Category: Uncategorized

Aba banyamuziki bombi bamamaye mu ndirimbo 'Magorwa' bazahurira ku rubyiniro mu gitaramo cyo ku wa Gatanu tariki 11 Ugushyingo 2022, kizabera mu Mujyi wa Potland muri Leta ya Maine ho muri Leta Zunze Ubumwe za Amerika.

Platini P aritegura gushyira ahagaragara Extended Play (Ep) yise 'Baba'. Mu ijoro ryo kuri uyu wa Gatanu, yabwiye abafana be n'abakunzi b'umuziki, ati 'Maze iminsi nshyizeho ingufu zihagije kuri uyu mushinga mfite icyizere ko bitazaba ibintu bito.'

Uyu muririmbyi uzwi mu ndirimbo nka 'Atensiyo', yamenyesheje ko iyi Ep ye izajya hanze ku wa 1 Ugushyingo 2022, habura iminsi 10 ngo ahurire ku rubyiniro na TMC bakoranye igihe kinini mu mishinga y'umuziki n'ibindi bikorwa byahinduye ubuzima bw'abo.

TMC yabwiye InyaRwanda ko yishimiye kongera guhurira na Platini ku rubyiniro, aho bazaririmba nyinshi mu ndirimbo za Dream Boys.

Ati 'Mfite ibyishimo byinshi kuba ngiye kongera kuririmba indirimbo za Dream Boys na Platini ahari. Nk'ibisanzwe ni uguha abantu buri kimwe cyose.'

Binyuze muri Dream Boys, aba bahanzi bafitanye album z'indirimbo nyinshi zirimo nk'iya gatanu bise ''Nzibuka n'Abandi' n'iya gatandatu bise 'Wenda Azaza'.

Platini yahagurutse ku kibuga cy'indege Mpuzamahanga cya Kigali yerekeza muri Amerika ku wa 10 Ukwakira.

Icyo gihe, yabwiye ibinyamakuru birimo InyaRwanda ko afite amatsiko yo kongera guhura na TMC bahoranye mu itsinda rya Dream Boys.

Ati '…Ningira amahirwe yo kumubona bizaba ari byiza. Nibaza ko byaba ari ibintu byiza, kuko hashize imyaka itatu.'

Platini yaherukaga gukorera igitaramo mu Mujyi wa Louisville, Kentucky yahuriyemo n'itsinda rya Charly na Nina.

Nyuma y'iki gitaramo, yagaragaje ko indirimbo 'Ntabirenze' yakoranye na Butera Knowless iri mu zishimiwe mu buryo bukomeye. 

TMC yatangaje ko yishimiye kongera guhurira ku rubyiniro na Platini nyuma y'imyaka itatu 

Platini agiye gukorera igitaramo cya kabiri muri Amerika nyuma ya Kentucky 

Iki gitaramo kizaba ku wa 11 Ugushyingo 2022 muri Leta ya Maine 

 

Platini ku wa 1 Ugushyingo 2022 azashyira hanze EP ye ya mbere yise 'Baba'

Muri uyu mukino wabereye kuri Stade mpuzamahanga ya Huye guhera saa cyenda z’amanywa mu gushaka itike yo kujya mu gikombe cya Afurika, Amavubi yanganyije igitego 1-1 na Mali nyuma yo gupfusha ubusa amahirwe menshi yashoboraga kuvamo n’ibitego.

Abasore bu Rwanda binjiranye icyizere n'ibyishimo mu kibuga bitewe n'ibyo bari barakoze mu mukino uheruka basezerera Libya ntawabitekerezaga. Uyu mukino kandi wabereye imbere y’abafana batari benshi nk’uko byari byitezwe.

Ikipe y'igihugu ya Mali yatangiye umukino ikinana imbaraga nyinshi cyane kuko mu minota 15 ya mbere yari imaze gutera amashoti 3 ariko akanyura ku ruhande.

Nyuma y’iminota 15 abasore b’Amavubi batangiye kwinjira mu mukino ndetse bakanagerageza amahirwe yo gutsinda kuko nko ku munota wa 31 umukinnyi w’Amavubi Ashraf Kamanzi yateye umuzinga w'ishoti ariko ku bw’amahirwe make rinyura hejuru y'izamu.

Abakinnyi ba Mali wabonaga barusha imbaraga abakinnyi b'Amavubi bigatuma bakina imipira miremire ikagora Amavubi. Ibi byatumye ku munota wa 39 umusore wa Mali witwa Ahmed Diomande atera ishoti rikomeye cyane ari naryo ryavuyemo igitego cya mbere cya Mali.

Abasore b'Amavubi ntibacitse intege kubera ko nyuma y'umunota umwe, umuzamu Hakizimana Adolphe yahise atera umupira muremure imbere, maze umukinnyi wa Mali witwa Og Yolo Mamadou ahita yitsinda igitego. Nyuma y’uko umukinnyi wa Mali yitsinze igitego, byahise bigarurira icyizere Amavubi, bituma bajya kuruhuka ari igitego 1-1.

Mu gice cya 2 Amavubi yahise akora impinduka havamo Desire Mugisha utari witwaye neza mu gice 1 hinjiramo Rudasingwa Prince wari witwaye neza mu mukino uheruka. Hanavuyemo kandi Hamis Hakim, hinjiramo Nyarugabo Moise.

Nyuma yo gusimbuza, mu minota ya mbere y'igice cya kabiri, Amavubi yatangiranye imbaraga cyane binyuze kuri Ishimwe Anicet wakoreweho amakosa cyane ariko hakabura ubyaza umusaruro imipira y'imiterekano ndetse na Ashraf Kamanzi wateye ishoti rikomeye ryahise rivamo koroneli.

Mali yaranzwe no gukora amakosa cyane ariko umusifuzi ntatange amakarita, ku munota 70 yabonye amahirwe akomeye yashoboraga no kuvamo igitego mu mupira wari utewe na Amady Camara, ariko umuzamu w'Amavubi ahita awufata.

Amavubi yakomeje kwataka cyane binyuze ku barimo Nyarugabo Moise winjiye mu kibuga asimbuye ariko kubona igitego bikanga.

Nyuma yo gusimbuza abakinnyi 3, Mali nayo yatangiye kwataka ndetse ikanabona amahirwe yavamo ibitego bitewe n'amakosa y'abakinnyi b'Amavubi bakina inyuma ariko Hakizimana Adolphe agakuramo imipira yashoboraga kuvamo ibitego.

Guhera mu minota 80 abakinnyi b'ikipe ya Mali batangiye gutinza umukino ari nabyo byatumye Mahamadou Camara ahabwa ikarita y'umuhondo kubera gutinza umukino.

Mu minota ya nyuma, abasore b’Amavubi babonye amahirwe akomeye imbere y’izamu nk’aho Rudasingwa Prince waherukaga gutanga ibyishimo yabonye imipira asabwa kuyishyira ku mutwe ariko birangira bidakunze.

Ikipe y'igihugu y'u Rwanda y'abatarengeje imyaka 23 izakina na Mali mu mukino wo kwishyura ku itariki 29 z’uku kwezi muri Mali. Gusa irasabwa kuzatsindira Mali iwayo kugira ngo izabone itike yo gukina icyiciro cya gatatu giteganyijwe muri W erurwe 2023, ari nacyo kizavamo abazitabira igikombe cya Afurika kizabera muri Maroc mu mpeshyi ya 2023.

Amavubi anganyije na Mali mu mukino wabereye i Huye

Ishyaka riharanira Demokarasi no kurengera ibidukikije, Democratic Green Party of Rwanda (DGPR), risanga urubyiruko n’abagore na bo bakwiye kugaragara ari (…)

Ikipe y’igihugu y’u Rwanda y’abatarengeje imyaka 23 yanganyije na Mali igitego 1-1 mu mukino ubanza wabereye kuri Stade Huye

Urupfu rw’uyu mukobwa rwababaje abatagira ingano nk’uko biri mu buhamya butangwa n'abo mu muryango we, Marene we [Marraine] wanamwitayeho kugeza yitabye Imana.

Aba bose bumvikana mu gahinda gakomeye cyane bagararaza Gentille nk'umwana wubahaga buri wese, akaba yari afite inshuti ye y'akadasohoka babanaga ari nawe bikekwa ko yamuroze kuko ngo Gentille yapfuye amuvuga.

Muri iyi nkuru tugiye kwifashisha shene ya youtube yitwa Actionz Tv, yamusuye mu murenge wa Remera mu mujyi wa Kigali aho uyu mukobwa yabaga.

Kubwimana Vestine Yvette wari Marene wa Gentille ni we wamubaye hafi cyane afatanyije n'ababyeyi be, umusore bakundanaga, inshuti z'uyu mukobwa n'abaturanyi.

Uko byatangiye kugira ngo yisange yarozwe kugeza ubwo yitaba Imana.

Marene wa Gentille yavuze ko bakimenya ko afite ubukwe bagiye kubona babona umwana agenda ananuka, rimwe akagwa bakamwegura bamujyana kwa muganga bakabura indwara.

Yagize ati: ''Kuva inkuru y'ubukwe ikiza hasohoka ijambo Save The Date, rimwe tukumva umwana yaguye bakamutora mu muhanda tukamuzana, tukamujyana kwa muganga bagapima indwara zose tukabura n'imwe.

Bigeze aho bakamutera amaserumu, bakamusezerera agataha ariko akirwaye n'ubundi. Biba uko nguko umwana agashonga, umwana yari afite nk'ibiro 70 ariko agenda ashonga ariko kwa muganga nabo babura indwara kugeza ubwo agejeje ku biro 25.''

Marene akomeza avuga ko n'umurenge bawugiyemo arwaye ariko babona atangiye gutera agatege. Aragira ati ''Umurenge wabaye tariki 13 Ukwakira 2022, twagiye mu murenge dutangiye kugira icyizere, tukabona ari kugarura agatege kuko mu murenge yarariye arananywa”.

Akomeza agira ati “Ubwo twageze ahangaha dusoje ibirori by'umurenge, nongeye kugaruka kuwa Gatandatu nje kureba uko Gentille ameze, ugira ngo tunatangire gutegura ubukwe, n'abazakora mu bukwe bwe twiteguye ko uyu munsi ku itariki 22 Ukwakira ari umunsi w'ubukwe bwe”.

Ubukwe bwari kuba uyu munsi 

Ati “Umwana, nje arambwira ati ‘hari ibintu noneho ndumva nta kibazo mfite ariko ndumva amavi ababara atari gukora, ndumva ntanabasha no guhaguruka’. Kuri uwo munsi noneho no guhaguruka ntabwo byabayeho, yahagurukaga bamufashe, bafashe n'amaguru atabasha guhaguruka.

Noneho iryo joro ntaha bampamagara saa sita z’ijoro bambwira ngo umwana ururimi rwasohotse, amaso yasohotse yari ameze nk'uri guhebeba, ururimi rwasohotse n'amaso yavuyemo”.

Agahinda ni kose ku mugabo we

Ati “Nibwo yatangiye abwira papa we ati ‘Ndagukunda, mama Ndagukunda’, abaturanyi bose abavuga mu mazina, haza umukozi w'Imana aramusengera, ibyo bintu byamurekuye mu gitondo.

Kuri uwo munsi mu rucyerera ni bwo nateguye guhita nza kumureba, nje nsanga abantu benshi baje kumureba, akatubwira ati ‘Yvette nijoro uzi ibyambayeho, naraye mpfuye mama nakubwire naraye mfuye ndazuka’”.

Bari baherutse mu murenge

“Baransengera mu gitondo ni bwo nabonye ibyo bintu bindekura, nabonaga ibigabo bitatu bije kumfata, bikaza bije kumfata nkabwira mu rugo nti ibintu biramfashe nkabwira abaturanyi kuko baraye bicaye”.

Marraine w’uyu mukobwa, arakomeza ati “Yakomeje ambwira ko ibyo bigabo bitatu byaje gusubirayo, gusa nyuma y'uko bigenda haje ibindi bigabo. Nakomeje kumwihanganisha ngo ihangane umunsi w'ubukwe ugere ambwira ko bitoroshye ariko mubwira ngo komeza usenge”.

Gentille yashavuje benshi

Ati “Mu gahinda kenshi k'abari bari aho ubwo Mutoni Gentille yitabaga Imana, Nyirakuru we niwe wabashije gutobora aravuga akomoza ku mukobwa w'inshuti ye wamuroze.

Mbega uwo mukobwa atari yasabwa, yabanaga n'uwo mukobwa, noneho n’aho amariye gusabirwa, akajya amuhamagara wenda nk'uwo mugabo we yaje akamuhamagara yaje bakajyana yari inshuti ye cyane. Rero uwo ni we wabikoze, nawe ubwe yapfuye abyivugira. Yapfuye amuvuga amazina”.

Ubutumire bwari bwaramaze gusohoka

Umuhango wo kumushyingira utegerejwe uyu munsi

KANDA HANO UREBE IKIGANIRO CYOSE CY’UBUHAMYA BWA Diane

Abajyanama ku buzima bwo mu mutwe bakorera mu bigo nderabuzima bitandukanye batangaje ko bagiye kurwanya akato gahabwa abafite ubumuga bwo mu mutwe iyo (…)

APR FC yahakanye amakuru yo kuba yamaze gutandukana n’umutoza mukuru wa yo, Adil Erradi Mohammed uri mu bihano.

Tariki ya 14 Ukwakira 2022 ni bwo ubuyobozi bwa APR FC bwafashe umwanzuro wo guhagarika umutoza mukuru w’iyi kipe, umunya-Maroc Adil Erradi Mohammed kubera imyitwarire itarishimiwe n’ubuyobozi bw’iyi kipe.

Mu gitondo cyo kuri uyu wa Gatandatu ni bwo haje inkuru y’uko iyi kipe yamaze gufata umwanzuro wo kumwirukana mu gihe agifite amasezerano y’umwaka urenga.

Ubuyobozi bw’iyi kipe bubinyujije ku mbuga nkoranyambaga bwahakanye aya makuru aho bwavuze ko ari ibihuha uyu mugabo akiri umutoza wa APR FC uri mu bihano.

Bati “Mwiriwe neza turasaba abakunzi ba APR FC kudaha agaciro amakuru avuga ko umutoza Adil Erradi yaba yamaze gutandukana na APR FC, aya makuru ni igihuha kuko umutoza Adil aracyari umutoza wa APR FC.”

Gusa ariko na none amakuru agera ku kinyamakuru ISIMBI ni uko uyu mutoza yamaze gusubira iwabo muri Maroc ariko agenda afite gahunda yo kurega APR FC muri FIFA.

Uyu mugabo ufite n’ubwenegihugu bw’Ububiligi, nyuma yo gusesengura ibihano APR FC yamufatiye ndetse n’ibikubiye mu masezerano ye, ngo yasanze yarahanwe mu buryo budakurikije amategeko bityo ko bagomba kuzakiranurwa n’inzego zibifitiye ubushobozi.

Bivugwa ko uyu mugabo abanyamategeko be bamaze kwandikira APR FC bayisaba guhagarika amasezerano kubera ko yahagaritswe mu buryo bunyuranyije n’amategeko ibindi bikazakemurwa na FIFA.

Mwiriwe neza turasaba abakunzi ba APR F.C kudaha agaciro amakuru avuga ko Umutoza Adil Erradi yaba yamaze gutandukana na APR F.C, aya makuru ni igihuha kuko Umutoza Adil aracyari Umutoza wa APR F.C. murakoze mugire umunsi mwiza pic.twitter.com/Y7wVJo9CWw

— APR F.C OFFICIAL ACCOUNT (@aprfcofficial) October 22, 2022

Bwa mbere Meghan Markle yagize icyo avuga ku rupfu rw’Umwamikazi Elizabeth II nyuma y’ukwezi atanze. Mu kiganiro kihariye Meghan Markle yagiranye n’ikinyamakuru Variety Magazine cyo muri Leta Zunze Ubumwe za Amerika, yagize ati: ”’Biragoye kuba navuga uko nakiriye inkuru mbi y’urupfu rw’Umwamikazi. Ni ibintu kugeza nubu ntarakira n’umuryango wanjye. Byaranshenguye kuko yatanze hakiri byinshi tutarakemura hagati yacu. Njye na Prince Harry twagerageje gukomera ubwo twajya kumusezeraho mu Bwongereza gusa ubu turi kugenda tubyakira”.

Meghan Markle yatangaje yatangaje ko yashenguwe n’urupfu rwa Elizabeth.

Meghan Markle yakomeje agaruka ku buzima bw’umuryango we na Prince Harry agira ati: “Kuva twava mu Bwongereza ubu turi gukora ku kegeranyo (Documentaire) cyacu tuzasohora mu kwezi kwa cumi na kabiri. Twizeye ko abantu bazamenya ukuri kuri twe ndetse bakabona urundi ruhande batari batuziho”. 

Meghan Markle yiyerekanye mu isura nshya avuga ko nawe asobanukiwe iby’imideli.

Mu kugaruka mu isura nshya, Meghan Markle yatangaje ko nubwo abantu bamuziho ubuhanga mu gukina filime, afite n’ubuhanga mu bijyanye n’imideli. Yagize ati: ”Abantu baziko nzi gukina filime ariko ntibaziko nsobanukiwe n’imideli. Nzi kuba nareba imyenda myiza ijyanye n’igihe turimo”. Ibi kandi yabyerekanye mu mafoto mashya ye yanyujije muri Variety Magazine amugaragaza mu isura nshya.

Meghan Markle umugore wa Prince Harry yagarutse bushya.

Meghan Markle washenguwe n’urupfu rwa Queen Elizabeth yagarutse mu isura nshya.