Category: Uncategorized

Iri rushanwa riri gutegurwa n'inzu y'imideli yitwa 'Urutozi Gakondo', aho uzatsinda azaba yahize abandi mu kubyina neza indirimbo 'Wayawaya' ya Master KG, kandi yaserutse mu myambaro ya 'Made in Rwanda' ihangwa n'iyi nzu.

Ibirori byo gutangaza uwahize abandi bizaba ku wa 30 Ukuboza 2022, ku kibuga cya Club Rafiki giherutswe gufungurwa ahakinirwa Basketball. Guhera saa kumi kugeza saa kumi n'ebyiri.

Guhitamo uwatsinze bizarangwa n'ibikorwa by'imyidagaduro birimo nk'abahanzi bazasusurutsa abazitabira uyu munsi nka Bushali wamamaye mu ndirimbo zirimo 'Agasima', 'Mukwaha' n'izindi zitandukanye.

Jack B ukuriye Akanama Nkemurampaka yabwiye InyaRwanda ko batangiye kwitegura kugira ngo bazashyire umucyo muri iri rushanwa.

Yavuze ko iri rushanwa rigamije gukangurira cyane abantu kwambara imyenda ikorerwa mu Rwanda no kureba uzahiga abandi kubyina indirimbo 'Wayawaya'.

Ati “Ni ikintu kinini twateguye ariko binyuze muri ‘Urutozi Challenge Dance' nkanjye ‘Brand Ambassador’ icyo tugomba gukora ni ugushishikariza abantu gukunda ‘Made in Rwanda’ bakumva y’uko atari imyenda y’abantu b’aba Papa cyangwa abantu bakuze-ahubwo ari imyenda y’abantu bose.'

Jack B yavuze ko hari ibyo Akanama Nkemurampaka kazagenderaho mu kwemeza uzahiga abandi, birimo ikinyabupfura, imyitwarire ku rubyiniro, imbyino n'ibindi.

Yavuze ati 'Icya mbere tuzagenderaho n'uburyo yinjiye ku rubyiniro n'uburyo aserutsemo. Ikindi tuzareba imbyino n'uburyo bahuzamo.'

'Ikindi tuzareba imyambaro bazaba bambaye. Ni ukuvuga ko amatsinda (Group) zose zigomba kuba zinjiriye mu ndirimbo bita 'Wayawaya.'

Mu Kanama Nkemurampaka, Jack B ari kumwe na Olvis, Joxy Parker ndetse na Tizzo. Ni mu gihe Dj Toxxyk, Dj Diallo ari bo bazavanga imiziki bifashishije indirimbo zitandukanye. Biteganyiwe ko umunyamakuru Mc Tino ariwe uzayobora ibi birori.

Iyi nzu y'imideli yateguye iri rushanwa iri ku isoko kuva mu mwaka w'2019. Ikora imyambaro itandukanye cyane cyane iya Made in Rwanda.

'Urutozi Gakondo' iherutse gufungura ishami muri Leta Zunze Ubumwe za Amerika mu rwego rwo kwiyegereza abafana. Ariko inafite amashami mu Rwanda, Dubai, Texas n'ahandi.

Iyi nzu y'imideli bayise 'Urutozi' bisanisha n'agakoko kazwi nk' 'urutozi gafite imyitwarire myinshi kandi myiza.

Bati 'Twakuruwe n'imiterere n'izina ry'aka gakoko. Kubera urukundo, kuyobora no guhuza byatumye dushyigikirana mu gutangiza iyi nzu y'imideli (Ubu imaze imyaka ine ku isoko).'

Umuraperi Bushali azaririmba mu birori bizapfundikira irushanwa “Urutozi Challenge Dance”

Umuhanzi akaba n'umubyinnyi Jack B ni we ukuriye Akanama Nkemurampaka kazemeza uwegukana irushanwa 

Umuhanzi Olvis wo mu itsinda Active ari mu bazatanga amanota muri iri rushanwa 

Tizzo wo mu itsinda Active riherutse gusohora indirimbo 'Kubicu' ari mu bazagaragaza uwahize abandi 

Ku wa 3 Ukuboza 2022, nibwo hazasozwa iri rushanwa ryo kureba uwahize abandi muri 'Urutozi Challenge Dance'

KANDA HANO UREBE AMASHUSHO Y'INDIRIMBO 'KIRIKA' YA BUSHALI

 “>

REBA HANO AMASHUSHO Y'INDIRIMBO 'KUBICU' Y'ITSINDA ACTIVE

 “>

KANDA HANO UREBE AMASHUSHO Y'INDIRIMBO 'WAYAWAYA'

“>

Mu mafoto n'amashusho inyaRwanda.com yasangijwe n'inshuti za hafi z'uyu mukobwa zari zabukereye mu birori byambikiwemo Sebihogo Merci Impeta, bavuze ko atazuyaje kuyambara cyane ko ari umukunzi we w'ibihe byose.

Inshuti za hafi za Sebihogo zavuze ko byari ibyishimo kuri bombi, ndetse abantu bari bahari bishimiye urukundo rwabo cyane ko aba hafi mu muryango wabo bari baruzi cyane.

Sebihogo yamenyekanye ubwo yitabiraga irushanwa rya Miss Rwanda, gusa yari yarabaye igisonga cya Miss RTUC 2016, ndetse akaba akora ku ishusho aho ashinzwe ibyinjira n'ibisohoka.

Kazeneza Marie Merci kandi yanakoze muri RwandAir imyaka ibiri nka “Flight Attendant”, yinjiye muri Miss Rwanda afite umushinga wo gukora urubuga rwo kuri murandasi rufasha benshi kwiga no kwihugura ariko rukanafasha abarukoresha kwidagadura, bigatuma bakomeza kugira ubushake no gushishikarira inyigisho barukuraho.

Kazeneza yerekana impeta yambitswe

Kazeneza Marie Merci yitabiriye Miss Rwanda yifuza gushyira mu bikorwa umushinga wo gukora urubuga rwo kuri murandasi, gusa amahirwe ye yaje gucishwamo umurongo ubwo yavaga muri iri rushanwa.

Umukunzi wa Merci bafata agafoto nyuma yo kumwambika impeta

Musaza we Manzi yari umugabo wo kubihamya

Umukunzi we yabanje kumusaba ko yamubera umugore

Amaze kubyemera yamuhaye ikiganza ngo amwambike impeta

Yayikuyemo arayimwambika

Amaze kuyambara aramuhobera

Iyi ndirimbo byumvikana ko uyu muririmbyi yayubakiye ku mukobwa wari ugiye kurushinga. Ayihimba, amwifuriza kurushinga rugakomera n’umukunzi we bahuje imitima.

Ni imwe mu ndirimbo zifashishwa cyane mu bukwe burimo n’ubwa Assoumpta Abayezu w’Ikigo cy’igihugu cy’Itangazamakuru (RBA) warushinze kuri uyu wa Kabiri tariki 27 Ukuboza 2022 n’umukunzi we Caleb Niyobuhungiro.

Mu gitondo cyo kuri uyu wa Kabiri, Caleb yatanze inkwano mu muryango wa Assoumpta hanyuma ahabwa umugeni. Ni mu muhango wabereye kuri Golden Rebero.

Gusezerana imbere y’Imana no kwakira abatumiwe nabyo byabereye kuri Golden-Rebero.

Aba bombi bakoze ubukwe nyuma y'uko ku wa 22 Ukuboza 2022 basezeranye imbere y'amategeko. Icyo gihe Assoumpta yagize ati 'Imana irabikoze nasezeranye mu mategeko na byose byanjye.'

Ku wa 30 Gicurasi 2022, nibwo Assoumpta yambitswe impeta y'urukundo [Fiançailles’] n'umukunzi we Niyobuhungiro, amuteguza kurushinga nk'umugabo n'umugore.

Ubwo yambikaga impeta y'urukundo umukunzi we, Niyobuhungiro yavuze ko azahora azirikana umunsi umukunzi we yamubwiriyeho 'Yego', kandi yifuza kumarana nawe iminsi y'ubuzima asigaje kuri iyi si.

Uyu musore yabwiye Abayezu Assoumpta ko 'akwiye ibyiza birenze nshobora gutanga'. Yasabye Imana kubagenda imbere mu rugo rushya rw'ubuzima bagiye gutangira.

Avuga ati 'Imana itugende imbere, ituyobore muri uru rugendo dutangiye. Ndagukunda mukunzi.'

Mu butumwa bwo kuri Instagram, yavuze ko yakunze Assoumpta kuva ku munsi wa mbere bahura. Ati 'Imana ikomeze ituyobore mu nzira ducamo.'

Abayezu Assoumpta warushinze yakoreye ibitangazamakuru bitandukanye birimo Radio/Tv Isango Star, Televiziyo Tv10 binyuze mu kiganiro 'Prime' muri iki gihe akorera RBA.

Niyobuhungiro yasabye anakwa umukunzi we Assoumpta Abayezu mu birori binogeye ijisho

Niyobuhungiro yagaragaje impeta y’urudashira yambitse umukunzi we nyuma y’igihe bakundana 

Caleb Niyobuhungiro yitegereza umugeni we….. 

Bahoberanye bashirana urukumbuzi. Nyuma y’uko imiryango yombi ihaye umugisha intambwe bateye 

Umunsi w’igisobanuro kinini mu buzima bwa Assoumpta…. 

Niyobuhungiro Caleb yahaye impano yihariye umukunzi we Assoumpta nk’ikimenyetso cy’urukundo yamukunze 

Ibyishimo bidashira kuri bombi…. 

Ku buzima bwacu! Intangiriro y’urugendo rushya rw’ubuzima bwabo 

Assoumpta Abayezu na Caleb Niyobuhungiro bahuje imiryango yombi. Ni rwogere!  

  

Umusizi akaba n’umunyamakuru wa Radio Isango Star, ‘Mushakamba’ yasusurukije abitabiriye ubukwe binyuze mu mazina y’inka 

Assoumpta yacinye akadiho….. mu mbyino za Kinyarwanda…. 

Umunyamakuru wa Radio Isango Star, Kageme Grace ukora ikiganiro ‘Isango Relax’

Abanyamakuru b’Ikigo cy’Igihugu cy’Itangazamakuru, Gloria Mukamabano na Ingabire Egidie Bibio bashyigikiye mugenzi wabo 

Umukinnyi wa filime Dusenge Clenia uzwi nka Madederi muri filime Papa Sava-Aherutse gushinga sosiyete y’ubwubatsi yise ‘Clen Solutions Group’

Umunyamakuru wa Radio Rwanda, Clarisse Uwineza [Clara Uwineza] ukora mu kiganiro ‘Nta rungu’ 

Umunyamakuru wa Tv1, Hope Icyzere 

Ubwo abasaza baganiraga mu gusaba no gukwa Assoumpta Abayezu

AMAFOTO YO GUSEZERANA IMBERE Y’IMANA: ASSOUMPTA &CALEB

Assoumpta yarushinze na Caleb nyuma y’igihe bari mu munyenga w’urukundo

Kanda hano na hano urebe amafoto menshi

AMAFOTO: Ndayishimiye Nathanael-INYARWANDA.COM

Ni ubutumwa yanyujije kuri status ya Whatsap na Instagram, imbuga uyu muhanzi akunda gukoresha, aho yabwiye umukunzi we ko uyu munsi ari bumutemo, amwe mu magambo amenyerewe kuri uyu muraperi.

Mbere y'uko amwifuriza isabukuru ye, Bushali yabanje gusangiza abamukurikira ibihe byiza yagiranye n'umugore we muri uyu mwaka, maze amuragiza Imana amubwira ko amukunda cyane.

Yagize ati''Isabukuru nziza mukunzi, Imana ibane nawe, inakurinde kuri uyu munsi wawe udasanzwe.''

Muri 2021 nibwo byamenyekanye ko umuhanzi bushali yibarutse imfura y'umuhungu, abyaranye n'umukunzi we bari bamaranye igihe kinini bakundana.

Umukunzi wa Bushali

Uyu mukunzi wa Bushali akaba na Mama w'umwana we ni umwe mu bafana bakomeye Bushali afite, kuko usanga anamushyigikira aho uyu muhanzi yagiye gutaramira akenshi.

Bushali kandi uretse kuba ashyigikirwa n'umukunzi we n'umwana wabo ntibamusiga, kuko mu minsi ishize yagiye agaragara ku rubyiniro rurimo n'urwa Joeboy aherukaho yambaye nk'ininja.

Bushali, umwana n’umukunzi we

Bushali n’umugore we

KANDA HANO UREBE KIRIKA YA BUSHALI

KANDA HANO UREBE INDIRIMBO BONANE YA BUSHALI NA DJ PIUS, ALYN SANO NA BUSHALI

Mu gihe habura iminsi mike ngo tugere mu mwaka wa 2023, Abanyarubavu biteguye kwakira igitaramo gikomeye kizaba ku wa Gatandatu tariki 31 Ukuboza 2022 kizabera kuri Stade Umuganda. Iki gitaramo cyiswe ERICA 'S GISENYI FESTIVAL', kizaba kirimo ibyamamara Nyarwanda bitandukanye.

Hashize imyaka myinshi mu Karere ka Rubavu, hatabera igitaramo ngo kibere muri 'Stade Umuganda' imwe muri Stade nshya zakira abantu benshi.

Abahanzi Nyarwanda batandukanye barimo; Bull Dogg, Eric Senderi, Ariel Wayz, Kenny Sol, Impala, Young Grace, The Same na Pacifica ni bamwe mu bazaririmba. Lucky Nzeyimana wa RBA, ni we uzaba ari umushyushya rugamba muri iki gitaramo. 

Dj Philpeter azafatanya na Selekta Dady, Dj Jackso na Dj Ice mu kuvangavanga imiziki muri iki gitaramo cyitezweho kubaka amateka y'umuziki mu Karere ka Rubavu no mu Ntara y'Uburengerazuba muri rusange.

Abahanzi bazacyitabira ni bamwe mu bari gukora cyane muri Muzika Nyarwanda; Bull Dogg  uherutse gufatanya igisigo n'abarimo Junior Rumaga, Eric Senderi udasiba no kurangwa n'udushya, Ariel Wayz uherutse gushyira hanze indirimbo nshya yise 'You should know';

Kenny Sol uherutse kumvikana avugwa mu ndirimbo yafatanyije na Dj PhilPeter, Impala, The Same ndetse n'umuhanzi Pacifica uherutse gushyira hanze umuzingo w'indirimbo 11 yitiriye umwana we 'Gomez'.

NYURA HANO UGURE ITIKE YAWE UZITABIRE IKI GITARAMO

Eric Hagenimana ni we wa mbere mu mateka y'Akarere ka Rubavu uteguye igitaramo muri Stade Umuganda ari wenyine nta wundi bagifatanyije mu nzego zose. Uyu mugabo umaze kumenyekana binyuze mu gutumira abahanzi batandukanye, yasobanuye ko ibyo ashaka ari ugushimisha Abanyarwanda ubundi nabo bakamufasha gusoza umwaka neza.

Mu magambo ye yagize ati: “Njye byamfashe igihe kugira ngo negeranye bariya bahanzi, byantwaye amafaranga ariko ikintu nshyize imbere ni ugushimisha Abanyarwanda. Ndashaka ko Abanyarubavu, Abanye-congo, Abanya-Kigali, n'abandi bazaturuka impande zose, bazaza tukishimana;

Mbese tugasoza umwaka tumeze neza. Ni amateka agiye gukorwa kandi abahanzi bose natumiye ni  abahanzi bakunzwe n'abaturage ku buryo nzi neza ko bazaza tukishimana kandi Imana izadufasha bizagende neza'.

Biteganyijwe ko iki gitaramo kizatangira isaa kumi n'imwe (5H00PM) z'umugoroba. Kwinjira ni ibihumbi 10 Frw muri VVIP, 5000 Frw muri VIP naho ahasanzwe ni 2000 Frw. Abanyeshuri bafite amakarita y'ishuri bazemererwa kwinjira ku mafaranga igihumbi (1000 Frw) gusa..

I Rubavu hagiye kubera igitaramo cy’amateka!

GURA TIKE YAWE UNYUZE HANO

Icyumweru kirenga kirashize imikino y'igikombe cy'isi yaberaga muri Qatar irangiye, ikipe y'igihugu ya Argentine niyo yegukanye iki gikombe itsinze ikipe y'igihugu y'u Bufaransa ku mukino wa nyuma hitabajwe penariti. 

Kapiteni Lionel Messi ari mu bakinnyi bagize uruhare rukomeye kugira ngo ikipe y'igihugu cye yegukane iki gikombe, mu mikino yose yakinnye muri iki gikombe cy'isi cy'uyu mwaka yatsinzemo ibitego 7 harimo na 2 yatsinze u Bufaransa ku mukino wa nyuma. 

Lionel Messi yakoze amateka abifashijwemo na bagenzi be, atwara iki gikombe cy'isi yari yarahize ariko yarakibuze. Muri 2014 yari yarageze ku mukino wa nyuma ariko batsindwa n'u Budage, ndetse na 2018 bari bageze muri 1/8 batsindwa n'u Bufaransa. 

Kuva Messi w'imyaka 35 yatwara iki gikombe bamwe bahise batangira kumugira umukinnyi w'ibihe byose, kuko igikombe cy'isi aricyo yari asigaje gutwara mu buzima bwe bw'umupira w'amaguru.

Icyumba Lionel Messi yararagamo kigiye  gushyirwa mu nzu ndangamurage

Nyuma y'uko Lionel Messi yegukanye igikombe cy'isi, mu rwego rwo kumuha icyubahiro kaminuza yo muri Qatar yatangaje ko icyumba uyu mukinnyi yararagamo ubwo yari ari mu mikino y'igikombe cy'isi cyabereye muri iki gihugu, igiye kukimurira mu nzu ndagamurage nto.

Nyuma yo kwitwara neza mu gikombe cy'isi akaba umukinnyi watsinze ibitego byinshi, Kylian Mbappe arifuza ibintu 3 kugira ngo akomeze gukina  muri  Paris Saint-Germain imufata nk'umukinnyi uzayicungura akayihesha Champions League ishaka ariko yabuze. 

Uyu mukinnyi w'imyaka 24 mu mpeshyi y'uyu mwaka nibwo yongereye amasezerano azamara imyaka 2 muri iyi kipe, Mbappe yashyizeho ibimeze nk'ibyifuzo kugira ngo Paris Saint-Germain imugumane nibura indi myaka 3. 

Ikifuzo cya mbere cy'uyu mukinnyi ni uko umukinnyi ukomoka muri Brazil Neymar asezererwa muri iyi kipe byihuse, gusa ntatangaza impamvu atamushaka.

 Neymar utifuzwa na Mbappe

Nk'uko tubikesha ikinyamakuru cyandika kitwa Sportskeeda, ikifuzo cya 2 cya Kylian Mbappe ni uko umutoza witwa Christophe Galtier usanzwe atoza Paris Saint-Germain yagenda, hakaza umutoza w'umufaransa Zinedine Zidane udafite ikipe atoza kugeza ubu. 

Naho ikifuzo cya 3 ni uko Paris Saint-Germain yagura Harry Kane, watakira ikipe y'igihugu y'u Bwongereza na Tottenham. Uyu mukinnyi ibyo ari gusaba biri mu masezerano ye kuko kugira ngo yongere amasezerano muri Paris Saint-Germain yemerewe ko azajya agira uruhare mu myanzuro izajya ifatwa mu ikipe, akagira uruhare mu bakinnyi basohoka n'abinjira mu ikipe ndetse akagira n'uruhare ku mutoza ugomba gutoza Paris Saint-Germain.

 Kylian Mbappe byavugwaga ko yasesa amasezerano kubera umwuka mubi yari afitanye na bagenzi be, ikipe yamushakaga cyane ni Real Madrid ariko kugeza ubu ntabwo ikimufite mu mishinga nyuma y'uko atayerekejemo. Kugeza ubu uyu mukinnyi amaze gukinira Paris Saint-Germain imikino 236 ayitsindira ibitego 190.

Mbappé ukomeje kugora Paris Saint-Germain