Category: Uncategorized

Mugisha Emmanuel wamamaye muri Sinema Nyarwanda nka Clapton Kibonke, Gatogo n’ayandi yabazwe nyuma y’iminsi ari mu Bitaro.

Abinyujije ku rukuta rwe rwa Instagram, Kibonke yagize ati “kubagwa byagenze neza. Imana irakiza.”

Uyu mugabo akaba yari amaze iminsi arembeye mu Bitaro Byitiriwe Umwami Faisal aho yari arwaye indwara y’ubuhumekero.

Kibonke akaba yamaze kubagwa ndetse bikaba byagenze neza, nubwo akiri mu bitaro yizeye gukira vuba agakomeza akazi ke ka filime.

Kibonke usanzwe ari n’umunyarwenya, yamenyekanye muri filime zitandukanye nka ‘Seburikoko’ ari na yo akinamo yitwa Kibonke, filime ye bwite y’uruhererekane yitwa ‘Umuturanyi’ akinamo yitwa Gatogo.

Clapton Kibonke yabazwe

Ni indirimbo avuga ko yatuye abakiri bato mu rwego rwo kubafasha kumenya amateka, amahoro, umutekano u Rwanda rufite. Ati “Rubyiruko, murinde ibyagezweho, kuko hari ababyitangiye.”

Uyu muhanzi avuga ko mu ntangiriro z’uyu mwaka ari bwo yagize igitekerezo cyo gukora iyi ndirimbo ‘kugira ngo nyikorere amajwi n’amashusho mu rwego rwo kwereka abana bakiri bato kumenya aho urugamba rwatangiriye’.

Akomeza ati “Bakamenya n’amateka y’ibigwi by’abana bato batari gito, batanze ubuzima bwabo kugira ngo u Rwanda rwongere kugira ijambo.”

Muri iyi ndirimbo, Senderi agaragazamo ibice bitandukanye bigaragaza amateka yo kubohora Igihugu.

Agaragaza muri macye uduce turimo: Kagitumba, Matimba, Nyagatare, Gikoba, Gishuro, Karama, Ngarama, Rebero, CND, Mont Kigali, mu Birunga, n’ahandi hagaragaza urugamba rwo kubohora u Rwanda, bagahagarika na Jenoside yakorewe Abatutsi mu 1994.

Ni indirimbo ashyize hanze mu gihe u Rwanda rwitegura kwizihiza imyaka 30 yo Kwibohora. Uyu muhanzi asaba abakiri bato gukomera ku muco w’ubutwari, no gusura ahagaragaza amateka y’urugamba rwo kubohora u Rwanda.

KANDA HANO UREBE INDIRIMBO YA SENDERI HIT NSHYA 

Senderi Hit yasabye urubyiruko kuzirikana ibyo Inkotanyi zakoze kandi rugaharanira kuzirikana ibyagezweho

Senderi yikije ku rugendo Inkotanyi zanyuzemo mu gihe u Rwanda rwitegura kwizihiza imyaka 30 ishize rwibohoye

Umupira w’amaguru ni kimwe mu bintu bihuza abantu baturuka ahantu hatandukanye, bafite imico itandukanye gusa ukaba umukino w’ishyaka kandi ukinwa abakinnyi bakoranaho akaba ariyo mpamvu usanga hari bamwe bakora amakosa aremereye.

Niyo mpamvu ugira amategeko awugegenga aho iyo umukinnyi akoze ikosa ridakomeye cyane ahabwa ikarita y’umuhondo, yakongera gukora irindi naryo rikomeye ariko bitari cyane agahabwa ikarita ya kabiri y’umuhondo, ubundi bikabyara itukura agahita asohorwa mu kibuga.

Hari nuwo usanga ariko akoze irikomeye cyane agahita ahabwa ikarita y’umutuku byihuse, ubundi agasohoka mu kibuga ubwo bagenzi be bagasigara bakina ari 10.

Muri iyi nkuru tugiye kugaruka ku bakinnyi 10 bakomeye batigeze bahabwa ikarita y’umutuku mu buzima bwabo bw’umupira w’amaguru:

10. Michael Carrick 

Umukinnyi w’Umwongereza wakinaga mu kibuga hagati yakinnye umukino we wa mbere mu mateka mu 1997 mu ikipe y’abato ya West Ham United. Nyuma yaje gukomereza n’ubundi muri iyi kipe ariko y’abakuru maze muri 2008 yerekeza muri Manchester United.

Mu ikipe y’amashitani atukura, muri 2008 yahise atwarana nayo igikombe cya UEFA Champions League. Michael Carrick yakinnye muri iyi kipe kugeza muri 2011. Yayivuyemo ayikiniye imikino 300 ndetse ari mu banyabigwi bayo bijyanye n’uburyo yakinagamo. Ni umwe mu bakinnyi batigeze babona ikarita y’umutuku mu buzima bwabo bw’umupira w’amaguru.

9.Gary Lineker 

Umwe muri ba rutahizamu beza umupira w’amaguru w’u Bwongereza wagize ni Gary Lineker. Agikina muri Leicester City yahawe igihembo cy’umukinnyi watsinze ibitego byinshi mu mwaka w’imikino inshuro 5 ndetse mu buzima bwe bw’umupira w’amaguru yegukanye igihembo cy’umukinnyi mwiza muri rusange inshuro 2.

Uyu mugabo usigaye ari umunyamakuru, usibye kuba yarakiniye Leicester City kandi yakiniye Tottenham Hotspur na FC Barcelona, gusa bijyanye n’uburyo yakinagamo ntabwo yigeze ahabwa ikarita y’umutuku kugeza asezeye kuri ruhago burundu.

8. Joao Mouthino 

Umwe mu bakinnyi bakinye igihe kirekire mu ikipe y’Igihugu ya Portugal harimo Joao Mouthino. Mu makipe yakiniye harimo AS Monaco, FC Porto na Sporting CP ndetse yanakinanye n’abakinnyi bakomeye b’abanya-Portugal barimo Cristiano Ronaldo, Pepe na Deco. Yarinze asezera kuri ruhago burundu adahawe ikarita y’umutuku.

7.Xavi Hernandez 

Uwahoze ari umukinnyi w’ikipe y’igihugu ya Espagne, Xavi Hernandez yakunze kuba intangarugero ku bakinnyi bashya bijyanye n’ikinyabupfura yagiraga mu kibuga ndetse n’uburyo yakinagamo kugeza n’aho arinda asezera umupira w’amaguru adahawe ikarita y’umutuku.

Xavi Hernandez yakiniye FC Barcelona imikino 767 none ubu ni umutoza wayo naho ikipe y’igihugu yo yayikiniye imikino 133.

6.Ryan Giggs 

Ryan Giggs ukomoka muri Wakes, yakiniye ikipe ya Manchester United kuva mu mwaka wa 1990 kugeza muri 2014 atwarana nayo ibikombe bitandukanye birimo 13 bya Premier League, 2 bya UEFA Champions League ndetse anafatwa nk’umunyabigwi wayo.

Uyu mugabo wakinaga mu kibuga hagati, nyuma yo gusezera kuri ruhago adahawe ikarita y’umutuku na rimwe, yahise aba umutoza wungirije muri Manchester United nyuma atoza ikipe y’igihugu ya Wales, gusa ubu nta kipe afite atoza.

5.Raul Gonzalez

Uyu mukinnyi ukomoka muri Espagne wakiniye ikipe ya Real Madrid kuva mu 1994 kugeza muri 2010 agatwarana nayo ibikombe 6 bya shampiyona na 3 bya Champions League ndetse akaba muri 2008 yaragizwe umukinnyi wa La Liga, nawe aza mu bakinnyi batigeze bahabwa ikarita y’umutuku.

Raul Gonzalez wakinaga nka rutahizamu kuri ubu ni umutoza aho atoza ikipe ya Real Madrid y’abatarengeje imyaka 19.

4.Philip Lahm 

Philip Lahm wahoze akinira FC Bayern Munich ari na kapiteni wayo agatwarana nayo ibikombe 7 bya shampiyona y’icyiciro cya mbere mu Budage ndetse na kimwe cya Champions League, ntabwo yigeze ahabwa ikarita y’umutuku mu buzima bwe bw’umupira w’amaguru.

Uyu mukinnyi wakinaga nka myugariro ku ruhande rw’ibumoso cyangwa uruhande rw’iburyo yanafashije ikipe ye y’igihugu y’u Budage gutwara igikombe cy’Isi cya 2014 batsinze Argentine ku mukino wa nyuma.

3. Michel Platin 

Uyu munyabigwi w’umupira w’amaguru yakinaga mu kibuga hagati afasha ba rutahizamu gusatira, akaba yaranyuze mu makipe nka Nancy, Saint-Etienne na Juventus kuva mu 1982 kugeza mu 1987.

Michel Platin yanakiniye ikipe y’igihugu y’u Bufaransa ndetse mu bihembo yatwaye ku giti cye harimo Ballon d’Or 3, ibintu bihita bimugira umukinnyi wa 3 watwaye Ballon d’Or nyinshi nyuma ya Lionel Messi na Cristiano Ronaldo.

Nubwo uyu mukinnyi yakoze ibi byose, ariko afite n’ikindi kintu yari yihariye cyo kugira ikinyabapfura mu kibuga, ibintu byatumye asezera kuri ruhago atarahabwa ikarita y’umutuku.

2.Andreas Iniesta

Andreas Iniesta yakiniye ikipe ye y’igihugu ya Espagne ndetse n’ikipe ya FC Barcelona akina mu kibuga hagati none kuri ubu ari gukinira ikipe ya Emirates Club yo muri Leta Zunze Ubumwe z’Abarabu.

Uyu mugabo afatwa nk’umwe mu bakinnyi beza bo mu kibuga hagati Isi y’umupira w’amaguru yagize kandi batagira amahane mu kibuga dore ko nawe aza mu bakinnyi bakomeye batigeze bahabwa ikarita y’umutuku. 

Andreas Iniesta akina muri FC Barcelona yatwaranye nayo ibikombe 9 bya shampiyona na 4 bya Champions League naho mu Ikipe y’igihugu atwarana nayo igikombe cy’Isi cya 2010.

1. Karim Benzema

Rutahizamu ukomoka mu Bufaransa, Karim Benzema kuva yatangira gukina umupira w’amaguru nk’uwabigize umwuga, ntabwo yigeze ahabwa ikarita y’umutuku.

Karim Benzema kuri ubu ukinira Al Ittihad yo muri Arabia Saudite, yamenyekanye cyane akinira ikipe ya Real Madrid guhera muri 2009 kugeza mu mpeshyi y’umwaka ushize aho yayikiniye imikino 439, ayitsindira 238 ndetse anatwarana nayo ibikombe birimo 4 bya shampiyona na 5 bya Champions League.

Uyu mukinnyi yakiniye ikipe y’igihugu y’u Bufaransa guhera mu mwaka wa 2007 kugeza mu mwaka ushize ndetse yanatwaye igihembo cya Ballon d’Or ya 2021-2022.

Nyuma y’iminsi mike agizwe umutoza mukuru wa Rayon Sports, Mohamed Wade biravugwa ko ubuyobozi bw’iyi kipe bwaba bwafashe umwanzuro wo kumusezerera.

Wade wageze muri Rayon Sports nk’umutoza wungirije gutagirana na shampiyona ya 2023-24, guhera mu Kwakira 2023 yatozaga nk’umutoza mukuru w’agateganyo.

Uyu mutoza wari ufite amasezerano y’umutoza wungirije, yasoje igice kibanza cya shampiyona ari ku mwanya wa kane n’amanota 27, inyuma ya APR FC ya mbere yari ifite 33.

Ubuyobozi bw’iyi kipe bwaje gufata umwanzuro wo kumugira umutoza mukuru agatoza imikino ya shampiyona ya 2023-24 akayirangiza.

Gusa bisa n’aho bitagenze neza kuri uyu munya-Mauritania nyuma yo gutsindwa na Gasogi United mu mukino w’umunsi wa 16 ari na wo wafunguraga imikino yo kwishyura ya shampiyona.

Bivugwa ko ubuyobozi bw’iyi kipe bwababajwe cyane no gutsindwa na Gasogi United 2-1 ndetse bubona ko Wade nakomezanya iyi kipe izava mu rugamba rw’igikombe cya shampiyona vuba.

Amakuru ISIMBI yamenye ni uko Rayon Sports yafashe umwanzuro wo gutandukana n’uyu mutoza, hakaba harimo harebwa uburyo batandukana ntibigire ingaruka ku ikipe, ni mu gihe barimo no gutekereza ku musimbura we.

Iri gerageza ryakozwe na Komisiyo y’Igihugu y’amatora mu gitondo cyo kuri uyu wa Gatandatu tariki 13 Mutarama 2024.

Komisiyo y’Igihugu y’Amatora ivuga ko iki gikorwa cy’igerageza ry’amatora ahujwe gifasha kumenya neza umwanya bifata mu gutora kabiri (2), (Perezida wa Reubulika n’abadepite).

Nanone kandi iki gikorwa cy’igerageza, kigamije kumenya umwanya wo kubarura amajwi mu cyumba cy’itora, no kureba ibikenewe byose byazafasha kugirango amatora azagende neza.

Amatora y’Umukuru w’Igihugu n’Abagize Inteko Ishinga Amategeko umutwe w’Abadepite, azaba mu mpeshyi y’uyu mwaka tariki 15 Nyakanga 2024, akazaba abaye ku nshuro ya mbere ahujwe.

UKWEZI.RW