Webrwanda Backend

Category: Uncategorized

  • Rayon Sports yakiriye Luvumbu wayivuyemo atamaze abafana inyota #rwanda #RwOT

    Umukongomani Héritier Luvumbu Nzinga yasesekaye mu Rwanda aho ategerejwe mu Ikipe ya Rayon Sports yakiniye igihe gito ndetse akayigiriramo ibihe byiza.

    Luvumbu yasesekaye ku Kibuga Mpuzamahanga cy'Indege cya Kigali ku mugoroba wo kuri uyu wa Gatatu, tariki ya 28 Ukuboza 2022, ahagana saa Kumi n'Ebyiri n'iminota 34.

    Yakiriwe n'abiganjemo abakunzi ba Rayon Sports n'abanyamakuru b'imikino ku bitangazamakuru bitandukanye mu Rwanda.

    Luvumbu yatangaje ko agarutse muri Rayon Sports azasinyamo amezi 6 ashobora kongerwa muri iyi kipe yise umuryango.

    Luvumbu utari ufite ikipe, ubu ari gushakirwa ibyangombwa kugira ngo azafashe iyi kipe mu gice cya Kabiri cya Shampiyona y'u Rwanda.

    Nabona ibyangombwa byuzuye Luvumbu azakomezanya na bagenzi be imyitozo basoje akaruhuko bagiyemo mu kwitegura isubukurwa rya Shampiyona.

    Tariki ya 24 Mata 2021 ni bwo Luvumbu yashyize umukono ku masezerano yo gukinira Rayon Sports. Nyuma y'amezi ane gusa tariki 19 Nyakanga 2021 yahise ayisohokamo, yerekeza muri Clube Desportivo Primeiro de Agosto yo muri Angola ayisinyira amasezerano y'umwaka umwe.

    Kugeza ubu nta kipe yari afite akaba ari na yo mpamvu yemeye gusubira muri Rayon Sports.

    Source : https://umuryango.rw/imyidagaduro/imikino/article/rayon-sports-yakiriye-luvumbu-wayivuyemo-atamaze-abafana-inyota

  • Indege ya RDC yongeye kuvogera ikirere cy' u Rwanda iraswaho #rwanda #RwOT

    Mu masaha yo mu gitondo kuri uyu wa Gatatu, indege y'intambara ya Congo yinjiye mu kirere cy'u Rwanda, nyuma humvikana amasasu y'imbunda nini bikekwa ko abasirikare bagerageje kuyirasaho.

    Ahagana saa 10h46' Indege ya RC Congo,Sukhoi-25 yavogereye ikirere cy'u Rwanda igera ku kibuga cy'indege cya Rubavu ariko isubizwayo igitaraganya.

    Abaturiye hafi y'aho byabereye bavuga ko humvikanye amasasu batazi uruhande avugiyemo.

    Uruhande rw'u Rwanda ntacyo ruravuga ku byabaye, gusa no mu kwezi gushize u Rwanda rwamenyesheje amahanga ko indege ya gisirikare ya Congo yavogereye ikirere cyarwo.

    Hari amakuru avuga ko iyi ndege yari ivuye kurasa ku mutwe wa M23 inyura mu Rwanda, abasirikare bayirasaho, isubira aho yari ivuye.

    Source : https://umuryango.rw/amakuru/mu-rwanda/umutekano/article/indege-ya-rdc-yongeye-kuvogera-u-rwanda-bayirasaho

  • Indege y’intambara ya Congo yinjiye mu Rwanda iraswaho amasasu #rwanda #RwOT

    Uruhande rw’u Rwanda ntacyo ruravuga ku byabaye, gusa no mu kwezi gushize u Rwanda rwamenyesheje amahanga ko indege ya gisirikare ya Congo yavogereye ikirere cyarwo.

    Abanyamakuru bakorera i Rubavu bavuze ko iriya ndege yanyuze mu kirere cy’u Rwanda, abasirikare barwanira mu Mazi, Marine barasa amasasu (bishoboka ko ari ugutanga gasopo).

    Hari umwe mu bantu bibonye ku ruhande rwo muri Congo, avuga ko indege yari ivuye kurasa ku mutwe wa M23 inyura mu Rwanda, abasirikare bayirasaho, isubira aho yari ivuye.

    Umunyamakuru Daniel Michombero ukorera mu burasirazuba bwa Congo, yavuze ko indege y’intambara ya Congo, yagaragaye mu kirere cy’i Goma, ahagana saa 10h 46 a.m.

    #RDC🇨🇩 : 10h 46, les avions de chasse de la RDC vus dans les airs en ville de #Goma. pic.twitter.com/uXUWLoxI3e

    — Daniel Michombero (@michombero) December 28, 2022

    Igisirikare cya Repubulika ya Demukarasi ya Congo (RDC) mu gihe cyashize cyagaragaje indege zo mu bwoko bwa Sukhoi-25 zakorewe mu Burusiya, kivuga ko zifashishwa mu bikorwa bya gisirikare ku mutwe wa M23.

    Undi muntu wari i Goma yavuze ko yumvise ibisasu by’amabombe byavuze nyuma y’uko iriya ndege y’intambara yari yinjiye mu Rwanda.

    Source : http://www.ukwezi.rw/Mu-rwanda/Amakuru-anyuranye/article/Indege-y-intambara-ya-Congo-yinjiye-mu-Rwanda-iraswaho-amasasu

  • Kwiyambaza abacancuro, ni agasuzuguro  abategetsi ba Kongo bafitiye abakora uko bashoboye ngo ikibazo cyayo gikemuke mu nzira y'amahoro. #rwanda #RwOT

    Amakuru yizewe arahamya ko abacancuro 100 b'Abarusiya bibumbiye mu cyitwa'WAGNER Group', bamaze gusesekara i Goma, umurwa mukuru wa Kivu y'Amajyarugu, bakaba bari kumwe n' Abafaransa 103, bahoze mu butumwa bw'ingabo z'Ubufaransa hirya no hino ku isi, ubu bakaba barabaye abacancuro.

    Ni nyuma y'uruzinduko Minisitiri w'Ingabo muri Kongo, Gibert KABANDA yagiriye mu Burusiya muri Kanama uyu mwaka wa 2022, bikavugwa ko yagenzwaga no gushaka abacancuro bo muri icyo gihugu, ngo baze gufasha Kongo guhangana n'umutwe wa M23, none inkuru ibaye impamo.

    Nyamara mu kiganiro yagiranye na Financial Times ubwo yari mu Bwongereza mu Kwakira uyu mwaka, Perezida Tshisekedi yarirenze ararahira, avuga ko igihugu cye kidashobora gukorana n'abacancuro. Uyu ni wa muco w'ikinyoma wokamye ubutegetsi bwe.

    Perezida Tshisekedi rero yiyambaje abacancuro kuko azi neza ko igisirikari cye nta bushobozi gifite bwo kugarura amahoro n'umutekano mu gihugu. Yifashishije imitwe y'abajenosideri irimo FDLR ariko biba iby'ubusa, umutwe wa M23 ukomeza kubakubita iz'akabwana. Biragaragara kandi ko ba basore n'inkumi 3.000 ngo baherutse gushyirwa mu gisirikari cya Kongo nta musaruro bitezweho, nk'uko ntawo bakuru babo bigeze batanga.

    Mu guhuruza abacancuro, ubutegetsi bwa Tshisekedi busuzuguye bidasubirwaho Abakuru b'ibihugu byo mu karere k'Afrika y'uburasirazuba,  bohereje ingabo gushakisha uko ibintu byasubira mu buryo mu burasirazuba bwa Kongo. 

    Imyanzuro y'inama zabereye i Naïrobi muri Kenya na Luanda muri Angola, yasabye impande zishyamiranye kurangiza ikibazo mu nzira ya politiki, nayo Perezida Tshisekedi ayihinduye ubusa, ahitamo inzira ya gisirikari kandi byaragaragaye ko ntacyo yakemura.

    Mu gihe tariki 23 Ukuboza uyu mwaka umutwe wa M23 wagaragaje ubushake bwo gushyira mu bikorwa imyanzuro ya Luanda na Naïrobi, ubwo yarekuraga  agace ka Kibumba wari warigaruriye, ubutegetsi bw'i Kinshasa bwo nta kintu na kimwe burakora ngo bwerekane ubushake bwo kurangiza intambara mu mahoro ahubwo burazana abacancuro bo gusubiza ibintu irudubi. 

    Leta ya Tshisekedi yakomeje gukorana n'imitwe yitwaje intwaro irimo n'uw'abajenosideri wa FDLR, nyamara iyo myanzuro yarategekaga ko imitwe yose ishyira intwaro hasi, iy'abanyamahanga igasubira mu bihugu ikomokamo.

    Ubutegetsi bwa Tshisekedi kandi bwakomeje imvugo ibiba urwango,  bituma Abanyekongo bavuga ikinyarwanda, by'umwihariko Abatusi, bakomeza kwicwa ibyabo bikomeza kwangizwa.

    Gukomeza kurunda abantu bitwaje intwaro mu burasirazuba bwa Kongo, hasanzwe imitwe yitwara gisirikari itabarika, ni nko kumena peteroli mu muriro. Uko biyongera ni nako intwaro ziyongera mu baturage, ubugizi bwa nabi nabwo bugakaza umurego, cyane cyane ko ubutegetsi nta bushake, nta n'ubushobozi bwo gukumira ibikorwa by'urugomo. 

    Ibi byose rero ni ibimenyetso byerekana ko amahoro muri kongo akiri kure nk'ukwezi, kuko na ba nyir'ibibazo bashaka ko bihoraho ubuziraherezo.

    Urebe kandi, aho kwamagana Tshisekedi udashaka ko intambara irangira binyize mu nzira y'ibiganiro, kugeza ubwo aroha abacancuro mu baturage, ejo uzumva hari abahimbahimba ibirego bagereka ku Rwanda. Ibyabo byaravumbuwe ariko, icyo bagamije ni ukuyobya ubutegetsi bwa Kongo bayihisha ukuri, kugirango intambara ikomeze, abo ba rusaruriramunduru nabo bakomeze bisahurire.

    The post Kwiyambaza abacancuro, ni agasuzuguro  abategetsi ba Kongo bafitiye abakora uko bashoboye ngo ikibazo cyayo gikemuke mu nzira y'amahoro. appeared first on RUSHYASHYA.

    Source : https://rushyashya.net/kwiyambaza-abacancuro-ni-agasuzuguro-abategetsi-ba-kongo-bafitiye-abakora-uko-bashoboye-ngo-ikibazo-cyayo-gikemuke-mu-nzira-yamahoro/?utm_source=rss&utm_medium=rss&utm_campaign=kwiyambaza-abacancuro-ni-agasuzuguro-abategetsi-ba-kongo-bafitiye-abakora-uko-bashoboye-ngo-ikibazo-cyayo-gikemuke-mu-nzira-yamahoro

  • Koroneri w'ingabo zifatanya na FARDC kurwanya M23 yishwe na bagenzi be azira ibiryo #rwanda #RwOT

    Umusirikare w'ipeti rya Coloneli mu gisirikare cy'inyeshyamba za Nyatura zifatanya n'Ingabo za Repubulika ya Demokarasi ya Congo-FARDC mu kurwanya M23, yishwe arashwe na bagenzi be 4 bamuziza ibiryo ahitwa i Mugando, uvuye i Sake ukazamuka werekeza Kimoka hafi y'ahazwi nko kumakara.

    Abarwanyi ba Nyatura mu gace ka Masisi nkuko Bingwa news TV dukesha iyi nkuru ibitangaza, mu gihe barimo barya, uyu musirikare mu kuru w'ipeti rya Colonel ari nawe wari ubayoboye yaje kubabwira ko nta musirikare muto urya umukuru atararya.

    Habayeho gucyocyorana, baterana amagambo ari nako bimana ibyo kurya dore ko ngo aho bari hafi y'ishyamba bishoboka ko bari bamaze iminsi batarya cyangwa se bikaba byari bikeya( Baca umugani ngo iyo amazi abaye make aharirwa impfizi).

    Muri uko gucyocyorana, umujinya waje gufata aba basirikare bane batoya bayobowe n'uwo Colonel( utatangajwe amazina), baramuteranira bose, baramurasa bakoresheje imbunda bari bafite, baramwica.

    Uko ari bane, aba basirikare bato bose biravugwa ko bamaze gutabwa muri yombi bashyikirizwa inzego zabo zibakuriye kugira ngo bakurikiranweho ubwicanyi bakoreye uyu mukuru wabo bapfaga ibiryo.

    intyoza

     

    Source : https://www.intyoza.com/2022/12/28/koroneri-wingabo-zifatanya-na-fardc-kurwanya-m23-yishwe-na-bagenzi-be-azira-ibiryo/

  • Umutoza wa Man United yahishuye umukinnyi akeneye nyuma yo gushimisha abafana #rwanda #RwOT

    Umutoza wa Manchester United,Erik Ten Hag yavuze ko ikipe ye ikeneye abakinnyi bashya kugira ngo igume mu marushanwa yose iri guhatanira gusa yemeza ko we akeneye rutahizamu.

    Ibi yabivuze nyuma yo kubura Umuholandi,Cody Gakpo w'imyaka 23.

    The Red Devils bari imbere mu rugamba rwo gushaka uyu mukinnyi mu mpeshyi ariko byarangiye Liverpool imutwaye.

    Ikipe ya Manchester United yatsinze ibitego 3-0 Nottingham Forest mu ijoro ryo kuri uyu wa Kabiri iha abakunzi bayo Noheli nziza no kwinjira neza mu mwaka mushya wa 2023.

    Ibitego bya Marcus Rashford,Anthony Martial na Fred byatumye iyi kipe ikomeza imbaraga mu rugamba rwo gushaka uko yaguma mu myanya 4 ya mbere.

    Nyuma y'uyu mukino,umutoza Ten Hag abajijwe ku kubura uyu mukinnyi,yagize ati “Ntabwo njya mvuga ku byerekeye umukinnyi ku giti cye.

    Turashaka rutahizamu,byaba byiza kubera imikino myinshi igiye kuza.Turashaka kuguma mu marushanwa yose tuzakinamo kandi kugira abakinnyi benshi ni ingenzi.

    Turacyari ku isoko gusa rigomba kujyana n'imikinire ndetse n'ubukungu dufite.”

    Abafana ba United bararakaye nyuma yo kumva ko Gakpo yatwawe na Liverpool.

    Ikinyamakuru Mail kivuga ko United nta mafaranga ifite yo gushora ku isoko mu kwezi gutaha ariyo mpamvu ihanze amaso gutira umukinnyi usimbura Ronaldo.

    Source : https://umuryango.rw/imyidagaduro/imikino/article/umutoza-wa-man-united-yahishuye-umukinnyi-akeneye-nyuma-yo-gushimisha-abafana

  • Rubavu : Abacuruzi bakoze igisa n’imyigaragambyo #rwanda #RwOT

    Aba bacuruzi bari babukereye mu gitondo cyo kuri uyu wa Kabiri tariki 27 Ukuboza 2022, bagiye gushaka imibereho nkuko bisanzwe, batunguwe no kwangirwa gupakurura ibicuruzwa byabo.

    Umwe muri aba bacuruzi usanzwe acuruza imyembe, aganira na RADIOTV10, yagize ati 'Gitifu wacu w’uyu Murenge wa Rugerero yanze ko dupakurura ngo imyembe yacu itera umwanda, ngo igira gute, ngo abantu ntibagira inzira…'

    Uyu mucuruzi avuga ko ikibabaje ari uko baje gucururiza ibi bicuruzwa byabo hano boherejwe n’ubuyobozi bw’Akarere, none ubuyobozi buri munsi yabwo butangiye kubaburabuza. Ati 'Nk’Akarere katwohereje hano nikabikemure kagira aho katwerekeza.'

    Aba bacuruzi bavuga ko bari kubwirwa ko bagomba kujya gucururiza ahitwa muri Bikoro batanazi, bavuga ko aho bari koherezwa batabona abakiliya.

    Undi mucuruzi ati 'Ndi kumva abahazi bavuga ngo ni ahantu haba abashumba, ngo ni mu mabuye, nta modoka yahamanuka ngo ihazamuke.'

    Bavuga ko iki cyemezo bafatiwe cyahise kibagusha mu gihombo nyamara basanzwe bafite imiryango batunze, kandi ko ntahandi bakura amikoro atari muri ubu bucuruzi bwabo, bityo ko ubuyobozi bukwiye kugira icyo bukora.

    Uyu mucuruzi yakomeje agira ati 'Iyi myembe yacu ubuyobozi buratwishyura kuko imyembe yacu icuruzwa mu gitondo, ubu yakagombye kuba irangiye. Ubwo rero ubuyobozi bugomba kutwishyura kuko ntakindi kintu turi bukoreshe.'

    Aba bacuruzi bavuga ko ubuyobozi bukwiye kubakemurira ikibazo mu maguru mashya kuko bitabaye ibyo na bo baraba babayeho badafite umutekano.

    Evariste Nzabahimana uyobora Umurenge wa Rugerero, yemeye ko aba bacuruzi babujijwe gucururiza iyi myembe muri iri soko rya Rugerero ngo kuko iteza umwanda.

    Yagize ati 'Ntabwo ari ahantu hakwiriye ku buryo bahacururiza imbuto abantu barya, byahateje umwanda munini, hari irindi soko twabateguriye rya Bikoro riteguye ku buryo ubwo bucuruzi bwahabera, niho rero twabohereje gukorera.'

    Yahakanye ibivugw ako aho hoherejwe aba bacuruzi hadakwiye, avuga ko ari imihini mishya itera amabavu kuko aba bacuruzi batahamenyereye ariko ko nibahamenyera bazahishimira.

    Source : http://www.ukwezi.rw/Mu-rwanda/Amakuru-anyuranye/article/Rubavu-Abacuruzi-bakoze-igisa-n-imyigaragambyo

  • Pogba yashimagije Cristiano Ronaldo by’akatar… – #rwanda #RwOT

    Cristiano Ronaldo na Paul Pogba bagize amahirwe yo gukinana mu mwaka w’imikino 2021/22 ubwo Ronaldo yari avuye muri Juventus agarutse muri Manchester United.

    Icyo gihe byari ibyishimo bidasanzwe ku bakunzi ba Manchester United bari batunze ibihangange bikomeye n’ubwo nta gikomeye bageranyeho byanatumye kuri ubu nta mukinnyi n’umwe muri aba ukiri muri Manchester United.

    Aganira n’itangazamakuru, Pagba yavuze ko Ronaldo ari umukinnyi utangaje mu mibereho ye. Yagize ati”Ikinyabupfura cya Cristiano Ronaldo ntabwo gisanzwe nta handi nari narakibonye. Ikinyabupfura cye kiri ku rundi rwego. 

    Nahuye n’abakinnyi benshi batandukanye kandi bakaze, bitabira imyitozo cyane, ariko niba hari umuntu utarasibye umwitozo na rimwe mu maso yanjye, ugera ku kazi mbere y’amasaha, ni Cristiano Ronaldo. 

    Rimwe na rimwe usanga bamwe tubikora tuvuga ko ntacyo bitwaye ariko umuntu ufite umutima ugendera ku gihe kariya kageni, nabyo ni ikindi kintu.”

    Nyuma yo kugaruka muri Manchester United mu 2016 avuye muri Juventus, isoko riheruka Paul Pogba yaje gusubira yo, mu gihe Ronaldo kuri ubu atarabona ikipe yo gukinira nyuma yo gutandukana na Manchester United. 

    Babanye umwaka umwe muri Manchester United  

    Paul Pogba na Ronaldo bose ntibakibarizwa muri Manchester United 

    Aha Pogba yakiniraga Manchester United Ronaldo akinira Juvenal 

    Pogba ajya impaka na Ronaldo ubwo ibihugu byabo byari byahuye

    Source : https://inyarwanda.com/inkuru/124330/pogba-yashimagije-cristiano-ronaldo-byakataraboneka-124330.html

  • Imirwano ikomeye hagati ya M23 n’Ingabo za Congo i Sake #rwanda #RwOT

    Ni imirwano yabayeho nyuma yuko FARDC ifatanyije n’imitwe irimo FDLR na Nyatura bagabye ibitero kuri uyu mutwe umaze iminsi ugaragaza ko udashaka ko hakomeza kubaho imirwano.

    Uyu mutwe wagize uti 'Nyuma yuko habayeho ibitero bya FARDC-FDLR-NYATURA, M23 wafashe umwanzuro wo kwerekeza muri Sake.'

    Uyu mutwe uvuga ko iki cyemezo gishingiye ku kuba Igisirikare cya Congo Kinshasa ndetse n’imitwe kiyambaje, bakomeje gushotora uyu mutwe bakaba batifuza guhagarika imirwano.

    Uyu mutwe wakomeje ugira uti 'M23 yamaze gufata imisozi ya Karale, Karuli, Kisimba mu bilometero umunani uvuye Kirolirwe.'

    Ubutumwa bwa M23 buherekejwe n’amashusho y’urugamba yumvikanamo urufaya rw’amasasu agaragaza abasirikare b’uyu mutwe baryamiye amajanja basubizanya mu buryo bw’amasasu n’abariho babarasa.

    Source : http://www.ukwezi.rw/Mu-mahanga/Amakuru-anyuranye/article/Imirwano-ikomeye-hagati-ya-M23-n-Ingabo-za-Congo-i-Sake

  • Bamwe mu bakinnyi bo mu cyiciro cya mbere babonye License D y’ubutoza (AMAFOTO) #rwanda #RwOT

    Benshi bibaza icyo bazakora nibamara gusoza urugendo rwa bo rwo gukina umupira w’amaguru, gusa bamwe bamwe gufata umwanzuro ko batazawujya kure ni nyuma y’uko batangiye kwiga ubutoza ku buryo nibamara gukina bazahita bakomereza mu butoza.

    Mu minsi ishize FERWAFA yatanze License D ku bari bamaze iminsi mu masomo biga kuba abatoza.

    Ni amasomo yakurikiranywe na benshi biganjemo abasanzwe bazwi muri ruhago cyane cyane abakinnyi, abahoze bakina ndetse n’abagikina batarasezera.

    Muri 20 bakuriranye aya masomo bakanabona License D, barimo Mugiraneza Jean Baptiste Migi wa Police FC wakiniye amakipe atandukanye arimo APR FC na Kiyovu Sports mu Rwanda, KMC, Azam FC na Gor Mahia zo hanze y’u Rwanda.

    Hari kandi umunyezamu udafite ikipe kuri ubu ariko utarasezera, Ndayishimiye Eric Bakame wakiniye APR FC, Rayon Sports, AS Kigali na Police FC ndetse na AFC Leopards yo muri Kenya.

    Myugariro uheruka gutandukana na AS Kigali wakiniye Rayon Sports na APR FC, Rugwiro Herve Amadeus na we yasoje aya masomo akaba ateganya kwinjira mu butoza.

    Umukinnyi ukina mu kibuga hagati muri Musanze FC wanakiniye Rayon Sports na APR FC utibagiwe Police FC, Nshimiyimana Amran na we ari muri 20 bamaze kubona License D ya FERWAFA.

    Kayumba Soter, myugariro wa Mukura VS na we yamaze kubona iyi License. Yanyuze mu makipe arimo Rayon Sports na AS Kigali ndetse na Ngirimana Alexis na we ukinira Mukura VS.

    Uretse aba kandi hari n’abasoje gukina babonye iyi License barimo Ntamuhanga Tumaine Tity, Uwimana d’Amaour na Yumba Kayite.

    Mugiraneza Jean Baptiste Migi umwe mu bakinnyi bamaze igihe bakina, yabonye License D y’ubutoza

    Nshimiyimana Amran wa Musanze FC

    Kayumba Soter asanzwe akinira Mukura VS

    Myugariro Rugwiro Herve Amadeus yabonye License D

    Bakame na Ngirimana Alexis

    Source : http://isimbi.rw/siporo/article/bamwe-mu-bakinnyi-bo-mu-cyiciro-cya-mbere-babonye-license-d-y-ubutoza-amafoto