Category: Uncategorized

Ibi byabereye muri Leta ya Ondo iherereye mu majyepfo ashyira uburengerazuba bwa Nigeria. Byemezwa ko bamwe muri bo bari bahamaze amezi arenga atatu.

Amakuru dukesha BBC avuga ko benshi muri abo bantu bari barasabwe kuhategerereza igaruka rya Yesu muri Mata, ndetse hari bamwe bari barataye ishuri kugira ngo bazashobore kumwibonera agarutse.

Igikorwa cyo gusaka uru rusengero cyabaye nyuma y'uko umubyeyi w'umugore avuze ko abana be babuze, agaragaza ko atekereza ko bari muri urwo rusengero.

Polisi ivuga ko irimo gukora iperereza ku gicyekwa ko ari ugushimuta abantu mu kivunge, nyuma yuko isatse urusengero uru rusengero rwa Whole Bible Believers' Church, ruri mu gace ka Valentino, mu Mujyi wa Ondo.

Kugeza ubu umupasiteri wo muri iri dini, David Anifowoshe, n'umwungirije, batawe muri yombi, mu gihe abari bari muri urwo rusengero bajyanwe n'ubuyobozi ngo bitabweho.

Abasore n'inkumi bo mu karere ka Karongi bavuga ko ubumenyi n'impano bafite bibapfira ubusa kuko gahunda zigamije kuzamura impano batamenya igihe zabereye, n'ibitekerezo by'imishinga yabo ntibamenye aho banyura ngo babafashe kubishyira mu bikorwa.

Sinzabakwira Muneza, yiyumvamo impano yo kuririmba, azi guteka amandazi, isambusa, na capati ariko yabuze igishoro ngo yiteze imbere.

Ati 'Ntabwo tuzi inzira twanyuramo. Icyo dusaba abayobozi n'urubyiruko n'uko baduhuza n'abadufasha kumenyekanisha impano zacu no bakanaduhuza n'abadufasha gushyira mu bikorwa imishinga yacu'.

Tuyishimire Jean w'imyaka 22 avuga ko urubyiruko rubayeho nabi bitewe n'uko amahirwe yo guteza imbere urubyiruko aguma mu mijyi.

Yavuze ko icyo ubuyobozi bw'urubyiruko rwabafasha ari ukubabumbira hamwe, bakabagira inama.

Ati “Gahunda za Leta nzi zigenewe kuzamura urubyiruko zihari, keretse nka ziriya zo kujya mu itorero ry'igihugu. Dukeneye ubuvugizi kugira ngo gahunda zindi zo guteza imbere urubyiruko zige zitugeraho mu giturage”.

Pauline Mukamana, umukozi ushinzwe urubyiruko, umuco na siporo mu karere ka Karongi yabwiye IGIHE ko hari amahirwe menshi yafasha urubyiruko arimo ibisigara bya Leta, ibishanga bikenewe kubyazwa umusaruro n'ibindi.

Umuhuzabikorwa w'Inama y'Igihugu y'urubyiruko mu karere ka Karongi Benithe Isingizwe yavuze ko batangije ihuriro “Igicaniro cy'urubyiruko” mu rwego kwegera urubyiruko no kurufasha kumenya amahirwe arugenewe rutajyaga rumenya.

Ati “Iri huriro rifite intego yo gufasha urubyiruko kumenya gahunda za Leta, no kumenya amahirwe arugenewe by'umwihariko mu karere ka Karongi. Hari ugushishikariza urubyiruko kwitabira amarushanwa abahemba, kubigisha gukora neza imishinga no kubereka aho bayitanga kugira ngo babone inkunga, no kubigisha uburyo batekereza imishinga yabagirira akamaro ikanagirira akamaro aho batuye”.

Muri iyi gahunda biteganyijwe ko buri kwezi urubyiruko ruzajya ruhura rugakora igikorwa cy'amaboko, nyuma rukungurana ibitekerezo ku bibazo birubangamiye n'uko rubona byakemuka, raporo igashyikirwa umuhuzwabikorwa w'inama y'igihugu y'urubyiruko mu karere, ibikeneye ubuvugizi akabibukorera mu nama njyanama y'akarere.

Umuhuzabikorwa w’inama y’igihugu y’urubyiruko mu karere ka Karongi, Benithe Isingizwe avuga ko iri huriro igicaniro cy’urubyiruko, urubyiruko ruzajya ruhabwa amakuru y’amahirwe arugenewe

Abasore n’inkumi bafite icyizere ko iri huriro ‘Igicaniro cy’urubyiruko’ rizabafasha kwivana mu bukene.

Ihuriro ‘igicaniro cy’urubyiruko’ ni umwihariko w’akarere ka Karongi

Kutagira amakuru ku mahirwe agenewe kuzamura urubyiruko byatumaga bahera mu bukene

Abantu babiri bafatiwe mu murenge wa Base, mu Kagali ka Rwamahwa, Umudugudu wa Base, bafite insinga z'amashanyarazi zifite metero zirenga 60, bari bibye mu rwunge rw'amashuri rwa Ngarama, hanafashwe kandi moto bakoreshaga mu bikorwa byo gutwara ibyo bibye.

Hafashwe abandi bantu batandatu mu Murenge wa Mbogo, mu Kagali ka Mushali no mu Kagali ka Rwambogo, bafashwe bamaze gutaburura itiyo y'amazi ifite metero 200, hanafatwa imodoka bakoreshaga mu gutwara ibyo bibye.

Superintendent of Police Alex Ndayisenga ushinzwe guhuza ibikorwa bya Polisi n'abaturage mu Ntara y'Amajyaruguru, yavuze ko aba bose bafashwe nyuma y'ibikorwa byakozwe na Polisi y'u Rwanda byo gufata abantu bagiraga uruhare mu kwangiza ibikorwa remezo abaturage bagezwaho na Leta.

Yanavuze ko hari hamaze iminsi humvikana abaturage bo mu mirenge ya Base na Mbogo bavugaga ko bahangayikishijwe n'abantu baza bakabiba insinga z'amashanyarazi bakanataburura impombo z'amazi, byose bikabagiraho ingaruka.

Asobanura uko bafashwe; SP Ndayisenga yavuze ko aba bibye amatiyo y'amazi bafashwe bitewe n'amakuru yatanzwe n'umuturage utuye mu Mudugudu wa Rwambogo wabonye abantu bacukura itiyo y'amazi, ahita abimenyesha Polisi.

Yanasobanuye ko bariya babiri bacyekwaho kwiba insinga z'amashanyarazi bafashwe biturutse ku makuru yatanzwe n'abanyerondo.

Yagize ati'Abanyerondo bari mu kazi kabo gasanzwe ko gucunga umutekano babona moto iparitse ahantu mu masaha y'ijoro,bahamagara polisi ihageze barebye ibyo nyirayo apakiye basanga ari insinga z'amashanyarazi, bamubajije aho yazikuye avuga ko yazikuye ku rwunge rw'amashuri rwa Ngarama.'

Akimara gufatwa yavuze ko nubwo atuye mu mujyi wa Kigali ariko akomoka mu Murenge wa Base bityo kuhiba byamworoheraga kuko ahazi neza. Yongeyeho ko atari ubwa mbere kuko yibye ahantu hagera ku 10 insinga z'amashanyarazi.

SP Ndayisenga yihanangirije abantu bose bafite ingeso yo kwangiza ibikorwa remezo Leta iba yahaye abaturage kuko bidindiza iterambere kandi bigatera igihombo Leta, yongeraho ko iyo banginje insinga z'amashanyarazi umuriro ubura bigateza umutekano mucye ndetse n'abajura bakitwikira umwijima bakiba abaturage.

Yasabye abaturage kurinda ibikorwa remezo bagezwaho na Leta, asaba baturage kujya batanga amakuru igihe babonye uwangiza ibikorwa remezo.

Yasoje yibutsa abakora ibi byaha ko bahanwa n'amategeko harimo no gufungwa igihe kirekire muri Gereza.

Abafashwe bose bashyikirijwe urwego rw'igihugu rushinzwe ubugenzacyaha (RIB) , ngo hakurikizwe amategeko.

Ingingo ya 182 yo mu Itegeko nº68/2018 ryo ku wa 30/08/2018 riteganya ibyaha n'ibihano muri rusange, ivuga ko 'Umuntu wese usenya cyangwa wonona ku bw'inabi, ku buryo ubwo ari bwo bwose, inyubako yose cyangwa igice kimwe cyayo, inzu, iteme, urugomero, uruhombo rw'amazi n'inzira yarwo, inzira ya gari ya moshi cyangwa ibikoresho ibyo ari byo byose by'itumanaho cyangwa by'ingufu z'amashanyarazi, amariba cyangwa izindi nyubako zose bitari ibye, aba akoze icyaha.

Iyo abihamijwe n'urukiko, ahanishwa igifungo kitari munsi y'imyaka itatu ariko kitarenze imyaka itanu n'ihazabu y'amafaranga y'u Rwanda atari munsi ya miliyoni eshatu ariko atarenze miliyoni eshanu z'amafaranga y'u Rwanda.

Itegeko nº68/2018 ryo ku wa 30/08/2018 riteganya ibyaha n'ibihano muri rusange Ingingo ya 166 ivuga ko umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe ariko kitarenze imyaka ibiri, ihazabu y'amafaranga y'u Rwanda atari munsi ya miliyoni imwe ariko atarenze miliyoni ebyiri, imirimo y'inyungu rusange mu gihe cy'amezi atandatu cyangwa kimwe gusa muri ibyo bihano.

Bimwe mu byafashwe byari byibwe

Bazivamo Christophe ni Umunyamabanga Mukuru wungirije w'Umuryango w'Ibihugu bya Afurika y'Iburasirazuba (EAC) ndetse ni na Vice Chairman w'Umuryango wa FPR Inkotanyi.

Umuhungu we ni Bruce Nshuti Hirwa wasanzwe yapfuye mu gitondo cyo ku wa Gatatu, tariki 29 Kamena 2022 hafi y'inyubako za Kaminuza ya Arkansas muri Leta Zunze Ubumwe za Amerika aho yigaga.

Bazivamo yabwiye The Newtimes ko isuzuma ry'umurambo n'iperereza rishobora gutwara icyumweru ngo ibisubizo bibe bibonetse.

Ati 'Turacyategereje ibizava mu isuzuma ry'umurambo na raporo y'iperereza izatangwa na polisi ya Amerika. Ndagereranya ko bishobora kumara nk'icyumweru.'

Amakuru avuga ko mu ijoro ry'itariki 28 Kamena, Hirwa yari kumwe na bagenzi be baganira, banasangira, bukeye ku itariki 29 Kamena umurambo uba ari bwo uboneka.

Hirwa yigaga muri Kaminuza ya Arkansas mu bijyanye n'ubumenyi kuri mudasobwa. Yagombaga kurangiza amasomo mu Ukuboza uyu mwaka.

Kuri iki Cyumweru tariki 3 Nyakanga 2022, nibwo Junior Rumaga yizihiza isabukuru ye y’amavuko, bikaba byahuriranye n’uko ari wo munsi yamuritseho umuzingo w’ibisigo by’ubuhanga yifuza kugeza ku bakunzi b’inganzo ye. Yabimuritse mu buryo bw’ibanze kuko ategura kubimurika byeruye tariki 8 Nyakanga 2022.

Mu gisigo yise ‘Mawe’ yitiriye umuzingo wose, Junior Rumaga avugamo uduce two mu murenge wa Mbuye mu karere ka Ruhango aho yavukiye akanahakurira, agasobanura ubuzima yakuriyemo bwamushaririye we n’abavandimwe be babiri, n’uburyo mama we yahitwaye gitwari nyuma y’uko biba ngombwa ko bakura batabana na se ubabyara.

Junior Rumaga ati : “Uyu munsi nibwo mawe yanyibarutse none nanjye nibwo nibarutse umwana w’imfura mu by’ubwenge, uyu muzingo wanjye ni nk’umwana nibarutse, ubwo ku munsi mawe yanyibarutse nanjye nibarutse mawe”

Amagambo ari muri iki gisigo yitiriye umuzingo, anatuma buri wese ucyumva abasha kwibuka uwamwibarutse, dore ko avuga ko umufite akwiye kuzirikana ubutwari bwe akamushimira ndetse n’utakimufite akamwibuka akamuha agaciro akwiye.

Ni igisigo avugamo amagambo akora ku mutima cyane iyo abara inkuru z’ibibazo bitandukanye we n’abavandimwe be babiri baciyemo kandi ntawundi bari bahanze amaso utari mama wabo, na we agakomeza kubarwanira ishyaka. Anashima abandi bose bagiye bamuba hafi muri izo ntambara.

Uretse icyo gisigo, harimo ibindi yakoranye n’abahanzi b’indirimbo bakunzwe mu Rwanda barimo nka Riderman, Bruce Melodie, Alpha Rwirangira, Alyn Sano, Bull Dogg, Yvan Bravan, Peace Jolis, Juno Kizigenza n’abandi. Buri gisigo muri ibi gikoze mu buryo bwa gihanga kandi buseguwe n’inanga ya muzika ituma kirushaho kuryohera amatwi.

Ibi bisigo byose biri kuri uyu muzingo, Junior Rumaga azabishyira ku rubuga rushya yashinze ruzafasha n’abandi basizi rwitwa Siga Rwanda, aho ukeneye kureba ibiriho azajya kuri www.sigarwanda.com, gusa ntibikuraho ko buri gisigo azajya agenda anagishyira kuri Youtube nk’uko asanzwe abikora. Asaba muri rusange abakunzi b’inganzo ye kumushyigikira agakomeza kujya imbere.

Ayopo Ogunleye, wateye inda z'impanga inshuro eshanu, asa nk'uwabaye icyamamare mu gace atuyemo mu burengerazuba bwa Nigeria.

Yabwiye ishami rya BBC ritangaza ibiganiro mu rurimi rwa Yoruba ko ubu arimo kurera abana be wenyine mu karere ka Ado-odo muri leta ya Ogun.

Ni nyuma yuko hashize imyaka umugore we amutaye kubera ko ababyeyi b'uyu mugore binubiye ko yari arimo kubyara impanga cyane.

Uyu mugabo, ubu uri mu kigero cy'imyaka 40, arimo kurera abana barindwi kuko uyu muryango wapfushije abana babiri ba mbere b'impanga bakiri impinja, ndetse n'umwana w'umuhungu wo mu mpanga za nyuma na we yarapfuye.

Ogunleye yavuze ko atari yiteze impanga (amahasa mu Kirundi) ubwo umugore we yasamaga inda ya mbere, nuko aza gutungurwa ubwo yahamagarwaga ku bitaro.

Yagize ati: 'Ubwo numvaga ko umugore wanjye yabyaye, nabajije niba ari umuhungu cyangwa ari umukobwa, nuko baravuga ngo ni impanga'.

Izi zari inzozi zibaye impamo kuri we.

Ati: 'Kuva nkiri umwana nari narakomeje kubisengera, nashimiye Imana. Nahobeye umugore wanjye ndamushimira'.