Category: Uncategorized

Mu gihugu cya Turukiya na Syria habaye umutingito ukomeye cyane wahitanye abarenga 2000 hanyuma abarenga, abandi benshi barakomereka.

Perezida Paul Kagame yihanganishije ibi bihugu byombi n'abaturage babyo.

Mu butumwa yanyujije kuri Twitter, Perezida Kagame yagize ati 'Nihanganishije cyane Perezida Recep Tayyip Erdoğan, abaturage ba Türkiye (Turukiya), n'aba Syria ku bwo kubura ubuzima bw'abantu benshi, no gusenyerwa n'umutingito.'

Yakomeje agira ati 'Abaturage b'u Rwanda bari kumwe namwe mu kubakomeza muri iki gihe cy'agahinda.'

Ambasade y'u Rwanda muri Turukiya yamenyesheje Abanyarwanda babayo ko bitewe n'uriya mutingito isubitse ibikorwa byo kwizihiza Umunsi w'Intwari z'Igihugu byari kuzaba tariki 10 Gashyantare, 2023 i Ankara.

Imibare y'abapfuye muri Turukiya no muri Syria bose hamwe bageze ku 2,651 Umuryango Mpuzamahanga wita ku Buzima uvuga ko bashobora kwiyongera.

Perezida wa Turukiya yashyizeho icyumweru cy'icyunamo.

Perezida Recep Tayyip Erdogan yavuze ko amabendera azururutswa kugeza hagati mu minsi 7 izarangira tariki 12 Gashyantare, 2023, bikazakorwa ku mabendera y'igihugu n'iy'imiryango cyangwa abahagarariye ibihugu byabo muri Turukiya.

Source : https://umuryango.rw/amakuru/mu-rwanda/ubuzima/article/perezida-kagame-yihanganishije-turukia-na-syria-bashegeshwe-n-umutingito

Hashize iminsi itari mike havugwa izamuka ry'ibiciro rikabije ku buryo bamwe bavuga ko hari ibiribwa byibagiranye mu miryango yabo kubera guhenda kwabyo, bagahitamo kugura ibigerageza kudahenda.

Ibirayi bya Kinigi ni ibirayi bihingwa cyane cyane mu ntara y'iburengerazuba ndetse n'amajyaruru. Ibi birayi uretse gukundwa na benshi biranaryoha, kandi igiciro cyabyo kiba kiri hejuru ukurikije ubundi  bwoko bw'ibirayi.

Mbere gato y'iminsi mikuru ikiro cy'ibirayi bya Kinigi cyari kuri  470rwf, mu minsi mikuru kigera kuri 500rwf ariko iminsi mikuru ikirangira cyaratumbagiye kigera kuri 550rwf. Haciye iminsi mike ibi birayi bya kinigi bigera kuri 600rwf.

Abagurisha n'abagura  byarabagoye kwakira izi mpinduka z'igiciro cy'ibirayi bya Kinigi, bitewe n'uko ubusanzwe ibi birayi bigurwa kurenza ubundi bwoko bw'ibirayi. 

Amahoteri n'amaresitora  yazamuye ibiciro by'iki kiribwa kubera guhenda kwacyo, ndetse n'uburyo bacuruzaga biragabanuka kuko umubare mwinshi w'abakiriya uza wifuza kurya ibirayi basanga byahenze ntibagure.

Bivugwa ko ibirayi bikundwa cyane kubera uburyohe bwabyo, bivamo ifiriti ikomeye isa neza, ndetse abaturage batuye i Burengerazuba n'Amajyaruguru bavuga ko aribyo biryo byabareze bakoresha kenshi, ko batabifite batabaho.

Kuwa 6 Mutarama 2023, twaganiriye n'umwe mu bakozi bo mu rugo wari ugiye guhaha witwa Mutoni. N'ubwo atifuje ko tumugaragaza isura ye, yatubwiraga ko amaze iminsi ajya guhaha ibi birayi yataha nyirabuja akamukekera kumwiba amafaranga, kuko yamuhaga 5000 rwf akazana  ibiro 7 by'ibirayi bivuze ko ikiro cyageze kuri 700rwf.

Yagize ati 'Biratangaje kumva ikiro cy'ibirayi kigera kuri 700rwf! Ni ubwa mbere njyewe mbyumvise kuva navuka.'

Uwera Sifa utuye mu Karere ka Nyabihu kamwe mu duce duhingwamo ibirayi, mu kiganiro twagiranye kuri terefoni yavuze ko ikirere cyahindutse bidasanzwe bakabona umusaruro muke ukurikije uwari witezwe.

Yagize ati “Twezaga byinshi tugasagurira amasoko ndetse tukohereza mu tundi turere harimo n’umujyi wa Kigali, ariko natwe ibyo dufite ntibiduhagije, tubicuruza bihenze kubera ari bike ku isoko kandi Kinigi ikenerwa na benshi.”

Akarere ka Nyabihu bavuga ko umusaruro wabaye muke.

Guverinoma y'u Rwanda mu bihe bitandukanye, yagiye igaragariza abaturage ko hari gushakwa umuti urambye w'iki kibazo cyo kwihaza mu biribwa. Zimwe mu ngamba, Leta yashyize imbaraga mu gushora mu buhinzi kugira ngo umusaruro wiyongere.

Gusa ntitwareka gutekereza ku ntambara ya Ukraine n'u Burusiya yakomeje kugira ingaruka ku izamuka ry'ibiciro mu bihugu bitandukanye, harimo n'u Rwanda. 

 

Source : https://inyarwanda.com/inkuru/125784/kigali-ibirayi-bya-kinigi-byageze-ku-giciro-gihanitse-125784.html

Umugabo wo mu Karere ka Nyanza mu Majyepfo y'u Rwanda akurikiranyweho gusambanya umwuzukuru w'umugore we.

Iki cyaha uwitwa Samuel w'imyaka 43 y'amavuko akekwaho cyabereye mu Karere ka Nyanza mu Murenge wa Rwabicuma mu Kagari ka Mushirarungu mu Mudugudu wa Nyabubare.

Nyirakuru w'umwana bikekwa ko yasambanyijwe ni we watanze amakuru ko umugabo we yasambanyije uwo mwana.

Umwe mu baturanyi babo avuga ko Samuel ' Yashatse uriya mugore yarafite abandi bana ari nabo babyaye ukekwaho gufatwa ku ngufu.'

Umuyobozi w'akarere ka Nyanza Ntazinda Erasme yabwiye UMUSEKE dukesha iyi nkuru ko nyirakuru w'umwana yatanze amakuru bucyeye.

Ati'Nyirakuru yabanje kubiceceka kuko yatanze amakuru bucyeye'

Abaturanyi b'ukekwaho icyaha babwiye UMUSEKE ko nyirakuru w'umwana bikekwa ko yasambanyijwe ari umugore wa Samuel (ufunze) babana byemewe n'amategeko ariko babanye umugore we afite abandi bana.

Bakomeza bavuga ko uriya mugabo watawe muri yombi yabanaga n'umugore we mu kibanza cyo kwa sebukwe kandi mu nzu umugore yubatse.

Amakuru UMUSEKE wamenye nuko umwana yiga mu mwaka wa mbere w'amashuri abanza akaba afite imyaka 7 y'amavuko, ukekwa yajyanwe kuri RIB sitasiyo ya Busasamana.

Ubuyobozi bw'akarere ka Nyanza busaba abaturage kwirinda ibyaha kandi bukirinda guhohotera abana kuko bidakwiye kumva uwagatanze uburere ari we uri kubuhungabanya, bunibutsa abaturage gutangira amakuru ku gihe.

Source : https://umuryango.rw/amakuru/mu-rwanda/umutekano/article/nyanza-umugabo-arakekwaho-gusambanya-umwana-w-imyaka-irindwi-yareraga

UMUHESHA W'INKIKO W'UMWUGA, ARAMENYESHA ABANTU BOSE KO AZATEZA MURI CYAMUNARA KU NSHURO YA GATATU IMITUNGO YIMUKANWA YA GROBAL VENTURES LTD/ADCOMPLIANCE LTD IGIZWE N'IBIKORESHO BITANDUKANYE BIHEREREYE MU MUDUGUDU W'AMAJYAMBERE, AKAGALI KA GASHARU, UMURENGE WA KICUKIRO,AKARERE KA KICUKIRO.

IPIGANWA MU CYAMUNARA MU BURYO BW'IKORANABUHANGA RIZATANGIRA TARIKI YA 07/02/2023 I SAA SITA Z'AMANYWA (12H00) KUGEZA TARIKI YA 14/02/2023 I SAA SITA Z'AMANYWA(12H00).

WIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:+250788734008.

Source : https://umuryango.rw/amatangazo/article/itangazo-rya-cyamunara-y-imitungo-yimukanwa-iherereye-kicukiro-69083

1. Poivron

Kimwe n'imbuto iyi nayo ikungahaye kuri vitamin C dore ko unasanga irusha ubwinshi bw'iyi vitamin nyinshi mu mbuto. Twibutseko iyi vitamin igira uruhare runini mu kongerera ingufu ubudahangarwa bw'umubiri.

Niba kuyirya mbisi utabibasha, wayikatira ku byo kurya bihiye cyangwa bigeye gushya ndetse ushobora no kuyinyuza mu mavuta akanya gato ngo urubisibisi rushiremo.

2. Amashu

Mu mashu dusangamo sulforaphane ikaba izwiho guhangana na kanseri. Iyo uyatetse rero irangirika bityo akamaro kayo mu mubiri ntikabe kakibonetse. Amashu mu moko yayo yose ni byiza kuyarya mabisi, gusa nanone ukirinda kuyarya cyane na kenshi kuko abamo vitamin K nyinshi iramutse irengeje igipimo byagira ingaruka ku maraso.

3. Ibitunguru na tungurusumu

Mu bitunguru na tungurusumu dusangamo allicin izwiho guhangana na kanseri no kongera ubudahangarwa bw'umubiri. Habamo kandi quercetin ikaba nayo ifasha mu gusohora uburozi mu mubiri. iyo ubitetse rero uba wangije izi ntungamubiri. Nubwo benshi tugikaranga ngo gihumuze ibiryo, nunabikora jya usigaza icyo kuza kurya kibisi bimaze gushya kuko nicyo kirimo intungamubiri zikenewe. Tungurusumu nayo wayirya mbisi kandi niba udashaka ya mpumuro yayo wayihekenyana n'ubunyobwa cyangwa se ubuki.

4.Imbuto

Aha ho abantu bose ubanza babizi ko imbuto ziribwa ari mbisi. Gusa nubwo bimeze gutyo ushobora gusanga twirengagiza ko n'imitobe yakozwe mu mbuto iba itagomba gutekwa kuko nayo iba ifite intungamubiri zimwe n'iz'imbuto ikomokaho.

Impamvu imbuto zidatekwa ni uko zikungahaye kuri vitamin C iyi ikaba izirana n'umuriro kuko iyo ihuye n'umuriro ihita yangirika.

5. Ubunyobwa n'utubuto

Agasosi k'ubunyobwa kararyoha yego ariko ni byiza kuba wabirya bidatetse. Ubunyobwa bubonekamo ibinure byiza, poroteyine vitamin n'imyunyungugu inyuranye. Uretse bwo kandi hari n'utundi tubuto biba byiza kurya utadutetse nka :

 Macadamia: kuzirya zidatetse biguha manganese, vitamin B1, magnesium na oleic acid (ibi ni ibinure byiza) umubiri ukeneye
 Imbuto z'ibihaza: zikize kuri Zinc izwiho gufasha mu buzima bw'uturemangingofatizo no kongera ubudahangarwa, imikorere ya thyroid n'imyanya myibarukiro.

Si utwo gusa hanazamo sesame, almonds, walnuts, n'utundi tubuto twose warya tudatetse.

Si ibi gusa warya bidatetse ariko ni bimwe mu byo wazirikana kujya urya bidatetse kuko niho usanga intungamubiri ziyongereye. Wakibaza impamvu uru rutonde rutarimo inyanya na karoti? Impamvu uzayisobanukirwa mu nkuru zacu zizaza.

Source : https://umuryango.rw/imyidagaduro/article/dore-ibyo-kurya-bigira-umumaro-bidatetse-kuruta-kubiteka

Chris Brown yari mu bahatanira igihembo mu cyiciro cya album nziza y'injyana ya R&B, cyegukanywe na Robert Glasper kuri album ye yise black radio III.

Nyuma yuko uyu muhanzi w'ikirangirire atabonye igihembo muri ibi bihembo, yagaragaje umujinya w'umuranduranzuzi wo kuba atakegukanye.

Mu butumwa yanyujije kuri Instagram ye, Chris Brown yavuze ko abategura ibi bihembo batazi ibyo bakora ngo ahubwo ko bari mu mikino.

Yagize ati 'Muri mu mikino, ubundi muri umwanda bwoko ki?'

Mu butumwa bwe, yakomeje yibasira Robert Glasper wegukanye iki gihembo bari bahataniye, ati 'ubundi uwo mwanda ngo Robert Glasper ni inde?'

Uyu muhanzi wakomeje agaragaza umujinya wo kuba ategukanye iki gihembo, yaje gusiba ubu butumwa ariko yongera gushyiraho ubundi bugaragaza ko atanyuzwe no kuba atatwaye kiriya gihembo.

Source : https://umuryango.rw/imyidagaduro/article/chris-brown-yanenze-abategura-itangwa-ry-ibihembo-bya-grammy-awards

Kuri iki gicamunsi ni bwo amakuru yagiye hanze avuga ko Manchester City ishobora gufatirwa ibihano bikomeye cyane. Ubuyobozi bwa shampiyona y’icyiciro cya mbere mu Bwongereza, bubinyujije ku rubuga rwabwo, bwavuze ko iyi kipe ishinjwa uburiganya mu bijyanye n’imitungo yinjije n’iyo yasohoye mu gihe cy’imyaka kingana n’imyaka 9. 

Batangaje ko ibi byatangiye mu mwaka wa 2009 ubwo iyi kipe yatozwaga n’umutayilani Roberto Manchini, bikomeza no mu yindi myaka y’imikino.

Ikindi Manchester City ishinjwa ni uko yaba yaragiye ibeshya imishahara ihemba abakinnyi bayo ugasanga ibahemba amafaranga menshi cyangwa ikabagura menshi, ariko igatangaza amafaranga macye. 

Manchester City kandi ngo yagiye igirana amasezerano y’ibanga na Emirati Club yo kujya bahana abakinnyi bakiri bato kandi ntabwo byemewe. Iri perereza ryari ryaratangiye gukorwa mu kwezi kwa 12 muri 2018.

Dore ibihano iyi kipe ishobora guhabwa:

1. Gukurwaho amanota

2. Gukurwa muri shampiyona

3. Gukurwaho ibikombe

4. Guhagarikwa gukina amarushanwa y’iburayi

5. Guhagarikwa kugura abakinnyi.

6. Gucibwa amande

Ibi bije mu gihe Manchester City itari mu bihe byiza kuko kugeza ubu ni iya 2 irushwa na Arsenal na ya mbere amanota 5.

Na Sergio Aguero agikina muri Manchester City barengaga amabwiriza

Manchester City ntabwo iri mu bihe byiza muri iyi minsi

Source : https://inyarwanda.com/inkuru/125789/manchester-city-ishobora-gufatirwa-ibihano-bikomeye-birimo-no-gukurwa-muri-premier-league-125789.html

Mu ijoro ryo ku wa 4 rishyira ku wa 5 Gashyantare 2023, nibwo Patycope abinyujije ku mbuga nkoranyambaga yashimiye Imana yabahaye umwana w'umuhungu, asangiza abamukurikira umugore bamubyaranye.

Aha yagize ati 'Mumfashe gushima Imana ku mwana w'umuhungu iduhaye, urugendo ntirwari rworoshye, Ndashimira abaganga bose batubaye hafi ba Hopital La CROIX Du Sud (Kwa Nyirinkwaya)'

Uyu mugore Ineza Emmanuella yamenyekanye cyane nk'umuhanga mu kubyina waje no gukora kuri TV1 aho yamenyekaniye cyane mu kiganiro 'Mad vibezz' yakoraga buri wa Gatanu afatanyije na DJ Kelly.

Amakuru ahari ahamya ko Ineza amaze igihe akundana na Patycope ndetse kugeza ubu urukundo rwabo rukaba rwamaze kwera imbuto.

Ni umwana wa kabiri wa Patycope nyuma y'uko asanganywe umukobwa uri mu kigero cy'imyaka itanu uyu akaba ari nawe mfura ye.

Patycope umenyerewe ku mbuga nkoranyambaga nk'impirimbanyi y'iterambere rya muzika, benshi mu bahanzi, abategura ibitaramo n'abandi bakunze kumwiyambaza mu kumenyekanisha ibikorwa byabo.

Source : https://umuryango.rw/imyidagaduro/article/patycope-ari-mu-byishimo-byo-kwakira-umwana-yabyaranye-na-emmanuella-ukora-kuri

Uwahoze ari umukinnyi wa Chelsea na Newcastle, Christian Atsu ari mu bantu bagwiriwe n'ibikuta nyuma y'umutingito ukomeye wo ku gipimo cya 7.8 watikije Turukiya na Siriya.

Uyu munya Ghana wakiniraga ikipe ya Hatayspor,amakuru aturuka muri Turukiya aravuga ko we na bagenzi be bakinana bagwiriwe n'ibikuta cyo kimwe n'abakozi b'ikipe nyuma y'uyu mutingito.

Uyu mutingito wakubise intara zisaga 10 muri Turukia zirimo Kahramanmaras, aho Hatayspor ibarizwa.

Ikinyamakuru Star cyo muri Turukia kiravuga ko abakinnyi babiri n'abatoza 2 bakuwe muri ibi bikuta byasenywe n'umutingito ariko Atsu na Taner Savut,umuyobozi w'imikino babuze na nubu ikipe ishinzwe ubutabazi iri kubashakisha.

Ahmet Eyup, ukinira Yeni Malatyaspor nk'umunyezamu nawe biravugwa ko yagwiriwe n'ibi bikuta.

Atsu watijwe na Everton, yageze muri Hatayspor muri Nyakanga 2021 avuye mu ikipe yo muri Saudi Arabia yitwa Al-Raed.

Yatsinze igitego cyo ku munota wa 97 ubwo ikipe ye yatsindaga Kasimpasa ku cyumweru,amsaha make mbere y'uko uyu mutingito mubi cyane ukubita ahagana saa kumi za mugitondo zo kuri uyu wa Mbere.

BBC yavuze ko abantu barenga1000 bishwe n'uyu mutingito mu gihe abarenga ibihumbi bakomeretse cyane.

Abashinzwe ubutabazi barimo gukuraho ibikuta byaguye kugira ngo barokore abantu byagwiriye nyuma y'aho amazu abarirwa mu magana abomokeye muri biriya bihugu byombi.

Source : https://umuryango.rw/imyidagaduro/imikino/article/christian-atsu-wakiniye-chelsea-yagwiriwe-n-ibikuta-byasenywe-n-umutingito-muri

Abafana batandatu ba Kiyovu Sports bari bamaze iminsi bafunzwe bagizwe abere ndetse bahita barekurwa kuri uyu wa Mbere tariki 6 Gashyantare 2023.

Aba bafana bari bafunzwe kubera ibyaha bakekwaho birimo gutuka umusifuzi mpuzamahanga Salma Mukansanga bamushinja kwitwara nabi ku mukino bahuyemo na Gasogi United.

Tariki ya 20 Mutarama 2023 ni bwo aba bafana batandatu ba Kiyovu Sports bafashwe bakurikiranyweho ibyaha bakoze ku mukino w'Umunsi wa 16 wa Shampiyona, Gasogi United yakiriyemo Kiyovu Sports kuri Stade Bugesera, warangiye amakipe yombi anganyije 0-0.

Aba bafana bari bakurikiranyweho ibyaha birimo ibitutsi byo mu ruhame n'ibindi. Aba ntibishimiye imisifurire kugeza aho batangiye gutuka Mukansanga wari umusifuzi wo hagati, bakoresha amagambo mabi ndetse agize icyaha nk'uko Urwego rw'Igihugu rw'Ubugenzacyaha, RIB, rwabyemeje.

Bamwe bamwise “malaya” abandi bamwita umukecuru ndetse hari n'umwe washatse guca mu rihumye abashinzwe umutekano ngo amugirire nabi.

Dosiye y'abafana ba Kiyovu Sports yoherejwe mu Bushinjacyaha nyuma y'umunsi umwe Komisiyo y'Imyitwarire muri Ferwafa itangaje ko yahanishije Kiyovu Sports kwakira umukino umwe nta bafana bari ku kibuga.

Aba bafana bari bakurikiranyweho ibyaha bibiri birimo icy'Ivangura gihanishwa ingingo ya 163 iteganya igifungo kitari munsi y'imyaka itanu ariko kitarenze irindwi n'amafaranga y'u Rwanda atari munsi ya 500.000 Frw ariko atarenze 1.000.000 Frw.

Icya kabiri bari bakurikiranyweho ni icyo gutukana mu ruhame. Ugihamijwe ahanishwa ingingo ya 161 gihanishwa igifungo kitari munsi y'iminsi 15 ariko kitarenze amezi abiri n'amafaranga y'u Rwanda atari munsi ya 100.000 Frw ariko atarenze 200.000 Frw; imirimo y'inyungu rusange mu gihe kitarenze 15 cyangwa kimwe gusa muri ibyo bihano.

Source : https://umuryango.rw/imyidagaduro/imikino/article/abafana-ba-kiyovu-sports-bashinjwaga-gutuka-mukansanga-barekuwe