Category: Uncategorized

Kassim Murenzi wari umaze iminsi myinshi arwaye, yabanje kuba mu bitaro nyuma ajya mu rugo aho bari barimukiye i Nyamirambo akaba yitabye Imana azize uburwayi bw'impyiko.  Biteganyijwe ko azashyingurwa ku munsi w'ejo tariki 28 Kamena i saa sita n'igice, i Nyamirambo.

Kassim Murenzi yakiniye Rayon Sports mu myaka ya za 70, akaba yarakiniye  iyi kipe mu gihe kingana n’imyaka 17 inamugira umukinnyi wakiniye iyi kipe igihe kinini.

Kassim Murenzi niwe ubyara Murenzi Abdallah wabayeho umuyobozi (Mayor) w'akarere ka Nyanza, wayoboye Rayon Sports ubwo yasubiraga i Nyanza mu 2012-14 ndetse anayihesha igikombe cya shampiyona cya 2013; kuri ubu akaba ari umuyobozi wa Ferwacy (Murenzi abdallah).

Kassim Murenzi wagize amateka akomeye muri Rayon Sports ni nawe washinze Akademi (academy) ka Rayon Sports kaba i Nyanza, aho Ubuyobozi bwa Rayon Sports umwaka ushize bwari bwamwijeje kukongeramo imbaraga ndetse bakagateza imbere.

Amakuru y’urupfu rw’uyu munyabigwi yamenyekanye ubwo ikipe yitangiye yari imaze gutsinda Police FC ibitego 4-0, mu mukino wo guhatanira umwanya wa gatatu mu mikino y’igikombe cy’Amahoro.

Kassim Murenzi wakiniye Rayon Sports igihe kinini yitabye Imana 

Uyu mukino utagaragayeho abafana benshi watangiye saa 16h12′ ukaba watindijwe n’umukino wahuje APAER na Bugesera mu bagore nabwo mu guhatanira umwanya wa gatatu, umukino warangiye APAER itsinze Bugesera ibitego 4-1.

Umukino watangiye amakipe ari ku rwego rumwe ariko iminota 20 ya mbere Police FC yagaragaje imbaraga nyinshi mu kibuga ubona ko iri hejuru ya Rayon Sports, aho yahererekanyaga neza mu kibuga ndetse inagerageza kurema amahirwe yavamo igitego n'ubwo bitabahiriye.

Nyuma y’iminota 20 Rayon Sports yagarutse neza mu mukino igerageza kurema uburyo bw’igitego ndetse inahererekanya neza mu kibuga, ariko ntibyagira icyo bitanga kuko iminota 45 yarangiye nta kipe irebye mu izamu ry’indi, bajya kuruhuka ari 0-0.

Igice cya kabiri cyabaye nk’imperuka kuri Police FC kuko yanyagiwemo ibitego 4 byose.

Byatangiye ku munota wa 47 ubwo Muhire Kevin yateraga ishoti rikomeye mu izamu rya Police FC ryari ririnzwe na Bakame, afungura amazamu atsindira Rayon Sports igitego cya mbere.

Rayon Sports yakomeje gukina neza irusha Police FC ku buryo bugaragara, aho ku munota wa 77 Ndayishimiye Eric Bakame yakoze ikosa rikomeye ubwo yateraga umugeri Musa Esenu, umusifuzi yemeza ko ari penaliti ndetse Bakame ahabwa ikarita itukura asohoka mu kibuga.

Penaliti yatewe neza na Ishimwe Kevin atsindira Rayon Sports igitego cya kabiri.

Ku munota wa 84 Musa Esenu yatsindiye Rayon Sports igitego cya gatatu ku mupira waturutse kwa Muhire Kevin.

Rayon Sports yakomeje kwiharira umpira irusha bigaragara Police FC, byaje gutuma ku munota wa 90 Musa Esenu atsindira Rayon igitego cya kane ari nacyo cyasoje umukino.

Gutsinda uyu mukino byafashije Rayon Sports kwegukana umwanya wa gatatu mu irushanwa ry’uyu mwaka, mu gihe Police FC yasoje ku mwanya wa kane.

Rayon Sports yambitswe umudali inahabwa sheki ya miliyoni eshatu z’amanyarwanda.

Kuri uyu wa Kabiri tariki ya 28 Kamena 2022, kuri Stade ya Kigali guhera saa 18h30′ harabera umukino wa nyuma w’igikombe Cy’Amahoro uzahuza APR FC na AS Kigali. 

Rayon Sports yegukanye umwanya wa gatatu mu gikombe cy’Amahoro 2022 inyagiye Police FC ibitego 4-0

Musa Esenu yatsinzemo ibitego bibiri

Umuhango wo gushyira umukono kuri aya masezerano wabereye muri Kigali Arena, kuri uyu wa Mbere tariki ya 27 Kamena 2022. Uyu muhango witabiriwe na Perezida w’Ishyirahamwe Nyarwanda ry’Umukino wa Basketball, Mugwiza Desire ndetse na Etienne Saada uyobora Bralirwa.

Nyuma yo gusinya, Mugwiza yagize ati “Amasezerano tugiranye azamara imyaka itatu. Azadufasha kugira ngo urwego rwa shampiyona yacu rutere imbere haba mu cyiciro cya mbere cyangwa icya kabiri. Aya masezerano aje mu gihe cya ngombwa, ni imbaraga ziyongereye muri Shampiyona yacu n’iterambere rya siporo. Buri mwaka bazajya badutera inkunga ya miliyoni 80 Frw. Turifuza ko imyaka iziyongera, udakoranye na Bralirwa nta wundi muterankunga cyangwa umufatanyabikorwa wabona.”

Mugwiza ubwo yari mu gikorwa cyo gusinya

Yakomeje avuga ko ibyo kwitirirwa Shampiyona bizaganirwaho nyuma, ariko Cheetah izajya igaragara ku bibuga byose bya Basketball mu Rwanda.

Ikipe y’abagabo izatwara Shampiyona izahabwa miliyoni 15 Frw, iya mbere mu bagore ihabwe miliyoni 10 Frw, ariko iyi ya nyuma inagenerwe miliyoni 5 Frw yo kuyifasha kwitabira imikino ya Zone V. Mu cyiciro cya kabiri, iya mbere izahabwa miliyoni 5 Frw.

Umuyobozi Mukuru wa Bralirwa, Etienne Saada yavuze ko impamvu bahisemo gukorana na FERWABA ari uko Basketball ijyanye n’intego zabo.

Ati “Ubwo ikipe yanjye yambwiraga iby’aya masezerano, ntabwo nazuyaje kuko uyu ni umukino buri wese yibonamo cyane urubyiruko. Cheetah ni ikinyobwa gitera imbaraga kandi n’abakiri bato barangwa n’imbaraga. Basketball y’u Rwanda yujuje ibyo dukeneye muri Cheetah.”

Nta wundi muterankunga FERWABA yari ifite nyuma yo gutandukana na Banki ya Kigali bamaranye imyaka itatu kugeza mu 2021.

Perezida Paul Kagame ku gicamunsi cyo kuri uyu wa Mbere tariki 27 Kamena 2022, yabonanye na Minisitiri w’Intebe w’Ibirwa bya Maurice, Pravind Kumar Jugnauth, (…)

Kuri iki Cyumweru nibwo abarokokeye muri Nyakabanda bahuriye mu gikorwa cyo Kwibuka abazize Jenoside yakorewe Abatutsi mu 1994, baguye muri aka gace.

Tariki ya 6 na 7 Mata mu 1994 nibwo Abatutsi basaga 200 bari bahungiye mu rugo rw'uwitwa Rwagasana ruri mu Nyakabanda, rwari rugizwe n'inzu nyinshi, bahiciwe mu gihe bari bizeye ko bashobora kuharokokera.

Bagerageje kwirwanaho ariko Interahamwe zibicamo abasaga 200. Amakuru ntiyahise amenyekana ko imibiri yabo ari ho iri, kugeza mu 2019 ubwo byamenyekanaga ko iri munsi y'urwo rugo baguyemo.

Abafite ababo bahaguye baje gucukura bafatanyije n'inzego za Leta, babonamo imibiri y'ababo, ariko basanga abenshi nta mitwe bafite.

Karambizi Carine wiciwe ababyeyi bombi n'abavandimwe be muri uru rugo, yavuze ko batinze kubona amakuru y'aho imibiri yabo iri, banashengurwa no kuyibona ibice byose bituzuye.

Ati “Aha hantu haratuwe kandi abari bahatuye nibo bagihari, baza kwica abantu hano bari babizi, ariko bose bari baracecetse. Twahoraga twibaza aho babashyize, ayo makuru ntayo bari baratanze.”

“Twaje kuhamenya turishima ariko imitwe yabo ntayo twabonye, hari umugore bavuga wari utuye aha hafi ngo yarazaga akayitwara.”

Yakomeje asaba ababa bafite amakuru kuri iyo mitwe y'ababo kuba bayatanga, kugira ngo nayo ishyingurwe mu cyubahiro.

Ati “Ndifuza ko abantu badufasha kubona iyo mitwe y'abacu tukaba twayishyingura, harimo n'abandi bantu benshi bataramenya aho ababo bari kugira ngo babashyingure mu cyubahiro.”

Komiseri muri Ibuka Ushinzwe Imibereho myiza y'abarokotse Jenoside yakorewe Abatutsi, Rugero Paulin, yavuze ko abantu bo muri aka gace binangiye ku gutanga amakuru kandi byarabaye bahari.

Ati “Ikibazo ni ukumenya ngo iyo mitwe yagiye he, uru rugo rwiciwemo abantu mu matariki abanza, bashyinguwe (mu Kwibuka) ku nshuro ya 25, kuba barashyinguye nyuma ni uko nta makuru bigeze batanga.”

“Ikiriho ubu ni ukujya kwinginga no gusaba hari abari muri gereza, abaturanyi bose ntibavuga, ariko igihe kizagera bavuge cyangwa bazarorere, icyo twe tuzaharanira ari na yo nshingano yacu, ni ukubibuka.”

Amafoto: Munyakuri Prince

---

Ubuyobozi bw’Akarere ka Huye ku wa 27 Kamena 2022, bwatangije imirimo yo gushyira kaburimbo mu mihanda ireshya n’ibirometero 4,9 mu Murenge wa Mbazi n’uwa (…)

Mu mukino wo guhatanira umwanya wa gatatu wabaye kuri uyu Mbere, ikipe ya Rayon Sports yanyagiye Police FC ibitego 4-0, byose byatsinzwe mu gice cya (…)

Iyi nama yari ifite izindi zinyuranye ziyishamikiyeho, yaherekejwe n'ibitaramo by'abahanzi banyuranye bakunzwe cyane muri iyi minsi mu rwego rwo gususurutsa abayitabiriye n'abanyamujyi. Ibi bitaramo byabereye kuri Tapis Rouge i Nyamirambo ndetse n’i Rugende aho byaririmbyemo abahanzi 24 ndetse n'amatorero yubakiye umuziki kuri gakondo Nyarwanda.

Mu ijoro ryo kuri iki Cyumweru, abahanzi barimo Bushali, B Threy, Slum Drip, Riderman, Rafiki, Alyn Sano, Kenny Sol n'abandi ni bo baririmbye mu gitaramo cya nyuma cyabereye i Nyamirambo. Ni mu gihe abarimo Senderi Hit baririmbiye i Rugende. Ibi bitaramo byitabiriwe n'umubare munini w'urubyiruko n'abandi bari bakumbuye gususurutsa n'aba bahanzi.

Bianca umwe mu bashyusharugamba, Dj Ira na Mc Buryohe ni bo bafashije abantu kwizihirwa

Alyn Sano utajya ushidikanywaho mu gutaramira abantu kubera ijwi rye

Okkama ku rubyiniro

Juno Kizigenza yongeye kwerekana ko akunzwe ku rubyiniro

Riderman na Karigombe ku rubyiniro

Kenny Sol ku rubyiniro

Kinyatrap yaraye yerekanye ko ari injyana ikunzwe cyane

Slum Drip yerekanye ko ari umuhanga ku rubyiniro

Bushali na B-Threy berekanaga ubufatanye bukomeye