Webrwanda Backend

Category: Uncategorized

  • Umukecuru Nyiramandwa wari inshuti ya Perezida Kagame yitabye Imana #rwanda #RwOT

    Umukecuru Rachel Nyiramandwa wo mu Karere ka Nyamagabe wari inshuti y'Umukuru w'Igihugu yitabye Imana azize uburwayi, mu ijoro rishyira kuri uyu wa Gatanu tariki 30 Ukuboza 2022.

    Ubuyobozi bw'Akarere ka Nyamagabe bwemeje iby'aya makuru, buvuga ko Nyiramandwa w'imyaka 110 y'amavuko yazize uburwayi, aho yari amaze iminsi arwariye mu bitaro bya Kaminuza ya Huye (CHUB).

    Umukecuru Nyiramandwa, yari inshuti ya Perezida Paul Kagame.

    Perezida Kagame yaherukaga gusura inshuti ye Nyiramandwa tariki 26 Kanama 2022, mu ruzinduko rwe rwa kabiri yari akoreye mu Karere ka Nyamagabe kuva yatangira manda ye ya gatatu.

    Nyiramandwa ni umwe mu bagezweho na gahunda zo guteza imbere abaturage, harimo gutuzwa mu nzu y'icyitegererezo na gahunda ya Girinka, aho ubu ari umworozi unagemurira abaturanyi be amata.

    NYIRAMANDWA NI MUNTU KI?

    Nyiramandwa Rachel ni umukecuru warokotse Jenoside yakorewe Abatutsi utuye mu Kagari ka Ngiryi mu Murenge wa Gasaka mu Karere ka Nyamagabe mu Ntara y'Amajyepfo, wamenyekanye cyane mu 2010 ubwo yahuraga na Perezida Kagame bwa mbere, agacishamo akamwongorera.

    Uyu mukecuru avuga ko icyo gihe yamusabye amata maze nawe aramukundira, nyuma y'igihe gito amworoza inka yaje kumuhindurira ubuzima.

    Mu 1994 muri jenoside yakorewe Abatutsi, interahamwe zishe umugabo we n'abana batatu asigarana umwe gusa. Umukecuru Nyiramandwa avuga ko nyuma ya Jenoside ubuzima bwahindutse buba bubi cyane.

    Nyuma yo korozwa inka muri 2010, uyu mukecuru ahamya ko yamugiriye umumaro ariko kandi ngo si kuri we gusa, ngo kuko n'abaturanyi be iyo nka bayigiriyeho umugisha.

    Nyuma yo guhura n'umukuru w'igihugu muri 2010, Nyiramandwa yongeye guhura na Perezida Kagame mu 2017 naho ubwa gatatu bahura mu 2019.

    Icyo gihe Umukuru w'Igihugu yabaga yasuye abaturage mu Karere ka Nyamagabe.

    The post <strong>Umukecuru Nyiramandwa wari inshuti ya Perezida Kagame yitabye Imana</strong> appeared first on FLASH RADIO&TV.

    Source : https://flash.rw/2022/12/30/umukecuru-nyiramandwa-wari-inshuti-ya-perezida-kagame-yitabye-imana/?utm_source=rss&utm_medium=rss&utm_campaign=umukecuru-nyiramandwa-wari-inshuti-ya-perezida-kagame-yitabye-imana

  • Perezida Kagame yageneye ubutumwa busoza umwaka Ingabo z’u Rwanda akomoza ku baguye ku rugamba #rwanda #RwOT

    Mu itangazo ryashyizwe ahagaragara n’ingabo z’igihugu ku mugoroba wo kuri uyu wa Kane, tariki 29 Ukuboza 2022, yabifurije umwaka mushya hamwe n’imiryango yabo ku bw’akazi keza n’umurava bagira mu gushakira amahoro u Rwanda.

    Perezida w’u Rwanda, Paul Kagame yashimiye RDF n’izindi nzego z’umutekano ku bw’akazi bakora, karenze imbibe kakagera no mu bindi bihugu by’Afurika nka Mozambique.

    Yagize ati 'Nk’uko turigusatira impera za 2022, nifuje kubashimira akazi k’intangarugero, gukora cyane n’ubunyamwuga mu gusohoza inshingano zanyu zo kurinda abantu n’imbibi z’u Rwanda, no guhangana n’ibibazo bibangamiye umutekano wa muntu nk’ibibabuza amahoro arambye.'

    Yakomeje agira ati 'Byarenze imbibe, Ingabo z’u Rwanda n’inzego z’umutekano zigira uruhare mu guhangana n’ibibazo mu bindi bihugu bya Afurika biciye mu bufatanye, cyane cyane guhangana n’iterabwoba muri Mozambique, no kugira uruhare mu mahoro n’ituze muri Repubulika ya Central Afurika.'

    Perezida Kagame akaba yashimiye byimaze ingabo z’u Rwanda zoherezwa mu butumwa bw’amahoro bw’Umuryango w’Abibumbye, ndetse abashimira uburyo bakomeje kuba ba ambasaderi beza b’u Rwanda bagaragaza indangagaciro z’u Rwanda.

    Ati 'Ndifuza kubashimira byimazeyo mwese uburyo muhesha ishema igihugu, ntabwo biba byoroshye gutandukana nabo bakukunda mu gihe cy’umwaka kuri abo boherezwa hanze, u Rwanda rushima cyane uwo mutima.'

    Aha kandi yanifatanyije n’imiryango y’ababuze ababo bitanzeho ibitambo mu gukorera igihugu, abizeza ko abanyarwanda bose bari kumwe nabo.

    Yongera kwibutsa ko umwaka mushya wa 2023 ugomba kuba uwo guhagaraga ku busugire bw’igihugu, ndetse u Rwanda rugakomeza gutera imbere.

    U Rwanda ruri mu bihugu bya mbere bifite ingabo nyinshi mu butumwa bw’amahoro bw’Umuryango w’Abibumye mu bihugu bya Sudani y’Epfo, Central Africa n’ahandi.

    Gusa hari n’iziri mu bihindi bihugu ku bufatanye bw’u Rwanda nk’ibyo bihugu, nko muri Nyakanga 2021, nibwo u Rwanda rwohereje bwa mbere abasirikare n’abapolisi basaga 1000 mu Ntara ya Cabo Delgado, mu bikorwa byo guhashya ibyihebe byari byarazengereje iyi ntara, ni nyuma y’uko u Rwanda na Mozambique basinyanye amasezerano y’ubufatanye mu by’umutekano.

    Kugeza ubu, abasirikare n’abapolisi b’u Rwanda bari muri Mozambique bamaze kugera ku 2,500 barimo naboherejwe muri iki Cyumweru, nyuma y’uko ibihugu byombi byemeranyije ko ingabo z’u Rwanda zikurikira ibyihebe n’ahandi hose byahungiye.

    Source : http://www.ukwezi.rw/Mu-rwanda/Amakuru-anyuranye/article/Perezida-Kagame-yageneye-ubutumwa-busoza-umwaka-Ingabo-z-u-Rwanda-akomoza-ku-baguye-ku-rugamba

  • Ntabwo nakubita intoki zangaburiye! Kylian Mb… – #rwanda #RwOT

    Nyuma y’igikombe cy’isi, imikino ya shampiyona yo mu bihugu bitandukanye yatangiye gukinwa. Kuri uyu wa Gatatu muri Ligue 1 Paris Saint-Germain yatsinze Strasbourg ibitego 2-1 bigoranye, kuko muri uyu mukino Neymar yabonye ikarita y’umutuku ku munota wa 62. 

    Ibitego bya Paris Saint-Germain byatsinzwe na Marquinhos ku munota wa 14 ndetse na Kylian Mbappe ku munota wa 4 w’inyongera, naho igitego cya Strasbourg cyabonetse ari Marquinhos witsinze ku munota wa 51. 

    Messi na Mbappe bagomba kongera gukinana n'ubwo umwe yatwaye undi igikombe cy’isi

    Kylian Mbappe arangije gukina uyu mukino abanyamakuru bari benshi bashaka kumva icyo atangaza nyuma yo kubura igikombe cy’isi ku mukino wa nyuma, agitwawe na mugenzi we bakinana muri Paris Saint-Germain Lionel Messi. 

    Uyu mukinnyi w’imyaka 24 yagize ati”Njyewe na Lionel Messi tuzaba tumeze neza nagaruka mu ikipe, natsinze ibitego 3 nawe atsinda ibitego 2. Yakoze akazi ke muri Qatar, nanjye nkora akanjye. Mu ikipe ya Paris Saint-Germain dufite intego imwe,  kandi ni turamuka dukoreye hamwe njye nawe ndetse na Neymar tuzakora ibintu byiza. 

    Akazi ke ni ukumfasha kugera kuri byinshi nkawe, yarabimbwiye kandi ndamwizeye. Buri gihe akunda kumbwira ko umupira woroshye, niba wabibonye nanjye niko mbifata ntabwo nakubita intoki zangaburiye kubera itangazamakuru. Lionel Messi mwigiraho ibintu byinshi, ikipe y’igihugu yacu n'iya Argentine twari turi ku rwego rumwe, ariko kubera Lionel Messi habamo itandukaniro. Akazi kanjye ni ukumwumva nta kibazo gihari”.

    Source : https://inyarwanda.com/inkuru/124389/ntabwo-nakubita-intoki-zangaburiye-kylian-mbappe-yoherereje-ubutumwa-messi-wamutwaye-igiko-124389.html

  • Top 10 Richest People in Europe 2023 #rwanda #RwOT

    Top 10 richest people in Europe 2023 according to The […]

    The post Top 10 Richest People in Europe 2023 appeared first on UGWIRE.

    Source : https://ugwire.com/richest-people-europe/

  • Wanyeretse urukundo-Cristiano Ronaldo yasheng… – #rwanda #RwOT

    Kuri uyu wa Kane mu masaha ya nimugoroba nibwo inkuru y'incamugongo yageze ku bakunzi b’umupira w’amaguru ku isi, ivuga ko umunyabigwi Ednson Arantes do Nascimento wari uzwi nka Pele yitabye Imana. 

    Uyu ni umwe mu bakinnyi beza isi yagize, yafashije ikipe y’igihugu cye cya Brazil gutwara ibikombe 3 by’isi ndetse aba n’umukinnyi wa mbere utwaye ibikombe 3 by’isi. Pele yapfiriye mu bitaro biherereye Sao Polo muri Brazil, azize kanseri yarwaye kuva  muri 2021. 

    Cristano Ronaldo ari kumwe na Pele witabye Imana 

    Nyuma y'urupfu rwa Pele wafatwaga nk’umukinnyi w’ibihe byose mu mupira w’amaguru, kizigenza Cristiano Ronaldo mu ba mbere yagize icyo atangaza abinyujije kuri Instagram. 

    Yagize ati”nihanganishije abaturage bo muri Brazil, ndetse n’umuryango wa Ednson Arantes do Nascimento by'umwihariko. gusezera ku mwami Pele ntibihagije, ndetse ntibyasobanura igikomere Isi y’umupira w’amaguru ifite. Yabaye ikitegererezo ku bantu benshi cyane, haba mu gihe cyashize, uyu munsi ndetse n’igihe cyose azahora ari ikitegererezo mu mupira w’amaguru. 

    Wahoraga unyereka urukundo mu gihe turi kumwe, ndetse no mu gihe undi kure. Ntabwo azigera yibagirana kuri buri umwe ukunda umupira w’amaguru. Ruhukira mu mahoro umwami Pele”.

    Pele watanze ibyishimo mu mupira w’amaguru

    Source : https://inyarwanda.com/inkuru/124401/wanyeretse-urukundo-cristiano-ronaldo-yashenguwe-nurupfu-rwa-pele-124401.html

  • Perezida Kagame yageneye ubutumwa bukora ku mutima inzego z'umutekano #rwanda #RwOT

    Muri ibi bihe by'iminsi mikuru, Perezida wa Repubulika Paul Kagame akaba n'umugaba w'ikirenga w'ingabo z'u Rwanda, yifurije ingabo z'igihugu n'abandi bagize inzego z'umutekano n'imiryango yabo, umwaka mushya muhire wa 2023.

    Perezida Paul Kagame yashimye umuhate, ikinyabupfura n'ubunyamwuga byaranze abagize inzego z'umutekano z'u Rwanda mu 2022 ndetse yihanganisha imiryango n'inshuti z'abaguye ku rugamba muri uyu mwaka.

    Ibi Perezida Kagame yabigarutseho mu butumwa bwo kwifuriza umwaka mushya muhire wa 2023 yageneye abagize inzego z'umutekano z'u Rwanda.

    Perezida Kagame yasabye ingabo ziri mu butumwa mu mahanga gukomeza kubera u Rwanda ba Ambasaderi beza no gukomeza kurinda indangagaciro ziranga abasirikare b'u Rwanda.

    Perezida Kagame Kagame yavuze ko yifuza gushimira byimazeyo ingabo kubera ukuntu zateye igihugu ishema.

    Yavuze ko bitoroshye gusiga imiryango yabo muri iki gihe bityo u Rwanda rubashimira ubwo bwitange.

    Yavuze ko intangiriro za 2023 ari umwanya mwiza wo kongera umuhati wabo mu kurinda igihugu ibitero byose,bigatuma u Rwanda rutera imbere mu bukungu n'iterambere kuri bose.

    Yasoje abifuriza umwaka mushya muhire.

    Source : https://umuryango.rw/amakuru/mu-rwanda/umutekano/article/perezida-kagame-yageneye-ubutumwa-bukora-ku-mutima-inzego-z-umutekano

  • Kylian Mbappe yahishuye amagambo yabwiye Messi amaze kumutwara igikombe cy'isi #rwanda #RwOT

    Rutahizamu Kylian Mbappe yatangaje ko nyuma y'aho Argentina ya kizigenza Lionel Messi itwaye igikombe cy'isi ibatsinze kuri penaliti 4-2,yegereye uyu mugenzi we bakinana muri PSG aramushimira.

    Mbappe yatsindiye Ubufaransa ibitego 3 muri uyu mukino wa nyuma mu gihe Messi yatsindiye Argentina ibitego 2 muri 3-3 aya makipe yanganyije mu minota 120.

    Nyuma yo gufasha PSG gutsinda Strasbourg ibitego 2-1 kuri uyu wa Gatatu,Mbappe yabwiye abanyamakuru ko yashimiye Messi nyuma yo kumutsinda.

    Ati “Navuganye na Messi nyuma y'umukino,ndamushimira.Byari ingenzi kuri njye no kuri we ariko njye naratsinzwe ariko ugaragaza ubukuru ugashimira uwatsinze.”

    Kylian Mbappe yaraye atsinze igitego ku munota wa nyuma w'inyongera kuri penaliti, ubwo Strasbourg yari yabahagamye bikomeye.

    Ibi byabaye nyuma y'aho Neymar Jr ahawe ikarita itukura muri uyu mukino byashyize mu mazi abira PSG ariko Mbappe arayirokora icyura amanota 3.

    Source : https://umuryango.rw/imyidagaduro/imikino/article/kylian-mbappe-yahishuye-amagambo-yabwiye-messi-amaze-kumutwara-igikombe-cy-isi

  • Vipers SC yirukanye umutoza Robertinho wayifashije gukora amateka mu mikino ya CAF #rwanda #RwOT

    Ikipe ya Vipers SC imaze gutangaza ko yatandukanye na Roberto Oliveira Gonçalves do Carmo, uzwi nka Robertinho.

    Ibinyujije kuri Twitter,ikipe ya Vipers yatangaje ko yatandukanye na Robertinho wayigejeje mu matsinda ya CAF Champions League bwa mbere mu mateka yayo ndetse akanayihesha igikombe cya shampiyona.

    Yagize iti “Ikipe irashimira Robertinho kubera imbaraga nyinshi yatanze mu gihe cyose yamaze mu ikipe kandi irashaka kumwifuriza ibyiza mu gihe kizaza.

    Ikipe iratangaza mu gihe gito gishoboka abatoza bashya nyuma yo kugenda k'umutoza.”

    Muri uyu mwaka w'imikino,Vipers SC izwi nka “Venoms” yakoze amateka isezerera TP Mazembe igera mu matsinda ya CAF Champions League.

    Yabaye indi kipe ya Uganda yabikoze nyuma ya KCCA.

    Umutoza Robertinho wayifashije gukora aya mateka,muri 2018 yagejeje Rayon Sports muri 1/4 cya Confederations Cup,bwa mbere mu mateka y'ikipe yo mu Rwanda.

    Source : https://umuryango.rw/imyidagaduro/imikino/article/vipers-sc-yirukanye-umutoza-robertinho-wayifashije-gukora-amateka-mu-mikino-ya

  • Pele watowe nk'umukinnyi w'ikinyejana cya 20 yahitanwe na kanseri #rwanda #RwOT

    Icyamamare mu mupira w'amaguru Edson Arantes do Nascimento “Pelé” yitabye Imana ku myaka 82 y'amavuko azize uburwayi bwa kanseri.

    Uyu mugabo watwaranye na Brazil ibikombe bitatu by'Isi, yatowe nk'umukinnyi mwiza w'ikinyejana cya 20.

    Amakuru y'urupfu rwa Pelé yamenyekanye ku mugoroba wo kuri uyu wa Kane, tariki ya 29 Ukuboza 2022.

    Al Jazeera yanditse ko amakuru y'itabaruka rye yemejwe n'Uhagararariye Inyungu ze, Joe Fraga.

    Pelé yari amaze iminsi arwariye mu bitaro kuva mu Ugushyingo k'uyu mwaka, aho yitabwagaho n'abaganga.

    Uyu musaza w'imyaka 82, yajyanywe mu bitaro ku wa 29 Ugushyingo nyuma yo kugira ikibazo mu buhumekero no kugira ngo akurikinwe ku burwayi bwa kanseri yasanzwemo muri Nzeri 2021.

    Pelé, wari urwariye mu bitaro byitwa Albert Einstein Israelite Hospital, biri i Sao Paulo, kuva ku ya 29 Ugushyingo 2022, yitabye Imana afite imyaka 82 y'amavuko, akaba ari we mukinnyi wenyine wabashije gutwara igikombe cy'isi inshuro 3 (1958, 1962, 1970).

    Pelé, ufatwa na benshi nk'umukinnyi mwiza w'ibihe byose, yamaze imyaka 20 aconga Ruhago, kuva mu 1957 kugeza mu 1977, atsindamo ibitego 757 mu mikino 831 nubwo ikipe ya Santos, imwe mu zo yakiniye, akanayimaramo igihe kinini, yo yemeza ko yatsinze ibitego birenga 1200.

    Source : https://umuryango.rw/imyidagaduro/imikino/article/pele-watowe-nk-umukinnyi-w-ikinyejana-cya-20-yahitanwe-na-kanseri

  • Umunyamakuru Nkurunziza Jean Paul yambitse impeta umukunzi we(Amafoto) #rwanda #RwOT

    Ni umuhango wabaye mu ijoro ryo ku wa 29 Ukuboza 2022, ubwo uyu musore usigaye uvugira ikipe ya Rayon Sports yafataga icyemezo akambika impeta umukunzi we bemeranyije kurushinga.

    Amakuru avuga ko Nkurunziza n'uyu mukunzi we bamaze igihe bakundana aho bivugwa ko urukundo rwabo rwashibutse muri 2014.

    Nkurunziza azwi cyane ku nk'umunyamakuru wanyuze mu binyamakuru bitandukanye birimo Isango Star, Umuseke, Radio1 n'ibindi binyuranye.

    Uretse kuvugira Rayon Sports, Nkurunziza asanzwe ari n'umukunzi w'iyi kipe igira abafana benshi mu Rwanda.

    Abazi Gogo witegura kurushinga na Nkurunziza bahamya ko ari umufana wa APR FC na Arsenal akaba yarihebeye izi kipe ku rwego rw'uko zinatsindwa akarira.




    Source : https://umuryango.rw/imyidagaduro/article/umunyamakuru-nkurunziza-jean-paul-yambitse-impeta-umukunzi-we-amafoto