Category: Uncategorized

Ikipe ya APR FC yatsinze Marine FC igitego 1-0 mu mikino y’umunsi wa gatanu wa shampiyona yabaye kuri uyu wa Gatatu tariki 14 Ukwakira 2022, mu gihe Musanze (…)

Ibitego bya Byiringiro Lague wari umaze iminsi adakina na Mugisha Bonheur byafashije APR FC gutsinda Marines FC mu mukino w’umunsi wa 5 wa shampiyona ya 2022-23.

Umutoza wa APR FC, Erradi Adil Mohammed, yari yakoze impinduka nyinshi mu bakinnyi babanzamo uhereye mu izamu, bijyanye n’umusaruro utari mwiza iyi kipe yari imaze iminsi ifite aho yaherukaga gutsindwa na Bugesera FC.

Ku ruhande rwa Marines FC, Rwasamanzi Yves yitabaje ikipe ye isanzwe ariko iburamo Mugisha Desire wabonye ikarita itukura ku mukino uheruka.

Marines FC yari nziza mu gice cya mbere yabonyemo uburyo bubiri burimo umupira washyizwe muri koruneri na Mutabazi Alexandre n’irindi shoti rya Gitego Arthur ryanyuze hejuru gato y’izamu.

APR FC na yo yabonye uburyo butandukanye burimo umupira wa Mugunga Yves wanyuze hejuru y’izamu, ishoti rya Ishimwe Christian ryafashwe n’umunyezamu n’uburyo bwa Ishimwe Anicet bwagiye hanze.

Mu gice cya kabiri, amakipe yombi yakoze impinduka zitandukanye zatanze umusaruro ku ruhande rwa APR FC yinjije ibitego bibiri bya Byiringiro Lague na Mugisha Bonheur ku munota wa 77 n’uwa 89.

Gutsinda uyu mukino byatumye APR FC ya gatanu igira amanota icyenda mu mikiino imaze gukina, irushwa atatu na Rayon Sports zinganya imikino.

APR FC izasubira mu kibuga tariki ya 17 Ukwakira, ihura na Police FC mu mukino w’Umunsi wa gatatu wa Shampiyona utarabereye igihe.

Nyuma yaho, iyi kipe yambara umukara n’umweru izamara ibyumweru bibiri idakina kugeza ubwo izaba ihura na Gorilla FC ku munsi wa munani wa Shampiyona.

Imikino y’Umunsi wa gatandatu n’uwa karindwi yari guhuramo n’amakipe ya AS Kigali na Espoir FC, yasubitswe kubera ko ifite abakinnyi batanu mu Amavubi U-23 azakina na Mali y’abatarengeje iyo myaka tariki ya 22 Ukwakira i Huye n’iya 29 Ukwakira i Bamako.

Minisiteri y’Ubucuruzi n’Inganda (MINICOM) yasohoye itangazo rivuga ko isubitse gutanga uruhushya, rwemerera abashaka kujya mu bikorwa by’imikino y’amahirwe (…)

Ubuyobozi bw’Intara y’Iburengerazuba butangaza ko bwamaze kuganira n’umushoramari, uzabafasha guhinga no kugura igihingwa cya (…)

Mu kiganiro inyaRwanda yagiranye n'umwe mubo mu muryango wa Neema Ngerero yasobanuye byimbitse kucyo bakeka cyaba cyaramuhitanye, avuga ko yasanzwe mu modoka yapfuye ndetse ko muri iyo modoka harimo umwuka mwinshi.

Yagize ati' 'Turagushimiye cyane kubwo kuba utubajije ukuri ku icyateye urupfu rwe. Neema yasanzwe yapfuye mu modoka ye, mu rugo rwa musaza we. Imodoka yari iri mu igaraje ry’urwo rugo itazimije, ariko umuryango w'igaraje ufunze. Abaganga bahageze basanze ko hari umwuka mwinshi mubi witwa carbon monoxide mu nzu, ndetse no mu igaraje. Birashoboka ko yasinziriye mu modoka ye igihe yageraga mu igaraje, noneho uwo mwuka mubi ukamwica. Kugeza ubu urupfu rwe rufatwa nk’impanuka kuko nta kimenyetso kindi cy’icyo ataba yarakoze neza, kandi nta kindi gikekwa cyateye urupfu rwe. Murakoze''.

Ku mugoroba wo kuwa Mbere tariki 3 Ukwakira 2022, ku mbuga nkoranyambaga zitandukanye hatangiye gucicikana amafoto n'amashusho ya Neema, bamwifuriza iruhuko ridashira.

Abantu benshi batandukanye bahise batangira gutungurwa n'ibiri kuba, kugeza ubwo inyaRwanda.com yatangiye gushaka amakuru y'uyu munyamideli n'icyamwishe.

Mu kiganiro inyaRwanda yagiranye na bamwe mu bazwi mu myidagaduro ndetse bari inshuti z'uyu mukobwa, bavuze ko yasanzwe mu modoka yapfuye ariko nabo nta makuru ahagije babifiteho.

Neema yari umunyamideli utanga ikizere

Umuhango wo gushyingura Neema bizakorerwa muri Leza Zunze Ubumwe za Amerika, Phoenix, Arizona tariki 14 Ukwakira 2022.

Kugeza ubu hamaze kuboneka ibihumbi 9,646 by'amadorari ya amerika mu gihe hakenewe ibihumbi 20 by'amadorari ya Amerika, yo gufasha umuryango wa Neema no kuwufata mu mugongo. Wifuza gutanga inkunga yawe kanda hano.

Atabarutse akiri muto

Neema Ngerero yavutse tariki 1 Mutarama 1997 atabarutse akiri muto kuko yari afite imyaka 25 y'amavuko gusa, ariko amaze kugera kuri byinshi mu bijyanye n'imideri yakoraga bya kinyamwuga ndetse amaze no kuyizamura.

Neema mu bihe bye yarangwaga no kwishima

Umuhango wo gushyingura Neema uzabera muri Amerika

Umuyobozi w’Akarere ka Nyagatare wungirije ushinzwe imibereho myiza, Murekatete Juliet aributsa abayobozi mu nzego z’ibanze ko gushyira umuturage ku isonga (…)

Ubuyobozi bw’Akarere ka Rulindo bwashimiye abafatanyabikorwa bafashije Akarere kunoza imyigishirize y’amasomo y’Icyongereza n’Imibare bakanongeraho gahunda (…)

Ni imyigaragambyo yabereye muri teriwari uya Fizi mu Burasirazuba bwa Congo.

Yitabiriwe n’abanyeshuri hamwe n’abarimu nyuma y’urupfu rw’uwitwa Mugaza Samuel, umusore uri mu kigero k’imyaka 16 y’amavuko wigaga mu mwaka wa munani.

Yishwe atemaguwe n’umwe mu basirikare ba FARDC, ukorera muri Brigade ya 12 iri mu Minembwe.

Abigaragambya baturutse mu bigo bitandukanye berekeza ahakorera ubuyobozi bukuru bwa gisirikare bwa, MONUSCO, ndetse n’ubwa gipolisi muri Madegu. Bari bafite ibyapa byanditseho ko bamaganye ubwicanyi bwakorewe umunyeshuri bashaka ko abakoze ubwo bwicanyi bahanwa.

Umuyobozi wa sosiyete sivile muri Minembwe, Ruvuzangoma Rubibi St Cadet, avuga ko atangazwa no kubona abantu bicwa n’abagakwiye kubarinda.

Bigirinka Pius, umwarimu wigisha mu ishuri ryisumbuye rya Complex Sclairemisoko de Minembwe, avugana n’itangazamakuru yagize ati : 'Twaje kwigaragambya, twamagana igikorwa cyabaye ejo ubwo hicwaga umunyeshuri wo mu burezi bw’ibanze mu wa munani, uzwi ku izina rya Muganza Samuel. Icyo kintu rero tubona atari icyo kwihanganirwa. Nicyo cyatumye tuza gusaba inzego za leta ngo zihe ubutabera umuntu kugira ngo yubahwe, agire icyo akora yibohoye mu mahoro cyangwa mu mutekano. Nta handi umuntu yicwa atemaguwe kugeza aho akuweho ingingo zimwe z’umubiri bakagenda bazerekana ngo bishe umunyarwanda.'

Bavugana n’Ijwi ry’America, ubuyobozi bwa FARDC bwavuze ko uwo musirikare wishe uwo munyeshuri yafashwe ubu afunzwe, kandi ko bategereje abacamanza ba gisirikare bazava mu ntara ya Uvira bakaza kumuburanisha imbere y’abaturage i Minembwe.

Bwiza.com, ivuga ko atari ubwa mbere mu Minembwe, abasirikare bashinjwa ibyaha byo kwica abaturage bo mubwoko bw’Abanyamulenge, aho ubwicanyi nk’ubwo buheruka muri 2021 ubwo abagore batanu bishwe n’abasirikare ba Brigade ya 12.