Webrwanda Backend

Category: Uncategorized

  • MINISANTE yahaye gasopo ibitangazamakuru mu Rwanda #rwanda #RwOT

    Minisiteri y'Ubuzima ibinyujije ku rubuga rwayo rwa Twitter, yabwiye Itangazamakuru mu Rwanda ko ribujijwe gukora ibiganiro by'Ubuvuzi cyangwa ibyerekeye imiti badahawe icyangombwa na minisiteri y'ubuzima.

    Minisante yagize iti 'Birabujijwe kwamamaza imiti n'ibikorwa by'ubuvuzi binyuze mu isakazamashusho, ibiganiro by'itangazamakuru, ibitabo, ubutumwa bushyizwe ku mihanda cyangwa ubundi buryo.

    Ibigo by'itangazamakuru bibujijwe gutangaza ibikorwa byo kwamamaza imiti n'ibikorwa by'ubuvuzi.

    Muri Mutarama 2019 Minisiteri y'ubuzima yari yashyize hanze itangazo rihagarika inzira zose zakoreshwaga mu kwamamaza ibikorwa by'ubuvuzi.

    Icyakora ibyasabwe ntibyakurikijwe n'ibitangazamakuru bimwe na bimwe kuko hari ibyari bibeshejweho n'ayo matangazo.

    Ibyasabwe na Minisante byantunguye bamwe kuko n'ibinyamakuru birimo ibikomeye byamamaza imiti.

    Source : https://umuryango.rw/amakuru/mu-rwanda/ubuzima/article/minisante-yahaye-gasopo-ibitangazamakuru-mu-rwanda

  • Kabaye: umugabo amaze imyaka myinshi ajya mu mihango kubera impamvu ikomeye – YEGOB #rwanda #RwOT

    Umugabo yatunguwe no gusanga afite imisemburo ya kigore nyuma y'imyaka 20 ajya mu mihango atazi impamvu.

    Amakuru avuga ko uyu mugabo w'imyaka 33 y'amavuko ukomoka mu gihugu cy'Ubushinwa wamenyekanye gusa ku mazina ya Chen Li mu rwego rwo kurinda umwirondoro we, yabanje gusuzumwa appendicite nyuma yo gukomeza gutaka ikibazo cyo mu nda n'amaraso mu nkari ze.

    Ibimenyetso bya Chen ngo byatangiye nyuma yo kubagwa ngo hakosorwe ikibazo cyo kwihagarika kudasanzwe mugihe cy'ubugimbi. Yakomeje kubona ibimenyetso mu myaka 20 ishize.

    Nubwo yavuwe na appendicite, ibimenyetso bya Chen byarakomeje. Umwaka ushize ni bwo abaganga amaherezo babonye icyamuteraga ibimenyetso: Bivugwa ko Chen yari afite chromosomes z'abagore.

    Chen amaze gukora urugendo rw'ibirometero 930 avuye mu ntara ya Sichuan yerekeza i Guangzhou gusura ibitaro bivura ibibazo by'imyanya myibarukiro, Chen yavumbuye mu isuzuma ry'ubuvuzi ko afite n'imyanya y'imyororokere y'abagore, nka nyababyeyi na ovaires.

    Ubundi bushakashatsi bwakozwe kwa muganga bwerekanye kandi ko imisemburo ye ya kigabo ya androgene yari ifite urwego ruri munsi y'urusanzwe. Imisemburo y'abagore ya Chen na ovaries nabyo byarakoraga kandi bivugwa ko yagereranywa n'iy'umugore ukuze muzima.

    Nyuma yo kubimenya, uyu mugabo yatangajwe ko ari intersex, bivuze ko yari afite imyanya myibarukiro y'umugabo n'iy'umugore.

    Source : https://yegob.rw/kabaye-umugabo-amaze-imyaka-myinshi-ajya-mu-mihango-kubera-impamvu-ikomeye/

  • Ibiciro ku isoko mu Rwanda byazamutseho 13.7% muri Kamena 2022 #Rwanda #RwOT via @kigalitoday #rwanda #RwOT

    Ikigo cy’Igihugu gishinzwe ibarurishamibare mu Rwanda (NISR), cyatangaje ko ibiciro mu mijyi byiyongereyeho 13.7% muri Kamena 2022 ugereranyije na Kamena (…)

    Source : https://www.kigalitoday.com/amakuru/amakuru-mu-rwanda/article/ibiciro-ku-isoko-mu-rwanda-byazamutseho-13-7-muri-kamena-2022

  • “Ndashaka kukubera aho ukunda” Shaddyboo yagaragaye mu munyenga w’urukundo na Manzi – YEGOB #rwanda #RwOT

    Shaddy boo, ni umwe mu bagore bamaze kwigarurira imitima y'abantu benshi bakunze gukoreshwa urubuga rwa Instagram, biciye ku mafoto ndetse n'udushya twinshi ahorana.

    Mu minsi yashize nibwo hagiye hanze, amakuru avuga urukundo hagati y'uyu mugore ndetse n'undi musore w'umunyarwanda ariko uba kuri Kenya Manzi.

    Ku rukuta rwe rwa Instagram, yashyizeho ifoto imugaragaza ari mu munyenga w'urukundo rukomeye n'uyu musore bakundana anayiherekeresha amagambo y'urukundo.

    Shaddyboo yagize ati:' ndashaka kukubera ahantu ushaka kujya, yaba mu byiza ndetse n'ibi'.

    Shaddyboo akaba afitanye abana babiri n'umugabo bahoze bakundana Meddy Saleh.

    Source : https://yegob.rw/ndashaka-kukubera-aho-ukunda-shaddyboo-yagaragaye-mu-munyenga-wurukundo-na-manzi/

  • Undi munyamakuru ukomeye asezeye kuri RBA – YEGOB #rwanda #RwOT

    Benshi mu banyamakuru ba RBA bamaze gusezera ndetse batangiye indi mirimo irikure y'ubunyamakuru bamwe kandi babaye ba rwiyemeza imirimo.

    Umunyamakuru Athan Tashobya warukunze kuvuga amakuru mu cyongereza yanditse ibaruwa ndende ashimira benshi babanye muri RBA .

    Mu ibaruwa yanditse yashimiye RBA mu myaka 4 yaramaze ndetse ko yize byinshi byamufashije gukabya inzozi .

    Yijeje abakunzi be ko azabamenyesha indi mirimo agiyemo mu gihe cya vuba.

    Source : https://yegob.rw/undi-munyamakuru-ukomeye-asezeye-kuri-rba/

  • Karongi: Urukiko rwanze ubusabe bwo kudafungwa ku mushinwa wakubise Abanyarwanda abazirikiye ku giti – #rwanda #RwOT

    Ku itariki ya 30 Werurwe 2022 nibwo Urukiko Rwisumbuye rwa Karongi rwahamije umushinwa witwa Shujun Sun igihano cy'igifungo cy'imyaka makumyabiri ndetse ruhanisha n'umunyarwanda witwa Renzaho Alexis igihano cy'igifungo cy'imyaka cumi n'ibiri runategekako ko bahita bafatwa bagafungwa kabone n'iyo urubanza rwajuririrwa.

    Aba bombi bari bakurikiranweho n'Ubushinjacyaha ubufatanyacyaha bw'icyaha cy'iyica rubozo bakoreye abahoze ari abakozi be bakoreraga mu kigo cye gicukura amabuye y'agaciro giherereye mu Karere ka Rutsiro no mu Karere ka Nyamasheke.

    Uyu mushinwa nyuma yo kwibwa amabuye aho i Nyamasheke, yaje gukeka bamwe mu bakozi bamukoreraga akazi ko mu rugo harimo umuzamu ndetse n'uwamutekeraga, abazana mu Karere ka Rutsiro abazirikira ku giti kimeze nk'umusaraba yari yarashinzeyo arabazirika , arabakubita inkoni nyinshi cyane afatanyije na Renzaho Alexis.

    Abaregwa bamaze guhamwa n'icyaha baje kukijuririra mu Rukiko Rukuru urugereko rwa Rusizi, ndetse batanga n'ikirego cyihutirwa basaba urwo Rukiko ko icyo cyemezo cyo guhita bafatwa bagafungwa cyavanwaho kuko Urukiko Rwisumbuye rwabitegetse kandi bitari byarasabwe n'Ubushinjacyaha.

    Nyuma yo gusuzuma icyo kirego cyihutirwa ,Urukiko rwanzuye ko nta shingiro gifite ndetse rutegeka ko icyo cyemezo bari bafatiwe n'Urukiko Rwisumbuye rwa Karongi kigumanye agaciro kacyo.

    Mu byo abo baturage bakorewe harimo no gukubitwa baboheye ku giti cyashyizwe ahantu hari hariswe i Gologota

    Source : http://igihe.com/amakuru/u-rwanda/article/karongi-urukiko-rwanze-ubusabe-bwo-kudafungwa-ku-mushinwa-wakubise-abanyarwanda

  • MINISANTE yahagaritse abamamaza ibikorwa by’ubuvuzi #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yasohoye itangazo ribuza kwamamaza ibikorwa byose by’ubuvuzi mu gihe baba batabiherwe uburenganzira n’iyo (…)

    Source : https://www.kigalitoday.com/amakuru/amakuru-mu-rwanda/article/minisante-yahagaritse-abamamaza-ibikorwa-by-ubuvuzi

  • Riderman yasusurukije abaturage bitabiriye um… – #rwanda #RwOT

    Kuri uyu wa gatandatu nibwo Ubuyobozi bw’intara y’Uburasirazuba, akarere ka Nyagatare ndetse n’inzego z’umutekano batashye ku mugaragaro sitade y’Akarere ka Nyagatare. Iyi sitade yari imaze imyaka itatu ikoreshwa, ariko itaratahwa ku mugaragaro. Uyu muhango wari witabiriwe n’ingeri zose, abana, abakecuru n’abasaza, dore ko kwinjira byari ubuntu.

    Igitego cya Riderman cyatangiye ibyishimo ari byose ku bakunzi ba Sunrise FC 

    Kuva ku isaha ya saa 16:00, abaturage bakurikiye umukino wa gicuti wahuje Sunrise FC izajya yakirira imikino yayo kuri iyi sitade ndetse n’ikipe ya APR FC, maze Sunrise FC itsinda APR FC ibitego 2-0 byose byabonetse mu gice cya kabiri (62’90’) bitsinzwe na Ruhinda Faruku uri mu igerageza muri iyi kipe.

    Nyuma y’uyu mukino nk'uko bari babisezeranyijwe, umuhanzi Riderman yuriye urubyiniro maze aririmbira abaturage karahava. 

    Ku isaha ya 18:10 nibwo uyu Muhanzi ukunzwe n’ingeri zose yazamutse mu rubyiniro, aho yahereye ku ndirimbo 'Ntakibazo' yakoranye n’itsinda Urban Boys. Riderman kandi yakurikijeho indirimbo 'Romeo and Juliet' yafatanyije na Dream Boys. Indirimbo ya gatatu yabaye 'Ikinyarwanda' yafatanyije na Bruce Melody. Nyuma y’izi ndirimbo, Riderman yafashe akanya ashishikariza abaturage kwirinda ibiyobyabwenge by'umwihariko urubyiruko kuko ari imbaraga z'ejo hazaza. 

    Abafana ibyishimo byari byose nyuma yo kubona Riderman btaherukaga

    Riderman washinze itsinda Ibisumizi, yongeye kandi asaba umuvanzi w’imiziki nawe wari wabucyereye ubundi bongera kuririmbira abaturage nabo bari banze gutaha. 'Horo' niyo ndirimbo ya kane uyu Muhanzi yaririmbye, gusa ikirangira abwira abafana ko iyi ndirimbi ayiririmba nk'aho yasinze ariko inzoga atari nziza ku buzima bw’umuntu. Riderman yahise azamuka n’indirimbo ya Gatanu ariyo 'Nisamehe' yafatanyije na Safi Madiba.

    Abafana ibyo gutaha ntibabikozwaga

    Aho iminota yari igeze, abafana bari batangiye kwishimira Riderman ndetse nawe atungurwa n’uburyo indirimbo zose ari kuririmba asanga abafana bazizi. Ahagana mu ma saa 18:35, nibwo Riderman yaririmbye 'Ntakabya' yakoranye na  Christopher nayo asanga abafana bayizi mu busa. Ubwo Riderman yaririmbaga 'Nyumbani' yafatanyije na Bruce Melody, nibwo ibuntu byatangiye gufata indi ntera abafana bajya hejuru, bamwe batangira no guta indangamuntu kuko zarangishwaga ubutitsa. Indirimbo 'Simbuka' y’uyu muhanzi nayo yaje ihuhura byose kuko nta muntu n’umwe wasigaye yicaye muri sitade, ahubwo bose bari bubahirije umuvuduko w’iyo ndirimbo ndetse n’izina ryayo maze barasimbuka karahava.

    Ibice byose bya sitade byari byabaye mwidagadure kuko hari nabahisemo kujya kubyinira mu kibuga ubwo Riderman yaririmbaga

    Riderman yakurikijeho indirimbo zindi zirimo: Igicananiro, Umwana w’imuhanda, Come back yakoranye na Safi Madiba, Intahiro yakoranye na Urban Boys, Nikonabaye ndetse na till i die.

    Indirimbo zose uyu muhanzi ufite guma guma ya 2013 yaririmbye, yatunguye n’uburyo abafana ba Nyagatare bazishimiye kandi bazi no kuziririmba kugera n'aho nawe amarangamutima amufata akabashimira avuga ko anyuzwe n’urukundo bamweretse.

    Ubwo Riderman yari arimo kuririmba Horo

    Senderi niwe wagombaga gusimbura Riderman ku rubyiniro ariko byabanje kugorana kuko abafana bari banze ko Riderman agenda, biba ngombwa ko afatanya na Senderi ku rubyiniro. Abafana batangiye batumva neza Eric Senderi ariko nyuma yo kubaririmbira indirimbo 2 zirimo Tuzarwubaka, bose bahise bayoboka.

    Aha Eric Senderi yari aje gukorera mungata Riderman 

    Abafana bati” wowe Riderman nta hantu uri bujye”

    Mu myanya y’icyubahiro naho abafana bari buzuye

    Abaturage ba Nyagatare batahanye ibyishimo by’impanga nyuma yo gutsinda APR FC bakanataramirwa n’umuhanzi w’ikirangirire

    Source : https://inyarwanda.com/inkuru/118851/riderman-yasusurukije-abaturage-bitabiriye-umuhango-wo-gutaha-sitade-yakarere-ka-nyagatare-118851.html

  • DJ Briane yitabanye ifirimbi, Spinall yiyonge… – #rwanda #RwOT

    Ahagana i Saa 15:00 ku manywa, Juru Park yari yatangiye gutegurwa no gutakwa amabara yihariye y’umuhondo, asanzwe aranga uruganda rwa SKOL rwenga ibinyobwa bisembuye n’ibidasembuye, ari narwo rwari rwateguye ibi birori ku bufatanye na Cobra Productions.

    Ahagana i Saa 17:00′ abataramyi ba mbere bari batangiye kugera kuri Juru Park, aho bakirwaga n’abakobwa b’uburanga basanzwe bakorera SKOL, nabo bari barimbye mu myenda yiganjemo amabara y’umuhondo.

    Abakiraga abataramyi

    I Saa 19:00, abashinzwe gutegura ibikoresho bisakaza amajwi bari basoje kunoza imikorere yabyo, abataramyi b’inkwakuzi baherako barabyina ari nako basangira ibyo kunywa bikorwa n’uruganda rwa SKOL ndetse n’amafunguro yari yateguwe n’abo muri Juru Park.

    Uhereye i Saa 21:00, abaDJs bari batumiwe bagiye basimburana mu mwanya wo gucurangiramo ahari hateraniye abacuranzi barindwi aribo; Dj Pyfo, Dj Lou, Dj Julz, Dj Trapboy, Dj Briane, Dj Sabba ndetse na DJ Spinall waturutse muri Nigeria.

    Abafana b’umubare uringaniye bagendaga biyongera gake gake kugeza ahagana i Saa 23:00, ari nako abacuranzi basimburanaga imbere y’abakunzi ba muzika aho umwe yavaga ku rubyiniro agasiga ahamagaye undi.

    Umunya-Nigeria, DJ Spinall wasoreje abandi yari yahawe isaha imwe yo gucuranga ariko kubwo kwishimirwa n’abataramyi yiyongeza indi saha we n’ababyinnyi bazanye, bashyushya abitabiriye ibirori kugeza ahagana i Saa 02:00 z’igicuku ari nabo ibirori byahumuje.


    SKOL itegura muri byose



    DJ Briane yitabye Pyfo n’ifirimbi






    Byaryoshye


    DJ Spinall yacuranze biratinda



    AMAFOTO: SANGWA Julien

    Source : https://inyarwanda.com/inkuru/118850/dj-briane-yitabanye-ifirimbi-spinall-yiyongeza-isaha-yibyishimo-uko-ijoro-rya-party-in-the-118850.html

  • Kizz Daniel ubura amasaha mbarwa akagera mu R… – #rwanda #RwOT

    Mu butumwa yanyujije ku mbuga nkoranyambaga, Kizz Daniel yagize ati: 'Ndabashimiye kuba mwaritabiriye kandi mbasabye imbabazi kubitarabashimishije,  mu kuri pasiporo yanjye yari mu kigo cy'ubugenzuzi cya Leta Zunze Ubumwe za Amerika muri Nigeria kugeza ku munsi nagombaga kuziraho, byanatumye indege yagombaga kunzana atariyo yanzanye. Nifashishije iyigenga ariko nayo ntiyabashije kunyemerera kuhagerera igihe.'

    Mu gusoza ubu butumwa yavuze ko yumvaga bagisubika, ariko abo bakorana bakamwemeza ko bibasha kuza gukunda nyamara bikarangira bitagenze nk'uko babitecyerezaga, abasezeranya ko igitaramo cye kitagenze nk'uko yabyifuzaga bityo azareba uko cyapfuburwa.

    Ibi Kizz Daniel abitangaje nyuma y'uko yari yarakariwe cyane, kuko yacyerewe kugera ahagomba kubera igitaramo yari afite mu gace ka Silver Spring muri Maryland. Kizz Daniel wacyerewe amasaha agera kuri 4 ategerejwe n'abafana n'aho ahagereye akaririmba iminota 30 yonyine, yavugirijwe induru n'abafana basabaga gusubizwa ayabo bamushinja kutaba umunyamwuga mubyo akora.

    Iki gitaramo kikaba kiri mu ruhurirane rw'ibyo akomeje gukorera mu bice bitandukanye bya Leta Zunze Ubumwe za Amerika muri iyi Nyakanga 2022.


    Azataramira mu Rwanda ahita asubira muri Amerika


    Urutonde rw’ibitaramo akomeje gukorera muri Leta Zunze Ubumwe za Amerika

    N'ubwo bwose yacyerewe ariko ibitaramo ari gukora ari kwishimirwa


    Ubutumwa bwa Kizz Daniel yisegura kubafana

    Source : https://inyarwanda.com/inkuru/118858/kizz-daniel-ubura-amasaha-mbarwa-akagera-mu-rwanda-yasabye-imbabazi-kubwigitaramo-yacyerew-118858.html