Category: Uncategorized

Guverinoma ya Congo ivuga ko yamaganye igikorwa cyo kurasa ku ndege ya MONUSCO aho yashinje umutwe wa M23 kuba inyuma y'iki gitero.

Ibi byabaye mu gihe ku wa Gatandatu i Bujumbura hateranye inama y'Abakuru b'Ibihugu by'Akarere, ikemeza ko imirwano ihita ihagarara.

Igitero ku ndege ya kajugujugu, Oryx ya MONUSCO, Congo ivuga ko cyakozwe n'inyeshyamba za M23, ivuga ko zishyigikiwe n'u Rwanda, ndetse ko cyabereye mu gace izi nyeshyamba zigenzura.

Amasasu yarashwe iriya ndege yahitanye umutekinisiye wayo ukomoka muri Africa y'Epfo, ndetse anakomeretsa umupilote wari utwaye indege, nubwo yabashije kuyigusha ku kibuga cy'indege i Goma.

Guverinoma ya Congo, ivuga ko iki gitero kuri iyi ndege kigaragaza uburyo 'M23 mu buryo butari impanuka ishaka kwibasira ingabo za UN.'

Muri iri tangazo Congo yibutsa iraswa ry'indi ndege ya kajugujugu ya MONUSCO yahaniriwe mu misozi ya Tshanzu igahitana abantu 8 bari bayirimo, icyo gitero cyabaye tariki 29 Mutarama, 2022.

RD Congo kandi yibutsa ko hari igitero cyagabwe i Kiwanja tariki 29 Ukwakira, 2022 cyaguyemo abasirikare ba UN bagera kuri 4.

Itangazo rivuga ko 'Guverinoma ya Congo isaba Akanama ka UN gashinzwe umutekano ku isi guhita gafatira ibihano inyeshyamba za M23, n'abazishyigikiye 'u Rwanda', kubera ibyaha by'intambara bikorerwa abakozi ba MONUSCO.'

RD Congo kandi ivuga ko iri gukorana na MONUSCO kugira ngo hamenyekane neza amakuru y'iki gitero, ikaba yihanganishije igihugu cya Africa y'Epfo, na MONUSCO muri rusange.

Umuvugizi wa M23 Maj. Willy Ngoma, yavuze ko iyi ndege ikwiye kubazwa ingabo za RDC (FARDC) n'abambari bazo ari bo FDLR, Nyatura, Mai-Mai n'indi mitwe yitwaje intwaro bakorana kuko iyo ndege yarasiwe ku gace gasanzwe gacungiwe umutekano n'ingabo za Leta.

Yagize ati: 'Bitandukanye n'ibikomeje guhwihwiswa, nta kintu kidasanzwe cyabereye mu gace gacungiwe umutekano na M23. Niba Guverinoma ya RDC ishaka gukoresha uburyarya ngo yinjize MONUSCO mu ntambara yeruye na M23 ni yo izisanga yashibukanywe n'umutego mutindi.'

Nubwo hemejwe ko imirwano ihagarara muri Congo, kuri uyu wa Mbere nabwo imirwano hagati ya M23 n'ingabo za Leta yakomeje.

MONUSCO imaze imyaka irenga 20 muri RDC ariko kugeza ubu ntacyo yashoboye kugeraho mu bijyanye no guhagarika intambara zimaze imyaka myinshi mu burasirazuba bwa Congo. Abaturage batari bake ba Congo babona ko izi ngabo ntacyo zimaze.

Iki gitero kibaye mu gihe mu mujyi wa Goma imyigaragambyo yo kwamagana M23 no gusaba ingabo z'akarere ka Afrika y'Ubusrasirazuba kurwanya uyu mutwe w'inyeshamba ikomeje.

Iyi myigaragambyo yatangiye ku wa gatanu, ikomeza no ku wa gatandatu, ku cyumweru n'uyu munsi.

Source : https://umuryango.rw/amakuru/mu-mahanga/umutekano/article/leta-ya-kongo-yaahinje-m23-kurasa-ku-ndege-ya-monusco

Mu mukino Rayon Sports yakiriyemo Kiyovu Sports kuri iki cyumweru tariki ya 05 Gashyantare 2023, habaye amakimbirane yavuyemo gufatana mu mashati hagati y'abakinnyi, kugeza ubwo Polisi y'Igihugu ihagobotse ikayahosha.

Nkuko amakuru dukesha IGIHE abitangaza,ubwo ikipe ya Kiyovu Sports yari igeze i Muhanga, yasanze Rayon Sports yo yahageze mbere, myugariro wayo unakinira Ikipe y'Igihugu Amavubi, Ndayishimiye Thierry yangiwe kwinjirana n'abandi mu rwambariro kuko atari yambaye imyenda y'ikipe.

Uyu musore utarakinnye uyu mukino kubera ikibazo cy'imvune, yaje yambaye ipantalo y'itiriningi, umupira w'umweru, yarengejeho ijire n'ingofero by'umukara.

Ubushyamirane bwatangiye ubwo Ushinzwe gucunga urwambariro rwa Rayon Sports, Hakizimana Rafiki, yabuzaga uyu musore kwinjirana n'abandi.

Yamubwiye ati 'Niba utambaye imyenda isa n'iy'ikipe yawe bivuze ko utari bukine. Niba utari bukine rero nturi bwinjire hano ca ku irembo ujye mu myanya y'icyubahiro.''

Akimara kumubwira ayo magambo, Umunyezamu akaba na Kapiteni wa Kiyovu Sports, Kimenyi Yves, yaritaye mu gutwi asubiza Hakizimana ko n'iyo uyu myugariro yaba atambaye imyenda y'ikipe cyangwa atari bubanzemo ariko ari umukinnyi wa Kiyovu Sports.

Mu guterana amagambo ni ho havukiye gushyamirana kugeza n'aho bafatanye mu mashati.

Hahise haza abakinnyi b'impande zombi yaba aba Kiyovu Sports n'aba Rayon Sports bagerageza kubakiza gusa ntibyarangirira aho biba ngombwa ko Polisi yari ishinzwe umutekano ku kibuga na yo ihagoboka ishyiraho akayo, imvururu zibona gucogora.

Umunyamategeko, Umuyobozi w'amarushanwa akaba n'Umuvugizi wungirije w'Ishyirahamwe rya Ruhago Nyarwanda, FERWAFA, Karangwa Jules, yinjiye mu rwambariro guhosha uyu mwuka mubi asangamo Polisi.

Yabasabye gutuza no koroherana bakareka guteza umwuka mubi kandi bitari ngombwa.

Uyu mukino w'Umunsi wa 18 wa Shampiyona wabereye kuri Stade Regional ya Muhanga,warangiye amakipe yombi anganyije 0-0.

Source : https://umuryango.rw/imyidagaduro/imikino/article/abakinnyi-ba-rayon-sports-na-kiyovu-barwanye-mbere-y-umukino-polisi-irahagoboka

Mu mpera z’icyumweru gishize ni bwo umunya-Misiri, Ahmed Adel yatangajwe nk’umutoza mukuru wa Musanze FC yaherukagamo muri 2020 aho batandukanye kubera icyorezo cya Coronavirus.

Mu rwego rwo gusubiza ikipe ku murongo no kongera ikinyabupfura, yashyizeho amakosa ashobora guhanisha umukinnyi n’ibihano yahabwa aho byose bikubiye mu mafaranga.

Nko ku makosa umukinnyi azajya yishyura ibihumbi 5 by’amafaranga y’u Rwanda harimo gukererwa nta ruhushya, guhindurwa umwambaro w’ikipe (kwambara ibyo abandi batambaye kandi mwabibwiwe), guhabwa ikarita y’umuhondo kubera kuvugana n’umusifuzi no kuvuga kuri 'bench’.

Amakosa y’ibihumbi 10 ni; gusiba imyitozo cyangwa inama nta ruhushya wasabye, kurwana na bagenzi ba we, kubwira nabi abatoza, guhabwa ikarita itukura kubera kubwira nabi umusifuzi no kuvugisha ubuyobozi ku mpamvu iyo ari yo yose.

Umukinnyi kandi azajya yishyura ibihumbi 20 mu gihe yasibye umukino wa gicuti nta rushushya no mu gihe yavuye mu mwiherero w’ikipe nta ruhushya yahawe.

Hari kandi n’amakosa umukinnyi azajya yishyura ibihumbi 50 by’amafaranga y’u Rwanda, ayo harimo; kubura ku mukino uwo ari wo wose w’irushanwa no kuza mu myitozo cyangwa inama wanyweye inzoga.

Tariki ya 9 Mata 2020 mu Cyorezo cya COVID-19 hagati ni bwo Musanze FC yandikiye abakinnyi n’abandi bakozi bayo bose ko ihagaritse imishahara yabo kugeza igihe Shampiyona izasubukurwa, Adel Ibrahim yanze kwemera iki cyemezo kuko yavugaga ko bibatunguye ahitamo gutandukana n’iyi kipe.

Tariki 18 Nyakanga 2022 yaje kwerekanwa nk’umutoza wa Gasogi United usimbura Umunye-Congo Guy Bukasa wahagaritswe mu mwaka wa 2021.

Mu Kwakira 2022 baje gutandukana, byavuzwe ko ari ukubera ko hari abakinnyi umutoza atakinishaga kandi ubuyobozi bubyifuza, umutoza akavuga ko badahagaze neza mu myitozo, abo barimo n’umunya-Centrafrigue, Malipangu.

Umutoza Mushya wa Musanze, Ahmed Adel yagarukanye amategeko akakaye

Source : http://isimbi.rw/siporo/article/nyuma-yo-kongera-kugirwa-umutoza-wa-musanze-fc-yashyizeho-ibihano-bikakaye-icya-make-ni-5000-frw-n-aho-icya-menshi-ni-50-000-frw

Abafana batandatu ba Kiyovu Sports bari bamaze iminsi bafunzwe aho bari bakurikiranyweho gutuka umusifuzi Mukansanga Salima, barekuwe.

Ni amakuru yemejwe n’umuyobozi w’abafana ba Kiyovu Sports, Manani Hemed aho yagize ati “ubu tuvugana abafana ba Kiyovu Sports bari bafunzwe bose barekuwe.”

Tariki ya 26 Mutarama ni bwo Urwego rw’Igihugu rw’Ubugenzacyaha rwemeje ko rwatumijeho bamwe mu bafana kugira ngo rugire ibyo rubabaza bijyanye n’ibyabereye i Bugesera.

Abatumijweho ni batandatu bakaba barahise bafungwa nk’uko umuvugizi w’Urwego rw’Ubugenzacyaha, Dr Murangira B Thierry yabyemereye ISIMBI.

Ati “Bakurikiranyweho ibyaha birimo gukoresha imvugo zirimo ibitutsi bigize icyaha cyo gutukana mu ruhame ndetse n’icyaha cy’ivangura, ibi byaha barakekwaho kuba barabikoze igihe habaga umukino w’umupira w’amaguru wahuzaga ikipe ya Kiyovu Sports na Gasogi United wabaye tariki ya 20 Mutarama mu Karere ka Bugesera.”

Tariki ya 31 Mutarama 2023, RIB yemeje ko dosiye y’aba bafana yamaze kugera mu Bushinjyacyaha kugira ngo bakurikiranwe mu nzira y’ubutabera.

Ku wa Gatanu w’icyumweru gishize ni bwo aba bafana bagiye muri pariki kubazwa ku byaha bakurikiranyweho. Mu gitondo cyo kuri uyu wa Mbere tariki ya 6 Mutarama 2022 bakaba barekuwe.

Batandatu bari bafunzwe ni; Nishimwe Madina, Harerimana Aziz, Salima Jeanne, Ikitegetse Fatuma, Nsengimana Amza na Bigirimana Abdul Basta

Bakaba bari bafungiwe muri Sitasiyo za RIB za Kicukiro, Kacyiru na Remera ya II ahazwi nko kuri Good Year (Godiyari).

Ni nyuma y’uko ku wa Gatanu tariki ya 20 Mutarama 2023 ubwo Gasogi United yari yakiriye Kiyovu Sports mu mukino w’umunsi wa 16 amakipe yombi anganya 0-0, bamwe mu bakunzi ba Kiyovu Sports batishimiye imisifurire batutse umusifuzi Mukansanga Salima wasifuye uyu mukino.

Abafana ba Kiyovu Sports batishimiye bimwe mu byemezo uyu musifuzi yagiye afata byatumye bamuririmba n’umukino ukirimo ko ashaje.

Bagize bati “urashaje, urashaje, urashaje.”

Ubwo umukino wari urangiye, Salima arimo agenda agana mu rwambariro, ni ho yahuriye n’uruva gusenya aho batangiye kumuririmba bati “Malaya! Malaya! Malaya!”

Ubwo baririmbaga ibi, umwe yamanutse ashaka kujya gutangira abasifuzi ngo abasagarire ariko abashinzwe umutekano baritambika baramutangira.

Abafana ba Kiyovu Sports bari bafunzwe barekuwe

Source : http://isimbi.rw/siporo/article/abafana-6-bari-bafunzwe-barekuwe

Kuri iki cyumweru muamasah y'amanywa nibwo ubuyobozi bwa AS Kigali bwatangaje ko butazitabira imikino y'igikombe cy'Amahoro 2023, nyuma y'iyo nkuru mu gitondo cyo kuri uyu wa mbere nibwo yahise itangaza ko yagiranye amasezerano Manzi Thierry nk'umukinnyi wayo mushya mu myaka ibiri iri imbere.

Babinyujije ku rubuga rwayo rwa Twitter, ku cyumweru tariki ya Gashyantare 2023 iyi kipe ikaba yaramenyesheje abayikurikira ko itazitabira imikino y'igikombe cy'Amahoro 2023 nubwo nta mpamvu n'imwe batanga itumye basezera ku gukina imikino y'uyu mwaka.

Iyi kipe isezeye mu mikino y'igikombe cy'Amahoro 2023 ni nayo iheruka gutwara igikombe k'iki giheruka cyatumye ihagararira igihugu mu mikino Nyafurika ya CAF Confederations Cup, gusa si ubwa mbere yari itwaye iki gikombe kuko ifite ibikombe 4 by'Amahoro harimo bibiri yatwaranye n'umutoza Casa Mbungo Andre.

Nyuma yo kwikura muri iri rushanwa, Ishyirahamwe ry'umupira w'amaguru mu Rwanda, FERWAFA yatangaje ko kuri uyu wa gatatu amakipe agomba kwitabira Tombola y'uko amakipe azahura mu mikino iri imbere.

FERWAFA yagize iti 'Komisiyo ishinzwe gutegura amarushanwa mu nama yayo yo ku wa 03/02/2023 yavuguruye tariki yo gutangiriraho imikino y'amajonjora y'ibanze y'igikombe cy'Amahoro ishyirwa tariki 14/02/2023 Aho kuba 07/02/2023 nk'uko byari biteganyiwe.

Kuri uyu wa gatatu tariki 08/02/2023 saa 10h00 ku kicaro cya FERWAFA hateganyiwe tombola y'uburyo amakipe azakina kuva mu majonjora y'ibanze.'

Ku ruhande rwa AS Kigali kandi yabyutse itangaza ko iyi kipe y'abanyamujyi yamaze kumvikana na Manzi Thierry kuba agiye kuyikinira mu gihe cy'imyaka ibiri iri imbere, ni nyuma yaho uyu myugariro yari amaze iminsi igera mu mezi atandatu adafite ikipe akinira, ni nyuma yaho yari yatandukanye na AS FAR yo muri Morocco.

The post AS Kigali yasezeye mu gikombe cy'Amahoro 2023,yasinyishije myugariro Manzi Thierry amasezerano y'imyaka ibiri appeared first on RUSHYASHYA.

Source : https://rushyashya.net/as-kigali-yasezeye-mu-gikombe-cyamahoro-2023yasinyishije-myugariro-manzi-thierry-amasezerano-yimyaka-ibiri/?utm_source=rss&utm_medium=rss&utm_campaign=as-kigali-yasezeye-mu-gikombe-cyamahoro-2023yasinyishije-myugariro-manzi-thierry-amasezerano-yimyaka-ibiri

Inzira yo mu kirere (canopy) iri hejuru ya Pariki y'Igihugu ya Nyungwe, mu bihe bya vuba iraza kwiyongeraho umugozi ujya kureshya n'ikilometero wifashishwa mu gutembereza ba mukerarugendo mu kirere birebera ibyiza nyaburanga.

Zipline ivugwa mu bukerarugendo itandukanye n'Ikigo 'Zipline' cyasinyanye amasezerano na Guverinoma y'u Rwanda mu gutanga serivisi z'indege nto zitagira abapilote zikwirakwiza amaraso n'ibindi bikoresho by'ubuvuzi ku mavuriro aherereye mu bice by'icyaro n'ahandi bigoranye kubihageza.

Ni umugozi wo mu kirere ushyigikirwa n'inkingi zikomeye, ushobora guhuza imisozi ibiri iteganye, abantu bakaba bifashisha indi migozi yabugenewe bihambira iyashye n'utwuma twabugenewe tunyerera kuri wa mugozi ureremba mu kirere.

Niyigaba Protais, Umuyobozi w'Ikigo gishinzwe imicungire ya Pariki y'Igihugu ya Nyungwe cyitwa Nyungwe management Company (NMC Ltd), avuga ko uwo mugozi uzaba watangiye gushyirwa mu bikorwa bitarenze umwaka utaha.

Uw mugozi witezweho gukurura ba mukerarugendo benshi biganjemo abo mu Gihugu imbere, abo mu Karere n'abo muri Afurika muri rusange, kuko wihariye ku kuba ufasha abatembera kureba ibyiza nyaburanga ari na ko bumva umunyenga.

Yavuze ko uwo ari umwe mu mishinga ikubiye muri gahunda y'iterambere ry'ubukerarugendo mu ngingo iteganya kongera ibintu bisurwa na ba mukerarugendo b'Abanyarwanda byiyongera kuri 'canopy'.

Yagize ati: 'Iyo turebye 'canopy walk' (gutembera ku nzira yo mu kirere) iri mu bintu bikundwa cyane n'Abanyarwanda n'abantu bo muri Afurika. Ibintu bias na 'canopy' birahari, turimo gutegura umushinga ndetse n'isoko riri hanze, uyu mwaka ni uwa nyuma wo gupiganira isoko ku bijyanye na 'zipline'.'

Yagaragaje ko mu Rwanda uwo mugozi wabonekaga kuri Mont Kigali gusa nubwo na wo ngo ari mugufi cyane, ati: 'Dushobora kuzakora zipline ifite metero 800, hafi ikilometero, ku buryo umuntu ashobora kuva Kuwinka ikagenda ikamushyira mu ishyamba rwagati ikongera kumugarura.

Hafi ya canopy ni ho dushaka kuzayishyira. Twizera ko ari kimwe mu bintu Abanyarwanda bazimishimira cyane kubera ko abandi bazifite iwabo, ariko iyo unarebye usanga Abanyarwanda bakunda cyane ibintu bisa nk'aho bidasanzwe, birenga cyane ku kuba umuntu yagenda mu ishyamba.'

Bamwe mu bakunda ubukerarugendo bwo mu gihugu, bavuga ko uwo mugozi uzakundwa cyane, kuko worohereza ba mugerarugendo gusura ibyiza nyaburanga ariko ukanafasha abawugendaho kuruhuka banivura umujagararo (stress).

Uwitwa Bizimana Venuste wo mu Mujyi wa Kigali yagize ati: 'Twishimiye aya mahirwe yiyongera ku bindi byiza Leta y'u Rwanda idutekerereza, uzasanga abantu benshi bishimira cyane iriya zipline kubera uburyo ifasha mu kuvura 'stress'. Ni ubunararibonye bushya abakunda gutembera no kuruhuka badashobora kwitesha.'

Hagiye kongerwa umugoze kuri canopy muri Nyungwe

IVOMO: IMVAHO NSHYA

Source : https://umuryango.rw/amakuru/mu-rwanda/ubukungu/article/inzira-ya-canopy-muri-nyungwe-igiye-kongerwaho-akandi-gashya-kadasanzwe

Nyuma y’amezi 6 nta kipe afite, kera kabaye Manzi Thierry yamaze gusinyira AS Kigali amasezerano y’imyaka 2.

Kuva muri Kanama 2022, Manzi Thierry nta kipe yari afite hari nyuma yo gutandukana na FAR Rabat yo muri Maroc yari asojemo amezi 6 y’amasezerano nyuma yo kuva muri Dila Gori yo muri Georgia.

Kuva icyo gihe kugeza uyu munsi uyu mukinnyi ukina mu mutima w’ubwugarizi nta kipe yari afite aho byanavuzwe ko aho yagerageje gukomanga hose nko muri Rayon Sports bamuteye utwatsi.

Mu gitondo cyo kuri uyu wa Mbere tariki ya 6 Mutarama 2023, AS Kigali yatangaje ko yamaze gusinyisha uyu myugariro amasezerano y’imyaka 2.

Ibinyujije ku mbuga nkoranyambaga yagize iti “Manzi Thierry yasinyanye amasezerano y’imyaka 2 na AS Kigali.”

Manzi Thierry yakiniye amakipe atandukanye arimo Isonga, Marines FC y’i Rubavu, Rayon Sports kuva 2015 kugeza 2019, 2019-2021 yari muri APR FC aho yavuye yerekeza muri Dila Gori yo muri Georgia, muri Gashyantare 2022 yahise asinyira amezi 6 FAR Rabat.

Welcoming our New Signing,@thierry_manzi inks Two years deal with AS Kigali 👊#Citizens #thewinningteam #HigherthanAclub pic.twitter.com/e58BgecoUv

— AS KIGALI (@AS_KigaliFC) February 6, 2023

Manzi Thierry yasinyiye AS Kigali imyaka 2

Manzi Thierry ari hagati ya Anne-Lise Kankindi na Team Manager wa AS Kigali, Bayingana Innocent

Source : http://isimbi.rw/siporo/article/kera-kabaye-manzi-thierry-yabonye-ikipe-nshya

“Agahinda gashira akandi ari ibagara!” Ni mvugo ya kinyarwanda izimije ariko iba ishaka kugaragaza ko umuntu ava mu bibazo bimwe ibindi bimusatiriye, ibi ni byo byabaye ku mukinnyi mpuzamahanga wa Rayon Sports ukomoka muri Nigeria, Raphael Osalue.

Nyuma y’igihe kitageze ku kwezi akirutse imvune atangiye gukina, Raphael Osalue yaraye akuwe mu kibuga arira kubera indi mvune yagize ishobora gutuma amara hanze y’ikibuga igihe kinini.

Mu Gushyingo 2022 ni bwo Osalue yari yabazwe imvune yo mu ivi ry’ibumoso yari amaranye igihe kitari gito.

Yari yakize ndetse n’abatoza bamugiriye icyizere babona yakize neza, ejo hashize bari banamubanje mu kibuga ku mukino w’umukeba banganyijemo na Kiyovu Sports 0-0.

Ibyago by’uyu musore yaje kugira imvune mu ivi ry’iburyo ku munota wa 32 aho yahise asimburwa na Kanamugire Roger.

Nyuma y’uyu mukino w’umunsi wa 18, Haringingo Francis agaruka ku mvune ya Osalue yagize ati “Osalue imvune yagize si kuri kwa kuguru babaze, yagize imvune ku kundi kuguru ni cyo gituma mvuga ko tutari twamwihutishije, twari twafashe umwanya wo kumutegura hanyuma uyu munsi ababars ku kundi kuguru nibaza ko tugiye kureba ibintu bye bimeze bite.”

Wari umukino wa kabiri akinnye kuva yakiruka imvune, ni nyuma y’uko mu mukino w’umunsi wa 17 uheruka banganyijemo na Mukura VS 1-1 yinjiye mu kibuga asimbura.

Yasohowe mu kibuga aboroga

Yagize ikibazo mu ivi ry’iburyo

Raphael Osalue aheruka kubagwa ivi ry’ibumoso

Source : http://isimbi.rw/siporo/article/burya-koko-agahinda-gashira-akandi-ari-ibagara-osalue-wa-rayon-sports-yakuwe-mu-kibuga-aboroga

Mu mukino wo mu mvura nyinshi yaguye mu turere twinshi tw’Igihugu kuri iki Cyumweru, abanyezamu b’aya makipe yashinzwe muri za 1960 bombi bahagaze neza mu mukino, bataha bashimwa, bituma amakipe yombi akomeza gukurikirana mu manota.

Umusifuzi, Ishimwe Jean Claude ‘Cucuri’ uzwiho kutavugirwamo n’abanyamupira ngo bihindure imyanzuro ye, ni we wayoboye uyu mukino w’umunsi wa 18 wa Shampiyona wari utegerejwe kurusha indi yose.

Abakinnyi babanje mu kibuga ku ruhande rwa Rayon Sports ni; Hakizimana Adolphe, Ishimwe Ganijuru Elie, Mucyo Didier, Ngendahimana Eric, Mitima Isaac, Rafael Osaluwe, Mugisha Francois, Luvumbu Heritier, Moussa Camara, Joackiam Ojera na Iraguha Hadji.

Rayon Sports XI

SC Kiyovu yabanje mu kibuga; Kimenyi Yves (c), Mbonyingabo Regis, Tuyisenge Hakim, Serumogo Ali, Hakizimana Felicien, Mugiraneza Frodouard, Nshimiyimana Ismael Pitchou, Bigirimana Abeddy, Ssekisambu Erissa, Iradukunda Bertrand na Mugenzi Bienvenu.

SC Kiyovu XI

Abafana ba Rayon Sports bishimiye kwakira rutahizamu mushya, Joachim Ojera wavuye muri URA yo muri Uganda akaba yakinnye umukino we wa mbere ariko kandi bababajwe no kongera kuvunika kwa Raphael Osaluwe wari umaze amezi abiri adakina akaba yababaye amaze gukina iminota 30 gusa.

Abandi bakinnyi ba Rayon Sports bahawe umwanya mu mukino ni Musa Esenu, Nkurunziza Felicien na Ndekwe Navakure Felix basimbuye Mousa Camara, Ganijuru Elie na Iraguha Hadji.

Ku ruhande rwa SC Kiyovu, Muhozi Fred na Riyadh Noordien basimbuye bahawe imyanya na Mugenzi Bienvenu ndetse na Iradukunda Bertrand ‘Kanyarwanda’.

Kanamugire Roger agenzura umupira

Muri uyu mukino, hatanzwe amakarita atanu y’umuhondo arimo abiri ya SC Kiyovu yahawe Mbonyingabo Regis na Mugiraneza Frodouard ndetse n’atatu ya Rayon Sports yahawe Musa Esenu, Heritier Luvumbu na Mitima Isaac.

Uyu mukino warangiye nta kipe n’imwe yinjije igitego wabaye uwa munani wikurikiranya Rayon Sports idatsinda SC Kiyovu. Muri iyo mikino iheruka, SC Kiyovu yatsinze inshuro 6, banganya inshuro ebyiri.

Rayon Sports yagize amanota 33 ijya ku mwanya wa kane naho Kiyovu Sports igira amanota 32 ku mwanya wa gatanu, mu gihe urutonde ruyobowe na APR FC ikurikiwe na Gasogi United.

Abafana bagera ku kibuga 

Ishimwe Claude ‘Cucuri’ ni we wayoboye umukino

Abayobozi babanje kwifatanya n’abakinnyi muri gahunda ya Gerayo Amahoro

Mbonyingabo Regis agenzura umupira

Abafana bari benshi

AMAFOTO: NGABO M. Serge

Source : https://inyarwanda.com/inkuru/125755/rayon-sports-yananiwe-gutsinda-sc-kiyovu-mu-mukino-wa-munani-wikurikiranya-amafoto-125755.html

Ingabo za Loni zishinzwe kubungabunga amahoro mu Burasirazuba bwa Repubulika Iharanira Demokarasi ya Congo (MONUSCO) zatangaje ko indege yazo yarashweho, umuntu umwe akahasiga ubuzima.

Iyo ndege ya kajugujugu yari ivuye mu gace ka Beni mu ntara ya Kivu y'Amajyaruguru, igana mu mujyi wa Goma uri muri iyo ntara.

Itangazo Monusco yashyize hanze, rivuga ko yarashweho n'abantu bataramenyekana itaragera i Goma, umwe mu bari bashinzwe kuyitwara arapfa ariko ibasha kugwa ku kibuga cy'indege cya Goma nubwo umupilote wayo yabikoze yarashwe.

Izo ngabo zamaganye icyo gikorwa, zivuga ko ziteguye gukorana na Leta ya Congo kugira ngo abarashe kuri iyo ndege yayo bamenyekane.

Ntabwo Monusco yatangaje agace iyo ndege yarasiwemo, nubwo hari ibanyamakuru bavuze ko ari muri Rusayo mu gace ka Nyiragongo.

Source : https://umuryango.rw/amakuru/mu-mahanga/umutekano/article/abataramenyekana-barashe-ku-ndege-ya-monusco