Category: Uncategorized

Jibu yatangiye gukorera mu Rwanda mu mwaka wa 2012, iba ikigo cya mbere cyatangije uburyo bwa ‘Tap Water Bottle’ aho ijerekani yabugenewe ikoreshwa n’ushaka kunywa amazi asukuye, akagera mu mubiri ari ntamakemwa.

Kuva muri 2012, iki kigo cyahaye uburenganzira ibindi bigo 57 kugira ngo bakorane mu buryo bw’ubucuruzi buhuriweho (Franchising) aho ibyo bigo bitunganya amazi ku buryo bumwe, bikayageza ku banyarwanda mu bice bitandukanye by’igihugu.

Abantu basaga 400 bafite akazi ka buri munsi mu bikorwa bya Jibu, mu gihe kandi mu ntara zose z’u Rwanda habarirwa abacuruzi basaga 4000 bageza amazi ya Jibu ku baturage.

Iki kigo gikorera mu bihugu 8 by’Africa, gishishikariza kandi kigafasha abantu kuva mu buryo bwa kera bwo kunywa amazi yavomwe ku mugezi, bagakoresha uburyo bwa ‘Tap Water Bottle’ aho amazi aba yaratunganijwe n’inararibonye.

Incamake ku buryo amazi ya Jibu atunganywa

Uretse amazi, Jibu inatunganya ifu y’umwimerere itekwamo igikoma ndetse na Gas igezweho, aho iki kigo kinashishikariza abanyarwanda gutekesha ‘LPG Gas’ aho kuba inkwi n’amakara byangiza imyanya y’ubuhumekero bw’umuntu.

Mu ngingo nkuru n’icyerekezo cya Jibu harimo gufasha ba Rwiyemezamirimo bo mu Ntara zose z’ u Rwanda bakageza ku baturage ibi bikenerwa by’amazi, Ifu ndetse na Gas isanzwe icuruza.

Hamwe mu hatunganyirizwa amazi ya Jibu

Aho bacuruza aya mazi, bakirana abakiriya ubwuzu n’urugwiro

Bijyanye nk’uko aya mazi aboneka mu turere twose tw’u Rwanda, akoreshwa hose mu miryango

Aya mazi atwarwa mu macupa yabugenewe afite ingano zitandukanye, ku buryo ukora Siporo cyangwa urundi rugendo abasha kuyitwaza

Kuri uyu wa gatandatu, Ishyirahamwe ry'umukino wa Triathlon mu Rwanda 'RTF',  ryateguye irushanwa rya kane  muri uyu mwaka w'imikino ribera mu  Karere ka Rwamagana nyuma y'imyaka 7 ritahabera.

Rwamagana Duathlon National Championship 2022 yari ifite intera ya Kilometero 27,5 aho abasiganwa bahagurukiye ku cyicaro cya Polisi i Rwamagana, banyura umuhanda werekeza ahasuzumirwa ibinyabiziga, bafata umuhanda munini Rwamagana-Kigali, bageze imbere gato ya Gare y'Akarere ka Rwamagana, bakomeje inzira yerekeza ahazwi nko mu Cyarabu, bagaruka aho batangiriye.

Uyu mukino uba ukubiyemo amarushanwa 3 kwiruka n’amaguru, gusiganwa ku igare ndetse no koga, ariko kuri iyi nshuro ntabwo boze

Ku ikubitiro, aba bakinnyi basiganwe kilometero 5  n'amagaru, aho bazengurutse inshuro ebyiri. Nyuma  bazengurutse iyi ntera inshuro 8 ku igare basoza bakoze kilometero 20, basoza basiganwa ku maguru aho bakoze intera ya kilometero 2,5.

Mu bagabo, Hakizimana Felicien ni we wegukanye iri rushanwa aho yakoresheje isaha 1, iminota 11 n'amasegonda 20. Yakurikiwe na Iradukunda Eric (1h13'40') naho ku mwanya wa 3 haza Tuyisenge Samuel  (1h13'43'), aba bombi bakaba bakinira ikipe ya CS Karongi.

Nyuma yo kwegukana iri rushanwa, Hakizimana Felicien yavuze ko ryari rikomeye gusa ko icyamufashije ari imyitozo y'imbaraga amaze iminsi akora. Akomeza avuga ko agiye gukomeza kwitegura kugira ngo mu marushanwa ari imbere  harimo na shampiyona y'Afurika azitware neza.

Mu cyiciro cy'abagore, iri rushanwa ryegukanywe na Uwizeye Valentine ukinira Ikipe ya CS Karongi  aho  yakoresheje isaha 1, iminota 22 n'amasegonda 3. Yakurikiwe na Nyirarukundo Rosette wakoresheje isaha 1, iminota 24 n'amasegonda 46 naho ku mwanya wa 3 haje  Mutimukeye Saidate wakoresheje isaha 1 n'Iminota 25.

Nyirarukundo Rosette akaba ari we wari wegukanye irushanwa riheruka, ryabereye i Gicumbi muri Nzeri 2022.

Uretse aba bakinnyi bakinnye mu cyiciro cy'abanyamwuga, hanahembwe abakinnyi bakinnye nk'abatarabigize umwuga. Nkubiri Boniface  ufite imyaka  52 y'amavuko, Nizeyimana Eric ukinira ikipe ya Gicumbi na Bikorimana Theoneste wa Rwamagana bahembwe nk'abakinnyi bagaragaje guhatana  n'ubwo bakoresheje amagare atari aya kinyamwuga.

Perezida wa RTF, Mbaraga Alexis yavuze ko irushanwa ryagenze neza kuko iyo risojwe nta mpanuka cyangwa ikindi cyaritambamiye biba ari byiza. Yakomeje avuga ko bishimira n'ubwitabire muri rusange cyane cyane ku ruhande ry'abagore.

Mbaraga Alexis umuyobozi w’iri shyirahamwe 

Umuyobozi w'Akarere ka Rwamagana, Mbonyumuvunyi Radjab yishimiye imikoranire iri hagati y'Akarere na RTF aniyemeza ko bagiye gushyira imbaraga muri uyu mukino  cyane cyane mu bakiri bato, kugira ngo mu minsi iri imbere hazabe hari abakinnyi bakomeye babaserukira ndetse banaserukira igihugu. 

Mbonyumuvunyi Radjab umuyobozi w’akarere ka Rwamagana yashimiye uko irushanwa ryagenze nyuma y’iryaherukaga kuhabera mu 2015 

Abakinnyi batangiye irushanwa bagenda n’amaguru

Umugore wawe natwita uzirinde ibi bintu bikurikira mu rwego rwo kwirinda kumwangiza:

1.      Ujye wirinda kumuhutaza murebana

Mu gihe umugore wawe yiteguye kubona umwana, ntabwo uba wemerewe kumukubita cyangwa kumuhutaza akureba. Ntuzigere umukoraho uko byaba bimeze kose, ntukamuhutaze. Nuramuka ubikoze, ubuzima bwe buzaba buri mukaga.

2.      Ntugatume arara yicaye

Mu by'ukuri buri mugore aba akeneye kuruhuka bihagije cyane. Ntuzigere utuma arara ijoro ryose yicaye rero. Ujye wibutsa umugore wawe utwite kubyuka kare, ndetse no kuryama kare. Byibura ajye ajya kuryama saa 8:30' pm zuzuye kugira ngo abone umwanya wo kuruhuka.

3.      Ujye wirinda kumutuka cyangwa kumukankamira

Irinde gukankamira umugore wawe, by'umwihariko niba atwite. Niba umugore wawe atwite ntuzamuzamureho ijwi cyane. Niba yanakoze amakosa ntuzigere umuzamuraho ijwi.

4.      Uzajye umuha amahirwe yo kwisanzura, no gukora buri kimwe yifuza n'igihe abyifuriza.

Imirimo yo murugo yose n'iye, ujye umuha amahirwe n'umwanya wo kubikora neza yitonze.

5.      Ntugatume ajya mu buriri ashonje.

Kuko umwana aba akeneye kurya, niyo mpamvu umubyeyi atwarira kurya kandi icyo akeneye cyose uba ugomba kukimuha.

Mu rwego rwo kugira ngo umwana wawe agire ubuzima bwiza, ugomba kwita kuri mama we.

Opera news

Capt Ibrahim Traoré ukuriye agatsiko ka gisirikare kafashe ubutegetsi muri Burkina Faso, ubu niwe mutegetsi w'igihugu ukiri muto muri ako karere.

Ni umusirikare umenyereye intambara wagiye buhoro buhoro anenga ubutegetsi bw'uwo yahiritse ku 'ingamba zidatanga umusaruro' mu kurwanya imitwe ya Islamic State na al-Qaeda.

Capt Traoré kuwa gatanu yahiritse Lt Col Paul-Henri Damiba, iba coup d'etat ya kabiri muri uyu mwaka muri Burkina Faso, ishobora gukerereza inzibacyuho yo guha ubutegetsi abasivile.

Kuwa 30/10/2022 ni bwo Bosco Nshuti azakora igitaramo yise “Unconditional Love Live Worship Concert”. Kizabera muri Camp Kigali kuva saa kumi z’umugoroba. Ni igitaramo cya kabiri uyu muhanzi agiye gukora nyuma y’icyo yakoze mu mwaka wa 2018.

Amakuru mashya kuri iyi gitaramo cya Bosco Nshuti, ni uko hamaze gutangazwa abahanzi yatumiye ndetse n’ibiciro byo kwinjira. Abahanzi bazafatanya na Bosco Nshuti ni James & Daniella, Josh Ishimwe, Patient Bizimana, Alarm Ministries na Alex Dusabe.

Kwinjira muri iki gitaramo ni 5,000 Frw mu myanya isanzwe, 10,000 mu myanya y’icyubahiro ndetse na 20,000 Frw mu myany y’icyubahiro cyinshi unakanahabwamo icyo kunywa. Amatike ari kuboneka ku rubuga www.itec.rw no kuri Momo Pay ukoresheje code 213886.

Bosco Nshuti akunzwe mu ndirimbo zirimo “Ibyo Ntunze” ifatwa nk’idarapo ry’umuziki we, “Umutima”, “Utuma nishima”, “Ngoswe n’ingabo”, “Uranyumva”, “Ntacyantandukanya”, “Nzamuzura”, “Ni wowe”, “Dushimire”, “Isaha y’Imana” na “Ni muri Yesu” imaze kurebwa n’abarenga ibihumbi 419 mu mezi 11 imaze kuri Youtube.

Uyu muramyi aherutse kubwira inyaRwanda.com intego y’iki gitaramo cye agiye gukora mbere yo kurushinga. Ati: “Intego yacyo kizaba kitwa ‘Unconditional love’, tuzavugamo urukundo gusa Imana yadukunze nta kindi”.

Yavuze ko impamvu igitaramo cye yacyise ‘Unconditional Love’ ari ukubera ko “Imana yadukunze tukiri abanyabyaha, nta kiguzi twatanze ngo Imana idukunde ahubwo yo yadukunze tukiri babi kuko ari Imana ubwayo ni urukundo”.

Yavuze ko afitiye uruhisho abakunzi b’umuziki we. Ati “Mfite byinshi byiza binyuze mu ndirimbo, izo abantu bazi n’izindi nshya nzaririmbamo kuko ndi gutegura kandi ibintu byiza. Ariko tuzibanda ku kuvuga urukundo ruhebuje twakunzwe nta kiguzi”.

Bosco ari mu myiteguro y’igitaramo kizakurikirwa n’ubukwe bwe

Bosco Nshuti ni izina rikomeye mu muziki wa Gospel. Uretse kuririmba ku giti cye, anabarizwa mu makoli amaze kuba ubukombe ari yo Silowamu ya ADEPR Kumukenke na New Melody choir y’abaririmbyi buje ubuhanga bukomeye. 

Ni umuhanzi w’umuhanga mu myandikire n’imiririmbire, watangiye kuririmba cyera akiri muto, ahera mu makorali ariko by'umwihariko akaba yaratangiye kuririmba ku giti cye mu 2015.

Impano ye yamuritswe bwa mbere imbere y’imbaga n’umuramyi Dominic Ashimwe mu gitaramo cyabereye muri New Life Bible Church Kicukiro mu mpera z’umwaka wa 2016.

Muri iki gitaramo cya Dominic, uyu muhanzi yavuze ko Bosco Nshuti ari umwe mu bahanzi beza u Rwanda rwungutse. Ibyo Dominic Ashimwe yavuze mu myaka 7 ishize, byabaye impamo.

Tariki 2/09/2018 ni bwo Bosco Nshuti aheruka gukora igitaramo cye bwite “Ibyo Ntunze Live Concert”, cyabereye muri Kigali Serena Hotel. Yari ari kumwe na bamwe mu bahanzi bakunzwe barimo Alex Dusabe, Dominic Ashimwe, Papi Clever na Silowamu choir.

Cyitabiriwe n’abantu ibihumbi n’amagana. Nyuma y’imyaka 4, kuri ubu yateguye ikindi gikomete kizaba tariki 30/10/2022.

Nyuma y’iki gitaramo, Bosco Nshuti azakurikizaho kurushinga n’umukunzi we Vanessa Tumushime batangiranye umushinga w’ubukwe tariki 14 Kanama 2022.  Ubukwe bw’aba bombi buzaba tariki 12 & 19 Ugushyingo 2022.

Bosco Nshuti agiye gukora igitaramo yatumiyemo abaramyi bakunzwe