Category: Uncategorized

Umuhanzi Burabyo Yvan (Yvan Buravan) yitabye Imana azize indwara ya kanseri y’Urwagashya yari amaze iminsi arwaye.

Uyu muhanzi akaba yaguye mu Buhinde aho yari amaze iminsi yaragiye kwivuriza, yitabye Imana mu rucyerera rwo kuri uyu wa 17 Kanama 2022

Umuhanzi Burabyo Yvan (Yvan Buravan) yitabye Imana mu rucyerera rwo kuri uyu wa 17 Kanama 2022 aguye mu bitaro byo mu Buhinde aho yari yaragiye kwivuriza.

Ibi byahamijwe n’abashinzwe inyungu ze binyuze mu itangazo basohoye bavuga ko atakiri mu Isi y’abazima.

Ni umuhanzi wafashwe akaremba mu gihe gito aho yatangiye kwivuza mu kwezi gushize, mu Rwanda byaranze, ajya muri Kenya n’aho biranga agaruka mu Rwanda muri uku kwezi ari na bwo yahitaga ajya kwivuriza mu Buhinde. Igihe cyose yari arwaye bavugaga ko ari igifu arwaye nyuma nibwo byaje kugaragara ko ari kanseri.

Ni kenshi uyu muhanzi bitewe n’uburyo yari arembyemo yagiye abikwa ko yitabye Imana kugeza aho na we ubwe abinyomoje, gusa mu rukerera rwo kuri uyu wa Gatatu tariki ya 17 Kanama 2022, abashinzwe inyungu ze mu muziki bemeje ko noneho yamaze kwitaba Imana.

Yvan Buravan yitabye Imana azize kanseri

Nk'uko byasohotse mu itangazo ryashyizwe hanze n'abareberera inyungu z'uyu muhanzi, Yvan Buravan yitabye Imana muri iri joro kuri uyu wa 17 Kanama 2022 azize uburwayi bwa kanseri y'urwagashya.

Yvan Buravan wamenyekanye mu ndirimbo zinyuranye zanyuze benshi nka 'Malaika', 'Just a dance', 'Bigtime' n'izindi; yitabye Imana ku myaka 27 y'amavuko.

Yitabye Imana ku myaka 27

Itangazo ryashyizwe hanze n'abareberera inyungu za Yvan Buravan 

IMANA IMUHE IRUHUKO RIDASHIRA KANDI IKOMEZE UMURYANGO WE N’INSHUTI 

Amakuru inyaRwanda.com icyesha abari gutegura ibi birori ni uko mu gihe kitari icya kure Hamisa Mobeto araba yamaze gusesekara mu Rwanda.

Hamisa Mobeto yamamaye cyane kubera kuba umwe mu bagore batatu babyaranye na Diamond Platnumz.

Ubwiza bwe buri mu buvugisha benshi ndetse ni kenshi Rick Ross yagiye agaragara ari kumwe na we basohokanye hirya no hino ku isi.

Ku myaka 27 Hamisa Mobeto ni umubyeyi w'abana 2, umwe w'umuhungu yabyaranye na Diamond Platnumz n’undi w'umukobwa yabyaranye Francis Ciza.

Ubutunzi bwa Mobeto bubarirwa hagati ya miliyari 3Frw na miliyari 5Frw

Hamisa Mobeto agiye kwitabira ibirori bya Bianca Fashion Hub bizabera muri Camp Kigali kuri uyu wa gatandatuDylan umuhungu wa Diamond ari kumwe na nyina Hamisa Mobeto

Aba babiri batawe muri yombi ni umugabo w'imyaka 29 n'umugore ufite 28 bafashwe mu mugoroba wo kuri uyu wa 16 Kanama 2022, mu Murenge wa Gisenyi w'Akagari ka Mbugangari mu Mudugudu w'Akarundo.

Aba bafashwe muri gahunda y'itsinda rishinzwe kurwanya abinjiza forode ryo mu Karere ka Rubavu ryari ryateguye yo kuza gufata abayinjiza muri iri joro, ryari itsinda ry'abantu benshi hafatwa babiri abandi umunani bariruka.

Iri tsinda ryafashe ibicuruzwa bitandukanye byari bikuwe muri Repubulika Iharanira Demokarasi ya Congo babyambukije mu Rwanda mu buryo butemewe n'amategeko.

Bimwe mu byafashwe harimo ibiro 69 by'imyenda ya caguwa, amapaki 3000 y'amashashi yo guhahiramo, amapaki 1534 y'amavuta atandukanye ahindura uruhu azwi nka mukorogo. Imiguru 35 y'inkweto yambawe, ibitenge 11 ndetse n'amapaki 11 y'ibinyobwa bya EXO.

Abafashwe mu bisobanuro batanze bavuze ko ibi bicuruzwa atari ibyabo ahubwo bari bahawe akazi ko kubikura muri Congo bakabigeza Karundo, bishyuwe na Ndungutse Issa alias Duniya, usanzwe utuye muri aka karere.

Inzego zibishinzwe zatangaje ko zigiye gushakisha uyu Ndungutse agakurikiranwaho ku byo ashinjwa.

Batawe muri yombi bagerageza kwinjiza forode mu gihugu iturutse muri RDC

Igikorwa cyo gutangiza aya mahugurwa ku mugaragaro cyabereye mu Karere ka Bugesera mu Murenge wa Rilima, kiyoborwa na Dr. Murangira B. Thierry, Umuvugizi wa RIB akaba n'Umuyobozi w'ishami rishinzwe ubushakashatsi no gukumira ibyaha muri uru rwego.

Yari ari kumwe n'uhagarariye RIB muri aka Karere, Gakwaya Eulade, Umuyobozi wa Polisi y'Igihugu muri Bugesera, SSP Kabera Vincent, ndetse n'umuyobozi w'ishami ry'Imiyoborere mu Karere, Sebatware Magellan.

Amahugurwa y'abayobozi mu nzego z'ibanze yateguwe na RIB nyuma y'uko hagiye hagaragara icyuho ku ruhare rw'abayobozi, aho bamwe bahishira ibyaha by'ihohoterwa akenshi rikorerwa mu ngo bayobora cyangwa bakunga umuryango w'umwana wasambanyijwe n'umuryango w'uwamusambanije, ndetse hari n'abasaba ruswa abakekwaho ibyaha kugira ngo badatanga amakuru.

Mu bushakashatsi RIB yakoze hagati y'ukwezi kwa Nyakanga 2018 na Kamena 2021 ku cyaha cyo gusambanya abana, Intara y'Iburasirazuba iza ku mwanya wa mbere, aho RIB yakoze amadosiye kuri iki cyaha angana na 4,662, igakurikirwa n'Umujyi wa Kigali n'amadosiye 2,337, Intara y'Amajyepfo n'amadosiye 2,288, Iy'Uburengerazuba ifite amadosiye 1,983, iy'Amajyaruguru ikaza ku mwanya wa nyuma n'amadosiye 1,570.

Mu ijambo rye, Umuyobozi w'ishami ry'imiyoborere mu Karere ka Bugesera, Sebatware Magellan yashimiye RIB kuba yarateguye aya mahugurwa, avuga ko aziye igihe bitewe n'ibyaha by'ihohoterwa bigenda byiyongera muri aka Karere kandi akenshi ugasanga abayobozi mu nzego z'ibanze babigiramo uruhare mu buryo butandukanye.

Sebatware yasabye abayobozi bo mu Murenge wa Rilima guhindura imyifatire kuri bamwe ndetse kunoza imikorere n'abo bayobora kugira ngo uwakorewe icyaha ahabwe ubutabera kandi ku gihe.

Umuvugizi wa RIB, Murangira B. Thierry yagaragarije abayobozi bo mu Murenge wa Rilima uburemere n'ingaruka mbi z'ibi byaha ku muryango nyarwanda ndetse n'ejo hazaza ku bana.

Yavuze ko aya mahugurwa harimo amasomo atandukanye azafasha abayobozi guhindura imyumvire no guhabwa ubumenyi kuri ibi byaha hagamijwe kunoza uruhare rwabo mu bufatanye bwo kubikumira no kubirwanya.

Ati 'Muri izi nyigisho harimo izijyanye n'imyitwarire myiza igomba kuranga umuyobozi, kumenya icyo amategeko avuga ku byaha by'ihohoterwa rushingiye ku gitsina n'irikorerwa abana, uko bakora raporo ku ihohoterwa irimo amakuru yuzuye yafasha ubugenzacyaha, gutabariza inzego zibishinzwe kugira ngo hakumirwe icyaha kitaraba ndetse no kurinda ibimenyetso bifasha mu gutanga ubutabera.'

Bamwe mu bitabiriye aya mahugurwa, bishimiye ubumenyi bahungukiye bavuga amasomo bahigiye agiye kubafasha mu guhindura imikorere ya buri munsi kui bibazo bagendaga bahura nabyo.

Gatera Jean Bosco, Umuyobozi ushinzwe umutekano mu Mudugudgu wa Nyabagendwa muri uyu Murenge wa Rilima yavuze ko yungukiye byinshi cyane cyane mu isomo ryo gukora raporo.

'Gukora raporo ku ihohoterwa cyangwa n'ibindi byaha, hari igihe woherezaga ifoto gusa ku muyobozi n'ayandi makuru make, ariko batweretse raporo yuzuye uko iba imeze n'ibigomba kuba biyigize, kugira ngo ifashe mu iperereza, bikazadufasha noneho kujya tuzikora kinyamwuga nyuma y'amahugurwa twahawe.'

Uwimana Charlotte, Umunjyanama w'ubuzima muri uyu Murenge yavuze ko hari ibikorwa byakorwaga ariko akaba atari azi ko bigize icyaha ariko ubu akaba nabyo azajya abikorera raporo nk'ibyaha.

Yagize ati 'Hari ibyo twabonaga ari ibisanzwe, nko gukomeretsa umuntu ariko nyuma y'aya mahugurwa twamenye ko gukubita no gukomeretsa ari icyaha gihanwa n'amamategeko kandi kiri muri byinshi bikorerwa mu miryango y'abo tuyobora. Namenye ko na mudugudu abaye adahari nanjye iyo raporo nayikora kugira ngo uwahohotewe ahabwe ubutabera mu gihe cyihuse.'

Aya mahugurwa biteganyijwe ko mu ntangiriro azahabwa abayobozi b'inzego z'ibanze mu turere twa Bugesera, Rwamagana, Kayonza na Ngoma mu Ntara y'Iburasirazuba, nyuma akazakomereza no mu zindi Ntara n'Umujyi wa Kigali.

Umuvugizi wa RIB, Murangira B. Thierry yagaragarije abayobozi bo mu Murenge wa Rilima uburemere n'ingaruka mbi z'ibi byaha ku muryango nyarwanda ndetse n'ejo hazaza ku bana

Umuyobozi wa Polisi y'Igihugu muri Bugesera, SSP Kabera Vincent yeretse aba bayobozi ububi bw’ibyaha bifitanye isano n’ihohotera

Abayobozi b’inzego z’ibanze muri Bugesera bitabiriye aya mahugurwa

Abitabiriye aya mahugurwa bavuze ko bayungukiyemo byinshi

Aba bayobozi bahuguwe ku byaha bitandukanye bifite aho bihuriye n’ihohotera

Ku ikubitiro aya mahugurwa yahereye ku bayobozi b’inzego z’ibanze muri Bugesera ariko akazagenda agera n’ahandi

Nyuma y’amahugurwa hafashwe ifoto y’urwibutso