Category: Uncategorized

Semababa wakiniraga Police FC, Sibomana Patrick Papy yamaze gutandukana n’iyi kipe aho yerekeje muri Clube Ferroviário Da Beira yo muri Mozambique.

Uyu mukinnyi unyura ku mpande asatira uheruka kongera amasezerano muri Police FC, yari asigaranye amasezerano y’umwaka n’igice yemereye ISIMBI ko iyi kipe yamaze kumvikana n’iyi kipe igisigaye ari ukwerekezayo.

Papy ku munsi w’ejo ku wa Gatatu tarki ya 8 Gashyantare 2023 ni bwo azerekeza muri Mozambique mu ikipe ye nshya yo mu icyiciro cya mbere yitwa Ferroviário Da Beira.

Shampiyona y’icyiciro cya mbere muri Mozambique umwaka wa 2022 yayisoje ku mwanya wa 5 n’amanota 29, Songo ni yo yatwaye igikombe n’amanota 50.

Sibomana Patrick, yakiniye amakipe atandukanye nka Isonga, APR FC, Police FC na Mukura VS zo mu Rwanda, Shakhtyor Soligorsk yo muri Belarus ndetse na Young Africans yo muri Tanzania.

Ubu ibyishimo ni byose kuri Rukubdo Patrick wamenyekanye nka Patycope mu gisata cy’imyidagaduro ndetse n’umukunzi we Ineza Emmanuella, umunyamakuru wa TV1 nyuma yo kwibaruka umuhungu mu mpera z’icyumweru gishize.

Izina Patycope si agafu k’imvugwa rimwe mu ruganda rw’imyidagaduro hano mu Rwanda, benshi mu bari ku gasongero ubu cyane abahanzi hagize uwihandagaza akavuga ko hatarimo akaboko ke, yaba yigiza nkana.

Ni umugabo ufasha abahanzi kumenyekanisha ibihangano bya bo binyuze ku mbuga nkoranyambaga nk’umwe mu miyoboro igezweho kuri ubu, ni umwe mu bavuga rikijyana (influencer) ku mbuga nkoranyambaga.

Patycope uzwiho kutavuga byinshi ariko ibikorwa bye bikivugira, mu ijoro ryo ku wa 4 Mutarama 2022 yasangije abamukurikira ifoto ari kumwe n’umukunzi we Ineza Emmanuella agaragara atwite.

Maze iherekezwa n’amagambo y’ishimwe asaba abantu kumufasha gushima Imana ko Imana ibahaye umwana w’umuhungu.

Yagize ati “Mumfashe gushima Imana ku mwana w’umuhungu iduhaye, urugendo ntirwari rworoshye, ndashimira abaganga bose batubaye hafi ba Hopital La CROIX Du Sud (Kwa Nyirinkwaya).'

Ineza Emmanuella umukunzi wa Rukundo Patrick bamaze igihe bakundana, asanzwe ari umunyamakuru wa TV1 wamamaye mu kiganiro ‘Mad Vibezz’ yakoranaga na Dj Kelly.

Uyu mukobwa usanzwe ari n’umunyamideli, byagorana kumubona yarakaye, abamuzi bavuga ko akunda guhora yisekera ariko na none akanga umuntu umubangamira.

Umwe mu bakinnyi bakunze kuvugwa mu rukundo n’abakobwa benshi ni Neymar. Uyu mukinnyi yavutse tariki 5 z’ukwezi kwa 02 mu 1992 ubwo bivuze ko ejo bundi hashize ari bwo yizihizaga isabukuru y’amavuko n’imyaka 31 agize muri rusange. 

Ku isabukuru ye, Neymar yagize ibihe byiza bitandukanye harimo kwifatanya n’abakinnyi bagenzi be bishimira uyu munsi, kwifurizwa isabukuru nziza y’amavuko ndetse n’ibindi.

Ku munsi w’ejo nibwo amafoto yagiye hanze Neymar ari gusomona n’umukobwa bahoze bakundana mu myaka yashize. Uyu mukobwa yitwa Bruna Biancardi. 

Nk’uko The Sun ibitangaza, uyu mukobwa nawe yari ari mu kirori kizihiza isabukuru y’uyu mukinnyi ndetse bananditse ko bishoboka ko baba basubiye mu rukundo bitewe n’amafoto ndetse n’amagambo Bruna Biancardi yanditse kuri Instagram ye ikurikirwa n’abarenga miliyoni 2  yifuriza Neymar isabukuru nziza y’amavuko. 

Neymar aryohewe

Uyu mukobwa yanditse ati “Isabukuru nziza, nakubwiye byinshi kuri uyu munsi. Mfashe uyu mwanya muto kugira ngo nandike. Umwaka wawe mushya uzabe igitangaza kandi uguhire! Ntukabure impamvu zituma wishima, inshuti ku ruhande rwawe, ibyo wagezeho ndetse n’intego nyinshi mu buzima. Imana ikomeze gukingira umubano wacu. Ndagukunda! Buri gihe unyizere”.

Aba bombi batangiye gukundana muri 2021 ariko babigira ibanga, gusa batandukanye mu mpeshyi y’uyu mwaka nabwo ni uko uyu mukobwa wari abyitangarije abinyujije kuri Instagram. Bruna yashinjaga Neymar ku muca inyuma akarengera. 

Bruna Biancardi w’imyaka 27 asanzwe ari umunyamideri uturuka muri Sao Paulo ndetse azwi cyane ku mbuga nkoranyambaga.

Neymar asomana n’umukobwa bahoze bakundana ariko n’ubu bakaba basubiranye 

Kera bagikundana bwa mbere bataratandukana

Uburanga bwa Bruna Biancardi biri kuvugwa ko yasubiye mu rukundo na Neymar

Jimmy Gatete, rutahizamu ufatwa nk’uw’ibihe byose mu Rwanda, yashimiye Mukura VS yishyize mu kaga imukinisha akiri umwana bikaba byaramufashije kugera ku nzozi ze.

Uyu rutahizamu wakunzwe na benshi, ni benshi babyirutse bamufatiraho icyitegererezo bitewe n’ibyo yakoreye igihugu n’amakipe yakiniye.

Mu butumwa yanyujije ku rukuta rwe rwa Instagram, Jimmy Gatete yashimiye Mukura VS yahereyemo akina, avuga uburyo yishyize mu kaga ikamwizera ku myaka 15 igatangira kumukinisha mu cyiciro cya mbere.

Ati “Mukura Victory Sports ni ikipe yampaye amahirwe atabarika kugira ngo ngere ku ntego zanjye mu rugendo rw’umupira w’amaguru. Banakoze ikintu gikomeye cyo kwizera no gukoresha umwana w’imyaka 15 mu cyiciro cya mbere. Ni ikipe y’agatangaza izamura abakiri bato.”

Jimmy Gatete w’imyaka 43 ubu, yakiniye Mukura VS kuva 1995-1996, mu 1997 yamutije Rayon Sports aho yayifashije kwegukana igikombe cya CECAFA.

Nyuma ya Rayon Sports yakiniye APR FC 2002-04, aza kujya muri Maritzburg United ayikinira 2004-05, yahise agaruka muri APR FC ayikinira kugeza 2007, 2007-2009 yahise asubira muri Rayon Sports, 2009 yakiniye Police FC, 2010 yerekeje muri St George muri Ethiopia ari na ho yasoreje umupira w’amaguru.

Ni ku nshuro ya mbere iki gitaramo kigiye kubera mu Rwanda. Mu mwaka wa 2008 igitaramo nk'iki cyahuje Abagumyabanga ndetse n'Itorero Inganzo Ngari, kibera ahitwa Odeon Palace mu Mujyi wa Bujumbura mu gihugu cy'u Burundi.

Kuri iyi nshuro kizaba ku wa Gatandatu tariki 10 Gashyantare 2023 ahazwi nka KIE. Iki gitaramo cyateguwe n'abarimo umuhanzi w’ikinamico akaba n’umusizi, Kalisa Rugano, Umuyobozi w'Umuryango Iteka Youth Organisation, Yannick Niyonzima n'abandi.

Kalisa Rugano yabaye mu Burundi mu gihe cy'imyaka 35, aho yakoreye ibikorwa bitandukanye byubakiye ku Nganda Ndangamuco.

Mu kiganiro n'itangazamakuru kuri uyu wa Mbere tariki 6 Gashyantare 2023 cyabereye kuri Kaso mu Kiyovu, Rugano yavuze ko we na bagenzi be batekereje gutegura iki gitaramo mu rwego rwo kwerekana 'ubumwe bw'Abanyarwanda n'Abarundi'.

Rugano avuga ko kibimburiye ibindi bikorwa by'ubuhanzi birimo n'ibitaramo bazakora muri uyu mwaka, birimo n'Umukino bise 'mu Twicarabami twa Nyaruteja'.

Uyu mukino uzakinamo Abanyarwanda n'Abarundi. Kuri Rugano, ntibikunze kubaho ko abo mu bihugu bitandukanye bahurira mu mukino umwe.

Yibuka ko abigeze guhurira mu mukino ari abo muri Palestine n'Abayahudi, ariko ngo bageze hagati bararwana biturutse ku kuba bamwe baracyuriye abandi.

Rugano avuga ko Abanyarwanda n'Abarundi babashije guhurira muri uyu mukino 'byaba ari ikimenyetso cy'amahoro ngenderwaho, cy'amahoro aganje mu bihugu byacu'.

Akomeza ati 'Niko abahanzi twifuza. Iki gitaramo rero 'Kaze Rugamba' ni igisasira icyo ngicyo n'ibindi bizaza.' Iki gitaramo kigizwe n'indirimbo n'imbyino by'Abarundi n'Abanyarwanda.'

Ni igitaramo kandi kizumvikanamo umurishyo w'ingoma. Mu muco, ingoma ifite igisobanuro kinini harimo ingoma yitwa 'Impuruza' yavugaga Ingabo zigatabara, 'Indamutsa' yabamburaga umwami akabyuka akajya ku karubanda, guca imanza mu baturage n'ibindi.

Rugano avuga ko ubundi mu busanzwe 'Kaze Rugamba' yari indirimbo Abanyarwanda bakirije umwami w'u Burundi'. Uwo mwami yitwaga Rugamba, icyo gihe bayimuririmbire ari 'mu twicabarabami twa Nyaruteja.'

Rugano avuga ko icyo gihe umwami yishimye cyane, ubwo bamuririmbaga ari gutambagira. Yumva (umwami) ko bamwakiranye icyubahiro, urugwiro biganisha ku mahoro y'ibihugu byombi.

Nkurunziza Athanase, umuririmbyi mu Itorero Mutabaruka avuga ko muri rusange iyi ndirimbo 'Kaze Rugamba' igaruka ku kurata no kwakira umwami Rugamba.

Umuyobozi wa Iteka Youth Organisation, Yannick we avuga ko iki gitaramo ari intangiriro y'ibindi bikorwa bazakomeza gukora muri uyu mwaka n'ikindi gihe.

Iki gitaramo cyatumiwemo Ballet Mutabaruka et Sango, Club Intwari, Club Himbaza ndetse na Olympe Niragira.

Rugano avuga ko bahisemo gutumira aba bose bitewe 'n'ukuntu twabanye'. Yavuze ko aziranye n'aba bose mu myaka 29 ishize, bityo ko ubwo baherukanaga bahuye baganira ku gutegura iki gitaramo.

Ibyo ku mwami Rugamba, imvano y'igitaramo 'Kaze Rugamba'.

Yari umwami w'u Burundi, akaba Se wa Mwezi Gisabo. Yari indwanyi ikomeye akaba n'intwari.

Amateka agaragaza ko yarwanye n'abami bo mu Rwanda, abantu bagapfa ku mpande zombi ariko ntihagire utsinda undi nk'uko Rugano Kalisa abivuga.

Igihe cyarageze, impande zombi zisanga uko barwana imfura zirashira ku rugamba kandi ntawe utsinda undi ku buryo yakwagura inkiko, biyemeza ahubwo gushyira imbere kubana neza nk'abaturanyi.

Ibihugu byombi byatangiye inzira y'amahoro bibera ahitwa 'mu Twicarabami twa Nyaruteja' (Ni ukuvuga ko hicaye abami babiri uw'u Burundi n'uw'u Rwanda). Ubu ni mu Mudugudu wa Nyaruteja, Umurenge wa Nyanza wo mu Karere ka Gisagara.

Icyo gihe abami Mutaga II Nyamubi w'u Burundi na Mutara I Nsoro II Semugeshi bemeranyije amasezerano yiswe 'Imimaro', avuga ko ibihugu byombi bitazongera guterana (kurwanya).

Ibyo bari bumvikanye ntibyashyizwe mu bikorwa kugeza ubwo Umwami Mwezi IV Gisabo na Kigeli IV Rwabugili nabo bicaye ku gihe cyabo, baganira ku kuba ibihugu byabana neza mu kivandimwe.

Intambara zarahagaze, batangira gusenyera umugozi umwe. Rugano avuga ko bateguye iki gitaramo bahuza imbaraga, Abarundi n'Abanyarwanda, biba amahire mu mpera z'iki Cyumweru Perezida Kagame agirana ibiganiro na mugenzi we w'u Burundi, Ndayishimiye Evariste.

Akomeza ati 'Nibyo rero tubona ko byatubera ikitegererezo. Kuko abakurambere bacu, abayobozi bacu bakoze ibyo. Twanagize ikiganiro kuri Televiziyo, Umukuru w'Igihugu cyacu (u Rwanda) abonana n'Umukuru w'Igihugu cyabo (U Burundi) tubonamo ikimenyetso gikomeye, kuba bibaye icyo gihe biba bisubiriza mu nkoko ibyabaye mu mateka yacu no mu murage wacu. Kandi, umurage mwiza.'

Kwinjira muri iki gitaramo ni 20,0000 Frw mu myanya y’icyubahiro, 10,000 Frw ku bantu bakuru na 5,000 Frw ku bana. 

Abarimo umusizi Kalisa Rugano na Niyonzima Yannick bahuje imbaraga mu gutegura igitaramo 'Kaze Rugamba', gishingiye ku ndirimbo Abanyarwanda bifashishije mu kwakira umwami Rugamba.

Umusizi Rugano yagarutse birambuye ku masezerano yo kutazaterana yiswe 'Imimaro' hagati y'u Rwanda n'u Burundi 

Kalisa Rugano yavuze ko bitegura gukina umukino ugaruka birambuye ku byabereye 'mu Twicarabami twa Nyaruteja' 

Nzoyisaba Omer wo muri Club Intwari, avuga ko kuba bari gukorana na Kalisa Rugano babanye mu Burundi bizafasha gukomeza gutegura ibikorwa biteza imbere umuco, kandi bitsimbaza amahoro 

Niyonzima Yannick yavuze ko nyuma y'igitaramo 'Kaze Rugamba' bazakora n'ibindi bikorwa bigamije guteza imbere Inganda Ndangamuco 

Mukahigiro Christine yavuze ko biteguye gususurutsa abantu muri iki gitaramo. Kandi gukina ikimamico byamubereye umuti ukomeye 

Sebahima Edouard, avuga ko yatangiye kubyina muri Ballet Mutabaruka kuva mu 2002. Kandi, Kalisa Rugano yamubereye umwarimu mwiza mu bijyanye n'umuco 

Umuririmbyi wo mu Itorero Ballet Mutabaruka, Nkurunziza Athanase avuga ko bamaze igihe bitoza kuririmba basubiramo indirimbo 'Kaze Rugamba' yatuwe umwami w'u Burundi, Rugamba ubwo yasuraga u Rwanda 

Iki gitaramo cyubakiye ku mbyino z'Abanyarwanda n'Abarundi kizaba ku wa 10 Gashyantare 2023

Kanda hano urebe amafoto menshi

AMAFOTO: Ngabo Serge-INYARWANDA.COM

Mu rukerera rwo kuri uyu wa Mbere, umutingito ufite igipimo gihambaye cya 7,8 wibasiriye byihariye igihugu cya Turkey uhirika inyubako nyinshi zirimo izo mu mujyi wa Kahramanmaras, aho ikipe ya Hataryaspor ituye ari naho Christian Atsu abarizwa.

Ibinyamakuru bitandukanye byo ku mugabane w’u Burayi byanditse ko bamwe mu bakozi ba Hataryaspor bakuwe mu nyubako zaguye bamwe bapfuye abandi ari bazima, ariko ko Christian Atsu na Taner Savut uyobora Siporo bo bataraboneka.

Inzu yaguye 

Amarira n’ibihe bibi bikabije byadukiriye Turkey muri iki gitondo, ndetse benshi bafite ubwoba kuko abantu babarirwa mu 1000 aribo bivugwa ko bamaze gupfa mu gihe hari abandi benshi barembye n’ababuriwe irengero.

Imiryango mpuzamahanga ndetse n’inzego z’ubutabazi ziri kwihutira kurokora abagitera akuka, ndetse no kwegura ibibuye ku bo byagwiriye.

Christian Atsu w’imyaka 31 y’amavuko ni rutahizamu unyura ku ruhande (Winger) wamamaye mu makipe atandukanye yo ku mugabane w’u Burayi nka FC Porto, Chelsea na NewCastle ndetse no mu ikipe y’igihugu ya Ghana ‘Blackstars’.

Atsu ubwo yakiniraga NewCastle

Umutingito wateye amarira n’agahinda

Jimmy Gatete abinyujije ku rukuta rwa Instagram yafashe umwanya ashimira Mukura Victory Sports, ayivuga imyato yibutsa abantu uburyo iyi kipe yamugize uwo ariwe ubu. Yagize ati “Mukura Victory Sports yampaye amahirwe menshi kugira ngo ngere ku ntego zanjye, mu rugendo rw’umupira w’amaguru. Ni ikipe itaratinye gukinisha umwana w”imyaka 15, mu cyiciro cya shampiyona mu Rwanda. Mukura ni ikipe itangaje mu kuzamura abana bakiri bato.”

Gatete Jimmy aza mu bakinnyi u Rwanda rwagize, ndetse abenshi banemeza ko ariwe mukinnyi wahaye ibyishimo abanyarwanda yivuye inyuma

Jimmy Gatete yakiniye Mukura kuva 1995, 96, 1997 atizwa muri Rayon Sports yaje no guhindura ibyangombwa birangira ivuze ko uyu mukinnyi ari uwayo, ahita ajyana n’ikipe muri CECAFA mu 1998. Umwe mu mikino yagize Gatete Jimmy ikimenyabose muri Mukura, ni umukino wa gicuti Mukura cyakiriyemo KCCA, Mukura iyitsinda ibitego 5-1, harimo ibitego 3 bya Jimmy Gatete. 

Nyuma yo kugera muri Rayon Sports, Gatete Jimmy yaje kujya no muri APR FC, Maritzburg United, agaruka muri APR FC, ayivamo ajya muri Rayon Sports, ayivamo ajya muri Police FC ahava ajya muri St. George ari naho yashoreje umupira w’amaguru. 

Mukura nayo yagiye ku mbuga nkoranyambaga ishimira Gatete ku kuba yibuka ibihe byiza bagiranye