Category: Uncategorized

Umutoza wa APR FC, Adil Erradi Mohammed yifatiye ku gahanga kapiteni w’iyi kipe Manishimwe Djabel avuga ko ari we mukinnyi umaze iminsi umutsindisha.

Ntabwo umwuka ari mwiza hagati y’umutoza wa APR FC, umunya-Maroc, Adil Erradi Mohammed ndetse na bamwe mu bakinnyi bakuru muri iyi kipe.

Nyuma yo gusezererwa na US Monastir muri CAF Champions League yatsinzwe na Bugesera FC muri shampiyona.

Ni ibintu byagaragariga buri wese ko harimo ikibazo ndetse amakuru akaba yaravugaga ko ibintu bitameze neza hagati ya Adil Erradi na bamwe mu bakinnyi.

Ibi byaje gushimangirwa n’impinduka yaraye akoze ku mukino batsinzemo Marines 2-0, aho mu bakinnyi yaraye abanjemo bari basanzwe babanzamo ari Buregeya Prince, Mugisha Bonheur, Ishimwe Christian na Mugunga Yves gusa.

Nyuma y’uyu mukino ni bwo yeruye avuga ko Manishimwe Djabel impamvu atakinnye ari uko amaze iminsi amutsindisha ndetse avuga ko ari kapiteni wa APR FC atari kapiteni we.

Ati “Ni kapiteni wa APR FC ntabwo ari uwanjye, yahawe amahirwe mu gice cya kabiri ku mukino wa Monastir mu gice cya kabiri atsindisha igitego, yatanze igitego ku mukino wa Bugesera, nta kinyuranyo yakoze ku mukino wa Bugesera, si uko atiteguye, si uko adahari ni kimwe n’abandi, nta mukinnyi munini muri APR FC.”

Yakomeje avuga kandi ko atakwicaza umukinnyi umeze neza ngo Djabel akine, niba atiteguye kurwanira ishema rya APR FC nta mwanya afite muri iyi kipe.

Ati “Ntabwo nakwicaza umukinnyi umeze neza, uri mu bihe bye ukora neza nka Fiston, Blaise, Bonheur, ntabwo nabikora, Djabel ni umukinnyi nk’abandi bakinnyi, ikibuga ni cyo cyubaha buri umwe, umupira w’amaguru ni ubu n’ahazaza, ahashize si ikibazo cyanjye, gukurwamo na Monastir ni ibindi bindi, ni ibindi muvandi, niba Djabel atiteguye cyangwa undi mukinnyi utiteguye guhesha icyubahiro umwenda wa APR FC, kuyihesha intsinzi, nta mwanya afite, biroroshye.”

Yakomeje kandi avuga ko uyu mukinnyi ahora ahamagarwa mu ikipe y’igihugu ariko akaba atajya ahabwa umwanya wo gukina bitewe n’urwego rwe.

Manishimwe Djabel yinjiye muri APR FC 2019 avuye muri Rayon Sports yari yaragezemo muri 2013.

Adil avuga ko Djabel atari kapiteni we ndetse ko amaze igihe amutsindisha

Source : http://isimbi.rw/siporo/article/umutoza-wa-apr-fc-mu-mvugo-ikomeye-yifatiye-ku-gahanga-kapiteni-w-iyi-kipe-manishimwe-djabel

Umunyabigwi mu mupira w'amaguru mu Afurika,Anthony Baffoe,wakiniye Ghana n'amakipe arimo OGC Nice na Metz zo mu Bufaransa, yanenze uko abashinzwe umupira w'amaguru mu Rwanda bafata umunyabigwi Jimmy Gatete wajyanye u Rwanda mu gikombe cy'Afurika cya 2004.

Ibi uyu mugabo usigaye akora mu bunyamabanga bwa CAF yabigarutseho kuri uyu wa Gatatu, tariki ya 12 Ukwakira 2022, ubwo hatangizwaga gahunda y'imyiteguro y'Igikombe cy'Isi cy'abakanyujijeho kizabera mu Rwanda, mu gikorwa cyiswe 'Legends in Rwanda'.

Uyu mugabo we na mugenzi we Patrick Mboma bahurije ku kuba Jimmy Gatete ari umunyabigwi u Rwanda rwabyaza umusaruro cyane ko amaze imyaka irenga 10 yibera hanze ntawe umwitaho.

Aba bakinnyi bakanyujijeho batanze ikiganiro cyahawe insanganyamatsiko igaruka ku kamaro ka siporo mu ishoramari.

Anthony Baffoe yavuze ko nubwo Gatete afatwa nk'umunyabigwi mu Rwanda ariko nta kibyerekana.

Ati 'Ufite Jimmy hano, sinigeze mbona ikintu na kimwe cyamwitiriwe. Abantu bakoze amateka bakwiye guhabwa agaciro, bakitabwaho.''

Patrick Mboma we yavuze ko ibyo Gatete yakoze bimugaragaza nka Ambasaderi w'u Rwanda bityo akwiye kwegerwa.

Yagize ati 'Jimmy Gatete mubona nka ambasaderi wanyu kubera ibigwi bye. U Rwanda ruramukeneye kugira ngo aze afashe barumuna be.''

Minisitiri wa Siporo, Munyangaju Aurore Mimosa,we yavuze ko agaciro yagahawe kuko ngo hari amakaye yasohotseho amafoto ye anongeraho ko abanyabigwi bakiniye Amavubi nibazana imishinga leta izabafasha.

Ati “Hari igihe amakaye yose yakozwe mu Rwanda hariho amafoto ya Jimmy Gatete. Buri gihe si guverinoma ibasanga, namwe mushobora kuzana imishinga.''

'Abakanyujijeho barubashywe, Jimmy Mulisa ni umwe mu bahamya babyo, afite ishuri ry'abana ryigisha umupira w'amaguru.''

Rutahizamu Jimmy Gatete we yavuze ko yiteguye gutanga umusanzu we mu gihe yakenerwa n'inzego zitandukanye.

Ati 'Igihe cyose bakenera ubufasha bwanjye, ndahari. Birashoboka gukorana.'

Mureke dukomeze ubufatanye ndetse dufashe umugabane wa Afurika gutera imbere.''

Gatete yakiniye amakipe atandukanye mu Rwanda arimo Mukura VS, Rayon Sports na APR FC. Uyu rutahizamu kandi yiswe Imana y'ibitego na rutahizamu w'Abanyarwanda kubera ibitego yatsinze Uganda na Ghana u Rwanda rubona itike yo gukina imikino y'Igikombe cya Afurika (CAN) 2004, ari na yo rukumbi rwakinnye.

IVOMO:IGIHE

Source : https://umuryango.rw/imyidagaduro/imikino/article/anthony-baffoe-wakinye-muri-nice-yanenze-agaciro-gake-jimmy-gatete-ahabwa-mu

Umunyamideli w'umunya Espanye akaba n'umunyamakuru kuri TV, Pilar Rubio, yatangaje ko we n'umugabo we Sergio Ramos “buri munsi”.

Uyu mubyeyi w'abana bane ufite 44, yabitangarije mu kiganiro kuri televiziyo aho yanagaragaje ingano y'amafaranga asigaranye muri banki.

Abajijwe inshuro yateye akabariro n'umugabo we mu kwezi gushize,yasubije ati: “Tubikora buri munsi, usibye iminsi ndi i Madrid.Urugero, nk'uyu munsi urakoze, ntibishoboka.”

Abarebye ikiganiro La Resistencia bavuze ko uyu mugore na Ramos bameze nk'intwari za Avengers kubera ko bakora imibonano mpuzabitsina kenshi kandi banafitanye abana bane mu nzu.

Yongeyeho ati: 'Abana banjye baba baryamye saa tatu n'igice z'umugoroba. Imibonano mpuzabitsina ni ubuzima. '

Yashimangiye ko kuba bafitanye abana bane nta ngaruka byagize ku mibonano mpuzabitsina yabo.

Mu kiganiro cye, Rubio ahora mu ngendo hagati ya Paris na Madrid kuva Ramos yakwerekeza muri PSG umwaka ushize.Yavuze ko afite kuri banki 46.000 by'amapawundi gusa.

Source : https://umuryango.rw/imyidagaduro/imikino/article/umugore-wa-ramos-yamenye-ibanga-rikomeye-ryabo-mu-gutera-akabariro

Source : https://umuryango.rw/amakuru/urukundo/article/menya-ibyingezi-buri-muntu-akwiye-kwitaho-mu-gihe-ategura-ubukwe

Gen Muhoozi Kainerugaba yambuwe inshingano zo kuyobora Ingabo za Uganda ziri mu bikorwa byo kurwanya abarwanyi b'Umutwe w'iterabwoba wa ADF mu Burasirazuba bwa Repubulika Iharanira Demokarasi ya Congo.

Lt General Muhoozi Kainerugaba w'imyaka 48 y'amavuko wambitswe ipeti rya General, yari asanzwe ari Umugaba mukuru w'ingabo za Uganda zirwanira ku butaka, icyakora uyu mwanya yawukuweho ku wa 04 Ukwakira 2022.

Mu minsi ishize ni bwo Gen Kainerugaba yanditse ubutumwa bwinshi ku rubuga rwe rwa Twitter, bwababaje cyane abanya Kenya yashotoye.

Bumwe muri ubwo butumwa, yavuze ko we n'abasirikare be byabatwara ibyumweru bibiri gusa mu gufata umurwa mukuru wa Kenya, Nairobi.

Ubundi butumwa yavuze ko yababajwe n'uwahoze ari Perezida wa Kenya Uhuru Kenyatta kuba yaratanze ubutegetsi, mu gihe byari byoroshe gutsinda andi matora.

Ibyo byatumye se ariwe Perezida Museveni asaba imbabazi iki gihugu ati 'Ndasaba abavandimwe bacu bo muri Kenya kutubabarira ku butumwa bwoherejwe na General Muhoozi, wahoze ari Umugaba w'Ingabo zirwanira ku butaka hano, ku bijyanye n'amatora muri iki gihugu gikomeye. Ntabwo byemewe ku bakozi ba leta, baba abasivili cyangwa abasirikare, kuvuga cyangwa kwivanga mu buryo ubwo aribwo bwose, mu bibazo by'imbere mu gihugu cy'abavandimwe.'

Muri iryo tangazo rye ryo ku wa gatatu, Museveni yasobanuye ko yongereye ipeti Gen Kainerugaba kubera ibintu byinshi byiza yakoze n'ibyo akomeje gukora.

Kugeza ubu nta zindi nshingano Gen Muhoozi arahabwa mu Gisirikare cya Uganda uretse kuba Umujyanama wihariye wa Perezida Museveni mu by'umutekano n'ibikorwa bikenewemo ingabo zibarizwa mu mutwe udasanzwe, 'Special Operations Forces'.

Source : https://umuryango.rw/amakuru/mu-mahanga/umutekano/article/gen-muhoozi-yambuwe-inshingano-yari-asigaranye-mu-gisirikare-cya-uganda

Urwego rw'Igihugu rw'Ubugenzacyaha (RIB) rwatangaje ko rwataye muri yombi abarimu babiri bo muri Kaminuza imwe yo mu Rwanda,rubakurikiranyeho kwaka abanyeshuri indonke y'amafaranga ngo babahe amanota atubutse batakoreye.

RIB kandi ngo yamaze kubakorera dosiye y'ikirego baregwa ruyishyikiriza Ubushinjacyaha tariki 10 Ukwakira 2022.

RIB yafashe aba barimu mu bihe bitandukanye mu cyumweru gishize barimo uwafashwe tariki 7 Ukwakira n'undi wafashwe ku ya 03 Ukwakira 2022.

Uwafashwe ku ya 03 Ukwakira, akurikiranyweho kwaka indonke ya 1 355 250 Frw, yahawe n'abanyeshuri 24, mu gihe undi akekwaho kwaka abanyeshuri 28 amafaranga angana na 457 250. Bombi bakaba bakekwaho gukora ibi byaha muri 2021.

Umuvugizi w'Urwego rw'Igihugu rw'Ubugenzacyaha (RIB), Dr Murangira B. Thierry yaboneyeho kwibutsa abakwa ruswa, kwanga kuyitanga ahubwo bakagaragaza abayibatse kugira ngo babiryozwe.

Ati 'Biragayitse iyo bamwe bumva ko bajya bakoresha ruswa kugira ngo babone ibyo amategeko atabemerera.'

Itegeko n°54/2018 ryo Kuwa 13/08/2018 ryerekeye kurwanya ruswa, mu ngingo yaryo ya 4 rigira riti:

Umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa wemera amasezerano yabyo kugira ngo akore cyangwa adakora ikiri mu nshingano ze cyangwa yifashishije imirimo ye kugira ngo gikorwe cyangwa kidakorwa aba akoze icyaha.

Iyo abihamijwe n'urukiko, ahanishwa igifungo kirenze imyaka itanu (5) ariko kitarenze imyaka irindwi (7) n'ihazabu y'amafaranga y'u Rwanda yikubye inshuro kuva kuri eshatu (3) kugeza kuri eshanu (5) z'agaciro k'indonke yatse cyangwa yakiriye.

Source : https://umuryango.rw/amakuru/mu-rwanda/umutekano/article/rib-yataye-muri-yombi-abarimu-bakekwaho-kwaka-ruswa-abanyeshuri-muri-kaminuza

Urubanza rwa Félicien Kabuga uregwa ibyaha bya jenoside rwakomeje kuri uyu wa gatatu i La Haye mu Buholandi mu rugereko rwasigaye ruca imanza zitarangijwe n'urukiko mpuzamahanga mpanabyaha rwa Arusha, rukomeza we adahari.

Iburanisha rya mu gitondo ryibanze ku kubaza ibibazo (cross-examination) umutangabuhamya ushinja Kabuga.

Umunyamategeko Françoise Matte, umwe mu bunganira Kabuga, ni we wabajije ibibazo uwo mutangabuhamya, ariko ahita asaba ko iki cyiciro cy'iburanisha gishyirwa mu muhezo mu kwirinda ko umwirondoro w'uwo mutangabuhamya w'umugore wahava ushyirwa ku karubanda.

Icyo cyifuzo cye cyemewe n'umucamanza Iain Bonomy uyoboye inteko y'abacamanza barimo kuburanisha uru rubanza.

BBC

Source : https://umuryango.rw/amakuru/mu-rwanda/ubutabera/article/urubanza-rwa-felicien-kabuga-rwakomeje-atari-mu-rukiko-ubushinja-cyaha-bubazwa

Uwari umukinnyi w'icyamamare muri Arsenal, Thierry Henry, yasabye Kylian Mbappe kwiga gushyira ikipe imbere akareka gukangisha ibyo kuva muri Paris Saint-Germain.

Amezi ane gusa niyo ashize uyu rutahizamu yanze kwerekeza muri Real Madrid asinya amasezerano mashya muri PSG.

Umubano wa Mbappe na PSG biravugwa ko wangiritse ndetse uyu musore w'imyaka 23 arifuza kugenda muri Mutarama.

Uyu mukinnyi mpuzamahanga w'Umufaransa avuga ko amasezerano yari yahawe ku byerekeye kugura bakinnyi bashya atubahirijwe,cyane ko yari yarabwiwe ko bazagura umukinnyi usatira we agakina ku mwanya we akunda wo guca ku ruhande rw'ibumoso.

Henry nawe yanyuze mu bihe nk'ibyo muri Barcelona, ​​yasabwe guca ku ruhande rw'ibumoso nubwo yabaye icyamamare muri Premier League akina imbere muri Arsenal.

Uyu mugabo w'imyaka 45 ashimangira ko ubushake bw'umutoza buri gihe aricyo kintu cy'ingenzi, ashimangira ko Mbappe agomba kwiga kugendera ku murongo.

Ati “Turabizi ko adakunda uriya mwanya. Ntawe ukunda gukoreshwa mu mwanya aziko atari mwiza.

Bamubwiye ko ikipe aricyo kintu cy'ingenzi cyangwa bamuteye kumva ko afite agaciro kuruta ikipe?

Ndakoresha inkuru yanjye bwite.Sinakundaga gukina ku mpande muri Barcelona. Narabyangaga. Ariko nagombaga kubikorera ikipe. Ntabwo nigeze nkunda nyuma yo guhamagarwa inshuro 100 kandi sinzi ibitego natsinze mu bufaransa, nagombaga kujya gukina ibumoso.

Ariko igihe kimwe, nibutse ko hariho itegeko rimwe gusa, umutoza aragusaba gukora ikintu. Urabikora ku bw'inyungu z'ikipe. Kandi ikipe yawe iratsinda,igihe ikipe yawe itsinzwe, nabyumva. '

Henry yakomeje avuga ko atazi icyo PSG yasezeranyije Mbappe ariko akwiye kumenya icy'ingenzi mu buzima bwe.

Umuyobozi wa Siporo muri PSG,Luis Campos yabwiye RMC Sport ko Mbappe atigee ababwira ko ashaka kugenda nubwo ibinyamakuru bikomeye ku isi byemeje ko atishimye ndetse yasabye kugenda mu kwezi kwa mbere.

Source : https://umuryango.rw/imyidagaduro/imikino/article/thierry-henry-yikomye-kylian-mbappe-amushinja-ubunyamwuga-buke

Source : https://www.kigalitoday.com/ubuzima/indwara/article/hakenewe-igisubizo-ku-burwayi-bwo-mu-mutwe-bukomeje-kwiyongera-abasesenguzi

Uwitwa MUKANSONEYE Esperance yasabye guhindura amazina mu buryo bwemewe n'amategeko akitwa SIBORUREMA Esperance mu bitabo by'irangamimerere.

Impamvu atanga zituma asaba guhindura amazina akaba ari uko ari izina ry'uwo bshyingiranwe.

Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

Source : https://umuryango.rw/amatangazo/article/itangazo-mukansoneye-esperance-yasabye-guhindura-amazina-akitwa-siborurema