IPIGANWA MU CYAMUNARA RIZATANGIRA TARIKI YA 13/06/2022 I SAA YINE Z'AMANYWA (10:HOO) KUGEZA TARIKI YA 20/06/2022 I SAA YINE Z'AMANYWA (10:H00).
UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:0788420923/0788698589
Uhereye mu mpera z'icyumweru gishize, mu Rwanda hari ibikorwa bitandukanye ndetse hazabera n'inama izahuza abakuru b'ibihugu bibarizwa mu muryango uvuga ururimi rw'icyongereza (CHOGM), abitabiriye uyu muhango hari uburyo bwateguwe bwo kwitabira siporo mu gihe cy'iyi nama.
Nk'uko byatangajwe na Ministeri ya Siporo mu Rwanda, bikanyuzwa ku rubuga rwa Titter rwa Minisiteri bemeje ko uhereye kuri uyu wa kabiri tariki ya 21 Kamena 2022 hateganyijwe umugoroba wo gukora siporo birukanka ah bazeguruka ibice bitandukanye by'Akarere ka Gasabo.
Nk'uko byatangajwe, kuri uyu mugoraba uhereye ku isaha ya saa kumi n'Ebyiri n'igice nibwo abasiganwa bakora siporo bahurira ku nyubako ya BK Arena, biteganyijwe ko abakora siporo bakora urugendo rungana n'ibilometero 4 na metero 400.
Kuwa Kane tariki ya 23 Kamena 2022 hateganyijwe igikorwa cya Cricket Tournament kizabera ku kibuga cy'i Gahanga ahasanzwe habera imikino nk'iyi ngiyi, iki gikorwa giteganyijwe guhera ku isaha ya Saa saba z'amanywa kugeza saa kumi n'imwe n'igice.
Ibikorwa bya Siporo muri gihe cya CHOGM bizasozwa kuri uyu wa gatanu, aho abakunzi ndetse na bamwe mubakinnyi b'umukino wa Golf bazahurira Nyarutarama ahasanzwe habera imikino ya Golf, mu cyiswe Networking Golf Tournament.
Biteganyijwe ko igikorwa kizatangira  guhera saa sita z'amanywa gisozwe saa kumi n'ebyiri z'umugoroba wo ku itariki ya 24 Kamena 2022.
Â
Ikipe ya Rayon Sports yagiranye amasezerano n'umutoza Haringingo Francis Christian uzwi nka Mbaya, ni umutoza utandukanye n'ikipe ya Kiyovu Sports Club nyuma y'aho uyu mutoza atakomezanyije n'ikipe ya Kiyovu nyuma yaho umwaka w'imikino 2021-2022 urangiye asize iyi kipe ku mwanya wa kabiri.
Nk'uko amakuru RUSHYASHYA yamenye avuga ko uyu mutoza yahawe amaezerano yo gutoza ikipe ya Gikundiro amasezerano y'unwaka  umwe uri imbere, aha uyu mutoza akaba yasabwe ko agomba guha iyi kipe ibikombe byombi bizakinirwa mu Rwanda.
Biteganyijwe ko uyu mutoza azatangira imirimo muri Rayon Sports ubwo umwaka w'imikino 2021-2022 uzaba urangiye, ni nyuma yaho hazaba hashojwe imikino y'igikombe cy'Amahoro aho Rayon Sports izakina na Police FC bahatanira umwanya wa gatatu.
Ubwo uyu mutoza azaba atangiye imirimo muri Rayon Sports azahita azana n'abamwungirije barimo Rwaka Claude nk'umutoza wungirije, Nduwimana Pablo nk'umutoza ushinzwe kongerera abakinnyi imbaranga na Niyonkuru Vladmir nk'umutoza w'abanyezamu.
Nyuma yaho ikipe ya Sunrise FC izamukiye mu kiciro cya mbere, yaraye isinyishije rutahizamu Babua Samson wahoze akinira iyi kipe nyuma akerekeza mu gihugu cya Angola gukinayo, nyuma yaho amasezerano ye asojwe yahise agaruka muri iyi kipe ibarizwa mu karere ka Nyagatare.
Uyu rutahizamu wigeze kuba umwe mu batsinze ibitego byinshi muri shampiyona y'u Rwanda, yaraye ahawe amasezerano y'imyaka ibiri iri imbere, bivuze ko azagumana na Sunrise FC kugeza mu mwaka w'imikino wa 2023-2024.
Kuri uyu wa mbere ikipe ya Bugesera FC, yaraye igiranye amasezerano n'abakinnyi babiri aribo Ishimwe Saleh wakinaga muri Kiyovu Sports na Nsengayire Shadadi wakinaga mu ikipe ya Gicumbi FC, aba bombi bakaba barahawe amasezerano y'imyaka ibiri.
The post Ibikorwa bya siporo biteganyijwe mu gihe cya CHOGM, Haringingo Francis yerekeje muri Raayon Sports nk'umutoza mukuru, Babua Samson yasinye muri Sunrise FC appeared first on RUSHYASHYA.
Perezida wa Ukraine Volodymyr Zelensky yavuze ko Afurika “yafashwe bugwate” mu ntambara y'Uburusiya ku gihugu cye, mu ijambo ku wa mbere yagejeje ku muryango w'Ubumwe bw'Afurika (AU/UA).
Igitero cy'Uburusiya – no kugota ibyambu bya Ukraine bigatuma ibinyampeke byayo bitoherezwa mu mahanga – cyatumye habaho ubucye bw'ibinyampeke n'ifumbire.
Ibi byatumye abantu babarirwa muri za miliyoni ku isi baba mu byago byo kwicwa n'inzara.
Umukuru w'akanama ka AU yavuze ko “hacyenewe byihutirwa ko habaho ibiganiro” kugira ngo hasubizweho ituze ku isi.
Ibihugu byo mu burengerazuba (Uburayi n'Amerika) byashishikarije Uburusiya kubohora ububiko bunini bw'ibinyampeke bwa Ukraine.
Kugota ibyo byambu byatumye ibiciro by'ibiribwa bitumbagira.
Mu ijambo rye, Zelensky yagize ati: “Mu by'ukuri Afurika yafashwe bugwate… n'abatangije intambara kuri leta yacu”.
Yavuze ko leta ye iri “mu biganiro by'urusobe” byo gufungura ububiko bw'ibinyampeke byahejejwe mu byambu bya Ukraine byo ku nyanja ya Black Sea.
Yabwiye AU ati: “Iyi ntambara ishobora kugaragara nk'iri kure cyane kuri mwebwe no ku bihugu byanyu.
“Ariko ibiciro by'ibiribwa birimo kuzamuka mu buryo bwa kirimbuzi byamaze kuzana [intambara] mu ngo z'imiryango ibarirwa muri za miliyoni y'Abanyafurika”.
Ijambo rya Zelensky kuri AU arivuze hashize ibyumweru hafi 10 asabye bwa mbere kugeza ijambo kuri uyu muryango.
BBC yumva ko abakuru 55 b'ibihugu bari batumiwe muri iyo nama yo mu buryo bw'iyakure, ariko ko bane bonyine ari bo bayitabiriye. Abandi bohereje intumwa.
Ibihugu byo muri Afurika byagaragaje kutavuga rumwe ku bijyanye n'intambara y'Uburusiya kuri Ukraine.
Mu kwezi kwa gatatu, ibihugu 17 byo muri Afurika byarifashe mu matora y'umuryango w'abibumbye (ONU/UN) yo kwamagana icyo gitero.
Ariko ku wa mbere Perezida wa Sénégal akaba n'umukuru wa AU, Macky Sall, yashimiye Zelensky ku kuba yagejeje ijambo kuri uyu muryango.
Sall yavuze ko “Afurika iracyashishikajwe no kubahiriza amategeko mpuzamahanga, gucyemura ibibazo mu mahoro n'ubwisanzure bw'ubucuruzi”.
Mbere, AU ntiyashakaga ko Zelensky ayigezaho ijambo, kandi ntabwo yemeranya byuzuye n'ibyo avuga – abagize uyu muryango barashaka ibiganiro byo gukemura aya makuba.
Mbere yaho muri uku kwezi kwa gatandatu, Sall yagiranye ibiganiro na Perezida w'Uburusiya Vladimir Putin.
Yabwiye Putin ko ibihugu byo muri Afurika ari inzirakarengane z'intambara yo muri Ukraine kandi ko Uburusiya bukwiye gufasha mu koroshya umubabaro w'Afurika.
Mbere yaho ku wa mbere, umukuru w'ububanyi n'amahanga mu muryango w'Ubumwe bw'Uburayi (EU/UE) Josep Borrell yavuze ku kugota ibyambu kw'Uburusiya, agira ati:
“Hari icyaha cya nyacyo cy'intambara, rero sinshobora kwibaza ko ibi bizagumaho igihe kirekire cyane”.
Borrell yahuye n'abaminisitiri b'ububanyi n'amahanga b'ibihugu byo muri EU, mu nama yabahurije muri Luxembourg ku wa mbere biga kuri aya makuba.
Yavuze ko ibikorwa by'Uburusiya ari “ukugerageza ku bushake guteza inzara ku isi”.
Yahakanye ibivugwa n'Uburusiya ko aya makuba y'ubucye bw'ibiribwa ku isi yatewe n'ibihano EU yafatiye Uburusiya.
Yongeyeho ko ibyo bihano “bitabuza” ibihugu byo hanze ya EU gukorana ubucuruzi bw'ibiribwa n'Uburusiya cyangwa n'ibindi bihugu.
BBC
Imihanda izakoreshwa n'abitabiriye CHOGM ni Serena Hotel-Payage-Sopetrad- Kimicanga – Kimihurura- Gishushu-Gisimenti-Giporoso-Nyandungu – Kuri 15 – Mulindi â”Ku ruganda 'Inyange'- Intare Arena.
Hari kandi umuhanda uva ku Kibuga cy'indege – Giporoso – Gisementi â” Kigali Convention Centre – Serena Hotel hakaniyongeraho uwo ku Kibuga cy'indege – Kabeza – Giporoso – Gisementi â” KCC – Serena Hotel.
Abazaba bakoresha umuhanda baragirwa inama yo gukoresha ibindi byerecyezo.
Nk'abaturuka i Kabuga no mu ntara y'Iburasirazuba berekeza mu mujyi wa Kigali bazanyura ku Musambi – inyuma ya parking ya Intare Arena – Mulindi – Gasogi – Musave – Special Economic Zone – Kwa Nayinzira – Kimironko – Controle technique – Nyabisindu – Gishushu – Mu Kabuga ka Nyarutarama – Utexrwa â” Kinamba.
Bahobora no kunyura ku Mulindi – Kanombe ukomeza mu Kajagali â” Ikigo Nderabuzima cya Nyarugunga -Busanza – Itunda/Rubirizi – Kabeza – Niboye – Kicukiro Centre â” Kwa Gitwaza -Rwandex – Kanogo â” Kinamba- Yamaha – Gereza â” Onatracom.
Imihanda wakoresha wambukiranya mu gihe uhawe uburenganzira n'abapolisi ni: Payage-Gishushu – Gisimenti – Prince house -Kuri 12 – Kuri 15 – Mulindi.
Iyi mihanda ishobora gufungurirwa urujya n'uruza igihe icyo ari cyo cyose itazaba irimo gukoreshwa n'abitabiriye CHOGM.
Abakoresha umuhanda barasabwa kwihanganira impinduka no kwirinda amakosa yateza umuvundo w'ibinyabiziga n'impanuka kandi bagakurikiza amabwiriza bazahabwa n'abapolisi bazaba bari ku mihanda kugira ngo babayobore.
Source : http://igihe.com/amakuru/u-rwanda/article/chogm-uko-imihanda-izakoreshwa-ku-wa-21-kamena-2022
APR FC yasubukuye imyitozo yitegura umukino wa nyuma w’igikombe cy’Amahoro na AS Kigali, ni imyitozo irimo gukoreshwa n’umutoza wungirije mu gihe Adil Erradi Mohammed we atari mu Rwanda.
Nyuma y’akaruhuko k’iminsi mike, APR FC yaraye isubukuye imyitozo i Shyorongi ari n’aho irimo gukorera umwiherero yitegura uyu mukino wa nyuma.
Nyuma yo kwegukana igikombe cya shampiyona, abasore ba APR FC intego ni ukwegukana n’igikombe cy’Amahoro.
Ni imyitozo ariko itakoreshejwe n’umutoza Adil Erradi Mohammed kubera ko atari mu Rwanda, amakuru avuga ko yafashe akaruhuko k’iminsi mike mu rwego rwo gukurikirana ibyangombwa bye by’ubutoza byatumaga adatoza imikino Nyafurika, bivugwa ko azagaruka mu Rwanda abizanye.
Uyu mutoza nubwo byavuzwe kenshi ko azatandukana na APR FC, andi makuru avuga ko yamaze kongera amasezerano.
Umukino wa nyuma w’igikombe cy’Amahoro uteganyijwe ku wa Kabiri w’icyumweru gitaha tariki ya 28 Kamena 2022 ukaba uzahuza APR FC na AS Kigali.
Source : http://isimbi.rw/siporo/article/apr-fc-idafite-adil-ikomeje-imyitozo
Iyi nzu yubatswe ku nkunga y'Umuryango w'Ubumwe bw'u Burayi (EU) n'abandi bafatanyabikorwa, iteganyirijwe kwakira impunzi n'abimukira bazanwa mu Rwanda.
Tariki ya 10 Nzeri 2019 ni bwo Guverinoma y'u Rwanda, Umuryango w'Ubumwe bwa Afurika (AU) na UNHCR byashyize umukono ku masezerano y'imyaka itatu, yo kwakira impunzi n'abimukira i Gashora mu Karere ka Bugesera.
Binyuze muri aya masezerano ni bwo u Rwanda rwakiriye impunzi z'Abanyafurika zageze muri Libya zishakisha uko zakwerekeza ku Mugabane w'u Burayi.
Amasezerano yabanje yavugaga ko Inkambi ya Gashora igomba kwakira abantu 500 nyuma aza kuvugururwa hanzurwa ko yazajya yakira 700, ni bwo hubatswe iyi nzu mu kuyongerera ubushobozi.
Iyi nzu yiswe 'Ikaze Residence' yuzuye itwaye asaga miliyari 1 Frw, ifite ibyumba bitandukanye buri kimwe kirimo ibitanda bine, hari abatangiye kuyibamo ariko bari mu igorofa ryo hasi ahandi hasigaye hazashyirwa abandi bazagezwa mu Rwanda.
Kuri uyu wa Mbere, tariki ya 20 Kamena 2022, ubwo hizihizwaga Umunsi Mpuzamahanga w'Impunzi, ku rwego rw'igihugu wizihirijwe i Gashora ari bwo batashye ku mugaragaro iyi nzu.
Minisitiri w'Ibikorwa by'Ubutabazi, Kayisire Marie Solange, yavuze ko impunzi ziri mu Rwanda ubu ziri kwitabwaho kandi hari gukorwa ibishoboka byose kugira ngo zibashe kubaho ubuzima busanzwe.
Ati 'Uyu munsi mu Rwanda dufite impunzi zitandukanye, zimeze neza aho ziri mu nkambi hirya no hino. Uyu munsi usanze twaratangiye gushaka ibisubizo birambye kugira ngo zikomeze kwigira zibeho mu gihugu, zidategereje inkunga.'
Ambasaderi uhagarariye Umuryango w'Ibihugu by'u Burayi mu Rwanda, Nicola Bellomo, yavuze ko uyu muryango uzahora ukora ibikorwa byo gufasha impunzi ngo nazo zigire ubuzima bwiza.
Ati 'Uyu munsi twishimiye kwifatanya na guverinoma y'u Rwanda n'abandi bafatanyabikorwa n'impunzi ziri mu Rwanda kuri uyu munsi. Nejejwe no kuba turi hano Gashora kuko hasobanuye byinshi mu kurengera ikeremwa muntu ari nabyo EU ishyize imbere.'
Yakomeje avuga ko uyu muryango uzakomeza ibikorwa bitandukanye byo kwita ku mpunzi n'abandi bari mu bibazo kugira ngo ubuzima bwabo burusheho kugenda neza.
Ku ruhande rw'umwe mu mpunzi ziri mu Nkambi ya Gashora, Peter Niyuoni, yavuze ko yanejejwe no kuba ari mu Rwanda kuko aho yahoze nta cyizere cy'ubuzima yari afite ubu akaba yarakibonye.
Ati 'Ngereranyije uko narimbayeho muri Libya n'uko ndi hano mu Rwanda navuga ko umutekano wanjye wizewe 100%, kuko nabagaho nta cyizere cy'ejo mfite. Ubu ndashima Imana ko mbasha kubaho nta nkomyi, nkarya, nkaryama nta muntu umputaje.'
Yakomeje ashimira Guverinoma y'u Rwanda kuba yarabahaye ahantu heza ho kuba no kuba idasiba kubashyiriraho ibikorwaremezo bituma babaho mu buzima bwiza.
Kugeza ubu mu Rwanda habarirwa impunzi 127.369, zirimo abavuye muri Repubulika Iharanira Demokarasi ya Congo 76.968, i Burundi bangana na 49 859, naho abari mu Nkambi ya Gashora ni 444.
Muri rusange kuva mu 2019, Inkambi ya Gashora, imaze kunyuramo abimukira n'abasaba ubuhunzi 1055, muri bo abarenga 630 bamaze kubona ibihugu bibakira mu gihe abandi na bo bategereje.
Ni amagambo yakoze ku mutima benshi mu bitabiriye iri huriro rishamikiye ku nama y'abakuru b'ibihugu na za guverinoma bigize umuryango wa Commonwealth (CHOGM) irimo kubera mu Rwanda.
SOLA (School of Leadership Afghanistan) ni ishuri rukumbi ryigamo abakobwa gusa muri Afghanistan, rikaba ryarimuriwe mu Rwanda by'agateganyo. Abakobwa 250 bo muri iri shuri rikuru n'imiryango yabo bageze mu Mujyi wa Kigali ku wa 24 Kanama 2021.
Ni nyuma y'uko Aba-Taliban bafashe Umurwa Mukuru wa Afghanistan, Kabul, ibintu bikaba bibi ku bantu bose bari basanzwe bafitanye imikoranire n'abanyamahanga cyane cyane Leta Zunze Ubumwe za Amerika.
Mu kiganiro cyagarukaga ku ruhare rw'abagore mu miyoborere kuri uyu wa Mbere tariki 20 Kamena 2022, Shabana Basij-Rasikh, yashimiye cyane u Rwanda kuba rwarabakiriye, bakabasha gukomeza amasomo mu gihe byari bimaze kugaragara ko kwiga bitagishoboka.
Ati “Abakobwa bo muri Afghanistan uyu munsi bemerewe kwiga amashuri makuru ni abari hano mu Rwanda gusa, mbikuye ku mutima ndashimira urugwiro rw'u Rwanda n'abanyarwanda batwakiranye kuva muri Kanama umwaka ushize ubwo Aba-Taliban bafataga Afghanistan, ubwo kwiga byahindukaga ibidashoboka ku bakobwa. Abakobwa bacu barimo gutera imbere kandi barimo kwitwara neza”.
Shabana Basij-Rasikh yagarutse ku buryo bibabaje kuba uyu munsi Afghanistan ari cyo gihugu cyonyine ku Isi abakobwa batemerewe kwiga atari ukubura ubushobozi cyangwa izindi mpamvu zashakirwa igisubizo, ahubwo ari impamvu z'amahame n'imyumvire y'aba-Taliban.
Ati “Nturuka mu gihugu cyonyine ku Isi aho kwiga k'umukobwa bitemewe n'amategeko kandi turi mu 2022. Iyo tuganira imibare ingana na miliyoni 250 z'abana biganjemo abakobwa batiga, usanga biterwa n'impamvu zishobora gukemuka, ariko biratandukanye cyane no kuba 'tuvuga ko hari igihugu ku Isi aho uburezi bw'umukobwa butemewe”.
Yasabye abayobozi ba Commonwealth n'abitabiriye iri huriro”kuvuga mu ijwi riranguruye bagasaba impinduka kuko ntabwo twata igihe kuko dukeneye ko abakobwa biga”.
Ati “Iyo abanyeshuri bakuwe mu ishuri amezi abiri, imyigire yabo isubira inyuma ho imyaka itanu. Ntabwo dushobora gutakaza igihe”.
Shabana Basij-Rasikh yasangije abitabiriye ihuriro uburyo hari imiryango myinshi muri Afghanistan imuhamagara ikamubwira ko abakobwa babo baramutse bagize amahirwe yo kwemererwa kwiga na SOLA, biteguye kuba impunzi mu gihugu cyabemerera. Ni ikintu cyumvikanisha akababaro ko kuba abakobwa batemererwa kwiga.
Yibukije ko hari ibimenyetso by'uko kwigisha umukobwa birandura ubukene, bigafasha mu guhangana n'ibibazo by'ubuzima ku isi, imihindagurikire y'ibihe n'ibindi. Yasabye buri wese gufatanya n'abagabo muri Afghanistan bakomeje guharanira ko abakobwa biga.
Tariki ya 15 Kanama 2021 nibwo Aba-Taliban bafashe ubutegetsi nyuma y'imyaka 20 bahiritswe ku butegetsi bigizwemo uruhare na Leta Zunze Ubumwe za Amerika.
