Category: Uncategorized

Umunezero ndetse n’umubabaro ni byo byatumaga Padiri Dr Fabien Hagenimana wahoze ari umuyobozi w’ishuri rikuru rya Ines Ruhengeri ahimba indirimbo zisingiza (…)

Ikigo gishinzwe Ubumenyi bw’Ikirere (Meteo Rwanda) cyatangaje iteganyagihe ry’imvura y’Umuhindo (Nzeri-Ukuboza 2022), ryerekana ko ikirere kizashyuha cyane (…)

Umwana w'umuhungu w'imyaka icyenda wambaye umwenda w'ishuri yahagaritswe na polisi mu murwa mukuru Nairobi wa Kenya, ubwo yari atwaye imodoka yerekeza ku ishuri ari kumwe na se wari wicaye mu mwanya w'imbere w'umugenzi.

Iyi modoka yo mu bwoko bwa 'saloon' yahagaritswe mbere yuko yinjira ku ishuri ritari irya leta ry'i Athi River, mu gace ko mu nkengero ya Nairobi.

Hari nyuma yuko polisi yirukankanye iyo modoka ubwo uwo muhungu yayongereraga umuvuduko, amaze gusabwa guhagarara.

Mushiki we muto kuri we, yasanzwe yicaye mu ntebe y'inyuma muri iyo modoka, na we yambaye umwenda w'ishuri.

Mu mategeko ya Kenya, abantu bafite munsi y'imyaka 18 ntibemerewe gutwara imodoka.

Kuri uyu wa Gatanu, ikipe y’ u Rwanda yaserukiye kuri Stade ya Benjamin Mkapa i Dar Es Salaam muri Tanzania, aho yakiriwe na Ethiopia idakinira iwayo kubera kutagira stade yemewe n’impuzamashyirahamwe y’umupira w’amaguru muri Africa.

Mu mukino watangiye i Saa Cyenda (15:00) ku isaha y’i Kigali, Amavubi y’ u Rwanda yari yubatse ku buryo abasha kugarira nta nkomyi, bisa n’aho umutoza Carlos Ferrer yari agambiriye cyane kurinda izamu kurusha gusatira.

Mu minota ya mbere y’umukino, Ethiopia yihariye umupira ku rwego rwo hejuru, aho ahanini wakinwaga n’abo hagati ba Wallia Ibex bayobowe na Git Kinean.

Bishira Latif, Niyigena Clement na Ndayishimiye Thierry bari mu bwugarizi bw’ikipe y’ u Rwanda bakinaga bitonze ariko badahagarara kuko buri kanya basabwa gukiza izamu kandi badakora amakosa.

Ruboneka Bosco agerageze gutambutsa umupira

Ethiopia yabashije kwinjirana umupira mu rubuga rw’amahina inshuro nyinshi, ariko abasore b’Amavubi bahagarara neza kugeza igice cya mbere kirangiye hatabonetse uburyo bukanganye bw’igitego.

Mu gice cya kabiri, Amavubi yongeje akagufu mu kibuga hagati, atangira guhana neza umupira, byanatumye Ethiopia igabanya igitutu ku izamu ry’ u Rwanda ndetse n’uburyo bwayo bwo kwinjira mu rubuga rw’amahina buragabanuka.

Ku munota wa 55′ ikipe y’ u Rwanda yabonye uburyo bukomeye bw’igitego, ubwo umupira wari uvuya mu bakina hagati, usanga Muhozi Fred wawucunze neza, awuha Tuyisenge Jacques wateye ishoti rikomeye rikagarurwa n’igiti cy’izamu.

Mu minota 30 ya nyuma y’umukino, amakipe yombi yasatiraga ku buryo bungana, nubwo Ethiopia yihariraga uburyo bwo kugumana umupira, nubwo bitigeze bitanga igitego na kimwe mu mukino.

Umukino wo kwishyura uteganijwe ku ya 3 Nzeri, aho uzabera kuri Stade ya Huye mu majyepfo y’ u Rwanda, ukazasiga hamenyekanye ikipe izerekeza mu mikino ya nyuma ya CHAN2023 hagati ya Ethiopia n’ u Rwanda.

Amavubi yabanje mu kibuga: Ntwari Fiacre (GK), Bishira Latif, Niyigena Clement, Ndayishimiye Thierry, Niyomugabo Claude, Serumogo Ally, Ruboneka Bosco, Mugisha Bonheur, Haruna Niyonzima, Niyibizi Ramadhan na Iradukunda Bertrand

Nkusi Thomas [Yanga] yasezeweho bwa nyuma n’Abanyarwanda batuye muri Afurika y’Epfo, ni mbere y’uko umubiri we uzanwa mu Rwanda.

Yanga wamamaye mu gusobanura filime z’iri mu ndimi z’amahanga azishyira mu kinyarwanda, yitabye Imana tariki ya 17 Kanama 2022 azize indwara y’umwijima akaba yaraguye muri Afurika y’Epfo aho yari yashyiriye abana be gusura nyina kuko ari ho akorera.

Mbere y’uko umubiri we uzanwa mu Rwanda akaba yasezeweho bwa nyuma uyu munsi n’abanyarwanda batuye muri Afurika y’Epfo, ni umuhango wabereye mu Mujyi wa Johannesburg.

Biteganyijwe ko mu gitondo cy’ejo ku wa Gatandatu saa 7h ari bwo umubiri we uzagera mu Rwanda. Ku Cyumweru tariki 28 Kanama 2022, inshuti n’umuryango wa Yanga bazakora umuhango wo kwizihiza ubuzima bwe, uzabera mu Bugesera aho yari atuye. Azashyingurwa ku wa Mbere tariki 29 Kanama 2022.

Ikipe y’igihugu y’u Rwanda y’abakinnyi bakina imbere mu gihugu, yanganyije ubusa ku busa na Ethiopia mu gushaka itike ya CHAN 2023 izabera muri Algeria.

Uyu mukino wabereye kuri Uwanja wa Mkapa aho Ehiopia yakiriye u Rwanda, igice cya mbere Amavubi y’u Rwanda yarushijwe cyane ndetse ntabwo yigeze agera imbere y’izamu rya Ethiopia inshuro nyinshi uretse nk’umupira wo ku munota wa 34 Serumogo yahinduye mu rubuga rw’amahina ariko Bertrand akananirwa kuwufunga.

Ethiopia yahererekanyaga neza cyane, yagerageje inshuro nyinshi kwinjira mu rubuga rw’amahina rw’u Rwanda ndetse ibigeraho ariko bagorwa cyane no kuba batsinda igitego mu izamu ryari ririnzwe na Ntwari Fiacre.

Abakinnyi ba Ethiopia bakaba bahaye akazi gakomeye cyane ubwugarizi bw’u Rwanda ariko ku bwumvikane n’umunyezamu wa bo Fiacre, byagoye Ethiopia kuba yabona igitego.

Muri iki gice, abasore bakinaga hagati mu kibuga h’u Rwanda cyane cyane Ruboneka Bosco baranzwe no gutakaza imipira myinshi kandi mu buryo butari ngombwa. Amakipe yombi yagiye kuruhuka ari 0-0.

Amavubi yatangiye igice cya kabiri akora impinduka, Ruboneka Bosco avamo aha umwanya Nishimwe Blaise.

Amavubi yatangiye gukina bahererekanya neza ubona barimo kubonana ndetse batangira no gusatira cyane, byaje kuba byiza ubwo umutoza yazaga gushyiramo Jacques Tuyisenge na Muhozi Fred hakavamo Bertrand na Ramadhan ni nabwo yaje kubona amahirwe ariko Jacques Tuyisenge umupira awuteye akubita umutambiko w’izamu.

Yaje no gukora izindi mpinduka, Zidane asimbura Mugisha Bonheur ni mu gihe Haruna Niyonzima yahaye umwanya Nshuti Dominique Savio.

Amakipe yongerageje gutsinda igitego ariko biranga umukino urangira ari 0-0. Kugira ngo Amavubi abone itike ya CHAN, birasaba ko azatsindira Ethiopia mu Rwanda tariki ya 3 Nzeri 2022.