Category: Uncategorized

Danny Mutabazi ni umwe mu bahanzi b'indirimbo ziha ikuzo Imana baririmbye mu gitaramo 'Icyambu Live Concert' Israel Mbonyi yamurikiyemo album ebyiri.

Mutabazi yaririmbye nyuma ya Annette Murava waririmbye indirimbo 'Niho nkiri' ndetse na James na Daniella baririmbye indirimbo 'Yongeye guca akanzu' bakoranye na Israel Mbonyi, iri mu zikunzwe muri iki gihe.

Danny Mutabazi ni umwe mu bahanzi b'abahanga mu Rwanda akaba n'umwanditsi ukomeye. Yifashishije ikaramu ye yanditse indirimbo 'Isaha' ya Vestine na Dorcas.

Mu ijoro ryo kuri uyu wa Gatandatu tariki 24 Ukuboza 2022, uyu muririmbyi yahuriyemo na Vestine na Dorcas mu gitaramo cyabo bamurikiyemo album bise 'Nahawe Ijambo' cyabereye muri Kigali Conference and Exhibition Village ahazwi nka Camp Kigali.

Muri iki gitaramo Danny Mutabazi yaririmbye indirimbo imwe nyuma y'uko yari izamuwe na mugenzi we Israel Mbonyi bamaze igihe ari inshuti z'akadasohoka.

Nyuma yo kuririmba, Danny Mutabazi yavuze ko yanyuzwe n'urugendo rw'umuziki wa mugenzi we kuva mu mwaka wa 2015 yiyeguriye Imana.

Mutabazi yavuze ko nk'umuhanzi azirikana neza imvune zo gukora indirimbo yaba mu buryo bw'amajwi cyangwa se mu buryo bw'amashusho. Azi kandi imvune abahanzi bahura nazo muri studio iyo bagiye gukora indirimbo.

Uyu muririmbyi yashimye Israel Mbonyi ku bw'imbaraga yashyize mu muziki we. Avuga ko atabona impano yo guha mugenzi we uretse iyo yamuteguriye afatanyije n'umugore we utabashije kuboneka muri iki gitaramo.

Yasabye abari muri iki gitaramo gufatanya nawe kwifuriza ubuzima bwiza Israel Mbonyi. Ati “Imama imwagure kurushaho. Imukoreshe iby’ubutwari. Imana izamuhe iherezo ryiza.'

Nyuma yo guhabwa iyi mpano, Israel Mbonyi yashimye Danny Mutabazi agira ati “Urakoze cyane, Imana iguhe umugisha.'

Danny Mutabazi ni umugabo wubatse washakanye na Mahoro Bernadette (Berry) mu birori byabaye mu 2021. Abarizwa mu itorero rya ADEPR, akaba yarinjijwe mu muziki n’indirimbo “Calvary”.

Yatangiye kuririmba kera ariko kuririmba ku giti cye abitangira mu 2015, ibisobanuye ko amaze imyaka 7 mu muziki. 

Ni urugendo rwamuhiriye dore ko uyu munsi wa none ar guhabwa ubutumire hirya no hino mu gihugu mu bitaramo byiganjemo ibibera mu nsengero.

Danny Mutabazi amaze gukora indirimbo zirimo: Binkoze ku mutima, Amarira y’Ibyishimo, Siyoni, Ngiye kwa Yesu, Ntiwanyihakanye, Imbabazi, Ntacyo bitwaye, Calvary, Saa Cyenda, Umutangabuhamya, na Ineza yawe Ft Aime Uwimana.

Tariki 02/06/2019 ni bwo yamuritse Album ye ya mbere mu gitaramo cyabereye muri Dove Hotel. Ni igitaramo cyahumuye abakunzi b’umuziki wa Gospel, babona impano ikomeye afite batangira kumukunda kurusha mbere. 

Danny Mutabazi yahaye impano yihariye mugenzi we Israel Mbonyi amushimira kudacika intege 

Mutabazi yatanze indabo zanditseho 'Urakoze Mbonyi'. Yavuze ko iyi mpano yayiteguye afatanyije n'umugore we 

Israel Mbonyi yashimiye mugenzi we Dany Mutabazi ku bw'iyi mpano yamuhaye

Israel Mbonyi yavuze ko kumenya Imana 'ni byiza cyane' 

Israel Mbonyi yavuze ko gukizwa bitakubuza gukomeza kuba 'umusore mwiza' 

Israel avuga ko gukizwa atari ukwambara imyambaro ihishe umubiri. Ati 'Ushobora gukira ukaguma 'vibes' zawe 

Israel Mbonyi yavuze ati 'Ngo uyu mugoroba twakoze amatekano. Hano hantu huzuye.' 

Israel yaririmbye indirimbo zirimo 'Yaratwimanye', 'Baho', 'Urwandiko' n'izindi 

Muri iki gitaramo, Danny Mutabazi yaririmbye indirimbo imwe yise ‘Igitondo’

Kanda hano urebe amafoto menshi 

AMAFOTO: Sangwa Julien-INYARWANDA.COM

Israel Mbonyi wakunzwe mu ndirimbo zirimo 'Umukunzi' yifashishije imbuga nkoranyambaga ze, yagaragaje ko Imana yasubije gusenga kwe, nyuma y'imyaka itanu yari ishize adataramira abafana be n’abakunzi b’umuziki muri rusange.

Ni mu gitaramo gikomeye “Icyambu Live Concert” yakoze mu ijoro ryo kuri iki Cyumweru tariki 25 Ukuboza 2022, cyahuriranye no kwizihiza Noheli.

Ni igitaramo cyihariye, kuko cyahujwe no kumurikira abakunzi be album ebyiri harimo album ye ya kane yise “Icyambu” yasohoye mu mpera z'umwaka ushize.

Hari kandi album ya gatatu yise 'Mbwira' yagiye hanze mu 2019. Album ye ya mbere yayise 'Number One' yagiye hanze mu 2014, iya kabiri yayise 'Intashyo' yayimuritse muri 2017 mu gitaramo yakoreye muri Camp Kigali.

Israel Mbonyi aherutse kubwira ibitangazamakuru birimo InyaRwanda, ko Album yayise 'Icyambu' mu rwego rwo kumvikanisha uko Imana yamuhamagaye.

Yavuze ati “Iki gitaramo rero ni icyo kumurika Album ebyiri icyarimwe, iyo yitwa 'Mbwira' n'iyindi yitwa 'Icyambu'.”

Akomeza ati 'Icyambu rero ni ubuhamya bwanjye. Ni uburyo Imana yampamagaye, ni uburyo Imana yanganirije impamagarira kuyikorera. Niyo mpamvu album nayise 'icyambu'. Kuko nibaza ko ikubiyemo inkuru yose y'urugendo rwanjye no gukorera Imana.'

Muri iki gitaramo, Israel Mbonyi yaserutse yambaye imyenda y'ibara ry'umweru aranzika mu ndirimbo zitandukanye yagiye ashyira hanze mu bihe bitandukanye, ariko yahereye ku ndirimbo ye yise ‘Icyambu’ imaze kurebwa n’abantu barenga miliyoni 3.

Uyu muhanzi yageze ku rubyiniro ahagana saa mbiri z'ijoro. Ntiyigeze ava ku rubyiniro ahubwo yagiye yakira bagenzi be yatumiye muri iki gitaramo;

Barimo nka Annette Murava baririmbanye indirimbo 'Niho Nkiri', ndetse na James na Daniella baririmbanye indirimbo 'Yongeye guca akanzu'.

Israel Mbonyi aherutse kuvuga ko nta byinshi yashingiyeho mu gutumira aba bahanzi bafatanije nawe muri iki gitaramo, ahubwo yagendeye ku kuba ari abanyempano. 

Yanavuze ariko ko yashingiye ku byo aba bahanzi bazakorana muri iki gitaramo. Ati 'Ibyo nifuza gukora bihura neza n'ibyo tuzakora mu gitaramo.' 

Israel Mbonyi yaserutse yambaye imyenda yiganjemo ibara ry’umweru

Israel Mbonyi yakoze igitaramo gikomeye yandikiyemo amateka avuguruye, mu muziki w'indirimbo zihimbaza Imana 

Kuva mu mwaka wa 2015, Israel Mbonyi ari mu muziki w'indirimbo zihimbaza Imana 

Umutima wishimye wa Israel Mbonyi wamuritse album ze ebyiri mu gitaramo yise 'Icyambu Live Concert 

Israel Mbonyi yifashishije abaririmbyi n'abacuranzi basanzwe bakorana mu muziki w'indirimbo ziha ikuzo Imana 

Israel Mbonyi w'imyaka 30 yashimye Imana ku bwo kumuherekeza mu rugendo rwe rw'umuziki 

Israel Mbonyi yasabye Imana gukiza abarwayi, no kurebana impuhwe buri wese 

Mu nkuru mbarankuru ye, Israel Mbonyi avuga ko yakuriye mu muryango wa Gikirisitu ariko yakijijwe ageze mu mashuri yisumbuye

Israel Mbonyi yavuze ko yavutse kandi akurira muri Repubulika Iharanira Demokarasi ya Congo (RDC)

Israel Mbonyi wamamaye mu ndirimbo zirimo “Number One” yaririmbye yicurangira na gitari nk’ibisanzwe

Israel Mbonyi yavuze ko hari ijoro rimwe yaryamye Imana iramugenderera mu nzozi imwumvisha inyungu ziri mu kuyikorera

Israel Mbonyi, umunyamuziki wize ibijyanye na ‘Pharmacy’ akiyegurira Imana na n’ubu

Israel Mbonyi yashimye mu buryo bukomeye buri wese wamushyigikiye kuva atangiye umuziki

KANDA HANO UREBE AMASHUSHO Y’INDIRIMBO ‘ICYAMBU’ YA ISRAEL MBONYI

“>

Kanda hano urebe amafoto menshi

AMAFOTO: Sangwa Julien-INYARWANDA.COM

Mbonyicyambu Israel wamamaye nka Israel Mbonyi mu muziki wo kuramya no guhimbaza Imana, yakoreye amateka muri Kigali Arena ubwo yahakoreraga igitaramo cyo kumurika Album ze 2.

Ni igitaramo cyabaye mu ijoro ry’ejo hashize kuri Noheli, kibera muri Kigali Arena aho yakubise ikuzura no mu myanya yo hejuru itari isanzwe igibwamo n’abantu benshi.

Israel Mbonyi mbere y’amasaha make ngo iki gitaramo gitangire, yatunguye benshi ubwo yashyiraga ku mbuga nkoranyambaga ze ko amatike y’iki gitaramo yamaze kugurwa yose yashize.

Saa 20h Israel Mbonyi yinjiye ku rubyiniro ku ndirimbo ye Icyambu yitiriye imwe muri Album ze, ndetse agahamya ko iriho ubutumwa bwo Imana yamuhaye gutambutsa mu bantu ba yo.

Saa 20:14 yifatiye mu murya wa gitari dore ko mikurire ye yakuze ari umucuranzi n’umuririmbyi afatanya n’abandi bacuranzi be gususurutsa abantu mu ndirimbo 'Urwandiko’.

Iki gitaramo kandi cyitabiwe n’ibyamamare bitandukanye birimo Aime Uwimana wanagaragaye yizihiwe cyane n’indirimbo za Israel Mbonyi hari kandi n’abandi barimo Masamba Intore wari waherekejwe n’umukobwa we.

Saa 20:23 nibwo afashijwe mu buryo butarimo ibyuma n’abakunzi be yatangiye kuririmba indirimbo 'Nzaririmba’ hagiyeho ibicurangisho biba ibindi arambitse hasi guitar abantu basimbukira muri Yesu koko.

Saa 20:33 Israel Mbonyi yikojeje mu bukwe bwa Album ye ya mbere maze anyeganyeza inkuta z’inzu y’imyidagaduro mu ndirimbo 'Number One’ yakunzwe kuva yasohoka mu myaka ijya kugera ku munani imaze.

Saa 20:40 abantu banyurwa n’iyitwa 'Ku Marembo y’Ijuru’ aha abantu barimaze kujya mu mwuka agiye gutangirira kuririmba iyitwa 'Nkwiye Kurara Iwawe’ habanza kugarukwa ku nkuru ya Zakayo iri muri Bibiliya.

Mu bandi bahanzi baje gushyigikira Israel Mbonyi harimo kandi Alyn Sano na Prosper Nkomezi.

Saa 20:56 yakoze ku mutima ya benshi mu buryo busa n’ubutuje abantu bagenda banyeganyega gacye bijyanye n’umuziki w’indirimbo mu yitwa 'Ndakubabariye’.

Saa 21:02 Israel Mbonyi yaririmbye indirimbo 'Umukunzi’ igaruka ku buryo uwahisemo ko Yesu aba afite uburinzi bukomeye.

Saa 21:13 yasabiye abitabiye avuga ko atifuza ko birangirira mu kuririmba gusa ahubwo Imana yafasha nuwaje arwaye cyangwa afite izindi ngorane gutaha zacyemutse.

Saa 21:24 Israel Mbonyi yakiriye ku rubyiniro umuhanzikazi uri mu bakunzwe Annette Murava waje yambaye ikanzu niza irabagirana isa n’ikamba yarafite mu mutwe bafatanya kuririmba indirimbo y’uyu muhanzikazi yitwa 'Niho Nkiri’.

Saa 21:40 abahanzi James na Daniella bakubutse mu gihugu cy’u Burundi bifatanije na Israel Mbonyi bakiranwa ubwuzu maze bafatanya na Mbonyi kuririmba indirimbo 'Yongeye guca akanzu’.

Saa 22:04 Israel Mbonyi yakiriye Danny Mutabazi winjiriye mu ndirimbo 'Igitondo’ maze nyuma yo kuririmba iy’indirimbo aha impano Israel Mbonyi.

Saa 22:16 Ivan Ngenzi yongeye kugaruka ku rubyiniro ashimira abantu bose bifatanije nabo barimo ababyeyi bifatanije nabo nabaterankunga babo batandukanye Coke Cola, RBC, EAP, Park Inn Hotel n’abandi.

Saa 22:32: Nyuma ya karuhuko, Israel Mbonyi yagarutse mu ikoti ry’umutuku ishati n’inkweto z’umukara n’abacuranzi n’abaririmbyi be bari bambaye imyambaro mishya.

Atangira aririmba indirimbo 'Ibihe’ avuga ko nyuma y’amasaha agera kuri abiri ubu aribwo atangiye saa 22:41. Yahise avuga ko agiye kuririmba imwe mu ndirimbo akunda cyane maze akora mu nganzo aririmbana n’abantu bose indirimbo 'Karame’.

Saa 22:53: Ni bwo Israel Mbonyi yaririmbye indirimbo ye 'Isezerano’ Mbonyi wari ugarutse mu mu gice cya kabiri kibanze ku ndirimbo ziri kuri Album ‘Icyambu’ yasaga nkaho aribwo agitangira kandi abantu bakigaragaza ko bakinyotewe n’indirimbo ze.

Asoza avuga ko kumenya Imana ari byiza cyane gukizwa ni byiza cyane asaba abantu bifuza gukizwa ko bafatanya gusenga maze uwifuza kwakira agakiza akakakira ahamya ko kandi gukizwa atari ibya baturage.

Igitaramo cya Israel Mbonyi cyashyizweho akadomo haririmbwa indirimbo icyambu ku isaha ya saa 00:02 zo ku wa 26 Ukuboza 2022.

Saa 19:15 nibwo igitaramo cyatangijwe ku mugaragaro n'isengesho rya Ivan Ngenzi, wayoboye iki gitaramo nk’umushyushyarugamba (MC) atangira yisegura ko amasaha yari yateganijwe atariyo igitaramo cyatangiriyeho. 

Ahanini byaturutse ku mubare w’abantu benshi, bari bakiri hanze bategereje kwinjira muri iki gitaramo.

Nyuma yo kuririmbana n'abitabiriye iki gitaramo, Ivan Ngenzi uri mu baramyi bakomeye yifashishije indirimbo zirimo izo muri Kiliya Gatolika nka 'Ni Wowe Mugenga', ubundi abantu bafatanya nawe kwinjira mu byishimo bya Noheli.

Saa 19:37 hakiriwe ku rubyiniro itsinda ry'abacuranzi b'ingoma, baherekejwe n'abambaye imyenda y’ibara ry’umweru bagendaga bazunguza mu kirere amadarapo yanditseho amazina y'Imana arimo Adonai, Elohim n’ayandi banafite urumuri mu ntoki.

Bari kumwe kandi n'abasore n'inkumi bagendaga bavuga ku iremwa ry'isi n'uburyo byose byahinduwe n'umucyo, mu gihe mu iremwa byari umwijima bagaruka ku buryo Imana ari itangiriro ikanaba n’iherezo kandi ko yariho izanahoraho.

Bagaruka kandi kuri Noheli umunsi w'ivuka rya Yesu Kristo, umunsi nyir'izina igitaramo cyabereyeho n'uburyo yabaye isoko yo gukira kw'abamwizera nyuma y'urupfu rwe ku musaraba igorogota, akaba 'Icyambu' cy'abamwemera ukwiye guhimbazwa no gushimwa. 

Israel Mbonyi aherutse kubwira itangazamakuru ko yahisemo ko iki gitaramo kiba ku munsi wa Noheli, mu rwego rwo gufasha abakristu kwizihiza byihariye uyu munsi.

Umuhanzi w’indirimbo zo kuramya no guhimbaza Imana, Yvan Ngenzi yinjije abantu muri iki gitaramo yifashishije indirimbo zitandukanye zo muri Kiliziya Gatolika

Yvan Ngenzi yakoze uko ashoboye kugira ngo binjire mu byishimo bya Noheli

Abayobozi mu nzego zitandukanye barimo Ambasaderi wa Israel mu Rwanda, Ron Adams bitabiriye iki gitaramo

Umuhanzi wagwije ibigwi mu Rwanda, Masamba Intore ni umwe mu bitabiriye iki gitaramo

Umuhanzikazi Ikirezi Deborah ubarizwa muri Canada, akaba umukobwa wa Masamba Intore ntiyacitswe n’iki gitaramo

Kanda hano urebe amafoto menshi

AMAFOTO: Sangwa Julien-INYARWANDA.COM

Vestine na Dorcas bakoze igitaramo gikomeye cyabaye kuri uyu wa Gatandatu tariki 24 Ukuboza, bafashwa n’abandi bahanzi barimo Gisubizo Ministries, Danny Mutabazi ndetse na Prosper Nkomezi.

Saa mbili n'iminota ine ni bwo baherekejwe n'itsinda ribafasha binjiye ku rubyiniro. Baririmbye indirimbo zabo bahereye kuri 'Arakiza', 'Papa', 'Nzakomora' na 'Si Bayali'.

Aba bahanzi muri iki gice cya mbere baririmbye iminota 34. Basize abantu bagifite inyota yo gukomeza gutaramana nabo. 

Aline Gahongayire yaje ku rubyiniro asabira aba bana b'abakobwa umugisha no guhundagazwaho imvura y'umugisha kuko 'Imana' basenga atari bayali.

Saa tatu na 25 aba bahanzi baje ku rubyiniro ubwo bahabwaga impano ya miliyoni y'Amanyarwanda na Apotre Mignonne. Bamaze kuyakira baririmbye indirimbo yabo bise 'Adonai'.

Vestine ashimira Apotre Mignonne n'ikiniga cyinshi yagize ati 'Twaravuze ngo nidukura tuzaba nkawe. Turagukunda. Imana Ishimwe, kandi izagufashe mu gihe cyose usigaje ku isi. Uri umubyeyi mwiza, twishimiye kuba turi kumwe nawe.'

Saa yine na 45 bagarutse ku rubyiniro nyuma yaho Prosper Nkomezi yari amaze kuririmba. Aba bahanzi bahise banzika n'indirimbo bise 'Ibuye' bafatiye ku murindi Nkomezi yasigiye abari bitabiriye iki gitaramo yasize ashyuhije ndetse bose bagahaguruka, baririmbanye iyi ndirimbo bose bari mu birere.

Bakomeje baririmbana n'abari bitabiriye ubona bose baryohewe ku rwego rwo hejuru. Bahise bakurikizaho 'Nahawe Ijambo' yabahaye ikaze mu muziki. Iyi ndirimbo bayiririmbye bagezemo hagati basanganirwa na Niyo Bosco wanayanditse.

Ijwi rya Niyo Bosco ryashimishije benshi kubera uburyo yarigororaga. Niyo Bosco yasabye  abacuranzi kuzimya ibyuma akaririmbana nabo, maze benshi baryoherwa n'uko yaririmbaga avagamo n'ndi  magambo adasanzwe muri iyi ndirimbo.

Umurishyo wa nyuma wakubiswe 23:04.

Ishimwe Vestine na Kamikazi Dorcas ni abavandimwe babiri bavuka mu Karere ka Musanze, biyemeje kuririmbira Imana mu myaka y'ubuto bwabo.

Ishimwe Vestine Taricy yavutse tariki 2 Gashyantare 2004, ubu yiga mu mwaka wa gatanu w'amashuri yisumbuye. Kamikazi Dorcas we yavutse ku wa 28 Kamena 2006. Yiga mu mwaka wa kane w'amashuri yisumbuye, bombi bavuka kuri Uzamukunda Elizabeth na Nizeyimana Mazimpaka.

Bavuka ari batandatu mu rugo iwabo, harimo abakobwa bane n'abahungu babiri. Baririmba muri Goshen Choir y'i Musanze. Batangiye kuririmba ku giti cyabo mu 2018 guhera mu 2020 ni bwo bakoranaga na MIE Empire  y'umunyamakuru Murindahabi Irénée.

Aba b’abakobwa ni uku baririmbye indirimbo zashyize akadomo ku gitaramo bameze

Akanyamuneza kari kose kuri aba bana 

Amashimwe yari yose kubera uburyo igitaramo cyabo cyagenze bakanagenerwa miliyoni zirenga 15 Frw zo kwifashisha mu bikorwa byabo bya muzika

Baririmba indirimbo yabo bise ‘Ibuye’ yakunzwe cyane ni uku bari bameze

Aba bahanzi baririmbye mu bice bibiri, uku ni ko baserutse mu gice cya kabiri ari nacyo cyashyize akadomo ku gitaramo 

Niyo Bosco yatunguranye muri iki gitaramo 

Umudiho wacinwe karahava

Aline Gahongayire niwe wayoboye iki gitaramo

Alliah Cool ni umwe mu baje muri iki gitaramo ndetse yanitanze 2000$

Danny Mutabazi yatunguranye muri iki gitaramo

Iki gitaramo cyari cyitabiriwe 

Dorcas ku rubyiniro ari kubyinira Imana 

Vestine na Dorcas bamaze igihe gito batangiye kuririmba ariko bafite igikundiro 

M. Irene yashimiye Niyo Bosco ku bw’umusanzu we yatanze mu muzikii w’aba bakobwa 

M.Irene usanzwe ari umujyanama wa Vestine na Dorcas byamurenze 

Uyu musore ni umwe mu bafashaga aba bakobwa ku rubyiniro 

Vestine na Dorcas ni abanyempano bakomeje kugaragaza imbaraga mu muziki wo kuramya no guhimbaza 

Vestine yagoroye ijwi karahava , mu gihe we n’umuvandimwe we bamurikaga album yabo ya mbere 

Abitabiriye igitaramo akanyamuneza kari kose 

Miss Muyango ni umwe mu bitabiriye ndetse yanatanze inkunga ya 500 000 Frw

Prosper Nkomezi niwe wabakiriye ku rubyiniro 

Sonia Mutako uzwi muri sinema nyarwanda yari mu bitabiriye 

Gisubizo Ministries yaririmbye muri iki gitaramo 

Coach Gael usanzwe ari umujyanama wa Bruce Melodie 

Miss Simbi Fanique witabiriye Miss Rwanda ni umwe mu bitabiriye iki gitaramo 

Ingabire wa Transparency Rwanda yari yaje gushyigikira aba bana 

David Bayingana ni umwe mu byamamare byari byabukereye muri iki gitaramo 

APOTRE MIGNONNE YAHAYE MILIYONI 1 FRW VESTINE NA DORCAS

“>

VESTINE NA DORCAS BASHIMIYE BURI WESE WASHYIGIKIYE IMPANO YABO

“>

AMAFOTO-Sangwa Julien

Igitaramo cya Israel Mbonyi cyatanze umwihariko kuko abantu batangiye kugera ahabereye igitaramo mu masaha ya saa cyenda saa kumi bahita banatangira kwinjizwa muri BK Arena.

Isaha ya saa kumi nimwe yageze abantu bamaze kwinjira ari nako ibyuma byarimo bishyushywa muri ay'amasaha kandi nibwo Israel Mbonyi abinyujije ku mbuga nkoranyambaga ze yashimye Imana.

Ibi bikaba byatewe nuko amatike yabagombaga kwitabira igitaramo yashize hakiri kare ati:'BK Arena amatike yamaze gushira mwami mwiza urakoze.' Igitaramo cya Israel Mbonyi kikaba itike ya macye yari ibihumbi 5Frw iya menshi ibihumbi 20Frw .

Polisi yatangiye gufasha abantu kubona aho baparika mbere y’uko binjira

Ahagana saa kumi n’imwe z’umugoroba BK Arena yatangaje ko amatike yashize

Ni ab’ibwotamasimbi bitabiriye iki gitaramo cy’umuhanzi w’umunyarwanda

Mu gitaramo nk’iki ni byiza kwitwazwa Bibiliya, ukajya unyuzamo ugasoma ijambo ry’Imana

Coca-Cola ivuga ko yishimiye gutera inkunga iki gitaramo cya Israel Mbonyi

Aba mbere bageze kuri BK Arena ahagana saa cyenda z’amanywa ariko umurongo w’imodoka urarombereje
Uruganda rwa Bralirwa rwateye inkunga iki gitaramo binyuze mu kinyobwa cya ‘Coca-Cola’

Ibihumbi 10 BK Arena ifitiye ubushobozi bwo kwakira byamaze kugura amatikeNi ishimwe rikomeye kuri Israel Mbonyi na gahigo kagira mbarwa Abantu bari kwerekana amatike mbere y’uko binjira muri iki gitaramo ‘Icyambu Live Concert’

Imodoka zatangiye kubura aho ziparika- Ndetse, imbere mu gitaramo basaba abaparitse neza gusubirayo guparika neza

KANDA HANO UREBE AMASHUSHO Y’INDIRIMBO ‘NDAKUBABARIYE’ YA ISRAEL MBONYI

“>

Inkongi y’umuriro hataramenya icyayiteye, yadukiye mu igorofa ryo hejuru ry’inzu ndende ikoreramo ‘Traffic Police’, umwotsi ukwira mu kirere.

Uwahaye amakuru InyaRwanda yavuze ko iyi nzu yacumbye umuriro i Saa Kumi (16:00) z’umugoroba wo kuri iki Cyumweru, abari bayirimo bagahungira hasi.

Iyi nzu y’amagorofa atandatu isanzwe itangirwamo Serivisi nyinshi, zijyanye n’ibinyabiziga ndetse n’ababitwara.

InyaRwanda yagerageje kuvugisha umuvugizi wa Polisi, ACP John Bosco Kabera ku murongo wa Telephone, ntibyakunda.

INKURU IRAMBUYE IRAZA MU MASAHA ARI IMBERE

Ateruye umwana w'imfura yabo n'umugabo we Bertrand Ndengeyingoma ateruye Ubuheta bwabo, bose ubona ko banyuzwe no kwizihizanya Noheli, Ange Kagame yageneye ubutumwa abanyarwanda.

Abinyujije kuri konti ye ya twitter, Ange Kagame umukobwa wa Perezida Kagame yavuze ko we n'umuryango we babikuye ku mutima bifurije ibiruhuko byiza abantu bose.

Yagize ati 'Tubifurije ibiruhuko byiza tubikuye ku mitima yacu ishimira.' yongeraho umuryango wabo 'Ndengeyingoma'.

Ange Kagame asoje umwaka mu byishimo byinshi kuko nibwo yibarutse ubuheta bwe, umwana waje akurikira imfura yabo.

Ku wa 19 Nyakanga 2020, ni bwo Ange Ingabire Kagame, ubuheta bwa Perezida Kagame na Madamu Jeannette Kagame, yibarutse imfura ye y’umukobwa n'umugabo we Bertrand Ndengeyingoma.

Ange Kagame n'umuryango we

Icyo gihe, Perezida Kagame yanditse kuri Twitter avuga ko we na Madamu Jeannette Kagame bishimiye kwakira umwuzukuru, anashima kandi umukobwa we n'umukwe we ku bw'imfura yabo.

Ku wa 06 Nzeri 2020, Perezida Kagame yabwiye RBA ko kuba Sogokuru w'abana ari ukuzamurwa mu ntera.

Ati 'Ni bishya kwitwa Sogokuru, ariko ni byiza cyane. Nari menyereye kwitwa Se w'abana. Iyo wabaye noneho na Sekuru w'abana uba wazamutse mu ntera ni nka 'promotion'. Ni indi 'grade' yo hejuru ishimishije.'

Ange Kagame yageneye ubutumwa abanyarwanda muri iyi minsi mikuru

Perezida Kagame yavuze ko nyuma y'inshingano ze nk'Umukuru w'Igihugu, umwanya we azawuharira kwita ku buzukuru be. Akomeza ati 'Nindangiza iyi mirimo mwanshinze, mpora niteguye kuzatangira indi mirimo yo kureberera abuzukuru….'

Ange Kagame na Bertrand Ndengeyingoma bahamije isezerano ryabo ku wa Gatandatu tariki 06 Nyakanga 2019 mu birori bibereye ijisho, byitabiriwe n'abantu bo mu miryango yombi n'abandi batumirwa bari bahawe ubutumire.

Imwe mu mafoto y'urwibutso ya Ange Kagame

Iyo dutereye amaso mu turere 7 tugize iyi Ntara aritwo; Rubavu, Rutsiro, Karongi, Ngororero, Nyamasheke, Rusizi na Nyabihu,tugize Intara y'Uburengerazuba, dusanga hari uturere tugifite akazi gakomeye mu rwego rwo kuzamura imyidagaduro yaho, na cyane ko hari utwo ushobora gusanga tutabamo inzu n'imwe itunganya umuziki cyangwa ngo ube wahabona umuhanzi. Ibi bituma utu turere dufatwa nk'utwasigaye inyuma.

Mu biganiro twagiranye n'abatandukanye barimo umunyamakuru wa Radiyo Rubavu, Big Shem [Salomon], Deo Habineza wa Radiyo Rusizi, Yvan Traz ,… niho havuye aba bahanzi 5 b'imena mu Ntara y'Uburengerazuba.

Aba bahanzi nibo basoje umwaka ku isoko mu bikorwa by'imyidagaduro, nibo bahanzi bakoze indirimbo zirenze imwe kandi zikumvikana mu Ntara yose ndetse no mu gihugu muri rusange.

URUTONDE RW'ABAHANZI 5 BASOJE UMWAKA WA 2022 BAYOBOYE ABANDI mu Burengerazuba:

1. Javanix

Uyu musore yakoresheje imbaraga nyinshi muri uyu mwaka wa 2022, ni umwe mu basore bakoze iyo bwabaga kugira ngo umuziki wabo ugere kure mu buryo bwose. Uyu muhanzi yitabiriye ibitaramo binyuranye harimo n'ibyo nawe ubwe yiteguriye.

Javanix ni umuhanzi wo mu Karere ka Rusizi waguye umuziki we mu buryo bwagaragariye buri wese. Javanix yakoze indirimbo zitandukanye, muri zo izasohokeye kuri channel ye harimo; Amabiya n’izindi.

REBA HANO AMABIYA YA JAVANIX

2. Ben Adolphe.

Uyu muhanzi ni umwe mu bashyigikira umuziki nyarwanda by'umwihariko umuziki wo Ntara y'Uburengerazuba, binyuze mu bitaramo byinshi  yitabiriye mu Karere ka Rubavu ari naho akomoka. 

Uyu muhanzi yasohoye indirimbo zitandukanye zirimo iyo yafatanyije na Platini P bise Aba Ex , iyo yafatanyije na Papa Cyangwe , yasohoye indirimbo yise Nkawe, Rimwe na Bella n'inzindi. Ben Adolph yagaragaje ko ari umuhanzi ufite icyerekezo gikomeye muri muzika.

REBA HANO BELLA YA BEN ADOLPH

3. Mary Igene.

Mary Igene, ni umukobwa ukorera umuziki mu Karere ka Rubavu. Igene yakoze indirimbo zitandukanye zirimo iyo yafayanyije na Ben Kayiranga bayita 'WHY ME', iyo yise 'MUTIMA' n'izindi zirimo iyo yafatanyije n'ibyamamare bitandukanye. Igene Mary ni umwe mu bakobwa batanga icyizere muri muzika y'Intara y'uburengerazuba muri rusange.

REBA HANO WHY ME YA IGENE MARY

4. Yani Rukumbi.

Yani Rukumbi yamenyekanye mu ndirimbo zitandukanye zirimo; Donke (Don't Care), Rizava yafatanyije na Element Elee, Inkoni n'izindi zitandukanye zasohotse muri uyu mwaka wa 2022. Uyu musore ari mu batanga icyizere nk'umuhanzi uzakora umuziki mwiza muri iyi Ntara y'Uburengerazuba.

REBA HANO INKONI YA YANI RUKUMBI

5. Malizuku.

 Uyu ni umusore wo mu Karere ka Rusizi. Ni umwe mu bahanzi bafite intego n'icyerekezo gikomeye. Malizuku yasoje umwaka wa 2022 ahagaze neza cyane muri iyi Ntara y'Uburengerazuba. Malizuku aherutse gushyira hanze indirimbo yise 'Feel'.

REBA HANO FEEL YA MALIZUKU.