Ikipe y'u Rwanda yatsinze Uganda mu mukino wo ku munsi wa mbere w'irushanwa mpuzamahanga ry'umukino wa Tennis rizwi nka 'DAVIS CUP 2022', ririmo kuberakuva uyu munsi tariki 4 kugeza 9 Nyakanga 2022.
Muri uyu mukino wabereye ku kibuga cya Tennis cya 'Ecology Tennis Club', giherereye muri IPRC Kigali, ikipe y'u Rwanda iri mu itsinda rya mbere (A), yatsinze Uganda imikino 3-0. Mu mukino wabanje,Habiyambere Ernest yatsinze umugande Wakoli Nasawali Ronald 2-0 (6-0 na 6-0).
Ku mukino wa kabiri, Karenzi Bertin, kapiteni w'ikipe y'u Rwanda nawe yitwaye neza atsinda Geoffrey Ocen amaseti 2-0 (6-0 na 6-0).
Ku rundi ruhande, mu cyiciro cy'abakina ari babiri kuri babiri (Double), ikipe y'u Rwanda igizwe naKarenzi Bertin na Niyigena Etienneyatsinze iya Uganda yari igizwe na Birungi Edward na Ocen Godfrey amaseti 2-0 (6-2 na 6-0).
Mu yindi mikino ya baye ku munsi wa mbere w'iri rushanwa, ikipe ya Togo iri mun itsinda B, yatsinze Angola imikino 3-0, RDC itsinda iya Botswana imikino 3-0 naho Sudan itsinda itsinda Tanzania imikino 2-1.
Nyuma y'uyu munsi wa mbere, ikipe y'u Rwanda ikaba izaba ifite akaruhuko kuko itazagaragara mu kibuga mu mikino yo ku munsi wa kabiri, iteganyijwe kuri uyu wa Kabiri tariki 05 Nyakanga 2022.
Iri rushanwa ririmo kuba ku nshuro ya mbere mu gihugu cy'u Rwanda, , by'umwihariko no mu Karere,aho ryitabiriwe n'ibihugu 9 igamije gushaka itike yo kujya mu itsinda rya gatatu (C).
Mu gutangiza iri rushanwa, Karenzi Theoneste, Perezida w'ishyirahamwe ry'umukino wa Tennis mu Rwanda,yahaye ikaze ibihugu byose byitabiriye ndetse abifuriza intsinzi. Yakomeje abizeza ko bazakora ibishoboka byose kugira bazishimire kuba bari mu gihugu cyiza cy'u Rwanda.
Perezida Karenzi yanashimiye abafatanyabikorwa bagize iruhare kugira ngo iri rushanwa ritegurwe kandi ko afite n'icyizere cy'uko rizagenda neza nk'uko bariteguye.
Umunyamabanga Uhoraho muri Minisiteri ya Siporo, Bwana Shema Maboko Didier, nawe wari witabiriye, yashimye ibihugu byitabiriye iri rushanwa, aboneraho no kubifuriza kuzagira irushanwa ryiza.
Avuga ko nka Minisiteri yari ahagarariye, bishimira kubona amarushanwa nk'aya ngaya cyane ko aba ari umwanya mwiza kugira ngo abakinnyi b'abanyarwanda baba babonye ngo bagaragaze impano zabo ndetse bnaheshe ishema igihugu.
Iyi mikino izakomeza kuri uyu wa Kabiri, tariki 5 Nyakanga 2022, aho izatangira saa yine za mugitondo(10h00), ikipe ya Congo Brazzaville izakina na Togo, RDC izakine na Angola.
Hervé Berville wabaye Umudepite mu Nteko Ishinga Amategeko y’u Bufaransa, yaje muri Guverinoma y’iki Gihugu mu mpinduka zakozwe na Perezida w’u Bufaransa, Emmanuel Macron uherutse kongera gutorerwa kuyobora iki Gihugu.
Kuva kuri uyu wa Mbere tariki 04 Nyakanga 2022, nyuma y’ishyirwa mu myanya rya Perezida Emmanuel Macron, Hervé Berville yagize Umunyamabanga wa Leta ushinzwe uburobyi ndetse n’ibindi bikorwa bikorerwa mu mazi, aho yasimbuye Justine Bénin.
Uyu munyapolitiki winjiye muri Guverinoma y’u Bufaransa, yavukiye mu Rwanda mu Mujyi wa Kigali, aza kuhava afite imyaka ine ubwo yahungishwaga kubera Jenoside Yakorewe Abatutsi yahitanye ababyeyi be.
Ku myaka 27, muri 2017, Hervé Berville yinjiye mu Nteko Ishinga Amategeko y’u Bufaransa aho yari umukandida w’ishyaka La République en Marche ajya guhagarira aka gace yarerewemo ka Côtes-d’Armor.
Icyo gihe yari yatsinze ku majwi 64,17% ahigitse Didier Déru wari umukandida w’ishyaka ry’aba Républicains wagize amajwi 35,83 %.
Muri Mata 2019, Hervé Berville yaje mu Rwanda mu gikorwa cyo Kwibuka ku nshuro ya 25 Jenoside Yakorewe Abatutsi, ahagarariye Perezida Emmanuel Macron.
Uyu munyapolitiki w’Umufaransa waje ari kumwe n’itinda ayoboye, yanakiriwe na Perezida w’Inteko Ishinga Amategeko y’u Rwanda umutwe w’Abadepite, Donatille Mukabalisa, banagirana ibiganiro byagarutse ku bufatanye b’Inteko z’Ibihugu byombi.
Ubwo yazaga mu Rwanda yakiriwe na Perezida w’Inteko Ishinga Amategeko
Nyuma yo kongera amasezerano muri Liverpool, rutahizamu ukomoka muri Misiri, Mohammed Salah yabaye umukinnyi uhembwa menshi muri shampiyona y’u Bwongereza anyura kuri Cristiano Ronaldo.
Uyu musore wasinye amasezerano azageza muri 2025, azajya ahembwa ibihumbi 400 by’amapawundi ku cyumweru, ubu ari ku mwanya wa 4.
Uru rutonde rwatangajwe n’ibinyamakuru birimo Daily Mail ruyobowe na Kylian Mbappe umufaransa ukinira PSG aho ahembwa miliyoni y’Amapawundi ku cyumweru, Cristiano Ronaldo ari ku mwanya 2.
Dore abakinnyi 10 bahembwa menshi ku Isi, ni amafaranga bahembwa ku cyumweru kandi yabazwe mu mapawundi
1. Kylian Mbappe – Paris Saint-Germain, £1,000,000
2. Lionel Messi – Paris Saint Germain, £960,000
3. Neymar Jr – Paris Saint Germain, £606,000
4. Mohammed Salah – Liverpool, £400,000
5. Cristiano Ronaldo – Manchester United, £385,000
6. Kevin De Bruyne – Manchester City, £385,000
7. Erling Haaland – Manchester City, £375,000
8. David De Gea – Manchester United, £375,000
9. Antoine Griezmann – Atletico Madrid (Intizanyo), £356,000
10. Robert Lewandowski – Bayern Munich, £350,000
Mbappe ni we uyoboye abahembwa menshi ku Isi
Amasezerano mashya ya Mo Salah yatumye aza mu 10 ba mbere
Iri soko ryatashywe ryatashywe kuri uyu wa 4 Nyakanga 2022. Ryubatswe mu isantere ya Masaka mu Karere ka Kicukiro bikozwe na sosiyete UB Connect Ld isanzwe ikora ishoramari mu bwubatsi bw'inzu nini.
Umuyobozi Nshingwabikorwa Wungirije w'Akarere ka Kicukiro, Rukebanuka Adalbert, yavuze iyi nyubako yitezweho kuzamura ubukungu no gufasha mu ishyirwa mu bikorwa ry'igishushanyombonera cy'Umujyi wa Kigali.
Ati 'Mu rwego rw'ubukungu harimo gushyira mu bikorwa igishushanyo mbonera cy'Umujyi wa Kigali kubera ko ari inyubako nziza, abaturage bazajya bakorera mu nyubako zigezweho, ahantu hisanzuye. Abazahacururiza bazabona abakiliya kuko bazahagenda batishisha.'
'Hari n'ibijyanye n'imibereho myiza kuko ubundi birirwaga mu mukungugu bacururiza ahantu izuba ribica none bagiye gukorera mu nzu yubatse, haba ku bacuruzi n'abaguzi ibintu bizagenda neza.'
Yasabye abacuruzi kuriyoboka kugira ngo bazunguke ku buryo na bo bazashora imari mu bindi.
Mu bindi bice by'Akarere ka Kicukiro hatashywe Ibiro by'Utugari byubatswe ku bufatanye n'abatutage mu mirenge itandukanye n'Umudugudu w'icyitegererezo ugiye kwimurirwamo abahoze mu manegeka.
Ku wa 3 Nyakanga kandi hatashywe ku mugaragaro inyubako y'ubucuruzi ya Spellma man Estates Rwanda Ltd iherereye ahazwi nka Sonatubes mu Murenge wa Kicukiro.
Mu Karere ka Nyarugenge ho mu bikorwa byatashywe harimo inyubako ebyiri zimuriwemo imiryango 17 ariko zikaba zifite ubushobozi bwo kwakira imiryango 56 mu Murenge wa Gitega.
Ahubatse izi nzu hari hasanzwe hatuwe ariko hashoboraga gushyira ubuzima bwabo mu kaga kubera ko hakundaga kwibasirwa n'imyuzure ndetse mu myaka yashize hari abo ibiza byagiye bihitana.
Iri soko ni ryo rya mbere Umurenge wa Masaka ubonye. Ni icyiciro cya mbere cyaryo cyuzuye gitwaye agera kuri miliyari enye z’amafaranga y’u Rwanda
Umuyobozi Nshingwabikorwa w'Akarere ka Kicukiro wungirije, Rukebanuka Adalbert, yavuze iyi nyubako yitezweho kuzamura ubukungu no gufasha mu ishyirwa mu bikorwa ry'igishushanyombonera cy'Umujyi wa Kigali
Iri soko rya kijyambere rizafasha ko abaturage batazongera gukorera hantu abakiliya babasanga bikandagira
Ubwo Isoko rya kijyambere mu Murenge wa Masaka ryatahwaga ku mugaragaro
Kuwa Mbere tariki ya 4 Nyakanga 2022, mu birori byo kwizihiza umunsi wo kwibohora ku nshuro ya 28 wabereye kagari ka Nyamatete, mu murenge wa Karenge ku rwego rw’akarere ka Rwamagana, ubuyobozi bw’akarere n’inzego z’umutekano bari kumwe n’umunyamabanga nshingwabikorwa w’intara y’Iburasirazuba, Dr Nyirahabimana Jeanne batashye ibiro by’akagari bubakiwe kubera icyifuzo bahaye guverineri Gasana Emmanuel ubwo yaganiraga n’abaturage nyuma y’umuganda yakoreye mu kagari kabo tariki 28 Gicurasi 2022.
Icyo gihe guverineri Gasana Emmanuel yijeje abatuye akagari ka Nyamatete ko bazizihiza isabukuru yo kwibohora ku nshuro ya 28 bafite ibiro by’akagari bishya.
Yagiraga ati “Mureke muri iyi nama dukore umuhigo. Dufite komiseri uhagarariye polisi hano mu ntara, hari koroneri uhagarariye ingabo na komiseri uhagarariye ishuri rya RCs.  Inkunga yose bazazana n'ubwo yaba ibikoresho, akarere nako kakadufasha bakazana amabati n’ibindi bikoresho by’imbere. Ku itariki ya 4 /7 tuzagaruke kuri ako kagari dutereke intango duhigure umuhigo, dutangire icyo gikorwa ukwezi tuzabe turangije kukubaka, nibiba ngombwa tuzatumire undi mushyitsi arebe icyo twakoze, uwo munsi wo kwibohora uzabe dufite ibiro by’akagari bishya.”
Mbonyumuvunyi Radjab, umuyobozi w’akarere ka Rwamagana yavuze ko batashye ibiro by’akagari ka Nyamatete bemerewe kubera ikiguzi bagejeje ku buyobozi mu muganda rusange.
Yagize ati”Ibirori byo kwibohora uyu munsi twabihereye ku biro by’akagari twatashye Nyakubahwa Guvereneri yemereye abaturage, ubwo yaherukaga hano mu muganda rusange wabaye muri Gicurasi. Abaturage bamugejejeho igitekerezo bamubwira ko bashaka kubakirwa ibiro by’akagari, kuko ibyo bari bafite byari bishaje cyane bakaba barahisemo gukodesha aho akagari gakorera. Guverineri yemereye ibiro by’akagari ndetse birubakwa, ababashije kuhagera mwabonye ko ari ibiro bishimishije kandi twabitashye kuri uyu munsi wo kwibohora nk'uko babisezeranyijwe na Nyakubahwa Guverineri.”
Ibirori byo kwizihiza umunsi wo kwibohora ku nshuro ya 28 mu karere ka Rwamagana, byashojwe n’umukino wahuje ikipe y’ingabo z’igihugu zikorera muri ako karere n’inama y’urubyiruko mu karere ka Rwamagana, umukino urangira Ingabo z’igihugu zitsinze ibitego bitatu kuri kimwe cy’urubyiruko.
Kuri uyu wa 04 Nyakanga 2022, Umunsi wo Kwibohora ku nshuro ya 28, Ubuyobozi bw'Akarere ka Kamonyi, Abafatanyabikorwa, Abaturage n'Ubuyobozi mu Murenge wa Runda, babwiwe ko icyo Ingabo zari iza FPR-Inkotanyi zakoze mu kubohora Igihugu aricyo cyari gikenewe kugira ngo Abanyarwanda batekane. Batashye kandi bimwe mu bikorwa Remezo birimo; Umuhanda wa Kaburimbo Ruyenzi- Gihara, bataha Ikibuga cy'Umupira cya Sitade ya Ruyenzi n'ibindi. Bijejwe kandi ko igice cy'Umuhanda uva Gihara ugera Nkoto nacyo kigiye gutangira gutunganywa vuba.
Mu gutangira ibirori by'Umunsi wo Kwibohora ku Nshuro ya 28, Ubuyobozi bw'Akarere ka Kamonyi, Inzego zitandukanye zigakoreramo, Abafatanyabikorwa, Abaturage n'Ubuyobozi bw'Umurenge wa Runda, babanje kunyura ahazwi nko mu Rugazi, inyuma y'Umurenge wa Runda, bataha Umuhanda wa Kaburimbo wubatswe n'abaturage baho ndetse n'amatara yo ku muhanda, byose byavuye mu bushake n'ubushobozi bwabo.
Umuhanda wo mu Rugazi wubatswe n'abaturage, bishyiriyeho n'amatara awumurikira.
Nyuma yo kuva mu Rugazi, hatashywe ku mugaragaro Umuhanda wa Kaburimbo Ruyenzi-Gihara, aho bavuye muri iki gikorwa bataha ikibuga cy'umupira cya Sitade ya Ruyenzi, nyuma bakomeza ibirori byo kwizihiza uyu munsi mukuru wo Kwibohora ku nshuro ya 28, ibirori byabereye mu Kibuga ku Ruyenzi.
Ubwo abayobozi batahaga uyu muhanda wa Kaburimbo wubatswe n'abaturage ubwabo.
Niyongira Uzziel, Umuyobozi w'Akarere ka Kamonyi wungirije ushinzwe Iterambere ry' Ubukungu ari nawe wari Umushyitsi mukuru, mu ijambo rye yashimye Abaturage bitabiriye uyu munsi mukuru wo kwibohora ku nshuro ya 28 ndetse n'uruhare bakomeje kugira mu bikorwa bitandukanye byubaka Igihugu, ariko kandi binahindura ubuzima bw'umuturage kurushaho kuba bwiza.
Yavuze ku rugendo rw'Imyaka 28 yo kwiyubaka Igihugu kinyuzemo, ashimira by'Umwihariko Ingabo zahoze ari iza RPF-Inkotanyi zahagaritse Jenoside zikabohora Abanyarwanda, zikabohora Igihugu cy' u Rwanda, ndetse ari nabwo zahise zitangira urugamba rwo kongera kucyubaka kugeza aho kiri ubu mu myaka 28 ishize.
Abayobozi bagiye gutaha ku mugaragaro umuhanda wa Kaburimbo wa Ruyenzi-Gihara.
Akomeza avuga ko ibyo byose Igihugu n'Abanyarwanda bamaze kugeraho atari ibyapfuye kwizana gusa, ko hari aho babivoma. Ati' Ibi ng'ibi ariko, banyacyubahiro mwese turi kumwe hano, dufite aho tubivoma, dufite aho tubikura, turabikura ku mugaba mukuru, Nyakubahwa Perezida wa Repuburika Paul Kagame, wahagaritse Jenoside ayoboye urugamba, uyu munsi nabwo akaba akiri ku ruhembe rw'Imbere mu kubaka Abanyarwanda muri iyi myaka 28 dushoje, dushima twese yuko Igihugu cyacu, Abanyarwanda atuyoboye neza kandi Igihugu gitekanye kandi ko giteye imbere'.
Avuga ku bikorwa byakozwe muri aka Karere ka Kamonyi ku bw'iyi Sabukuru y'Imyaka 28 yo Kwibohora, yavuze Umuhanda watashywe wa Kaburimbo wa Ruyenzi-Gihara, ufite uburebure bwa Kilometero eshanu(5), aboneraho no kwizeza ko igice cyawo gisigaye cya Gihara-Nkoto kigiye gutangira gutunganywa, aho yijeje ko igihe nk'iki umwaka utaha naho hazatahwa, bityo umuhanda Ruyenzi, Gihara, Nkoto ukazaba ukoze neza wose urimo Kaburimbo.
Ubwo abayobozi bagendaga muri uyu muhanda wa Ruyenzi-Gihara bari bamaze gutaha.
Yagize ati' Mbonereho no kubamenyesha yuko tugiye gukomeza tukava muri Gihara tugana mu Nkoto kugira ngo duhuze iyi Kaburimbo. Turizera tudashidikanya yuko ku itariki nk'iyi ngarukamwaka, ku nshuro ya 29, uriya muhanda nawo tuzawutaha'.
Mu bindi bikorwa Visi Meya Uzziel yavuze byatashywe harimo; Amashanyarazi ari mu bice bitandukanye bya Runda, ariko kandi avuga ko ari ibikorwa biri mu karere hose, haba mu bigo by'Amashuri, Amavuriro ndetse no mu baturage muri rusanjye ubwabo. Yavuze ko nk'akarere bageze ku kigero cya 58% mu bijyanye n'amashanyarazi, yibutsa ko hakiri urugendo rwo gusozwa kugira ngo muri 2024 buri munyarwanda azabe afite Umuriro nkuko Perezida wa Repuburika Kagame Paul yabyijeje Abanyarwanda.
Ubwo batahaga ku mugaragaro ikibuga cya Sitade ya Ruyenzi.
Yavuze kandi ku birometero bigera kuri 68 by'imiyoboro y'Amazi meza yahawe abaturage nayo ikaba iri mu byatashywe, avuga ku ku kibuga cy'Umupira cya Sitade ya Ruyenzi cyatashywe, ahamya ko kizongera ibyishimo by'Abesamihigo ba Kamonyi ndetse kigatuma abana bafite impano bigaragaza ndetse kandi abaturage bakagira ubuzima bwiza kubera gukorera Siporo ahantu hasobanutse.
Yavuze kandi ibikorwa byikorewe n'abaturage barimo aba Rugazi bizaniye umuriro w'Amashanyarazi ndetse bakaba barubatse umuhanda wa Kaburimbo, yibutsa ko ibyo bigaragaza urugero rw'Ibishoboka, asaba ko buri wese agaragaza uruhare rwe mu bikorwa bigamije iterambere ry'Igihugu ariko kandi by'umwihariko iterambere ry'Umuturage. Yijeje uruhare rw'Ubuyobozi bw'Akarere mu bikorwa byose bigamije iterambere ry'Igihugu n'Umuturage.
Ibirori by'uyu munsi mukuru wo Kwibohora ku nshuro ya 28, byasojwe n'ubusabane bw'Abayobozi n'abaturage ndetse n'abafatanyabikorwa batandukanye. Nyuma ya byose, byasojwe n'Umupira w'Amaguru wabereye ku Kibuga cya Sitade ya Ruyenzi, Ikipe ya Kiyovu Siporo ikaba yahahuriye n'akaga kuko yanyagiwe ibitego bitanu( 5) kuri bitatu(3), yatsinzwe n'abakinnyi ba Kamonyi bakuwe mu kigo cy'ishuri ryisumbuye rya ECOSE Musambira. Nyuma kandi kuri iyi sitade, hakomereje ibirori byo gususurutsa abaturage bishimira Isabukuru nziza y'Imyaka 28 yo Kwibohora.
Abana bato n'abakuru berekanye aho bageze mu kwiga umukino wa Karate.
Ubusabane, ikigori ku isonga.Ikipe y'Abakozi b'Akarere n'abacuruzi niyo yabanje mu kibuga.Kiyovu Siporo yaje i Runda yahavuye nabi kuko yakubiswe 5-3.
Visi Meya Niyongira Uzziel yatangizaga umupira wa Kiyovu n'Abanyakamonyi( bavuze muri ECOSE bakanyagira iyi kipe ya Kiyovu ibarizwa mu cyiciro cya mbere mu Rwanda).Ni ibirori byitabiriwe n'Abayobozi batandukanye.
Abo mu ruganda IngufuGin n'Umuhanzi Senderi basusurukije abitabiriye ibirori.
Ni mu kiganiro cy’iminota 90 Papa Francis yagiranye na Reuters ari i Vatican, mu ngoro ye muri iyi weekend. Uyu mushumba yashimangiye uruhande rwa Kiliziya ku ngingo yo gukuramo inda, aho kimwe n’indi myemerere nyobokamana bemeza ko ubuzima butangira umuntu agisamwa. Yavuze ko agereranya ”gukuramo inda nko guha akazi umwicanyi” kuko amahame ya Kiliziya abyamaganira kure. Mu magambo ye yagize ati: ”Ndabaza: Ese byemewe n’amategeko? Birakwiye se gukuraho ubuzima bw’umuntu kugira ngo ukemure ikibazo?'Â
Muri iki kiganiro cyagarutse ku ngingo nyinshi, Papa Francis yamaganiye kure ibihuha byakwiriye ko yaba agiye kwegura ku nshingano ze, ahubwo avuga ko ateganya byinshi imbere harimo n’uruzinduko mu Burusiya na Ukraine.
Papa Francis yanabajijwe kuri Nancy Pelosi uyobora Inteko Nshingamategeko ya Amerika, wahagarikiwe amasakaramentu iwabo azira gushyigikira amahitamo ku gukuramo inda.
Uyu muyobozi Papa Francis yari abajijweho, yafungiwe amasakaramentu na Musenyeri wa Diyosezi abarizwamo azira kuba yaragaragaje ko ashyigikiye amahitamo y’abagore ku gukuramo inda. Gusa uyu muyobozi ubwo yitabiraga misa yabereye i Vatican mu cyumweru gishize, yagaragaye ajya guhazwa kandi atarakomorerwa amasakaramentu.
 Mu mwaka w’1973 ni bwo Urukiko rw’Ikirenga rwa Amerika rwemeje gukuramo inda mu mategeko, mu mwanzuro witiriwe Roe v. Wade na Doe V. Bolt. Gusa, na mbere y’uko byemezwa ku rwego rw’igihugu, muri Leta zimwe na zimwe gukuramo inda byari bisanzwe byemewe n’amategeko.
Mu nama yiga ku buzima bw'imyororokere ku wa Gatanu ushize, Perezida Maada Bio, yavuze ko ashaka ko igihugu cye kiba ahantu heza habereye abagore n'abakobwa.
Biteganyijwe ko Inteko Ishinga Amategeko ya Sierra Leone mu minsi ya vuba izaganira ku mushinga w'itegeko ugamije kuvana gukuramo inda mu byaha bihanwa n'amategeko.
Amategeko yo gukuramo inda icyo gihugu gifite kuri ubu ni ayo mu 1861, agena ko umugore yemererwa gukuramo inda mu gihe ishobora kugira ingaruka ku buzima bwe gusa.
Mu mwaka wa 2015 Inteko yatoye umushinga wari ugamije kwemera gukuramo inda ariko Perezida Ernest Bai Koroma yanga kurisinya, avuga ko ari ingingo ikwiriye kujya muri kamarampaka.
Loni igaragaza ko mu mwaka wa 2017, muri Sierra Leone nibura mu bagore ibihumbi ijana bajyaga kubyara, abagore 1120 bapfaga.
Inzego z'ubuzima zivuga ko gukuramo inda bigize 10Â % by'abagore bapfa babyara n'abana bapfa bavuka mu Burengerazuba bwa Afurika.
Gukuramo inda muri Sierra Leone bigiye kwemerwa mu itegeko
Umuhanzi nyarwanda uririmba Davis D kuri ubu Ari gutwikira ku mugabane wiburayi mu ruhererekane rwibitaramo yise Afro Killer concerts.
Byamenyekanye ko amaze gukorera igitaramo mu gihugu cyububirigi Nyuma yamashusho yagaragaye Ari ku rubyiniro hamwe abakobwa bibizungerezi.
Nyuma yo gutaramira mu bubirigi Davis D arahita ajya gutaramira mu gihugu cyubufaransa mu mugi wa Lyon nkuko yabitangaje akoresheje imbuga nkoranyambaga akoresha.
Perezida Paul Kagame yavuze ko u Rwanda rutigeze ruhuga ku kijyanye no kurinda umutekano w’Igihugu, kuko urebye ku Isi yose mu bihugu bifite umutekano, u (…)
