Category: Uncategorized

Mu byo baziga muri aya masomo harimo gukora no gutunganya amafoto ku buryo bugezweho, gukora amashusho mato (video) cyane y’abana, kwiga ibijyanye n’umuco n’imyifatire ku bijyanye n’ikoreshwa ry’ikoranabuhanga n’ibindi byinshi bazigiramo bikabafasha kumenyera gukoresha ikoranabuhanga mu buzima bwabo bwa buri munsi no mu masomo biga.

Umuyobozi mukuru w’iki kigo gitanga amahugurwa, Bwana Uwayezu Imara Theoneste avuga ko impamvu bahisemo gufasha abana kwiga amasomo y’ikoranabuhanga bakiri bato, ari ukugira ngo babafashe gukura babizi neza ngo kuko iyo batangiye kubyiga barakuze bibagora kubyumva neza.

Yagize ati'Dusanzwe tugira gahunda zo kwigisha amasomo y’icyongereza ku rwego ruhanitse n’abarimu b’inzobere muri byo, ibi twabyongeyeho gutegurira abana bato amasomo atandukanye y’ikoranabuhanga, ni nyuma y’uko twabonye ko abantu bakuze usanga bagorwa n’ikoranabuhanga kuko babyiga bakuze ntibabyumve neza'

Akomeza agira ati 'Niyo mpamvu twahisemo kuryigisha abana bakiri bato, bakure barikoresha mu buzima bwabo bwa buri munsi baryibonemo, barikoreshe mu myigire yabo ya buri munsi ndetse ribafashe kwiga kuvumbura no gukora udushya kubera ikoranabuhanga, bafite abarimu b’inzobere muri byo kuburyo bazabyiga mu gihe gito kandi bakaba inzobere muri byo'

Muri iri shuri IFA Speak & Tech Academy ubusanzwe hanatangirwa amasomo y’icyongereza kigishwa ku rwego mpuzamahanga, aho urangije muri iri shuri aba azi neza kuvuga no kwandika neza icyongereza, afite ubushobozi bwo kukivugira mu ruhame adategwa, kugikoresha muri bizinesi zitandukanye, kuba yatsinda ikizamini icyo ari cyo cyose giteguye mu cyongereza n’ibindi byose birebana n’ikoreshwa ry’uru rurimi.

Biteganyijwe ko aya masomo y’ikoranabuhanga azahabwa aba bana azatangirana n’ibiruhuko kuva kuwa 18 Nyakanga 2022, ndetse na nyuma y’uko amasomo atangira iyi porogaramu ikazakomeza bakajya bahabwa aya masomo mu mpera za buri cyumweru(Weekend). Abifuza kujyana abana babo kuri iri shuri kwiyandikisha byaratangiye, ku ishami rya Kimironko aho bita kuri Cafe ndetse no ku Gisozi iruhande rwa REB ku marembo ya Regina Pacis.

Uwakenera ibindi bisobanuro yahamagara :+250788384737 (Whatsapp&Call) | +250788302964

Uyu mugabo wiyita Umunyapolitiki, muri Gashyantare 2011 yakatiwe n’Urukiko Rukuru igifungo cy’imyaka ine nyuma yo kumuhamya ibyaha bitatu birimo gukurura amacakubiri no guhungabanya umudendezo w’Igihugu.

Muri Gicurasi uyu mwaka, Ntaganda yatangaje ko Ishyaka rye rya PS Imberakuri [igice kitemewe] ryamaze kumwemeza kuzamutangamo umukandida mu matora y’Umukuru w’Igihugu ya 2024.

Aya matora y’Umukuru w’Igihugu ateganyijwe muri 2024, aherutse kugarukwaho na Perezida Paul Kagame mu kiganiro yagiranye na France 24 mu cyumweru gishize aho yabajijwe niba azongera kwiyamamaza.

Ubwo yabazwaga iki kibazo, Perezida Kagame yahise asubiza agira ati 'Niteguye no kuzimamaza no mu yindi myaka 20. nta kibazo na kimwe mbifiteho.'

Bernard Ntaganda, mu kiganiro yagiranye na Radio Mpuzamahanga y’Abafaransa (RFI), yagize icyo avuga ku byatangajwe na Perezida Paul Kagame.

Yagize ati 'Ntabwo natunguwe ariko kuri twe nk’Abanyarwanda by’umwihariko abatavuga rumwe n’ubutegetsi, ni inkuru mbi.'

Bernard Ntaganda ukomeza avuga ko n’iyi manda ya Perezida Paul Kagame arimo atari ayikwiye, yavuze ko kugeza ubu u Rwanda ruri kunyura mu bibazo avuga ko biterwa n’imiyoborere yita iy’igitugu.

Ati 'Hari ibibazo by’ubukungu, ibibazo byerecyeye umutekano, byerecye imibereho, ibibazo byerecyeye imibanire n’amahanga.'

Uyu mugabo akomeza avuga ko igihe kigeze ngo Perezida Kagame arekure ubutegetsi ngo kuko ubutegetsi bumazeho imyaka 28 mu Rwanda ngo bwateje ibibazo Abanyarwanda.

Bernard Ntaganda aravuga ibi mu gihe u Rwanda rukomeje kuba intangarugero mu ngeri zinyuranye by’umwihariko imiyoborere myiza yatumye Igihugu n’Abanyarwanda batera imbere.

Ibi byose kandi ntawundi babikesha atari Perezida Paul Kagame wagize uruhare rukomeye mu kubohora u Rwanda ndetse akanashyiraho imirongo migari yatumye iki Gihugu kirahirirwa na buri wese kubera iterambere.

Ntaganda Bernard wakunze gukoresha amagambo aremereye nk’aho yagira ati 'Tura tugabane niwanga bimeneke', avuga ko aziyamamaza mu matora ya 2024 mu gihe Itegeko Nshinga ry’u Rwanda cyane cyane mu ngingo yaryo ya 99 igaragaza ibigomba kuba byujujwe n’umuntu wemerewe kwiyamamaza.

Bimwe muri byo ni nko kuba ari 'indakemwa mu myifatire no mu mibanire ye n’abandi ; kuba atarigeze akatirwa burundu igihano cy’igifungo kingana cyangwa kirenze amezi atandatu (6) ; atarambuwe n’inkiko uburenganzira mbonezamubano n’ubwa politiki ;…'

Perezida wa Sri Lanka, Gotabaya Rajapaksa, yatangaje ko tariki ya 13 Nyakanga 2022, azarekura ubutegetsi mu mahoro, nyuma y’imyigaragambyo y’abaturage yabaye (…)

Iyi mikino mpuzamahanga ihuza abasirikare iteganijwe kubera mu Burusiya guhera kuwa 13 kugera kuwa 27 Kanama 2022, ikazahuza amakipe 275 aturutse mu bihugu 37.

Minisitiri w’Ingabo w’Uburusiya yemeje ko ibihugu bya Afurika birimo

Niger n’u Rwanda bizitabira iyi mikino ku nshuro ya mbere, mu gihe Venezuela yo muri Amerika y’Epfo nayo izaba yitabiriye iyi mikino ku nshuro ya mbere.

Imikino mpuzamahanga y’Abasirikare yatangijwe n’igihugu cy’Uburusiya, aho iki gihugu kivuga ko ari urubuga ingabo zihuriraho zungurana ubunararibonye no kuganira ku bufatanye nk’uko bitangazwa na Xinhua dukesha iyi nkuru.

Aba baturage bo muri aka gace, bavuga ko bamaze igihe kinini basaba guhabwa amazi asukuye kugira ngo na bo bagire ubuzima bwiza nk’abandi ariko ko bakomeje kubima amatwi.

Bakoresha amazi bavoma mu tugezi duto turi mu kabande turimo amazi y’ibiziba mu gihe abandi bakoresha ayo mu mugezi wa Mukungwa.

Uwamurera Theodosie yagize ati 'Ikibazo cy’amazi hano kimaze igihe kirekire, twinywera amazi atemba, abandi bakanywa uruzi (Mukungwa) wagirango hano ni mu kindi Gihugu.'

Zigarukiye Phocas bakunda kwita Kabila we yagize ati 'Wagira ngo hano Leta yacu iradukwepa. Ikibazo cy’amazi kimaze igihe kinini cyane, ubuyobozi bwo ku Kagari ni bwo bwageze hano, urets eko no ku Murenge babimenye. Amazi y’uruzi rwa Mukungwa ni yo twinywera hamwe n’utugezi dutemba mu muhanda.'

Uyu muturage akomeza agira ati 'Ukurikije aho iterambere ry’u Rwanda rigeze ntitwakabaye tukinywa amazi atemba mu muhanda.'

Phocas akomeza avuga ko hari n’igihe baba bari kuvoma muri uyu mugenzi wa Mukungwa bakajya kubona bakabonamo umurambo kuko muri uyu mugezi hajya hagwamo abantu.

Ati 'Hari ubwo uba uri kuvoma ukabona umupfu ari gutemba, ukamwigizayo ukavoma kuko ntakundi wabigenza.'

Avuga kandi ko amazi akoreshwa n’aba baturage amenwamo imyanda myinshi ku buryo abaturage bakoresha aya mazi bahorana indwara ziterwa n’aya mazi mabi.

Ati 'Ibitaro bya Ruhengeri imyanda yose bakoresha bayohereza muri Kigombe na yo ikohereza hano muri Mukungwa natwe tukanywa, ibaze ibyo bintu tunywa.'

Umuyobozi w’Isibo muri aka gace, avuga ko uretse n’ikibazo cy’amazi, basa nk’abibagiranye kuko nta n’umuriro w’amashanyarazi bagiraga ariko ko baje kuwigezaho bishatsemo ubushobozi ndetse ko bashatse no kwizanira amazi ariko ko byo byanze.

Ati 'Twategereje ko Leta izatugezaho umuriro turaheba, wagira ngo twibera inyuma y’Igihugu, twishyize hamwe tuzana umuriro, hanyuma tujya kwa Mudugudu ngo adusabire Leta Amazi, tubonye bitinze tujya kuri WASAC kuyisabira ngo tuyizanire ku giti cyacu,Umuyobozi waho tutabashije kumenya amazina ye atubwira ko atari inshingano zacu kwizanira Amazi.'

Akomeza agira ati 'Hano iwacu muri America twitungiwe n’amazi ya Mukungwa hamwe n’utugezi dutemba mu muhanda.'

Umuyobozi w’Akarere ka Musanze, Ramuli Janvier, yabwiye Rwandatribune ko iki kibazo atari akizi ariko ko agiye kugikurikirana akamenya impamvu abobaturage bakoresha amazi mabi.

Avuga ko wenda muri aka gace hashobora kuba hatari ivomero rya hafi, ku buryo abaturage bagira ubute bwo kujyayo.

Umunyamabanga Nshingwabikorwa w’Akagari ka Nyarubuye yemeje hari uduce tumwe turimo imiyoboro y’amazi ariko kugeza ubu nta mazi arimo kuko uwo muyoboro uturuka kure ndetse ukaba ufite amazi macye cyane.

Akomeza agira ati 'muri rusange Umurenge wa Rwaza nta mazi ugira n’ubu tuvugana ugeze ku Kagari k’iwanjye ntamazi meza yo kunywa wahabona.'

Cyakora avuga ko mu ngengo y’imari y’Akarere y’uyu mwaka bashyizemo ko uyu Murenge bakeneye amazi meza, bikaba bitanga icyizere ko bashobora kuyabegereza.

Iri zamurwa rikubiye mu matangazo yasohowe n’Ubuyobozi bw’Ingabo z’u Rwanda mu gitondo cyo kuri uyu wa Mbere tariki 11 Nyakanga 2022 aho rimwe rigaragaza ko Perezida wa Repubulika akaba n’Umugaba w’Ikirenga w’Ingabo z’u Rwanda yazamuye mu mapeti Abajenerali Batatu.

Nyuma y’iri tangazo rizamura mu ntera Abajenerali batatu, ubuyobozi bw’Ingabo z’u Rwanda bwasohoye irindi tangazo rivuga ko Perezida Kagame yazamuye mu ntera Colonel Rwivanga Ronald, amuha ipeti rya Brigadier General.

Iri tangazo rivuga ko iri zamurwa mu mapeti rihita ryubahizwa kuva igihe ritangarijwe, rivuga kandi ko Ronald Rwivanga nyuma yo kuzamurwa agahabwa ipeti rya Brigadier General, akomeza kuba Umuvugizi w’Ingabo z’u Rwanda.

Brig Gen Rwivanga ahawe iri peti nyuma y’amezi atatu bikomojweho n’Umugaba Mukuru w’Ingabo zirwanira ku Butaka za Uganda, Lt Gen Muhoozi Kainerugaba.

Mu butumwa yashyize kuri Twitter ye tariki 18 Mata 2022, Gen Muhoozi Kainerugaba, yari yagaragaje ko yifuza ko uyu Muvugizi wa RDF yazamurwa mu mapeti.

Icyo giye Muhoozi yari yagize ati 'Nshuti yanjye muvandimwe ukomoka Kisubi, Colonel Ronnie Rwivanva, Umuvugizi wa RDF. Umuvugizi w’intangarugero nizera.'

Gen Muhoozi muri ubu butumwa bwe yari yakomeje agira ati 'Ndasenga ngo Afande Kagame amuzamure kuri Brigadier General.'

My dear brother from Kisubi, Colonel Ronnie Rwivanga, Spokesman of RDF. An excellent spokesman for sure ! pic.twitter.com/zst99YJOCD

— Muhoozi Kainerugaba (@mkainerugaba) April 18, 2022

Amasengesho ya Gen Muhoozi ntawashidikanya ko yageze ku Mana kuko mu gitondo cyo kuri uyu wa Mbere tarki 11 Nyakanga, habura icyumweru kimwe ngo amezi atatu yuzure bisabwe n’uyu musirikare wo muri Uganda, Rwivanga ubu yagizwe Brigadier General.

Izi mpinduka zikozwe na Perezida Paul Kagame mu gihe Igisirikare cy’u Rwanda gikomeje gukurirwa ingofero n’amahanga kubera ibikorwa by’ubutwari gikora mu butumwa bwo kugarura amahoro cyoherezwamo mu Bihugu binyuranye birimo Mozambique aho gikomeje guhashya ibyihebe.

Igisirikare cy’u Rwanda kandi kimaze iminsi gishinjwa ibirego by’ibinyoma na Repubulika Iharanira Demokarasi ya Congo ko gifasha umutwe wa M23 ukomeje guhangana na FARDC yifatanyije n’indi mitwe yitwaje intwaro irimo FDLR.

Gusa RDF ntiyahwemye kunyomoza ibi birego by’ibihimbano, ikagaragaza ko ahubwo igisirikare cya Congo (FARDC) gikomeje ibikorwa by’ubushotoranyi, gifatanyamo na FDLR birimo kuba baherutse gushimuta abasirikare babiri b’u Rwanda babakuye ku mupaka aho bari barinze umutekano.

Rwivanga Ronald, Umuvugizi w’Ingabo z’u Rwanda yahawe ipeti rya Brigadier General