Category: Uncategorized

Nyuma y’uko umutoza wa APR FC, Adil Erradi Mohammed ahagarikiwe, yangiwe kwinjira i Shyorongi ngo akoreshe imyitozo yo kuri uyu wa Gatandatu itegura umukino wa Police FC wo ku wa Mbere.

Ku mugoroba w’ejo hashize nibwo haje inkuru y’uko APR FC yahagaritse umutoza mukuru wa yo, Adil Erradi Mohammed kubera imyitwarire amaze iminsi agaragaza.

Icyabaye imbarutso ni ubwo aheruka kwibasira bamwe mu bakinnyi b’ikipe barimo na kapiteni w’iyi kipe Manishimwe Djabel ko amaze iminsi amutsindisha.

Mu gitondo cyo kuri uyu wa Gatandatu, uyu mutoza yabyutse ajya i Shyorongi aho iyi kipe ikorera imyitozo gukoresha imyitozo nk’ibisanzwe ariko yangirwa kwinjira aho yabwiwe ko atemerewe, imyitozo ikaba yayobowe n’abasanzwe bamwungirije bayobowe na Ben Moussa.

Ni imyitozo yo kwitegura umukino w’ikirarane cy’umunsi wa 3 na Police FC uzaba ku wa Mbere tariki ya 17 Ukwakira 2022.

Iyi kipe kandi amakuru avuga ko yamaze guhagarika mu gihe cy’ukwezi kapiteni wa yo, Manishimwe Djabel kubera amagambo aherutse gutangaza avuga ku mutoza we, aho yavuze ko nta mugabo umurimo niba abana n’umuntu mu bihe byiza ariko yagera mu bihe bibi akamwitakana.

Ahagaritswe nyuma y’amasaha make ashyize ubutumwa ku mbuga nkoronyambaga asaba imbabazi Adil Erradi Mohammed.
Kuri ibi byose bivugwa mu ikipe ya APR FC, ISIMBI yagerageje kuvugana n’ubuyobozi bwa APR FC ariko ntibyakunda kuko umunyamabanga wa yo, Masabo Michel atitabaga telefoni ye ngendanwa.

Adil yangiwe kwinjira i Shyorongi, Manishimwe Djabel na we ahagarikwa ukwezi

Amakuru ava muri Komini ya Bukinanyana avuga ko izi nyeshyamba zisanzwe zifite ibirindiro muri irishyamba ry’ ikibira ngo zimaze ibyumweru bigera kuri bitatu byose zihanganye n’ingabo z’igihugu ndetse yemeza ko abarenga 40 bahasize ubuzima.

Ibi kandi byashimangiwe n’ikinyamakuru cyandikirwa i Burundi SOS Media aho gitangaza ko abagera kuri 40 bo nyeshyamba bamaze kuburira ubuzima mu mirwano imaze ibyumweru bitatu ibahuje n’ingabo za Leta.

Ikinyamakuru Rwandatribune dukesha iyi nkuru kivuga ko cyagerageje guhamagara umuvugizi w’ingabo z’u Burundi, FDNB, Ltn Col. Floribert Biyereke, ntikibashe kumubona kugeza ubwo iyi nkuru yatangazwaga.

Izi nyeshyamba zirwanya Leta y’u Rwanda zahungiye muri iri shyamba kugira ngo zijye zibona aho zituruka zigiye guhungabanya umutekano mu Rwanda, dore ko bigeze no gutera mugace ka Nyamagabe na Nyaruguru bagahitana imbaga y’inzira karengane.

Ubuyobozi bwa APR FC bwamaze guhagarika umutoza mukuru w’iyi kipe, Adil Erradi Mohammed bitewe n’imyitwarire amaze iminsi agaragariza ubuyobozi bw’ikipe.

Amakuru agera ku kinyamakuru ISIMBI ni uko uyu mutoza yamaze gushyikirizwa ibaruwa imuhagarika ku mirimo ye mu gihe cy’iminsi 30.

Ibi bibaye nyuma y’amagambo yatangaje mu itangazamakuru ku wa Gatatu w’iki cyumweru yibasira bamwe mu bakinnyi b’iyi kipe.

Ibi kandi bikaba byaraje byiyongera ku kuba yari amaze iminsi atumvikana n’ubuyobozi bw’iyi kipe kubera ko hari ibyo bwamubwiraga gukora we ntabyumve.

ISIMBI yagerageje kuvugana n’ubuyobozi bw’iyi kipe ariko ntibyakunda kuko umunyamabanga wa yo, Masabo Michel atitabaga telefoni ye.

Abakinnyi bakaba bahise bahamagarwa bajya mu mwiherero wo kwitegura Police FC umukino uzaba ku wa Mbere tariki ya 17 Ukwakira 2022, ikaba igiye kuba itozwa n’umutoza wungirije Ben Moussa.

Adil Erradi Mohammed yahagaritswe muri APR FC

Iyi nama yabaye ku gicamunsi cyo kuri uyu wa Gatanu muri Village Urugwiro. Yagennye ko ingamba zari zisanzwe mu gukumira ikwirakwira ry’icyorezo cya Covid-19 zizakomeza gukurikizwa kandi ko zizongera kuvugururwa mu gihe cy’ukwezi kumwe hagendewe ku isesengura ry’inzego z’ubuzima.

Abaturage bashishikarijwe gukomeza kubahiriza amabwiriza yo kwirinda Covid-19 harimo guhana intera no gukaraba intoki.

Iyi nama kandi yemeje imishinga irindwi y’amategeko irimo uw’itegeko rigena uburyo bwo gusoresha, ujyanye n’amasezerano y’inguzanyo hagati y’u Rwanda na Banki Nyafurika Itsura Amajyambere, yerekeranye n’inguzanyo igenewe umushinga wo gusana imiyoboro y’amashanyarazi no kugeza amashanyarazi ku bafatabuzi bashya.

Yemeje kandi amateka arindwi ya Perezida arimo irigendana n’Ikigo cy’Igihugu cy’Irangamuntu, irigenga Ikigo cy’Igihugu gishinzwe Iterambere ry’Ubuhinzi n’Ubworozi mu Rwanda, irigenga Ikigo cy’Igihugu cy’Amakoperative n’andi.

Mu yandi mateka yemejwe, harimo atatu ya Minisitiri arimo iryerekeye imibereho myiza y’umwana n’irijyanye n’uburyo bwo gufasha umwana wanduye cyangwa urwaye indwara zidakira.

Ku rundi ruhande, Hervé Djadjèdji Djokpe yemejwe nka Ambasaderi wa Bénin mu Rwanda uzaba afite icyicaro i Addis Ababa muri Ethiopia.

Ni mu gihe Therese Maria Zitting we yemejwe nka Ambasaderi wa Finland mu Rwanda ariko afite icyicaro i Dar es Salaam.

Ni mu gihe Julien Gustave Kavaruganda we yemejwe nk’uhagarariye inyungu za Romania mu Rwanda.

Soma Ibyemezo by’Inama y’Abaminisitiri mu buryo burambuye