Webrwanda Backend

Category: Uncategorized

  • Rubavu: Ubuyobozi buri gukurikirana ikibazo cya Gitifu ushinjwa gukubita umukobwa akamukura iryinyo #rwanda #RwOT

    Umunyamabanga Nshingwabikorwa w'Umurenge wa Kanzenze muri Rubavu, Nkurunziza Faustin,arashinjwa ko yaba yarakubise umwana w'umukobwa ukora mu kabari, akamukura iryinyo bapfa ko yanze ko bakorana imibonano mpuzabitsina.

    Uyu muyobozi bivugwa ko yakubise uwo mukobwa mu Cyumweru gishize ndetse iyi nkuru yahise iba gikwira ku mbuga nkoranyambaga zitandukanye.

    Bivugwa ko Nkurunziza Faustin yakubise uyu mukobwa witwa Uwimanimpaye Clarisse kuko yari yaranze ko bagira uko bigenza mu buriri ubundi undi agahigira kuzabimwitura ari na bwo yaje kumukubita akamukura iryinyo.

    Uyu Clarisse yahamije ko yakubiswe n'uyu muyobozi, ati 'Yari yarambwiye ati 'uraje uzambone!'.'

    Ubuyobozi bw'Akarere ka Rubavu mu butumwa bwashyize kuri Twitter busubiza Umunyamakuru wacu, Oswald Mutuyeyezu,bwagize buti 'Inzego zibishinzwe ziri kubikurikirana.'

    Ubutumwa bivugwa ko ari ubwa Gitifu Nkurunziza Faustin,bwemeza ko ibi bimuvugwaho ari umugambi mubisha w'abasanzwe bamuharabika ndetse batanamwifuriza amahoro

    Yavuze ko hari igikorwa cy'ubugenzuzi cyakozwe n'ubuyobozi muri uyu Murenge wa Kanzenze cyo kureba niba abantu barikingije cyanageze mu kabari gakoramo uriya mukobwa.

    Nkurunziza yatangaje ko uyu mukobwa yabajijwe ibyangombwa bigaragaza ko yikingije ariko akinangira ahubwo agatuka abayobozi bari muri iki gikorwa, bigatuma ahita ajyanwa mu kigo kinyuzwamo abantu by'igihe gito (Tansit Center) ariko akaza kurekurwa.

    Avuga ko akimara gusohoka ari bwo hatangiye gucicikana ariya makuru yo kuba yamukubise akamukura iryinyo ariko ko hari ababiri inyuma.

    Uyu Munyamabanga Nshingwabikorwa wa Kanzenze avuga ko umukozi ushinzwe imari n'ubutegetsi muri uyu Murenge ari we ubiri inyuma.

    Ati 'Kuko asanzwe akoresha itangazamakuru amparabika, akaba ari na we wahamagaye abanyamakuru ababwira ngo nakubise umukozi wo mu kabari kuko atikingije mukura amenyo.'

    Uyu muyobozi avuga kandi ko nyiri kariya kabari gakoramo uyu mukobwa na we ari mu batije umurindi ziriya nkuru zimusebya ngo kuko asanzwe yigomeka ku buyobozi.

    Mu butumwa bwe, Faustin wamaganiye kure ibi avugwaho, yagize ati 'Ntabwo ari byo ni umugambi mubisha umaze igihe utegurwa n'agatsiko kagamije kumparabika no kwangisha abaturage ubuyobozi bahimba inkuru z'ibinyoma banyuza mu itangazamakuru bakoresheje bamwe mu baturage batari inyangamugayo.'

    Avuga ko ibi byose yabimenyesheje inzego zimukuriye kugira ngo zibikurikirane zizabifateho umwanzuro amazi atarenga inkombe.

    Source : https://umuryango.rw/amakuru/mu-rwanda/umutekano/article/rubavu-ubuyobozi-buri-gukurikirana-ikibazo-cya-gitifu-ushinjwa-gukubita

  • #COVID19: Abantu 10 banduye babonetse mu bipimo 2,918 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku Cyumweru tariki 31 Nyakanga 2022 mu Rwanda habonetse abanduye Covid-19 bashya 10, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-10-banduye-babonetse-mu-bipimo-2-918

  • Arthur Nkusi yasekeje ibizungerezi n’ibyamamare bitandukanye muri Seka Live (Amafoto) – YEGOB #rwanda #RwOT

    Umunyarwenya Arthur Nkusi yasusurukije abari bitabiriye igitaramo cy'urwenya kiba ngaruka kwezi kizwi nka Seka Live.

    Kuri iyi nshuro Seka Live yabaye mu mpera z'ukwezi nk'ibisanzwe, nuko Arthur Nkusi nk'ushinzwe gutegura iki gitaramo atumira abantu bagiye batandukanye.

    Arthur Nkusi watangije Seka Live, yari tumiye bamwe mu banyarwenya bagezweho hano mu Rwanda ndetse n'umunyarwenya mpuzamahanga Patrick Salvado kuva muri Uganda.

    Iki gitaramo cyari cyitabiriwe n'ingeri zigiye zitandukanye, hakorewe urwenya mu buryo budasanzwe ku buryo uwaje wese yatashye imbavu zacyebanye.

    Iki gitaramo Fred Rufendeke yigaragaje, Captain Regis akora amateka mu myambaro y'abashinzwe umutekano, Fally Merci yerekana ko ashoboye, Joshua na we ni uko ndetse na Ambassador w'abakonsomateri.

    Patrick Salvado nk'umushyitsi mukuru yerekanye ko kumutumira batibeshye maze Arthur Nkusi ashimangira ko ari umunyarwenya ukomeye mu Rwanda.

    Muri iki gitaramo kandi hagaragayemo ibyamamare bikomeye mu myidagaduro hano mu Rwanda nka Rocky Kimomo, Junior Giti wamamaye mu gusobanura filime, Chriss Eazy ugezweho muri iyi minsi ndetse n'abandi.

    Amafoto yaranze igitaramo

    Source : https://yegob.rw/arthur-nkusi-yasekeje-ibizungerezi-nibyamamare-bitandukanye-muri-seka-live-amafoto/

  • UBWIRU i Nyabihu ! Rurageretse hagati ya SOPYRWA n’abaturage bayishinja kubambura ubutaka #rwanda #RwOT

    Aba baturage bavuga ko mu 1997 ubwo bari batahutse bava mu bihugu bitandukanye ari bwo batijwe ubutaka na leta bureshya na hegitare 200.

    Kuva icyo gihe batangiye kujya babuhingamo ibirayi ndetse n’ibireti.

    Nyuma mu 2021 ikigo SOPYRWA yaje kubasaba gukorana na yo, bakajya bahinga ibireti yo ikabagurira umusaruro.

    Muri Mutarama uyu mwaka nibwo baje kubwirwa ko batazakorana na SOPYRWA, yo ihitamo abazihinga ubutaka ivuga ko habayeho ipiganwa ibintu bagaragaza ko ari akarengane.

    Umwe yagize ati' Yari izanye Umushinga mwiza wo guhingana ibireti, duhingana nayo,tubana neza,kugeza ejo bundi mu kwezi kwa mbere. Mu kwezi kwa mbere twaratunguwe, batubwiye y’uko tugomba kuvamo noneho hakabaho Umushinga utubura imbuto (ibirayi) n’ibireti. Babitubwira ari kuwa mbere, amapiganwa aba kuwa Gatanu. Kuvuga ngo habayeho ipiganwa ngo natwe turimo, twe habaye kutwiberereka ,ariko bari bateganyije abo bari bateguye wenda bafite ubushobozi kuturusha.'

    Aba baturage bavuga ko mu myaka irenga 25 bari bamaze igihe bahinga muri ubwo butaka, ubwo babwirwaga ko hagiye guhabwa abandi nta mahirwe yo gusarura imyaka bari barahinzemo bahawe.

    Kagayigayi Victor ushinzwe ubuhinzi muri SOPYRWA we ahakana ko guhitamo abatsindiye iyi mirima nta manyanga ariko abaturage bo bakabihakana.

    Yagize ati'Kuvuga ngo habayemo ubwiru,tubibasabe , mwumve ko nta bwiru bwabayeho, byakozwe mu mucyo uhagije.'

    Umuvunyi Mukuru Wungirije ,Mukama Abbas, yavuze ko abatsindiye guhinga iyi mirima , kontaro yabo nirangira mu myaka ibiri hazabaho gupiganwa bundi bushya n’abaturage bari basanganywe imirima barimo.

    Yagize ati'Abatsindiye isoko bemeye guhabwa 60% by’inyungu abashaka kwihuza nabo bagahabwa 40%. Ariko hari benshi bavuze ko badashaka kubijyamo, bazategereza ko kontaro irangira bagapiganwa nk’abandi nibwo buryo babahaye kandi nta kibazo kirimo.'

    Aba baturage bavuga ko n’ubwo hagapiganwa isoko hakongera kugaragara uburiganya , bagasaba ko iki kibazo cyakemurwa mu mucyo ,nabo bagahabwa amahirwe yo gupiganira isoko hatabayeho guhitamo uwo bakorana.

    Ivomo : Radio/TV Flash

    Source : http://www.ukwezi.rw/1-1/Amakuru-anyuranye/article/UBWIRU-i-Nyabihu-Rurageretse-hagati-ya-SOPYRWA-n-abaturage-bayishinja-kubambura-ubutaka

  • Kubusanya hagati ya Padiri Nahimana n’uwo yita Minisitiri w’Intebe #rwanda #RwOT

    Ni nyuma y’aho Padiri Nahimana yagaragaye akoresha idarapo rya Leta y’u Rwanda ririho ubu, mu gihe Minisitiri we w’Intebe yaje kugaragara akoresha irya kera ryakoreshwaga mu butegetsi bwa MDR Parmehutu na MRND.

    Aha niho bamwe bahera bagira bati 'Perezida akagira ikirango cye, Minisitiri w’Intebe na we akagira ikindi ! Guverinoma ikorera mu buhungiro noneho si ukwambara imbusanye ni ukugendera mu zitandukanye ! Uwapfuye yarihuse ! Aka si akumiro !?

    Hari n’abandi bagaya Jean Paul Ntagara wiyita ko yarokotse jenoside yakorewe abatutsi mu 1994, gukoresha idarapo ryo mu gihe cy’ubutegetsi bwateguye bukanashyira mu bikorwa iyo jenoside.

    Iri darapo rikaba rikunze gukoreshwa n’abantu baba mu Mitwe irwanya ubutegetsi bw’u Rwanda bazwi nk’abahezanguni bacyuzuyemo ingengabitekerezo ya giparimehutu by’umwihariko ababarizwa muri Guverinoma yiyita ko ikorera mu buhungiro yashinzwe na Padiri Nahimana Thomas.

    Ku rundi ruhande ariko Padiri Nahimana na we yatunguye benshi yemera gukoresha ikirango cy’idarapo rikoreshwa ubu mu Rwanda kuko na we mbere yakoreshaga irya kera ashaka kugaragaza ko iri riho ubu ataryemera ndetse atanemera n’ubutegetsi bw’u Rwanda buyobowe na FPR-Inkotanyi nk’uko adahwema kwibyivugira.

    Padiri Nahimana yagaragaye ku ibendera ry’u Rwanda ry’ubu
    Minisitiri w’Intebe we agaragara ku rya cyera

    Source : http://www.ukwezi.rw/1-1/Amakuru-anyuranye/article/Kubusanya-hagati-ya-Padiri-Nahimana-n-uwo-yita-Minisitiri-w-Intebe

  • RIB yataye muri yombi abarimu babiri bashinjwa gushyira hanze ibizamini bya leta #rwanda #RwOT

    Aba bombi bafashwe ku wa 29 Nyakanga 2022, aho mu bihe bitandukanye umwe muri bo wari ukuriye site ya EP Kavumu yakorerwagaho ibizamini bisoza amashuri abanza, yabifotoye akabyoherereza mugenzi we kuri whatsapp.

    Uwabyohererejwe na we yahise abishyira ku rubuga rwa whatsapp ruhuje abandi barimu bagera kuri 443 na bo babikwirakwiza ku zindi mbuga zitandukanye mu gihe ibizamini byari bikiri gukorwa.

    Ibi byarabereye mu Karere ka Nyanza ku itariki ya 18 na 19 Nyakanga 2022. Abafashwe ubu bafungiye kuri RIB, Sitasiyo ya Busasamana mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    Icyaha cyo kumena ibanga ry’akazi gihanwa n’ingingo ya 158 y’Itegeko no 68/2018 ryo ku wa 30/08/2018 riteganya ibyaha n’ibihano muri rusange.

    Iyi ngingo iteganya igihano cy’igifungo kitari munsi y’umwaka umwe ariko kitarenze imyaka ibiri n’ihazabu itari munsi ya miliyoni ebyiri z’amafaranga y’u Rwanda ariko atarenze miliyoni eshahtu.

    Ni mu gihe kohereza ubutumwa budakenewe ari icyaha gihanwa n’ingingo ya 37 y’itegeko n0 60/2018 ryo ku wa 22/8/2018 ryerekeye gukumira no guhana ibyaha bikoreshejwe ikoranabuhanga. Iteganya igihano cy’igifungo kitari munsi y’amezi atatu ariko atarenze atandatu n’amafaranga y’u Rwanda atari munsi ya miliyoni eshatu ariko atarenze miliyoni eshanu.

    RIB iributsa Abaturarwanda bose ko itazihanganira uw ari we wese ukora ibyaha nk’ibi birimo kumena ibanga ry’akazi no kohereza ubutumwa budakenewe yitwaje akazi cyangwa umwuga akora, inibutsa abantu bose ko ari ibyaha bihanwa n’amategeko.

    Ivomo:Igihe

    Source : http://www.ukwezi.rw/1-1/Amakuru-anyuranye/article/RIB-yataye-muri-yombi-abarimu-babiri-bashinjwa-gushyira-hanze-ibizamini-bya-leta

  • M23 yashyizeho undi muvugizi #rwanda #RwOT

    Uyu muvugizi washyizweho n’ubuyobozi bwa M23, ni Lawrence Kanyuka uzajya avuga ibyerekeye Politiki mu gihe Maj Willy Ngoma we azakomeza kuwuvugira ibyerekeye ibya gisirikare.

    Bikubiye mu itangazo ryashyizwe hanze n’ubuyobozi bwa M23 kuri iki Cyumweru tariki 31 Nyakanga 2022 rivuga ko hashingiwe ku mategeko n’amahame y’uyu mutwe, hafashwe iyi myanzuro mu rwego rwo kurushaho kunoza imikorere yawo.

    Iri tangazo rivuga ko iki cyemezo cyafashwe n’ubuyobozi bukuru bw’amategeko bwa Gisirikare, rigira riti 'Yashyize mu mwanya umuvugizi w’umutwe wa M23 mu bya Politiki, Lawrence Kanyuka.'

    Uyu muvugizi mushya wa M23 mu byerekeye ibya Politiki, azajya akorana na Maj Willy Ngoma wari usanzweho ariko umwe akavuga ibyerekeye Politiki mu gihe undi azajya avuga ibyerekeye Politiki.

    Perezida wa M23, Betrand Bisimwa mu butumwa yanyujije kuri Twitter, yagize ati 'Twashyizeho Umuvugizi wa M23 ari we Lawrence Kanyuka. Maj Willy Ngoma azakomeza kuba umuvugizi w’Igisirikare cya M23.'

    Umutwe wa M23 uherutse kandi gushyira inzego z’ubutegetsi mu Mujyi wa Bunagana umaze iminsi uri mu maboko yawo ndetse n’amwe mu mategeko agomba kugenderwaho n’abaturage bo muri uyu Mujyi.

    Visi Perezida wa M23, Gen Sultan Makenga akaba n’umuyobozi w’igisirikare muri uyu mutwe, mu mpera z’icyumweru twaraye dusoje, yagaragaye ari kumwe na Jean Mwigamba wahoze ari Umuyobozi wa Teritwari ya Rutshuru.

    Source : http://www.ukwezi.rw/Mu-mahanga/Amakuru-anyuranye/article/M23-yashyizeho-undi-muvugizi

  • AKAGAMBANE i Rubavu ! Gitifu W’Umurenge arashinjwa gukura amenyo umukobwa wanze ko basambana #rwanda #RwOT

    Kuri iki cyumweru 31 Nyakanga, nibwo ku mbuga nkoranyambaga zitandukanye hiriwe hakwirakwizwa amafoto y’umukobwa bivugwa ko yitwa Uwimanimpaye Clarisse usanzwe akora mu kabari avuga ko yakubiswe agakurwa amenyo na Gitifu w’umurenge wa Kanzenze Faustin Nkurunziza nyuma yo kumusaba ko baryamana akabyanga,

    Gitifu Nkurunziza avuga ko ibyo gusaba uyu mukobwa ko baryamana ataribyo, ahubwo ahishura uko ako kabare uyu mukobwa akoramo gasanzwe kazwiho amakosa,binatuma ubuyobozi bw’Umurenge bukunda kugafunga. Cyakora yemeza ko n’uyu mukobwa yigeze gusuzugura inzego z’umutekano ubwo yabazwaga ibyemeza ko yikingije akanga kubyerekana bituma afungwa by’igihe gito nyuma aza kurekura.

    Ku bwa Gitifu Nkurunziza, ngo uyu Uwimanimpaye arimo gukoreshwa na nyiri akabare ugamijwe kwihimura ku buyobozi bw’umurenge bukunze kumuhagarikira akabere biturutse ku kuba hari amakosa menshi akunze gukora.

    Anongeraho ko usibye uyu nyiri akabari, hari n’umukozi ushinzwe Imari n’ubutegetsi mu murenge bikekwa ko akorana n’abashaka kumusebya mu itangazamakuru.

    Yagize ati :'Biba twatunguwe no kumva umukozi w’umurenge wa Kanzenze ushinzwe imari n’ubutegetsi ,usanzwe akekwaho gushaka kumparabika atumiza abanyamakuru akababwira ko nakubise umukozi kuko atikingije mukura amenyo'

    Gitifu Nkurunziza avuga ko ibibazo by’abamusebya yamaze kubigeza ku bo bireba bose, mu rwego rwo kwishinganisha.

    Ivomo:Rwandatribune

    Source : http://www.ukwezi.rw/1-1/Amakuru-anyuranye/article/AKAGAMBANE-i-Rubavu-Gitifu-W-Umurenge-arashinjwa-gukura-amenyo-umukobwa-wanze-ko-basambana

  • Aryamye mu gituza cya fiancé we, Nana yabwiye fiancé we akamuri ku mutima – YEGOB #rwanda #RwOT

    Uwamwezi Nadege wamamaye muri sinema nka Nana akaba ari umwe mu bakinnyi bakunzwe cyane muri filime y'uruhererekane ya City maid, yeretse fiancé we urukundo amufitiye yongera kumwibutsa ko ari uwe.

    Abinyujije ku rukuta rwe rwa instagram, Nana yashyize hanze ifoto aho yari aryamye mu gituza cya fiancé we maze ayiherekesha amagambo agira ati ” Mine❤️ “.

    Couple ya Nana ni imwe muri couple z'ibyamamare nyarwanda zikunze kugaragarizanya urukundo ahanini rushingira ku mafoto ndetse n'ibihe bitandukanye aba bombi bakunze kugirana.

    Source : https://yegob.rw/aryamye-mu-gituza-cya-fiance-we-nana-yabwiye-fiance-we-akamuri-ku-mutima/

  • Urukundo rw'Ubuzima bwanjye! – YAGO yifotoje ari kumwe n'Umubyeyi we amwibutsa ko ari urukundo rw'ubuzima bwe – YEGOB #rwanda #RwOT

    Umunyamakuru Nyarwaya Innocent wamamaye cyane ku izina rya Yago akaba akunzwe cyane kuri YouTube aho anyuza ibiganiro kuri channel ye ya Yago Tv show yifotoranyije na Mama we umubyara maze anamwibutsa ko ari Urukundo rw'ubuzima bwe.

    Abinyujije ku rukuta rwe rwa Twitter, Yago yashyize hanze amafoto yifotoranyije na Mama we maze ayaherekesha amagambo agira ati  ” Love of my Life 🖤🤍❤️💙mukade yambwiye ngo mbabwire #MBAYI🤣✌️”. Ugenekereje mu Kinyarwanda bishatse kuvuga ngo ” Urukundo rw'Ubuzima bwanjye 🖤🤍❤️💙mukade yambwiye ngo mbabwire #MBAYI🤣✌️ “

    Love of my Life 🖤🤍❤️💙mukade yambwiye ngo mbabwire #MBAYI🤣✌️ pic.twitter.com/g4Dt3V5lQK

    — NYARWAYA YAGO (@yagoforeal) July 31, 2022

    Source : https://yegob.rw/urukundo-rwubuzima-bwanjye-yago-yifotoje-ari-kumwe-numubyeyi-we-amwibutsa-ko-ari-urukundo-rwubuzima-bwe/