Leta y’u Rwanda igenda iteza imbere ikoranabuhanga (ICT), ku buryo biteganyijwe ko mu 2024, imirimo irishingiyeho izaba ifite uruhare rwa 5% mu musaruro (…)
Category: Uncategorized
-
Hiyandikishije 214: Haramenyekana abakomeza m… – #rwanda #RwOT
Nyuma y'uko kuwa 05 Nzeri 2022 hatangiye gahunda yo kwiyandikisha byakorwaga hoherezwa umwirondoro uherekejwe n'amashusho y'umunota umwe uwiyandikisha aririmba, ku bishoboye anacuranga bigasozwa kuwa 10 Ukwakira 2022, hiyandikishije 214.
Nk'uko byari biteganijwe mu gikorwa, kuri uyu wa 14 Ukwakira 2022 mu ishuri rya Elite Music ahazwi nka Centre Missionaire Lavegerie hafi ya Sainte Famille abiyandikishije baranyura imbere y'akanama nkempuramaka.
 Mu kiganiro inyaRwanda.com yagiranye n'umuyobozi w'aya marushanwa Shyaka Brenda, yagize ati: 'Twifuje nka kompanyi ya Chufa itegura ibitaramo, ibirori n'ibikorwa bitandukanye byiganjemo iby'imyidagaduro kugira uruhare mu gukomeza kuzamura abanyempano mu muziki.'
Akomeza agira ati: 'Twari dufite gukoresha uburyo bw'ikoranabuhanga kugera dusoje nk'uko biyandikishije cyangwa n'andi marushanwa menshi akorwa, ariko twasanze guhuza abahanzi ari byiza kubw'ejo hazaza heza h'irushanwa n'abahanzi.'
Agaruka kuho babona irushanwa mu myaka iri imbere ati: 'Ni byinshi turifuza ko rikura rigafasha abanyarwanda bafite impano yaba abari mu gihugu no hanze yacyo, kandi hari icyizere ko bizagerwaho. Turifuza kurema abahanzi bahatana ku isoko ry'imbere no hanze yacyo.'One Nyota Music Competition ikaba izahemba abahanzi batatu babafasha mu kubakorera indirimbo, yaba iz'amajwi n'amashusho bikozwe n'inzu zitunganya umuziki zirimo izikomeye imbere mu gihugu no hanze yacyo, ndetse no kubafasha kuzimenyekanisha.
By'umwihariko nk'uko bivugwa, irushanwa ryitwa One Nyota Music Competition ugenecyereje mu kinyarwanda Inyenyeri Imwe Rudasumbwa, umuhanzi wa mbere ni we uzahabwa amasezerano y'umwaka ashobora kongerwa kubwumvikane bw'umuhanzi na kompanyi ya Chufa, binyuze mu mushinga w'amarushanwa ya One Nyota Music Competition.
![]()
Uyu munsi haraba amajonjora asiga hamenyekanye abagiye guhatana mu cyiciro gikurikira -
Ubuhamya bw’Umu Ex-FAR mu rubanza rwa Munyenyezi ,Havuzwe ibyakorewe abakobwa 5 bigaga muri Kaminuza i Butare #rwanda #RwOT
Mu iburanisha rishize, urukiko rwari rwafashe umwanzuro ko abatangabuhamya baza kumvwa mu rukiko imbona nkubone nk’uko uregwa yari yabisabye, uyu munsi bahageze bamwe basaba kumvwa mu muhezo.
Beatrice Munyenyezi woherejwe mu Rwanda nyuma yo kurangiza igihano cyo kubeshya inzego z’ubutegetsi za Amerika, yongeye gusubiramo ko atifuza ko hari abatangabuhamya bamushinja bari mu muhezo ngo batamenyekana.
Ni nyuma y’uko abatangabuhamya baje kumushinja none kuwa kane bamwe basabye ko batanga ubuhamya bwabo ariko batamenyekanye, nubwo amazina yabo yari amaze gusomwa mu rukiko.
Abunganira Munyenyezi bibajije impamvu abo batangabuhamya bashaka kumvwa mu muhezo kandi amazina yabo yari amaze gutangazwa mu rukiko.
Ubushinjacyaha buvuga ko ibisabwa n’abatangabuhamya bwazanye byemewe n’amategeko.
Mu gushimangira impamvu basaba umuhezo, umushinjacyaha ati : 'Mu byaha tumurega harimo gusambanya abagore n’abakobwa, ibaze haramutse hari umutangabuhamya ujya kuvuga uburyo yasambanyijwe, akabivuga mu ruhame'.
Urukiko rwanzuye ko batatu basabye gutanga ubuhamya mu muhezo babyemerewe, naho babiri bemeye gutanga ubuhamya ku mugaragaro nabo bakabikora. Aba nibo bahereweho.
Consolée Mukeshimana yavuze ko muri jenoside yajyanywe na muramu we kuri Hotel Ihuriro yari mu mujyi wa Butare akahahurira na Munyenyezi ari kumwe n’umugabo we Sharom Ntahobali na nyina [w’umugabo we] wari minisitiri, Pauline Nyiramasuhuko, Munyenyezi ubwe akamwaka indangamuntu, ariko Mukeshimana ngo ntayo afite.
Mukeshimana avuga ko yari yajyanywe na muramu we kugira ngo asabe Nyiramasuhuko â” bari baziranye – ko yamuhungisha akamugeza ku mupaka w’Akanyaru.
Uyu mutangabuhamya yavuze ko Munyenyezi yari yambaye imyenda ya gisirikare kandi afite imbunda, ko bari aho yiboneye uyu uregwa ategeka Interahamwe gufata ku ngufu abanyeshuri b’abakobwa batanu ba kaminuza bari bahazanywe.
Yongeraho ati : '[nanjye] Munyenyezi yaramfashe ashaka kunyiyicira.'
Uyu avuga ko muramu we wari wamujyanye kuri iyo hotel gushaka uko amuhungisha yamubwiye ko Munyenyezi bamuhimbaga Commando.
Munyenyezi n’abunganizi be bagendaga babaza ibibazo uyu mutangabuhamya bishingiye ku buryo amuzi, uko yamubonye icyo gihe, n’ahandi yaba yaramubonye.
Munyenyezi yavuze ko uyu mutangabuhamya yaje no kumushinja muri Amerika ariko ngo 'yaba yaribagiwe ibyo yahavugiye' kuko arimo 'kunyuranya' n’ibyo yavugiye muri Amerika.
Undi mutangabuhamya witwa Bigirimfura Charles wari umusirikare mu ngabo zatsinzwe akaba n’umunyeshuri mu ishuri rya gisirikare rizwi nka ESO, yavuze ko nawe azi Munyenyezi kuri Hotel Ihuriro kuko ngo yahagendaga (Charles) buri munsi.
Yavuze ko azi kandi Munyenyezi kuri bariyeri mu mujyi wa Butare aho yabaga ari kumwe n’Interahamwe yambaye ikoti rya gisirikare kandi afite imbunda, ati : 'yatangaga n’amategeko'.
Bigirimfura yavuze ko ibya Munyenyezi ari ibyo azi we ubwe kuko muri jenoside bahuraga bakaganira.
Bigirimfura nawe yagiye gushinja Munyenyezi akiri muri Amerika, uyu uregwa yavuze ko ibyo Bigirimfura nawe avugira muri uru rukiko bitandukanye n’ibyo yabwiye abacamanza muri Amerika.
Urubanza rwakomeje humvwa abatangabuhamya batatu basabye kumvirwa mu muhezo.
-
Umusazi-mwenge Karasira Aimable yanze kuburana ngo afite uburwayi bwo mu mutwe, none asohoye igitabo. Niwe wacyanditse, cyangwa aracyitirirwa? #rwanda #RwOT
Igitabo Aimable Uzaramba Karasira yise 'NDEKA UNDORERE' cyamaze kugera ku isoko mpuzamahanga ry'ibitabo, amakuru dufite akaba avuga ko ibigikubiyemo ari rya pfobya n'ihakana rya Jenoside yakorewe Abatutsi ndetse no gusebya u Rwanda n'abayobozi barwo, ibyaha n'ubundi byatumye ajyanwa gutura muri gereza ya Nyarugenge, hazwi ku izina rya'Mageragere'.Â
Nta gitangaje kuba imfungwa cyangwa umugororwa yakwandika igitabo, kuko baba bafite umwanya munini, ndetse ubuyobozi bwa gereza bukabaha ubwisanzure buhagije. Icyatunguranye ahubwo ni ukubona umuntu wanze kuburana avuga ko agomba kubanza kuvuzwa'uburwayi bwo mu mutwe', ahindukira akabona ubuhanga bwo kwandika igitabo. Ibi byatumye abasesenguzi bahamya ibintu nka bibiri bishobola, byihishe inyuma y'isohoka ry'iki gitabo-rutswitsi.
Iki gitabo cyasohokeye hanze y'u Rwanda, ari nayo mpamvu hari abemeza ko kitiriwe Karasira , ariko cyaranditswe na babandi n'ubundi bamwohererezaga amafaranga ngo ateze impagarara mu Rwanda. Muribuka amamiliyoni arimo n'amafaranga y'amanyamahanga yafatiwe kwa Karasira mu gihe cy'ubugenzacyaha, nawe ubwe atashoboye gusobanura inkomoka yayo.
Si ubwa mbere abajenosideri n'abitwara nkabo' basohoye' igitabo kandi bafunze, kuko na Ngeze Hassan wa Kangura yagisohoye, ariko bikaza kugaragara ko mu by'ukuri cyamwitiriwe, kuko cyanditswe kikanashyirwa ku isoko n'abagize uruhare muri Jenoside yakorewe Abatutsi, baba Abanyarwanda bakidegembya mu mahanga, baba n'abanyamahanga biyemeje guhindanya isura y'u Rwanda.
Kwandika no gusohora igitabo mu macapiro akomeye nk'iryakoreshejwe kuri'Ndeka Undorere, si ibintu bipfa gushoborwa na bose. Wasobanura ute ukuntu umuntu uri muri gereza abona mu buryo bworoshye abamufasha gukosora igitabo, amafaranga y'icapiro n'ayo kugishyira ku isoko, mu gihe nyamara hari abantu badafunze, bifuje kwandika ibitabo ku mateka nyakuri y'u Rwanda, ariko bakabura ababibashamo?Aimable Karasira ni 'umusazi-mwenge', kuko ibyo yigira byose abikora nkana, kandi abifitiye impamvu.
Mbere y'uko atangira imigambi mibisha, yari umwarimu muri Kaminuza y'u Rwanda, aho yigishaga amasomo y'ikoranabuhanga. Ibi bivuze ko atananirwa kwandika igitabo. Kuba rero yiyita umurwayi wo mu mutwe, ni amayeri yo kwanga kuburana, akanabishishikarizwa n'abamutumye gukora amahano, kugirango ejo amabanga yabo yose atazajya ahabona, Karasira aramutse yemeye kuburana. Ni imitwe nk'iya Rusesabagina wanze kuburana, atinya ko ibye byose bijya ku Karubanda. Ntacyo byamumariye, kimwe n'uko na Karasira ntacyo bizamufasha.
Ntawahamya ko gereza yari kwemera ko Karasira ahandikira igitabo-rutwitsi, kigasohoka abayobozi batazi ibicyanditsemo. Igishoboka ahubwo Karasira yasigiye umushinga (draft) abamukoresha, ari nabo bawunogeje, kugeza igitabo kirangiye.
Izi'hypotheses' zirahuriza ku ngingo imwe. Yaba ari Karasira wiyandikiye iki gitabo, yaba yaracyandikiwe n'abandi, haragaragaramo akaboko k'abahoza u Rwanda ku nkeke, barimo n'abanyamahanga, dore ko ba Judi Rever, Michela Wrong, Keneth Roth, Filipp Rentjens, n'abandi bagome batajya baryama.
Abatindi ntibihishira ariko, kandi ntawe utwika inzu ngo ahishe umwotsi. Uko byagenda kose abafashije Aimable Karasira kwandika iki gitabo kigoreka amateka y'u Rwanda cyangwa abakimwitiriye, bazamenyekana.
Abahanga bacu mu gucukumbura inkuru zihishe batangiye akazi, kandi mu gihe kitarambiranye tuzabaha amakuru atavangiye.Â
The post Umusazi-mwenge Karasira Aimable yanze kuburana ngo afite uburwayi bwo mu mutwe, none asohoye igitabo. Niwe wacyanditse, cyangwa aracyitirirwa? appeared first on RUSHYASHYA.
-
Ifoto y'umunsi:Perezida Kagame yakiriye Jimmy Gatete n'abanyabigwi muri ruhago #rwanda #RwOT
Kuri uyu wa Kane, Perezida Kagame yahuye na Jimmy Gatete wari kumwe n'abakanyujijeho mu mupira w'amaguru bari mu Rwanda ahazabera Igikombe cy'Isi cy'abasoje umupira.
Jimmy Gatete umwe mu bakinnyi bakunzwe cyane mu Rwanda mu myaka yashize yageze mu Rwanda kuwa 10 Ukwakira nyuma y'imyaka myinshi atahaba aho yaje guhura n'ibindi byamamare muri Afurika bategura kiriya gikombe cy'isi.
Kuri uyu wa Gatatu, tariki ya 12 Ukwakira 2022, nibwo mu Mujyi wa Kigali hatangirijwe gahunda y'Igikombe cy'Isi cy'abakanyujijeho mu gikorwa cyiswe 'Legends in Rwanda'.
Iki gikorwa cyitabiriwe n'abahoze ari abakinnyi bakanyujijeho ku Isi barimo Umunya-Cameroun Roger Milla, Khalilou Fadiga wahoze akinira Sénégal, Patrick Mboma na we ukomoka muri Cameroun, Umunya-Ghana Anthony Baffoe n'Umufaransa Lilian Thuram.
Iki gikombe cy'Isi kizabera mu Rwanda muri Gicurasi 2024.
Jimmy Gatete atuye muri Leta Zunze Ubumwe za Amerika kandi amaze imyaka myinshi atagaragara mu gihugu cye aho yamamaye cyane mu myaka igera 15 ishize.
Jimmy Gatete ni umukinnyi watsinze igitego bivugwa ko aricyo cyaba cyarishimiwe kurusha ibindi mu bakunzi b'umupira w'amaguru mu Rwanda.
Muri Werurwe (3) 2003 yatsinze igitego kimwe (Rwanda 1 â” 0 Ghana) cyahesheje u Rwanda itike yo kujya mu gikombe cya Africa (2004) ku nshuro ya mbere, ari nayo yonyine kugeza ubu.
Jimmy Gatete yakiniye amakipe atandukanye mu Rwanda arimo Mukura VS, Rayon Sports na APR FC. Uyu rutahizamu kandi yiswe 'Imana y'Ibitego' na 'Rutahizamu w'Abanyarwanda'.
Mu Ikipe y'Igihugu 'Amavubi', Gatete yakinnye imikino 52, atsinda ibitego 25 birimo n'icyahesheje u Rwanda kwitabira Igikombe cya Afurika [CAN].
-
#COVID19: Umuntu umwe wanduye yabonetse mu bipimo 1,131 #Rwanda #RwOT via @kigalitoday #rwanda #RwOT
Minisiteri y’Ubuzima (MINISANTE) yatangaje ko ku wa Kane tariki 13 Ukwakira 2022 mu Rwanda habonetse umuntu umwe wanduye Covid-19, akaba yabonetse mu bipimo (…)
-
Uhagarariye Kongo-Kinshasa muri LONI yavuze ko u Rwanda rwiba ingagi n'inguge zicyo gihugu mu nama yigaga ikibazo cy'intambara muri Ukraine #rwanda #RwOT
Ku munsi w'ejo uhagarariye igihugu cya Repubulika Iharanira Demokarasi ya Kongo mu Muryango w'Abibumbye Ambassador Georges Nzongola Ntalaja, yatunguye abantu ubwo yavugaga ko u Rwanda rwiba ingagi n'inguge zo muri icyo gihugu zikarushyira muri pariki zarwo zigasurwa na ba mukerarugendo. Usibye kuba byatunguye abantu, yabivuze mu gihe kidakwiye kuko yari inama yigaga ku kibazo cy'intambara muri Ukraine.
Muri iyi minsi, igihugu cya Kongo aho cyitabiriye inama hose kiba gishaka kwegeka ibibazo byose bafite ku Rwanda. Yaba inama yiga ku butaka, ibikorwa remezo, icyorezo cya Covid19 nizindi, uhagarariye Kongo ahita aterura akavuga ko ibibazo byose igihugu cyabo gifite babiterwa n'u Rwanda.
Â
Mu nama ya LONI, iyo igihugu kivuzwe cyangwa kikaregwa gifite uburenganzira bw'igihe kingana n'iminota icumi kikavuga icyo gitekereza ku birego cyarezwe. Uwungirije uhagariye u Rwanda muri LONI ariwe Robert Kayinamura ntiyatinze yahise yaka ijambo agira icyo asubiza mugenzi we Ambassador Georges Nzongola.
Robert Kayinamura yagize ati 'Kwikuraho inshingano zo gukemura ibibazo by'imbere mu gihugu cya Kongo byabaye iturufu y'abayobozi biki gihugu. Icyo mugenzi wanjye atabwiye abateraniye hano ni uko Kongo Kinshasa ifite imitwe yitwaje intwaro irenga 140. Abayobozi ba Kongo bakwiye kwicara hamwe bagakemura ibibazo bafite aho guhora bahunga inshingano zabo'
Ubwo Georges Nzogola yavugaga ko u Rwanda rwiba ibikoko byiki gihugu, yavuzeko byavuye muri raporo ya LONI nawe atibuka izina kuko yarebye mu kirere ashaka kuyivuga ariko ntibyaza ati 'ndayibagiwe'.
Kayinamura yibukije Leta ya Kongo ko ihunga ibibazo by'ingenzi aho abayobozi muri iki gihugu bakoresha amagambo y'urwango mu guheza abavuga ururimi rw'ikinyarwanda muri iki gihugu.
Si Ambasaderi Nzogola gusa kuko urugero barukura kuri Perezida Tshisekedi wavugiye imbere yInteko Rusange ya Loni ya 77 mu mezi ashize ko ibibazo byose igihugu cye gifite babiterwa n'u Rwanda. Ubu aho umuyobozi wese wa Kongo agiye mu nama hirya no hino ku isi kuvuga u Rwanda nibyo bagize intego.
Perezida Kagame yasubije mugenzi we ko gushinja abandi ku bibazo bya Kongo bitazaba igizubizo cyo kugarura amahoro muri iki gihugu.
Perezida Tshisekedi wivugiye ko agiye guhindura Kongo, Ubudage bwo muri Afurika ubu afite ikibazo gikomeye cyo kugaragaza ibyo yagezeho mu matora azaba umwaka utaha. Yari yiyemeje ko azagarura mahoro mu burasirazuba bwa kongo ahubwo imitwa yitwaje intwaro irimo na FDLR yariyongereye ikaba igeze ku mitwe 140.
Â
Â
The post Uhagarariye Kongo-Kinshasa muri LONI yavuze ko u Rwanda rwiba ingagi n'inguge zicyo gihugu mu nama yigaga ikibazo cy'intambara muri Ukraine appeared first on RUSHYASHYA.
-
Etincelles FC yatesheje amanota Kiyovu Sports,Police FC ibona intsinzi ya mbere #Rwanda #RwOT via @kigalitoday #rwanda #RwOT
Kuri uyu wa 13 Ukwakira 2022 habaye imikino y’umunsi wa gatanu wa shampiyona aho ikipe ya Kiyovu Sports yujujuje umukino wa kabiri idatsinda inganyije na (…)
-
IFOTO Y’UMUNSI: Jimmy Gatete yahuye na Perezida Paul Kagame #rwanda #RwOT
Nyuma yo kumwakira 2003 na bagenzi be bamaze gutsinda Uganda mu gushaka itike y’igikombe cy’Afurika cya 2004, uyu munsi Perezida Kagame yongeye kwakira Jimmy Gatete wari umaze imyaka irenga 10 atagera mu Rwanda.
Mu Rwanda hateraniye abahoze bakina umupira w’amaguru batandukanye barimo abanya-Cameroun Roger Milla na Patrick Mboma, umufaransakazi Laura Georges, umunya-Senegal Khalilou Fadiga, umufaransa Lilian Thuram ndetse n’umunya-Ghana Anthony Baffoe ni muri gahunda ya Legend in Rwanda mu rwego rwo gutangiza kumugaragaro gahunda igana mu gikombe cy’Isi cy’abahoze bakina umupira w’amaguru kizabera mu Rwanda.
Aba banyabigwi kuri uyu wa Kane bakaba bitabiriye itangizwa inama ya Youth Konnect muri Kigali Arena.
Aha ni bwo aba banyabigwi barimo na Jimmy Gatete bahuye na Perezida Paul Kagame bagirana ibiganiro byanagarutse kuri iki gikombe cy’Isi giteganyijwe kuzakirwa n’u Rwanda muri Gicurasi 2024.
Muri Gicurasi uyu mwaka nibwo ishyirahamwe ry’umupira w’amaguru ry’abahoze bakina ruhago ku Isi (Féderation Internationale de Football Vétéran [FIFVE]) ryasinye amasezerano n’ishyirahamwe ry’umupira w’amaguru mu Rwanda (FERWAFA) ryo gutegura igikombe cy’Isi cy’abahoze bakina ruhago “Veteran Club World Championship”.
Jimmy Gatete yahuye Perezida Kagame Paul
Yahuye na perezida Kagame ari kumwe n’abanyabigwi batandukanye
Bafashe ifoto y’urwibutsoSource : http://isimbi.rw/siporo/article/ifoto-y-umunsi-jimmy-gatete-yahuye-na-perezida-paul-kagame
-
Perezida Kagame yahishuye icyasubije inyuma umugabane w'Afurika #rwanda #RwOT
Perezida Paul Kagame yatangaje nta muntu n'umwe wigeze asubiza umugabane wa Afurika inyuma usibye abawutuye bemeye kubana nabyo.
Ibi umukuru w'igihugu yabigarutseho mu muhango wo gutangiza inama ya YouthConnekt,yahurije hamwe urubyiruko rusaga 9000 rwo hirya no hino ku isi.
Ati “Nta muntu wasubije inyuma Abanyafurika usibye twe ubwacu. Icyo ni ikintu dukwiriye kwemera niba dushaka kukirwanya.”
Yavuze kandi ko Afurika atari umugabane w'ibibazo kuko ibibazo biba ahantu hose ku isi.Ati 'Afurika ntabwo ari umugabane w'ibibazo, habe na gato. Ni byo hari ibibazo ariko se nihe utabona ibibazo? Ibibazo biri hose ku Isi, bityo rero dukwiriye kwita ku bibazo byacu ariko ntabwo turi umugabane w'ibibazo. Nibura dukwiriye nk'abayobozi gukora ibishoboka, tukabona ko urubyiruko ari abafatanyabikorwa mu rugendo rwacu rw'iterambere.'
Perezida Kagame yavuze ko uko Isi iteye, ari uko abakomeye aribo bashaka kugena umurongo ibintu byose bigenderaho ku buryo bo bumva ko ibyo bakora biba bishingiye ku ndangagaciro zabo.
Ati “Dukwiriye kongera kwisuzuma, tukibaza tuti ese dukwiriye kuba abantu badafite agaciro? Cyangwa se dukwiriye gukomeza kuba abantu bagendera ku ndangagaciro z'abandi? Ndatekereza ko Afurika yagize agaciro kandi ifite agaciro.”
“Twagize agaciro mbere y'undi wese muri iyi si. Ni ahacu kugira ngo twongere twirebe tuvuge tuti hari byinshi twakora, buri wese ku giti cye, urubyiruko tukita kuri sosiyete yacu. Dukwiriye kuva mu magambo tukajya mu buzima bwa nyabwo.”
Umukuru w'Igihugu yavuze ko hashize imyaka icumi iyi nama itangijwe mu Rwanda. Yagaragaje ko YouthConnekt yabaye ihuriro rihuza urubyiruko buri mwaka, rugatanga ibisubizo by'ibibazo bihari ndetse bagasangira n'ubumenyi.
Inama ya YouthConnekt iri kuba ku nshuro ya Gatanu. Yatangijwe mu 2012 bigizwemo uruhare na Guverinoma y'u Rwanda hamwe n'Ishami ry'Umuryango w'Abibumbye rishinzwe Iterambere, UNDP.
Abayobozi batandukanye n'urubyiruko ruturutse mu bihugu 22 bya Afurika harimo n'u Rwanda, bitabiriye iyi nama.
Uyu munsi haraba amajonjora asiga hamenyekanye abagiye guhatana mu cyiciro gikurikiraÂ