Category: Uncategorized

Kuri uyu wa Mbere ni bwo ikipe ya Liverpool yumvikanye n’umukinnyi ukomeye witwa Cody Gakpo wari usanzwe akinira Psv Eindhoven yo mu Buhorandi. Nk’uko tubikesha Daily Mail, uyu mukinnyi yamaze kumvikana na Liverpool ko igiye kumutangaho Miliyoni 37 z’amapawundi ashobora kuzagera kuri miliyoni 50 z’amapawundi bitewe n’uko azitwara.

Gakpo w’imyaka 23 biteganyijwe ko azashyira umukono ku masezerano y’ibyo yumvikanye na Liverpool mu mpera z’iki cy’umweru, yarangiza agakorerwa isuzuma ry’ubuzima mu cyumweru gitaha. 

Liverpool kugira ngo yegukane uyu mukinnyi, yahigitse andi makipe akomeye arimo Manchester United yari ikiri kuganira n’uyu mukinnyi ku mafaranga yatangwaho. 

Mbere y’uko uyu mukinnyi ajya muri PSV Eindhoven y’iwabo yari yabanje gushakwa n’amakipe yo mu Bwongereza arimo Leeds na Southampton ariko yanga kuyerekezamo kubera ko yashakaga amakipe makuru akina Champions League.

Gakpo wakoze akazi gakomeye mu gikombe cy’isi 

Kugeza ubu Liverpool ku ruhande rw’ubusatirizi ifite ikibazo cya Luis Dias uri mu mvune ndetse na Darwin Nunez baguze muri Benfica utari wamenyera neza ngo atangire gutsinda ibitego, ariko uyu mukinnyi ukina anyuze ku ruhande rw’ibumoso cyangwa akataka anyuze mu kibuga hagati ashobora kubafasha kongera kwitwara neza cyane mu mikino ya shampiyona no muri Champions league. 

Uyu mukinnyi yigaragagarije cyane mu mikino y’igikombe cy’isi afasha u Buhorandi kwitwara neza ndetse anatsinda ibitego 3 mu mikino yose y’igikombe cy’isi. Mu mikino 159 yari amaze gukinira PSV Eindhoven, yatsinzemo ibitego 55 anatanga imipira 50 ivamo ibitego. PSV Eindhoven ibinyujije ku mbuga nkoranyambaga zabo nabo bemeje ko bamaze kumvikana na Liverpool kuri Cody Gakpo.

Gakpo usanze Virgin muri Liverpool basanzwe bakinana mu ikipe y’igihugu y’u Buhorandi

Liverpool yaguze umukinnyi ukomeye

Source : https://inyarwanda.com/inkuru/124284/liverpool-yabimburiye-andi-makipe-igura-umukinnyi-ukomeye-wigaragarije-mu-gikombe-cyisi-124284.html

Kaberuka Isaac Kaberuka yagaragaje impano ye, ubwo yari umwe mu bitabiriye igitaramo cyo gutanga ibihembo bya Kalisimbi. Uyu musore na bagenzi be basabye Mc Nario ko yahabwa umwanya, akerekana ko afite impano yo kuririmba.

Nario wari uyoboye ibirori yabimwemereye. Kaberuka yabanje kuririmba indirimbo yitwa 'Peace of Mind' ya Shemi, abantu benshi bari bateraniye ahabereye igikorwa batangarira impano y'uyu mwana w'umuhungu.

Uyu musore yahise asabwa na Nario kuririmba indi ndirimbo y'umuhanzi akunda, aririmba 'Gusaakaara' ya Buravan. Iyi ndirimbo yayiririmbaga arira, abajijwe impamvu asubiza ko uyu muhanzi yari yaramwemereye ubufasha ariko ku bw'amahirwe make akitaba Imana batongeye guhura ngo amujyane muri studio.

Ati ''Buravan twahuye muri CHOGM yishimira impano yanjye. Icyambabaje nyuma yahise arwara bityo aza gupfa atanjyanye muri studio, nk'uko yari yabinsezeranyije.''

Mugunga wari umwe mu bitabiriye igikorwa cyo gutanga ibi bihembo, yabanje aza imbere amufumbatiza amafaranga. Nyuma aza kugaruka kubera kunyurwa n'ubuhanga bw'uyu mwana asaba ijambo, avuga ko amwereye kumwishyurira amashusho n'amajwi indirimbo ebyiri.

Kaberuka wemerewe gukorerwa  indirimbo afite imyaka 18, yiga mu mwaka wa gatatu w'amashuri yisumbuye. Avuka mu bana barindwi akaba uwa kabiri. Uyu musore wavukiye muri Nyarugenge yatangiye umuziki mu 2018.

Abahanzi akunda harimo Nel Ngabo, Kenny Sol na Ish Kevin. Yiga ku Kabusunzu.

Mugunga Christian wamwemereye ubufasha yabonye izuba ku wa 18 Kanama 1983, avukira i Burundi mu nkambi y'impunzi yarimo bamwe mu banyarwanda bari barahejejwe ishyanga kubera imiyoborere mibi yari mu Rwanda.

Ni umwe mu bahanzi baririmba injyana gakondo. Ubusanzwe aba mu Mujyi wa Dubai aho acuruza 'avoka'.

Kaberuka yagaragaje impano itangaje mu kuririmba yemererwa na Mugunga kuzamufasha 

Kaberuka yari yemerewe na Buravan ko azamufasha akajya muri studio, uyu musore ahita arwara ndetse aza gupfa bitamukundiye 

Mugunga [ubazana ibumoso] yavuze ko azafasha uyu mwana uko ashoboye. Mugunga ari no mu bashyikirije ibihembo umwe mu bacyegukanye muri Kalisimbi Entertainment Awards

REBA INDIRIMBO YA MUGUNGA AHERUKA GUSHYIRA HANZE

“>

Source : https://inyarwanda.com/inkuru/124273/mugunga-christian-agiye-gufasha-uwo-buravan-yemereye-inkunga-mu-muziki-agapfa-bitamukundiy-124273.html

'Ni uko iravuga iti umuntu ntakabe wenyine reka muremere umufasha umukwiriye' ayo ni amagambo atangiza indirimbo 'Igitego', imwe mu ndirimbo z'ubudasa uyu muhanzi asohoye mu mpera z'uyu mwaka.

Iyi ndirimbo iririmbanye umwimerere w'ijwi ry'uyu muhanzi, amashusho yayo yifashishijemo umunyarwenya Arthur Nkusi n'umugore we Miss Fiona bari mu nzu iwabo banyuzwe n'urukundo rwabo.

Usibye Arthur na Fiona kandi, muri iyi ndirimbo hagaragaramo Yannick na Christellee bamaze igihe gito barushinze, ariko bakaba bari bamaze igihe mu munyenga w'urrukundo ruhorana ibyiza.

Sibo gusa kandi kuko hagaragaramo umuhanzi Ngarambe François, wanyuzagamo agakina ubuto bwe n'umugore we mu byaranze ubusore bwabo byabereye urugero rwiza rw'abato no kurushinga rugakomera.

Ni indirimbo kandi igaragaramo Ibihame mu mbyino za Kinyarwanda, ndetse n'ibikoresho byinshi bya Kinyarwanda. Ikaba ari indirimbo ya kane iri kuri Album 'The Pleasure and Pain' intekerezo yayo ikaba yaraje kubw'urukundo.

Arthur Nkusi n’umugore we bagaragaye mu ndirimbo Igitego ya Andy

Igitego ni indirimbo yanditswe na Andy Bumuntu, ikorwa na Khrisau afatanyije na Bob pro naho amashusho yayo afatwa na Serge Girishya.

Iyi ndirimbo imaze amasaha 13 isohotse, imaze kurebwa n'ibihumbi 25,396, ikaba imaze gutangwaho ubutumwa burenga 200 bw'abayikunze, ndetse n'abagera ku bihumbi bitatu na Magana abiri bayikunze bakoresheje ikimenyetso.

Ngarambe n’umugore we bagaragaye mu ndirimbo na Andy

Andy Bumuntu yihariye umwimerere w’ijwi mu ndirimbo Igitego

Christelle na Yannick wanashinze Soho bagaragaye muri iyi ndirimbo

Source : https://inyarwanda.com/inkuru/124265/andy-bumuntu-yifashishije-arthur-nkusi-mu-ndirimbo-ngarambe-francois-yakinnyemo-ubuto-bwe–124265.html

Umukinnyi w’ikipe y’igihugu ya Portugal, Cristano Ronaldo nyuma yo gusezererwa muri 1/4 mu gikombe cy’isi cy’uyu mwaka cyaberaga muri Qatar, yahawe impano y’imodoka y'akataraboneka mu rwego rwo kwizihiza Noheli.

Ku munsi w'ejo nibwo ku isi yose hizihijwe ibirori bya Noheli, ndetse hanatangwa impano. Uyu munsi Georgina Rodriguez usanzwe ari umunyamideri akaba n’umugore wa Kizigenza Cristiano Ronaldo, yamutunguye amuha imodoka iri mu bwoko bwa New Rolls Royce ifite agaciro ka Miliyoni 250 z’amayero.

Iyi modoka yakozwe mu mwaka wa 2022 ikaba ifite imyanya 4 yo kwicaramo. Cristano Ronaldo mu rwego rwo kwishimira iyi mpano, yagiye kuri Instagram ye ikurikirwa n’abarenga miliyoni 523 ashyiraho ifoto y’imodoka, munsi yandikaho ngo 'wakoze rukundo rwanjye'.

Impano Cristiano Ronaldo yahawe

Georgina Rodriguez nawe abinyujije kuri Instagram ye yashyizeho amashusho yafashwe, igihe yatunguraga Cristano Ronaldo amuhereza iyi modoka. Uyu mukinnyi akimara kubona imodoka umugore we yamugeneye, yahise ayisimbukiramo ari kumwe n’abana be. 

Cristiano Ronaldo wahawe impano ihenze kugeza ubu nta kipe afite, uyu mukinnyi yavuye muri Manchester United ku bwumvikane ariko kubona indi kipe yifuza bikomeje kugorana. 

Amakuru ashyirwa hanze n’ibinyamakuru mpuzamahanga ni uko uyu mukinnyi ashobora kwerekeza muri Saudi Arabia, kujya gukina mu ikipe ya Al Nassr iri kumuha ibifurumba by’amafaranga.

Kizigenza Cristiano Ronaldo aseka kubera gutungurwa n’umugore we

Ronaldo n’umuryango we wose bicaye mu mudoka yahawe nk’impano

Source : https://inyarwanda.com/inkuru/124270/cristano-ronaldo-udafite-akazi-yatunguwe-numugore-we-amuha-impano-yakataraboneka-amafoto-124270.html

Israel Mbonyi yitanzeho urugero atanga ubuhamya bw'uko we yakijijwe.

Ati 'Navukiye mu muryango ukijijwe bantoza kumenya Imana, umunsi umwe bari kutwigisha ku ishuri baratubwira ngo niba utaratura ngo uvuge ko Yesu ari umwami n'umukiza mu buzima bwawe, ntabwo urakizwa.'

Uyu muhanzi wari usanzwe ari umucuranzi ukomeye ku ishuri, bagenzi be bose bazi ko ari umukirisitu, ahamya ko uwo munsi yagize isoni zo kwatura kugira ngo abandi banyeshuri batamubona nk'utari ukijijwe.

Ati 'Nari nsanzwe ncuranga mu rusengero ndi umucuranzi, numva nagize isoni z'ukuntu mvuga ngo ngiye gukizwa kandi bazi ko ndi umukozi w'Imana. Naragiye niherera ahantu inyuma ahabaga ubwiherero ndavuga ngo Mana niba biriya uriya mugabo yavugaga aribyo nanjye ndashaka gukizwa.'

Ni ijambo ryakurikiwe n'isengesho rigufi yakoze asengera abari bamaze gufata icyemezo cyo kwakira agakiza.

Uyu muhanzi yibukije urubyiruko ko kwakira agakiza ukiri muto bitabuza kubaho ubuzima buryoheye abakiri bato.

Ati 'Gukizwa ntabwo bituma utaba umu 'Jeune' mwiza usa neza uganira neza, urakizwa ugakomeza ukaba umuntu wisanzura. Abantu rero bababwiye ko gukizwa ari ukwambara ipantaro ijyamo abantu batanu, ishati ijyamo babiri nkawe, barababeshye! Ushobora gukizwa ukagumana 'vibes' zawe.'

Uyu muhanzi yibukije urubyiruko ko gukizwa ari ukumenya Kirisitu, ukamwakira, ukareka ibyaha.

Source : https://umuryango.rw/imyidagaduro/article/mbonyi-yratanze-ubuhamya-bw-uko-yakijijwe-agira-inama-ikomeye-urubyiruko

Ni inkuru mbi yamenyekanye Mu rukerera rwo kuri uyu wa mbere ivuga ko uwahoze ari umukinnyi w'ikipe y'igihugu Amavubi y'abagore ndetse akaba yarakiniye As Kigali WFC yitabye Imana azize uburwayi yari amaranye iminsi, akaba yaguye mu bitaro bya Butaro.

Umulisa Edith yitabye Imana aheruka muri Freedom WFC yerekejemo muri 2020 ariko muri uyu mwaka akaba atarigeze agaragara kubera uburwayi yahuye nabwo.

Guhera muri 2009 Edith yakiniye ikipe y'Igihugu y'Amavubi ari myugariro aho yakinaga nka nimero ya 4 cyangwa 5.

Urupfu rwa Edith n'Igihombo gikomeye ku banyarwanda bose by'umwihariko abakunzi b'umupira w'amaguru kuko yari umwe mu bakinnyi beza Igihugu gifite akaba intangarugero mu gihe ari mu kazi ndetse no hanze yako.

Source : https://umuryango.rw/imyidagaduro/article/umulisa-edith-wakiniye-amakipe-atandukanye-arimo-amavubi-yitabye-imana

Umufaransa Paul Pogba yavuze ko nubwo Cristiano Ronaldo ari umukinnyi w'igitangaza ariko ikintu gikomeye yamukundiye ubwo bakinanaga muri Manchester United ari ikinyabupfura cyae.

Pogba na Cristiano Ronaldo bakinannye umwaka wose ubwo uyu Ronaldo yagarukaga Old Trafford mu mpeshyi ya 2021.

Pogba yabwiye Field of Stories ati “Ikinyabupfura cya Ronaldo nticyari gisanzwe,sinigeze nkibona.

Ikinyabupfura cye cyari ku rundi rwego.Nabonye abakinnyi b'abanyamwuga,abakinnyi benshi bazindukaga,bakaruhuka ndetse bagakora ibindi byinshi.

Ariko umuntu umwe wabihoranaga buri munsi ntahagarare ni Cristiano.

Buri munsi !umunsi umwe uravuga uti “meze neza”ariko we ntiyasibaga na rimwe.Ikinyabupfura cyo kubikora buri munsi kiratngaje.

Pogba w'imyaka 29 yavuye muri United mu mpeshyi asubira Juventus,gusa yahuye n'ikibazo cy'imvune yamugoye cyane.

Source : https://umuryango.rw/imyidagaduro/imikino/article/paul-pogba-yahishuye-ikintu-gikomeye-yakundiye-cristiano-ronaldo

Umunyabigwi mu mupira w'amaguru,Ronaldo,Luis Nazario de Lima yavuze ko Kylian Mbappé yitwaye neza mu gikombe cy'isi 2022 kurusha abandi bose ariwe wagombaga gutorwa nk'umukinnyi w'irushanwa.

Nyuma yo gutsinda ibitego 8 akarusha abandi bose,Mbappe yafashije Ubufaransa kugera ku mukino wa nyuma batsindwa na Argentina ariko nabwo awutsindamo ibitego 3 wenyine.

Lionel Messi yatsinze ibitego 2 muri uwo mukino ndetse atsinda penaliti muri 4-2 Argentina yatsinze Ubufaransa ariko Ronaldo yavuze ko nubwo yitwaye neza atagombaga kuza imbere ya Mbappe ku gihembo cy'umukinnyi mwiza w'irushanwa.

Ronaldo mukuru yavuze ko mu bintu byose Mbappe yari hejuru ndetse ko nubwo atatwaye igikombe cy'isi,abatoye batagombaga kwirengagiza uruahre rukomeye yagize.

Ati “Yakoze igikombe cy'isi cyiza cyane kuva ku mukino wa mbere kugera kuwa nyuma.Nubwo atatsinze ku mukino w'Ubwongereza n'uwa Maroc ariko yakinnye neza atanga imipira yavuyemo ibitego.

Ku mukino wa nyuma yitwaye neza atsinda ibitego 4 ubariyemo na penaliti zose yateye.Mu buryo bw'imikinire yari hejuru cyane.Yari agoye gufata,mu by'ukuri yari akwiriye gutorwa nk'umukinnyi w'irushanwa.

Mu gikombe cy'isi harimo abakinnyi bihuta ariko Mbappe yari abarusha cyane.Uko namubonye yanyibukije njye wa kera ndi mu bihe byiza.

Yari azi neza kubyaza umusaruro umwanya muto afite,yari mwiza n'igihe nta mupira afite n'igihe asigaranye n'umukinnyi umwe,yari agoye cyane.Kuri njye yari igitangaza.”

Ronaldo yatwaye Ballon d'Or ebyiri iyo muri 1997 na 2002 ari nabwo yanafashije Brazil gutwara igikombe cy'isi iheruka.

R9 yavuze ko Mbappe yaruhije buri mukinnyi wese mu gikombe cy'isi

Source : https://umuryango.rw/imyidagaduro/imikino/article/ronaldo-wo-muri-brazil-yahishuye-umukinnyi-wahize-abandi-mu-gikombe-cy-isi

Ibi byabaye mu masaha ya saa mbili z'igitondo cyo kuri uyu wa mbere tariki ya 26 Ukuboza 2022, bibera mu Murenge wa Kivumu ,Akagari ka Kabujenje mu Mudugudu wa Rurembo.

Umunyamabanga nshingwabikorwa w'umurenge wa Kivumu , Munyamahoro Patrick,yabwiye Umuseke dukesha iyi nkuru uyu muturage yakoze iyi mpanuka nyuma yo gufata urutsinga runyura mu murima we.

Yagize ati'Yafashwe n'amashanyarazi yagiye gusarura ibishyimbo bye.Hari umuturanyi uri hafi y'ahari umurima we,yakuruye amashanyarazi mu buryo butemewe,ayajyana ku rundi rugo noneho ntibayashyira hejuru,basa naho bayanyujije hasi mu bishyimbo by'imishingiriro.Afashe umushingiriro ngo akureho ibishyimbo,aba afashe kuri rwa rutsinga,amashanyarazi aba aramufashe.'

Uyu muyobozi yavuze ko yari kumwe na mugenzi we nawe yafashwe nayo mashanyarazi ubwo yageragezaga kumukuraho .

Gitifu Munyamahoro avuga ko yihutanywe ku kigo nderabuzima cya Kivumu ariko yitaba Imana atarahabwa ubuvuzi.Uwasahakaga kumukuraho we yakize.

Uyu muyobozi yasabye abaturage kujya bakurura amashanyarazi mu buryo bwemewe.

Yagize ati'Impanuka yabayeariko ni kubera ko abo baturage bikuririye amashanyarazi kandi batabifitiye uburenganzira.Ushatse gukurura amashanyarazi,agomba kuyakurura abatekinisiye babyigiye bagashyiraho amapoto ari hejuru,hanyuma akanyura hejuru cyane n'abantu kugira ngo adateza impanuka.Ni gihe urutsinga rwaguye ni ukwirinda ariko bakanaduhamagara ngo dushyire ikimenyetso aho hantu.'

Nyakwigendera asize uruhinja rw'amezi atandatu.Ubwo twakoraga inkuru Urwego rw'Ubugenzacyaha rwateganyaga gufata icyemezo niba umurambo wa nyakwigendera wahita ushyingurwa.

Src:Umuseke

Source : https://umuryango.rw/amakuru/article/rutsiro-amashanyarazi-yakuruwe-mu-buryo-butemewe-yahitanye-umuntu-wasaruraga

Bivugwa ko Sallam SK yaba ari mu nzira zimwerekeza muri Konde Gang Worldwide ya Harmonize.

Sallam SK wari usanzwe ahorana na Diamond agatoki ku kandi ahakana ibyo gutandukana n' uyu muhanzi abereye umujyanama, ahubwo akavuga ko nubwo badaherutse kugaragara bari kumwe nta kibazo bafitanye.

Mu kiganiro na Radiyo yitwa Mjini FM yagize ati ' Njye na Diamond tumeze neza cyane, twese tuzi ko tutagomba kujyana ahantu hamwe na hamwe igihe cyose.'

Yakomeje agira ati ' Ni umusore uhora mu bushabitsi nanjye nibyo nkora, rero duhora duhuze cyane, kuba abantu badaheruka kutubonana ntibivuze ko tutavugana, tubikora buri gihe, ni yo mpamvu dutunze telefoni.'

Umwuka mubi uvugwa hagati ya Diamond na Sallam SK wazamutse cyane mu bitangazamakuru nyuma yaho Sallam SK afunguriye radiyo ye yise Mjini FM.

Ibi byafashwe nk'ibihanganisha aba bombi dore ko Diamond atishimiye kubona umwe mu bajyanama be afungura radiyo ye bwite mu gihe na we asanzwe afite Wasafi FM.

Sallam SK agaruka kuri ibi yagize ati 'Igitekerezo cyo gufungura radiyo na Televiziyo bya Wasafi cyaturutse ku mushinga wanjye wa mbere ubwo natangiraga Dizzim Online, ntabwo rero mbona ko byakagombye kuba ikibazo.'

Uyu mujyanama wa Diamond avuga ko kuba amaze amezi abiri adahura n'uyu muhanzi byatewe n'akazi kenshi yari arimo ahugiye muri gahunda zo gutunganya Mjini FM imaze amezi abiri itangiye.

Avuga ko inshingano ze yari yazisigiye Babu Tale batafatanyije akazi ko kureberera inyungu n'ibikorwa bya Diamond Platnmuz.

Sallam SK Mendez yatangiye gukorana na Diamond Platnumz mu 2013 nyuma yo kumuhuza na Davido bagakorana indirimbo bise 'Number One'.

Kwamamaza

Source : https://umuryango.rw/imyidagaduro/article/haravugwa-umwuka-mubi-hagati-ya-diamond-n-umujyanama-we-sallam-sk