Category: Uncategorized

Mu ngingo zasuzumwe n’inteko rusange y’abadepite harimo iya 63 y’uyu mushinga w’itegeko, iteganya igihano kiri hagati y’umwaka umwe n’imyaka ibiri ku mupolisi uzatoroka akazi mu gihe kirenze iminsi 15.

Umuyobozi w’ishyaka PS Imberakuri ritavuga rumwe n’ubutegetsi akaba n’umwe mu bagize inteko ishinga amategeko, Hon. Mukabunane Christine, yasobanuye impamvu z’itegeko, avuga ko hagamijwe kwirinda ibyahungabanya umutekano.

Ibi yabivugiye mu kiganiro yagiranye na Mama urwagasabo tv, ubwo yabazwaga impamvu kuva mu kazi ku mupolisi adasezeye bigiye kuba icyaha kandi gihanirwa.

Yavuze ko ibyo bigiye gukorwa mu buryo bwo guca intege ababikora nkana kuko ngo baba bafite ubumenyi ku bijyane n’umutekano kandi ngo bashobora kurema ibico bishobora guhungabanya umutekano w’igihugu.

Yagize ati : 'Baba bafite ubumenyi butandukanye mu byo kurinda umutekano, abo batorotse rero bashobora kugenda baka bakora imitwe yahungabanya umutekano w’igihugu bikaba byaba bibi muri rusange. Ikindi muri iyo myitozo leta iba yarabatanzeho amafaranga ; kuba rero ayo mafaranga yabatanzweho bagatoroka, icyo bari babitezeho ntibakibone bikwiye guhanirwa kugira ngo babice intege.'

Yakomeje avuga ko muri polisi hari uburyo bwo gusezera ku mupoliis ubishaka.

Ati : 'Ko hari uburo bwo gusezera ushaka kuvamo kuki atajya gusezera ngo avemo aho kugira ngo ajye gutoroka ? Bakavuga ngo ashobora kuba atorotse kuko afite imigambi mibi, kuki atoroka kandi hari uburyo bwo gusezera nk’uko muri status ya polisi birimo.'

Hon Mukabunani avuga ko ibyo iri tegeko bitarebaho kuko hari irindi rigenewe iby’imishahara.

Umuvugizi wa polisi, CP John Kabera we yavuko ntampamvu yo kuvuga ku itegeko ritarasohoka, gusa yanabwiye abapolisi ku bijyanye no kuba ngo batemererwa gusezera igihe babishakira.

Mu butumwa bugufi yahaye umunyamakuru wa Mamaurwagasabo yagize Ati : 'Niba hari abapolisi bavuga ko iyo usaba kuva mu gipolisi nk’uko ubishaka, ubabwire ko igipolisi atari urwego rwinjirwamo aho ushakiye cyangwa wiboneye maze ukanasohokamo uko wiboneye n’aho wiboneye. Amategeko agomba gukurikizwa kandi abasanzwemo bakwiye kuba bayazi, murakoze.'

Gusa nubwo bimeze bityo hari abandika bashaka gusezera kubera impamvu zitandukanye harimo n’umushahara muke ariko bakabibangira.

Umuyobozi w’ishyaka PS Imberakuri ritavuga rumwe n’ubutegetsi akaba n’umwe mu bagize inteko ishinga amategeko, Hon. Mukabunane Christine

Kuri uyu wa kane, umucamanza uyoboye iburanisha yatangiye abwira urukiko ko na bwo Félicien Kabuga yahisemo kutaryitabira, ku mpamvu umucamanza atavuze, ariko ko urubanza rukomeza adahari.

Nuko umunyamategeko wo ku ruhande rushinja Kabuga atangira atanga incamake y’ubuhamya bw’umutangabuhamya wumviswe n’urukiko mu iburanisha ryabaye ku wa gatatu nyuma saa sita.

Uwo mugore, uvuga ko mu 1994 yabaga ku Muhima mu mujyi wa Kigali, muri iyo ncamake yabwiye urukiko ko nyuma y’umwaduko w’amashyaka menshi mu Rwanda yakunze kubona abategetsi bo mu ishyaka rya MRND ryari ku butegetsi n’abo muri CDR bakorera inama mu nzu ya Kabuga aho ku Muhima.

Avuga ko na mbere yuko jenoside itangira, Interahamwe zari zaratangiye kwibasira Abatutsi.

Avuga ko inshuro ebyiri mu 1993, we ubwe yabonye Kabuga ari kumwe n’izo Nterahamwe zakoreshaga iyo nzu ye yo ku Muhima, zirimo n’izari zaragize uruhare mu kuyubaka zivuye iwabo wa Kabuga i Byumba.

Uwo mutangabuhamya w’ubushinjacyaha avuga ko mubyara we yaje kwicwa n’Interahamwe nyuma yuko zibafunganye zikanabafata ku ngufu.

Avuga ko yajyaga yumva radio RTLM kugeza mu kwezi kwa gatanu mu 1994, aho umwe mu banyamakuru bayo Valérie Bemeriki yakundaga gushishikariza Interahamwe gufata ku ngufu Abatutsikazi yitaga “ibizungerezi”.

Bemeriki wari umunyamakuru wa RTLM yemeye ibyaha yarezwe bya jenoside akatirwa gufungwa burundu, afungiye muri gereza ya Kigali.

Nyuma y’ubwo buhamya, urukiko rwumvise ubw’undi mutangabuhamya w’umugore ushinja Kabuga, uvuga ko yahoze ari umukozi wo mu rugo hagati yo mu mwaka wa 1990 na 1994.

Avuga ko yagiye abona Interahamwe zikora imyitozo ku Kimihurura i Kigali, na mbere yuko jenoside itangira.

Uyu mutangabuhamya avuga ko mu 1993 yabonye Kabuga ari kumwe n’umukuru w’izo Nterahamwe zo ku Kimihurura, ndetse abona zirimo guhabwa intwaro.

Avuga ko nyuma yaje guhungishirizwa kuri stade Amahoro mu gihe cya jenoside, bikozwe n’abasirikare b’umuryango w’abibumbye bo mu butumwa bwo kubungabunga amahoro mu Rwanda (MINUAR/UNAMIR).

Avuga ko aho kuri stade Amahoro bamwe mu bahahungiye bari bahunganye amaradio, ari na ko bashoboye kumva radio RTLM, bakumva abanyamakuru bayo Kantano na Valérie Bemeriki bavuga ko ubatera inkunga ari Felicien Kabuga.

Ndetse ngo abo banyamakuru bumvikanye bashishikariza Interahamwe kugaba igitero kuri stade Amahoro bavuga ngo “Inyenzi nyinshi ni ho ziri”.

Uwo mutangabuhamya – incamake y’ubuhamya bwe yasomwaga n’umwe mu banyamategeko bashinja Kabuga – yavuze ko abo banyamakuru bakoreshaga imvugo yo gupfobya, nkaho bashishikarizaga Interahamwe “kumva icyanga cy’Abatutsikazi”, ibyo we yumva ko kwari ukuzishishikariza kubafata ku ngufu.

Uwo mutangabuhamya yavuze ko nyuma yaho mu 1994 yaje kongera guhura n’umuryango we nyuma yuko Inkotanyi zibajyanye mu gace zagenzuraga i Byumba, nyuma bahava bongera gusubira i Kigali nyuma yuko yigaruriwe na FPR.

Yabajijwe n’uwo munyamategeko niba hari ahandi hantu ho muri Kigali Kantano yashishikarizaga Interahamwe kujya guhiga Abatutsi, avuga mu Rugunga, kandi ko benshi bahiciwe. Yanavuze n’i Nyamirambo.

Umucamanza yabajije umunyamategeko Emmanuel Altit wo ku ruhande rwunganira Kabuga niba bifuza kubaza ibibazo (cross-examination) uwo mutangabuhamya, maze avuga ko mugenzi we Françoise Matte ari we umubaza.

Uyu yabajije uwo mutangabuhamya niba we ku giti cye yari yarigeze yibasirwa mbere y’igitero ku Rwanda cy’Inkotanyi cyo mu 1990, avuga ko ntawamwibasiye mbere yaho.

Gusa ngo ubwo abiswe ibyitso by’Inkotanyi bari batangiye gutabwa muri yombi mu 1990, Interahamwe zateye kwa se ku Kibuye, zivuga ko we yoherereje se intwaro zo kwitorezaho na we ngo yari yarahawe n’Inkotanyi, nuko ngo se aziha inka nk’uburyo bwo kwigura ngo abe amahoro.

Uyu mutangabuhamya, icyo gihe ngo utari wakagize imyaka 30, yavuze ko ibyo byari urwitwazo rw’Interahamwe kuko ngo icyo gihe atari yakabonye n’uko imbunda imeze.

Nyuma yo kumara igihe uwo mutangabuhamya abazwa mu muhezo, iburanisha ryongeye kugaruka ku karubanda.

Gusa ubwo yasubizaga ikibazo cy’igihe Interahamwe zatangiriye kwitoza – aho yavuze ko zatangiye guhera mu mpera y’umwaka wa 1993 kugeza na mbere gato ya jenoside mu 1994, umusemuzi yaje kwibaza niba ubu buhamya yari arimo gutanga buri mu muhezo kuko bwashoboraga gutuma uwo mutangabuhamya amenyekana umwirondoro.

Nuko umucamanza wongera gusaba ko iburanisha rikomeza mu muhezo niba umutangabuhamya yumva umwirondoro we ushobora kumenyekana.

Ubwo kongera kubaza umutangabuhamya byari bigarutse ku karubanda, umunyamategeko wo ku ruhande rushinja Kabuga yazamuye inzitizi ubwo umunyamategeko Matte yabazaga uwo mutangabuhamya niba hari ubusembwa (ubumuga) yasigiwe na jenoside, yaniciwemo benewabo benshi.

Gusa icyo kibazo cyafashwe n’inteko iburanisha nk’igishobora kumenyekanisha umwirondoro w’umutangabuhamya mu kugisubiza, iburanisha ryongera gukomereza mu muhezo.

Kabuga aregwa ibyaha bya jenoside yo mu Rwanda, we mu gihe gishize yireguye abihakana.

Ivomo:BBC

Evanston, umujyi wo muri leta ya Illinois, ni ahantu harimo kubera ibintu bidasanzwe.

Muri uyu mujyi uri mu majyaruguru ya Chicago, akayaga karahutera ku madirishya y'inzu z'amatafari ziri ku murongo, mu gihe amabendera y'umukororombya n'ibyapa byanditseho 'Black Lives Matter' bigaragara buri hamwe.

Ku butumwa yashyize kuri Twitter, Ingabire yavuze ko afite 'ubwuzu bw’inshi bwo kongera kubona bucura bwanjye'.

Yongeraho ati : 'U Rwanda ruragendwa !' ubu butumwa bwerekana ifoto ari kumwe n’umuhungu we ku kibuga cy’indege cya Kigali.

Nyuma y’imyaka 12, mfite ubwuzu bw’inshi bwo kongera kubona bucura bwanjye.

U Rwanda ruragendwa ! pic.twitter.com/2GsvvWHnTA

— Victoire Ingabire (@VictoireUmuhoza) October 12, 2022

Muri Mutarama(1), uyu muhungu we Rist Shimwa Muyizere yasohoye indirimbo irimo agahinda k’uburyo yatandukanyijwe na nyina.

Mu 2010 Victoire Ingabire yagiye gukorera politiki mu Rwanda, asiga inyuma umuryango w’abana batatu n’umugabo we.

Nyuma yo kugera mu Rwanda yaje gukatirwa gufungwa imyaka 15 ku byaha birimo gushaka guhungabanya umutekano w’igihugu no gupfobya jenoside, ibyaha we yahakanye.

Mu 2018 yarekuwe ku mbabazi za perezida wa Repubulika amaze muri gereza imyaka umunani.

Nubwo yarekuwe ntafite uburenganzira bwo gusohoka mu Rwanda atabiherewe uruhushya na minisiteri y’ubutabera. Yigeze kuvuga ko inshuro yagerageje kubisaba atabyemerewe.

Ajya mu Rwanda, Ingabire yasize uyu muhungu we afite imyaka umunani, ubu akaba afite imyaka 19.

Mu ndirimbo yasohoye mu Giholandiyise 'Inzira Ndende’ ushyize mu Kinyarwanda, Muyizere yaririmbye ku gahinda yasigiwe na nyina n’icyizere yifitiye we na nyina.

Mu 2020, Victoire Ingabire yasuwe mu Rwanda n’umukobwa we hamwe n’umwuzukuru we.

Ni umwanzuro washyigikiwe ku bwiganze bwo hejuru, usaba leta ya Moscow gukuraho kiriya cyemezo.

Mu itora ryabaye kuri uyu wa Gatatu, ibihugu 143 bigize Umuryango w’Abibumbye byashyigikiye uyu mwanzuro, bitanu birawaga, mu gihe 35 byifashe.

Ibihugu byatoye byanga uyu mwanzuro ni Belarus, Korea ya Ruguru, Nicaragua, u Burusiya na Syria.

NI mu gihe ibihugu byinshi byifashe ari ibyo muri Afurika, hamwe n’u Bushinwa ndetse n’u Buhinde, ibihugu bibanye neza n’u Burusiya.

Uwo mwanzuro watowe ujyanye no kurengera amahame y’Umuryango w’Abibumbye, uvuga ko kuba Intara za Donetsk, Kherson, Luhansk na Zaporizhzhia ubu zigenzurwa n’u Burusiya ndetse bwamaze kwemeza ko ari izabwo, bibangamiye ukwigenga kwa teritwari ya Ukraine, ubusugire bwayo nk’igihugu n’ubwigenge mu bya politiki.

Inteko rusange yafashe icyemezo cyo kuganira kuri uwo mwanzuro, kubera ko u Burusiya bufite uburengazira ntakumirwa (veto) mu Kanama gahsinzwe umutekano.

Umwanzuro watowe usaba ibihugu binyamuryango, Umuryango w’abibumbye n’imiryango mpuzamahanga muri rusange, kutemera icyemezo cy’u Burusiya cyo kwiyomekaho turiya duce, ugasaba icyo gihugu kuvuguruza icyo cyemezo.

Ibiganiro kuri uwo mwanzuro byatangiye ku wa Mbere, aho Perezida w’Inteko rusange, Csaba Kőrösi, yashimangiye ko icyemezo cy’u Burusiya cyo gutera no kwiyomekaho uduce tumwe twa Ukraine “kinyuranyije n’amategeko.”

Ibihugu byo muri Afurika byifashe kuri iki cyemezo birimo Algeria u Burundi, Centrafrique, Congo, Eritrea, Lesotho, Ethiopia, Eswatini, Guinea, Namibia, Mozambique, Afurika y’Epfo, Sudani yEpfo, Sudani, Togo, Uganda, Tanzania na Zimbabwe.

Ibindi ni Armenia, Bolivia, u Bushinwa, Cuba, Honduras, u Buhinde, Kazakhstan, Kyrgyzstan, Lao, Mongolia, Pakistan, Sri Lanka, Tajikistan, Thailand, Uzbekistan na Viet Nam.

Nyuma y’iri tora, Perezida wa Ukraine, Volodymyr Zelensky, yashimiye ibihugu 143 byemeye uyu mwanzuro ko “icyemezo cy’u Burusiya cyo kwiyomekaho uduce twa Ukraine nta shingito gifite, kandi ko kitazigera cyemerwa n’ibihugu byigenga.”

Yashimangiye ko u Burusiya buzasubizaubutaka bwayo bwose.

Grateful to 143 states that supported historic #UNGA resolution “Territorial integrity of Ukraine : defending the principles of the UN Charter”. The world had its say – RF’s attempt at annexation is worthless & will never be recognized by free nations. 🇺🇦 will return all its lands pic.twitter.com/FupYPfZz8M

— Володимир Зеленський (@ZelenskyyUa) October 12, 2022