Webrwanda Backend

Category: Uncategorized

  • Ubuyobozi bwa APR FC bwigaramye umutoza wa bwo #rwanda #RwOT

    Umuyobozi wa APR FC, Col Richard Karasira bwanyomoje ibyo umutoza w’abanyezamu b’iyi kipe aheruka gutangaza ko batazasubira muri Mapinduzi Cup.

    Nyuma y’uko APR FC isezerewe na Mlandege ntigere ku mukino wa nyuma wa Mapinduzi Cup, ntabwo babyakiriye neza aho bavuze ko bibwe n’abasifuzi babangiye igitego bakanabima penaliti.

    Icyo gihe umutoza w’abanyezamu ba APR FC, Ndizeye Aime Desire ni we wagiye mu kiganiro n’itangazamakuru avuga ko batazagaruka muri iri rushanwa.

    Icyo gihe yagize ati “Ndashaka mutangarize Abanya-Zanzibar, Abanya-Tanzania ko twebwe ubutaha tutazagaruka muri iri rushanwa bikimeze gutya, amakipe araza buri gihe bikaba bimeze gutya? Ntihari amakipe yaje umwaka ushize akibirwa aha akaba yaranze kugaruka? Twebwe si ubwa mbere tuje? Kuki abasifuzi batasifuye neza? Iki ni igisebo.”

    Ejo hashize ku Cyumweru, tariki ya 13 Mutarama 2024, ubwo abakinnyi n’abatoza bari bageze i Kigali bavuye muri Zanzibar, Chairman wa APR FC, Col Richard Karasira yabwiye itangazamakuru ko ibyo Ndanda yavuze atari byo ashobora kuba yarabitewe n’umujinya.

    Ati “Umwe mu batoza, Ndada, ibyo yavuze ntabwo ari byo. Twe tuzajyayo nibadutumira kuko ndategereza ibyo yavuze hari impamvu zabiteye cyane ko Umutoza Mukuru atari ameze neza ku buryo yaganiriza itangazamakuru. Ibyo bihura n’ibya Shaiboub (…) ariko Ndanda ni uburakari bwabimuteye.'

    APR FC yari yitabiriye iri rushanwa bwa mbere ikaba yarageze muri 1/2. Ryaje kwegukanwa na Mlandege yatsinze Simba SC 1-0 ku mukino wa nyuma.

    APR FC yagarutse mu Rwanda aho igiye gukomeza kwitegura shampiyona ndetse n’Igikombe cy’Amahoro aho igomba gukina na AS Kigali ku wa Gatatu muri 1/8.

    Chairman wa APR FC yanyomoje umutoza w’abanyezamu, Ndanda

    Ndanda yari yavuze ko batazongera kwitabira Mapinduzi Cup

    Source : http://isimbi.rw/siporo/article/ubuyobozi-bwa-apr-fc-bwigaramye-umutoza-wa-bwo

  • Real Madrid yihereranye FC Barcelona iyatsinda umuba w’ibitego umunya Brazil Vinicius Junior atsinda ibitego birenga bibiri  – YEGOB #rwanda #RwOT

    Real Madrid yihereranye FC Barcelona iyatsinda umuba w'ibitego umunya Brazil Vinicius Junior atsinda ibitego birenga bibiri.

    Ikipe ya Real Madrid yo mu gihugu cya Espagne mu ijoro rya cyeye yaraye yihereranye mukeba wayo FC Barcelona mu gikombe kiruta ibindi mu gihugu cya Espagne 'Super Cup' maze iyitsinda ibitego 4-1 abakunzi ba FC Barcelona baririra mu myotsi.

    Uyu mukino wabereye mu gihugu cya Arabie Saoudite aho rutahizamu Vinicius Junior ukinira ikipe ya Real Madrid yatsinzemo ibitego bitatu muri bine Real Madrid yatsinze FC Barcelona.

    Abakinnyi batsindiye ikipe ya Real Madrid ni rutahizamu Vinicius Junior watsinze ibitego bitatu wenyine aho icya mbere yagitsinze ku munota wa 7 icya kabiri agitsinda ku munota wa 10 icya gatatu agiterekamo ku munota wa 39 w'umukino mu gihe igitego cya kane cyatsinzwe na mugenzi we w'umunya Brazil Rodrygo ku munota wa 64 w'umukino.

    Impoza marira y'ikipe ya FC Barcelona yatsinzwe na rutahizamu karundura Robert Lewandowski ku munota wa 33 w'umukino.

     

    Source : https://yegob.rw/real-madrid-yihereranye-fc-barcelona-iyatsinda-umuba-wibitego-umunya-brazil-vinicius-junior-atsinda-ibitego-birenga-bibiri/

  • Rayon Sports nyuma yo kubona Umutoza Mohamed Wade ashobora kuzabageza kure bakamwishyura akayabo bakoze igikorwa gishobora koroshya ibintu byihuse – YEGOB #rwanda #RwOT

    Rayon Sports nyuma yo kubona Umutoza Mohamed Wade ashobora kuzabageza kure bakamwishyura akayabo bakoze igikorwa gishobora koroshya ibintu byihuse

    Ku wa gatanu ikipe ya Rayon Sports yatsinzwe umukino n'ikipe ya Gasogi United ibitego 2-1, abakunzi ndetse n'ubuyobozi bwa Rayon Sports butaha bubabaye cyane ndetse bihita bitangira kuvugwa ko Umutoza yirukanwe.

    Nyuma yaho ubuyobozi bwakoze inama yo kwiga kuri Mohamed Wade bivugwa ko atarimo no kumvikana n'abakinnyi bakomeye ba Rayon Sports ndetse inama ifatwamo n'umumwanzuro wo gutandukana n'uyu mutoza.

    Amakuru YEGOB ywamenya ni uko kuri uyu wa mbere ubuyobozi bwa Rayon Sports burakorana inama na Mohamed Wade bamumenyesheko bagomba gutandukana ndetse ahubwo baganire ku kuba batandukana mu buryo bw'ubwumvikane hagati y'impande zombi.

    Ikipe ya Rayon Sports yaraye isubukuye imyitozo yitegura umukino w'igikombe cy'amahoro bazakinamo n'ikipe ya Interforce ubanza ugomba kuba kuri uyu wa kabiri.

     

    Source : https://yegob.rw/rayon-sports-nyuma-yo-kubona-umutoza-mohamed-wade-ashobora-kuzabageza-kure-bakamwishyura-akayabo-bakoze-igikorwa-gishobora-koroshya-ibintu-byihuse/

  • Kate Bashabe yarabyaye bigirwa ibanga? – #rwanda #RwOT

    Kate Bashabe ni umwe mu bakobwa b’ibimero bikurura benshi bityo bikaba imbarutso yo kwibaza ku buzima bwite bw’uyu mwari umaze kuba umugwizatunga.

    Mu mwaka wa 2023 hakwirakwiye inkuru y’uko Kate Bashabe yaba yaribarutse imfura ye ariko akabigira ubwiru.


    Ibi byavuzwe nyuma y’uko yerekanye inzu y’akataraboneka yujuje. Inzu yavugishije benshi bitewe n’ubwiza ifite.

    Mu ‘Amakuru’ ya Radiyo Rwanda, ubwo yabazwaga niba koko yaribarutse imfura ye n’umugabo utaratangajwe.


    Ikibazo cyagiraga kiti “Hari n’amakuru avuga uko ushobora kuba warabyaye?”.


    Kate Bashabe yasubije agira ati “Oya nta mwana mfite, ntago ndabyara, nimbyara nzabibabwira”.


    Kate Bashabe kandi yavuze ko iki ari igihe cyo kudaha agaciro ibihuha n’amakuru badahagazeho cyangwa se bivaniye kuri nyirubwite.


    Kate Bashabe yahakanye amakuru avuga ko yabyaye



    Ikimero cya Kate Bashabe kivugisha benshi

    Source : https://inyarwanda.com/inkuru/138564/kate-bashabe-yarabyaye-bigirwa-ibanga-138564.html

  • Nyagatare : Umuyobozi mu z’ibanze ukekwaho ruswa ya 70.000Frw byamenyekanye atari ubwa mbere #rwanda #RwOT

    Uyu mukozi ushinzwe Irangamimerere mu Murenge wa Kiyombe, yatawe muri yombi mu cyumweru gishize we n’umusore w’imyaka 24 ukekwaho kumuha iyo ruswa.

    Amakuru avuga ko uyu mukozi yahawe iyo rushwa ngo yandike mu bitabo byo gusezerana utaruzuza imyaka yo gushyingirwa mu mategeko.

    Aya makuru yemejwe na RIB icumbikiye aba bombi kuri sitariyo yayo ya Karama kugira ngo dosiye yabo itunganywe ishyikirizwe Ubushinjacyaha.

    Amakuru avuga ko uyu mukozi w’Umurenge atari ubwa mbere akurikiranyweho icyaha cya ruswa, kuko no muri Kanama 2019 ubwo yari umukozi mu Murenge wa Musheri na bwo yatawe muri yombi azira icyaha nk’iki, ariko akaza kurekurwa by’agateganyo n’Urukiko rw’Ibanze rwa Nyagatare.

    Icyo gihe, uyu mukozi we n’abandi bagiye baka abaturage amafaranga buri umwe 1 200 Frw kugira ngo bandikishe abana mu Irangamimerere kandi nta kiguzi byasabaga.

    Ni mu gihe mu mpera za 2020 na bwo yakurikiranyweho icyaha cyo gumba, guhindura cyangwa gukoresha inyandiko mpimbano, na bwo aza kurekurwa kuko hatabonetse ibimenyetso bihagije

    UKWEZI.RW

    Source : http://www.ukwezi.rw/Mu-rwanda/article/Nyagatare-Umuyobozi-mu-z-ibanze-ukekwaho-ruswa-ya-70-000Frw-byamenyekanye-atari-ubwa-mbere

  • Muvara Ronard wa REG VC yatereye ivi Umuhoza… – #rwanda #RwOT

    Ni umuhango wabaye mu ijoro cyo kuri iki Cyumweru tariki 14 Mutarama, ubera mu mujyi wa Kigali ku Gishushu, ahazwi nka Amata n’Ubuki Hotel.

    Muvara Ronard usanzwe ari n’umukinnyi w’ikipe y’igihugu ya Volleyball, yari amaze igihe gisaga imyaka 7 ari mu rukundo na Umuhoza Mariam, kuko batangiye gukundana ubwo bose bigaga mu kigo cy’amashuri yisumbuye cya Rusumo High School. 

    Muvara Ronard uzwiho kurekura ibiro bikomeye cyane, yatangiye gukina umukino wa Volleyball nk’ibizamutunga kuva mu 2013, ubwo yakiniraga ikigo cya Rusumo High School, ahava mu 2017, yerekeza muri APR VC, ayikinira umwaka umwe 2018/19, ahava herekeza muri Gisaga 2020, ayivamo 2023. Aherutse gusinyira REG VC, aho azaba ari umwe mu bakinnyi bahembwa amafaranga menshi muri shampiyona y’u Rwanda.

    Muvara Ronard ubwo yiteguraga kwambika impeta Umuhoza Mariam 

    Umuhoza Mariam nawe ati ‘Yego ndabyemeye’

    Muvara ati ‘Ngwino dufatanye urugendo rw’ubuzima’

    Umuhoza Mariam akiri umunyeshuri mu mashuri makuru

    Muvara na Umuhoza urukundo rwabo rwatangiye bakiri abanyeshuri

    Source : https://inyarwanda.com/inkuru/138581/muvara-ronard-wa-reg-vc-yatereye-ivi-umuhoza-mariam-bamaranye-imyaka-7-bakundana-amafoto-138581.html

  • Real Madrid yatsibuye FC Barcelona yegukana… – #rwanda #RwOT

    Uyu mukino wabaye kuri iki Cyumweru saa tatu z’ijoro ubera kuri sitade yaa Al-Awwar Park iherereye i Riyadh muri Arabia Saudite.

    Ikipe ya Real Madrid yatangiye umukino iri hejuru ihita ifungura amazamu hakiri kare ku munota wa 7 ku gitego cya Vinicius Junior ahawe umupira na Jude Bellingham.

    Uyu mukinnyi ukina anyura ku ruhande rw’ibumoso wari umaze igihe adakina kubera imvune, Vinicius Junior ku munota wa 10 yahise atsinda igitego cya 2 ahawe umupira na Rodrigo.

    Nyuma yo gutsindwa ibitego 2 byihuse, FC Barcelona yatangiye kureba uko yakwishyura maze ku munota wa 33 Roberto Lewandowski yishyuramo kimwe ariko bidatinze nyuma y’iminota 6 gusa Vinicius Junior atsinda icya 3 kuri penariti.

    Mu gice cya kabiri abakinnyi ba FC Barcelona baje bakina ubona nta cyizere, bigeze ku munota wa 64 Umunya-Brazil Rodrigo yatsinze icya 4. Umukino waje kurangira Real Madrid igaritse FC Barcelona ku bitego 4-1 ihita yegukana igikombe cya Super Cup ya Espagne.

    Kugira ngo Real Madrid igere ku mukino wa nyuma yari yasezereye Atletico Madrid iyitsinze ibitego 5-3 naho FC Barcelona yo yari yasezereye Osasuna iyitsinze ibitego 2-0.

    Igikombe giheruka cyo cyari cyatwawe na FC Barcelona ikaba yari yatsinze n’ubundi Real Madrid ku mukino wa nyuma ibitego 3-1.

    Real Madrid yegukanye igikombe kiruta ibindi muri Espagne

    Vinicius Junior yatsinze ibitego 3 wenyine 

    Source : https://inyarwanda.com/inkuru/138580/real-madrid-yatsibuye-fc-barcelona-yegukana-igikombe-kiruta-ibindi-muri-espagne-138580.html

  • Africon2023 : Itsinda A, uku niko bihagaze – YEGOB #rwanda #RwOT

    Mu gikombe cya Afurika cyiri kubera muri Cotê D'Ivoire hamaze gukinwa imikino yo mw'itsinda A ifungura irushanwa.

    kwikubitiro habanje umukino wahuje ikipe ya Cotê D'Ivoire na Guinea Bissau warangiye ikipe ya Cotê D'Ivoire itsinze ikipe ya Guinea Bissau ibitego bibiri kuri zero , n'ibitego byatsinzwe na Bakinnyi  babiri batandukanye harimo umukinnyi wa  Al Nassr Seko Fofana  ku munota wa 4′, ikindi gitego cyatsinzwe n'umusore ukinira  Red star Belgrade Jean-Philippe Krasso ku munota wa 58′, umukino uza kurangira.

    Seko Fofana watsinze igitego gifungura umukino yambaye nimero 8

    Jean-Philippe Krasso watsinze igitego cya Kabiri cya Cotê D'Ivoire yambaye nimero 11

    uyu munsi tariki ya 14 Mutarama 2024 hari hateganyijwe umukino wagombaga guhuza Nigeria na Guinea Equatorial.

    ni umukino watangiye kw'isaha ya 16h00 zo mu Rwanda, utangira amakipe yombi yatakana ikipe ya Guinea Equatorial yaje kubona igitego gitsinzwe na Ivan Salvador ku munota wa 46′ w'umukino maze Victor Osimhen ahita acyishyura ku munota wa 48′ w'umukino.

    Ivan Salvador watsindiye Guinea Equatorial igitego ku munota wa 46′

    Victor Osimhen ufite umupira wambaye na mask niwe watsindiye Nigeria igitego cyo kwishyura 

    Uko Amakipe akurikirana ubu.

    1• Cotê D'Ivoire 3 points.
    2• Nigeria 1point.
    3• Guinea Equatorial 1 point.
    4• Guinea Bissau 0 point.

    Imikino izakurikiraho mw'itsinda A

    Tariki ya 18 Mutarama 2024
    • Equatorial Guinea izakina  Equatorial Guinea 14h00′

    mu gihe Ivory Coastizakina na Nigeria 17h00′

    Source : https://yegob.rw/africon2023-itsinda-a-uku-niko-bihagaze/

  • Harimo igikombe cy’Isi! Minisitiri wa Siporo… – #rwanda #RwOT

    Yabigarutseho mu kiganiro ‘KICK OFF’ cya Televiziyo Rwanda cyo kuri iki Cyumweru tariki 16 Mutarama 2024.

    Aurore Mimosa Munyangaju yavuze ko muri rusange u mwaka wa 2023 warangiye neza hari ibikorwa byinsi u Rwanda rwagezeho mu rwego rwa siporo byo kwishimira harimo na gahunda y’iterambere ry’abato.

    Yagize ati”Wenda nahera ku bikorwa by'iterambere ry'abato. Nk’uko twese tubizi ni gahunda itarangira ,ni gahunda ikomeza, ni gahunda tuzakomeza gushyiramo imbaraga. 

    Ngira ngo uyu munsi icyo twakagombye kwishimira cyane ni imbaraga zashyizwemo mu iterambere ry'abato, uyu munsi iyo urebye amakipe makuru mu mupira w'amaguru yasabwe gushyiraho icyiciro cy'abato ku buryo nabo babona umwanya wo gukina no kuba bagaragaza impano zabo. Ariko hanatangiye amarushanwa y'abato mu mumupira w'amaguru y'abatarengeje imyaka 15 na 17.

    Ikindi twavuga ni mu yindi mikino itari umupira w'amaguru nko muri Basketball twavuga ko hashyizweho icyiciro cya 2 . 

    Yakomeje avuga ko muri uyu mwaka wa 2024 bagomba gushyiramo imbaraga ibi bikorwa bigamije guteza imbere abakiri bato bigakomeza ndetse kandi hakanashyirwa imbaraga mu marerero y'ababigize umwuga.

    Minisitiri wa siporo,yavuze ko u Rwanda ruzakomeza kwitabira amarushanwa mpuzamahanga ariko anavuga ko hari ayo ruzakira. 

    Ati”Ikindi navuga ni ukwakira amarushanwa mpuzamahanga ariko ntabwo twakwakira gusa tutitabira. Ngira ngo mu nzego zose za siporo, mu mashyirahamwe yose ya siporo agera kuri 35, muri 2024 tugiye dufite imikino tuzitabira . 

    Haba ku rwego rw'Afurika, haba ku rwego rw'Isi tuzakomeza tuyitabire ariko ntabwo twabura no kuvuga ko tuzanakira amarushanwa mpuzamahanga.

    Mu marushanwa mpuzamahanga tuzakira navuga,ejo bundi mu kwa 02 tuzatangira twakira EAC Games,mu kwezi kwa 02 dufitemo Tour du Rwanda tumaze kumenyera yazamuye urwego.Nabwo twumva ko tugomba gushyiramo imbaraga cyane mu bakinnyi b'Ababanyarwanda bagomba kuzayakina.

    Ukwezi kwa 04 kurangira dufite umukino nyafurika wa Gymnastics uzaba ari ubwambere tuwakiriye.Nk’uko tubimenyereye ukwa 5 dufitemo,Basketball African League(BAL) igomba gusorezwa mu Rwanda tukaba tunibutsa ko noneho muri uyu mwaka harimo ikipe nshyashya ya APR BBC ariyo igomba kuzahagararira u Rwanda .

    Ngira ngo twagiye tubona izindi kipe mbere zihagararira u Rwandaariko ariko yo ni ubwa mbere izaba igiye kuruhagararira . 

    Noneho mu kwezi kwa 06 dufite Kigali Peace Marathon yo tumaze kuyimenyera tukanibutsa ko Peace Marathon ku rwego rw’Isi yazamutse. Uyu munsi iri rushanwa rikaba rifite abantu bakina ku rwego rw'Isi baza kuryitabira.

    Mu karere ka Rubavu tuzakira IRONMAN 70.3 izaba ari ku nshuro ya 3 u Rwanda ruzaba rwakiriye iri rushanwa. 

    Tugana mu kwezi kwa 8 kwa 9 dufitemo Rwanda Mountain Gorilla,uyu ni umukino w'abasiganwa mu mamodoka tuzongera nanone kuyakira. 

    Muri Tennis nabwo tuzakira Rwanda open,ni irushanwa rigeze ku rwego rwiza kuko naho tubonamo abakinnyi babigize umwuga baturutse ku Isi hose baza bakaryitabira. 

    Ariko nanone muri Tennis hari n'irindi rushanwa rya Davis Cup naryo duteganya kwakira ngira ngo n'umwaka ushize twararyakiriye.

    Ngira ngo ahandi navuga ni mu mupira w'amaguru,tuzakira igikombe cy'Isi cy'abakanyujijeho.Habayeho umwanya wo kumyekanisha iki gikorwa haba ku rwego rw'Afurika no ku rwego rw'Isi. Aha tuzabona abakinnye umupira w'amaguru ku rwego rukomeye bazaza guhurira mu Rwanda mu Kwezi kwa 09.

    Muri uyu mwaka nanone tuzakira inama y'inteko rusange y'ishyirahamwe ryo gusiganwa mu ma modoka ku rwego rw'Isi,ahangaha twavuga ko hazaberamo no gutanga ibihembo.

    Aurore Mimosa Munyangaju yasoje avuga ko kwakira aya marushanwa bizagirira umumaro abakiri bato babona abo bafatiraho icyitegererezo, bikazongera umutungo w'igihugu ndetse no ku muntu wese uzabonamo akazi.

    Usibye ibi kandi n'abakinnyi bazabigiriramo amahirwe yo kuba bashyiramo imbaraga bigatuma babona amakipe hanze ndetse n’amashyirahamwe y'imikino itandukanye mu Rwanda akaba azigiramo uko imikino itegurwa n’ibindi bitundakanye.

    Source : https://inyarwanda.com/inkuru/138573/harimo-igikombe-cyisiminisitiri-wa-siporo-yavuze-ibikorwa-bya-siporo-biteganyijwe-mu-2024–138573.html

  • Rayon Sports yamaze kurangizanya n’umutoza mushya uje gusimbura Mohamed Wade utakiri kumvikana n’abakinnyi bakomeye – YEGOB #rwanda #RwOT

    Rayon Sports yamaze kurangizanya n'umutoza mushya uje gusimbura Mohamed Wade utakiri kumvikana n'abakinnyi bakomeye

    Hashize iminsi micye bivugwa ko Umutoza Mohamed Wade agomba kwirukanwa bijyanye n'imyitwarire ye ubwo yari Umutoza wa Rayon Sports ariko ibye bisa nkaho byarangiye.

    Amakuru dufite ni uko Mohamed Wade yamaze gutandukana na Rayon Sports nyuma y'inama yabaye ku munsi wejo yiga ku myitwarire ye ndetse iyi kipe ikaba yanamaze kurangizanya n'umutoza mushya.

    Amakuru YEGOB dufite ni uko Rayon Sports yamaze kurangizanya na Jimmy Ndayizeye ukomoka mu gihugu cy'u Burundi ndetse werekanye ko ari Umutoza mwiza ubwo yatozaga hano mu Rwanda.

    Source : https://yegob.rw/rayon-sports-yamaze-kurangizanya-numutoza-mushya-uje-gusimbura-mohamed-wade-utakiri-kumvikana-nabakinnyi-bakomeye/