y'Iburasirazuba ni yo ituma iyi Ntara igaragaramo ibiyaga byinshi.

Ucyinjira muri aka Karere, ubwo uba urenze za Rwamagana, ntuzatungurwe no kugenda uhura n'inka cyangwa ukazibona zirisha hakurya na cyane ko aka Karere ari kamwe mu dukomokamo inyama z'inka mu gihugu.

Mu gihe gito ugihabwa ikaze muri Kayonza, uhingukira ku Imigongo Art Center, aho ushobora gusanga imitako itandukanye ya Kinyarwanda, ikwibutsa amateka n'umwihariko w'umuco w'u Rwanda.

Mu nzira, uzanyura kuri Camellia Tea House aho ushobora kuruhukira unywa ikawa, ukomeze urugendo uce kuri Silent Hill Hotel mbere yo kwinjira mu Mujyi wa Kayonza, aho uzasanga Elegancia Hotel n'izindi zitandukanye.

Muri uyu Mujyi ukiri kwaguka, uzahasanga serivisi hafi ya zose wabonera mu Mujyi wa Kigali na cyane ko ibikorwa by'ubukerarugendo biterwa n'uko uri hafi ya Pariki y'Akagera bikomeje gutuma iterambere ryawo ryihuta.

Abaturage benshi ni abahinzi n'aborozi ariko ibikorwa by'ubucuruzi biri gutera imbere mu buryo bufatika. Uyu Mujyi urimo guhinduka ihuriro ry'Intara y'Iburasirazuba, mu gihe abashoferi b'amakamyo aturutse mu bihugu nka Uganda badapfa kuharenga badaparitse ngo bagire ibyo bahaha.

Nubwo inyama zidahendutse ugereranyije n'ahandi mu gihugu, Kayonza igira uruhare runini mu kuba igicumbi cy'inyama z'inka, ibishobora guterwa n'ubunini bw'aka Karere kari ku buso bwa kirometero kare 1935 ndetse no kuba igice kinini cyako ari imirambi, hakaboneka amazi y'ibiyaga n'ibindi bituma kaba Akarere kaberanye n'ubworozi.

Ibagiro rizwi cyane i Kayonza ni iriherereye mu Murenge wa Murundi mu Kagari ka Buhabwa, mu gihe uduce nka Buhabwa na Mucucu tuzwiho kugira inka nyinshi.

Ubukerarugendo buhanzwe amaso

Kayonza ni Akarere kaberanye n'ubukerarugendo ndetse kakaba amarembo ya Pariki y'Akagera, ari na yo nini mu Rwanda aho icumbikiye inyamaswa eshanu z'inkazi zirimo intare, inkura, ingwe, inzovu n'imbogo.

Muri Pariki imbere, habarizwa hoteli enye zirimo Ruzizi Tente Lodge, Magashi Camp, Karenge bush Camp ndetse n'Akagera Game Lodge. Hanze ya Pariki hari nk'Akagera Rhino Lodge, Akagera Transit Lodge, Akagera Safari Camp n'ahandi hantu ushobora kuruhukira.

Urwego rw'Igihugu rw'Iterambere, RDB, ari na rwo rufite ubukerarugendo mu nshingano zarwo, rwashyizeho ibice by'ingenzi bizubakwamo hoteli mu rwego rwo kurushaho guteza imbere ubukerarugendo muri aka Karere.

Agace ka Nyagakonji gaherereye mu Murenge wa Ndego ndetse na Mutumba mu Murenge wa Murundi, twose dutegereje ishoramari ry'amahoteli azarushaho gutuma Kayonza iba igicumbi cy'ubukerarugendo.

Karama Joseph watangije 'Akagera Rhino Lodge,' yagarutse ku buryo aka Karere kaberanye n'ishoramari ry'amahoteli. Yavuze ko bafunguye ibikorwa mu 2019, aho mu mwaka wa mbere bakiriye abashyitsi 1500.

Umuyobozi w'Akarere ka Kayonza, Nyemazi John Bosco, yavuze ko hakiri amahirwe atarabyazwa umusaruro muri Kayonza, cyane cyane mu rwego rw'ubukerarugendo.

Ati 'Hoteli ziri mu Karere kacu ntabwo zihagije, turabona abantu bashobora kubaka izindi hoteli nka site ya Nyagakonji, RDB yahagaragaje nk'ahantu hari amahirwe y'ubukerarugendo. Turacyakeneye abantu bahashora imari kuko ni heza cyane.'

Bivugwa ko izina Kayonza ryaturutse ku byitwaga 'Imiyonza' byakundaga kuba muri aka gace cyane. Aka Karere kabarizwamo ibiyaga bibiri, ari byo icya Muhazi na Kibare.

Imbere muri Pariki y'Akagera ariko ku ruhande rw'Akarere ka Kayonza, habarizwa ibiyaga birindwi birimo Ihema, Birengero, Shakani, Kivumba, Hago, Gishanju na Kagese.

Imigongo Art Center ni ahantu hasigaye hakunzwe mu Karere ka Kayonza

Imigongo Art Center wahasanga ikawa

Camellia Tea House iri mu nkengero z’Umujyi wa Kayonza yubatse neza

Imbere muri Camellia Tea House

Ugana kuri Camellia Tea House aho ushobora gusanga icyo kurya no kunywa

Magashi Camp iba neza neza muri Pariki y’Akagera

Iyi foto yafatiwe mu Akagera Rhino Lodge, aho uba witegeye izuba rirenga ku Kiyaga cya Ihema kiri muri Pariki y’Akagera

Akagera Rhino Lodge yubatse mu ishyamba hagati

Amacumbi yo mu Akagera Rhino Lodge ateye ubwuzu

Akagera Rhino Lodge yubatse mu ishyamba hagati

Imbere mu byumba bya Akagera Rhino Lodge

Ubwogero bwo mu Akagera Rhino Lodge butuma umuntu aba areba hanze

Aho Akagera Rhino Lodge yubatse ni ahantu heza

Inzira ijya mu macumbi ya Akagera Rhino Lodge

Mu Akagera Rhino Lodge uhasanga amafunguro ateguye neza

Akagera Rhino Lodge ifite aho abantu bashobora kujya kota umuriro

Akagera Safari ni hoteli iri hafi kuzura yubatswe ku musozi wa Nyagakonji

Urutare ruhangano rwubatseho piscine iri mu Akagera Safari Camp

Aho wakirirwa iyo ugiye mu Akagera Safari Camp

Imiterere ya Akagera Game Lodge igenzurwa na Mantis

Ku muhanda ugana kuri Pariki y’Akagera hari Akagera Coffee Services aho wasanga ikawa ihingwa mu Karere ka Kayonza n’amafunguro

Inyubako za Akagera Safari Camp ziba zisa neza

Karenga Bush Camp iri mu zikunzwe na benshi muri iyi minsi

Urutare ruhangano rwubatseho piscine iri mu Akagera Safari Camp

Amahumbezi aba ari yose iyo uri i Kayonza

Amarembo ya Pariki y’Akagera ari mu Karere ka Kayonza

Amarembo ya Pariki y’Akagera ari mu Karere ka Kayonza ni magari

Impala ni zimwe mu nyamaswa ziboneka ku bwinshi muri Pariki y’Akagera

Impyisi ni zimwe mu nyamaswa ziri muri Pariki y’Akagera

Umuyobozi w'Akarere ka Kayonza, Nyemazi John Bosco yavuze ko hakiri amahirwe atarabyazwa umusaruro muri Kayonza, cyane cyane mu rwego rw'ubukerarugendo

Abasoje amasomo ni abasirikare 29 ba RDF n'Abapolisi babiri bo mu Rwanda n'abandi 17 baturuka mu bihugu bya Botswana, Ethiopia, Kenya, Malawi, Nigeria, Sénégal, Sudani y'Epfo, Tanzania, Uganda na Zambia bafite ipeti rya Major kugeza kuri Lieutenant Colonel.

Minisitiri w'Ingabo, Maj Gen Albert Murasira, yashimye umurava n'ubushake bagaragaje mu masomo bahawe kuko azabafasha kwagura ubumenyi n'imikorere.

Ati 'Nyuma yo kurangiza aya masomo, tuba twizeye ko bize neza, turabasaba kugenda bakabishyira mu bikorwa badakurikije gusa ibyo bize ahubwo bagakurikiza ibyo bari kubona mu buzima busanzwe kuko hari ibyo wiga mu ishuri ariko hari n'ibyo uhura nabyo mu buzima, bakomeze barusheho kwihugura ntabwo bigarukira aha ngaha.

Bamwe mu bitaririye ayo masomo, bemeza ko bahungukiye byinshi bizabafasha gukora inshingano zabo neza no gukorana na bagenzi babo.

Lt Col Callixte Migabo yagize ati 'Hari byinshi twize birimo no guhuza ingabo haba izirwanira ku butaka no mu kirere cyane ko tuzamutse mu rwego rw'imikorere.'

'Ushobora gukorera ku rwego rwa Brigade kuzamuka, rero habaho ibipimo bya gisirikare bitandukanye. Twize amahame ku butaka no kurwanira mu kirere ndetse n'urugamba rwahuza bya bisirikare byombi.'

Maj Marie Chantal Umuhoza we yagize ati 'Aya masomo azadufasha gushyira mu bikorwa neza akazi kacu ka buri munsi kuko nk'uko mubizi umutekano muri iki gihe ntabwo ugishingira ku kuvuga ngo nta ntambara kuko kuba imipaka irinzwe ubwabyo ntibihagije ngo tuvuge ngo dufite umutekano. Tugomba kubirenga tugatekereza n'ibindi by'imibereho y'abaturage n'ubuzima bwabo.”

Maj Bervyn Gondwe wo mu Ngabo zirwanira ku kirere muri Zambia, yashimiye ubuyobozi bw'iri shuri kuba bwaramuhaye amahirwe yo kuryigamo.

Ati “Twize byinshi kandi twabonye ko ibibazo biriho bidashingiye ku ntambara gusa no kuba byakemurwa n'imbunda. Twize ku bibazo by'inzara, iby'ubuzima kandi ubumenyi tuhakuye buzadufasha guhangana nabyo.'

Ishuri Rikuru rya Gisirikare [Rwanda Defence Force Command and Staff College (RDFCSC)] riherereye i Nyakinama mu Karere ka Musanze, Intara y'Amajyaruguru ryafunguwe mu 2012.

Intego nyamukuru yaryo ni ukubaka igisirikare cy'umwuga no gufasha abasirikare bo mu bindi bihugu byaba ibyo muri Afurika no hanze yayo.

Buri mwaka muri iri shuri hatangirwa amasomo ari mu byiciro bibiri harimo ikizwi nka 'Junior Command and Staff Course' kijyamo abafite ipeti rya Capitaine n'irya Major ndetse n'ikindi cya 'Senior Command and Staff Course' abafite ipeti rya Major, Lieutenant Colonel na Colonel.

Abasirikare n'Abapolisi 449 bamaze kuryigamo kuva ryafungurwa.

Mu basoje amasomo, abasirikare 29 ni aba RDF

Abasirikare bakuru basoje amasomo, bakomoka mu bihugu 11 bya Afurika

Abahize abandi bahawe ishimwe na Minisitiri w’Ingabo, Gen Maj Albert Murasira

Byari ibyishimo ku bahize abandi bahawe ishimwe

Gen Maj Albert Murasira yashimiye abasoje amasomo ku bw’umuhate wabaranze

Minisitiri w’Ingabo hamwe n’abayobozi b’iri shuri, bafashe ifoto y’urwibutso hamwe n’abasoje amasomo

Imiryango y’abasoje amasomo yari yitabiriye kugira ngo yifatanye nabo mu byishimo

Iyi Kaminuza kimwe n'izindi nyinshi ku Isi, iri kureba ku isoko rya Afurika, aho imibare y'umwaka ushize igaragaza ko Abanyafurika ibihumbi 40 bakomoka mu bihugu biri munsi y'Ubutayu bwa Sahara bigaga muri Amerika, mu gihe abakomoka mu bihugu by'Amajyaruguru ya Afurika bigayo biyongereyeho ibihumbi bitandatu.

Ikinyamakuru Record-courier cyatangaje ko Kaminuza y'u Rwanda yemereye Kaminuza ya Kent State umwanya ishobora gukoresha mu gihe yashyira ibiro byayo mu Rwanda, icyemezo bivugwa ko cyamaze kuganirwaho n'Inama Nkuru y'ubuyobozi bw'iyo Kaminuza.

Isoko mu rwego rw'uburezi muri Afurika ririzewe cyane kuko uyu Mugabane byitezwe ko uzagira abaturage bakubye kabiri abo usanganywe bitarenze mu 2050, kandi benshi muri bo bakazaba ari urubyiruko rukeneye kugira ubumenyi.

Uretse isoko ry'u Rwanda, Kaminuza ya Kent State izanareba cyane ku isoko ryo muri Nigeria na Ghana, kimwe n'ahandi muri Afurika. Byitezwe ko ibiro byayo bizoroshya imikoranire yayo n'ibigo bifasha abanyeshuri bajya kwiga hanze y'u Rwanda, byose bigamije gutuma umubare w'abayigamo wiyongera.

Kaminuza ya Kent State ishobora gufungura ibiro i Kigali

Abasanzwe batemberera muri ibi bice, dore ko bamaze no kuba benshi, bashobora kuba barumvise 'brochettes' ziri kurikoroza muri iyi minsi, zituruka aho bita mu Bupfune. Aka ni agace kari mu nkengero z'Umujyi wa Karongi, gasigaye karabaye ikigega cya mushikaki ziribwa cyane mu Mujyi wa Karongi, ku buryo bitagitangaje kubona abantu bari kunywera mu kabari runaka gafite mucoma, ariko ugasanga bategereje akaguru k'ihene gaturutse iyo mu Bupfune.

Bene wacu bo hirya muri Congo bo bazakubwira ko inyama yose ari inyama, ariko hano muri Karongi, yewe no muri Bupfune siko bigenda, kuko izi nyama ziturukayo ziri kugira agaciro bigizwemo uruhare n'umukobwa ukiri muto wabaye mucoma, uretse ko bamwe batebya bakamwita 'Messiah wabakijije amerwe.'

Dusabimana Hope ni umukobwa w'imyaka 20 gusa, ukazamubwirwa n'uko avuga make cyane. Kugira ngo yemere kuganira na IGIHE ntibyari byoroshye, gusa kubona umukobwa muto winjiye mu mwuga wo kotsa inyama umenyerewe ku bagabo, akabikora neza ku buryo amenyekanisha izina ry'aho atuye, byatumye dukomeza kumwegera, kera kabaye aza kutwemerera ko tuganira.

Aha mu Mudugudu wa Bupfune, Akagari ka Nyarusazi, Umurenge wa Bwishyura mu Karere ka Karongi niho yavukiye, icyakora ku myaka icyenda gusa, yaje gutakaza ababyeyi be bombi, ikintu cyahinduye ubuzima bwe cyane.

Ni imfura mu muryango w'abana batanu, aho yize amashuri abanza n'ayisumbuye. Kuva na kera Dusabimana yahoze azwiho gukaranga bigatinda, aho yatangiye gukunda ibyo kotsa inyama ageze mu mwaka wa kabiri w'amashuri yisumbuye.

Mu 2018 yatsinze ikizamini cya Leta gisoza icyiciro rusange cy'amashuri yisumbuye, ahitamo kujya gukomereza mu byo guteka kuko ari umwuga yakunze kuva akiri muto, ari nako yinjiye muri IPRC Karongi mu gukarishya ubwo bumenyi.

Abakunzi ba mushikake ntidusanzwe tumenyereye abakobwa bakora uyu mwuga, ku buryo na Dusabimana atayobotswe na benshi agitangira aka kazi, uretse ko atacitse intege, agakomeza guhatana kuko uyu mwuga yawukundaga cyane.

Nyuma nibwo abakiliya bamutinyutse batangiye kumva neza ko icyanga cy'inyama yotsa cyihariye, buhoro buhoro bagenda bamugana kugeza ubwo amaze kugira isoko rinini, ku buryo asigaye yotsa inyama kuri 'command' akazishyira abazishaka bicaye mu tubari tutabuze ba mucoma.

Twifuje kumenya ibanga ry'uyu mukobwa, atubwira ko yitondera cyane akazi ke, akabanza gusukura inyama neza, akareba ko aho ari bwokereze hafite isuku, ubundi agatangira kotsa.

Ati “Notsa ku muriro muke, nkasiga ubuto ku nyama kuko bituma ishya idashiririye. Iyo ihiye uba ubibona ugasigaho ibirungo wateguye bimeze neza.”

Umwuga umurutira umushahara

Dusabimana yinjiye muri uyu mwuga afite ibihumbi 200 Frw yari yagujije mu itsinda, ariko ubu ageze ku gishoro cy'ibihumbi 600 Frw. Iyo byagenze neza ku munsi yotsa ihene ebyiri zigashira. Ku ihene imwe ashobora kungukaho ibihumbi 8 Frw, byumvikanisha ko ashobora gukorera ibihumbi 16 Frw ku munsi, amafaranga 'n'aba-fonctionnaires' benshi badakorera.

Yatubwiye ko akunda kwizigamira cyane, ku buryo buri mafaranga akoreye akuraho ibihumbi 3 Frw yo gukoresha, ubundi akazigama ibihumbi 5 Frw. Ni yo mpamvu ku myaka 20, afite ikibanza cy'ibihumbi 800 Frw, akagira n'ingurube ebyiri n'ihene eshatu yoroje abaturage zifite agaciro k'ibihumbi 300 Frw.

Yavuze ko kugira ngo inyama ize iryoshye, binaterwa n'uburyo yabazwemo, ari nayo mpamvu uyu mwuga nawo yawize kugira ngo ajye akurikirana uko ababikora babigenza.

Ati “Kubaga ndabizi ariko ntabwo njya mbikora, mfite umuntu ubinkorera ariko aramutse abikoze nabi namubwira ngo 'oya ntabwo ari gutyo.''

Yahishuye ko aho ibintu bigeze, bidashoboka ko yakwemera gukorera akazi k'umushahara, ati 'Uwampa akazi k'umushahara ntabwo nakemera kuko intego mfite ni ukuzagera ku kintu kinini gifatika ariko icyokezo ntabwo nzakireka.'

Shema Olivier ni umwe mu bakiliya ba Dusabimana, avuga ko byamutunguye kubona mucoma w'umukobwa, uzi kubaga no kotsa ihene, ari nayo mpamvu atakirya inyama yokejwe n'undi mucoma.

Ati “Bwa mbere mubona naratangaye nibaza niba izi nyama azihisha. Nagize amatsiko yo kumva ukuntu zimeze, ariko maze kuyumva naranyuzwe. Nshishikariza n'abandi bakobwa kwitinyuka kuko nko muri aka Karere, mucoma w'umukobwa nzi ni uriya gusa.'

Uyu mukobwa yavuze ko nubwo akora mu mwuga wiganjemo abagabo, mu kazi ke nta mbogamizi ahura nazo, uretse nk'iyo abantu bamubonye bakamutangarira, nubwo nabyo amaze kubimenyera.

Agira abana b'abakobwa inama yo kwitinyuka ntibagire akazi na kamwe basuzugura.

Ati “Natangiye bambona bakavuga ngo 'ese buriya inyama ze ziraba zihiye?' Ariko nazotsa bakumva nta kibazo zifite. Akazi kose gashobora kuba kaguha amafaranga ntacyo gatwaye, akazi k'igikoni gasaba gutinyuka kandi ni keza kagira amafaranga.'

Dusabimana Hope w’imyaka 20 gusa niwe mucoma ugezweho i Karongi

Agasantere ka Bupfune ni kamwe mu tumaze kwandika izina mu Burengerazuba bw’igihugu

Korali Elayono yashinzwe mu 1996 ikomeje guhembura imitima ya benshi binyuze mu bihangano isohora ubutitsa ndetse n’ibiterane by’ivugabutumwa ikora yaba ibibera muri Kigali ndetse no hanze yayo. Ni Korali yatangiye igizwe n’abiganjemo urubyiruko ariko ubu ibarizwamo ab’ingeri zose. Ntibashobora kumara amezi abiri badashyize hanze indirimbo nshya, ibintu bikunze kugora amakorali menshi kuko hari n’amara umwaka nta gihangano gishya asohoye. 

Indirimbo ‘Jambo’ bashyize hanze, ije ikorera mu ngata iyo bise “Urahambaye” ndetse na “Imirimo y’Imana”. Ni indirimbo yishimiwe cyane dore ko mu masaha macye imaze kuri Youtube imaze kurebwa n’abarenga ibihumbi bine. Mutoni Josiane Umutoza mukuru wa Korali Elayono yabwiye InyaRwanda.com ko bashima Imana cyane yabanye nabo mu rugendo rwo gutunganya iyi ndirimbo ‘Jambo’. Ati: “Ni byo koko twasohoye indirimbo nshya uwayishaka yayisanga kuri channel yacu ya YouTube (Elayono choir ADEPR Remera Official)”.

Yakomeje avuga ko “ari akazi katoroshye ko gukora Audio (amajwi) no gufata amashusho, gusa navuga ko Imana yabanye natwe byose bikagenda neza”. Uyu muyobozi avuga ko intego y’iyi ndirimbo ari ukumenyesha abantu bose ko umuntu wakiriye Yesu nk’Umwami n’Umukiza mu buzima bwe azaragwa ubugingo buhoraho ati: “Ni mwumva neza iyi ndirimbo muzumva ko ubutumwa twashakaga gutambutsa ari uko umuntu wese ufite uwo Mwami afite ubugingo”.

Iyi ndirimbo nshya ya Elayono Choir yasamiwe hejuru n’abakunzi bayo ndetse n’abakunzi b’umuziki wa Gospel muri rusange, basaba ko abantu bayireba ku bwinshi maze ikuzuza Miliyoni y’abayirebye mu mezi abiri gusa. Umuhanzikazi mu muziki wa Gospel, Lucky Rehema, utuye muri Canada yakozwe ku mutima mu buryo bukomeye maze yandika munsi y’iyi ndirimbo ahatangirwa ibitekerezo (comments) kuri Youtube ati “Icyampa ikuzuza 1 Million mu mezi abiri. Mwese muyisangize abantu. Byandenze, ndaryohewe, ndafashijwe. Ni nziza birenze. Muhezagirwe cyane. Ni ubuki”.

Korali Ukuboko kw’Iburyo ya ADEPR Gatenga yamamaye cyane mu ndirimbo ‘Ikidendezi’ yujuje Miliyoni y’abayirebye mu gihe gito cyane, yanze kubyihererana igaragaza uburyo yafashijwe n’iyi ndirimbo ya Korali Elayono. Aba baririmbyi bavuze ko imiririmbire ya Elayono Choir iri ku rwego rwo hejuru banayimenyesha ko bayikunda cyane. Bati “High-Performance rwose. Imana ibashyigikire Bene-Data turabakunda cyane!! Abamwemeye bose bakizera izina rye yabahaye ubushobozi. Amen”.

Umukirigitananga Deo Munyakazi yavuze ko Eloyoni choir imukoreye ibyo yari yiteze. Yavuze ko iyi ndirimbo agiye kuyishyira ku zo azajya yumva buri munsi. Nizeyimana Daniel yagize ati “Halleluaaaaah! Ufite uwo Mwami, afite ubugingo ni ukuri. Imana ibahe umugisha Elayono Choir. Turabakunda”. Fidele Amani yanditse ati “Haleluya Imana ishimwe. Indirimbo y’ubutumwa bwiza, noneho ‘enthusiasm’ iri mu ndirimbo na yo ni nziza. Muhabwe umugisha”. Cyusa Divine ati “Jambo nahimbazwe, muri we twabonye ubuzima buzima. Elayono Choir Uwiteka abahe umugisha”.

Mutoni Josiane yabwiye InyaRwanda.com ko atari iyi ndirimbo gusa bahaye abakunzi babo nk’impano ahubwo hari byinshi abakunda Elayono Choir bahishiwe mu gihe cya vuba kuko hari ibihangano byinshi biri gutunganywa bizajya hanze mu gihe cya vuba. Yasoje ashimira abaririmbyi bitanze ngo bakore indirimbo “JAMBO” anashimira cyane abaterankunga ba korali n’izindi nshuti zose zikunda Elayono Choir uburyo badahwema kubaba hafi mu ivugabutumwa ryose bakora.

“Ufite uwo Mwami afite ubugingo” Ni ko Elayono Choir iririmba mu ndirimbo nshya ‘Jambo’

REBA HANO INDIRIMBO NSHYA ‘JAMBO’ YA ELAYONO CHOIR

Amashusho y'iyi ndirimbo yasohotse kuri uyu wa Gatanu. Iyi ndirimbo ishingiye kuri Zaburi 103: 2 yibutsa abantu gushima Imana.

Erica yabwiye INYARWANDA ko iyi ndirimbo yari imaze igihe kinini yanditse, ariko ko yari mu njyana itandukanye n'iyo ubu bayikozemo. Ati 'Indirimbo ukuntu yari imeze itandukanye n'ukuntu ubu imeze.'

Avuga ko bafashe icyemezo cyo gusohora iyi ndirimbo, kugira ngo ibakomeze mu buzima bwabo, kuko mu minsi ishize banyuze mu bihe bikomeye. Ati 'Twari ahantu watekereza ko umutima wacu udakwiye gushima [Imana]'.

Ariko ngo umwuka wera yabibukije ko hari ibindi bihari byatuma bashima Imana. Muri iyi ndirimbo, bavuga mo ko hari byinshi Imana ikora byatuma umuntu ayishima.

Yavuze ko iyi ndirimbo itavuga ubutumwa gusa, ahubwo 'ikangurira kuganiriza umutima wawe'. Ati 'Ni indirimbo izibutsa umutima wa buri wese, uti shima Imana'.

Erica yavuze ko byari ibihe by'ubuzima bitari byoroshye. Ati 'Kuko hari ibindi bihe n'undi wese yaba ari gucamo. Umutima wari ubuze imbaraga zo gushima, ariko Imana idusanga aho twari turi dushima Imana.'

Uyu mukobwa yavuze ko bashima Imana kubera ko yabaye mu ruhande rwabo. Ndashima Imana y'uko idufasha kandi ikadusiga ubuzima buzima 'igashyigikirwa ibikorwa byacu'.

Ku wa kane tariki 9 Kamena 2022 aba bakobwa bakoze igikorwa cyo kumurikira itangazamakuru ryibanda kuri gospel amashusho y'iyi ndirimbo.

Jessica avuga ko bakuriye muri korali y'abana bato, ari naho bigiye kuririmbira kuva icyo gihe. Yavuze ko bize muri Uganda no mu Buhinde, aho bashingiye itsinda ry'abaririmbyi, bagatumirwa mu bikorwa bitandukanye by'umuziki.

Uyu mukobwa avuga ko igihe cyageze bakagaruka mu Rwanda, mu 2015 batangira gukora indirimbo. Avuga ariko ko basubiye muri studio mu 2020.

Erica avuga ko kwinjira mu muziki kwabo kwabanjirijwe no gusenga no kugira abantu babateye imbaraga barimo umuryango wabo.

Ati 'Umuryango wacu twatubwiye ko uzadushyigikira. Icyo rero cyabaye ikimenyetso cyo kwinjira mu muziki no gusohora indirimbo.'

Uyu mukobwa yavuze ko umuziki wabo wubakiye 'ku gusenga' no kwiyambaza umwuka wera. Avuga ko hari benshi binjiye mu muziki wa Gospel, uyu munsi batakiwurimo biturutse ku kuba 'batarakomeye ku busabane n'Imana'.

Yunganirwa na Erica avuga ko indirimbo ya mbere basohoye ari 'Umunyenkomezi', kandi ko batari biteze ibintu byinshi kuri iyi ndirimbo bitewe n'uko bibazaga uko bazakirwa.

Ati 'Turabashimiye ko mwagize uruhare iyi ndirimbo igakundwa. Twakira telefoni z'abantu batandukanye nko muri diaspora n'ahandi.'

Uyu mukobwa yavuze ko ubu bamaze gushyira hanze indirimbo eshanu. Akavuga ko bandika indirimbo binyuze mu buzima bwa buri munsi babamo, inzozi bagize n'ibindi. Ati 'Biterwa n'icyo mwuka wera ashyize muri twe.' 

Jessica na Erica basohoye amashusho y'indirimbo ihimbaza Imana bise 'Mutima wanjye shima'

Jessica yavuze ko mu gihe cya Covid-19 bari bafite umushinga w'indirimbo n'umuhanzi wo muri Tanzania. Avuga ko biteguye kandi gusohora indirimbo iri mu rurimi rw'Ilingala

Erica avuga ko iyi ndirimbo 'Mutima wanjye shima' yabaye iya gatandatu kuri album ya mbere izaherekezwa n'ibitaramo

Dj Spin [Uri ibumoso] ni we wayoboye ikiganiro n’itangazamakuru, Jessica [Uri hagati] na Erica [Uri iburyo] ubwo bamurikaga indirimbo yabo

KANDA HANO UREBE AMASHUSHO Y'INDIRIMBO 'MUTIMA WANJYE SHIMA' YA ERICA NA JESSICA 

“>