Category: Uncategorized

Yabivuze kuri uyu wa Gatanu tariki 29 Nyakanga 2022 mu muhango wo gusoza amahugurwa yahabwaga urubyiruko rw’abakorerabushake rwo mu Ntara y’Amajyepfo yaberaga mu Karere ka Rwamagana.

IGP Dan Munyuza wahanuraga uru rubyiruko, arugaragariza ibikibangamiye iterambere ry’abaturage, bagomba kwinjiramo kugira ngo biranduke.

Ubwo yagarukaga ku businzi bukomeje kugaragara kuri bamwe mu baturage, Umuyobozi Mukuru wa Polisi y’u Rwanda, yavuze ko uretse kuba uru rubyiruko rugomba gutanga umusanzu mu kurwanya ibi bikorwa ariko na rwo ubwarwo rudakwiye kubigaragaramo.

Agaragaza ingaruka z’ubusinzi, yavuze ko bitihishira ku muntu wanyweye agacupa akarengera kuko, ati 'bikugaragaho ukavuga ibyo udakwiriye kuvuga, ugatongana, ukarwana ukadandabirana mu ruhame mu bantu. Buriya ni icyaha uranafungwa.'

IGP Dan Munyuza wavugaga ko ubusinzi buza no ku isonga mu biteza umutekano mucye kuko uwasinze atabura no guteza urugomo yaba mu muryango we no mu baturanyi, yavuze ko umuntu wabaswe na byo binamudindiza mu iterambere.

Ati 'Harimo no gutakaza umwanya w’ibikorwa by’iterambere ku muntu ku giti cye, ku muryango we no mu Karere muri rusange.'

Yasabye uru rubyiruko kwinjirana ingufu mu bikorwa biyemeje gukora. Ati 'Niba tugiye kurwanya ruswa, tuyirwanye tuyihaye uburemere, niba ari ukurwanya ubusinzi tubihe uburemere.'

IGP Dan Munyuza yasabye uru rubyiruko rw’abakorerabushake kurangwa n’indangagaciro zihamye kandi rukarushaho gutanga umusanzu ufatika mu kubaka umuryango ushikamye uteye imbere.

Ati 'Muri abavuga rikumvikana aho mutuye kuko murajijutse, ntimugomba gusinzira no kuba abanebwe, ahubwo mukwiye kuba intangarugero mu gushyira mu bikorwa gahunda za Leta, kandi mukazirikana kujya mwubahiriza gihe.'

Marie Claire Mukansanga wari uhagarariye uru rubyiruko, yavuze ko uretse izi mpanuro bahawe n’Umuyobozi Mukuru wa Polisi y’u Rwanda zije ari nk’ikirungo ku mahugurwa bamazemo iyi minsi itanu, avuga ko biteguye gushyira mu bikorwa ibyo bize no kwesa imihigo basinye.

Yavuze ko bagiye kurwanya no guhangana n’abakwirakwiza ibihuha ku mbuga nkoranyambaga, icuruzwa ry’ibiyobyabwenge, ndetse n’ibindi byaha mu rubyiruko, no gushyigikira gahunda y’ubumwe n’ubwiyunge mu Banyarwanda.

Aya mahugurwa yari amaze iminsi itanu abera mu Ishuri rya Polisi y’u Rwanda rya Gishari, yitabiriwe n’urubyiruko 306 rwaturutse mu Turere twose tugize Intara y’Amajyepfo.

Yabitangaje ubwo yari mu Murenge wa Giti mu Karere ka Gicumbi, ubwo yatangizaga ubukangurambaga bwo gushishikariza abaturage gukumira ibiza mu gihe cy'Impeshyi kugira ngo imvura izasange bariteguye.

Muri uyu Murenge wa Giti hakozwe ibikorwa byo guca inzira z'amazi, kuzibura no gucukura imiferege, kubaka fondasiyo z'inzu, kuzirika ibisenge byazo n'ibindi.

Ni ubukangurambaga bwatangijwe na Minisiteri Ishinzwe Ibikorwa by'Ubutabazi [MINEMA] kuri uyu wa 29 Nyakanga 2022.

Habinshuti yavuze ko ubu bukangurambaga bugamije kwibutsa abaturage ko ibiza bidateguza bityo bagomba gukora biteguye.

Ati 'Ibiza byamaze kuba nta na kimwe kiba gisigaye gukorwa uretse gutabara kandi twabonye ko hari byinshi byakorwa mbere cyane cyane murabizi ko ibiza dukunze kugira tubiterwa n'imvura nyinshi. Ibikorwa rero bitegurwa bigendera ku mpamvu zituma bibaho, iya mbere ni inzu zidafite ibisenge biziritse.'

Imibare ya MINEMA igaragaza ko nibura buri mwaka mu Rwanda inzu zirenga ibihumbi bitanu zagurutswa n'umuyaga cyangwa imvura nyinshi. Ni ibintu biterwa ahanini n'imiterere y'inzu uba usanga zishaje zidaheruka kwitabwaho.

Habinshuti avuga ko mu myaka ibiri ishize hubatswe inzu zirenga ibihumbi 15 zasenyutse muri ubwo buryo.

Ati 'Ntabwo twakomeza icyo kintu cyo kugira ngo tujye dutakaza inzu zingana gutyo kandi kubikumira bishoboka. Mwabibonye rero hano i Gicumbi ibisenge by'inzu byaziritswe, abantu baciye imiferege, hari na gahunda yo gushyiramo iriya miyoboro y'amazi ku buryo amazi atagira aho ahurira n'inzu. Ibi bizatuma tugabanya igihombo gihagije tugira buri mwaka kubera ikibazo cy'imvura nayo itari nyinshi.'

Ibikorwa by'ubukangurambaga byashyizwemo ingengo y'imari igiye yihariye bitewe n'imiterere y'akarere aho nko muri Gicumbi bazakoresha agera kuri miliyoni 21 Frw.

Akarere ka Gicumbi kari mu misozi miremire aho usanga nka 80% by'abaturage batuye mu misozi, ku buryo inkangu, isuri n'umuyaga mwinshi biza bikaba byabasenyera cyangwa bikabambura ubuzima.

Umuyobozi Wungirije w'Akarere ka Gicumbi ushinzwe Iterambere ry'Ubukungu yavuze ko aka karere gakunda kwibasirwa n'ibiza cyane ku buryo aya mafaranga azafasha mu kubikumira kandi bakaba biteze ko bizatanga umusaruro.

Ati 'Twabashije kugenda tureba abaturage bababaye cyane bakeneye kuzirikirwa ibisenge by'inzu, abafite inzu zidafite imiyoboro y'amazi kugira ngo inzu zabo zitagenda.'

Yakomeje agira ati 'Ikindi ubu bukangurambaga nabwo buratanga umusanzu ukomeye kubera ko abaturage bacu duhora tubashishikariza kujyanamo, abafite ubushobozi bakaba bakwikorera iyo mirwanyasuri cyangwa bakazirika ibisenge by'inzu zabo.'

Ubuyobozi bw'Akarere ka Gicumbi bugaragaza ko mu mwaka ushize w'ingengo y'imari hubatswe inzu 800 mu gihe muri uyu hari inzindi 300 zirimo kubakwa mu rwego rwo gusana no kubaka ibyangijwe n'ibiza.

---

Ikigo cy’Igihugu gishinzwe Ubuziranenge bw’imiti n’ibiribwa (Rwanda FDA), kirasaba abafite inganda zikora ibintu bitandukanye zikabishyira ku isoko, kwihutira (…)

Minisiteri ishinzwe ubukerarugendo n’ubuzima bw’inyamaswa z’igasozi muri Kenya, itangaza ko kugeza ubu, ikibazo cy’imihindagurikire y’ikirere gikomeye cyane ku (…)

Iyi nama yemeje ko 'Abanyarwanda n'abaturarwanda barasabwa kwikingiza byuzuye kugira ngo bemererwe kujya ahantu hahurira abantu benshi harimo no kwemererwa kugenda mu modoka zitwara abantu mu buryo bwa rusange.'

Kwikingiza mu buryo bwuzuye bisobanuye kuba warahawe inkingo ebyiri ndetse n'urwa gatatu rwo gushimangira, rutangwa nyuma y'amezi atatu hatanzwe urukingo rwa kabiri.

Inama y'Abaminisitiri kandi yemeje ko abagenzi bose baza mu Rwanda banyuze ku Kibuga Mpuzamahanga cya Kigali badasabwa kubanza kwipimisha Covid-19, icyakora bagashishikarizwa kwipimisha kenshi.

Iyi Nama kandi yemeje ko ba mukerarugendo basura pariki zirimo inguge n'ingagi bagomba kwerekana ko bipimishije Covid-19 mu buryo bwa PCR Test, mu gihe abasura izindi pariki bemerewe gukoresha uburyo bwa Rapid Test.

Abantu barashishikarizwa kwambara agapfukamunwa igihe bari ahantu hafunganye kandi hatari umwuka uhagije. Abanyarwanda kandi barashishikarizwa kwipimisha Covid-19 inshuro nyinshi, kandi bakibuka gukaraba intoki no guhana intera.

Kugera kuri uyu wa 28 Nyakanga, impuzandengo y'ubwandu bwa Covid-19 ushingiye ku bipimo byafashwe yari ihagaze kuri 1% mu minsi irindwi yari yabanje, mu gihe umubare w'abamaze kwicwa n'iki cyorezo ugera kuri 1.466.

Inama y'Abaminisitiri kandi yemeje Dr. Zerihun Abebe nk'Umuyobozi Mukuru w'Ibitaro by'Umwami Faisal, mu gihe Regis Rugemanshuro yemejwe nk'Umuyobozi Mukuru w'Urwego rw'Ubwiteganyirize mu Rwanda, naho Louise Kanyonga agirwa Umuyobozi Mukuru wungirije.

Abandi bahawe inshingano barimo Fidèle Abimana wagizwe Umunyamabanga Uhoraho muri Minisitiri y'Ibikorwaremezo na Richard Niwenshuti wagizwe Umunyamabanga Uhoraho muri Minisitiri y'Ubucuruzi n'Inganda.

---

Uyu mugabo yageze ku Kibuga cy'Indege cya Kigali hagati ya Saa Yine na Saa Tanu z'ijoro, yakirwa ahabwa indabo mbere yo kwerekeza mu modoka yari imutegereje, yanahise imwerekeza aho ari bucumbike.

Uyu mugabo ntiyatinze ku Kibuga cy'Indege kuko yahise yinjira mu modoka yari imutegereje, bituma atabasha kuvugana n'itangazamakuru ryari ryaje kumwakira ku bwnshi.

Mu gihe gito yamaze, yari afite akanyamuneza ku maso, anyuzamo agaseka mu gihe yarimo kuganira n'ikipe ngari yari imukikije, irimo abantu bazanye nawe ndetse n'abaje kumwakira mu Rwanda, barimo n'abateguye igitaramo azitabira.

Uyu muhanzi utegerejwe i Kigali ni Umunya-Cameroun wavukiye mu Bufaransa ku wa 2 Gicurasi 1996. Ubwo yari amaze kwimukira mu Mujyi wa Paris mu 2012, ni bwo yatangiye umuziki. Ku wa 30 Gicurasi 2017 ni bwo uyu musore yasohoye Mixtape y'indirimbo icumi yise 'Alchemy'.

Mu 2018, Tayc yasohoye Mixtape ye ya kabiri yise 'H.E.L.I.O.S'. Nyuma uyu musore yaje gusinya mu nzu isanzwe ifasha abahanzi yitwa H24. Iyi studio ni yo yakoreyemo album ye ya mbere yise NYXIA iza gusohoka mu 2019, iyi ikaba ari yo yatumye izina rye rimenyekana ku rwego mpuzamahanga mbere y'uko asohora iyitwa 'Fleur froid' mu 2020.

---