Category: Uncategorized

Ni inshuro ya Kabiri Rwamagana City igiye gukina icyiciro cya mbere mu mupira w’amaguru mu Rwanda, ikaba inshuro ya mbere kuva mu 2016 ubwo bamanukaga mu cyiciro cya kabiri.

Cyera bavugaga ko umuntu ava mu cyaro ariko cyo kitamuvamo, none ni byo biri kuba kuri Rwamagana City yavuye mu cyiciro cya kabiri ariko yo kikaba cyaranze kuyivamo dore ko ikomeje kugenda biguru ntege ndetse bihangayikishije abaturage bo muri aka karere bari bishimiye kongera kubona ikipe yabo.

Rwamagana City yazamukanye na Sunrise FC ariko ibintu bikomeje kuyibera ibindi bindi

Kuri uyu wa 6 ni bwo Rwamagana City yakinnye umukino wa mbere wa gicuti aho yahuraga na Police FC kuri sitade y’Akarere ka Ngoma, Police FC iyitsinda ibitego 3-0 byatsinzwe na Usengimana Danny, Onesme ndetse na Dominique Ndayishimiye.

Usibye kwerekana ishusho y’uko ikipe ihagaze mu kibuga, uyu mukino wanerekanye uko ikipe ya Rwamagana City ihagaze no mu mikoro kuko kugira ngo ive i Rwamagana igere i Ngoma no kuva i Ngoma isubira i Rwamagana byabaye induru.

Abakinnyi ubwo bari imbere ya sitade y’Akarere ka Ngoma bateraga urwenya bavuga ko nibyanga bitegera amagare akabageza i Rwamagana 

Iyi kipe isanzwe iterwa inkunga n’Akarere ka Rwamagana yagarutse muri Rwamagana mu byiciro kuko batwawe n’imodoka 2 ntoya za twegerane (Hiace) wagira ngo ni ikigo cy’amashuri abanza kigiye gukina n’ikindi kigo.

Ubwo umukino warangiraga za modoka zabazanye zari zitahiye biba ngombwa ko ubuyobozi bw’ikipe butangira bundi bushya gushaka twegerane zisubizayo abakinnyi.

Muri ako kanya imodoka zirimo gushakishwa, nk’abakinnyi bari bavuye mu kibuga aho guhabwa imbuto n’andi mafunguro agenewe umukinnyi, aba basore biganjemo abari mu igerageza bakugiriye mu mandazi baririra sinakubwira.

Abakinnyi ubwo bari bategereje umwanzuro w’imodoka bahise bigira guhaha amandazi 

Ubuyobozi bwaje kubona twegerane imwe itwara abakinnyi bamwe abandi basigara aho, nka nyuma y’isaha haza indi twegerane nayo itwara abari basigaye, ubwo byari bimaze kuba mu ma saa 18:15 pm.

Ntabwo ari iki kibazo gusa kigaragaza ko Rwamagana City ishobora kuzaruhanya, kuko n’abatoza bashya bazanye bayobowe na Ruremesha Emmanuel babujije ikipe amahwemo.

Ngizi imodoka karundura ziri gutwara Rwamagana City ku mikino itandukanye. Aha bari bamaze gusesekara kuri sitade ya Ngoma

Rwamagana City ikizamuka mu cyiciro cya mbere yahise ihindura abatoza, Sammy wari uyizamuye mu cyiciro cya mbere baramusezerera bazana Ruremesha Emmanuel ndetse na Lomami Marcel wahoze muri Rayon Sports.

Lomami uhetse agakapu k’ubururu “Natoje amakipe menshi aha ho ndahagwa”

Aba batoza bahageze, Rwamagana City hari abakinnyi yongereye amasezerano ndetse harimo abayifashije kuzamuka mu cyiciro cya mbere. Ruremesha akihagera yaje yerekana ko aba bakinnyi ikipe yaguze badashoboye ndetse ko we yifitiye abakinnyi yakuye hanze ari bo basinya abo yari ahasanze bagasezererwa.

Ibi byateje imvururu kugera ubwo Akarere gatanga amafaranga yo gufasha ikipe hagombaya no kuzamo amafaranga yo kwishyura abakinnyi baguzwe ariko Ruremesha Emmanuel akabyanga avuga ko ahubwo basezererwa.

Ayo mafaranga yageze mu biganza bya Rwamagana City mu ntangiriro z’iki cyumweru ariko na n’ubu nta mukinnyi urahabwa amafaranga gusa abatoza bo barayabonye nk’uko amakuru inyaRwanda yahawe abihamya.

Amakuru ava i Rwamagana avuga ko imyitozo Ruremesha Emmanuel amaze iminsi akoresha irimo abakinnyi bagera kuri 40 ariko hafi 30 ari abanyamahanga yizaniye. 

Rwamagana City ifite amahirwe yo kwakirira kuri Sitade y’Akarere ka Ngoma wakwibaza niba nitangirana aka kavuyo n’imiyoborere idafite icyo yitayeho izatera kabiri mu cyiciro cya mbere.

Ruremesha Emmanuel ubu ni we uri gutoza Rwamagana City 

Nk’uko tubikesha ikigo cy’igihugu cy’itangazamakuru, Litiro ya lisansi yagurwaga 1460 Frw yageze ku 1609 Frw, mu gihe Litiro ya Mazutu yo yashyizwe ku 1607 Frw ivuye ku 1503 Frw yari isanzwe igura. 

Minisitiri w’Ibikorwaremezo, Dr. Nsabimana Ernest yatangarije RBA ko Guverinoma yatanze nkunganire ya miliyari 10 Frw kugira ngo ibiciro bitazamuka bikabije.

Dr. Nsabimana yanavuze ko ibiciro by’ingendo mu modoka zitwara abantu mu buryo bwa rusange bitagomba kuzamuka.

Lisansi na Mazutu bigeze kuri ibi biciro, mu gihe mbere ya tariki 3 Mata Lisansi yagurwaga 1256 naho Mazutu ikagura 1201 kuri Litiro, byahindutseho muri Mata ndetse nyuma bikomeza kwiyongera kugeza uko bihagaze ubu.

Kuva mu minsi ishize, hakomeje kugarukwa kuri raporo y’impuguke z’Umuryango w’Abibumbye igomba gushyikirizwa akanama gashinzwe umutekano. Ntabwo iratangazwa ku mugaragaro, ariko ibyitwa ko biyikubiyemo bikomeje kujya hanze rwihishwa.

Ubwo yaganiraga na RFI, Dr Biruta yavuze ko u Rwanda ruzavuga neza kuri iyi raporo umunsi izaba yamuritswe.

Yavuze ko yumvise ko u Rwanda rwashinjwe ko rwohereje muri RDC abasirikare bo gufasha M23, guhera mu Ugushyingo 2021. Runashinjwa ko rwabahaye inkunga y’ibikoresho.

Minisitiri Biruta yavuze ko mu gihe izi mpuguke zaba zarabonye gusa abasirikare b’u Rwanda ntizibone abarwanyi ba FDLR, raporo ntivuge ku mikoranire ya FDLR n’Ingabo za FARDC, “hagomba kuba hari ikibazo.”

Ni cyo kimwe no kuba drones zakoreshejwe mu kubona abasirikare b’u Rwanda zitarabonye ibisasu byarashwe mu Rwanda biturutse muri Congo ku wa 19 Werurwe, ku wa 3 Gicurasi no ku wa 10 Kamena.

Iyo raporo kandi ngo ntiyagarutse ku mvugo z’urwango zakomeje gukwirakwizwa n’abayobozi muri Guverinoma, imiryango itari iya leta n’abaturage ba Congo.

Minisitiri Biruta yavuze ko FDLR ari ishingiro ry’ikibazo nk’icy’umutwe wa M23, kubera uburyo yakomeje gukwirakwiza ingengabitekerezo ya Jenoside.

Ni umutwe ngo wakomeje kwibasira ibice bimwe by’abaturage ba Congo, bigatuma hagenda havuka indi mitwe yo kwirwanaho.

Yakomeje ati 'Mu burasirazuba bwa RDC hari imitwe yitwaje intwaro irenga 130, itsinda ry’inzobere ryitaye gusa ku mutwe umwe, bagakora ibishoboka byose ngo bawuhuze n’u Rwanda, bagatekereza ko bavumbuye ikintu kinini.'

'Ikintu kinini cyashoboraga kugaragazwa ni ukubaho kwa FDLR n’ingengabitekerezo yayo ya Jenoside. Ni nk’umuganga ujya kuvura ibimenyetso atitaye ku bitera indwara.'

Iyo raporo ivuga ko bamwe mu basirikare ba Congo n’indi mitwe yitwaje intwaro bafatanyije kurwanya M23, ndetse ko ingabo za Leta zabahaye intwaro.

Minisitiri Biruta yavuze ko u Rwanda rwamaganye kuva mu ntangiriro imikoranire ya FARDC na FDLR, kandi ko hari ibimenyetso izo mpuguke zitabona, kimwe na MONUSCO mu myaka 20 ihamaze.

Nyamara ngo ibindi byose bakora bigamije gushyirishamo u Rwanda.

Yakomeje ati “Turasaba ko umuryango mpuzamahanga na Guverinoma ya Congo bakurikirana ikibazo cya FDLR n’indi mitwe ihungabanya umutekano w’akarere. Iyi mitwe yose ifite ingengabitekerezo ya Jenoside n’umugambi wo guhungabanya umutekano w’u Rwanda, igamije kurangiza umugambi wa Jenoside batarangije gushyirwa mu bikorwa, iduteye impungenge.”

“Igihe icyo kibazo kitarakemurwa, umuryango mpuzamahanga na Guverinoma ya Congo bidashaka guhagurukira icyo kibazo, umubano w’u Rwanda na RDC uzakomeza kubangamirwa.“

Minisitiri Biruta yavuze ko imishyikiraho hagati y’ibi bihugu ikomeje, aho u Rwanda rusaba RDC gushakira umuti ibibazo by’imitwe yitwaje intwaro irimo na M23, byasinyanye amasezerano mu 2013 ariko atarigeze ashyirwamu bikorwa.

Congo yavogereye ubusugire bw’u Rwanda

Minisitiri w’Ububanyi n’amahanga wa RDC, Christophe Lutundula, aheruka gushinja u Rwanda kubangamira ubusugire bwa RDC, ndetse ko umuryango mpuzamahanga ukwiye kurufatira ibihano.

Minisitiri Biruta yavuze ko ihame ry’ubusugire bw’igihugu na RDC riyireba, kuko iyo imitwe nka FARDC yifatanyije na FDLR itera ibisasu ku butaka bw’u Rwanda, ibyo nabyo ari ukuvogera ubusugire bw’igihugu.

Yakomeje ati “Hari ibitero byakomeje kugabwa mu Rwanda biturutse ku butaka bwa Congo, kandi habayeho abarwanyi ba FDLR bakoranye na FARDC binjiye mu Rwanda mu Ugushyingo 2021, ni cyo gitero giheruka kandi cyishe abaturage b’u Rwanda. Ni ukuvogera ubusugire bw’u Rwanda, kandi ni ikibazo ku mutekano w’igihugu cyacu. Ibyo byose bigomba guhagurukirwa.”

Minisitiri Biruta yasabye RDC gufatira imyanzuro FDLR

Nyuma yo kubona iki kibazo, ikigo TL events cyateguye 'summer camp Rwanda' gahunda izafasha abana bo hirya no hino muri Kigali kuruhuka neza no gukoresha igihe bahawe cy'ibiruhuko muri gahunda zibungura ubumenyi ndetse zikabafasha no kwidagadura.

Ni gahunda itangiye mu gihe abanyeshuri bo mu mashuri atandukanye bamaze igihe batangiye ibiruhuko bikuru nyuma yo gusoza umwaka.

Kugeza ubu ibikorwa byo kwiyandikisha ku bana bashaka kujya muri uyu mwiherero birakomeje ndetse mu cyumweru gitaha ibikorwa byawuteguyemo bikaba bizatangira.

Mu kiganiro yagiranye na IGIHE, Terhas Legesse, Umuyobozi Mukuru wa TL events, yavuze ko uyu mwiherero ugamije gufasha kuvumbura impano abana bifitemo no kwiga ibintu bishya.

Ati 'Babyeyi kohereza abana muri uyu mwiherero ni intangiriro nziza yo kwimenya ku mwana, ni ugushyira mu bikorwa bimwe biga ku ishuri ndetse n'ibindi bishya byo mu buzima bwa buri munsi.

'Abana bazajya bahabwa inyigisho tugendeye ku myaka yabo urugero kuva ku myaka 10-17 hari isomo bazigishwa rijyanye n'ubukungu dutangire kubashishikariza kwikorera bakiri bato.'

Terhas yakomeje agira ati 'kwidagadura mvuga ni ukubyigisha umwana urugero ni gute wakora filimi, bazigishwa ibikoresha bya muzika, kuririmba neza ,guteka ,kumurika imideri, tuzabigisha n'ikoranabuhanga urugero nk'uko wakwikorera telegone yawe yapfuye.'

Uyu mwiherero uzajyamo abana bafite hagati y'imyaka 7-17, abaziyandikisha muri gahunda y'amanywa bazajya batangira saa Mbiri kugera Saa Saba.

Hazabaho na gahunda y'ijoro, aho kuwa Gatanu no kuwa Gatandatu, abana bazajya bajya kuri Cyohoha mu Bugesera bakambike mu mahema, bavuge inkuru, bateke indyo nyafurika n'ibindi.

Umwiherero wo ku manywa uzabera Canal Olympia Rebero, wishyurwa ibihumbi 95rwf ku cyumweru, kuri buri mwana.

Umwiherero wa nijoro uzabera mu Bugesera, wishyurwa ibihumbi 85Frw buri mwana.

Ushobora kwiyandikisha uhamagaye kuri: 0785867164 cyangwa 0789944201.

'Summer Camp Rwanda' izabera kuri Canal Olympia ku i Rebero

Aho abana bazajya bakinira harateguwe

Abazafasha abana muri 'Summer Camp Rwanda' bamaze gutegurwa

Umuyobozi Mukuru wa TL events, Terhas Legesse yavuze ko bateguye iyi gahunda ya ‘Summer Camp Rwanda’ mu rwego rwo gufasha abana bari mu biruhuko kubibyaza umusaruro

Byabereye mu mudugudu wa Gakomeye, Akagari ka Kigarambo ku mugoroba wo kuri uyu wa 06 Kamana 2022.

Nyirahaguma Dative, yavuze ko musaza we yari amaze igihe ahamagara ababyeyi be akababwira ko azabica kuko bamwangiye ko agurisha umunani bamuhaye.

Uwo mugabo wabaga i Kanombe mu mujyi wa Kigali, nyuma yo kwica se na nyina, hari umwana w'umwuzukuru ufite imyaka 15 watashye avuye kuririmba na we amubonye aramwirunkana ashaka kumwica ariko uwo mwana aramusiga.

Umuvugizi wa Polisi mu Ntara y'Iburengerazuba, CIP Mucyo Rukundo yabwiye IGIHE ko imirambo ya ba nyakwigendera yajyanywe mu bitaro bya Kibogora gukorerwa isuzuma.

Inzego z'umutekano mu gitondo cyo kuri uyu wa 07 Kanama 2022, uyu mugabo zamufatiye i Karengera mu murenge wa Kirimbi, ibirenge bye biriho amaraso, zimubajije ibyayo maraso avuga ko yishe se na nyina.

Ibiro by’Umurenge wa Kanjongo mu karere ka Nyamasheke

Abantu bari benshi nk’uko byari byitezwe. Umuziki wari uyunguruye, ahasigaye ari ah’abahanzi ngo bemeze abishyuye ayabo bagiye gushaka ibyishimo muri BK Arena.

Iyi nyubako ubusanzwe yakira abantu ibihumbi 10 yari yuzuye bijyanye n’uko ibitaramo biba biteguye, abantu ibihumbi bakeneye kureba Tiger B. The Ben.

Ni igitaramo cyiswe Rwanda Rebirth Celebration Concert. Umuhanzi Bwiza ni we wabimburiye abandi ku rubyiniro, ubwo abantu bari batangiye gushyuha.

Ibintu byahinduye isura ubwo Bushali yajyaga ku rubyiniro asa y’Ingagi bitewe n’ibyo yari yambaye, yongera gushimangira ko injyana ya Kinyatrap itakiri iy’urubyiruko gusa nk’uko byahoze.

Yaririmbye indirimbo ze zakunzwe cyane nka Tsikizo, Ku Gasima, Kinyatrap ndetse na Kurura, indirimbo ye nshya yahuriyemo na Juno Kizigenza.

Kugeza aha abantu bari batangiye kwibaza uko biza kuba bimeze noneho The Ben nagera ku rubyiniro, kuko igipimo cy’ubushyuhe mu bafana cyari cyazamutse cyane.

Kirogoya ariko ntijya ibura. Mu gihe abantu bari bamaze kuryoherwa n’igitaramo, MC Tino wari mu bashyushyarugamba b’igitaramo yahamagaye Kenny Sol, arabura.

Byafashe umwaya muto wo kwibaza igikurikira, ubundi DJ Phil Peter wavangaga imiziki ahita yegura mikoro amanuka gato gato, aririmbaho indirimbo Amata yafatanyije na Social Mula, ubundi Anita Pendo ahamagara umuhanzi Marina.

Mu buryo abantu bizunguzaga, bari mu bicu, umuvuduko wahise umanuka, ndetse nyuma ya Marina hacamo umwanya w’magambo menshi y’abayoboye igitaramo.

Nyuma hakurikiyeho umwanya w’aba DJ barimo kuzamuka cyane b’abakobwa, DJ Higa na Rusam.

Ibintu byongeye guhindura isura ubwo Umuhanzi Chris Eazy yari ageze ku rubyiniro kuko mu mpande zose yari yateguye. Yari aherekejwe n’ababyinnyi batatu b’abasore, bambaye amakanzu y’abageni.

Abafana bari mu bicu, agatera bikiriza, bigeze kuri Inana biba ibindi, abaha 'full package' nk’uko yabiririmbaga.

Ahagana saa tanu nibwo Symphony Band yageze ku rubyiniro itangira gushyushya ibyuma. Ni itsinda rikomeye mu muziki wa Live, ryari ryakereye guherekeza The Ben.

Babanje kugucuranga indirimbo nyinshi mu njyana gusa, baza kuririmba Ide bafatanyije na Alyn Sano.

Saa 23:18 nibwo umunyamakuru Lucky yahamagaye The Ben, agera ku rubyiniro 23:25.
Uko yatangiye ni nako yasoje. Abafana amarangamutima yari yose, abaha indirimbo z’urukundo ahereye kuri Habibi. Byose byabaye abantu bose bari bahagurutse, ari nako bamufasha kuririmba.

Muri BK Arena ibintu byahindutse, ahahoze hatembera amagambo ngo BK Arena ni iyawe bivaho, iyi nyubako ibona nyirayo mushya by’ako kanya, The Ben.

Akaruru, utuvugirizo, amafirimbi, byose byavugiraga rimwe.

Uyu musore yabonye ibirimo kuba, araterura ati 'Muri uyu mwanya, muri uyu munota, nshishijwe bugufi n’urukundo rwanyu.'

Yasubije abantu mu myaka ishize abaririmbira Sinarinkuzi yafatanyije na Tom Close, Ko Nahindutse, aririmba Wigenda, abantu bararyoherwa kugeza aho avangamo One Love ya Bob Marley, baguma mu njyana.

Urukundo rwari mu bicu, ku buryo abantu bamwe basimbukaga bagasingira The Ben, nubwo abasore bamucungiraga hafi babaga bakanuye.

Ibintu byageze aho bimurenga, aririmba 'Ndanyuzwe’ ya Israel Mbonyi, ati 'Urukundo rurangose'.

Muri iki gitaramo, The Ben yanagarutse ku muhanzi Yvan Buravan urwariye mu Buhinde, ati 'Turagusengera muvandimwe.'

Yahise anatera indirimbo ye yise Malaika, maze abafana bafatanya kuyiririmba.

Nyuma y’iyo ndirimbo abafana bahise batangira kuririmba 'Pamela, Pamela, Pamela,’ bashaka kuvuga umukunzi we Uwicyeza.

The Ben yahise yungamo ati 'Arahari. Murashaka ko tumuzana?' Yahise araranganya amaso mu bitabiriye igitaramo asa n’umushakisha, ariko aza kuvuga ko ari umukobwa ugira amasoni, ariko ko aho ari hose amusuhuje.

Umurindi wabaye mwinshi ubwo yari ageze kuri Thank You, indirimbo ibyinitse yakoranye na Tom Close.

Iki gitaramo cyasojwe abantu bakinyotewe, nyuma y’isaha The Ben yari amaze abaha umuziki wa Live. Ni mu gihe abandi bahanzi bose babanje bagenderaga ku ndirimbo, ibizwi nka Playback.

The Ben yakoreye amateka muri Kigali Arena

Arena yari yuzuye

Ni uku Bushali yaserutse