Category: Uncategorized

Umuhanzi Rugamba yves wamenyekanye nka Yverry yongeye gutuma umugeni afatwa n'amarangamutima kubera indirimbo.

Yverry ukunzwe mu ndirimbo z'urukundo dore ko akunze kuririmba mu makwe atandukanye kubera ibihangano bye byinshi bikunze gukoreshwa mu bukwe butandukanye.

Mu mashusho Yverry yasangije abakunzi be yagaragaye yatunguye umugeni ku munsi w'ubukwe bwe ndetse nawe ibyishimo biramurenga asuka amarira.

Source : https://yegob.rw/umuhanzi-yverry-yongeye-gutuma-umugeni-asuka-amarira-yibyishimo-video/

Ibirori by'aba bombi byatangiriye ku murenge wa Nyarugenge kuwa kane tariki 7 Nyakanga, 2022 ubwo basezeranaga kubana nk'umugabo n'umugore byemewe n'amategeko. Ku munsi wakurikiyeho kuwa gatanu tariki 8 Nyakanga, Amir Mbera n'umukunzi we Gladys bagize ibirori bijyanye no gusaba no gukwa, Amir asaba umuryango wa Gladys kumumuhaho umugeni bazabana akaramata, baramumuha mu birori byabereye muri Lycée de Kigali.

Bukeye bwaho kuwa gatandatu tariki 9 Nyakanga, aba bombi, imbere y'Imana n'imiryango yombi, inshuti n'abavandimwe, basezeranye kubana akaramata, basezeranira kuri Visenti Pallotti I Gikondo. Nyuma yo gusezerana, ibirori byakomereje muri Lycée de Kigali aho n'ubundi bari basangiriye n'inshuti n'abavandimwe mu birori byabaye ku munsi wabanje.

Ku cyumweru tariki 10 Nyakanga, habayeho umuhango wo gutwikurura abageni, bibera mu rugo rushya rw'abageni ku Kakiru.

Ubwo twaganiraga na Amir dutebya, twamubajije niba noneho ibirori bimaze iminsi byarangiye cyangwa se niba bigikomeje, adusubiza agira ati: 'Ahubwo mukanya turakata cake, uyu munsi ni isabukuru y'amavuko ya Gladys'.

Aganira na Inyarwanda, Amir yatangaje ko we n'umugore we Gladys bishimye cyane ati: 'Sha Clemy ndatuje ndishimye sana byagenze uko twabyifuzaga.'

Ku cyumweru tariki 5 z'ukwezi gushize, nibwo Amir yambitse impeta y'urudashira umukunzi we Gladys bamaze igihe mu munyenga w'urukundo, amusaba ko yamubera umugore. Yabimusabiye hejuru y'ifarasi undi nawe atazuyaje, ahita avuga 'Yes'.

Amir yamamaye mu gisata cy'Ubuhanzi 'Creative Industry', mu bikorwa binyuranye birimo imideli, Sinema n'ibindi.

Kuri ubu, ni umwe mu bari gutegura akaba n'umuhuzabikorwa wa Rwanda International Movie Awards, Irushanwa Mpuzamahanga rihemba abahanzi ba Sinema ku isi hose ritegurirwa rikanabera mu Rwanda kugeza ubu.

Gladys, umukunzi wa Amir akora ibijyanye no gutaka amazu no gutunganya ibikenerwa muri icyo gikorwa 'Interior Design', aho yibanda cyane mu bikorwa mu biti 'Wood craft and Designer'.

Amir we uretse kuba ari umwe mu bategura akaba n'umuhuzabikorwa wa Rwanda International Movie Awards, ni umwalimu muri Kaminuza ya 'East African University' aho yigisha 'Industrial Art and Design' ari nabyo akora mu buzima busanzwe (hanze yo kwigisha).

Amir kandi anafite ikiganiro cya Sinema cyitwa 'Cinenation' kuri TV 10, aho atumiramo abantu banyuranye bari muri Sinema ndetse n'abagiye bagira uruhare mu kuyizamura.

Mu ncamake, dore uko ibirori byabo byagenze mu mafoto:

Amwe mu mafoto yo gusezerana mu murenge wa Nyarugenge, kuwa kane tariki 7 Nyakanga:

Bari bagaragiwe n'inshuti n'imiryango

Amwe mu mafoto yaranze ibirori byo Gusaba no Gukwa, kuwa gatanu tariki 8 Nyakanga muri Lycée de Kigali:

Amir na Gladys barebana akana ko mu jisho

Abakobwa bakenyereye umugeni

Amwe mu mafoto yaranze Gusezerana imbere y'Imana kuri Visenti Pallotti i Gikondo, kuwa gatandatu tariki 9 Nyakanga:

Buri umwe ati 'ubu ninjye nawe'

Umugeni yari yaberewe bidasubirwaho

Amir mu mwambaro w'Igikomangoma

Amir hamwe n'umugeni we bamaze gusezerana imbere y'Imana, akanyamuneza kari kose

Ibyishimo ku munsi w'ubukwe bwawe ntibyihishira

Hakurikiyeho gusangira n'imiryango n'inshuti byabereye muri Lycée de Kigali

Source : https://inyarwanda.com/inkuru/118906/mu-mwambaro-wigikomangoma-amir-mbera-wazamuye-jay-rwanda-na-moses-moshions-yasezeranye-num-118906.html

Umunyamakurukazi Rigoga Ruth ukunzwe mu biganiro bya sport akorera kuri television ya RBA ndetse akaba yatorewe umwanya mu buyobozi bwa Gisagara.

Muri komite nshya yatowe muri Gisagara volleyball club umunyamakurukazi Rigoga yatorewe kuba ushinzwe iyamamaza bikorwa no gukusanya inkunga zinjiye muri Gisagara .

Gisagara ikaba ari mu makipe akomeye muri volleyball y'u Rwanda dore ko ikunze kwegukana byinshi mu bikombe bikinirwa mu Rwanda.

Source : https://yegob.rw/umunyamakurukazi-rigoga-ruth-yagizwe-umuyobozi-mu-ikipe-ikomeye-muri-volleyball/

Umugabo ari mu gahinda kenshi nyuma yo kurihira amafaranga y'ishuri umukobwa wigaga ubuforomo aziko azamushaka bikarangira amenye ko amaze imyaka 6 yarashyingiranwe n'undi mugabo mu ibanga.

Umuturage wo mu gace kitwa Kumasi witwa Joseph yavuze ko yakoresheje amafaranga menshi ku muforomo witwa Cecilia Alabata ariko ntiyigera amenya ko bamushyingiye kera.

Yavuze ko Cecilia Alabata arubatse, ariko ntiyabimumenyesheje. Yemeye icyifuzo cye cy'urukundo. Ati: 'Cecilia yemeye icyifuzo cyanjye cy'urukundo atavuze ko yashatse.'

Ku wa gatanu, Joseph yabwiye Oyerepa Afutuo, ko yakodesheje Cecilia igorofa, ariko ntiyigeze amwemerera kuyigeramo

Mu marira menshi uyu mugabo yagize ati:' Igihe namusuraga, yansabye guhagarara hanze. 'Cecilia yakoresheje amafaranga yanjye mu gukodesha iyo nzu ihenze. Namwishyuriye amashuri ambeshya ko tuzabana.Gusa arangije kwiga Nagiye kumureba, ariko umudamu ambwira ko yubatse afite umugabo kandi afite umwana. Umugabo we yaramutwaye… umugore anyereka imodoka ye, anyereka ko ntaho tugihuriye '

Source : https://yegob.rw/umugabo-ari-mu-marira-nyuma-yo-kurihira-amashuri-umuforomokazi-atazi-ko-yarongowe/

Umunyamakuru ukomeye mu gutangaza amakuru Ndahiro Valens Papy yurijwe imodoka y'abashinzwe umutekano nyuma yo gufatwa ari kubafotora bari gufata abazunguzayi.

Ibi byabaye kuri uyu wa gatandatu w'icyumweru dusoje bibera mu karere ka Nyarugenge aho abashinzwe umutekano bari baje gufata abazwi nk'abazunguzayi.

Ubwo uyu munyamakuru yafataga amashusho, abo bashinzwe umutekano bamusabye gusiba ayo mashusho gusa ababera ibamba aho bahise bamusaba kurira imodoka bari bajemo.

Reba Videwo bari kumusaba kurira pandagari

View this post on Instagram

A post shared by Olivier Yegob (@olivier_yegob)

Source : https://yegob.rw/umunyamakuru-ndahiro-valens-papy-yurijwe-pandagari-nyuma-yo-gufatwa-ari-gufata-amashusho/

Umunyamakurukazi Rigoga Ruth yongeye kwibutsa umugabo we ko azirikana cyane agaciro gakomeye amufitiye mu buzima,ndetse amubwira ko mu buzima ahora ari umugabo uhamye.

Ni amagambo uyu munyamakuru yabwiye umufasha we yifashishije urukuta rwe rwa Instagram aho yashyizeho amafoto yabo bombi barebana akana ko mu jisho arangije yongeraho amagambo agira ati 'Kuva ku munsi amaso yacu yahuye nti wigeze utuma umutima wanjye ubabara.Kuva ku munsi navuze ngo yego nagusezeranije kugukunda buri munsi kandi koko ni ubuziraherezo.

Ndagukunda KF uri umugabo uhamye 🥰😘'

View this post on Instagram

A post shared by Rigoga Ruth (@rigoga_ruth)

Source : https://yegob.rw/umunyamakurukazi-wa-rba-yongeye-kwibutsa-umugabo-we-agaciro-gakomeye-amufitiye-amafoto/

Iyi hene yiswe Simba, yavutse mu kwezi gushize mu gace kitwa Karachi muri Pakistan aho amatwi yako afite uburebure bwa santimetero 54.

Nyiri aka gahene, Mohammad Hasan Narejo, avuga ko yatangiye kuvugana Guinness World Records kugira ngo na ko kinjizwa mu bintu bidasanzwe by'uduhigo byabayeho ku Isi, kakaba kakwitwa 'Ihene y'amatwi maremare kurusha izindi' mu gihe ku rubuga rw'utu duhigo iki cyiciro kitarimo.

Yagize ati 'Mu minsi 10 cyangwa 12 Simba imaze kuvuka, yatangiye kugaragara mu Binyamakuru byaba imbere mu Gihugu no hanze, none mu minsi 30 imaze kuba ikimenyabose kandi no mu myaka 25 cyangwa 30 ntekereza ko izaba igifite ako gahigo.'

Uyu mugabo nyiri aka gahene, avuga ko yifuza kukorora mu buryo budasanzwe kugira ngo gakomeze kogera Isi yose.

Amashusho y'aka gahene, ari ku mbuga nkoranyambaga, agaragaza kiruka gakina ariko amatwi yako agenda atendera akora hasi mu gihe ko kaba katabyitayeho ubona kishimye.

Source : https://umuryango.rw/ubuzima-115/udushya/article/pakistan-ihene-yavukanye-amatwi-maremare-kurusha-izindi-ku-isi-ikomeje

Ibi byabaye kuwa 3 Kamena uyu mwaka, ubwo Umunyamabanga Nshingwabikorwa w'Umurenge wa Rugerero yagombaga kwitabira igikorwa cyo kwibuka Jenoside yakorewe Abatutsi ku kigo cya GS Nkama ariko ntiyaboneka nk'uko byari biteganyijwe.

Umunyamabanga Nshingwabikorwa wagombaga gusezeranya abageni yahaye inshingano umukozi ushinzwe Uburezi mu murenge, Nyiraneza Espérance nyamara we aho kujya aho yatumwe yoherezayo umukozi utekera abanyeshuri muri College de Gisenyi Inyemeramihigo, witwa Mbarushimana Jean Claude ngo abe ariwe ujya guhagararira akarere, ibintu Ibuka yavuze ko ari Ugupfobya.

Ibi byamenyekanye ubwo uyu mukozi yari amaze gushyira indabo ku Urwibutso rwo muri iki kigo, Abarokotse Jenoside batangiye kugira ikibazo k'ihahamuka, ibyaje gutuma uwo mutetsi wari woherejwe asabwa guhita ataha umuhango utarangiye.

Ibi byabaye mu kwezi gushize, ku itariki ya 3 Kamena. Bimaze kuba, Umunyamabanga Nshingwabikorwa w'Umurenge wa Rugerero yahise ahamagaza NYIRANEZA Espérance yitabana ibaruwa yemera amakosa yakoze akanayasabira imbabazi. Nyuma y'ukwezi kurengaho iminsi mike ibi bibaye, umwanzuro wafashwe n'akarere ni ukumwirukana Nyiraneza Espérance mu nshingano yari asanzwemo. Ubwo ibi byamaraga kuba kandi Umuryango uharanira inyungu z'abacitse ku icumu, IBUKA mu karere ka Rubavu wari wandikiye inzego zitandukanye uzimenyesha ibyabaye.

 

Hari amakuru yemeza ko Umunyamabanga Nshingwabikorwa w'Umurenge wa Rugerero, MURENZI Augustin yakoze raporo igaragaza iki kibazo igeze ku buyobozi bw'akarere biragorana gufata umwanzuro bahuriyeho, ari nacyo cyatumye hacamo ukwezi nta kiratangazwa nk'umwanzuro ku byakozwe na NYIRANEZA.

Perezida wa IBUKA mu Murenge wa Rugerero, HABIYAREMYE Abdulkarim ibyabaye babifashe nko gupfobya Jenoside yakorerwe Abatutsi kuko byatumye benshi bahura n'ihahamuka.

Ati “Kubona yaroherejwe na we akohereza umutetsi wo muri College Inyemeramihigo kandi akaza nk'umushyitsi mukuru ahagarariye ubuyobozi, byaratubabaje nk'abarokotse, ni ugupfobya byatumye abenshi muri twe bahahamuka.”

 

Muri uyu muhango kandi, ikindi IBUKA yafashe nk'ipfobya ni uko hari hatumiwemo abanyamabanga nshingwabikorwa b'utugari twa Rushubi na Rubirizi duhuriye kuri kiriya kigo k'ishuri ariko ntibigende nk'uko byari byagenwe. Hitabiriye gusa Umunyamabanga Nshingwabikorwa w'akagari ka  Rushubi na we wahageze umuhango wenda guhumuza, mu gihe mugenzi we wa Rubirizi  atigeze yitabira nk'uko yari ari kuri gahunda.

 

Src: IGIHE

 

Source : https://inyarwanda.com/inkuru/118903/rubavu-akarere-kirukanye-umukozi-wako-wohereje-umutetsi-kugahagararira-mu-muhango-wo-kwibu-118903.html

Source : https://www.kigalitoday.com/amakuru/mu-mahanga/article/nigeria-habonetse-imirambo-17-nyuma-y-impanuka-y-ubwato-bwarohamye

Musenyeri André Havugimana avuga ko mu gihe cya Jenoside yakorewe Abatutsi mu 1994 yemeye gutakaza zimwe mu ngingo z'umubiri we kuko yanze gutanga Abatutsi bari bahungiye muri Seminari i Ndera.

Tariki ya 9 Mata 1994 nibwo Musenyeri André Havugimana avuga ko yari agiye mu kigo cya Caraes Ndera kuzanira imiti abari barwaye, agarutse ahura n'igitero kije kwica Abatutsi bari bahungiye muri icyo kigo.

Musenyeri André Havugimana akibabona, ngo yahise ahamagara Padiri Nicodème amuhereza imfunguzo atangira kuvugana n'Interahamwe azisobanurira ko n'ubwo yaba afite abo bantu atababaha ngo babice.

Kubera ko Interahamwe zari zaje zitwaje impapuro ziriho urutonde rw'abo zishaka kwica, ngo zakoresheje ingufu, zihita zibashorera zirasa uwo mupadiri witwa Nicodème isasu ku mutwe ahita apfa.

       Musenyeri André Havugimana

Abicanyi bakomeje gushorera Musenyeri André Havugimana (icyo gihe yari Padiri ariko ubu Kiliziya imwemerera kwitwa Musenyeri kuko ageze mu zabukuru) bamujyana aho yararaga ngo barebemo imfunguzo, bagezeyo barazibura nibwo bahise bamurasa amasasu abiri rimwe rimufata mu mugongo irindi rimufata ku kiganza, intoki ebyiri ziracika.

Ati 'Barandashe nitura hasi bahita bakomeza ibikorwa byo kwica abari bahungiye muri Seminari ya Ndera nanjye aho nari naguye nahakuwe n'umupadiri w'Umutaliyani anjyana ku ivuriro i Kanombe.'

Ubutumwa atanga mu bantu ni ukugira urukundo ndetse no kugira ukuri kuko ari byo byonyine bituma abantu babaho mu mahoro kandi bakabana neza.

Ati 'Ubutumwa ntanga ni uko ingeri zose z'abantu zigomba kugira urukundo kandi bakajya bavugisha ukuri kugira ngo hatabaho kubaka ikinyoma mu bantu bigakurura urwango rugeza abantu kuri Jenoside.

Musenyeri André Havugimana ubu ari mu kiruhuko cy'izabukuru. Aba muri Saint Paul mu Mujyi wa Kigali, akaba akunze gukorera ubutumwa bwe muri Gereza ashishikariza imfungwa n'abagororwa kwihana no gusaba imbabazi abo bahemukiye.

@KT

The post Musenyeri André Havugimana yemeye gutakaza ingingo z'umubiri arwana ku Batutsi bahigwaga appeared first on IRIBA NEWS.

Source : https://iribanews.rw/2022/07/11/musenyeri-andre-havugimana-yemeye-gutakaza-ingingo-zumubiri-arwana-ku-batutsi-bahigwaga/