Category: Uncategorized

Abaturage batandukanye bo mu Murenge wa Nyakabanda mu Karere ka Nyarugenge, barasaba ubuyobozi gukaza ibikorwa by’ umutekano nyuma y’uko hasigaye harangwa (…)

Nyuma yo kuvuga ko umutoza Adil Erradi Mohammed atamubaniye akamushyira hanze bitewe n’ibihe arimo, kapiteni wa APR FC Manishimwe Djabel yamusabye imbabazi avuga ko byose yabitewe n’uburakari.

Ku wa Gatatu w’iki cyumweru nyuma yo gutsinda Marines FC 2-1 muri shampiyona, umutoza wa APR FC yavuze amagambo akomeye kuri kapiteni w’iyi kipe Manishimwe Djabel.

Uyu mugabo wari wakoze impinduka yicaje abakinnyi benshi basanzwe bananza mu kibuga, yanakomoje kuri kapiteni wa APR FC, Manishimwe Djabel avuga ko atari kapiteni we ndetse ko amaze iminsi amutsindisha.

Ati “Ni kapiteni wa APR FC ntabwo ari uwanjye, yahawe amahirwe mu gice cya kabiri ku mukino wa Monastir mu gice cya kabiri atsindisha igitego, yatanze igitego ku mukino wa Bugesera, nta kinyuranyo yakoze ku mukino wa Bugesera, si uko atiteguye, si uko adahari ni kimwe n’abandi, nta mukinnyi munini muri APR FC.”

Yakomeje avuga kandi ko atakwicaza umukinnyi umeze neza ngo Djabel akine, niba atiteguye kurwanira ishema rya APR FC nta mwanya afite muri iyi kipe.

Ati “Ntabwo nakwicaza umukinnyi umeze neza, uri mu bihe bye ukora neza nka Fiston, Blaise, Bonheur, ntabwo nabikora, Djabel ni umukinnyi nk’abandi bakinnyi, ikibuga ni cyo cyubaha buri umwe, umupira w’amaguru ni ubu n’ahazaza, ahashize si ikibazo cyanjye, gukurwamo na Monastir ni ibindi bindi, ni ibindi muvandi, niba Djabel atiteguye cyangwa undi mukinnyi utiteguye guhesha icyubahiro umwenda wa APR FC, kuyihesha intsinzi, nta mwanya afite, biroroshye.”

Djabel na we wari warakaye cyane, yabwiye Radio1 ko ari we mukinnyi watsindiye APR FC ibitego byinshi mu myaka 3, yafashije Adil kwegukana ibikombe afite bityo ko atakamutereranye mu bihe arimo kuko niba barasangiye ibihe byiza n’ibibi bakabisangiye, n’aho kumutererana ngo nta mugabo waba umurimo.

Djabel akaba yamaze kwandika asaba imbabazi umutoza Adil avuga ko ibyo yakoze nta bunyamwuga burimo ariko na none yabitewe n’uburakari.

Ati “ndatekereza nakoze ikosa. Ndasaba imbabazi umutoza Adil, ibyo nakoze nta bunyamwuga burimo, nk’umuyisilamu ndasaba Imana ngo imbabarire. Ubu ndasaba buri wese kumbabarira, nari narakaye cyane, murakoze ni ubwa nyuma ngaragaweho n’iriya myitwarire. “

Manishimwe Djabel akaba na kapiteni wa APR FC, yayinjiyemo muri 2019 avuye muri Rayon Sports yari yagezemo 2013.

Gen Muhoozi Kainerugaba, umuhungu wa Perezida Museveni wa Uganda, yasabye imbabazi Perezida William Ruto wa Kenya kubera ubutumwa aheruka kwandika kuri (…)

Impuzamiryango Pro-Femmes Twese Hamwe ivuga ko mu Karere ka Nyagatare mu Mirenge ine ihana imbibi na Uganda imaze gutera inkunga imishinga y’abagore bahoze (…)

Kuri uyu wa Kane hashojwe umunsi wa 5  wa shampiyona, umunsi watanze n’udushya dutandukanye harimo n’amakipe yabonye amanota yayo ya mbere kuva shampiyona yatangira. 

Ni umunsi waranzwe n’ikirarane kimwe cy’umukino wagombaga guhuza Rayon Sports na As Kigali ariko ugasubikwa, kuko As Kigali yari mu rugendo ruyiganisha muri Libya.

Uko amakipe yahuye

Ku wa 3

Espoir FC yanganyije na Rutsiro FC ubusa ku busa, Gorilla FC itsindwa na Musanze FC ibitego 2-0; ibitego byatsinzwe na Namanda Luke Wafula na Victor Ogendo Omondi. APR FC nayo yatsinze Marine FC ibitego 2-0 byatsinzwe na Byiringiro Lague na Mugisha Bonheur mu gice cya kabiri.

Ku wa Kane

Rwamagana City yatsinze Gasogi United igitego 1-0, cyatsinzwe na Shumbusho Aphrodis. Kiyovu Sports yanganyije na Etincelles FC igitego kimwe kuri kimwe, igitego cya Etincelles FC cyatsinzwe na Moro Sumaila naho Bizimana Amiss yishyurira Kiyovu Sports. 

Sunrise FC yatsinzwe na Mukura ibitego 2-1; Mukura yatsindiwe na Robert Mukogotya watsinze ibitego 2, mu gihe Niyibizi Vedaste ariwe watsinze igitego cya Sunrise FC. 

Umukino washoje umunsi wa 5, Police FC yavukiye mu Karere ka Rwamagana yatsinze Bugesera FC ibitego 2-1 byatsinzwe na Twizerimana Onesme, naho Bugesera FC itsindirwa na Kato Samuel.

Marine FC ubu niyo ya nyuma ku rutonde rwa shampiyona n’inota rimwe 

Uyu munsi wa 5 wabonetsemo ibitego 13 aho usibye Kiyovu Sports, Sunrise FC, Espoir FC na Gorilla FC izindi kipe zose zakiriye zabonye amanota 3 imbumbe. 

Rwamagana City na Police FC zabonye amanota 3 ya mbere nyuma y'aho zari zimaze imikino irenga itatu nta nota. Police FC yabonye igitego cya mbere cyatsinzwe na Twizerimana Onesme.

N’ubwo itakinnye, Rayon Sports niyo iyoboye urutonde rwa shampiyona n’amanota 12, igakurikirwa na Kiyovu Sports ifite amanota 10 inganya na Gasogi United. 

APR FC iri ku mwanya wa 5 n’amanota 9. Rwamagana City iri ku mwanya wa 15 n’amanota 3, ikurikirwa na Marine FC iryamye ku mwanya wa nyuma n’inota rimwe.

APR FC yakoresheje abakinnyi benshi basimbura 

Bimwe mu byaranze uyu munsi ni ikarita 2 z’umutuku zabonetse ku mukino umwe wa Police FC na Bugesera FC , aho ushinzwe ubuzima bw’ikipe ya Bugesera FC Eric Itangishaka  bakunze kwita Eric Dinho yahawe ikarita itukura kubera kuvugana nabi n’umusifuzi, naho myugariro wa Police FC Shami Carnot Habimana nawe ahabwa umutuku umukino wenda kurangira.

Ikindi twagarukaho ni uguterana amagambo kwaranze umutoza wa APR FC Adil na Kapiteni w’ikipe Manishimwe Djabel, nyuma y’umukino wabahuje na Marine FC.

Kiyovu Sports yagowe cyane na Etincelles FC 

Ibi byagarutsweho na Minisitiri w’Itumanaho muri Repubulika iharabira Demokarasi ya Congo, Patrick Muyaya wavuze ko ururimi rw’Ikinyarwanda basanze rukoreshwa n’abaturage benshi mu burasirazuba bw’Igihugu bityo rukwiye kuza mu ndimi zemewe n'ubutegetsi bwa Kinshasa.

Minisitiri Muyaya yavuze ko kuri ubu, Radiyo na Televiziyo by’igihugu birimo gutegura, umwanya uzajya utambukiraho amakuru mu rurimi rw’Ikinyarwanda kimwe n’ibindi biganiro hagamijwe kugirango n’abaruvuga bibone mu butegetsi buriho.

Yagize ati :' Nkuko mubizi, Ikinyarwanda ni rumwe mu ndimi zikoreshwa muri Repubulika iharanira demokarasi ya Congo, cyane cyane mu burasirazuba bw’Igihugu ago kivugwa cyane n’Umuryango mugari w’Abatutsi batuye mu bice binyuranye nka Rutshuru n’ahandi. Ndagirango mbamenyeshe rero ko Ikinyarwanda ri rumwe mu ndimi zemewe gukoreshwa hano muri Repubulika iharanira Demokarasi ya Congo'

Muyaya yemeje ko Ikinyarwanda kigomba kwiyongera ku ndimi enye zari zisanzwe zikoreshwa arizo Lingala, Swahili, Kikongo, na Tshiluba. Izi kandi ziyongeraho ururimi rw’Igifarasansa rukoreshwa nk’ururimi rusange rw’Ubutegetsi .

Umunye-Congo Kayenga Dembo Ibrahim uzwi ku izina rya Tam Fum, ni umucuranzi wo mu rwego mpuzamahanga wacuranganye n’abahanzi batandukanye mu Rwanda, (…)